☆ ᠮᠦᠰᠤᠠᠲ᠋ᠠᠭᠢᠨᠢ
ᠵᠠᠮᠤᠬᠠ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠢ᠌ᠮᠠᠨ ᠵᠠᠭᠤᠨ ᠶᠢᠡᠷ ᠣᠩᠰᠢᠭᠳᠠᠭᠰᠠᠨ
ᠠᠠᠳᠠ ᠶᠢᠨ ᠳᠠᠩᠭ᠋ᠠᠷᠢᠭ ᠥᠴᠦᠭᠡᠳᠦᠷ ᠪᠢᠴᠢᠭ᠍ᠳᠡᠵᠤ
ᠨᠥᠭᠦᠷᠯᠡᠯ ᠤᠨ ᠵᠠᠢ ᠨᠥᠭᠦᠭ᠍ᠰᠡᠨ
ᠠᠮᠢ ᠨᠠᠰᠤᠨ ᠤ ᠡᠮᠵᠡᠭᠯᠡᠯ ᠦᠨᠦᠳᠤᠷ ᠮᠠᠷᠳᠠᠭᠳᠠᠨᠠ
ᠳᠠᠮᠤᠵᠢᠨ ᠤ ᠳᠡᠷᠭᠡᠳᠡ ᠣᠴᠢᠷ ᠲᠡᠶ ᠳᠡᠯᠪᠠᠷᠡᠭ᠍ᠰᠡᠨ
ᠳᠠᠷᠢ ᠪᠣᠯ ᠵᠠᠮᠤᠬᠠ
ᠳᠡᠭ᠍ᠷᠢ ᠶᠢᠨ ᠣᠷᠴᠢᠯ ᠳᠤ ᠪᠣᠷᠤᠭᠤ ᠵᠥᠭᠯᠡᠭ᠍ᠰᠡᠨ
ᠳᠡᠷᠭᠡ ᠪᠣᠯ ᠵᠠᠮᠤᠬᠠ
ᠠᠠᠳᠠ ᠶᠢᠨ ᠶᠢᠡᠨ ᠵᠥᠭ᠌ ᠰᠢᠭᠤᠷᠭᠠᠯᠠᠭᠰᠠᠨ
ᠰᠥᠷᠭᠡᠤ ᠣᠮᠤᠭ ᠪᠣᠯ ᠵᠠᠮᠤᠬᠠ
ᠠᠠᠳᠠᠭᠠᠢ ᠪᠠᠨ ᠳᠡᠪᠴᠢᠭᠡᠳ ᠡᠰᠭᠡᠭ᠍ᠳᠡᠭ᠍ᠰᠡᠨ
ᠰᠤᠷᠪᠢ ᠲᠡᠶ ᠵᠡᠭᠦᠳᠤ ᠪᠣᠯ ᠵᠠᠮᠤᠬᠠ
ᠨᠢᠭᠤᠴᠠ ᠳᠤᠪᠴᠢᠶᠠᠨ ᠡᠴᠡ ᠡᠩᠰᠡᠷᠡᠭ᠍ᠰᠡᠨ
ᠦᠨᠦᠴᠢᠨ ᠰᠡᠭᠦᠷᠡᠰᠤ ᠵᠠᠮᠤᠬᠠ ᠪᠠᠢ᠌ᠭᠰᠠᠨ ᠡᠴᠡ
ᠨᠢᠭᠡᠳᠦᠯ ᠵᠠᠳᠠᠷᠠᠯ ᠤᠨ ᠨᠡᠭᠦᠳᠡᠯ ᠤᠨ
ᠥᠷᠦᠭᠡᠰᠤᠨ ᠯᠤᠭᠢᠭ ᠵᠠᠮᠤᠬᠠ ᠪᠠᠢ᠌ᠭᠰᠠᠨ ᠡᠴᠡ
ᠬᠠᠨᠢ ᠬᠠᠶᠠ ᠰᠢᠷᠬᠠᠯᠠᠳᠠᠭ ᠢ
ᠬᠠᠭᠠᠴᠠᠯ ᠬᠠᠶᠠ ᠣᠶᠠᠷᠠᠳᠠᠭ ᠢ
ᠦᠰ ᠬᠠᠶᠠ ᠠᠯᠳᠠᠷᠠᠳᠠᠭ ᠢ
ᠥᠭᠦᠯ ᠬᠠᠶᠠ ᠮᠥᠩᠭᠡᠷᠡᠳᠡᠭ᠌ ᠢ
ᠵᠠᠭᠤᠷᠮᠠᠭ ᠭᠡᠢ᠌ᠰᠭᠦ ᠳᠤ ᠪᠠᠨ ᠵᠠᠮᠤᠬᠠ ᠰᠢᠪᠠᠨᠡᠭ᠍ᠰᠡᠨ ᠶᠤᠮ
ᠵᠢᠷᠦᠭᠡ ᠪᠠᠨ ᠴᠢᠩᠨᠠᠨ ᠵᠠᠮᠤᠬᠠ ᠣᠯᠢᠭᠰᠠᠨ ᠶᠤᠮ
ᠴᠠᠭᠠᠨ ᠭᠡᠷᠡᠮ ᠤᠨ ᠴᠠᠭᠠᠨᠠ ᠨᠠᠭᠠᠨᠠᠬᠠᠨ
ᠳᠤᠮᠤᠭ ᠤᠨ ᠦᠨᠡᠨ ᠴᠠᠳᠢᠭ ᠭᠦᠦᠷᠨᠢᠵᠤ
ᠵᠠᠭᠤᠨ ᠵᠠᠭᠤᠨ ᠤ ᠥᠡᠳᠦᠷᠯᠢᠭ᠌ ᠳᠤ
ᠲᠤᠬᠢᠶᠠᠨ ᠳᠡᠮᠳᠡᠭ᠌ ᠳᠠᠯᠪᠢᠭᠰᠠᠨ ᠶᠤᠮ
ᠵᠠᠭᠤᠨ ᠤ ᠵᠠᠭᠤᠨ ᠳᠤ ᠳᠠᠮᠵᠢᠭᠰᠠᠭᠠᠷ
ᠳᠡᠦᠭᠡ ᠪᠠᠨ ᠪᠢᠳᠠ ᠮᠠᠷᠳᠠᠭᠰᠠᠨ ᠶᠤᠮ
ᠵᠠᠭᠤᠨ ᠵᠠᠭᠤᠨ ᠤ ᠥᠷᠳᠡᠭᠡᠨ ᠳ᠋ᠤ
ᠵᠠᠮᠤᠬᠠ ᠪᠣᠯᠵᠤ ᠳᠤᠭᠯᠠᠭᠰᠠᠭᠠᠷ
ᠵᠤᠰᠠᠯᠠᠩ ᠤᠨ ᠨᠤᠭᠤᠭᠠᠨ ᠪᠠᠭᠤᠷᠢ ᠪᠠᠨ
ᠵᠠᠭᠤᠷᠮᠠᠭ ᠪᠣᠯᠭᠠᠵᠤ ᠬᠤᠴᠤᠷᠠᠭᠠᠭᠰᠠᠨ ᠶᠤᠮ
ᠪᠣᠭᠤᠷᠤᠯ ᠳᠠᠯᠠ ᠳ᠋ᠤ
ᠪᠣᠰᠤᠭᠠ ᠥᠰᠦᠭ᠌
ᠪᠤᠲᠤᠩ ᠲᠡᠶ ᠰᠠᠷᠬᠤᠤᠨ ᠶᠢᠡᠷ ᠰᠠᠪᠳᠤᠨᠠ
ᠪᠣᠷᠬᠠᠨ ᠬᠠᠯᠳᠤᠨ ᠤ ᠭᠡᠯᠳᠡᠷᠡᠭ᠍ᠰᠡᠨ ᠴᠢᠯᠠᠭᠤᠳ ᠥᠤᠷᠰᠠᠨᠠ
ᠪᠣᠯᠭᠢᠭᠰᠠᠨ ᠠᠳᠤᠭᠤᠳ ᠰᠥ᠋ ᠡᠷᠢᠯᠭᠢᠯᠡᠨ ᠨᠠᠳᠬᠤᠨᠡ
ᠠᠷᠠᠩᠭ᠋ᠠᠯᠠᠭᠰᠠᠨ ᠴᠢᠨ᠋ᠸᠠ ᠶᠢᠨ ᠳᠠᠯ ᠡᠴᠡ
ᠠᠯᠳᠠᠷᠠᠭᠰᠠᠨ ᠮᠦᠰᠤ ᠭᠤᠭᠤᠵᠢᠨᠠ
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ
ᠠᠽᠢᠶᠠ ᠶᠢᠨ ᠬᠠᠷᠠ ᠰᠢᠭᠤᠷᠭᠠ ᠶᠢ ᠯᠠ ᠬᠤᠷᠮᠣᠢ᠌ᠯᠠᠨᠠ᠁
ᠳᠡᠦᠭᠡ ᠶᠢᠨ ᠵᠠᠢ ᠡᠴᠡ ᠭᠦᠮᠤᠨ ᠤ ᠵᠠᠢ ᠭᠡᠴᠡᠭᠦᠳᠡᠵᠤ
ᠡᠷᠢᠯ ᠥᠷᠭᠦᠯᠵᠢᠯᠡᠨᠡ
ᠭᠦᠷ ᠬᠠᠭᠠᠨ ᠤ ᠣᠳᠤᠭᠰᠠᠨ ᠵᠥᠭ᠌ ᠡᠴᠡ ᠰᠤᠷᠭᠠᠮᠵᠢ ᠣᠷᠭᠤᠨᠠ︕
ᠵᠤᠬᠢᠶᠠᠭᠴᠢ ᠶᠢᠨ ᠳᠤᠬᠠᠢ᠄ ᠣᠤᠯ ᠨᠠᠷᠠ ᠨᠢ ᠪᠣᠤ ᠭᠦᠸᠧ ᠮᠸᠢ᠂
ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠤᠨ ᠵᠠᠯᠠᠢ᠌ᠳ ᠬᠤᠰᠢᠭᠤᠨ ᠤ ᠢᠠᠳᠠᠷ ᠵᠢᠷᠭᠤᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭ᠋ᠤᠯ ᠭᠡᠯᠡᠨ ᠤ ᠪᠠᠭᠰᠢ
ᠵᠤᠬᠢᠶᠠᠭᠴᠢ᠄ ᠮᠦᠰᠤᠠᠲ᠋ᠠᠭᠢᠨᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2914
ᠴᠠᠭ᠄ 2009 ᠤᠨ ᠤ 03 ᠰᠠᠷᠠ ᠶᠢᠨ 06
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ