ᠮᠥᠩᠭᠡ ᠭᠠᠯ ᠤᠨ ᠰᠤᠷ ᠳᠡᠭᠡᠷ᠎ᠡ ᠦᠷᠪᠦᠯᠵᠠᠨ ᠨᠤᠴᠤᠭᠰᠠᠨ

ᠮᠤᠩᠭ᠋ᠤᠯ ᠬᠤᠭᠤᠷᠴᠢ

ᠮᠢᠠᠵᠢᠨ ᠬᠠᠩᠭ᠋ᠠᠢ ᠶᠢᠨ ᠰᠠᠯᠭᠢᠨ ᠳᠤᠮᠳᠠ ᠰᠢᠷᠤᠩᠬᠠᠢ᠌ᠯᠠᠨ ᠶᠠᠪᠣᠭᠰᠠᠨ

ᠡᠭᠡ ᠳᠠᠭᠤᠴᠢ

ᠳᠤᠷᠠᠨ ᠳᠤᠷᠠᠳᠤᠮᠠᠯ ᠴᠢᠭ᠍ᠴᠢ ᠰᠠᠨᠠᠭᠤᠯᠭ᠎ᠠ ᠪᠠᠷ

ᠣᠤᠠᠬ᠎ᠠ ᠳᠠᠢ᠌ᠯᠳᠠᠭ ᠶᠤᠩᠬᠤᠷ ᠤᠨ ᠨᠢᠰᠠᠯᠤᠭ᠎ᠠ

ᠣᠷᠠᠨ ᠣᠷᠭᠤᠮᠠᠯ ᠴᠠᠴᠠᠨ ᠰᠢᠪᠠᠳᠠᠯᠭ᠎ᠠ ᠪᠠᠷ

ᠭᠢᠴᠢᠶᠠᠯ ᠣᠷᠤᠳᠠᠭ ᠭᠦᠪᠴᠢ ᠶᠢᠨ ᠳᠠᠳᠠᠭ᠎ᠠ

ᠭᠦᠭᠡ ᠳᠡᠭ᠍ᠷᠢ ᠳᠤᠯᠤᠭᠰᠠᠨ ᠢᠷᠠᠭᠤᠯᠢᠭ ᠠᠢ᠌ᠵᠠᠮ ᠡᠴᠡ ᠴᠢᠨᠢ

ᠭᠦᠭᠦᠭᠡ ᠭᠠᠯᠠᠭᠤᠳ ᠠᠶᠠᠰᠯᠠᠨ ᠭᠡᠯᠡ ᠣᠷᠤᠯ᠎ᠠ

ᠭᠦᠭᠡᠮᠳᠦᠭ᠌ ᠳᠠᠯ᠎ᠠ ᠳᠡᠯᠡᠭ᠍ᠰᠡᠨ ᠳᠠᠭᠤᠷᠢᠯᠢᠭ ᠣᠶᠠᠩᠭ᠋᠎ᠠ ᠡᠴᠡ ᠴᠢᠨᠢ

ᠭᠦᠮᠤᠨ ᠠᠷᠠᠤᠨ ᠰᠠᠴᠠᠷᠠᠨ ᠪᠢᠯᠢᠭ᠌ ᠰᠠᠭᠤᠯ᠎ᠠ

ᠠᠢ᠌ᠷᠠᠭ ᠰᠦᠨ ᠤ ᠮᠢᠨᠢ ᠬᠠᠩᠬᠤᠯᠤᠭᠠᠨ ᠳᠤᠳᠤᠷ᠎ᠠ ᠡᠴᠡ

ᠴᠠᠷᠪᠠᠨ ᠨᠢᠰᠦᠭ᠍ᠰᠡᠨ

ᠣᠬᠠᠭᠠᠯᠢᠭ ᠳᠠᠰ

ᠣᠳᠤᠷ ᠨᠡᠭᠦᠳᠡᠯ ᠤᠨ ᠮᠢᠨᠢ ᠴᠠᠢ᠌ᠯᠠᠯᠭ᠎ᠠ ᠳᠡᠭᠡᠷ᠎ᠡ ᠡᠴᠡ

ᠬᠠᠩᠭᠢᠨᠠᠵᠤ ᠳᠡᠯᠭᠡᠷᠡᠭ᠍ᠰᠡᠨ

ᠶᠡᠷᠦᠮᠳᠡᠭ᠌ ᠳᠤᠤᠯᠢ

ᠮᠤᠩᠭ᠋ᠤᠯ ᠬᠤᠭᠤᠷᠴᠢ︕

ᠴᠢᠪᠢᠯᠳᠠᠨ ᠬᠤᠯᠠᠭᠠᠢ ᠶᠢᠨ ᠡᠯᠢᠭᠡ ᠣᠷᠤᠭᠤ ᠭᠢᠳᠤᠭᠠᠯᠠᠭᠰᠠᠨ

ᠰᠡᠩᠭᠡᠷᠢᠡᠴᠢᠨ ᠭᠠᠳᠠ ᠮᠠᠢ᠌ᠷᠠᠨ ᠤ ᠭᠢᠯᠢᠩᠳᠤ ᠮᠠᠷᠱ

ᠳᠤᠷᠠᠯᠠᠯ ᠵᠢᠷᠭᠠᠯ ᠤᠨ ᠡᠷᠭᠡ ᠴᠢᠯᠦᠭᠡᠨ ᠳᠤ ᠠᠮᠢᠯᠠᠭᠰᠠᠨ

ᠳ᠋ᠠᠨᠠᠪᠠᠯ ᠤᠭ᠍ᠶᠤᠨ ᠠᠩᠭ᠋᠎ᠠ ᠶᠢᠨ ᠣᠶᠠᠷᠠᠭᠤᠨ ᠭᠢᠩᠰᠢᠯ

ᠰᠡᠷᠢᠭᠦᠨ ᠰᠦᠨᠢ ᠶᠢᠨ ᠳᠠᠠᠵᠢ ᠶᠢ ᠳᠤᠶᠠᠭᠠᠷᠠᠭᠠᠨ

ᠨᠠᠮᠬᠠᠨ ᠠᠨᠢᠷᠯᠠᠨ᠎ᠠ ᠁

ᠰᠢᠭᠦᠰᠤ ᠳᠠᠪᠠᠭᠯᠠᠭᠰᠠᠨ ᠨᠠᠮᠤᠷ ᠢ ᠳᠤᠭᠳᠤᠯᠭᠠᠨ

ᠨᠠᠢ᠌ᠷᠰᠠᠭ ᠳᠤᠤᠯᠢᠶᠠᠷᠠᠨ᠎ᠠ ᠁

ᠲᠦᠮᠡᠨ ᠠᠭᠳᠠ ᠳᠠᠪᠭᠢᠯᠳᠤᠭᠰᠠᠨ ᠳᠦᠪᠠᠷᠭᠡᠨ ᠤ ᠴᠢᠮᠡᠭᠡ

ᠳᠦᠷᠪᠡᠨ ᠣᠳᠠᠰᠤᠨ ᠤ ᠴᠢᠨᠢ ᠳᠤᠮᠳᠠᠭᠤᠷ ᠲᠦᠯᠬᠢᠯᠠᠵᠤ ᠢᠷᠠᠨ᠎ᠠ

ᠳᠠᠯᠠᠢ ᠮᠦᠷᠠᠨ ᠴᠠᠯᠭᠢᠯᠠᠭᠰᠠᠨ ᠳᠠᠪᠠᠯᠭᠠᠨ ᠤ ᠱᠤᠤᠭᠢᠶ᠎ᠠ

ᠳᠠᠪᠤᠨ ᠬᠤᠷᠤᠭᠤᠨ ᠤ ᠴᠢᠨᠢ ᠳᠤᠤᠭᠤᠷ ᠳᠠᠪᠠᠷᠠᠵᠤ ᠢᠷᠠᠨ᠎ᠠ

ᠮᠤᠩᠭ᠋ᠤᠯ ᠬᠤᠭᠤᠷᠴᠢ ᠡ᠂   ᠮᠤᠩᠭ᠋ᠤᠯ ᠬᠤᠭᠤᠷᠴᠢᠳ ᠡ

ᠦᠪ ᠰᠤᠶᠤᠯ ᠡᠴᠡ ᠮᠢᠨᠢ ᠦᠨᠳᠦᠰᠦᠯᠠᠵᠤ ᠣᠷᠭᠤᠭᠰᠠᠨ

ᠠᠪᠣᠷᠭᠤ ᠮᠤᠳᠤ᠂

ᠦᠨᠳᠦᠰᠦᠳᠠᠨ ᠶᠠᠰᠤᠳᠠᠨ ᠡᠴᠡ ᠮᠢᠨᠢ ᠴᠤᠭᠤᠷᠠᠵᠤ ᠪᠣᠷᠭᠢᠭᠰᠠᠨ

ᠣᠶᠠᠩᠭ᠋᠎ᠠ ᠶᠢᠨ ᠪᠣᠯᠠᠭ

ᠳᠡᠦᠭᠡ ᠳᠤᠪᠴᠢᠶᠠᠨ ᠳᠤ

ᠡᠭᠦᠷᠢᠳᠡ ᠬᠤᠭᠤᠷᠠᠬᠤ ᠦᠭᠡᠶ

ᠮᠤᠩᠭ᠋ᠤᠯ ᠬᠤᠭᠤᠷᠴᠢ︕