ᠳᠤᠷᠮᠣᠢ᠌ᠬᠤ ᠣᠳᠤᠳ ᠤᠨ ᠴᠢᠯᠦᠭᠡᠨ ᠳᠤ

ᠳᠤᠯᠭ᠎ᠠ ᠨᠠᠷᠠᠨ ᠤ ᠢᠯᠴᠢᠨ ᠳᠤ

ᠳᠤᠯᠢ ᠰᠠᠷᠠᠨ ᠤ ᠳᠤᠶᠠᠭᠠᠨ ᠳᠤ

ᠳᠤᠤᠯᠢ ᠠᠪᠣ ᠶᠢᠨ ᠬᠠᠵᠠᠭᠤ ᠳᠤ

ᠦᠯᠢᠭᠡᠷ ᠡᠵᠢ ᠶᠢᠨ ᠡᠪᠦᠷ ᠲᠤ

ᠥᠩᠭᠡᠷᠡᠭ᠍ᠰᠡᠨ ᠳᠡᠦᠭᠡ ᠶᠢ ᠵᠠᠯᠭᠠᠵᠤ

ᠳᠤᠭᠤᠰᠤᠳᠤ ᠬᠤᠷᠸ᠎ᠠ ᠳᠤ ᠢᠷᠡᠭ᠍ᠰᠡᠨ ᠤ ᠣᠴᠢᠷ ᠶᠠᠭᠤ ᠪᠣᠢ

ᠣᠨᠠᠭᠰᠠᠨ ᠨᠤᠳᠤᠭ ᠤᠨ ᠰᠢᠷᠤᠢ ᠦᠯᠦᠭᠡᠢ

ᠣᠭᠤᠷᠠᠭ ᠰᠦ᠋ ᠶᠢᠨ ᠢᠪᠠᠭᠡᠯ ᠰᠢᠳᠢ

ᠣᠤᠭᠤᠭᠰᠠᠨ ᠳᠤᠩᠭ᠋ᠠᠯᠠᠭ ᠣᠰᠤ ᠷᠠᠰᠢᠶᠠᠨ

ᠳᠤᠭᠯᠠᠭᠰᠠᠨ ᠨᠠᠰᠤᠨ ᠤ ᠭᠦᠰᠡᠯ ᠵᠢᠭᠦᠷ

ᠳᠠᠭᠤᠯᠠᠭᠰᠠᠨ ᠠᠷᠠᠤᠨ ᠤᠨ ᠳᠠᠭᠤᠤ ᠰᠡᠳᠭᠢᠯ

ᠳᠤᠮᠤᠭ ᠶᠠᠷᠢᠭᠰᠠᠨ ᠡᠪᠦᠭᠡᠳ ᠨᠢ ᠪᠣᠷᠬᠠᠨ

ᠳᠤᠭᠤᠰᠤᠳᠤ ᠬᠤᠷᠸ᠎ᠠ ᠳᠤ ᠢᠷᠡᠭ᠍ᠰᠡᠨ ᠤ ᠣᠴᠢᠷ ᠶᠠᠭᠤ ᠪᠣᠢ

ᠳᠤᠭᠤᠵᠤ ᠬᠠᠢ᠌ᠷᠠᠯᠠᠭᠰᠠᠨ ᠭᠡᠦᠭᠡᠨ ᠳᠤᠷᠠᠯᠠᠯ

ᠳᠤᠷᠭᠤᠨ ᠵᠠᠶᠠᠭᠠᠨ ᠤ ᠰᠠᠯᠤᠯ ᠭᠤᠨᠢᠭ

ᠵᠤᠷᠢᠮᠠᠭ ᠭᠢᠭ᠍ᠰᠡᠨ ᠣᠴᠢᠷ ᠭᠡᠨᠡᠨ

ᠵᠤᠷᠢᠵᠤ ᠶᠠᠪᠣᠭᠰᠠᠨ ᠣᠢ᠌ᠯᠠᠰ ᠰᠢᠠᠳᠠᠰᠤ

ᠵᠦᠷᠢᠵᠤ ᠥᠩᠭᠡᠷᠡᠭ᠍ᠰᠡᠨ ᠲᠤᠬᠢᠶᠠᠯ ᠬᠠᠷᠠᠮᠰᠠᠯ

ᠵᠦᠳᠡᠵᠦ ᠪᠦᠳᠦᠭᠡᠭ᠍ᠰᠡᠨ ᠣᠢ᠌ᠯᠠ ᠵᠢᠷᠭᠠᠯ

ᠳᠤᠭᠤᠰᠤᠳᠤ ᠬᠤᠷᠸ᠎ᠠ ᠳᠤ ᠢᠷᠡᠭ᠍ᠰᠡᠨ ᠤ ᠣᠴᠢᠷ ᠶᠠᠭᠤ ᠪᠣᠢ

ᠬᠤᠷᠸ᠎ᠠ ᠳᠤ ᠣᠯᠤᠭᠰᠠᠨ ᠠᠮᠢᠳᠤᠷᠠᠯ ᠠᠮᠳᠠ

ᠬᠤᠨᠤᠭ ᠤᠨ ᠪᠣᠷᠤ ᠱᠤᠭᠰᠢᠭ᠎ᠠ ᠰᠤᠷᠭᠠᠯ

ᠬᠤᠴᠤᠷᠤᠭᠰᠠᠨ ᠬᠠᠢ᠌ᠷ᠎ᠠ ᠶᠢᠨ ᠨᠡᠭᠡᠯ ᠦᠷᠢ

ᠬᠤᠯᠠ ᠶᠢᠨ ᠳᠤᠷᠠᠰᠤᠯ ᠰᠡᠳᠭᠢᠯ ᠤᠨ ᠳᠤᠳᠠᠭᠤ

ᠣᠷᠤᠨ ᠭᠡᠷ ᠶᠢᠡᠨ ᠪᠢ ᠨᠥᠭᠦᠵᠤ

ᠣᠷᠴᠢᠯᠠᠩ ᠤᠨ ᠳᠤᠳᠠᠭᠤ ᠶᠢ ᠬᠡᠦᠬᠡᠳ ᠶᠢᠡᠷ ᠨᠥᠭᠦᠵᠤ

ᠳᠤᠭᠤᠰᠤᠳᠤ ᠬᠤᠷᠸ᠎ᠠ ᠳᠤ ᠢᠷᠡᠭ᠍ᠰᠡᠨ ᠤ ᠣᠴᠢᠷ ᠶᠠᠭᠤ ᠪᠣᠢ

ᠳᠤᠭᠤᠯᠤᠭᠰᠠᠨ ᠡᠯᠡᠭᠡᠭ᠍ᠰᠡᠨ ᠪᠦᠭᠦᠨ ᠨᠤᠮ

ᠳᠤᠳᠠᠭᠰᠠᠨ ᠢᠯᠡᠭᠦᠳᠡᠭ᠍ᠰᠡᠨ ᠪᠦᠭᠦᠨ ᠳᠤᠩ

ᠢᠷᠠᠵᠤ ᠪᠣᠴᠠᠬᠤ ᠶᠢᠨ ᠵᠠᠢ ᠨᠠᠷ᠎ᠠ

ᠢᠨᠢᠶᠠᠵᠤ ᠣᠭᠢᠯᠠᠬᠤ ᠶᠢᠨ ᠳᠠᠪᠢᠯᠠᠩ ᠦᠨᠡᠨ

ᠣᠯᠤᠭᠰᠠᠨ ᠠᠯᠳᠠᠭᠰᠠᠨ ᠶᠢᠡᠨ ᠣᠴᠢᠷᠯᠠᠵᠤ

ᠣᠬᠠᠭᠠᠨ ᠤ ᠳᠤᠳᠠᠭᠤ ᠶᠢ ᠨᠥᠭᠦᠵᠤ

ᠳᠤᠭᠤᠰᠤᠳᠤ ᠬᠤᠷᠸ᠎ᠠ ᠳᠤ ᠢᠷᠡᠭ᠍ᠰᠡᠨ ᠤ ᠣᠴᠢᠷ ᠶᠠᠭᠤ ᠪᠣᠢ

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ᠄ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠬᠠᠢ᠌ᠯᠠᠰᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ