☆ ᠭᠦᠷᠵᠡᠪ
ᠨᠤᠳᠤᠭ ᠤᠨ ᠮᠢᠨᠢ ᠨᠠᠭᠤᠷ
ᠨᠤᠳᠤᠭ ᠤᠨ ᠮᠢᠨᠢ ᠨᠠᠭᠤᠷ
ᠬᠤᠷᠠ᠂ ᠴᠢᠭᠢᠭ᠌ ᠢ ᠰᠡᠩᠭᠢᠨᠡᠭᠦᠯᠵᠤ
ᠬᠤᠨ᠂ ᠠᠩᠭᠢᠷ ᠢ ᠱᠤᠮᠪᠠᠭᠤᠯᠤᠭᠰᠠᠨ
ᠬᠤᠯᠤᠰᠤ᠂ ᠵᠡᠭᠡᠰᠤ ᠶᠢ ᠨᠠᠢ᠌ᠭᠠᠭᠤᠯᠵᠤ
ᠬᠤᠷᠠᠭᠠ᠂ ᠳᠤᠭᠤᠯ ᠢ ᠳᠡᠵᠢᠭᠡᠯᠰᠢᠭᠦᠯᠦᠭ᠍ᠰᠡᠨ
ᠨᠤᠳᠤᠭ ᠤᠨ ᠮᠢᠨᠢ ᠨᠠᠭᠤᠷ
ᠨᠤᠭᠤᠨ ᠨᠠᠳᠠ ᠳᠠᠭᠠᠨ ᠰᠠᠢ᠌ᠬᠠᠨ᠃
ᠪᠣᠷᠳᠠᠭ ᠊ᠭ᠍ᠬᠢᠷ ᠢ ᠮᠢᠨᠢ ᠠᠷᠢᠯᠭᠠᠵᠤ
ᠪᠣᠳᠤᠯ ᠰᠡᠳᠭᠢᠯ ᠢ ᠮᠢᠨᠢ ᠰᠠᠷᠠᠭᠤᠯᠵᠢᠭᠤᠯᠤᠭᠰᠠᠨ
ᠪᠣᠯᠴᠢᠩ ᠰᠢᠷᠪᠣᠰᠤ ᠶᠢ ᠮᠢᠨᠢ ᠵᠠᠩᠭᠢᠷᠠᠭᠤᠯᠵᠤ
ᠪᠣᠷᠤ ᠴᠤᠭᠴᠠ ᠶᠢ ᠮᠢᠨᠢ ᠴᠢᠭᠢᠷᠠᠭᠵᠢᠭᠤᠯᠤᠭᠰᠠᠨ
ᠨᠤᠳᠤᠭ ᠤᠨ ᠮᠢᠨᠢ ᠨᠠᠭᠤᠷ
ᠨᠤᠭᠤᠨ ᠨᠠᠳᠠ ᠳᠠᠭᠠᠨ ᠷᠠᠰᠢᠶᠠᠨ᠃
ᠳᠠᠭᠤᠳᠤ ᠨᠠᠭᠤᠷ
ᠳᠤᠯᠢ ᠰᠢᠭ ᠳᠤᠩᠭ᠋ᠠᠯᠠᠭ ᠣᠰᠤᠨ ᠳ᠋ᠠᠭᠠᠨ
ᠳᠤᠷᠭᠠᠨ ᠵᠢᠭᠦᠷᠳᠡᠳ ᠢ ᠳᠡᠪᠳᠡᠷᠡᠭᠦᠯᠵᠤ
ᠳᠤᠷᠭᠠ ᠰᠢᠭ ᠵᠥᠭᠡᠯᠡᠨ ᠵᠥᠯᠭᠡᠨ ᠳ᠋ᠡᠭᠡᠨ
ᠳᠤᠭᠤᠯ ᠬᠤᠷᠠᠭᠠᠤᠨ ᠢ ᠳᠤᠭᠯᠠᠯᠳᠤᠭᠤᠯᠤᠭᠰᠠᠨ
ᠡᠭᠡᠰᠢᠭ᠌ ᠢᠷᠠᠭᠤᠬᠠᠨ ᠳᠠᠭᠤᠳᠤ ᠨᠠᠭᠤᠷ ᠮᠢᠨᠢ
ᠡᠭᠡ ᠶᠢᠨ ᠰᠦ᠋ ᠶᠢᠨ ᠰᠢᠮᠠ ᠲᠡᠶ᠃
ᠴᠡᠴᠡᠭ᠌ ᠰᠢᠭ᠌ ᠴᠡᠩᠭᠡᠷ ᠳᠠᠠᠵᠢᠨ ᠳ᠋ᠡᠭᠡᠨ
ᠴᠠᠭᠠᠨ ᠭᠡᠷ ᠤᠳ ᠢ ᠪᠦᠮᠪᠦᠯᠵᠡᠭᠦᠯᠵᠤ
ᠴᠡᠷᠢᠭ᠌ ᠰᠢᠭ᠌ ᠵᠢᠭ᠍ᠳᠡ ᠬᠤᠯᠤᠰᠤᠨ ᠳ᠋ᠠᠭᠠᠨ
ᠴᠠᠭ ᠤᠨ ᠰᠢᠪᠠᠭᠤᠳ ᠢ ᠬᠤᠷᠭᠤᠳᠠᠭᠤᠯᠤᠭᠰᠠᠨ
ᠡᠭᠡᠰᠢᠭ᠌ ᠢᠷᠠᠭᠤᠬᠠᠨ ᠳᠠᠭᠤᠳᠤ ᠨᠠᠭᠤᠷ ᠮᠢᠨᠢ
ᠡᠭᠡ ᠶᠢᠨ ᠰᠡᠳᠭᠢᠯ ᠤᠨ ᠡᠨᠡᠷᠢᠯ ᠲᠡᠶ᠃
ᠵᠤᠬᠢᠶᠠᠭᠴᠢ ᠶᠢᠨ 《ᠨᠠᠷᠠ ᠲᠡᠶ ᠭᠠᠠᠵᠷ ᠨᠠᠭᠠᠳᠬᠤ ᠰᠠᠢ᠌ᠬᠠᠨ》 （1992 ᠣᠨ）ᠭᠡᠭᠦ ᠬᠡᠦᠬᠡᠳ ᠤᠨ ᠰᠢᠯᠦᠭ᠌ ᠤᠨ ᠳᠡᠭᠦᠪᠦᠷᠢ ᠡᠴᠡ ᠠᠪᠣᠪᠠ᠃
ᠵᠤᠬᠢᠶᠠᠭᠴᠢ᠄ ᠭᠦᠷᠵᠡᠪ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2667
ᠴᠠᠭ᠄ 2009 ᠤᠨ ᠤ 07 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ