☆ ᠬᠠᠨ ᠭᠡᠨᠳᠡᠢ
ᠭᠦᠭᠡ ᠰᠦᠮᠡ ᠶᠢᠨ ᠭᠤᠨᠢᠷᠬᠠᠯ
ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠢᠷᠦᠭᠡᠯ ᠤᠨ ᠬᠤᠷᠠᠯ
ᠴᠠᠭ ᠲᠠᠭᠠᠨ ᠡᠭᠢᠯᠡᠵᠡᠢ᠃
ᠵᠠᠭᠤᠨ ᠵᠥᠭ᠌ ᠤᠨ ᠰᠥᠰᠦᠭ᠍ᠳᠡᠨ ᠮᠦᠷᠭᠦᠯᠳᠡᠨ
ᠪᠣᠯᠵᠤᠭᠰᠠᠨ ᠦᠭᠡᠶ ᠴᠤᠭᠯᠠᠵᠠᠢ᠃
ᠭᠤᠷᠪᠠᠨ ᠳᠦᠷᠤ ᠶᠢᠨ ᠳᠠᠭᠢᠯ ᠳᠠᠪᠢᠯᠭᠠ ᠶᠢ
ᠭᠦᠷᠳᠡᠭ᠍ᠰᠡᠭᠡᠷ ᠢᠷᠡᠭ᠍ᠰᠡᠨ
ᠭᠤᠷᠪᠠᠨ ᠵᠠᠭᠤᠨ ᠨᠠᠰᠤᠳᠠᠢ ᠪᠣᠭᠤᠷᠤᠯ ᠰᠦᠮᠡ
ᠯᠠᠷᠵᠢᠶᠠᠳᠠᠢ ᠰᠡᠭᠦᠢᠨᠡᠮ᠃
ᠵᠠᠵᠢᠨ ᠦᠰᠦ ᠨᠢ ᠪᠦᠷ ᠴᠠᠢ᠌ᠭᠰᠠᠨ
ᠬᠤᠶᠠᠷ ᠨᠠᠰᠤᠳᠠᠨ
ᠵᠢᠷᠠ ᠡᠴᠡ ᠬᠤᠯᠠ ᠴᠠᠭᠠᠭᠤᠷ ᠠᠮᠢᠳᠤᠷᠠᠵᠤ ᠶᠠᠪᠣᠭᠰᠠᠨ
ᠠᠮᠢᠳᠤ ᠳᠡᠦᠭᠡᠴᠢᠨ
ᠰᠦᠮᠡ ᠶᠢᠨ ᠡᠮᠦᠨᠡᠭᠢ ᠭᠦᠭᠡ ᠴᠢᠯᠠᠭᠤᠨ
ᠶᠠᠠᠳᠠᠷ ᠲᠤ ᠰᠠᠭᠤᠭᠠᠤᠨ
ᠰᠡᠭᠦᠷᠡᠰᠦᠯᠡᠵᠤ ᠪᠠᠢ᠌ᠭᠠᠤᠨ ᠢᠩᠭᠢᠵᠤ
ᠶᠠᠷᠢᠬᠤ ᠶᠢ ᠨᠢ ᠪᠢ ᠰᠤᠨᠤᠰᠤᠯᠠ ᠁
ᠴᠢᠩ ᠤᠨ ᠦᠶᠡ ᠳᠤ ᠡ᠊ᠨᠳᠡ ᠴᠢᠨᠢ ᠶᠠᠷᠤ
ᠴᠠᠪ ᠴᠡᠪᠠᠷᠭᠡᠨ ᠭᠠᠵᠠᠷ ᠪᠠᠢ᠌ᠵᠤ ᠭᠡᠨᠡ
ᠢᠷᠭᠡᠨ ᠣᠯᠤᠰ ᠤᠨ ᠦᠶᠡ ᠳᠤ ᠴᠤ ᠭᠡᠳ
ᠢᠳᠡᠭᠡᠯ ᠰᠥᠰᠦᠭ᠌ ᠤᠨ ᠣᠷᠤᠨ ᠭᠡᠨᠡ
ᠰᠦᠮᠡ ᠶᠢᠨ ᠭᠤᠷᠢᠶᠠ ᠳᠤ ᠨᠢᠯᠪᠣᠵᠤ ᠴᠤ ᠪᠣᠯᠬᠤ ᠦᠭᠡᠶ
ᠰᠦᠷᠡᠭᠡᠢ ᠬᠤᠷᠢᠭᠠ ᠲᠡᠶ ᠣᠷᠤᠨ ᠪᠠᠢ᠌ᠵᠠᠢ ᠭᠡᠨᠡ᠂
ᠰᠥᠰᠦᠭ᠌ ᠶᠢᠡᠨ ᠭᠦᠢᠴᠡᠭᠡᠭᠦ ᠪᠠᠷ ᠢᠷᠡᠭ᠍ᠰᠡᠨ ᠮᠦᠷᠭᠦᠯᠴᠢᠳ
ᠰᠥᠭᠦᠳᠴᠤ ᠪᠠᠢ᠌ᠭᠠᠤᠨ ᠴᠡᠪᠠᠷᠯᠡᠳᠡᠭ᠌ ᠪᠠᠢ᠌ᠵᠤ ᠭᠡᠨᠡ
ᠣᠷᠢᠳᠤ ᠣᠷᠢᠳᠤ ᠳᠠᠭᠠᠨ ᠰᠦᠮᠡ ᠭᠡᠢ᠌ᠤᠨ ᠴᠢᠨᠢ
ᠣᠰᠤ ᠳᠤᠰᠤᠨ ᠳᠠᠭᠢᠯ ᠲᠡᠶ ᠶᠤᠮᠰᠠᠨ
ᠣᠳᠤ ᠬᠠᠷᠢᠨ ᠰᠦᠮᠡ ᠭᠤᠷᠢᠶᠠ
ᠬᠤᠭ ᠨᠤᠪᠰᠢᠨ ᠡᠷᠭᠦᠯ ᠲᠡᠶ ᠪᠣᠯᠵᠠᠢ᠃
ᠡᠷᠳᠡ ᠳᠡᠭᠡᠳᠤ ᠳᠡᠭᠡᠨ ᠡᠨᠡ ᠭᠠᠵᠠᠷ
ᠠᠷᠴᠠ ᠭᠦᠵᠢ ᠠᠩᠭᠢᠯᠤᠳᠠᠭ ᠪᠠᠢ᠌ᠯᠠ
ᠡᠨᠡ ᠣᠳᠤ ᠶᠢᠨ ᠪᠣᠯᠪᠠᠰᠤᠨ ᠴᠠᠭ ᠲᠤ ᠬᠠᠷᠢᠨ
ᠰᠢᠩᠭᠡᠭ᠌ ᠰᠢᠵᠢᠩ ᠥᠨᠦᠷᠳᠦᠭᠦ ᠪᠣᠯᠵᠠᠢ ᠁
ᠰᠡᠭᠦᠷᠡᠰᠦᠯᠡᠵᠤ ᠭᠡᠯᠡᠭᠡᠳ ᠵᠢᠭᠠᠭᠰᠠᠨ ᠵᠥᠭ᠌ ᠲᠤ
ᠰᠤᠨᠢᠭᠤᠴᠢ ᠪᠢ ᠴᠤ ᠰᠢᠷᠪᠠᠵᠤ ᠠᠮᠵᠢᠯᠠ
ᠰᠦᠮᠡ ᠡᠴᠡ ᠵᠡᠭᠦᠡᠳᠡᠢ ᠵᠢᠷᠠᠭᠠᠤᠨ ᠠᠯᠬᠤᠮ ᠳᠤ
ᠬᠤᠭ ᠨᠤᠪᠰᠢ ᠴᠢᠯᠦᠭᠡᠳᠡᠢ ᠭᠦᠭᠯᠡᠷᠡᠨᠡ
ᠰᠤᠨ ᠭᠤᠷᠭᠤᠤᠯ ᠰᠢᠭ᠌ ᠰᠤᠭᠳᠠᠢ᠌ᠭᠰᠠᠨ ᠪᠦᠰᠡᠭᠦᠢ
ᠰᠢᠠᠳᠠᠢ᠌ᠭᠰᠠᠨ ᠬᠠᠮᠠᠷ ᠶᠢᠡᠨ ᠠᠯᠠᠭᠠ ᠪᠠᠷ ᠶᠢᠡᠨ ᠳᠠᠭᠯᠠᠨᠠ ᠁
ᠪᠣᠯᠪᠠᠰᠤᠨ ᠰᠠᠢ᠌ᠬᠠᠨ ᠡᠨᠡ ᠨᠡᠢ᠌ᠭᠡᠮ ᠳᠤ
ᠪᠣᠵᠠᠷ ᠨᠤᠪᠰᠢ ᠬᠠᠮᠢᠭᠠ ᠴᠤ ᠭᠦᠭᠯᠡᠷᠡᠴᠢᠳᠡᠭ᠌
ᠪᠣᠷᠬᠠᠨ ᠤ ᠨᠤᠮᠯᠠᠯ ᠴᠤ ᠵᠠᠰᠠᠵᠤ ᠳᠡᠢ᠌ᠯᠭᠦ ᠦᠭᠡᠶ
ᠪᠣᠯᠭᠢ ᠳᠤᠤᠷᠠᠳᠤ ᠶᠢᠨ ᠲᠤᠢ᠌ᠯ ᠪᠣᠯᠴᠢᠪᠠᠤ ︖
ᠬᠤᠨᠤᠭ ᠪᠦᠷᠢ ᠪᠣᠷᠬᠠᠨ ᠳᠤ ᠵᠠᠯᠪᠠᠷᠢᠭᠠᠤᠨ
ᠬᠣᠢ᠌ᠳᠤ ᠳᠦᠷᠤᠯ ᠭᠡᠵᠤ ᠭᠦᠰᠡᠭᠦ ᠶᠢᠨ ᠣᠷᠤᠨ ᠳᠤ
ᠬᠤᠭ ᠨᠤᠪᠰᠢ ᠪᠠᠨ ᠬᠤᠮᠢᠵᠤ ᠬᠠᠰᠢᠴᠢᠬᠠᠪᠠᠯ
ᠡᠨᠡ ᠦᠶᠡ ᠳᠡᠭᠡᠨ ᠪᠣᠶᠠᠨ ᠴᠤ ᠪᠢᠯᠢᠤ ︖
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠭᠠᠷᠢᠨ
ᠵᠤᠬᠢᠶᠠᠭᠴᠢ᠄ ᠬᠠᠨ ᠭᠡᠨᠳᠡᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2628
ᠴᠠᠭ᠄ 2011 ᠤᠨ ᠤ 07 ᠰᠠᠷᠠ ᠶᠢᠨ 02
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ