☆ ᠯ·ᠣᠳᠤᠨ
ᠨᠠᠰᠤᠨ ᠤ ᠠᠯᠳᠠᠨ ᠳᠤᠷᠠᠳᠬᠠᠯ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠢ᠌ᠰᠯᠠᠯ ᠳᠤ ᠪᠠᠢ᠌ᠭᠰᠠᠨ ᠤᠳᠬᠠ ᠤᠶᠠᠩᠭᠠ ᠶᠢᠨ ᠳᠦᠷᠪᠠᠨ ᠰᠠᠷᠠ
ᠭᠡᠨ ᠳᠤ ᠴᠤ ᠮᠡᠳᠡᠭ᠍ᠳᠡᠯ ᠦᠭᠡᠶ ᠰᠡᠮᠡᠭᠡᠷᠭᠡᠨ ᠶᠠᠪᠣᠭᠠᠤᠨ ᠥᠭ᠍ᠴᠢᠭᠡᠶᠡ ᠭᠡᠵᠤ ᠭᠢᠴᠢᠶᠡᠭᠡᠳ ᠪᠠᠢ᠌ᠵᠤ ᠪᠣᠯᠤᠭᠰᠠᠨ ᠦᠭᠡᠶ ᠶᠠᠭ ᠭᠠᠷᠬᠤ ᠳᠡᠭᠡᠷᠡ ᠠᠩᠭᠢ ᠶᠢᠨ ᠳᠠᠷᠤᠭᠠ ᠳᠦᠷᠦᠭᠦᠤ ᠲᠡᠶ ᠭᠡᠳᠤᠨ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠮᠢᠨᠤ ᠶᠠᠪᠣᠬᠤ ᠶᠢ ᠭᠡᠳᠥᠢᠨᠡᠢ ᠮᠡᠳᠡᠴᠢᠭᠡᠭᠡᠳ ᠠᠰᠠᠷ ᠤᠨ ᠡᠭᠦᠳᠡᠨ ᠳᠡᠭᠡᠷᠡ ᠭᠦᠯᠢᠶᠡᠵᠤ ᠪᠠᠢ᠌ᠯᠠ᠃ ᠨᠠᠮᠠ ᠶᠢ ᠥᠵᠡᠮᠡᠭ᠍ᠴᠡ ᠳᠤᠤᠷᠠ ᠪᠠᠨ ᠭᠦᠶᠦᠯᠳᠤᠨ ᠢᠷᠡᠵᠡᠭᠡᠵᠤ᠂ ᠪᠣᠭᠴᠤ ᠪᠣᠭᠤᠳᠠᠯ ᠢ ᠪᠣᠯᠢᠶᠠᠯᠳᠤᠨ ᠠᠪᠣᠭᠠᠤᠨ ᠥᠭᠡ ᠳᠠᠭᠤ ᠦᠭᠡᠶ ᠰᠤᠷᠭᠠᠭᠤᠯᠢ ᠶᠢᠨ ᠡᠭᠦᠳᠡ ᠣᠷᠤᠭᠤ ᠶᠠᠪᠣᠵᠠᠭᠠᠯᠠ᠃ ᠢᠷᠠᠵᠤ ᠪᠠᠢ᠌ᠭᠠ ᠰᠠᠯᠤᠯᠳᠠ ᠶᠢᠨ ᠭᠠᠰᠢᠭᠤᠨ ᠢ ᠰᠡᠳᠭᠢᠯ ᠶᠢᠡᠷ ᠮᠡᠳᠡᠷᠡᠭ᠍ᠰᠡᠨ ᠴᠠᠭ ᠲᠤ ᠥᠭᠡ ᠭᠡᠯᠡᠭᠦ ᠨᠢ ᠢᠯᠡᠭᠦᠴᠡ ᠵᠣᠢ᠌ᠯ ᠠᠵᠢ ︕ ᠡᠨᠡ ᠯᠠ ᠬᠠᠯᠠᠳᠠᠢ ᠪᠠᠢ᠌ᠳᠠᠯ ᠢ ᠥᠵᠡᠭᠦ ᠡᠴᠡ ᠪᠠᠨ ᠬᠠᠯᠠᠰᠢᠷᠠᠬᠤ ᠳᠠᠭᠠᠨ ᠪᠢ ᠵᠤᠷᠢᠭᠤᠳᠠ ᠡᠳᠡᠨ ᠡᠴᠡ ᠵᠠᠢ᠌ᠯᠠᠭᠠᠤᠨ ᠪᠠᠢ᠌ᠭᠰᠠᠨ ᠨᠢ ᠦᠨᠡᠨ᠃ ᠭᠡᠳᠥᠢᠪᠠᠷ ᠬᠠᠮᠳᠤ ᠰᠤᠷᠤᠯᠴᠠᠭᠰᠠᠨ ᠡᠳᠦᠷ ᠬᠤᠨᠤᠭ ᠶᠠᠯᠢᠮ ᠦᠭᠡᠶ ᠣᠬᠤᠷᠬᠠᠨ ᠴᠤ ᠭᠡᠳᠦᠭᠦᠯᠡ ᠪᠠᠨ ᠭᠡᠨ ᠠᠯᠢᠨ ᠲᠡᠶ ᠪᠠᠨ ᠮᠦᠨ ᠰᠦᠷᠡᠭᠡᠢ ᠳᠠᠰᠤᠯᠴᠠᠵᠠᠢ᠃ ᠰᠤᠷᠭᠠᠭᠤᠯᠢ ᠶᠢᠨ ᠡᠮᠤᠨᠡ ᠡᠭᠦᠳᠡᠨ ᠳᠡᠭᠡᠷᠡ ᠢᠷᠡᠵᠡᠭᠡᠭᠡᠳ ᠳᠡᠷᠭᠡ ᠳᠤᠭᠳᠠᠭᠠᠯᠠ᠂ ᠣᠳᠠᠭᠰᠠᠨ ᠳᠦᠳᠡᠭ᠍ᠰᠡᠨ ᠦᠭᠡᠶ ᠳᠡᠷᠭᠡ ᠴᠤ ᠢᠷᠡᠭᠡᠳ ᠵᠤᠭᠰᠤᠪᠠ᠃ ᠪᠦᠭᠦᠳᠡᠭᠡᠷ ᠳᠠᠮᠨᠠᠯᠴᠠᠨ ᠮᠢᠨᠤ ᠶᠠᠭᠤᠮᠠ ᠭᠡᠦᠮᠡ ᠶᠢ ᠳᠡᠷᠭᠡᠨ ᠳᠤ ᠭᠠᠷᠭᠠᠭᠰᠠᠨ ᠤ ᠳᠠᠷᠠᠭᠠ ᠨᠠᠳᠠ ᠲᠡᠶ ᠨᠢᠭᠡ ᠨᠢᠭᠡ ᠪᠠᠷ ᠰᠠᠯᠬᠤ ᠶᠤᠰᠤ ᠭᠦᠢᠴᠡᠳᠭᠡᠯᠡ᠃ ᠰᠠᠯᠬᠤ ᠦᠶᠡᠰ ᠤᠨ ᠣᠶᠠᠷᠠᠯ ᠳᠤᠭᠳᠤᠯᠤᠯ ᠶᠢᠡᠨ ᠴᠢᠷᠠᠢ ᠳᠡᠭᠡᠷᠡ ᠪᠠᠨ ᠨᠢᠭᠤᠵᠤ ᠶᠠᠳᠠᠭᠰᠠᠨ ᠳᠠᠳᠠᠨ ᠮᠠᠨᠢ ᠭᠡᠯᠡᠭᠦ ᠭᠡᠰᠡᠨ ᠣᠯᠠᠨ ᠣᠯᠠᠨ ᠥᠭᠡ ᠪᠠᠨ ᠵᠥᠪᠭᠡᠨ ᠬᠠᠷᠠᠴᠠ ᠪᠠᠷ ᠶᠢᠡᠨ ᠳᠠᠮᠵᠢᠭᠤᠯᠵᠤ ᠪᠠᠢ᠌ᠬᠤ ᠶᠢ ᠪᠢ ᠳᠡᠷᠡᠭᠡᠨ ᠵᠠᠭᠤᠷᠠ ᠵᠢᠷᠦᠭᠡ ᠪᠠᠷ ᠶᠢᠡᠨ ᠮᠡᠳᠡᠷᠡᠭᠡᠳ ᠠᠮᠵᠢᠵᠠᠢ᠃ ᠠᠭᠤᠯᠵᠠᠬᠤ ᠡᠳᠦᠷ ᠪᠠᠢ᠌ᠬᠤ ᠳᠤ ᠰᠠᠯᠬᠤ ᠡᠳᠦᠷ ᠴᠤ ᠪᠠᠢ᠌ᠨᠠ ᠭᠡᠳᠡᠭ᠌ ᠢ ᠪᠢᠳᠠ ᠰᠤᠷᠤᠯᠴᠠᠯᠭᠠ ᠡᠭᠢᠯᠡᠭ᠍ᠰᠡᠨ ᠳᠠᠷᠠ ᠴᠠᠭ ᠡᠴᠡ ᠨᠢᠭᠡᠨᠲᠡ ᠭᠦᠯᠢᠶᠡᠵᠤ ᠠᠪᠣᠭᠠᠤᠨ ᠪᠠᠢ᠌ᠭᠰᠠᠨ᠃ ᠭᠡᠳᠡᠯᠡ ᠡᠢ᠌ᠮᠤ ᠳᠦᠷᠭᠡᠨ ᠨᠢᠳᠤ ᠢᠷᠮᠡᠭᠦ ᠶᠢᠨ ᠴᠢᠯᠦᠭᠡᠨ ᠳᠤ ᠭᠦᠷᠦᠭᠡᠳ ᠢᠷᠡᠭᠦ ᠶᠢ ᠭᠡᠨ ᠮᠠᠳᠠᠯᠠ ᠡ᠃ ᠭᠠᠷ ᠭᠠᠷ ᠶᠢᠡᠨ ᠴᠢᠩᠭᠠ ᠠᠳᠬᠤᠯᠴᠠᠨ ᠪᠠᠶᠠ ᠪᠠᠶᠠ ᠪᠠᠨ ᠳᠡᠪᠠᠷᠢᠭᠡᠳ ᠠᠪᠬᠤ ᠳᠤ ᠥᠨᠡᠭᠡᠷ ᠰᠡᠳᠭᠢᠯ ᠬᠠᠢ᠌ᠯᠵᠤ ᠨᠢᠯᠪᠣᠰᠤ ᠣᠨᠠᠮᠠᠷ᠃ ᠳᠡᠷᠭᠡᠨ ᠳᠤ ᠭᠠᠷᠴᠢᠬᠠᠭᠠᠤᠨ ᠪᠢ ᠰᠢᠭᠤᠳ ᠭᠠᠯᠳᠤ ᠶᠢᠨ ᠦᠷᠳᠡᠭᠡ ᠣᠷᠤᠭᠤ ᠳᠠᠪᠭᠢᠯᠠ᠃ ᠪᠣᠮᠠᠨ ᠤ ᠭᠦᠯ ᠪᠤᠵᠢᠭᠢᠨᠠᠭᠰᠠᠨ ᠨᠠᠢ᠌ᠰᠯᠠᠯ ᠤᠨ ᠦᠷᠭᠡᠨ ᠵᠡᠭᠡᠯᠢ ᠪᠠᠷ ᠵᠤᠭᠰᠤᠬᠤ ᠭᠠᠵᠠᠷ ᠨᠢ ᠵᠤᠭᠰᠤᠵᠤ᠂ ᠭᠦᠯᠢᠶᠡᠭᠦ ᠭᠠᠵᠠᠷ ᠨᠢ ᠭᠦᠯᠢᠶᠡᠵᠤ ᠪᠠᠢ᠌ᠭᠠᠤᠨ ᠭᠠᠯᠳᠤ ᠶᠢᠨ ᠦᠷᠳᠡᠭᠡᠨ ᠳᠤ ᠭᠦᠷᠭᠦ ᠳᠤ ᠪᠠᠭᠡᠵᠢᠩ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠯᠠᠠᠵᠸᠤ ᠭᠦᠷᠳᠡᠭ᠌ Z55 ᠣᠠᠴᠠ ᠬᠤᠷᠳᠤᠨ ᠠᠶᠠᠠᠴᠢᠳ ᠤᠨ ᠭᠠᠯᠳᠤ ᠳᠡᠷᠭᠡ ᠭᠦᠳᠡᠯᠭᠦ ᠪᠣᠯᠤᠭᠠᠤᠨ ᠪᠠᠢ᠌ᠵᠠᠢ᠃ ᠶᠠᠭᠤᠮᠠ ᠬᠤᠮᠠ ᠪᠠᠨ ᠳᠢᠭᠯᠡᠨ ᠳᠠᠯᠪᠢᠭᠠᠤᠨ ᠣᠷᠤᠨ ᠳᠠᠭᠠᠨ ᠰᠠᠭᠤᠳᠠᠯᠠ ᠳᠡᠷᠭᠡ ᠴᠤ ᠭᠦᠳᠡᠯᠦᠯᠡ᠃ ᠵᠡᠭᠦᠳᠦᠯᠡᠭᠡᠳ ᠰᠡᠷᠡᠭ᠍ᠰᠡᠨ ᠶᠤᠮ ᠰᠢᠭ ᠳᠦᠷᠪᠠᠨ ᠰᠠᠷᠠ ᠶᠢᠨ ᠰᠤᠷᠤᠯᠴᠠᠯᠭᠠ ᠳᠠᠭᠤᠰᠴᠤ᠂ ᠣᠯᠤᠰ ᠤᠨ ᠨᠠᠢ᠌ᠰᠯᠠᠯ ᠪᠠᠭᠡᠵᠢᠩ ᠡᠴᠡ ᠢᠩᠭᠡᠭᠡᠳ ᠠᠶᠠᠷᠯᠠᠯᠠ ᠭᠡᠵᠤ ᠪᠣᠳᠤᠬᠤ ᠳᠤ ᠦᠪᠡᠷ ᠶᠢᠡᠨ ᠴᠤ ᠣᠴᠢᠷ ᠢ ᠨᠢ ᠣᠯᠬᠤ ᠦᠭᠡᠶ ᠬᠦᠩᠭᠡᠨ ᠭᠤᠨᠢᠭ ᠰᠡᠳᠭᠢᠯ ᠤᠨ ᠶᠤᠩᠬᠤᠷ ᠡᠴᠡ ᠰᠠᠮ ᠣᠭᠵᠠᠷᠠᠭᠠᠤᠨ ᠠᠪᠴᠠᠢ᠁
2011 ᠣᠨ ᠤ ᠴᠠᠭᠠᠨ ᠰᠠᠷᠠ ᠰᠠᠢ᠌ᠨ ᠪᠠᠷᠠᠭᠳᠠᠭᠠ ᠦᠭᠡᠶ ᠪᠠᠷ ᠪᠢ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠡᠴᠡ ᠢᠷᠡᠭᠦᠯᠦᠭ᠍ᠰᠡᠨ 《ᠮᠡᠳᠡᠭ᠍ᠳᠡᠯ》 ᠊ᠢ ᠳᠤᠰᠤᠨ ᠠᠪᠣᠯᠠ᠃ ᠬᠠᠭᠠᠰ ᠰᠠᠷᠠ ᠶᠢᠨ ᠡᠮᠤᠨᠡ ᠬᠠᠢ᠌ᠰᠢ ᠵᠧᠤ ᠶᠢᠨ ᠤᠳᠬᠠ ᠣᠷᠠᠯᠢᠭ ᠤᠨ ᠬᠤᠯᠪᠣᠭᠠᠨ ᠤ ᠳᠡᠷᠢᠭᠦᠯᠡᠭ᠍ᠴᠢ᠂ ᠢᠷᠠᠭᠤ ᠨᠠᠢ᠌ᠷᠠᠭᠴᠢ ᠰᠡᠴᠠᠭᠤᠤ ᠠᠬᠠ ᠨᠠᠳᠠ ᠣᠳᠠᠰᠤ ᠢᠷᠡᠭᠦᠯᠵᠤ᠂ ᠳᠤᠰ ᠰᠤᠷᠭᠠᠭᠤᠯᠢ ᠳᠤ ᠳᠤᠮᠢᠯᠠᠨ ᠰᠤᠷᠤᠯᠴᠠᠭᠤᠯᠬᠤ ᠳᠤᠬᠠᠢ ᠮᠢᠨᠤ ᠰᠠᠨᠠᠯ ᠢ ᠰᠤᠷᠠᠵᠤ ᠪᠠᠢ᠌ᠭᠰᠠᠨ᠃ ᠭᠦᠰᠡᠭᠡᠳ ᠣᠯᠳᠠᠬᠤ ᠦᠭᠡᠶ ᠠᠵᠠ ᠵᠠᠪᠰᠢᠶᠠᠨ ᠭᠦᠯᠢᠶᠡᠭᠡᠳ ᠪᠠᠢ᠌ᠬᠤ ᠳᠤ ᠪᠢ ᠳᠤᠤᠷᠠ ᠨᠢ ᠵᠥᠪᠰᠢᠶᠡᠷᠡᠭᠡᠳ ᠬᠠᠮᠢᠶᠠ ᠪᠦᠭᠦᠢ ᠭᠦᠰᠦᠨᠦᠭ᠌ ᠡᠨᠡ ᠳᠠᠷᠠ ᠶᠢ ᠨᠢ ᠳᠠᠭᠯᠠᠨ ᠡᠯᠸᠺᠲ᠋ᠷᠤᠨ ᠵᠠᠭᠢᠳᠠᠯ ᠤᠨ ᠬᠠᠢ᠌ᠷᠴᠠᠭ ᠶᠢᠡᠷ ᠪᠠᠭᠡᠵᠢᠩ ᠣᠷᠤᠭᠤ ᠨᠢᠰᠭᠡᠵᠤ ᠪᠢᠯᠠ᠃ ᠭᠡᠳᠡᠯᠡ ᠬᠠᠷᠢᠭᠤ ᠨᠢ ᠡᠢ᠌ᠮᠤ ᠬᠤᠷᠳᠤᠨ ᠢᠷᠡᠴᠢᠭᠡᠭᠦ ᠶᠢ ᠪᠣᠳᠤᠭᠠᠤᠨ ᠴᠤ ᠣᠯᠤᠭᠰᠠᠨ ᠦᠭᠡᠶ᠃ ᠮᠠᠷᠭᠠᠰᠢ ᠨᠢ ᠪᠢ ᠶᠠᠭ ᠮᠤᠵᠢ ᠶᠢᠨ ᠲᠥᠪ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠢᠨᠢᠩ ᠳᠤ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠ ᠲᠡᠶ ᠰᠤᠷᠤᠯᠴᠠᠬᠤ ᠪᠠᠷ ᠶᠠᠪᠣᠬᠤ ᠪᠣᠯᠤᠭᠠᠤᠨ ᠪᠠᠢ᠌ᠭᠰᠠᠨ ᠪᠣᠯᠬᠤᠷ ᠪᠠᠢ᠌ᠳᠠᠯ ᠶᠢᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠭᠢᠷᠤᠯ ᠳᠤ ᠭᠡᠯᠡᠵᠤ ᠠᠮᠵᠢᠯ ᠦᠭᠡᠶ ᠮᠤᠷᠳᠠᠯᠠ᠃ ᠵᠤᠯ ᠶᠢᠡᠷ ᠨᠠᠮᠠ ᠶᠢ ᠮᠤᠵᠢ ᠶᠢᠨ ᠲᠥᠪ ᠳᠡᠭᠡᠷᠡ ᠭᠦᠷᠭᠦ ᠳᠤ ᠮᠠᠨ ᠤ ᠵᠠᠭᠢᠷᠤᠯ ᠴᠤ ᠠᠵᠢᠯ ᠶᠢᠡᠷ ᠡ᠊ᠨᠳᠡ ᠢᠷᠡᠭᠡᠳ ᠪᠠᠢ᠌ᠬᠤ ᠳᠠᠭᠠᠷᠠᠵᠠᠢ᠃ ᠨᠢᠭᠡ ᠬᠤᠶᠠᠷ ᠭᠠᠷᠠᠭ ᠤᠨ ᠴᠢᠯᠦᠭᠡ ᠪᠣᠯ ᠴᠤ ᠶᠠᠭᠠᠭᠢᠬᠤ ᠪᠣᠢ᠂ ᠬᠠᠷᠢᠨ ᠪᠦᠳᠤᠨ ᠬᠤᠭᠤᠴᠠᠭᠠ ᠪᠠᠷ ᠵᠢᠯᠢ᠌ᠭᠦ ᠶᠢ ᠮᠠᠳᠠᠪᠠᠯ ᠶᠠᠭᠤ ᠭᠡᠳᠡᠭ᠌ ᠪᠣᠯ ᠭᠡᠮᠡᠨ ᠠᠢ᠌ᠮᠤᠷᠠᠭᠰᠠᠨ (ᠳᠠᠳᠠᠭᠠᠯᠵᠢᠭᠰᠠᠨ) ᠴᠤ ᠰᠤᠷᠤᠯᠴᠠᠬᠤ ᠪᠠᠷ ᠶᠠᠪᠣᠬᠤ ᠰᠠᠨᠠᠭᠠ ᠪᠠᠨ ᠴᠤᠬᠣᠢ᠌ᠯᠭᠠᠬᠤ ᠦᠭᠡᠶ ᠪᠠᠢ᠌ᠵᠤ ᠴᠢᠳᠠᠭᠰᠠᠨ ᠦᠭᠡᠶ᠃ ᠮᠢᠨᠤ ᠭᠡᠯᠡᠭᠦ ᠶᠢ ᠰᠤᠨᠤᠰᠤᠭᠠᠤᠨ ᠪᠠᠭᠠ ᠪᠣᠳᠤᠯ ᠪᠣᠯᠤᠭᠰᠠᠨ ᠶᠢᠡᠨ ᠮᠠᠨ ᠤ ᠵᠠᠭᠢᠷᠤᠯ᠄ 《ᠳᠦᠷᠪᠠᠨ ᠰᠠᠷᠠ ᠰᠤᠷᠤᠯᠴᠠᠬᠤ ᠪᠠᠷ ᠶᠠᠪᠣᠨᠠ ᠭᠡᠳᠡᠭ᠌ ᠴᠢᠨᠢ ᠪᠦᠳᠤᠨ ᠨᠢᠭᠡ ᠬᠤᠭᠤᠴᠠᠭᠠ ᠭᠡᠭᠡᠭ᠍ᠳᠡᠨᠡ ᠭᠡᠰᠡᠨ ᠥᠭᠡ ᠪᠠ ︖》 ᠭᠡᠴᠢᠭᠡᠭᠡᠳ ᠨᠠᠮᠠ ᠶᠢ ᠬᠠᠷᠠᠨ ᠢᠨᠢᠶᠡᠮᠰᠦᠭᠯᠡᠪᠡ᠃ ᠪᠢ ᠴᠤ ᠥᠭᠡᠳᠡ ᠡᠴᠡ ᠨᠢ ᠠᠯᠢ ᠪᠣᠯᠬᠤ ᠪᠠᠷ ᠭᠡᠰᠭᠦᠯᠡᠩ ᠴᠢᠷᠠᠢ᠌ᠯᠠᠬᠤ ᠶᠢ ᠭᠢᠴᠢᠶᠠᠨ ᠢᠨᠢᠶᠡᠮᠰᠦᠭᠯᠡᠵᠤ᠄ 《ᠳᠠᠢ᠌ᠮᠤ᠂ ᠭᠡᠷᠪᠡ ᠡᠨᠡ ᠵᠠᠪᠰᠢᠶᠠᠨ ᠢ ᠠᠯᠳᠠᠪᠠᠯ ᠳᠠᠭᠢᠵᠤ ᠨᠠᠳᠠ ᠡᠢ᠌ᠮᠤ ᠵᠠᠪᠰᠢᠶᠠᠨ ᠳᠠᠭᠠᠷᠠᠬᠤ ᠦᠭᠡᠶ ᠪᠠᠢ᠌ᠬᠠ》 ᠭᠡᠮᠡᠨ ᠵᠠᠪᠠᠯ ᠶᠠᠪᠣᠭᠤᠯᠴᠢᠬᠠᠬᠤ ᠭᠡᠰᠡᠨ ᠰᠠᠨᠠᠭᠠ ᠪᠠᠨ ᠡᠪᠳᠡᠢ᠌ᠭᠡᠨ ᠨᠢᠭᠤᠯᠠ᠃ ᠵᠠᠭᠢᠷᠤᠯ ᠮᠠᠨᠢ ᠮᠢᠨᠤ ᠴᠠᠭᠠᠳᠤᠭᠢ ᠰᠠᠨᠠᠭᠠ ᠶᠢ ᠨᠠᠪᠳᠠ ᠬᠠᠷᠠᠭᠠ ᠪᠢᠵᠠ᠂ ᠪᠢᠳᠡᠭᠦᠤ ᠪᠠᠷ ᠭᠦᠳ ᠭᠦᠳ ᠢᠨᠢᠶᠡᠭ᠍ᠰᠡᠨ ᠶᠢᠡᠨ᠄ 《ᠪᠢ ᠮᠠᠳᠠᠨᠡ᠂ ᠡᠢ᠌ᠮᠤ ᠠᠵᠠᠳᠠᠢ ᠣᠴᠢᠷ ᠭᠦᠮᠤᠨ ᠪᠣᠯᠭᠠᠨ ᠳᠤ ᠳᠠᠭᠠᠷᠠᠭᠠᠤᠨ ᠪᠠᠢ᠌ᠬᠤ ᠦᠭᠡᠶ᠃ ᠬᠤᠪᠣᠷᠬᠠᠨ ᠵᠠᠪᠰᠢᠶᠠᠨ ᠪᠠᠢ᠌ᠨᠠ᠂ ᠴᠢ ᠰᠤᠷᠤᠯᠴᠠᠬᠤ ᠪᠠᠷ ᠶᠠᠪᠣ ᠪᠠ》 ᠭᠡᠳ ᠨᠠᠮᠠ ᠶᠢ ᠬᠠᠭᠠ ᠪᠠᠶᠠᠷᠯᠠᠭᠤᠯᠪᠠ᠃ ᠪᠣᠯᠳᠠᠭ ᠶᠤᠮ ᠪᠣᠯ ᠳᠠᠷᠠ ᠳᠤᠤᠷᠠ ᠨᠢ ᠵᠠᠭᠢᠷᠤᠯ ᠶᠢᠡᠨ ᠳᠠᠪᠠᠷᠢᠵᠤ ᠠᠪᠣᠭᠠᠤᠨ ᠨᠢᠭᠡ ᠰᠠᠢ᠌ᠨ ᠦᠨᠦᠰᠤᠮᠠᠷ ᠡ᠃
《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠭᠢᠴᠢᠶᠠᠯ ᠡᠭᠢᠯᠡᠭᠦ ᠣᠤᠯ ᠤᠨ ᠲᠦᠯᠦᠪᠯᠡᠯᠭᠡ ᠪᠠᠨ ᠬᠤᠪᠢᠷᠠᠭᠠᠵᠤ᠂ ᠨᠢᠭᠡ ᠭᠠᠷᠠᠭ ᠣᠷᠢᠳᠴᠢᠯᠠᠭᠰᠠᠨ ᠳᠤᠯᠠ ᠪᠢ ᠴᠠᠭ ᠲᠠᠭᠠᠨ ᠣᠴᠢᠵᠤ ᠴᠢᠳᠠᠬᠤ ᠦᠭᠡᠶ ᠡᠴᠡ ᠠᠶᠤᠵᠤ ᠪᠠᠬᠠᠨ ᠰᠠᠠᠳᠤᠷᠤᠯᠠ᠃ ᠣᠴᠢᠷ ᠨᠢ ᠮᠢᠨᠤ ᠪᠠᠭᠡᠵᠢᠩ ᠳᠤ ᠨᠠᠷᠠ ᠮᠡᠳᠡᠭᠦᠯᠭᠦ ᠴᠠᠭ ᠪᠠ ᠮᠤᠵᠢ ᠶᠢᠨ ᠲᠥᠪ ᠳᠡᠭᠡᠷᠡᠭᠢ ᠰᠤᠷᠤᠯᠴᠠᠯᠭᠠ ᠳᠡᠭᠦᠰᠭᠦ ᠴᠠᠭ ᠬᠤᠭᠤᠷᠤᠠᠳᠤ ᠪᠠᠨ ᠶᠠᠭ ᠰᠠᠢ᠌ᠬᠠᠨ ᠳᠠᠪᠬᠤᠴᠠᠵᠠᠢ᠃ ᠪᠢ ᠶᠡᠭᠡ ᠰᠠᠨᠠᠭᠠ ᠡᠪᠦᠷᠯᠡᠨ ᠮᠤᠵᠢ ᠶᠢᠨ ᠲᠥᠪ ᠳᠡᠭᠡᠷᠡᠭᠢ ᠰᠤᠷᠤᠯᠴᠠᠯᠭᠠ ᠶᠢ ᠬᠠᠮᠢᠶᠠᠷᠴᠤ ᠪᠠᠢ᠌ᠭᠠ ᠪᠠᠭᠰᠢ ᠪᠠ ᠳᠡᠭᠡᠳᠤ ᠱᠠᠳᠤᠨ ᠳᠤ 《ᠮᠡᠳᠡᠭ᠍ᠳᠡᠯ》 ᠶ᠋ᠢᠡᠨ ᠠᠪᠠᠴᠢᠵᠤ ᠥᠵᠡᠭᠦᠯᠤᠨ ᠭᠡᠳᠤᠨ ᠬᠤᠨᠤᠭ ᠤᠨ ᠴᠢᠯᠦᠭᠡ ᠭᠡᠯᠡᠯᠡ᠃ ᠪᠣᠯᠵᠤ ᠥᠭ᠍ᠳᠡᠭ᠌ ᠦᠭᠡᠶ᠂ ᠰᠢᠯᠳᠠᠭ ᠪᠢᠰᠢ ᠰᠢᠯᠳᠠᠭ ᠵᠤᠬᠢᠶᠠᠭᠠᠤᠨ ᠣᠷᠮᠠ ᠬᠤᠭᠤᠯᠤᠨ ᠣᠴᠠᠭᠠᠷ ᠭᠦᠷᠭᠡᠵᠤ ᠪᠠᠢ᠌ᠨᠠ᠃ ᠪᠦᠳᠦᠭᠡᠪᠠᠯ ᠪᠦᠳᠦᠭᠡᠴᠢᠭᠡᠭᠦ ᠣᠴᠢᠷ ᠢ ᠪᠦᠳᠦᠭᠡᠵᠤ ᠰᠢ᠌ᠤᠠᠪᠣᠷᠢᠯᠠᠵᠤ ᠦᠭᠭᠦ ᠦᠭᠡᠶ ᠭᠦᠮᠤᠨ ᠢ ᠵᠠᠪᠠᠯ ᠣᠳᠠᠰᠤᠨ ᠳᠡᠭᠡᠭᠦᠷ ᠭᠦᠶᠦᠯᠭᠡᠨ ᠣᠴᠠᠭᠠᠷ ᠭᠦᠷᠭᠡᠳᠡᠭ᠌ ᠨᠢ ᠡᠭ᠍ᠳᠡᠭᠦᠤ ᠲᠡᠶ᠃ ᠪᠢ ᠠᠷᠭᠠ ᠪᠣᠰᠤ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠲᠡᠶ ᠬᠠᠷᠢᠴᠠᠵᠤ ᠪᠠᠢ᠌ᠳᠠᠯ ᠶᠢᠡᠨ ᠮᠡᠳᠡᠭ᠍ᠳᠡᠯᠡ᠃ ᠶᠤᠰᠤ ᠣᠴᠢᠷ ᠮᠡᠳᠡᠳᠡᠭ᠌ ᠰᠤᠶᠤᠯ ᠤᠨ ᠭᠦᠮᠦᠰ ᠭᠡᠵᠤ ᠬᠠᠰᠢᠯᠠ ᠥᠮᠨᠦᠭᠡᠨ (ᠣᠠᠳᠤᠤ)᠂ ᠠᠪᠤᠨ ᠳᠤᠤᠷᠠ ᠨᠢ ᠮᠢᠨᠤ ᠭᠦᠴᠢᠷᠳᠡᠯ ᠢ ᠰᠢ᠌ᠳᠪᠦᠷᠢᠯᠡᠴᠢᠭᠡᠪᠡ᠃ ᠪᠠᠶᠠᠷᠯᠠᠭᠰᠠᠨ ᠭᠡᠷᠢᠶᠡ ᠪᠠᠷᠭᠢᠷᠠᠭᠠ ᠭᠡᠭ᠍ᠴᠢ ᠪᠠᠷ ᠪᠢ ᠪᠠᠭᠡᠵᠢᠩ ᠳᠤ ᠮᠤᠷᠳᠠᠬᠤ ᠡᠳᠦᠷ ᠶᠢᠡᠨ ᠬᠤᠷᠤᠭᠤ ᠳᠠᠷᠤᠨ ᠳᠤᠭᠠᠯᠠᠵᠤ ᠪᠠᠢ᠌ᠭᠠᠤᠨ᠂ ᠰᠢᠩᠭᠡᠯᠢᠭ᠌ ᠡᠴᠡ ᠪᠠᠨ ᠠᠯᠳᠠᠭᠳᠠᠭᠰᠠᠨ ᠰᠢᠪᠠᠭᠤ ᠠᠳᠠᠯᠢ ᠳᠤᠷᠠᠳᠠᠢ ᠵᠥᠭ᠌ ᠶᠢᠡᠨ ᠨᠢᠰᠴᠤ ᠪᠢᠯᠠ᠃ ᠨᠢᠭᠡ ᠬᠠᠪᠣᠷ ᠴᠤ ᠪᠣᠯᠤᠭ᠂ ᠨᠠᠢ᠌ᠰᠯᠠᠯ ᠪᠠᠭᠡᠵᠢᠩ ᠤᠨ ᠠᠭᠠᠷ ᠰᠠᠯᠭᠢᠨ ᠳᠤ ᠳᠤᠷᠠ ᠪᠠᠷ ᠶᠢᠡᠨ ᠵᠢᠷᠭᠠᠨᠠ ᠭᠡᠵᠤ ᠪᠣᠳᠤᠬᠤ ᠡᠴᠡ ᠰᠡᠳᠭᠢᠯ ᠮᠢᠨᠢ ᠭᠦᠷᠤᠨ ᠭᠦᠷᠳᠡᠯᠡ ᠪᠠᠨ ᠳᠠᠭᠤᠯᠠᠵᠤ ᠶᠠᠪᠣᠭᠰᠠᠨ ︕
ᠪᠠᠭᠡᠵᠢᠩ ᠳᠤ ᠭᠦᠷᠦᠯᠡ᠂ ᠳᠤᠮᠤ ᠬᠤᠳᠠ ᠡ᠃ ᠨᠠᠩ ᠴᠤ ᠠᠩᠬᠠ ᠭᠦᠷᠦᠭ᠍ᠰᠡᠨ ᠨᠠᠳᠠ ᠳᠠᠭᠠᠨ ᠪᠦᠷ ᠭᠡᠯᠡᠭᠦ ᠶᠢᠨ ᠭᠠᠵᠠᠷ ᠪᠠᠢ᠌ᠬᠤ ᠦᠭᠡᠶ᠃ ᠵᠥᠪᠭᠡᠨ ᠭᠠᠯᠳᠤ ᠳᠡᠷᠭᠡᠨ ᠤ ᠨᠢᠭᠡ ᠦᠷᠳᠡᠭᠡ ᠨᠢ ᠮᠢᠨᠤ ᠠᠮᠢᠳᠤᠷᠠᠳᠠᠭ ᠰᠢᠶᠠᠨ ᠤ ᠲᠥᠪ ᠡᠴᠡ ᠬᠠᠪᠢ ᠦᠭᠡᠶ ᠶᠡᠭᠡ᠃ ᠵᠠᠶᠠᠭᠠ ᠪᠠᠷ ᠲᠥᠪ ᠤᠨ ᠦᠨᠳᠦᠰᠦᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠡᠷᠳᠡᠮ ᠰᠤᠶᠤᠯ ᠤᠨ ᠮᠦᠷ ᠭᠦᠭᠡᠭᠡᠵᠤ ᠶᠠᠪᠣᠭᠠ ᠨᠤᠮ ᠤᠨ ᠳᠡᠭᠦᠤ ᠰᠢᠨᠠᠪᠣᠳᠤᠯ ᠲᠡᠶ ᠬᠠᠷᠢᠴᠠᠵᠤ ᠪᠠᠢ᠌ᠭᠠᠤᠨ ᠳᠡᠭᠦᠨ ᠤ ᠳᠠᠨᠢᠭᠰᠠᠨ ᠡᠭᠡᠴᠢ ᠭᠡᠭᠡᠡᠬᠠᠰ ᠶᠢᠡᠷ ᠳᠤᠰᠤᠭᠤᠯᠤᠭᠰᠠᠨ ᠳᠠᠭᠠᠨ ᠪᠣᠯᠵᠠᠢ᠃ ᠦᠭᠡᠶ ᠪᠣᠯ ᠰᠤᠷᠤᠯᠴᠠᠳᠠᠭ ᠰᠤᠷᠭᠠᠭᠤᠯᠢ ᠪᠠᠨ ᠣᠯᠬᠤ ᠭᠡᠵᠤ ᠨᠠᠢ᠌ᠰᠯᠠᠯ ᠪᠠᠭᠡᠵᠢᠩ ᠤᠨ ᠨᠠᠷᠭᠢᠶᠠᠨ ᠱᠤᠤᠭᠢᠶᠠᠨ ᠳᠤ ᠳᠤᠯᠤᠭᠠᠢ ᠡᠷᠭᠢᠨ ᠭᠡᠰᠡᠭ᠌ ᠪᠣᠳᠤᠯᠢᠵᠤ ᠭᠦᠭᠯᠡᠭ᠍ᠰᠡᠨ ᠪᠠᠢ᠌ᠬᠠ ᠳ᠋ᠠ᠃ ᠨᠤᠳᠤᠭ ᠤᠨ ᠳᠡᠭᠦᠤ ᠭᠡᠭᠡᠡᠬᠠᠰ ᠶᠢᠡᠷ ᠵᠠᠮᠴᠢᠯᠠᠭᠤᠯᠤᠨ ᠣᠳᠠᠭᠰᠠᠨ ᠳᠦᠳᠡᠭ᠍ᠰᠡᠨ ᠦᠭᠡᠶ ᠭᠦᠷᠳᠡᠭ᠌ ᠭᠠᠵᠠᠷ ᠶᠢᠡᠨ ᠭᠦᠷᠴᠤ᠂ ᠨᠠᠷᠠ ᠣᠰᠤ ᠪᠠᠨ ᠮᠡᠳᠡᠭᠦᠯᠤᠨ ᠰᠠᠨᠠᠭᠠ ᠠᠮᠤᠷᠤᠯᠠ᠃ ᠣᠳᠤᠷᠢᠳᠤᠯᠭᠠ᠂ ᠪᠠᠭᠰᠢ ᠨᠡᠷ ᠨᠠᠮᠠ ᠶᠢ ᠰᠡᠭᠦᠯᠳᠡᠭᠡᠳ ᠢᠷᠠᠯᠠ ᠭᠡᠮᠡᠨ ᠣᠴᠢᠷᠳᠠᠭᠰᠠᠨ (ᠰᠢᠭᠦᠮᠵᠢᠯᠡᠭ᠍ᠰᠡᠨ) ᠦᠭᠡᠶ ᠮᠦᠷᠳᠡᠭᠡᠨ ᠬᠠᠷᠢᠨ ᠵᠠᠮ ᠵᠠᠭᠤᠷᠠ ᠪᠠᠨ ᠶᠠᠳᠠᠷᠠᠪᠠ ᠦᠦ ︖ ᠶᠠᠭᠠᠭᠢᠪᠠ ︖ ᠭᠡᠳ ᠬᠠᠯᠠᠮᠵᠢᠯᠠᠨ ᠪᠣᠯᠭᠤᠭᠠᠬᠤ ᠨᠢ ᠭᠦᠮᠤᠨ ᠢ ᠣᠯᠠᠮ ᠡᠪ ᠥᠭᠡᠢ᠌ᠳᠡᠭᠦᠯᠤᠨᠡ᠃ ᠪᠠᠢ᠌ᠷᠢ ᠶᠢᠨ ᠲᠦᠯᠭᠢᠭᠦᠷ ᠶᠢᠡᠨ ᠭᠠᠷᠳᠠᠴᠢᠬᠠᠭᠠᠤᠨ ᠵᠢᠭᠠᠭᠰᠠᠨ ᠶᠤᠰᠤᠭᠠᠷ ᠵᠢᠷᠭᠤᠳᠤᠭᠠᠷ ᠳᠠᠪᠬᠤᠷ ᠳᠡᠭᠡᠷᠡ ᠭᠠᠷᠴᠤ ᠢᠷᠡᠭᠦ ᠳᠤ 602 ᠨᠤᠮᠸᠷ ᠲᠡᠶ ᠪᠠᠢ᠌ᠷᠢ ᠶᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠭᠢᠳᠠᠤᠨ ᠥᠰᠦᠭ᠌ ᠤᠨ ᠭᠢᠴᠢᠶᠡᠩᠭᠦᠢ ᠳᠢᠭ᠌ ᠶᠢᠡᠷ ᠪᠢᠴᠢᠭ᠍ᠰᠡᠨ ᠮᠢᠨᠤ ᠨᠠᠷᠠ ᠥᠭᠡᠳᠡ ᠡᠴᠡ 《ᠶᠠᠭᠤᠨ ᠳᠤ ᠭᠦᠮᠤᠨ ᠡᠴᠡ ᠬᠤᠴᠤᠷᠤᠭᠠᠤᠨ ᠢᠷᠠᠪᠠ ︖》 ᠭᠡᠮᠡᠨ ᠭᠤᠮᠤᠳᠠᠯ ᠨᠡᠭᠡᠵᠤ ᠪᠠᠢ᠌ᠨᠠ᠃ ᠳᠡᠭᠡᠳᠡᠯᠡ ᠵᠡᠷᠭᠡᠯᠡᠳᠡᠭᠡ ᠪᠠᠢ᠌ᠷᠢ ᠶᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠪᠢᠴᠢᠭᠡᠰᠤ ᠲᠡᠶ ᠪᠠᠢ᠌ᠭᠠ 《ᠡᠩᠭᠡᠬᠠᠳᠡ》 ᠭᠡᠰᠡᠨ ᠪᠦᠳᠦᠭᠦᠨ ᠥᠰᠦᠭ᠌ ᠮᠢᠨᠤ ᠨᠢᠳᠤᠨ ᠳᠤ ᠳᠤᠷᠤᠯᠠ᠃ ᠶᠠᠭᠤ ᠴᠤ ᠭᠡᠰᠡᠨ ᠥᠭᠡ ᠰᠠᠨᠠᠭᠠ ᠳᠠᠭᠠᠷᠠᠳᠠᠭ ᠮᠤᠩᠭ᠋ᠤᠯ ᠨᠠᠢ᠌ᠵᠠ ᠲᠡᠶ ᠪᠠᠨ ᠠᠢ᠌ᠯᠯᠠᠭᠠᠤᠨ ᠪᠠᠭᠤᠴᠢᠬᠠᠵᠤ ᠭᠡᠮᠡᠨ ᠪᠣᠳᠤᠭᠠᠤᠨ ᠠᠮᠵᠢᠵᠠᠢ᠃ ᠪᠠᠢ᠌ᠷᠢᠨ ᠳᠠᠭᠠᠨ ᠣᠷᠤᠪᠠᠯ ᠱᠠᠯᠠ ᠡᠴᠡ ᠪᠠᠨ ᠡᠭᠢᠯᠡᠨ ᠭᠡᠷᠡᠯ ᠣᠢ᠌ᠵᠤ᠂ ᠰᠢᠷᠡᠭᠡ ᠰᠠᠠᠳᠠᠯᠢ ᠪᠠᠨ ᠭᠢᠯᠠ ᠴᠢᠯᠠ ᠪᠠᠭᠤᠳᠠᠯᠠ ᠠᠷᠴᠢᠭᠠᠤᠨ ᠣᠷᠤ ᠳᠡᠪᠢᠰᠭᠡᠷ ᠢ ᠨᠢ ᠳᠠᠷᠢ ᠳᠡᠭ᠍ᠰᠢᠭᠡᠨ ᠬᠤᠷᠢᠶᠠᠭᠰᠠᠨ ᠳᠡᠭᠡᠳᠤ ᠳᠠᠰ ᠤᠨ ᠵᠤᠴᠢᠳ ᠤᠨ ᠪᠠᠭᠤᠳᠠᠯ ᠭᠡᠮᠡᠷ ᠴᠡᠪᠠᠷᠭᠡᠨ ᠦᠷᠦᠭᠡ ᠪᠠᠢ᠌ᠨᠠ᠃ ᠠᠩᠬᠠ ᠣᠳᠠᠭᠠ ᠡᠢ᠌ᠮᠦᠷᠭᠦ ᠳᠤᠭᠢᠯᠢᠭ ᠳᠠᠭᠠᠯᠠᠮᠵᠢᠳᠠᠢ ᠮᠦᠷᠳᠡᠭᠡᠨ ᠨᠠᠮ ᠰᠡᠯᠡᠭᠦᠨ ᠭᠠᠭᠴᠠ ᠭᠦᠮᠤᠨ ᠤ ᠦᠷᠦᠭᠡᠨ ᠳᠤ ᠰᠠᠭᠤᠵᠤ᠂ ᠳᠦᠷᠪᠠᠨ ᠰᠠᠷᠠ ᠳᠤᠷᠠᠳᠠᠢ ᠵᠣᠢ᠌ᠯ ᠳᠡᠭᠡᠨ ᠳᠤᠯᠤᠭᠠᠢ ᠬᠠᠪᠳᠠᠢ᠌ᠯᠭᠠᠨᠠ ᠭᠡᠭᠦ ᠡᠴᠡ ᠣᠮᠤᠷᠬᠠᠬᠤ᠂ ᠭᠦᠭ᠍ᠰᠡᠭᠦ᠂ ᠣᠯᠵᠠᠷᠬᠠᠬᠤ ᠶᠠᠩᠵᠤ ᠶᠢᠨ ᠰᠡᠳᠬᠢᠯᠭᠡ ᠪᠦᠭᠦᠢᠯᠡ ᠣᠶᠤᠨ ᠮᠠᠳᠠᠷᠠᠯ ᠢ ᠡᠵᠡᠯᠡᠨ ᠪᠠᠢ᠌ᠪᠠ᠃ ᠳᠡᠭᠡᠭᠡᠳ ᠪᠠᠷᠤᠭ ᠬᠠᠭᠠᠰ ᠰᠠᠷᠠ ᠰᠢᠬᠠᠮ ᠰᠡᠭᠦᠯᠳᠡᠭᠡᠳ ᠢᠷᠡᠭ᠍ᠰᠡᠨ ᠨᠠᠮᠠ ᠶᠢ ᠭᠡᠨ ᠨᠢ ᠪᠣᠯᠪᠠᠴᠤ ᠪᠦᠷ ᠳᠠᠨᠢᠴᠢᠬᠠᠵᠠᠢ᠃ ᠠᠰᠠᠷ ᠤᠨ ᠭᠤᠳᠤᠮ᠂ ᠴᠠᠭᠢᠯᠭᠠᠨ ᠱᠠᠳᠤ ᠶᠢᠨ ᠬᠠᠮᠢᠭᠠ ᠨᠢ ᠪᠣᠯᠪᠠᠴᠤ ᠨᠠᠳᠠ ᠲᠡᠶ ᠳᠠᠭᠠᠷᠠᠯᠳᠠᠭᠰᠠᠨ ᠪᠦᠭᠦᠨ ᠮᠢᠨᠤ ᠨᠠᠷᠠ ᠪᠠᠷ ᠰᠢᠭᠤᠳ ᠳᠠᠭᠤᠳᠠᠭᠠᠤᠨ ᠠᠪᠬᠤ ᠨᠢ ᠨᠢᠭᠤᠷ ᠲᠤ ᠭᠦᠷᠤᠨ ᠠᠷᠭᠠ ᠪᠠᠷᠠᠭᠳᠠᠭᠤᠯᠤᠮᠠᠷ᠃
ᠰᠤᠷᠭᠠᠭᠤᠯᠢ ᠶᠢᠨ ᠭᠦᠷᠢᠶᠡᠨ ᠳ᠋ᠠᠭᠢ ᠡᠪᠠᠰᠤ ᠮᠤᠳᠤᠳ ᠨᠠᠭᠢᠶᠠᠯᠠᠬᠤ ᠵᠥᠭ᠌ ᠲᠡᠭᠡᠨ ᠬᠠᠠᠳᠤᠨ ᠡ᠊ᠨᠳᠡ ᠨᠢᠭᠡᠨᠲᠡ ᠬᠠᠪᠣᠷ ᠤᠨ ᠰᠢᠨᠵᠢ ᠣᠷᠤᠵᠠᠢ᠃ ᠠᠰᠠᠷ ᠤᠨ ᠡᠭᠦᠳᠡᠨ ᠡᠮᠤᠨᠡ ᠪᠠᠢ᠌ᠷᠢᠯᠠᠭᠠ ᠵᠢᠵᠢᠭ᠌ ᠴᠡᠴᠡᠷᠯᠢᠭ᠌ ᠤᠨ ᠳᠤᠳᠤᠭᠤᠷ ᠳᠠᠤᠯᠠᠢ ᠶᠢᠨ ᠵᠢᠮ ᠰᠢᠭ᠌ ᠨᠠᠷᠢᠬᠠᠨ ᠵᠠᠮ ᠨᠠᠰᠢ ᠴᠠᠰᠢ ᠰᠥᠯᠵᠢᠯᠳᠦᠭᠡᠳ ᠪᠠ ᠶᠢᠨ᠂ ᠮᠤᠤ ᠳ᠋ᠦᠨ᠂ ᠠᠢ ᠴᠢᠩ ᠡᠴᠡ ᠡᠭᠢᠯᠡᠭᠡᠳ ᠭᠢᠳᠠᠤᠨ ᠤᠨ ᠤᠢ᠌ᠷᠡ ᠦᠶᠡ ᠶᠢᠨ ᠣᠷᠠᠨ ᠵᠤᠬᠢᠶᠠᠯ ᠤᠨ ᠳᠡᠦᠭᠡᠨ ᠳᠡᠭᠡᠷᠡᠭᠢ ᠨᠠᠷᠠ ᠳᠦᠷᠤ ᠲᠡᠶ ᠭᠦᠮᠦᠰ ᠤᠨ ᠱᠤᠭᠤᠮᠠᠯ ᠡᠨᠡ ᠭᠦᠷᠢᠶᠡᠯᠡᠩ ᠢ ᠬᠤᠪᠢ ᠶᠢᠨ ᠭᠠᠳᠠᠨᠠ ᠡᠷᠭᠢᠮᠰᠦᠭ᠌ ᠭᠣᠢ᠌ᠳᠠ ᠪᠣᠯᠭᠠᠭᠰᠠᠨ ᠬᠠᠷᠠᠭᠳᠠᠨᠠ᠃ ᠠᠰᠠᠷ ᠤᠨ ᠡᠭᠦᠳᠡ ᠪᠠᠷ ᠠᠯᠬᠤᠨ ᠣᠷᠤᠬᠤ ᠲᠡᠶ ᠵᠡᠷᠭᠡ ᠠᠭᠤᠵᠢᠮ ᠭᠡᠭᠡᠮᠰᠦᠭ᠌ ᠳᠢᠩᠭᠢᠮ ᠤᠨ ᠬᠠᠨᠠ ᠶᠢ ᠳᠠᠭᠠᠭᠤᠯᠤᠨ ᠡᠷᠳᠡ ᠡᠳᠦᠭᠡ᠂ ᠭᠠᠳᠠᠭᠠᠳᠤ ᠳᠤᠳᠤᠭᠠᠳᠤ ᠶᠢᠨ ᠨᠠᠷᠠᠳᠤ ᠵᠤᠬᠢᠶᠠᠯᠴᠢᠳ ᠤᠨ ᠲᠦᠯᠤᠪ ᠳᠦᠷᠭᠦ ᠶᠢ ᠳᠠᠳᠠᠯᠠᠨ ᠵᠢᠷᠤᠵᠤ᠂ ᠳᠤᠪᠴᠢ ᠨᠠᠮᠳᠠᠷ ᠢ ᠡᠮᠭᠢ ᠴᠡᠭ᠍ᠴᠢ ᠲᠡᠶ ᠪᠠᠢ᠌ᠷᠢᠯᠠᠭᠤᠯᠤᠨ ᠥᠵᠡᠭᠦᠯᠦᠭᠡᠳ ᠡ᠊ᠨᠳᠡ ᠢᠷᠡᠭ᠍ᠰᠡᠳ ᠲᠤ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠤᠳᠬᠠ ᠣᠷᠠᠯᠢᠭ ᠤᠨ ᠷᠢᠳ᠋ ᠰᠢᠳᠢ ᠶᠢ ᠪᠢᠰᠢᠷᠡᠭᠦ᠂ ᠪᠠᠬᠠᠷᠬᠠᠬᠤ᠂ ᠭᠠᠢ᠌ᠬᠠᠬᠤ ᠳᠦᠷᠦᠭ᠍ᠳᠡᠯ ᠣᠯᠭᠤᠨᠠ᠃
ᠨᠥᠭᠦᠭᠡᠳᠦᠷ ᠡᠴᠡ ᠨᠢ ᠡᠭᠢᠯᠡᠭᠡᠳ ᠪᠢ ᠵᠢᠩᠭᠢᠨᠢ ᠰᠤᠷᠤᠯᠴᠠᠯᠭᠠ ᠳᠠᠭᠠᠨ ᠣᠷᠤᠯᠠ᠃ ᠳᠤᠰ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠤᠯᠴᠠᠭᠤᠯᠬᠤ ᠠᠷᠭᠠ ᠮᠠᠶᠢᠭ ᠦᠪᠡᠷ ᠤᠨ ᠭᠡᠰᠡᠨ ᠣᠠᠴᠠᠯᠢᠭ ᠲᠡᠶ ᠶᠤᠮ ᠪᠠᠢ᠌ᠨᠠ᠃ ᠪᠦᠳᠤᠨ ᠭᠠᠷᠠᠭ ᠶᠢᠡᠷ ᠴᠢᠮᠠ ᠶᠢ ᠰᠠᠠᠳᠠᠯᠢ ᠳᠡᠭᠡᠷᠡ ᠬᠠᠳᠠᠴᠢᠬᠠᠭᠰᠠᠨ ᠶᠤᠮ ᠰᠢᠭ ᠰᠠᠭᠤᠯᠭᠠᠴᠢᠬᠠᠭᠠᠤᠨ ᠨᠤᠮ ᠳᠠᠯᠪᠢᠭᠠᠤᠨ ᠪᠠᠢ᠌ᠬᠤ ᠦᠭᠡᠶ᠃ ᠭᠠᠷᠠᠭ ᠲᠤ ᠪᠠᠨ ᠭᠤᠷᠪᠠᠨ ᠬᠠᠭᠠᠰ ᠡᠳᠦᠷ ᠳᠤᠰᠬᠠᠢ ᠣᠷᠢᠵᠤ ᠠᠪᠴᠢᠷᠠᠭᠰᠠᠨ ᠡᠷᠳᠡᠮᠳᠡᠳ ᠤᠨ ᠳᠠᠢ᠌ᠯᠤᠨ ᠢ ᠰᠤᠨᠤᠰᠪᠠᠯ ᠪᠣᠰᠤᠳ ᠴᠠᠭ ᠲᠤ ᠨᠢ ᠦᠪᠡᠷ ᠶᠢᠡᠨ ᠪᠠᠢ᠌ᠷᠢᠨ ᠳᠠᠭᠠᠨ ᠨᠤᠮ ᠦᠵᠡᠨ ᠵᠤᠬᠢᠶᠠᠯ ᠪᠢᠴᠢᠭᠦ ᠪᠣᠶᠤ ᠭᠠᠳᠠᠨᠠ ᠳᠤᠳᠤᠨᠠ ᠭᠠᠷᠤᠨ ᠰᠡᠯᠡᠭᠦᠴᠡᠵᠤ᠂ ᠨᠠᠭᠠᠳᠴᠤ ᠨᠠᠷᠭᠢᠵᠤ ᠪᠦᠷ ᠪᠣᠯᠤᠨᠡ᠃ ᠶᠠᠭᠤ ᠪᠦᠭᠦᠨ ᠨᠢ ᠶᠡᠭᠡ ᠴᠢᠯᠦᠭᠡ ᠲᠡᠶ ᠮᠦᠷᠳᠡᠭᠡᠨ ᠶᠠᠮᠠᠷᠴᠤ ᠳᠠᠷᠤᠭᠠᠰᠤ ᠠᠯᠪᠠᠳᠠᠯᠭᠠ ᠭᠡᠵᠤ ᠪᠠᠢ᠌ᠬᠤ ᠦᠭᠡᠶ᠃ ᠳᠤᠷᠠᠳᠠᠢ ᠵᠣᠢ᠌ᠯ ᠶᠢᠡᠨ ᠣᠷᠤᠯᠳᠤᠵᠤ᠂ ᠳᠤᠷᠠ ᠦᠭᠡᠶ ᠵᠣᠢ᠌ᠯ ᠶᠢᠡᠨ ᠬᠠᠶᠠᠭᠠᠨ ᠳᠤ ᠨᠢ ᠬᠠᠶᠠᠴᠢᠬᠠᠯᠠ ᠭᠡᠳ ᠪᠣᠷᠤᠭᠤᠳᠬᠠᠬᠤ ᠭᠦᠮᠤᠨ ᠪᠠᠢ᠌ᠬᠤ ᠦᠭᠡᠶ᠃ ᠣᠠᠳᠠᠪᠠᠯ ᠴᠤ ᠴᠢᠨᠤ ᠳᠤᠷᠠ᠂ ᠠᠮᠠᠷᠠᠪᠠᠯ ᠴᠤ ᠴᠢᠨᠤ ᠳᠤᠷᠠ᠂ ᠭᠡᠨ ᠴᠤ ᠴᠢᠮᠠ ᠬᠠᠮᠢᠶᠠᠷᠬᠤ ᠦᠭᠡᠶ᠃
ᠰᠤᠷᠭᠠᠭᠤᠯᠢ ᠳᠤ ᠪᠠᠢ᠌ᠬᠤ ᠳᠠᠭᠠᠨ ᠨᠢᠭᠡ ᠠᠷᠪᠢᠨ ᠳᠦᠷᠢᠮ ᠳᠤᠭᠳᠠᠭᠠᠯ ᠢ ᠮᠦᠷᠳᠠᠨ ᠠᠵᠢᠯᠯᠠᠭᠠᠤᠨ ᠮᠠᠭᠤ ᠵᠠᠩᠰᠢᠴᠢᠭᠭᠰᠠᠨ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠴᠤ ᠡᠢ᠌ᠮᠦᠷᠭᠦ ᠪᠠᠢ᠌ᠳᠠᠯ ᠳᠤ ᠳᠤᠩ ᠠᠮᠠᠷᠬᠠᠨ ᠳᠠᠰᠴᠠᠢ᠃ ᠳᠡᠭᠡᠭᠡᠳ ᠪᠦᠭᠦ ᠠᠩᠭᠢ ᠳᠠᠭᠠᠨ ᠵᠥᠪᠭᠡᠨ ᠬᠤᠶᠠᠷᠬᠠᠨ ᠮᠤᠩᠭ᠋ᠤᠯ ᠪᠠᠢ᠌ᠭᠰᠠᠨ ᠪᠣᠯᠬᠤ ᠪᠠᠷ ᠪᠠᠶᠠ ᠪᠠᠶᠠ ᠪᠠᠨ ᠮᠠᠰᠢ ᠳᠦᠷᠭᠡᠨ ᠣᠢ᠌ᠯᠠᠭᠠᠯᠴᠠᠨ ᠠᠪᠣᠯᠠ᠃ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠤᠨ ᠠᠵᠢᠯᠯᠠᠵᠤ ᠠᠮᠠᠷᠠᠳᠠᠭ ᠴᠠᠭ ᠵᠢᠭᠠᠬᠠᠨ ᠠᠳᠠᠯᠢ ᠦᠭᠡᠶ᠃ ᠪᠢ ᠠᠰᠬᠠᠨ ᠡᠷᠳᠡ ᠣᠠᠳᠠᠨᠠ᠂ ᠡᠩᠭᠡᠬᠠᠳᠡ ᠮᠠᠨᠢ ᠣᠷᠤᠢ ᠣᠠᠳᠠᠨᠠ᠃ ᠡᠳᠦᠷ ᠲᠤ ᠪᠠᠰᠠ ᠪᠢ ᠳᠡᠭᠦᠨ ᠡᠴᠡ ᠨᠢᠭᠡ ᠬᠤᠶᠠᠷ ᠴᠠᠭ ᠢᠯᠡᠭᠦᠤ ᠣᠠᠳᠠᠴᠢᠬᠠᠨᠠ᠃ ᠡᠭᠦᠨ ᠡᠴᠡ ᠪᠣᠯᠤᠭᠠᠤᠨ ᠳᠠᠷᠠ ᠨᠠᠮᠠ ᠪᠠᠨ ᠦᠷᠭᠦᠯᠵᠢ ᠣᠠᠳᠠᠩᠬᠠᠢ ᠭᠡᠳ ᠱᠤᠤᠯᠠᠨ ᠭᠤᠤᠴᠢᠯᠠᠨᠠ᠃ ᠨᠠᠮᠠ ᠶᠢ ᠪᠣᠳᠤᠪᠠᠯ ᠡᠩᠭᠡᠬᠠᠳᠡ ᠴᠠᠭ ᠢ ᠭᠠᠮᠨᠠᠨ ᠪᠠᠶᠠ ᠪᠠᠨ ᠱᠠᠭᠠᠷᠳᠠᠬᠤ ᠨᠢ ᠴᠢᠩᠭᠠ᠃ ᠬᠤᠶᠠᠭᠤᠯᠠ ᠬᠠᠮᠳᠤ ᠪᠠᠢ᠌ᠬᠤ ᠳᠤ ᠡᠩᠭᠡᠬᠠᠳᠡ 《ᠶᠠᠭᠤ ᠴᠤ ᠭᠢᠵᠤ ᠪᠦᠳᠦᠭᠡᠭ᠍ᠰᠡᠨ ᠦᠭᠡᠶ ᠪᠠᠷ ᠬᠠᠢ᠌ᠷᠠᠨ ᠴᠠᠭ ᠢ ᠠᠯᠳᠠᠭᠠᠤᠨ ᠶᠠᠪᠣᠭᠤᠯᠴᠢᠬᠠᠬᠤ ᠪᠠᠷ ᠪᠠᠢ᠌ᠨᠠ》 ᠭᠡᠮᠡᠨ ᠭᠠᠰᠠᠯᠠᠨᠠ᠃ ᠡᠨᠡ ᠦᠶᠡᠰ ᠮᠢᠨᠤ ᠰᠡᠳᠭᠢᠯ ᠤᠨ ᠳᠠᠷᠤᠭᠠᠰᠤ ᠦᠯᠦ ᠮᠡᠳᠡᠭ᠌ ᠭᠦᠡᠳᠦᠷᠡᠵᠤ ᠢᠷᠡᠳᠡᠭ᠌ ᠴᠤ ᠵᠢᠭᠠᠬᠠᠨ ᠴᠠᠭ ᠥᠩᠭᠡᠷᠡᠪᠠᠯ ᠳᠡᠭᠦᠨ ᠶᠢᠡᠨ ᠮᠠᠷᠳᠠᠴᠢᠬᠠᠳᠠᠭ᠃ ᠦᠷᠯᠦᠭᠡ ᠬᠤᠶᠠᠭᠤᠯᠠ ᠶᠡᠭᠡᠩᠭᠢ ᠳᠡᠭᠡᠨ ᠪᠠᠢ᠌ᠷᠢᠨ ᠳᠠᠭᠠᠨ ᠬᠠᠮᠳᠤ ᠬᠤᠭᠤᠯᠠᠯᠠᠨᠠ᠃ ᠡᠩᠭᠡᠬᠠᠳᠡ ᠮᠠᠨᠢ ᠰᠠᠢ᠌ᠬᠠᠨ ᠰᠦ᠋ ᠲᠡᠶ ᠰᠢᠷᠭᠠᠯ ᠴᠠᠢ ᠴᠢᠨᠠᠴᠢᠬᠠᠭᠠᠤᠨ ᠨᠠᠮᠠ ᠶᠢ ᠳᠠᠭᠤᠳᠠᠵᠤ᠂ ᠵᠢᠵᠢᠭ᠌ ᠬᠤᠭᠤᠯᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠮᠢᠬᠠ ᠪᠣᠭᠤᠷᠰᠤᠭ᠂ ᠦᠷᠤᠮᠠ ᠴᠠᠭᠠᠨ ᠢᠳᠡᠭᠡ᠂ ᠪᠣᠷᠴᠠ ᠪᠠᠨ ᠣᠪᠣᠭᠠᠯᠠᠭᠠᠤᠨ ᠴᠠᠢ᠌ᠯᠠᠵᠤ ᠭᠠᠷᠤᠨᠡ᠃ ᠬᠠᠷᠢ ᠬᠤᠯᠠ ᠶᠢᠨ ᠪᠠᠭᠡᠵᠢᠩ ᠬᠤᠳᠠ ᠳᠤ ᠬᠤᠶᠠᠭᠤᠯᠠ ᠨᠤᠳᠤᠭ ᠤᠨ ᠢᠳᠡᠭᠡᠨ ᠡᠴᠡ ᠪᠠᠨ ᠭᠦᠷᠳᠡᠵᠤ ᠰᠠᠭᠤᠬᠤ ᠳᠤ ᠰᠡᠳᠭᠢᠯ ᠳᠤ ᠨᠢᠭᠡ ᠯᠠ ᠬᠠᠯᠠᠭᠤᠬᠠᠨ᠃ ᠡᠩᠭᠡᠬᠠᠳᠡ ᠦᠷᠭᠦᠯᠵᠢ ᠢᠨᠢᠶᠠᠳᠤᠮ ᠲᠡᠶ ᠶᠠᠭᠤᠮᠠ ᠭᠡᠯᠡᠴᠢᠭᠡᠭᠡᠳ ᠨᠢᠳᠤ ᠪᠠᠨ ᠵᠢᠷᠤᠭᠠᠰᠤ ᠪᠣᠯᠳᠠᠯᠠ ᠠᠨᠢᠨ ᠭᠦᠭ᠍ᠵᠢᠯᠳᠡᠢ ᠴᠡᠪᠠᠷᠭᠡᠨ ᠢᠨᠢᠶᠡᠭᠦ ᠳᠤ ᠪᠢ ᠴᠤ ᠳᠠᠭᠠᠭᠠᠤᠨ ᠢᠨᠢᠶᠠᠵᠤ ᠭᠦᠷ ᠨᠠᠮᠠᠨ᠂ ᠮᠠᠭᠤ ᠪᠠᠢ᠌ᠷᠢ ᠶᠢᠨ ᠭᠡᠷ ᠶᠢᠡᠨ ᠡᠷᠭᠦᠵᠤ ᠬᠠᠶᠠᠮᠠᠷ ᠪᠣᠯᠤᠨᠡ᠃ ᠡ᠊ᠨᠳᠡ ᠶᠠᠮᠠᠷ ᠴᠤ ᠬᠤᠷᠢᠭᠠ ᠴᠡᠭᠡᠷ᠂ ᠠᠳᠤᠭᠠ ᠵᠢᠳᠦᠭᠡ᠂ ᠤᠢ᠌ᠳᠬᠠᠷ ᠪᠣᠭᠢᠨᠢᠳᠤᠯ ᠭᠡᠵᠤ ᠪᠠᠢ᠌ᠬᠤ ᠦᠭᠡᠶ ᠪᠦᠭᠡᠳ ᠠᠭᠠᠷ ᠠᠮᠢᠰᠬᠤᠯ᠂ ᠣᠷᠴᠢᠨ ᠳᠤᠭᠤᠷᠢᠨ ᠨᠢ ᠳᠤᠩᠭ᠋ᠠᠯᠠᠭ ᠴᠠᠪᠠᠷ᠂ ᠡᠳᠦᠷ ᠪᠣᠯᠭᠠᠨ ᠰᠠᠯᠭᠢ ᠰᠢᠭᠤᠷᠭᠠ᠂ ᠰᠢᠷᠤᠢ ᠳᠤᠭᠤᠰᠤ ᠪᠣᠰᠤᠭᠠᠤᠨ ᠪᠠᠢ᠌ᠬᠤ ᠦᠭᠡᠶ ᠰᠠᠨᠠᠭᠠ ᠠᠮᠠᠷ᠃ ᠴᠤᠬᠤᠮ ᠴᠤ ᠵᠢᠷᠭᠠᠵᠤ ᠪᠠᠢ᠌ᠭᠠᠤᠨ ᠶᠠᠭᠤᠮᠠ ᠪᠦᠳᠦᠭᠡᠳᠡᠭ᠌ ᠭᠦᠰᠡᠯᠡᠩ ᠤᠨ ᠭᠠᠵᠠᠷ ᠭᠡᠵᠤ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠪᠠᠶᠠ ᠪᠠᠶᠠ ᠪᠠᠨ ᠣᠷᠮᠠᠰᠢᠭᠤᠯᠳᠠᠭ ᠪᠠᠢ᠌ᠯᠠ᠃
ᠮᠠᠨ ᠤ ᠠᠩᠭᠢ ᠶᠢᠨ ᠭᠢᠨ ᠭᠢᠴᠢᠶᠠᠯ ᠰᠤᠨᠤᠰᠤᠭᠰᠠᠨ ᠦᠭᠡᠶ ᠡᠳᠦᠷ ᠶᠢᠡᠨ ᠰᠤᠷᠭᠠᠭᠤᠯᠢ ᠶᠢᠨ ᠳᠤᠭᠤᠭᠠᠨ ᠳᠤ ᠬᠤᠭᠤᠯᠠᠯᠠᠳᠠᠭ ᠨᠢ ᠬᠤᠪᠣᠷ᠃ ᠶᠡᠭᠡᠩᠭᠢ ᠳᠡᠭᠡᠨ ᠶᠢᠰᠤ ᠠᠷᠪᠠᠭᠤᠯᠠ ᠪᠠᠷ ᠬᠠᠮᠳᠤᠷᠠᠨ ᠭᠠᠳᠠᠨᠠ ᠭᠠᠷᠴᠤ ᠪᠣᠳᠠᠭᠠᠯᠠᠨᠠ᠃ ᠡᠭᠦᠨ ᠳᠤ ᠰᠤᠷᠭᠠᠭᠤᠯᠢ ᠡᠴᠡ ᠳᠤᠰᠬᠠᠢ ᠰᠠᠨᠠᠯ ᠭᠠᠷᠭᠠᠭᠠᠰᠠᠨ ᠣᠳᠠᠭᠠ ᠴᠤ ᠪᠣᠢ᠂ ᠭᠡᠪᠠᠴᠤ ᠮᠠᠨᠠᠢ᠌ᠭᠢᠨ ᠳᠤ ᠮᠦᠨ ᠳᠤᠰᠠ ᠦᠭᠡᠶ ᠭᠠᠳᠠᠨᠠ ᠢᠳᠡᠭᠦ ᠪᠠᠷ ᠶᠢᠡᠨ ᠢᠳᠠᠨᠡ᠃ ᠭᠠᠳᠠᠨᠠ ᠢᠳᠠᠵᠤ ᠪᠠᠢ᠌ᠬᠤ ᠨᠢ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠭᠤᠯᠠ ᠶᠢ ᠭᠤᠯᠤᠬᠤ ᠳᠠᠭᠠᠨ ᠪᠢᠰᠢ᠂ ᠬᠠᠷᠢᠨ ᠨᠠᠭᠠᠳᠴᠤ ᠨᠠᠷᠭᠢᠬᠤ ᠶᠢᠨ ᠬᠠᠵᠠᠭᠤ ᠪᠠᠷ ᠬᠠᠷᠢᠯᠴᠠᠨ ᠣᠢ᠌ᠯᠠᠭᠠᠯᠴᠠᠬᠤ ᠭᠡᠰᠡᠨ ᠰᠠᠨᠠᠭᠠ ᠭᠡᠵᠤ ᠪᠢ ᠪᠣᠳᠤᠳᠠᠭ᠃ ᠳᠡᠭᠡᠭᠡᠳ ᠪᠠᠭᠡᠵᠢᠩ ᠤᠨ ᠬᠤᠭᠤᠯᠠ ᠨᠠᠯᠢᠶᠠᠤᠨ ᠦᠨᠡ ᠲᠡᠶ ᠴᠤ ᠬᠣᠢ᠌ᠰᠢ ᠰᠠᠭᠤᠬᠤ ᠭᠦᠮᠤᠨ ᠪᠠᠢ᠌ᠳᠠᠭ ᠦᠭᠡᠶ᠃ ᠪᠦᠷ ᠬᠤᠭᠤᠷᠤᠠᠳᠤ ᠪᠠᠨ ᠪᠣᠯᠢᠶᠠᠯᠳᠤᠨ ᠪᠠᠢ᠌ᠵᠤ᠂ ᠰᠡᠳᠭᠢᠯ ᠳᠠᠭᠠᠷᠠᠭᠰᠠᠨ ᠨᠥᠭᠦᠤᠨ ᠶᠢᠡᠨ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠳᠤ ᠵᠠᠯᠠᠨᠠ᠃ ᠠᠯᠢ ᠴᠤ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠪᠠᠷᠤᠭ ᠳᠤᠳᠠᠳᠠᠭ ᠦᠭᠡᠶ᠃ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠨᠡᠷ ᠴᠤ ᠪᠢᠳᠠ ᠬᠤᠶᠠᠷ ᠢ ᠪᠦᠷ ᠥᠭᠡᠷᠡ ᠨᠢᠳᠤ ᠪᠠᠷ ᠬᠠᠷᠠᠵᠤ᠂ ᠪᠦᠭᠦᠳᠡᠭᠡᠷ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠳᠠᠭᠤᠯᠠᠭᠤᠯᠬᠤ ᠳᠤᠷᠠᠳᠠᠢ᠃ ᠪᠢᠳᠠ ᠬᠤᠶᠠᠷ ᠴᠤ ᠡᠷᠡᠭᠡᠯᠡᠵᠤ ᠠᠴᠢᠷᠬᠠᠯ ᠦᠭᠡᠶ ᠪᠠᠷ ᠪᠠᠭᠡᠵᠢᠩ ᠤᠨ ᠦᠳᠡᠰᠢ ᠶᠢ ᠣᠶᠠᠷᠠᠳᠠᠯᠠ ᠳᠠᠳᠠᠨ ᠳᠤ ᠮᠤᠩᠭ᠋ᠤᠯ ᠳᠠᠭᠤᠤ ᠪᠠᠷᠢᠨᠠ᠃ ᠭᠡᠨ ᠨᠢᠭᠡ ᠨᠢ ᠳᠠᠭᠤᠯᠠᠵᠤ ᠪᠠᠢ᠌ᠬᠤ ᠳᠤ ᠬᠤᠭᠤᠷᠤᠠᠳᠤ ᠪᠠᠨ ᠰᠢᠪᠠᠨᠡᠯᠳᠦᠭᠦ ᠪᠣᠶᠤ ᠪᠣᠰᠤᠭᠠᠤᠨ ᠶᠠᠪᠣᠬᠤ ᠣᠴᠢᠷ ᠭᠠᠷᠳᠠᠭ ᠦᠭᠡᠶ᠃ ᠠᠷᠢᠭᠢ ᠣᠤᠭᠤᠵᠤ ᠴᠢᠳᠠᠬᠤ ᠦᠭᠡᠶ ᠴᠤ ᠳᠠᠭᠤᠯᠠᠭᠠᠤᠨ ᠪᠠᠷᠠᠬᠤ ᠲᠡᠶ ᠵᠡᠷᠭᠡ ᠴᠠᠢ ᠶᠢᠨ ᠴᠤᠮᠤ ᠪᠠᠨ ᠡᠷᠭᠦᠭᠡᠳ ᠪᠣᠰᠴᠤ ᠴᠢᠮᠠ ᠳᠤ ᠪᠠᠶᠠᠷ ᠳᠠᠯᠠᠷᠬᠠᠯ ᠶᠢᠡᠨ ᠳᠡᠪᠰᠢᠭᠦᠯᠤᠨᠡ᠃ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠨᠢᠭᠡ ᠪᠠᠨ ᠠᠷᠢᠭᠢ ᠪᠠᠷ ᠰᠢᠬᠠᠭᠬᠤ ᠣᠴᠢᠷ ᠶᠡᠷᠦᠳᠡᠭᠡᠨ ᠪᠠᠢ᠌ᠬᠤ ᠦᠭᠡᠶ᠃ ᠣᠤᠭᠤᠬᠤ᠂ ᠣᠤᠭᠤᠬᠤ ᠦᠭᠡᠶ ᠨᠢ ᠪᠦᠷ ᠦᠪᠡᠷ ᠤᠨ ᠰᠠᠢ᠌ᠨ ᠳᠤᠷᠠ᠃ ᠨᠠᠩ ᠴᠤ ᠭᠡᠮᠵᠢᠶᠡ ᠭᠢᠵᠠᠭᠠᠷ ᠡᠴᠡ ᠳᠠᠪᠠᠳᠠᠯᠠ ᠣᠤᠭᠤᠵᠤ ᠠᠭᠰᠤᠮᠨᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠤᠩᠭ᠋ᠤᠯᠴᠤᠳ ᠪᠢᠳᠠ ᠭᠢᠳᠠᠤᠨ ᠤᠨ ᠠᠷᠢᠭᠢᠨ ᠰᠤᠶᠤᠯ ᠤᠨ ᠡᠢ᠌ᠮᠦᠷᠭᠦ ᠰᠠᠢ᠌ᠨᠳᠠᠢ ᠰᠢᠯᠢᠳᠡᠭ᠌ ᠳᠠᠯᠠ ᠡᠴᠡ ᠠᠪᠤᠨ ᠰᠤᠷᠤᠯᠴᠠᠵᠤ ᠪᠣᠯᠬᠤ ᠶᠤᠮ᠃
ᠨᠠᠮᠠ ᠶᠢ ᠱᠠᠪᠢ ᠪᠠᠨ ᠪᠣᠯᠭᠠᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠠᠯᠠ ᠪᠠᠷ ᠳᠤᠰᠬᠠᠢ ᠵᠢᠭᠠᠨ ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ ᠪᠣᠯ 《ᠦᠨᠳᠦᠰᠦᠳᠠᠨ ᠤ ᠤᠳᠬᠠ ᠵᠤᠬᠢᠶᠠᠯ》 ᠰᠡᠳᠭᠦᠯ ᠤᠨ ᠶᠡᠷᠦᠩᠭᠡᠢ ᠨᠠᠢ᠌ᠷᠠᠭᠤᠯᠤᠭᠴᠢ ᠶᠧ ᠮᠸᠢ ᠪᠠᠭᠰᠢ ᠪᠣᠯᠤᠨᠡ᠃ ᠶᠧ ᠮᠸᠢ ᠪᠠᠭᠰᠢ ᠶᠢ ᠭᠠᠳᠠᠨᠠ ᠡᠴᠡ ᠨᠢ ᠬᠠᠷᠠᠬᠤ ᠳᠤ ᠶᠡᠭᠡᠮᠰᠦᠭ᠌ ᠳᠦᠪᠯᠡᠭᠦᠨ ᠬᠠᠷᠠᠭᠳᠠᠬᠤ ᠪᠣᠯᠪᠠᠴᠤ ᠨᠢᠭᠡ ᠤᠢ᠌ᠷᠠᠳᠤᠭᠠᠤᠨ ᠳᠠᠨᠢᠴᠢᠬᠠᠪᠠᠯ ᠲᠤᠢ᠌ᠯ ᠤᠨ ᠡᠭᠡᠯ ᠪᠣᠷᠤᠭᠵᠢᠭᠤᠨ᠂ ᠳᠠᠷᠤᠤ ᠬᠠᠯᠠᠭᠤᠮᠰᠤᠭ ᠪᠦᠰᠡᠭᠦᠢ ᠭᠡᠳᠡᠭ᠌ ᠢ ᠠᠮᠠᠷᠬᠠᠨ ᠮᠡᠳᠡᠴᠢᠭᠡᠨᠡ᠃ ᠳᠠᠳ᠋ ᠳᠠᠩᠭᠢᠮ ᠤᠨ ᠳᠠᠰ ᠤᠨ ᠳᠠᠷᠤᠭᠠ ᠪᠠᠢ᠌ᠳᠠᠯᠠ ᠪᠠᠨ ᠦᠴᠦᠭᠡᠨ ᠴᠤ ᠱᠤᠮ ᠯᠠᠷᠵᠢᠶᠠ ᠭᠡᠵᠤ ᠦᠭᠡᠶ ᠨᠢ ᠦᠨᠡᠨ ᠭᠠᠢ᠌ᠬᠠᠮᠠᠷ᠃ ᠨᠠᠭᠠᠳᠤᠮ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠮᠦᠨ ᠴᠢᠮᠠ ᠲᠡᠶ ᠠᠳᠠᠯᠢ ᠡᠷᠡᠭᠡ ᠵᠢᠷᠤᠭᠠ ᠦᠭᠡᠶ ᠨᠠᠭᠠᠳᠤᠨ ᠨᠠᠷᠭᠢᠵᠤ᠂ ᠱᠤᠭ ᠢᠨᠢᠶᠠᠳᠤᠮ ᠭᠠᠷᠭᠠᠨ ᠵᠦᠷᠢᠴᠠᠯᠠᠨ ᠭᠤᠤᠴᠢᠯᠠᠨᠠ᠃ ᠶᠧ ᠮᠸᠢ ᠪᠠᠭᠰᠢ ᠲᠡᠶ ᠬᠠᠷᠢᠴᠠᠭᠤᠯᠪᠠᠯ ᠳᠤᠪᠴᠢ ᠶᠢᠨ ᠴᠢᠨᠡᠭᠡᠨ ᠳᠠᠷᠤᠭᠠ ᠪᠠᠢ᠌ᠳᠠᠭ ᠶᠢᠡᠨ ᠮᠡᠳᠡᠭᠦ ᠦᠭᠡᠶ ᠬᠤᠭᠤᠰᠤᠨ ᠶᠠᠩᠪᠠᠷᠬᠠᠨ ᠶᠡᠭᠡᠷᠭᠡᠵᠤ᠂ ᠵᠥᠩᠳᠡᠭᠡᠨ ᠨᠢᠭᠤᠷ ᠶᠢᠡᠨ ᠪᠠᠷᠠᠳᠠᠭ ᠭᠦᠮᠤᠨ ᠣᠯᠠᠨ ᠪᠣᠢ᠃ ᠡᠢ᠌ᠮᠤ ᠭᠦᠮᠦᠰ ᠶᠧ ᠮᠸᠢ ᠪᠠᠭᠰᠢ ᠪᠠᠷ ᠳᠤᠯᠢ ᠪᠣᠯᠭᠠᠵᠤ᠂ ᠪᠠᠶᠠ ᠪᠠᠨ ᠨᠢᠭᠡ ᠰᠢᠡᠵᠢᠭᠦ ᠭᠡᠷᠡᠭ᠍ᠳᠡᠢ ᠪᠠᠢ᠌ᠨᠠ ︕ ᠬᠠᠩᠰᠢ ᠶᠢᠨ ᠪᠠᠶᠠᠷ ᠳᠠᠭᠠᠷᠠᠭᠤᠯᠤᠨ ᠶᠧ ᠮᠸᠢ ᠪᠠᠭᠰᠢ ᠳᠠᠭᠠᠭᠠᠵᠤ ᠠᠪᠣᠭᠰᠠᠨ ᠭᠡᠳᠤᠨ ᠰᠤᠷᠤᠭᠴᠢ ᠪᠠᠨ ᠳᠠᠭᠠᠭᠤᠯᠤᠨ ᠳᠤᠰᠬᠠᠢ ᠳᠡᠷᠭᠡ ᠪᠠᠷ ᠪᠠᠭᠡᠵᠢᠩ ᠡᠴᠡ ᠭᠠᠷᠴᠤ ᠰᠡᠯᠡᠭᠦᠴᠡᠨ ᠳᠤᠭᠯᠠᠯᠠ᠃ ᠬᠠᠮᠢᠭᠠ ᠨᠢ ᠭᠦᠷᠦᠭ᠍ᠰᠡᠨ ᠴᠤ ᠶᠸᠢ ᠮᠸᠢ ᠪᠠᠭᠰᠢ ᠶᠢᠨ ᠳᠠᠨᠢᠯ ᠳᠠᠯᠠ ᠣᠯᠠᠨ᠂ ᠪᠦᠭᠦᠳᠡ ᠭᠦᠡᠳᠦᠳᠭᠡᠨ ᠭᠦᠯᠢᠶᠡᠵᠤ ᠭᠦᠡᠳᠤ ᠪᠠᠷ ᠵᠤᠴᠢᠯᠠᠨ ᠳᠠᠢ᠌ᠯᠠᠨᠠ᠃ ᠪᠢᠳᠠ ᠭᠡᠳᠦᠭᠦᠯᠡ ᠴᠤ ᠰᠠᠢ᠌ᠨ ᠪᠠᠭᠰᠢ ᠶᠢᠨ ᠶᠢᠡᠨ ᠪᠣᠶᠠᠨ ᠳᠤ ᠪᠠᠭᠳᠠᠵᠤ᠂ ᠭᠠᠵᠠᠷ ᠣᠰᠤ ᠦᠵᠡᠨ ᠨᠢᠳᠤ ᠨᠡᠭᠡᠭᠡᠭᠡᠳ ᠪᠦᠳᠤᠨ ᠡᠳᠦᠷ ᠬᠠᠨᠤᠳᠠᠯᠠ ᠪᠠᠨ ᠨᠠᠭᠠᠳᠤᠪᠠ᠃ ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠠᠯᠠ ᠪᠠᠷ ᠴᠤ ᠶᠧ ᠮᠸᠢ ᠪᠠᠭᠰᠢ ᠮᠠᠨᠤᠰ ᠲᠤ ᠪᠠᠭᠠ ᠦᠭᠡᠶ ᠰᠤᠷᠭᠠᠯ ᠬᠠᠢ᠌ᠷᠠᠯᠠᠵᠤ᠂ ᠪᠢᠳᠠᠨ ᠤ ᠪᠢᠴᠢᠭ᠍ᠰᠡᠨ ᠵᠤᠬᠢᠶᠠᠯ ᠤᠨ ᠠᠯᠳᠠᠰᠢ ᠣᠯᠤᠯᠳᠠ ᠶᠢ ᠨᠠᠷᠢᠨ ᠳ᠋ᠦ᠋ᠩᠨᠠᠯᠠ᠃ ᠶᠧ ᠮᠸᠢ ᠪᠠᠭᠰᠢ ᠰᠢᠭ ᠰᠠᠢ᠌ᠨ ᠪᠠᠭᠰᠢ ᠳᠤ ᠳᠠᠭᠠᠷᠠᠭᠰᠠᠨ ᠮᠠᠨ ᠤ ᠭᠡᠳᠦᠭᠦᠯᠡ ᠶᠢ ᠮᠠᠨ ᠤ ᠠᠩᠭᠢ ᠶᠢᠨ ᠭᠢᠨ ᠪᠠᠬᠠᠷᠬᠠᠨ ᠱᠠᠭᠰᠢᠬᠤ ᠳᠤ ᠪᠢᠳᠠ ᠭᠡᠳᠦᠭᠦᠯᠡ ᠴᠤ ᠦᠪᠡᠷ ᠤᠨ ᠡᠷᠭᠡ ᠦᠭᠡᠶ ᠣᠮᠤᠷᠬᠠᠨ ᠣᠯᠵᠠᠭᠤᠷᠬᠠᠳᠠᠭ ᠪᠢᠯᠠ᠃
ᠪᠠᠭᠡᠵᠢᠩ ᠳᠤ ᠭᠦᠷᠦᠭᠡᠳ ᠥᠵᠡᠭ᠍ᠰᠡᠨ ᠬᠤᠶᠠᠷ ᠰᠤᠨᠢᠨ ᠣᠴᠢᠷ ᠭᠡᠪᠠᠯ ᠡᠢ᠌ᠮᠤ ᠳᠤᠮᠤ ᠬᠤᠳᠠ ᠳᠤ ᠭᠤᠶᠤᠯᠭᠠᠴᠢᠨ ᠪᠠᠢ᠌ᠳᠠᠭ ᠦᠭᠡᠶ᠂ ᠵᠤᠷᠯᠤᠩ ᠳᠤ ᠣᠷᠤᠭᠠᠤᠨ ᠮᠦᠩᠭᠦ ᠲᠦᠯᠦᠳᠡᠭ᠌ ᠦᠭᠡᠶ᠃ ᠵᠥᠭᠡᠷ ᠪᠣᠯᠪᠠᠯ ᠵᠠᠬᠠ ᠳᠤ ᠨᠢ ᠭᠠᠷᠴᠤ ᠪᠣᠯᠳᠠᠭ ᠦᠭᠡᠶ ᠨᠠᠢ᠌ᠰᠯᠠᠯ ᠬᠤᠳᠠ ᠶᠢᠨ ᠥᠡᠴᠦᠭ᠌ ᠪᠣᠯᠤᠩ ᠶᠢᠡᠷ ᠭᠤᠶᠤᠯᠭᠠᠴᠢᠨ ᠠᠷᠭᠠ ᠳᠠᠰᠤᠷᠠᠴᠢᠬᠠᠭᠰᠠᠨ ᠪᠠᠢ᠌ᠬᠤ ᠣᠴᠢᠷ ᠲᠡᠶ᠃ ᠭᠡᠳᠡᠯᠡ ᠳᠠᠢ᠌ᠮᠤ ᠪᠢᠰᠢ ︕ ᠪᠢ ᠪᠠᠭᠡᠵᠢᠩ ᠳᠤ ᠳᠦᠷᠪᠠᠨ ᠰᠠᠷᠠ ᠭᠡᠪᠳᠡᠭᠦ ᠳᠡᠭᠡᠨ ᠪᠦᠭᠦᠨ ᠢ ᠳᠤᠭᠤᠷᠢᠭᠠᠤᠨ ᠪᠠᠷᠠᠭᠰᠠᠨ ᠦᠭᠡᠶ ᠴᠤ ᠭᠦᠷᠭᠦ ᠥᠵᠡᠭᠦ ᠶᠤᠰᠤᠳᠠᠢ ᠭᠠᠵᠠᠷ ᠤᠳ ᠶᠢᠡᠷ ᠨᠢ ᠪᠠᠷᠤᠭ ᠣᠴᠢᠭᠰᠠᠨ᠂ ᠭᠡᠳᠡᠯᠡ ᠭᠠᠭᠴᠠ ᠴᠤ ᠭᠤᠶᠤᠯᠭᠠᠴᠢᠨ ᠢ ᠥᠵᠡᠭ᠍ᠰᠡᠨ ᠦᠭᠡᠶ ᠭᠡᠪᠠᠯ ᠠᠷᠠᠢ ᠬᠤᠳᠠᠯ ᠭᠡᠮᠡᠷ᠃ ᠪᠣᠳᠤᠪᠠᠯ ᠣᠯᠤᠰ ᠤᠨ ᠨᠠᠷᠠ ᠨᠢᠭᠤᠷ ᠢ ᠪᠠᠷᠠᠬᠤ ᠡᠴᠡ ᠪᠣᠯᠭᠤᠮᠵᠢᠯᠠᠵᠤ᠂ ᠨᠠᠢ᠌ᠰᠯᠠᠯ ᠪᠠᠭᠡᠵᠢᠩ ᠳᠤ ᠭᠤᠶᠤᠯᠭᠠᠴᠢᠨ ᠤ ᠭᠦᠯ ᠢ ᠬᠤᠷᠢᠳᠠᠭ ᠪᠠᠢ᠌ᠬᠠ᠃ ᠦᠭᠡᠶ ᠪᠣᠯ ᠡᠢ᠌ᠮᠤ ᠳᠤᠮᠤ ᠬᠤᠳᠠ ᠳᠤ ᠭᠤᠶᠤᠯᠭᠠᠴᠢᠨ ᠦᠭᠡᠶ ᠭᠡᠪᠠᠯ ᠭᠡᠨ ᠴᠤ ᠢᠳᠡᠭᠡᠭᠦ ᠦᠭᠡᠶ᠃ ᠪᠠᠰᠠ ᠪᠠᠭᠡᠵᠢᠩ ᠳᠤ ᠭᠠᠵᠠᠷ ᠳᠡᠭᠡᠷᠡ ᠶᠠ ᠰᠠᠢ᠌ᠨ᠂ ᠭᠠᠵᠠᠷ ᠳᠤᠤᠷᠠ ᠨᠢ ᠴᠤ ᠭᠡᠰᠡᠨ ᠪᠦᠷ ᠨᠠᠢ᠌ᠳᠠ ᠶᠢᠨ ᠵᠤᠷᠯᠤᠩ ᠪᠠᠯᠠᠨ ᠪᠦᠭᠡᠳ ᠴᠠᠪᠠᠷ ᠴᠡᠪᠭᠡᠭᠦᠨ ᠨᠢ ᠭᠠᠢ᠌ᠬᠠᠮᠠᠷ᠃ ᠳᠡᠭᠡᠭᠡᠳ ᠭᠡᠵᠢᠶᠡ ᠬᠠᠮᠢᠭᠠ ᠨᠢ ᠭᠦᠷᠦᠭ᠍ᠰᠡᠨ ᠴᠤ ᠮᠦᠩᠭᠦ ᠲᠦᠯᠤᠨᠡ ᠭᠡᠳ ᠪᠠᠢ᠌ᠳᠠᠭ ᠦᠭᠡᠶ᠃ ᠬᠤᠳᠠ ᠳᠤ ᠭᠦᠷᠦᠭᠡᠳ ᠦᠨᠡ ᠦᠭᠡᠶ ᠨᠠᠢ᠌ᠳᠠ ᠶᠢᠨ ᠵᠤᠷᠯᠤᠩ ᠭᠡᠭ᠍ᠴᠢ ᠶᠢ ᠪᠢ ᠠᠩᠬᠠ ᠪᠠᠭᠡᠵᠢᠩ ᠤᠨ ᠵᠡᠭᠡᠯᠢ ᠡᠴᠡ ᠦᠵᠡᠵᠤ ᠪᠢᠯᠠ ︕
ᠭᠤᠷᠪᠠᠨ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠪᠠᠷ ᠰᠤᠷᠭᠠᠭᠤᠯᠢ ᠡᠴᠡ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠨ ᠪᠠᠭᠡᠵᠢᠩ ᠤᠨ ᠬᠠᠭᠤᠴᠢᠨ 《ᠬᠠᠭᠠᠨ ᠤ ᠣᠷᠳᠤᠨ》 ᠶ᠋ᠢᠡᠷ ᠳᠤᠭᠤᠷᠢᠭᠤᠯᠤᠯᠠ᠃ ᠳᠠᠢ᠌ᠯᠪᠣᠷᠢᠯᠠᠭᠴᠢ ᠶᠢᠨ ᠳᠠᠨᠢᠯᠴᠠᠭᠤᠯᠬᠤ ᠪᠠᠷ 《ᠬᠠᠭᠠᠨ ᠤ ᠣᠷᠳᠤᠨ》 ᠪᠣᠯ ᠣᠳᠤ ᠳᠡᠯᠡᠭᠡᠢ ᠳᠡᠭᠡᠷᠡ ᠦᠯᠠᠳᠠᠵᠤ ᠪᠠᠢ᠌ᠭᠠ ᠬᠠᠮᠤᠭ ᠤᠨ ᠳᠤᠮᠤ᠂ ᠬᠠᠮᠤᠭ ᠤᠨ ᠪᠦᠷᠢᠨ ᠪᠦᠳᠤᠨ ᠡᠷᠳᠡᠨ ᠤ ᠪᠠᠷᠢᠯᠭᠠ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠶ ᠪᠦᠭᠦ ᠭᠦᠮᠤᠨ ᠳᠦᠷᠦᠯᠭᠡᠳᠡᠨ ᠤ ᠬᠤᠪᠣᠷ ᠴᠤᠬᠠᠭ ᠰᠤᠶᠤᠯ ᠤᠨ ᠥᠯᠡᠳᠡᠭ᠍ᠳᠡᠯ ᠭᠡᠵᠤ ᠪᠠᠢ᠌ᠨᠠ᠃ ᠡ᠊ᠨᠳᠡ ᠮᠢᠩ᠂ ᠴᠢᠩ ᠬᠤᠶᠠᠷ ᠳᠦᠷᠤ ᠶᠢᠨ ᠬᠤᠷᠢᠨ ᠳᠦᠷᠪᠠᠨ ᠬᠠᠭᠠᠨ ᠣᠷᠢᠳ ᠬᠤᠵᠢᠳ ᠳᠦᠷᠤ ᠪᠠᠷᠢᠵᠤ ᠥᠩᠭᠡᠷᠡᠵᠡᠢ᠃ ᠶᠡᠭᠡ ᠪᠠᠭᠠ ᠪᠠᠷᠢᠯᠭᠠ ᠪᠦᠭᠦ 8700 ᠭᠠᠷᠤᠢ ᠪᠦᠭᠡᠳ ᠪᠠᠷᠢᠯᠭᠠ ᠶᠢᠨ ᠶᠡᠭᠡᠩᠭᠢ ᠨᠢ ᠪᠦᠷ ᠮᠤᠳᠤ ᠪᠠᠢ᠌ᠵᠤ᠂ ᠰᠠᠢ᠌ᠯᠤᠮᠠᠯ ᠤᠨ ᠣᠷᠠᠨ ᠨᠠᠷᠢᠨ᠂ ᠶᠠᠩᠵᠤ ᠭᠡᠯᠪᠠᠷᠢ ᠶᠢᠨ ᠰᠦᠷᠯᠢᠭ᠌ ᠭᠡᠭᠡᠮᠰᠦᠭ᠌᠂ ᠪᠦᠷᠢᠨ ᠪᠦᠳᠤᠨ ᠦᠯᠠᠳᠠᠵᠤ ᠢᠷᠡᠭ᠍ᠰᠡᠨ ᠶᠢᠡᠷ ᠶᠢᠡᠨ ᠳᠡᠯᠡᠭᠡᠢ ᠳᠤ ᠠᠯᠳᠠᠷᠳᠠᠢ ᠭᠡᠨᠡ᠃ 《ᠬᠠᠭᠠᠨ ᠤ ᠣᠷᠳᠤᠨ》 ᠊ᠤ ᠳᠤᠳᠤᠷᠠᠭᠢ ᠬᠠᠭᠤᠴᠢᠨ ᠡᠳ᠋ᠯᠡᠯ ᠭᠡᠷᠡᠭ᠍ᠰᠡᠯ ᠢ ᠰᠠᠭᠢᠨ ᠬᠠᠷᠠᠵᠤ ᠪᠠᠢ᠌ᠭᠠ ᠠᠵᠢᠯᠳᠠᠤᠨ᠂ ᠠᠵᠢᠯ ᠳᠠᠭᠠᠨ ᠨᠠᠷᠢᠨ ᠬᠠᠷᠢᠭᠤᠴᠠᠯᠭᠠ ᠲᠡᠶ ᠭᠡᠳᠡᠭ᠌ ᠨᠢ ᠪᠠᠷᠭᠡ᠃ ᠳᠤᠳᠤᠷᠠ ᠨᠢ ᠣᠷᠤᠭᠠᠤᠨ ᠰᠡᠭᠦᠳᠡᠷ ᠪᠠᠭᠤᠯᠭᠠᠬᠤ᠂ ᠡᠳ᠋ ᠶᠠᠭᠤᠮᠠᠨ ᠳᠤ ᠨᠢ ᠭᠠᠷ ᠭᠦᠷᠭᠦ ᠶᠢ ᠴᠢᠩᠭᠠ ᠬᠤᠷᠢᠭᠯᠠᠨ ᠴᠠᠭᠳᠠᠳᠠᠭ ᠶᠤᠮ ᠪᠠᠢ᠌ᠨᠠ᠃ ᠴᠢᠮᠠ ᠶᠢ ᠣᠷᠤᠭᠰᠠᠨ ᠴᠠᠭ ᠡᠴᠡ ᠭᠠᠷᠤᠨ ᠭᠠᠷᠳᠠᠯᠠ ᠭᠠᠷ ᠨᠢᠭᠤᠷ ᠢ ᠴᠢᠨᠢ ᠠᠷᠭᠠ ᠪᠠᠷᠠᠭᠳᠠᠳᠠᠯᠠ ᠰᠢᠷᠳᠠᠨᠡ᠂ ᠥᠨᠡᠭᠡᠷ ᠠᠶᠤᠮᠠᠷ᠃ ᠡᠭᠦᠨ ᠢ ᠬᠠᠷᠠᠭᠠᠤᠨ ᠣᠯᠢᠭ ᠦᠭᠡᠶ ᠨᠢᠭᠡ ᠨᠢ ᠡ᠊ᠨᠳᠡ ᠢᠷᠠᠵᠤ᠂ ᠭᠦᠢᠳᠡᠨ ᠭᠠᠷ ᠭᠦᠶᠦᠯᠭᠡᠭᠡᠳ ᠡᠳᠡᠨᠦᠰ ᠢ ᠪᠦᠷ ᠵᠠᠯᠬᠠᠭᠠᠤᠨ ᠬᠠᠶᠢᠴᠢᠬᠠᠵᠤ ᠭᠡᠵᠤ ᠪᠣᠳᠤᠨ ᠮᠢᠨᠤ ᠢᠨᠢᠶᠠᠳᠤ ᠭᠦᠷᠦᠯᠡ᠃ 《ᠬᠠᠭᠠᠨ ᠤᠨ ᠣᠷᠳᠤᠨ》 ᠶ᠋ᠢᠡᠷ ᠳᠤᠭᠤᠷᠢᠨ ᠢᠷᠠᠵᠤ ᠪᠠᠢ᠌ᠭᠠ ᠭᠠᠳᠠᠭᠠᠳᠤ ᠳᠤᠳᠤᠭᠠᠳᠤ ᠶᠢᠨ ᠵᠢᠭᠤᠯᠴᠢᠨ ᠴᠤ ᠳᠤᠩ ᠠᠷᠪᠢᠨ᠃ ᠮᠠᠨᠤᠰ ᠡ᠊ᠨᠳᠡ ᠪᠦᠳᠤᠨ ᠨᠢᠭᠡ ᠦᠳᠡ ᠶᠢᠨ ᠬᠣᠢ᠌ᠨᠡ ᠡᠷᠭᠢᠵᠡᠢ᠃ ᠣᠷᠤᠢ ᠨᠢ ᠮᠦᠨ ᠰᠤᠷᠭᠠᠭᠤᠯᠢ ᠡᠴᠡ ᠬᠠᠷᠢᠴᠠᠵᠤ ᠪᠠᠢ᠌ᠭᠠᠤᠨ ᠣᠯᠤᠰ ᠤᠨ ᠳᠤᠮᠤ ᠵᠥᠴᠦᠭᠡ ᠶᠢᠨ ᠳᠢᠶᠠᠲ᠋ᠷ ᠲᠤ 《ᠶᠠᠷᠢᠶᠠᠳᠤ ᠵᠥᠴᠦᠭᠡ》 ᠰᠤᠨᠢᠷᠬᠠᠭᠤᠯᠤᠯᠠ᠃ ᠣᠯᠤᠰ ᠤᠨ ᠵᠥᠴᠦᠭᠡ ᠶᠢᠨ ᠳᠢᠶᠠᠲ᠋ᠷ ᠤᠨ ᠰᠦᠷᠯᠢᠭ᠌ ᠳᠤᠮᠤ᠂ ᠭᠡᠭᠡᠡᠴᠢᠷ ᠭᠤᠶᠤᠮᠰᠤᠭ ᠢ ᠥᠵᠡᠭᠡᠳ ᠠᠮᠠ ᠪᠠᠨ ᠪᠠᠷᠢᠮᠠᠷ᠃ ᠳᠤᠳᠤᠷᠠ ᠨᠢ ᠭᠦᠷᠦᠭᠡᠳ ᠳᠦᠭᠡᠷᠢᠴᠢᠭᠡᠪᠠᠯ ᠣᠷᠤᠭᠰᠠᠨ ᠡᠭᠦᠳᠡ ᠪᠠᠨ ᠴᠤ ᠣᠯᠬᠤ ᠦᠭᠡᠶ ᠰᠠᠠᠳᠤᠷᠬᠤ ᠨᠢ ᠡ᠃ ᠭᠦᠮᠤᠨ ᠤ ᠰᠠᠨᠠᠭᠠᠨ ᠵᠡᠭᠦᠳᠤᠨ ᠳᠤ ᠴᠤ ᠣᠷᠤᠬᠤ ᠦᠭᠡᠶ ᠶᠠᠭᠤᠮᠠ ᠶᠢ ᠠᠪ ᠠᠮᠠᠷᠬᠠᠨ ᠪᠦᠳᠦᠭᠡᠭᠡᠳ ᠳᠠᠯᠪᠢᠴᠢᠬᠠᠳᠠᠭ ᠰᠤᠶᠤᠯ ᠮᠡᠷᠭᠡᠵᠢᠯ ᠭᠡᠳᠡᠭ᠌ ᠦᠨᠡᠨ ᠠᠯᠠᠩ ᠪᠣᠯᠤᠮᠠᠷ᠃
ᠮᠠᠨᠠᠢ᠌ᠭᠢᠨ ᠠᠩᠭᠢ ᠪᠠᠷ ᠶᠢᠡᠨ ᠰᠠᠷᠠ ᠳᠠᠭᠠᠨ ᠨᠢᠭᠡ ᠣᠳᠠᠭᠠ ᠣᠷᠠᠨ ᠵᠤᠬᠢᠶᠠᠯ ᠤᠨ ᠳᠤᠬᠠᠢ ᠲᠡᠶ ᠴᠢᠯᠦᠭᠡᠳᠤ ᠶᠠᠷᠢᠯᠴᠠᠭᠠ ᠦᠷᠨᠢᠭᠦᠯᠳᠡᠭ᠌᠃ ᠦᠨᠳᠦᠰᠦᠳᠠᠨ ᠤ ᠣᠷᠠᠨ ᠵᠤᠬᠢᠶᠠᠯ ᠤᠨ ᠳᠤᠬᠠᠢ ᠶᠠᠷᠤ ᠠᠮᠠᠯᠠᠵᠤ ᠥᠩᠭᠡᠷᠡᠭᠡ ᠦᠭᠡᠶ ᠴᠤ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠬᠣᠢ᠌ᠰᠢ ᠰᠠᠭᠤᠵᠤ ᠥᠵᠡᠭᠡ ᠦᠭᠡᠶ᠃ ᠶᠠᠮᠠᠷ ᠴᠠᠭ ᠶᠢᠡᠨ ᠪᠠᠷᠠᠵᠤ ᠶᠠᠳᠠᠭᠰᠠᠨ ᠣᠴᠢᠷ ᠪᠢᠰᠢ᠂ ᠬᠠᠷᠢᠨ ᠭᠢᠳᠠᠤᠨ ᠣᠷᠠᠨ ᠵᠤᠬᠢᠶᠠᠯ ᠴᠤᠬᠤᠮ ᠶᠠᠭᠤ ᠪᠣᠯᠵᠤ᠂ ᠶᠠᠭᠠᠭᠢᠵᠤ ᠪᠠᠢ᠌ᠨᠠ ᠭᠡᠵᠤ ᠰᠤᠨᠢᠷᠬᠠᠬᠤ᠂ ᠣᠢ᠌ᠯᠠᠭᠠᠬᠤ ᠡᠭᠦᠳᠡᠨ ᠡᠴᠡ ᠣᠴᠢᠵᠤ ᠣᠷᠤᠯᠴᠠᠳᠠᠭ᠃ ᠴᠥᠭᠡᠨ ᠭᠡᠰᠡᠭ᠌ ᠨᠢ ᠭᠡᠨ ᠨᠢᠭᠡ ᠪᠠᠨ ᠬᠤᠭᠤᠰᠤᠨ ᠡᠷᠭᠦᠵᠤ ᠮᠠᠭᠳᠠᠬᠤ ᠶᠢ ᠭᠠᠷᠭᠠᠪᠠᠯ ᠣᠯᠠᠩᠭᠢ ᠨᠢ ᠨᠢᠭᠤᠷ ᠨᠢᠭᠤᠷ ᠶᠢᠡᠨ ᠬᠠᠷᠠᠵᠤ ᠪᠠᠢ᠌ᠭᠠᠤᠨ ᠠᠯᠳᠠᠭᠳᠠᠯ ᠳᠤᠳᠠᠭᠳᠠᠯ ᠶᠢᠡᠨ ᠰᠢᠭᠤᠳ ᠭᠡᠯᠡᠭᠡᠳ ᠠᠪᠳᠠᠭ ᠶᠤᠮ ᠪᠠᠢ᠌ᠨᠠ᠃ ᠠᠯᠢ ᠴᠤ ᠦᠨᠳᠦᠰᠦᠳᠠᠨ ᠤ ᠤᠳᠬᠠ ᠵᠤᠬᠢᠶᠠᠯ ᠡᠷᠡᠭᠦᠯ ᠶᠢᠡᠷ ᠭᠦᠭ᠍ᠵᠢᠭᠦ ᠳᠤ ᠵᠥᠪᠭᠡᠨ ᠠᠮᠵᠢᠯᠳᠠ ᠪᠠᠨ ᠬᠠᠷᠠᠭᠠᠤᠨ ᠯᠠ ᠠᠯᠳᠠᠭᠳᠠᠯ ᠶᠢᠡᠨ ᠣᠯᠵᠤ ᠥᠵᠡᠭᠦ ᠦᠭᠡᠶ ᠪᠣᠯ ᠱᠠᠯ ᠬᠤᠭᠤᠰᠤᠨ᠃ ᠪᠢᠳᠠ ᠠᠯᠳᠠᠭᠳᠠᠯ ᠶᠢᠡᠨ ᠴᠠᠭᠠᠷᠠᠭᠤᠯᠵᠤ ᠪᠠᠢ᠌ᠵᠤ ᠰᠠᠶᠢ ᠠᠮᠵᠢᠯᠳᠠ ᠳᠤ ᠭᠦᠷᠤᠨᠡ ᠭᠡᠳᠡᠭ᠌ ᠶᠤᠰᠤ ᠶᠢ ᠮᠡᠳᠡᠭᠦ ᠭᠡᠷᠡᠭ᠍ᠳᠡᠢ᠃ ᠶᠠᠷᠢᠯᠴᠠᠭᠠ ᠥᠡᠳᠦᠷᠯᠡᠭᠦ ᠳᠤ ᠬᠤᠶᠠᠭᠤᠯᠠ ᠭᠠᠷᠴᠤ ᠢᠷᠡᠭᠡᠳ ᠮᠤᠩᠭ᠋ᠤᠯ ᠣᠷᠠᠨ ᠵᠤᠬᠢᠶᠠᠯ᠂ ᠭᠡᠯᠡ ᠰᠤᠶᠤᠯ ᠶᠢᠡᠨ ᠪᠠᠬᠠᠷᠬᠠᠨ ᠶᠠᠷᠢᠯᠴᠠᠵᠤ 《ᠭᠡᠷ ᠳᠦᠭᠦᠷᠡᠩ ᠮᠤᠩᠭ᠋ᠤᠯᠴᠤᠳ ᠬᠤᠷᠠᠵᠤ ᠰᠠᠭᠤᠭᠠᠤᠨ ᠦᠪᠡᠷ ᠤᠨ ᠤᠳᠬᠠ ᠵᠤᠬᠢᠶᠠᠯ ᠶᠢᠡᠨ ᠦᠪᠠᠰᠤᠪᠠᠨ ᠶᠢᠡᠨ ᠦᠨᠡᠯᠠᠵᠤ ᠱᠥᠭᠦᠵᠤ ᠪᠠᠢ᠌ᠭᠰᠠᠨ ᠪᠣᠯ ᠡ᠁》 ᠭᠡᠳ ᠰᠠᠨᠠᠭᠠ ᠠᠯᠳᠠᠳᠠᠭ᠃ ᠡᠢ᠌ᠮᠦᠷᠭᠦ ᠬᠤᠪᠢ ᠲᠤᠬᠢᠶᠠᠯ ᠪᠢᠳᠠᠨ ᠳᠤ ᠦᠭᠡᠶ ᠪᠠᠢ᠌ᠭᠰᠠᠨ ᠪᠢᠰᠢ ᠮᠦᠨ ᠪᠠᠢ᠌ᠵᠤ ᠯᠠ ᠳ᠋ᠠ᠃ ᠭᠡᠳᠡᠯᠡ ᠦᠪᠡᠷ ᠲᠤ ᠪᠠᠢ᠌ᠭᠰᠠᠨ ᠶᠠᠭᠤᠮᠠ ᠪᠠᠨ ᠦᠪᠡᠷ ᠶᠢᠡᠨ ᠭᠦᠮᠤᠨ ᠳᠤ 《ᠨᠠᠢ᠌ᠷ ᠳᠠᠯᠪᠢᠴᠢᠬᠠᠭᠠᠤᠨ》 ᠦᠨᠦᠳᠤᠷ ᠭᠡᠨ ᠶᠢᠡᠨ ᠪᠣᠷᠤᠭᠤᠳᠬᠠᠬᠤ ᠪᠢᠯᠠ ⁈
ᠳᠠᠪᠤᠨ ᠰᠠᠷᠠ ᠶᠢᠨ ᠴᠢᠯᠦᠭᠡ ᠳᠠᠭᠠᠷᠠᠭᠤᠯᠤᠨ ᠪᠦᠰᠡᠭᠦᠢ ᠮᠢᠨᠢ ᠬᠣᠢ᠌ᠨᠡ ᠡᠴᠡ ᠢᠷᠠᠯᠠ᠃ ᠤᠢ᠌ᠷᠡ ᠵᠠᠭᠤᠷᠠ ᠭᠡᠷ ᠲᠡᠶ ᠨᠢ ᠪᠦᠷ ᠬᠠᠷᠢᠭᠠᠤᠨ ᠪᠠᠢ᠌ᠭᠰᠠᠨ ᠪᠣᠯᠬᠤ ᠪᠠᠷ ᠠᠰᠠᠷ ᠨᠢᠭᠡ ᠯᠠ ᠡᠵᠡᠭᠦᠢᠷᠡᠭᠡᠳ ᠶᠠᠪᠣᠴᠢᠬᠠᠵᠠᠢ᠃ ᠡᠨᠡ ᠵᠠᠪ ᠴᠢᠯᠦᠭᠡ ᠶᠢ ᠠᠰᠢᠭᠯᠠᠨ ᠵᠢᠭᠠᠬᠠᠨ ᠶᠠᠭᠤᠮᠠ ᠪᠢᠴᠢᠭᠦ ᠪᠣᠳᠤᠯ ᠲᠡᠶ ᠪᠠᠢ᠌ᠭᠰᠠᠨ ᠴᠤ ᠪᠦᠰᠡᠭᠦᠢ ᠮᠢᠨᠢ ᠳᠠᠷᠠ ᠬᠤᠯᠠ ᠡᠴᠡ ᠢᠷᠡᠭ᠍ᠰᠡᠨ ᠢ ᠥᠵᠡᠭᠡᠳ ᠶᠠᠭᠠᠭᠢᠵᠤ ᠴᠤ ᠴᠢᠳᠠᠭᠠ ᠦᠭᠡᠶ᠃ ᠳᠦᠷᠪᠠᠨ ᠡᠳᠦᠷ ᠪᠦᠰᠡᠭᠦᠢ ᠪᠠᠨ ᠳᠠᠭᠠᠭᠤᠯᠤᠨ ᠪᠠᠭᠡᠵᠢᠩ ᠬᠤᠳᠠ ᠪᠠᠷ ᠰᠠᠢ᠌ᠨ ᠡᠷᠭᠢᠯᠡ᠃ ᠳᠡᠯᠡᠭᠡᠢ ᠶᠢᠨ ᠪᠠᠷᠢᠯᠭᠠ ᠶᠢᠨ ᠭᠠᠢ᠌ᠬᠠᠮᠰᠢᠭ ᠪᠣᠯᠤᠭᠰᠠᠨ ᠣᠷᠳᠤ ᠴᠠᠭᠠᠨ ᠭᠡᠷᠡᠮ ᠳᠡᠭᠡᠷᠡ ᠴᠤ ᠭᠠᠷᠪᠠ᠃ ᠠᠭᠤᠯᠠ ᠠᠭᠤᠯᠠ ᠶᠢ ᠰᠤᠠᠳᠠᠯᠠᠨ ᠬᠠᠷᠠᠭᠠ ᠳᠠᠰᠤᠷᠠᠳᠠᠯᠠ ᠦᠷᠭᠦᠯᠵᠢᠯᠡᠭ᠍ᠰᠡᠨ ᠡᠷᠳᠡᠨ ᠤ ᠡᠨᠡᠭᠦ ᠳᠤᠮᠤ ᠪᠠᠷᠢᠯᠭᠠ ᠭᠡᠴᠢᠨᠡᠨ ᠭᠦᠮᠦᠰ ᠤᠨ ᠭᠦᠴᠤ ᠭᠦᠯᠦᠰᠤ᠂ ᠴᠢᠰᠤ ᠨᠢᠯᠪᠣᠰᠤ ᠪᠠᠷ ᠪᠣᠰᠬᠠᠭᠳᠠᠭᠰᠠᠨ ᠢ ᠳᠦᠰᠦᠭᠡᠯᠡᠭᠦ ᠶᠢᠨ ᠠᠷᠭᠠ ᠦᠭᠡᠶ᠃ ᠨᠡᠭᠦᠳᠡᠯᠴᠢᠨ ᠤ ᠳᠤᠪᠳᠤᠯᠤᠯ ᠡᠴᠡ ᠰᠡᠷᠭᠡᠢ᠌ᠯᠡᠵᠤ ᠡᠨᠡ ᠴᠠᠭᠠᠨ ᠭᠡᠷᠡᠮ ᠢ ᠪᠠᠢ᠌ᠭᠤᠯᠤᠯᠠ ᠭᠡᠳᠡᠭ᠌᠃ ᠡᠭᠦᠨ ᠡᠴᠡ ᠥᠵᠡᠭᠦ ᠳᠤ ᠨᠡᠭᠦᠳᠡᠯ ᠰᠤᠶᠤᠯ ᠭᠢᠭᠡᠳ ᠳᠠᠷᠢᠶᠠᠯᠠᠬᠤ ᠰᠤᠶᠤᠯ ᠤᠨ ᠵᠠᠭᠠᠭ ᠴᠠᠭᠠᠨ ᠭᠡᠷᠡᠮ ᠪᠠᠢ᠌ᠵᠠᠢ᠃ ᠭᠡᠳᠡᠯᠡ ᠦᠨᠦᠳᠤᠷ ᠡᠨᠡ ᠴᠠᠭᠠᠨ ᠭᠡᠷᠡᠮ (ᠦᠨᠡᠨ ᠳᠡᠭᠡᠨ ᠭᠦᠭᠡ ᠭᠡᠷᠡᠮ) ᠣᠤᠯ ᠤᠨ ᠣᠢ᠌ᠯᠠᠳᠤᠯ ᠭᠡᠷᠡᠭ᠍ᠴᠡᠭᠡ ᠪᠠᠨ ᠪᠦᠷᠢᠮᠦᠰᠤᠨ ᠠᠯᠳᠠᠭᠠᠤᠨ ᠵᠥᠪᠭᠡᠨ ᠦᠵᠡᠮᠤᠷᠢ ᠶᠢᠨ ᠶᠠᠭᠤᠮᠠ ᠪᠣᠯᠤᠨ ᠥᠯᠡᠳᠡᠭ᠍ᠰᠡᠨ ᠪᠠᠢ᠌ᠨᠠ᠃ ᠬᠠᠷᠠᠮᠰᠠᠯ ᠲᠡᠶ ᠨᠢ ᠰᠤᠶᠤᠯ ᠨᠢ ᠰᠤᠶᠤᠯ ᠶᠢᠡᠨ ᠳᠦᠷᠢᠮᠡᠭᠡᠢ᠌ᠯᠡᠭᠦ ᠶᠢ ᠡᠨᠡ ᠴᠠᠭᠠᠨ ᠭᠡᠷᠡᠮ ᠬᠠᠰᠢᠵᠤ ᠴᠢᠳᠠᠭᠠ ᠦᠭᠡᠶ ᠡ ︕ ᠭᠡᠷᠪᠡ ᠥᠭᠡ ᠭᠡᠯᠡᠵᠤ ᠴᠢᠳᠠᠳᠠᠭ ᠪᠣᠯ ᠬᠤᠵᠢᠮ ᠳᠡᠦᠭᠡ ᠶᠢᠨ ᠦᠨᠡᠨ ᠢ ᠴᠠᠭᠠᠨ ᠭᠡᠷᠡᠮ ᠯᠠ ᠰᠠᠶᠢ ᠦᠨᠡᠨ ᠮᠦᠨ ᠶᠢᠡᠷ ᠨᠢ ᠭᠦᠮᠦᠰ ᠲᠤ ᠭᠡᠯᠡᠵᠤ ᠦᠭᠭᠦ ᠪᠠᠢ᠌ᠬᠠ ᠳ᠋ᠠ᠃ ᠰᠤᠷᠭᠠᠭᠤᠯᠢ ᠳᠤ ᠪᠠᠢ᠌ᠬᠤ ᠳᠠᠭᠠᠨ ᠳᠡᠦᠭᠡ ᠶᠢᠨ ᠭᠢᠴᠢᠶᠠᠯ ᠳᠡᠭᠡᠷᠡ ᠰᠤᠷᠴᠤ ᠪᠠᠢ᠌ᠭᠰᠠᠨ ᠣᠷᠳᠤ ᠴᠠᠭᠠᠨ ᠭᠡᠷᠡᠮ ᠳᠡᠭᠡᠷᠡ ᠦᠨᠦᠳᠤᠷ ᠪᠠᠶᠠ ᠪᠠᠷ ᠭᠠᠷᠴᠤ ᠵᠤᠭᠰᠤᠭᠠᠤᠨ ᠠᠯᠤᠰ ᠢ ᠪᠠᠷᠠᠯᠠᠬᠤ ᠳᠤ ᠪᠠᠶᠠᠷᠯᠠᠬᠤ᠂ ᠳᠤᠭᠳᠤᠯᠬᠤ᠂ ᠬᠠᠷᠠᠮᠰᠠᠬᠤ ᠶᠠᠩᠵᠤ ᠶᠢᠨ ᠰᠡᠳᠬᠢᠯᠭᠡ ᠴᠡᠭᠡᠵᠢᠨ ᠳᠤ ᠬᠤᠷᠠᠨ ᠢᠷᠠᠨᠡ᠃ ᠭᠠᠵᠠᠷ ᠤᠨ ᠨᠢᠭᠡ ᠳᠡᠨᠦᠭᠡᠳ ᠪᠣᠳᠠᠷᠠᠵᠤ᠂ ᠭᠦᠴᠤᠨ ᠶᠢᠡᠨ ᠳᠡᠯᠡᠭᠡ ᠦᠭᠡᠶ ᠪᠣᠯ ᠮᠤᠩᠭ᠋ᠤᠯᠴᠤᠳ ᠤᠨ ᠬᠤᠪᠢ ᠵᠠᠶᠠᠭᠠ ᠠᠷᠠᠢ ᠦᠨᠦᠳᠤᠷ ᠤᠨ ᠭᠡᠮᠵᠢᠶᠡᠨ ᠳᠤ ᠳᠤᠯᠬᠤ ᠦᠭᠡᠶ ᠪᠠᠢ᠌ᠭᠰᠠᠨ ᠳ᠋ᠠ᠃
ᠨᠢᠭᠡ ᠣᠳᠠᠭᠠ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠲᠥᠪ ᠤᠨ ᠦᠨᠳᠦᠰᠦᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠣᠴᠢᠵᠤ᠂ ᠶᠠᠫᠣᠨ ᠤ ᠮᠤᠩᠭ᠋ᠤᠯᠴᠢ ᠡᠷᠳᠡᠮᠳᠡᠨ ᠤ ᠳᠠᠢ᠌ᠯᠤᠨ ᠢ ᠰᠤᠨᠤᠰᠤᠯᠠ᠃ ᠬᠠᠷᠢ ᠣᠯᠤᠰ ᠤᠨ ᠭᠦᠮᠤᠨ ᠪᠠᠢ᠌ᠭᠠᠤᠨ ᠮᠤᠩᠭ᠋ᠤᠯ ᠶᠢᠡᠷ ᠣᠰᠤ ᠴᠠᠰᠤ ᠰᠢᠭ ᠣᠷᠤᠰᠴᠤ ᠪᠠᠢ᠌ᠬᠤ ᠶᠢ ᠰᠤᠨᠤᠰᠤᠭᠠᠤᠨ ᠦᠨᠡᠨ ᠪᠢᠰᠢᠷᠠᠪᠠ᠃ ᠮᠠᠨᠠᠢ᠌ᠭᠢᠰ ᠲᠤ ᠠᠳᠠᠭᠯᠠᠬᠤ ᠳᠤ (ᠨᠠᠭᠠᠳᠤ ᠵᠠᠬᠠ ᠳᠠᠭᠠᠨ) ᠮᠤᠩᠭ᠋ᠤᠯ ᠥᠭᠡ ᠪᠠᠨ ᠭᠡᠯᠡᠵᠤ ᠴᠢᠳᠠᠬᠤ ᠦᠭᠡᠶ ᠭᠦᠮᠤᠨ ᠣᠯᠠᠨ ᠰᠢᠤ ︕ ᠭᠠᠳᠠᠭᠠᠳᠤ ᠣᠯᠤᠰ ᠤᠨ ᠭᠦᠮᠤᠨ ᠭᠦᠷᠳᠡᠯᠡ ᠮᠠᠨ ᠤ ᠭᠡᠯᠡ ᠰᠤᠶᠤᠯ ᠳᠤ ᠡᠴᠢᠨᠡᠨ ᠳᠤᠷᠠ ᠰᠤᠨᠢᠷᠬᠠᠯ ᠲᠡᠶ ᠪᠠᠢ᠌ᠬᠤ ᠳᠤ ᠪᠢᠳᠠ ᠦᠪᠠᠰᠤᠪᠠᠨ ᠬᠠᠷᠢᠨ ᠳᠠᠳᠠᠨ ᠡᠴᠡ ᠬᠤᠴᠤᠷᠴᠤ ᠰᠠᠭᠤᠬᠤ ᠨᠢ ᠶᠠᠭᠤ ᠪᠢᠯᠠ ⁈ ᠮᠠᠨᠠᠢ᠌ᠭᠢᠰ ᠲᠤ ᠮᠦᠨ ᠰᠤᠶᠤᠯ ᠤᠨ ᠣᠬᠠᠮᠰᠠᠷ ᠳᠤᠳᠠᠭᠳᠠᠵᠤ ᠪᠠᠢ᠌ᠭᠠ ᠳ᠋ᠠ᠃ ᠣᠯᠠᠩᠭᠢ ᠨᠢ ᠡᠭᠡ ᠭᠡᠯᠡ ᠪᠠᠷ ᠶᠢᠡᠨ ᠭᠦᠯ ᠳᠤ ᠣᠷᠤᠵᠤ᠂ ᠣᠯᠤᠰ ᠤᠨ ᠪᠣᠶᠠᠨ ᠳᠤ ᠪᠠᠭᠳᠠᠭᠠ ᠭᠡᠳᠡᠭ᠌ ᠶᠢᠡᠨ ᠭᠡᠳᠥᠢᠨᠡᠢ ᠮᠠᠷᠳᠠᠴᠢᠬᠠᠭᠰᠠᠨ ᠪᠠᠢ᠌ᠬᠠ ᠨᠢ ᠡ᠃ ᠳᠠᠠᠳᠠ ᠪᠢ ᠳᠡᠭᠡᠳᠤ ᠮᠤᠩᠭ᠋ᠤᠯ ᠡᠴᠡ ᠭᠠᠷᠤᠭᠰᠠᠨ ᠡᠷᠳᠡᠮᠳᠡᠨ᠂ ᠲᠥᠪ ᠤᠨ ᠦᠨᠳᠦᠰᠦᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ ᠰᠡᠷᠡᠡᠭᠡᠷᠡᠯ ᠪᠠᠭᠰᠢ᠂ ᠪᠠᠰᠠ ᠲᠥᠪ ᠤᠨ ᠦᠨᠳᠦᠰᠦᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ ᠮᠢᠩᠭ᠋ᠠᠤᠨ·ᠡᠷᠳᠡᠮᠳᠤ ᠪᠠᠭᠰᠢ᠂ ᠠᠬᠠᠮᠠᠤᠨ ᠫᠷᠤᠹᠧᠰᠰᠤᠷ ᠭᠡᠰᠢᠭ᠍ᠳᠤᠭᠳᠤᠬᠤ ᠪᠠᠭᠰᠢ᠂ ᠮᠤᠩᠭ᠋ᠤᠯ ᠣᠯᠤᠰ ᠡᠴᠡ ᠣᠷᠢᠵᠤ ᠠᠪᠴᠢᠷᠠᠭᠰᠠᠨ ᠼᠠᠳᠠᠪ ᠪᠠᠭᠰᠢ ᠨᠡᠷ ᠲᠡᠶ ᠠᠭᠤᠯᠵᠠᠨ ᠳᠠᠨᠢᠯᠴᠠᠯᠠ᠃ ᠰᠡᠷᠡᠡᠭᠡᠷᠡᠯ ᠪᠠᠭᠰᠢ ᠡᠴᠡ ᠨᠠᠳᠠ ᠭᠠᠷ ᠤᠨ ᠥᠰᠦᠭ᠌ ᠶᠢᠡᠨ ᠵᠢᠷᠤᠭᠰᠠᠨ ᠨᠤᠮ ᠶᠢᠡᠨ ᠪᠠᠯᠡᠭᠯᠡᠨ ᠭᠦᠰᠡᠯ ᠢᠷᠦᠭᠡᠯ ᠶᠢᠡᠨ ᠬᠠᠢ᠌ᠷᠠᠯᠠᠪᠠ᠃ ᠳᠠᠷᠤᠤ ᠭᠦᠩᠭᠡᠮᠰᠦᠭ᠌ ᠵᠠᠩ᠂ ᠨᠤᠳᠤᠭᠴᠢ ᠬᠠᠯᠠᠭᠤᠮᠰᠤᠭ ᠰᠡᠳᠭᠢᠯ ᠨᠢ ᠨᠠᠮᠠ ᠶᠢ ᠭᠦᠨ ᠨᠥᠯᠦᠭᠡᠯᠡᠵᠤ᠂ ᠰᠤᠶᠤᠯ ᠡᠷᠳᠡᠮᠳᠡᠢ ᠭᠦᠮᠤᠨ ᠡᠢ᠌ᠮᠤ ᠯᠠ ᠪᠠᠢ᠌ᠳᠠᠭ ᠪᠣᠯᠪᠠ ᠦᠦ ᠭᠡᠰᠡᠨ ᠰᠠᠢ᠌ᠬᠠᠨ ᠰᠠᠭᠤᠭᠳᠠᠯ ᠥᠯᠡᠳᠡᠭᠡᠯᠡ᠃ ᠡᠳᠡᠨ ᠴᠤ ᠮᠦᠨ ᠴᠠᠢ᠌ᠯᠠᠵᠤ ᠰᠠᠭᠤᠬᠤ ᠶᠢᠨ ᠵᠠᠪᠰᠠᠷ ᠶᠢᠡᠷ ᠨᠤᠳᠤᠭ ᠪᠠᠯᠴᠢᠭᠡᠷ ᠤᠨ ᠡᠯᠡᠰᠦᠷᠭᠡᠭ᠍ᠵᠢᠯ᠂ ᠠᠮᠢ ᠠᠬᠤᠢ ᠶᠢᠨ ᠡᠪᠳᠡᠭ᠍ᠳᠡᠯ᠂ ᠭᠡᠯᠡ ᠰᠤᠶᠤᠯ ᠤᠨ ᠳᠤᠷᠣᠢ᠌ᠳᠠᠯ ᠭᠡᠳ ᠦᠨᠳᠦᠰᠦᠳᠠᠨ ᠤ ᠬᠤᠪᠢ ᠵᠠᠶᠠᠭᠠ᠂ ᠬᠤᠵᠢᠮ ᠮᠠᠷᠭᠠᠰᠢ ᠲᠡᠶ ᠬᠤᠯᠪᠣᠭᠳᠠᠭᠰᠠᠨ ᠳᠤᠮᠤ ᠳᠤᠮᠤ ᠰᠠᠳᠤᠪ ᠢ ᠵᠠᠳᠠᠯᠤᠨ ᠳᠡᠯᠭᠡᠵᠤ᠂ ᠰᠠᠨᠠᠭᠠ ᠰᠡᠳᠭᠢᠯ ᠶᠢᠡᠷ ᠣᠨᠠᠵᠤ ᠪᠠᠢ᠌ᠳᠠᠭ ᠶᠤᠮ ᠪᠠᠢ᠌ᠨᠠ᠃ ᠠᠷᠭᠠ ᠴᠤ ᠦᠭᠡᠶ ᠳ᠋ᠠ᠂ ᠣᠬᠠᠭᠠᠨ ᠰᠠᠨᠠᠭᠠ ᠡᠷᠡᠭᠦᠯ ᠰᠠᠷᠠᠭᠤᠯ ᠭᠦᠮᠤᠨ ᠪᠣᠯᠪᠠᠯ ᠡᠨᠡ ᠰᠠᠢ᠌ᠬᠠᠨ ᠳᠡᠭ᠍ᠷᠢᠯᠢᠭ᠌ ᠭᠡᠯᠡ ᠰᠤᠶᠤᠯ᠂ ᠣᠩᠭ᠋ᠤᠨ ᠳᠠᠷᠬᠠᠨ ᠪᠠᠢ᠌ᠭᠠᠯᠢ ᠣᠷᠴᠢᠨ ᠶᠢᠡᠨ ᠪᠠᠯᠠᠯᠠᠵᠤ ᠬᠠᠶᠠᠬᠤ ᠭᠡᠮᠡᠨ ᠭᠡᠵᠢᠶᠡ ᠴᠤ ᠪᠣᠳᠤᠬᠤ ᠦᠭᠡᠶ ᠪᠠᠢ᠌ᠬᠠ ᠡ ︕
ᠰᠤᠷᠭᠠᠭᠤᠯᠢ ᠡᠴᠡ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠵᠤ᠂ ᠪᠢᠳᠠ ᠦᠪᠠᠰᠤᠪᠠᠨ ᠭᠦᠳᠡᠯᠦᠯᠴᠡᠨ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠦᠭᠡᠨ ᠳᠡᠭᠡᠷᠡᠭᠢ ᠠᠩᠬᠠᠳᠤᠭᠠᠷ ᠣᠳᠠᠭᠠᠨ ᠤ 《ᠰᠢᠯᠦᠭ᠌ ᠤᠨ ᠥᠳᠡᠰᠢᠯᠯᠡᠭᠡ》 ᠶ᠋ᠢ ᠮᠠᠨ ᠤ ᠠᠩᠭᠢ ᠶᠢᠨ ᠭᠢᠨ ᠡᠷᠭᠢᠯᠡᠯᠡ᠃ ᠪᠠᠭᠡᠵᠢᠩ ᠳᠤ ᠪᠠᠢ᠌ᠭᠠ ᠤᠳᠬᠠ ᠵᠤᠬᠢᠶᠠᠯ ᠤᠨ ᠨᠠᠷᠠ ᠭᠦᠡᠳᠦᠳᠤ ᠭᠦᠮᠦᠰ ᠢ ᠪᠦᠷ ᠳᠠᠭᠤᠳᠠᠭᠰᠠᠨ ᠪᠦᠭᠡᠳ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌ ᠶᠢᠡᠨ ᠭᠠᠷ ᠠᠯᠴᠢᠭᠤᠷ ᠳᠡᠭᠡᠷᠡ ᠳᠠᠷᠤᠮᠠᠯᠯᠠᠨ ᠵᠡᠭᠡᠯᠢ ᠳᠡᠭᠡᠭᠦᠷ ᠳᠠᠷᠬᠠᠭᠠᠵᠤ᠂ ᠪᠠᠰᠠ ᠢᠷᠡᠭ᠍ᠰᠡᠨ ᠵᠤᠴᠢᠳ ᠲᠠᠭᠠᠨ ᠳᠤᠷᠠᠰᠬᠠᠯ ᠪᠣᠯᠭᠠᠨ ᠪᠠᠯᠡᠭᠯᠡᠪᠡ᠃ ᠨᠠᠩ ᠴᠤ ᠡᠨᠡ ᠣᠳᠠᠭᠠᠨ ᠤ 《ᠰᠢᠯᠦᠭ᠌ ᠤᠨ ᠥᠳᠡᠰᠢᠯᠡᠭᠡ》 ᠳᠡᠭᠡᠷᠡ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠣᠯᠠᠨ ᠤ ᠡᠮᠦᠨᠡ ᠭᠠᠷᠴᠤ᠂ ᠴᠠᠪᠠᠷ ᠮᠤᠩᠭ᠋ᠤᠯ ᠶᠢᠡᠷ ᠰᠢᠯᠦᠭ᠌ ᠣᠶᠠᠩᠭ᠋ᠠᠯᠠᠭᠰᠠᠨ ᠨᠢ ᠡᠨᠡ ᠣᠳᠠᠭᠠᠨ ᠤ ᠥᠳᠡᠰᠢᠯᠡᠭᠡ ᠳᠤ ᠰᠠᠨᠠᠭᠠᠨ ᠡᠴᠡ ᠭᠠᠳᠠᠭᠤᠷ ᠥᠩᠭᠡ ᠪᠣᠳᠤᠭ ᠨᠠᠮᠠᠷᠢᠯᠠᠵᠤ᠂ ᠨᠠᠢ᠌ᠷ ᠢ ᠣᠯᠠᠮ ᠭᠦᠭ᠍ᠵᠢᠭᠡᠯᠡ ᠭᠡᠵᠤ ᠪᠢ ᠬᠤᠪᠢᠨ ᠳᠠᠭᠠᠨ ᠳᠠᠭᠠᠮᠠᠭᠯᠠᠵᠤ ᠪᠠᠢ᠌ᠨᠠ᠃ ᠥᠳᠡᠰᠢᠯᠡᠭᠡ ᠡᠭᠢᠯᠡᠭᠦ ᠡᠴᠡ ᠬᠠᠭᠠᠰ ᠴᠠᠭ ᠤᠨ ᠡᠮᠤᠨᠡ ᠬᠤᠶᠠᠭᠤᠯᠠ ᠪᠠᠢ᠌ᠷᠢᠨ ᠳᠠᠭᠠᠨ ᠦᠪᠴᠢ ᠮᠤᠩᠭ᠋ᠤᠯ ᠵᠠᠰᠠᠯ ᠶᠢᠡᠷ ᠭᠤᠶᠤᠯᠠᠴᠢᠬᠠᠭᠠᠤᠨ ᠠᠰᠠᠷ ᠡᠴᠡ ᠪᠠᠭᠤᠵᠤ ᠢᠷᠡᠭᠦ ᠳᠤ᠂ ᠶᠡᠭᠡ ᠳᠢᠩᠭᠡᠮ ᠳᠤ ᠭᠦᠯᠢᠶᠡᠵᠤ ᠪᠠᠢ᠌ᠭᠰᠠᠨ ᠪᠠᠭᠰᠢ ᠰᠤᠷᠤᠭᠴᠢᠳ ᠥᠵᠡᠭᠡᠳ ᠳᠤᠤᠷᠠ ᠪᠠᠨ ᠣᠤᠬᠠᠢ᠌ᠯᠠᠨ ᠬᠠᠰᠭᠢᠷᠤᠯᠳᠤᠭᠠᠤᠨ ᠰᠤᠢ᠌ᠳ ᠪᠣᠯᠪᠠ᠃ ᠭᠠᠷ ᠤᠨ ᠥᠰᠦᠭ᠌ ᠶᠢᠡᠨ ᠵᠢᠷᠤᠭᠠ ᠭᠦᠡᠳᠡᠯᠡᠨ ᠪᠦᠰ ᠳᠡᠭᠡᠷᠡ ᠬᠤᠶᠠᠭᠤᠯᠠ ᠪᠣᠰᠤᠭᠠ ᠮᠤᠩᠭ᠋ᠤᠯ ᠥᠰᠦᠭ᠌ ᠶᠢᠡᠷ ᠨᠠᠷᠠ ᠣᠪᠣᠭ ᠶᠢᠡᠨ ᠳᠠᠳᠠᠯᠠᠨ ᠪᠢᠴᠢᠭᠡᠳ ᠣᠷᠭᠢᠬᠤ ᠳᠤ ᠳᠠᠷᠠ ᠠᠷᠪᠢᠨ ᠭᠡᠪᠳᠡᠭᠡ ᠥᠰᠦᠭ᠌ ᠤᠨ ᠳᠤᠮᠳᠠ ᠡᠴᠡ ᠥᠩᠭᠡ ᠢᠯᠭᠠᠷᠠᠭᠠᠤᠨ ᠶᠠᠪᠣᠴᠢᠬᠠᠯᠠ᠃ ᠥᠳᠡᠰᠢᠯᠡᠭᠡ ᠳᠤ ᠪᠡᠯᠡᠳᠭᠡᠨ ᠶᠠᠭᠠᠷᠠᠵᠤ ᠪᠠᠢ᠌ᠭᠰᠠᠨ ᠮᠠᠨᠠᠢ᠌ᠭᠢᠰ ᠳᠠᠷᠠ ᠵᠠᠭᠤᠷᠠ ᠭᠢᠳᠠᠯ ᠶᠢᠡᠨ ᠮᠠᠷᠳᠠᠨ ᠪᠢᠳᠠ ᠬᠤᠶᠠᠷ ᠲᠡᠶ ᠰᠡᠭᠦᠳᠡᠷ ᠳᠠᠳᠠᠭᠤᠯᠤᠭᠠᠤᠨ ᠭᠦᠯ ᠪᠣᠯᠵᠠᠢ᠃ ᠶᠠᠮᠠᠷᠪᠠ ᠦᠨᠳᠦᠰᠦᠳᠠᠨ ᠤ ᠶᠠᠭᠤᠮᠠ ᠦᠪᠡᠷ ᠤᠨ ᠣᠠᠴᠠᠯᠢᠭ ᠨᠠᠮᠪᠠ ᠪᠠᠨ ᠬᠠᠳᠠᠭᠠᠯᠠᠵᠤ ᠴᠢᠳᠠᠪᠠᠯ ᠰᠠᠶᠢ ᠦᠨᠡ ᠳᠤ ᠭᠦᠷᠳᠡᠭ᠌ ᠢ ᠳᠠᠷᠠ ᠣᠷᠤᠢ ᠪᠢ ᠨᠢᠳᠤ ᠪᠠᠷ ᠶᠢᠡᠨ ᠦᠵᠡᠵᠤ ᠪᠢᠯᠠ ︕
ᠭᠠᠳᠠᠭᠰᠢ ᠭᠠᠷᠭᠠᠵᠤ ᠭᠠᠵᠠᠷ ᠣᠰᠤ ᠥᠵᠡᠭᠦᠯᠤᠨ ᠨᠢᠳᠤ ᠨᠡᠭᠡᠭᠡᠯᠭᠡᠭᠦ ᠶᠢᠨ ᠳᠠᠭᠠᠤ ᠨᠡᠢ᠌ᠭᠡᠮ ᠤᠨ ᠥᠢᠯᠡᠳᠦᠯᠭᠡ ᠳᠤ ᠣᠷᠤᠯᠴᠠᠭᠤᠯᠬᠤ ᠪᠣᠯ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠵᠠᠯᠠᠭᠤ ᠵᠤᠬᠢᠶᠠᠯᠴᠢᠳ ᠶᠢᠡᠨ ᠭᠠᠷᠰᠢᠭᠤᠯᠬᠤ ᠰᠠᠢ᠌ᠨ ᠠᠷᠭᠠ᠃ ᠭᠢᠳᠠᠤᠨ ᠤᠳ ᠳᠤᠰ ᠤᠳᠬᠠ ᠵᠤᠬᠢᠶᠠᠯ ᠤᠨ ᠰᠤᠷᠭᠠᠭᠤᠯᠢ ᠪᠠᠨ ᠢᠷᠭᠡᠨ ᠣᠯᠤᠰ ᠤᠨ ᠦᠶᠡ ᠶᠢᠨ 《ᠬᠤᠸᠠᠩᠫᠦ᠋ ᠶᠢᠨ ᠴᠡᠷᠢᠭ᠌ ᠤᠨ ᠰᠤᠷᠭᠠᠭᠤᠯᠢ》 ᠲᠡᠶ ᠪᠠᠨ ᠵᠡᠷᠭᠡᠴᠡᠭᠦᠯᠤᠨ ᠥᠵᠡᠳᠡᠭ᠌ ᠨᠢ ᠣᠴᠢᠷᠳᠠᠢ ᠪᠠᠢ᠌ᠬᠠ᠃ ᠭᠡᠳᠤ ᠴᠤ ᠣᠳᠠᠭᠠᠨ ᠤ ᠶᠠᠷᠢᠯᠴᠠᠭᠠ ᠳᠠᠢ᠌ᠯᠤᠨ ᠳᠡᠭᠡᠷᠡ ᠪᠠᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠣᠨᠤᠯᠴᠢᠳ ᠡᠴᠡ ᠡ᠊ᠨᠳᠡ ᠰᠤᠷᠤᠯᠴᠠᠭᠠ ᠵᠠᠯᠠᠭᠤ ᠵᠤᠬᠢᠶᠠᠯᠴᠢᠳ ᠶᠢᠡᠨ ᠳᠤᠮᠳᠠᠳᠤ ᠶᠢᠨ ᠣᠳᠤ ᠦᠶᠡ ᠶᠢᠨ ᠣᠷᠠᠨ ᠵᠤᠬᠢᠶᠠᠯ ᠤᠨ ᠢᠷᠡᠭᠡᠳᠦᠢ ᠭᠡᠮᠡᠨ ᠦᠨᠳᠦᠷ ᠦᠨᠡᠯᠠᠵᠤ ᠪᠠᠢ᠌ᠬᠤ ᠶᠢ ᠰᠤᠨᠤᠰᠤᠯᠠ᠃ ᠡᠢ᠌ᠮᠤ ᠮᠤᠠᠳᠠᠭ ᠶᠡᠭᠡ ᠪᠣᠳᠠᠰ ᠤᠨ ᠭᠦᠴᠤᠨ᠂ ᠭᠦᠮᠤᠨ ᠤ ᠭᠦᠴᠤᠨ ᠢ ᠰᠥᠢᠳᠭᠡᠵᠤ ᠪᠠᠢ᠌ᠭᠠᠤᠨ ᠳᠤᠰᠬᠠᠢ ᠵᠤᠬᠢᠶᠠᠯᠴᠢᠳ ᠢ ᠭᠦᠮᠦᠵᠢᠭᠦᠯᠵᠤ ᠪᠠᠢ᠌ᠭᠠ ᠶᠤᠮ ᠴᠢᠨᠢ ᠵᠤᠭᠢᠬᠤ ᠬᠠᠷᠢᠭᠤ ᠪᠠᠨ ᠣᠯᠬᠤ ᠨᠢ ᠯᠠᠪᠳᠠᠢ᠃
ᠳᠡᠷᠢᠭᠦᠨ ᠣᠳᠠᠭᠠ ᠨᠢ ᠪᠠᠭᠰᠢ ᠰᠤᠷᠤᠭᠴᠢᠳ ᠵᠢᠷᠠ ᠭᠠᠷᠤᠢ ᠭᠦᠮᠤᠨ ᠳᠤᠰᠬᠠᠢ ᠬᠤᠶᠠᠷ ᠠᠶᠠᠠᠴᠢᠳ ᠤᠨ ᠳᠡᠷᠭᠡ ᠪᠠᠷ ᠪᠠᠭᠡᠵᠢᠩ ᠡᠴᠡ ᠮᠤᠷᠳᠠᠵᠤ᠂ ᠾᠸᠪᠧᠢ ᠮᠤᠵᠢ ᠶᠢᠨ ᠫᠢᠩ ᠱᠠᠨ ᠪᠣᠯᠤᠨ ᠹᠦ᠋ ᠫᠢᠩ ᠬᠤᠶᠠᠷ ᠰᠢᠶᠠᠨ ᠶᠢᠡᠷ ᠳᠠᠭᠠᠷᠢᠨ ᠰᠢ ᠪᠠᠢ ᠫᠦᠸᠧ᠂ ᠶᠢᠨ ᠴᠠ ᠵᠢᠢ᠌ ᠵᠡᠷᠭᠡ ᠬᠤᠪᠢᠰᠬᠠᠯ ᠤᠨ ᠬᠠᠭᠤᠴᠢᠨ ᠰᠠᠭᠤᠷᠢᠨ ᠭᠠᠵᠠᠷ ᠤᠳ ᠶᠢᠡᠷ ᠡᠷᠭᠢᠨ ᠦᠵᠡᠯᠠ᠃ ᠪᠠᠰᠠ ᠳᠤᠰ ᠬᠤᠶᠠᠷ ᠰᠢᠶᠠᠨ ᠤ ᠨᠤᠳᠤᠭ ᠳᠡᠪᠢᠰᠭᠡᠷ ᠳᠡᠭᠡᠷᠡ ᠪᠠᠢ᠌ᠭᠠ ᠥᠵᠡᠰᠭᠦᠯᠡᠩᠳᠤ ᠰᠠᠢ᠌ᠬᠠᠨ ᠠᠭᠤᠯᠠ ᠣᠰᠤ ᠪᠠᠷ ᠳᠤᠭᠤᠷᠢᠨ ᠵᠤᠭᠠᠴᠠᠵᠤ᠂ ᠨᠢᠳᠤ ᠪᠠᠨ ᠬᠤᠵᠢᠷᠯᠠᠨ ᠰᠡᠳᠭᠢᠯ ᠶᠢᠡᠨ ᠰᠡᠷᠭᠦᠭᠡᠪᠡ᠃ ᠨᠤᠳᠤᠭ ᠪᠠᠢ᠌ᠭᠠᠯᠢ᠂ ᠰᠤᠶᠤᠯ ᠳᠡᠦᠭᠡ ᠶᠢᠨ ᠳᠠᠪᠠᠭᠤᠯᠢᠭ ᠶᠢᠡᠨ ᠠᠰᠢᠭᠯᠠᠨ ᠦᠪᠡᠷ ᠢ ᠪᠠᠨ ᠪᠠᠶᠠᠵᠢᠭᠤᠯᠤᠨ ᠭᠦᠯᠵᠢᠭᠦᠯᠵᠤ ᠪᠠᠢ᠌ᠭᠠ ᠨᠢ ᠰᠤᠷᠤᠯᠴᠠᠭᠤᠰᠢᠳᠠᠢ ᠪᠠᠢ᠌ᠨᠠ᠃ ᠬᠠᠵᠠᠭᠤ ᠳᠤ ᠪᠠᠢ᠌ᠬᠤ ᠡᠭᠢ ᠪᠠᠶᠠᠯᠢᠭ ᠶᠢᠡᠨ ᠡᠵᠡᠯᠡᠵᠤ ᠨᠡᠭᠡᠭᠡᠵᠤ ᠮᠡᠳᠡᠭᠦ ᠦᠭᠡᠶ ᠭᠦᠮᠤᠨ ᠳᠤ ᠠᠯᠳᠠᠴᠢᠬᠠᠭᠠᠤᠨ ᠬᠣᠢ᠌ᠨᠡ ᠨᠢ ᠮᠢᠨᠤ ᠪᠠᠢ᠌ᠯᠠ ᠭᠡᠳ ᠠᠮᠠ ᠪᠠᠨ ᠪᠠᠷᠢᠵᠤ ᠰᠠᠭᠤᠬᠤ ᠪᠠᠷ ᠡᠷᠳᠡᠨ ᠡᠴᠡ ᠭᠠᠷ ᠭᠦᠳᠡᠯᠤᠨ ᠦᠪᠡᠷ ᠤᠨ ᠶᠠᠭᠤᠮᠠᠨ ᠳᠠᠭᠠᠨ ᠦᠪᠡᠷ ᠶᠢᠡᠨ ᠡᠵᠡᠨ ᠪᠣᠯᠬᠤ ᠨᠢ ᠵᠥᠭᠡᠷ ᠪᠠᠢ᠌ᠬᠠ ᠳ᠋ᠠ᠃ ᠮᠤᠩᠭ᠋ᠤᠯᠴᠤᠳ ᠶᠠᠷᠤ ᠨᠢ ᠦᠪᠡᠷ ᠤᠨ ᠨᠤᠳᠤᠭ ᠳᠡᠭᠡᠷᠡ ᠪᠠᠢ᠌ᠬᠤ ᠶᠠᠭᠤᠮᠠ ᠪᠠᠨ ᠦᠪᠡᠷ ᠶᠢᠡᠨ ᠨᠡᠭᠡᠭᠡᠵᠤ ᠠᠰᠢᠭᠯᠠᠵᠤ ᠴᠢᠳᠠᠬᠤ ᠦᠭᠡᠶ ᠭᠦᠮᠤᠨ ᠤ ᠭᠠᠷ ᠨᠢᠭᠤᠷ ᠬᠠᠷᠠᠭᠰᠠᠭᠠᠷ ᠪᠠᠢ᠌ᠭᠠᠤᠨ ᠡᠴᠦᠰ ᠲᠡᠭᠡᠨ ᠨᠤᠳᠤᠭ ᠴᠤ ᠦᠭᠡᠶ᠂ ᠪᠠᠯᠴᠢᠭᠡᠷ ᠴᠤ ᠦᠭᠡᠶ ᠬᠤᠭᠤᠰᠤᠨ ᠬᠤᠴᠤᠷᠴᠤ ᠪᠠᠢ᠌ᠭᠠ ᠪᠠᠨ ᠣᠬᠠᠭᠠᠷᠠᠬᠤ ᠭᠡᠷᠡᠭ᠍ᠳᠡᠢ ᠪᠣᠯᠵᠤ ᠪᠠᠢ᠌ᠨᠠ ︕
ᠳᠠᠷᠠᠭᠠ ᠣᠳᠠᠭᠠ ᠨᠢ ᠪᠢᠳᠠ ᠴᠦᠩᠴᠢᠩ ᠶᠢᠡᠷ ᠠᠶᠠᠯᠠᠪᠠ᠃ ᠡᠨᠡ ᠣᠳᠠᠭᠠᠨ ᠤ ᠠᠶᠠᠯᠠᠯ ᠶᠢᠡᠨ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠦᠭᠡᠨ ᠳᠡᠭᠡᠷᠡᠭᠢ ᠬᠠᠮᠤᠭ ᠤᠨ ᠬᠤᠯᠠ ᠠᠶᠠᠯᠠᠯ ᠭᠡᠮᠡᠨ ᠭᠡᠯᠡᠵᠤ ᠪᠠᠢ᠌ᠨᠠ᠃ ᠣᠤᠯ ᠨᠢ ᠴᠦᠩᠴᠢᠩ ᠣᠷᠤᠭᠤ ᠨᠢᠰᠭᠦ ᠭᠡᠵᠤ ᠪᠠᠢ᠌ᠭᠠᠤᠨ ᠠᠶᠤᠯ ᠦᠭᠡᠶ ᠶᠢ ᠪᠣᠳᠤᠨ ᠵᠥᠭᠡᠯᠡᠨ ᠣᠷᠤ ᠲᠡᠶ ᠣᠠᠴᠠ ᠬᠤᠷᠳᠤᠨ ᠭᠠᠯᠳᠤ ᠳᠡᠷᠭᠡ ᠪᠠᠷ ᠠᠶᠠᠯᠠᠵᠠᠢ᠃ ᠪᠦᠭᠦᠢᠯᠡ ᠨᠢᠭᠡ ᠸᠠᠭᠤᠨ ᠢ ᠪᠦᠷ ᠮᠠᠨᠠᠢ᠌ᠭᠢᠨ ᠡᠵᠡᠯᠡᠭᠡᠳ ᠠᠪᠴᠢᠬᠠᠭᠰᠠᠨ ᠪᠣᠯᠬᠤ ᠪᠠᠷ ᠴᠠᠭ ᠥᠩᠭᠡᠷᠡᠵᠤ᠂ ᠵᠠᠮ ᠬᠤᠷᠤᠭᠳᠠᠬᠤ ᠨᠢ ᠳᠦᠷᠭᠡᠨ᠃ ᠨᠠᠭᠠᠳᠤᠵᠤ ᠨᠠᠷᠭᠢᠭᠰᠠᠭᠠᠷ ᠪᠠᠢ᠌ᠭᠠᠤᠨ ᠨᠢᠭᠡ ᠮᠡᠳᠡᠭᠦ ᠳᠤ ᠭᠡᠳᠥᠢᠨᠡᠢ ᠭᠦᠷᠳᠡᠭ᠌ ᠭᠠᠵᠠᠷ ᠶᠢᠡᠨ ᠭᠦᠷᠴᠢᠭᠡᠵᠡᠢ᠃ ᠭᠦᠷᠦᠭ᠍ᠰᠡᠨ ᠡᠳᠦᠷ ᠶᠢᠡᠨ ᠪᠢᠳᠠ ᠴᠦᠩᠴᠢᠩ ᠳᠤ ᠥᠳᠡᠯᠡᠭ᠍ᠰᠡᠨ ᠦᠭᠡᠶ ᠪᠠᠷ ᠳᠡᠷᠭᠡ ᠰᠤᠯᠢᠨ ᠦᠷᠭᠦᠯᠵᠢᠯᠡᠨ ᠠᠶᠠᠯᠠᠵᠤ᠂ ᠵᠠᠮ ᠶᠢᠡᠷ ᠶᠢᠡᠨ ᠳ᠋ᠠ ᠽᠤ ᠶᠢᠨ ᠬᠠᠳᠠᠨ ᠰᠠᠢ᠌ᠯᠤᠮᠠᠯ ᠢ ᠰᠤᠨᠢᠷᠬᠠᠭᠠᠤᠨ ᠰᠢᠭᠤᠳ ᠭᠦᠢᠵᠸᠤ ᠮᠤᠵᠢ ᠶᠢᠨ ᡂᠢ ᠱᠦᠢ ᠬᠤᠳᠠᠨᠠ ᠭᠦᠷᠴᠤ ᠪᠠᠭᠤᠳᠠᠯᠯᠠᠯᠠ᠃ ᠣᠷᠤᠢ ᠨᠢ ᡂᠢ ᠱᠦᠢ ᠬᠤᠳᠠ ᠶᠢᠨ ᠳᠠᠯᠠ ᠡᠴᠡ ᠪᠡᠯᠡᠳᠭᠡᠭ᠍ᠰᠡᠨ ᠴᠢᠯᠡᠭᠡ ᠳᠠᠢ᠌ᠯᠬᠤ ᠨᠠᠢ᠌ᠷ ᠲᠤ ᠰᠠᠭᠠᠳᠠᠨ ᠳᠤᠰᠬᠠᠢ ᠪᠢᠳᠠᠨ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠥᠳᠡᠰᠢᠯᠡᠭᠡ ᠳᠤ ᠨᠢ ᠰᠠᠭᠤᠪᠠ᠃ ᠥᠳᠡᠰᠢᠯᠡᠭᠡ ᠳᠡᠭᠡᠷᠡ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠰᠤᠷᠭᠠᠭᠤᠯᠢ ᠪᠠᠨ ᠲᠦᠯᠦᠭᠡᠯᠡᠨ ᠳᠠᠳᠠᠨ ᠳᠤ ᠮᠤᠩᠭ᠋ᠤᠯ ᠨᠠᠢ᠌ᠷ ᠤᠨ ᠳᠠᠭᠤᠤ ᠪᠠᠷᠢᠵᠠᠢ᠃ ᠬᠠᠮᠢᠭᠠ ᠭᠦᠷᠦᠭ᠍ᠰᠡᠨ ᠴᠤ ᠰᠤᠶᠤᠯ ᠶᠢᠡᠨ ᠳᠠᠨᠢᠭᠤᠯᠵᠤ᠂ ᠰᠤᠶᠤᠯ ᠶᠢᠡᠷ ᠶᠢᠡᠨ ᠳᠠᠨᠢᠭᠳᠠᠬᠤ ᠨᠢ ᠰᠠᠢ᠌ᠨ ᠣᠴᠢᠷ᠃ ᠭᠦᠮᠤᠨ ᠤ ᠰᠤᠶᠤᠯ ᠲᠡᠶ ᠵᠡᠷᠭᠡᠴᠡᠭᠦᠯᠤᠨ ᠦᠪᠡᠷ ᠤᠨ ᠰᠤᠶᠤᠯ ᠶᠢᠡᠨ ᠣᠬᠠᠭᠤᠯᠵᠤ᠂ ᠥᠵᠡᠭᠦᠯᠵᠤ᠂ ᠪᠢᠰᠢᠷᠡᠭᠦᠯᠵᠤ ᠴᠢᠳᠠᠪᠠᠯ ᠰᠠᠶᠢ ᠠᠮᠢᠳᠤ ᠶᠠᠪᠣᠭᠰᠠᠨ ᠤ ᠣᠢ᠌ᠯᠠ ᠪᠦᠳᠤᠨᠡ᠃ ᠥᠳᠡᠰᠢᠯᠡᠭᠡ ᠳᠤ ᠰᠠᠭᠠᠳᠠᠭᠰᠠᠨ ᠳᠠᠷᠠ ᠪᠦᠭᠦᠨ ᠪᠢᠳᠠ ᠬᠤᠶᠠᠷ ᠤᠨ ᠳᠠᠭᠤᠯᠠᠭᠰᠠᠨ ᠳᠠᠭᠤᠤ ᠳᠤ ᠪᠢᠰᠢ᠂ ᠬᠠᠷᠢᠨ ᠳᠡᠭ᠍ᠷᠢᠯᠢᠭ᠌ ᠰᠤᠶᠤᠯ ᠣᠷᠠᠯᠢᠭ ᠤᠨ ᠬᠠᠷᠠ ᠠᠷᠢᠭᠢᠨ ᠳᠤ ᠦᠶᠡ ᠦᠶᠡ ᠮᠠᠨᠠᠷᠠᠭᠠᠤᠨ ᠠᠪᠴᠤ ᠪᠠᠢ᠌ᠯᠠ ᠡ ︕ ᡂᠢ ᠱᠦᠢ ᠭᠡᠵᠤ ᠭᠦᠢᠵᠸᠤ ᠪᠣᠯᠤᠨ ᠰᠸᠴᠤᠸᠠᠨ ᠬᠤᠶᠠᠷ ᠮᠤᠵᠢ ᠶᠢᠨ ᠠᠭᠤᠯᠵᠠᠷ ᠳᠡᠭᠡᠷᠡ ᠪᠠᠢ᠌ᠬᠤ ᠬᠤᠳᠠᠯᠳᠤᠭᠠ ᠠᠷᠠᠯᠵᠢᠶᠠ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠣᠢ᠌ᠯᠠᠰ ᠢ ᠣᠶᠠᠯᠳᠤᠭᠤᠯᠤᠨ ᠭᠦᠭ᠍ᠵᠢᠭ᠍ᠰᠡᠨ ᠬᠤᠳᠠ᠃ ᠣᠤᠯ ᠤᠨ ᠪᠠᠢ᠌ᠭᠠᠯᠢᠯᠢᠭ ᠳᠦᠷᠭᠦ ᠪᠠᠨ ᠬᠠᠳᠠᠭᠠᠯᠠᠭᠰᠠᠨ ᠶᠠᠩᠵᠤ ᠪᠦᠷᠢ ᠶᠢᠨ ᠭᠦᠷᠭᠢᠷᠡ ᠨᠤᠭᠦᠳ᠂ ᠣᠩᠭ᠋ᠤᠨ ᠪᠠᠯᠠᠷ ᠶᠢᠡᠷ ᠶᠢᠡᠨ ᠪᠠᠢ᠌ᠭᠠ ᠭᠡᠮᠡᠷ ᠢᠭᠴᠤ ᠰᠠᠬᠤᠯᠢᠭ ᠣᠢ᠌ᠳᠤ ᠣᠷᠤᠨ ᠨᠢ ᠡᠨᠡ ᠬᠤᠳᠠ ᠶᠢ ᠭᠦᠮᠦᠰ ᠤᠨ ᠰᠡᠳᠭᠢᠯ ᠳᠤ ᠬᠤᠨᠤᠭᠠᠨ ᠭᠦᠷᠤᠨ ᠤ ᠰᠤᠨᠤᠷ ᠲᠤ ᠭᠦᠷᠭᠡᠵᠤ ᠪᠠᠢ᠌ᠨᠠ᠃ ᠣᠨᠠᠭᠠᠨ ᠪᠠᠢ᠌ᠭᠠᠯᠢ᠂ ᠨᠤᠳᠤᠭ ᠣᠰᠤ ᠪᠠᠨ ᠬᠠᠢ᠌ᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠠᠮᠢᠳᠤ ᠵᠢᠱᠢᠶᠠ ᠶᠢ ᠡ᠊ᠨᠳᠡ ᠴᠤᠬᠤᠮ ᠥᠵᠡᠭᠦᠯᠦᠭᠡᠳ ᠳᠠᠯᠪᠢᠵᠠᠢ᠃ ᠨᠥᠭᠦᠭᠡᠳᠦᠷ ᠨᠢ ᠪᠢᠳᠠ ᡂᠢ ᠱᠦᠢ ᠳ᠋ᠠᠭᠢ ᠠᠶᠠᠯᠠᠯ ᠶᠢᠡᠨ ᠳᠠᠭᠤᠰᠬᠠᠭᠠᠤᠨ ᠬᠠᠭᠠᠰ ᠡᠳᠦᠷ ᠭᠡᠯᠳᠡᠢ ᠠᠶᠠᠯᠠᠨ ᠴᠦᠩᠴᠢᠩ ᠬᠤᠳᠠ ᠶᠢᠨ ᠡᠤ ᠯᠦᠩ ᠰᠢᠶᠠᠨ ᠳᠡᠭᠡᠷᠡ ᠢᠷᠠᠪᠠ᠃ ᠬᠤᠶᠠᠷ ᠠᠭᠤᠯᠠ ᠶᠢᠨ ᠬᠤᠷᠮᠤᠢ ᠳᠠᠷᠠᠯᠠᠨ ᠡᠪᠳᠡᠢ᠌ᠭᠡᠨ ᠪᠠᠢ᠌ᠷᠢᠯᠠᠭᠰᠠᠨ ᠡᠤ ᠯᠦᠩ ᠰᠢᠶᠠᠨ ᠮᠦᠨᠴᠤ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠣᠢ᠌ᠯᠠᠰ ᠢ ᠴᠢᠬᠤᠯᠠ ᠪᠠᠢ᠌ᠷᠢᠨ ᠳᠤ ᠳᠠᠯᠪᠢᠭᠰᠠᠨ ᠶᠢᠡᠷ ᠶᠢᠡᠨ ᠣᠠᠴᠠᠭᠠᠢ᠌ᠷᠠᠨᠠ᠃ ᠮᠠᠷᠭᠠᠰᠢ ᠨᠢ ᠮᠠᠨᠤᠰ ᠡᠤ ᠯᠦᠩ ᠰᠢᠶᠠᠨ ᠤ ᠬᠠᠷᠢᠶᠠᠨ ᠳᠤ ᠪᠠᠢ᠌ᠭᠠ ᠳᠡᠭ᠍ᠷᠢ ᠶᠢᠨ ᠬᠤᠳᠤᠭᠤᠷ᠂ ᠭᠠᠵᠠᠷ ᠤᠨ ᠠᠩ ᠭᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠵᠤᠭᠠᠴᠠᠯ ᠤᠨ ᠣᠷᠤᠨ ᠶᠢᠡᠷ ᠡᠷᠭᠢᠨ ᠰᠤᠨᠢᠷᠬᠠᠵᠤ᠂ ᠪᠠᠢ᠌ᠭᠠᠯᠢ ᠡᠭᠡ ᠶᠢᠨ ᠪᠦᠳᠦᠭᠡᠭ᠍ᠰᠡᠨ ᠰᠤᠳᠤᠨ ᠭᠠᠢ᠌ᠬᠠᠮᠰᠢᠭ ᠲᠤ ᠰᠥᠰᠦᠭᠯᠡᠨ ᠵᠠᠯᠪᠠᠷᠢᠯᠠ᠃ ᠣᠷᠤᠢ ᠨᠢ ᠴᠦᠩᠴᠢᠩ ᠳᠤ ᠪᠣᠴᠠᠨ ᠢᠷᠠᠪᠠ᠃ ᠪᠦᠭᠦ ᠣᠯᠤᠰ ᠲᠠᠭᠠᠨ ᠨᠠᠷᠠᠳᠠᠢ ᠳᠤᠮᠤ ᠳᠡᠦᠭᠡᠨ ᠬᠤᠳᠠ ᠶᠢᠨ ᠨᠢᠭᠡ ᠪᠣᠯᠤᠭᠰᠠᠨ ᠴᠦᠩᠴᠢᠩ ᠤᠨ ᠶᠡᠭᠡ ᠪᠠᠭᠠ ᠶᠢ ᠵᠥᠪᠭᠡᠨ ᠨᠢᠳᠤ ᠪᠠᠷ ᠬᠠᠷᠠᠭᠠᠤᠨ ᠭᠡᠯᠡᠵᠤ ᠴᠢᠳᠠᠬᠤ ᠶᠠᠭᠤᠮᠠ ᠪᠢᠰᠢ᠃ ᠬᠠᠷᠢᠨ ᠵᠡᠭᠡᠯᠢ ᠳᠦᠭᠦᠷᠡᠩ ᠭᠦᠰᠭᠡᠷᠡᠵᠤ (ᠪᠣᠳᠤᠯᠢᠵᠤ) ᠪᠠᠢ᠌ᠭᠠ ᠭᠦᠮᠤᠨ ᠬᠠᠷᠠ᠂ ᠵᠠᠮ ᠶᠢᠡᠷ ᠨᠢ ᠰᠢᠬᠠᠯᠳᠤᠨ ᠣᠢ᠌ᠮᠠᠵᠤ ᠪᠠᠢ᠌ᠭᠠ ᠳᠡᠷᠭᠡ ᠶᠢ ᠬᠠᠷᠠᠴᠢᠬᠠᠪᠠᠯ ᠴᠦᠩᠴᠢᠩ ᠭᠡᠴᠢᠨᠡᠨ ᠶᠡᠭᠡ ᠭᠡᠳᠡᠭ᠌ ᠢ ᠪᠠᠷᠤᠭᠯᠠᠪᠠᠴᠤ ᠪᠠᠷᠤᠭᠯᠠᠭᠠᠤᠨ ᠮᠡᠳᠡᠴᠢᠭᠡᠨᠡ᠃ ᠴᠦᠩᠴᠢᠩ ᠳᠤ ᠪᠢᠳᠠ ᠨᠢᠭᠡ ᠦᠨᠵᠢᠨ ᠳᠡᠦᠭᠡᠳᠤ ᠭᠠᠵᠠᠷ ᠶᠢᠡᠷ ᠨᠢ ᠳᠤᠭᠤᠷᠢᠨ ᠭᠠᠢ᠌ᠬᠠᠵᠤ᠂ ᠵᠢᠷᠤᠭ ᠳᠤᠷᠠᠰᠬᠠᠯ ᠥᠯᠡᠳᠡᠭᠡᠪᠡ᠃ ᠠᠰᠠᠷ ᠪᠠᠷᠢᠯᠭᠠ᠂ ᠣᠢ᠌ᠯᠠᠳᠪᠣᠷᠢ ᠬᠤᠳᠠᠯᠳᠤᠭᠠ᠂ ᠭᠦᠮᠤᠨ ᠮᠠᠰᠢᠨ ᠨᠢ ᠳᠡᠩᠳᠡᠭᠦᠤ ᠠᠷᠪᠢᠨ ᠭᠡᠭᠦ ᠡᠴᠡ ᠪᠢᠰᠢ᠂ ᠠᠭᠠᠷ ᠠᠮᠢᠰᠬᠤᠯ ᠨᠢ ᠴᠢᠭᠢᠭ᠍ᠯᠢᠭ᠌ ᠰᠡᠷᠢᠭᠦᠨ᠂ ᠡᠪᠠᠰᠤ ᠮᠤᠳᠤ ᠪᠠᠷ ᠬᠤᠴᠢᠭᠳᠠᠨ ᠠᠭᠤᠯᠠ ᠣᠰᠤ ᠪᠠᠷ ᠭᠦᠷᠢᠶᠡᠯᠡᠭ᠍ᠳᠡᠭ᠍ᠰᠡᠨ ᠮᠦᠨᠴᠤ ᠰᠡᠳᠭᠢᠯ ᠳᠤ ᠳᠠᠭᠠᠷᠠᠮᠠᠷ ᠰᠠᠢ᠌ᠠᠭᠨ ᠭᠠᠵᠠᠷ ᠡ᠃ ᠪᠠᠢ᠌ᠨ ᠪᠠᠢ᠌ᠨ ᠵᠥᠭᠡᠯᠡᠨ ᠬᠤᠷᠠ ᠵᠥᠰᠡᠷᠡᠭ᠍ᠰᠡᠨ ᠪᠦᠷᠭᠦᠭ᠌ ᠮᠠᠨᠠᠨ ᠲᠡᠶ ᠦᠷᠯᠦᠭᠡ ᠪᠢᠳᠠ ᠴᠦᠩᠴᠢᠩ ᠡᠴᠡ ᠪᠠᠭᠡᠵᠢᠩ ᠵᠥᠭ᠌ ᠮᠤᠷᠳᠠᠯᠠ᠃
ᠴᠦᠩᠴᠢᠩ ᠶᠢᠡᠷ ᠠᠶᠠᠯᠠᠭᠠᠤᠨ ᠪᠣᠴᠠᠨ ᠢᠷᠡᠭᠦ ᠳᠤ ᠪᠢᠳᠠᠨ ᠤ ᠰᠤᠷᠤᠯᠴᠠᠯᠭᠠ ᠶᠢᠨ ᠬᠤᠭᠤᠴᠠᠭᠠ ᠵᠥᠪᠭᠡᠨ ᠭᠠᠭᠴᠠᠬᠠᠨ ᠰᠠᠷᠠ ᠥᠯᠡᠳᠡᠭᠡᠳ ᠪᠠᠢ᠌ᠪᠠ᠃ ᠡᠳᠦᠷ ᠴᠠᠭ ᠶᠠᠭᠠᠭᠢᠭᠰᠠᠨ ᠬᠤᠷᠳᠤᠨ ᠥᠩᠭᠡᠷᠡᠭᠦ ᠶᠤᠮ ᠪᠣᠢ ᠭᠡᠵᠤ ᠪᠣᠳᠤᠬᠤ ᠳᠤ ᠪᠦᠭᠦᠳᠡ ᠶᠢᠨ ᠰᠡᠳᠭᠢᠯ ᠠᠳᠠᠯᠢᠬᠠᠨ ᠰᠠᠯᠵᠤ ᠪᠣᠳᠠᠷᠠᠬᠤ ᠶᠢᠨ ᠭᠠᠰᠢᠭᠤᠨ ᠭᠤᠨᠢᠭ ᠶᠢᠡᠷ ᠳᠦᠭᠦᠷᠤᠨᠡ᠃ ᠨᠢᠭᠡ ᠮᠡᠳᠡᠭᠦ ᠳᠤ ᠪᠦᠭᠦ ᠠᠩᠭᠢ ᠪᠠᠷ ᠶᠢᠡᠨ ᠳᠤᠰ ᠳᠤᠰ ᠲᠠᠭᠠᠨ ᠶᠠᠩᠵᠤ ᠪᠦᠷᠢ ᠶᠢᠨ ᠭᠡᠯᠪᠠᠷᠢ ᠪᠠᠷ ᠰᠠᠯᠬᠤ ᠪᠡᠯᠡᠳᠭᠡᠯ ᠶᠢᠡᠨ ᠭᠢᠭᠡᠳ ᠶᠠᠭᠠᠷᠠᠵᠤ ᠡᠭᠢᠯᠡᠵᠡᠢ᠃ ᠵᠠᠷᠢᠮ ᠨᠢ ᠰᠡᠮᠡᠭᠡᠷᠭᠡᠨ ᠳᠡᠮᠳᠡᠭᠯᠡᠯ ᠤᠨ ᠳᠠᠪᠳᠠᠷ ᠳᠡᠭᠡᠷᠡ ᠪᠠᠨ ᠭᠠᠷ ᠤᠨ ᠥᠰᠦᠭ᠌ ᠵᠢᠷᠤᠭᠤᠯᠤᠭᠠᠤᠨ ᠠᠮᠵᠢᠵᠤ ᠪᠠᠢ᠌ᠨᠠ᠃ ᠵᠠᠷᠢᠮ ᠨᠢ ᠡᠪᠳᠡᠢ᠌ᠭᠡᠨ ᠳᠤᠤᠭᠤᠷ ᠨᠢᠭᠡ ᠨᠢᠭᠡᠨ ᠳᠡᠭᠡᠨ ᠪᠠᠯᠡᠭ᠌ ᠳᠤᠷᠠᠰᠬᠠᠯ ᠤᠨ ᠶᠠᠭᠤᠮᠠ ᠭᠦᠷᠭᠡᠵᠤ ᠪᠠᠢ᠌ᠨᠠ᠃ ᠵᠠᠷᠢᠮ ᠨᠢ ᠪᠦᠭᠦ ᠠᠩᠭᠢ ᠶᠢᠨ ᠨᠥᠭᠦᠤᠨ ᠶᠢᠡᠨ ᠨᠢᠭᠡ ᠨᠢᠭᠡ ᠪᠠᠷ ᠰᠡᠭᠦᠳᠡᠷᠯᠡᠨ ᠠᠪᠴᠤ᠂ ᠳᠤᠷᠠᠳᠬᠠᠯ ᠤᠨ ᠭᠦᠰᠢᠭᠡᠨᠡ ᠮᠥᠩᠭᠡ ᠥᠯᠡᠳᠡᠭᠡᠭᠦ ᠭᠡᠳ ᠶᠠᠭᠠᠷᠠᠬᠤ ᠳᠤ ᠪᠠᠰᠠ ᠭᠡᠳᠤ ᠨᠢ ᠣᠯᠠᠨ ᠤ ᠵᠤᠬᠢᠶᠠᠯ ᠢ ᠴᠤᠭᠯᠠᠭᠤᠯᠤᠨ ᠡᠮᠭᠢᠳᠭᠡᠵᠤ᠂ ᠨᠤᠮ ᠪᠣᠯᠭᠠᠭᠠᠤᠨ ᠰᠤᠷᠭᠠᠭᠤᠯᠢ ᠶᠢᠨ ᠳᠡᠦᠭᠡᠨ ᠳᠤ ᠬᠤᠴᠤᠷᠭᠠᠬᠤ ᠭᠡᠵᠤ ᠭᠠᠳᠠᠭᠤᠷ ᠳᠤᠳᠤᠭᠤᠷ ᠭᠦᠶᠦᠯᠳᠤᠨᠡ᠃ ᠶᠠᠷᠤ ᠨᠢ ᠠᠯᠢ ᠳᠠᠯᠠ ᠡᠴᠡ ᠨᠢ ᠠᠪᠴᠤ ᠥᠵᠡᠭ᠍ᠰᠡᠨ ᠴᠤ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠪᠠᠨ ᠳᠠᠪᠣᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠳᠤᠰ ᠠᠩᠭᠢ᠂ ᠰᠢᠨᠡ ᠶᠠᠭᠤᠮᠠ ᠶᠢ ᠰᠠᠳᠤᠨ ᠭᠢᠵᠤ᠂ ᠪᠦᠳᠦᠭᠡᠵᠤ ᠪᠦᠷᠢᠯᠳᠦᠭᠦᠯᠵᠤ ᠴᠢᠳᠠᠳᠠᠭ ᠶᠢᠡᠷ ᠶᠢᠡᠨ ᠣᠳᠤᠷᠢᠳᠤᠯᠭᠠ ᠭᠢᠭᠡᠳ ᠪᠠᠭᠰᠢ ᠨᠡᠷ ᠲᠤ ᠪᠠᠨ ᠮᠠᠭᠳᠠᠭᠳᠠᠵᠤ ᠪᠠᠢ᠌ᠯᠠ᠃ ᠳᠡᠭᠦᠰᠭᠦ ᠮᠦᠴᠡ ᠣᠯᠠᠮ ᠣᠯᠠᠮ ᠤᠢ᠌ᠷᠠᠳᠤᠨ ᠦᠳᠡᠰᠢ ᠪᠣᠯᠭᠠᠨ ᠰᠤᠷᠭᠠᠭᠤᠯᠢ ᠶᠢᠨ ᠴᠡᠴᠡᠷᠯᠢᠭ᠌ ᠤᠨ ᠳᠡᠷᠭᠡᠳᠡᠭᠢ ᠵᠤᠬᠢᠶᠠᠮᠠᠯ ᠨᠠᠭᠤᠷ ᠤᠨ ᠭᠦᠪᠠᠭᠡᠨ ᠳᠡᠭᠡᠷᠡ ᠪᠣᠯᠵᠤᠭᠰᠠᠨ ᠦᠭᠡᠶ ᠪᠠᠷ ᠴᠤᠭᠯᠠᠷᠠᠭᠠᠤᠨ ᠳᠠᠭᠤᠤ ᠳᠠᠭᠤᠯᠠᠨ ᠨᠠᠭᠠᠳᠤᠮ ᠭᠠᠷᠭᠠᠵᠤ᠂ ᠨᠠᠷᠭᠢᠵᠤ ᠴᠠᠯᠭᠢᠵᠤ ᠰᠠᠭᠤᠰᠠᠨ ᠨᠢ ᠰᠠᠨᠠᠭᠠᠨ ᠡᠴᠡ ᠭᠠᠷᠳᠠᠭ ᠦᠭᠡᠶ᠃
ᠴᠠᠭ ᠳᠤᠯᠤᠭᠠᠤᠨ ᠢᠷᠡᠭᠦ ᠳᠤ ᠠᠵᠢᠯ ᠣᠴᠢᠷ ᠴᠤ ᠠᠷᠪᠢᠨ ᠭᠠᠷᠤᠭᠠᠤᠨ ᠢᠷᠡᠳᠡᠭ᠌ ᠶᠤᠮ ᠪᠠᠢ᠌ᠨᠠ᠃ ᠰᠡᠭᠦᠯ ᠤᠨ ᠨᠢᠭᠡ ᠰᠠᠷᠠ ᠳᠤ ᠰᠤᠯᠠ ᠡᠳᠦᠷ ᠲ᠋ᠦᠩ ᠬᠤᠪᠣᠷ᠃ 6 ᠰᠠᠷᠠ ᠶᠢᠨ 14 ᠊ᠤ ᠦᠳᠡ ᠶᠢᠨ ᠡᠮᠤᠨᠡ ᠠᠩᠭᠢ ᠪᠠᠷ ᠶᠢᠡᠨ ᠳᠤᠮᠳᠠᠳᠤ ᠣᠯᠤᠰ ᠤᠨ ᠰᠠᠠᠰᠠᠷ ᠤᠨ ᠠᠶᠠᠯᠠᠯ ᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠶᠢᠡᠷ ᠳᠤᠭᠤᠷᠢᠨ ᠦᠵᠡᠯᠠ᠃ ᠰᠠᠠᠰᠠᠷᠴᠢᠳ ᠤᠨ ᠰᠠᠠᠰᠠᠷ ᠲᠤ ᠭᠠᠷᠬᠤ ᠡᠴᠡ ᠪᠠᠨ ᠡᠮᠤᠨᠡ ᠶᠠᠭᠠᠭᠢᠵᠤ ᠪᠣᠯᠪᠠᠰᠤᠷᠠᠨ᠂ ᠶᠠᠮᠠᠷ ᠶᠠᠮᠠᠷ ᠪᠠᠯᠠᠳᠭᠢᠯ ᠭᠢᠵᠤ ᠪᠠᠢ᠌ᠳᠠᠭ ᠢ ᠨᠢᠳᠤ ᠪᠠᠷ ᠶᠢᠡᠨ ᠬᠠᠷᠠᠪᠠ᠃ ᠰᠠᠠᠰᠠᠷ ᠶᠢᠡᠷ ᠠᠶᠠᠯᠠᠭᠰᠠᠨ ᠪᠠᠭᠠᠳᠤᠷ ᠯᠢᠤ ᠪᠦᠸᠧ ᠮᠢᠩ ᠲᠡᠶ ᠠᠭᠤᠯᠵᠠᠨ ᠭᠠᠷ ᠠᠳᠬᠤᠵᠤ᠂ ᠳᠤᠷᠠᠰᠬᠠᠯ ᠤᠨ ᠵᠢᠷᠤᠭ ᠠᠪᠬᠠᠭᠤᠯᠤᠯᠠ᠃ ᠡᠨᠡ ᠪᠦᠭᠦᠨ ᠢ ᠡ᠊ᠨᠳᠡ ᠠᠵᠢᠯᠯᠠᠨ ᠠᠯᠪᠠᠯᠠᠵᠤ ᠪᠠᠢ᠌ᠭᠠ ᠮᠠᠨ ᠤ ᠠᠩᠭᠢ ᠶᠢᠨ ᠨᠢᠭᠡ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠪᠠᠢ᠌ᠭᠤᠯᠭᠠ ᠶᠢᠨ ᠣᠳᠤᠷᠢᠳᠤᠯᠭᠠ ᠲᠡᠶ ᠪᠠᠨ ᠬᠠᠷᠢᠴᠠᠵᠤ ᠪᠠᠢ᠌ᠭᠠᠤᠨ ᠰᠠᠢ᠌ᠬᠠᠨ ᠳᠤᠭᠢᠷᠠᠭᠤᠯᠵᠤ᠂ ᠮᠠᠨᠤᠰ ᠲᠤ ᠨᠢᠳᠤ ᠨᠡᠭᠡᠭᠡᠭᠦ ᠵᠠᠪᠰᠢᠶᠠᠨ ᠣᠯᠭᠤᠭᠰᠠᠨ ᠶᠤᠮ᠃ 6 ᠰᠠᠷᠠ ᠶᠢᠨ 21 ᠊ᠤ ᠦᠳᠡ ᠶᠢᠨ ᠡᠮᠦᠨᠡ ᠠᠩᠭᠢ ᠪᠠᠨ ᠲᠦᠯᠦᠭᠡᠯᠡᠨ 25 ᠰᠤᠷᠤᠭᠴᠢ ᠳᠤᠮᠳᠠᠳᠤ ᠣᠯᠤᠰ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠬᠤᠷᠢᠶᠠᠨ ᠳᠤ ᠣᠴᠢᠵᠤ᠂ 《ᠭᠠᠷ ᠣᠳᠠᠰᠤᠨ ᠤ ᠣᠷᠠᠨ ᠵᠤᠬᠢᠶᠠᠯ》 ᠡᠯᠰᠡᠭᠦ ᠨᠡᠭᠡᠭᠡᠯᠳᠡ ᠶᠢᠨ ᠶᠤᠰᠤᠯᠠᠯ ᠳᠤ ᠣᠷᠤᠯᠴᠠᠪᠠ᠃ ᠡᠭᠦᠨ ᠡᠴᠡ ᠪᠢᠳᠠ ᠭᠢᠳᠠᠤᠨ ᠤᠨ ᠭᠠᠷ ᠣᠳᠠᠰᠤᠨ ᠤ ᠣᠷᠠᠨ ᠵᠤᠬᠢᠶᠠᠯ ᠴᠤ ᠰᠦᠯᠵᠢᠶᠠᠨ ᠤ ᠣᠷᠠᠨ ᠵᠤᠬᠢᠶᠠᠯ ᠲᠡᠶ ᠠᠳᠠᠯᠢᠬᠠᠨ ᠭᠦᠭ᠍ᠵᠢᠭᠡᠳ ᠨᠢᠭᠡ ᠭᠡᠮᠵᠢᠶᠡᠨ ᠳᠤ ᠭᠦᠷᠴᠤ ᠪᠠᠢ᠌ᠬᠤ ᠶᠢ ᠣᠯᠵᠤ ᠦᠵᠡᠵᠤ ᠪᠣᠯᠤᠨᠡ᠃ ᠦᠳᠡ ᠳᠤ ᠶᠧ ᠮᠸᠢ ᠪᠠᠭᠰᠢ ᠭᠦᠳᠡᠯᠭᠡᠭᠡᠨ ᠳᠤ ᠣᠷᠤᠯᠴᠠᠭᠰᠠᠨ ᠭᠡᠳᠤᠨ ᠰᠤᠷᠤᠭᠴᠢ ᠪᠠᠨ ᠳᠠᠭᠠᠭᠤᠯᠤᠨ 《ᠦᠨᠳᠦᠰᠦᠳᠠᠨ ᠤ ᠤᠳᠬᠠ ᠵᠤᠬᠢᠶᠠᠯ》 ᠊ᠤᠨ ᠬᠤᠷᠢᠶᠠᠨ ᠳᠠᠭᠠᠨ ᠭᠦᠷᠭᠡᠯᠡ᠃ ᠦᠨᠳᠦᠰᠦᠳᠠᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠤᠬᠠᠢ ᠰᠤᠯᠠ ᠵᠤᠭᠤᠭ ᠳᠡᠯᠭᠡᠭᠦ ᠶᠢᠨ ᠬᠠᠵᠠᠭᠤ ᠪᠠᠷ ᠬᠤᠭᠤᠯᠠᠨ ᠭᠡᠷ ᠡᠴᠡ ᠬᠤᠭᠤᠯᠠ ᠵᠠᠭᠢᠶᠠᠯᠠᠵᠤ ᠢᠷᠠᠨ ᠭᠡᠳᠦᠭᠦᠯᠡ ᠬᠤᠷᠠᠯ ᠤᠨ ᠭᠡᠷ ᠤᠨ ᠰᠢᠷᠡᠭᠡ ᠪᠠᠨ ᠳᠤᠭᠤᠷᠢᠨ ᠰᠠᠭᠤᠵᠠᠭᠠᠭᠠᠤᠨ ᠢᠳᠠᠵᠤ ᠣᠤᠭᠤᠵᠤ ᠭᠠᠷᠤᠯᠠ᠃ ᠶᠧ ᠮᠸᠢ ᠪᠠᠭᠰᠢ ᠪᠣᠯᠤᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠤᠷᠢᠶᠠᠨ ᠤ ᠨᠠᠢ᠌ᠷᠠᠭᠤᠯᠤᠭᠴᠢ᠂ ᠠᠵᠢᠯᠳᠠᠤᠨ ᠪᠢᠳᠠᠨ ᠲᠡᠶ ᠠᠯᠢ ᠭᠡᠵᠢᠶᠡᠨᠡᠢ ᠶᠢᠨ ᠳᠠᠨᠢᠯ ᠶᠤᠮ ᠰᠢᠭ ᠭᠦᠭᠡᠷᠦᠯᠳᠤᠨ ᠨᠠᠷᠭᠢᠵᠤ᠂ ᠬᠠᠨᠤᠳᠠᠯᠠ ᠪᠠᠨ ᠪᠠᠶᠠᠰᠤᠯᠳᠤᠨ ᠳᠤᠭᠯᠠᠵᠠᠭᠠᠪᠠ᠃ ᠪᠢ ᠶᠡᠭᠡ ᠭᠦᠮᠤᠨ ᠭᠡᠳ ᠪᠠᠶᠠ ᠪᠠᠨ ᠣᠯᠠᠨ ᠡᠴᠡ ᠳᠡᠭᠡᠭᠦᠷ ᠦᠵᠡᠨ ᠭᠦᠡᠳᠡᠢ᠌ᠷᠡᠵᠤ᠂ ᠣᠠᠴᠠᠭᠠᠢ᠌ᠷᠠᠵᠤ᠂ ᠭᠠᠭᠴᠠᠭᠠᠷᠳᠠᠵᠤ ᠶᠠᠪᠣᠭᠰᠠᠨ ᠡᠴᠡ ᠡᠨᠡ ᠰᠠᠢ᠌ᠬᠠᠨ ᠡ᠃ 《ᠦᠨᠳᠦᠰᠦᠳᠠᠨ ᠤ ᠤᠳᠬᠠ ᠵᠤᠬᠢᠶᠠᠯ》 ᠰᠡᠳᠭᠦᠯ ᠤᠨ ᠬᠤᠷᠢᠶᠠᠨ ᠡᠴᠡ ᠭᠦᠮᠤᠨ ᠪᠦᠷᠢ ᠳᠤ 《ᠴᠥᠭᠡᠨ ᠳᠤᠭᠠᠳᠤ ᠦᠨᠳᠦᠰᠦᠳᠠᠨ ᠤ ᠵᠠᠯᠠᠭᠤ ᠵᠤᠬᠢᠶᠠᠯᠴᠢᠳ ᠤᠨ ᠪᠢᠷ ᠤᠨ ᠴᠤᠭᠯᠠᠭᠠᠨ》 ᠭᠡᠮᠡᠭᠦ ᠳᠤᠷᠠᠰᠬᠠᠯ ᠤᠨ ᠥᠰᠦᠭ᠌ ᠲᠡᠶ ᠳᠤᠳᠤᠷ ᠬᠠᠠᠳᠠᠭᠠᠵᠠ ᠪᠠᠨ ᠪᠠᠯᠡᠭᠯᠡᠯᠡ᠃ ᠭᠢᠳᠠᠤᠨ ᠰᠡᠳᠭᠦᠯ ᠤᠨ ᠭᠢᠨ ᠠᠯᠪᠠᠨ ᠰᠢᠷᠡᠭᠡᠨ ᠤ ᠪᠠᠨ ᠬᠣᠢ᠌ᠨᠠ ᠣᠴᠣᠢ᠌ᠵᠤ ᠰᠠᠭᠤᠴᠢᠬᠠᠭᠠᠤᠨ ᠵᠥᠪᠭᠡᠨ ᠡᠭᠡ ᠪᠢᠴᠢᠭ᠌ ᠢᠷᠡᠭᠦ ᠶᠢ ᠭᠦᠯᠢᠶᠡᠵᠤ ᠰᠠᠭᠤᠳᠠᠭ ᠪᠢᠰᠢ᠂ ᠬᠠᠷᠢᠨ ᠠᠷᠭᠠ ᠪᠦᠭᠦᠨ ᠢ ᠰᠥᠪᠠᠭ᠍ᠴᠢᠯᠡᠨ ᠵᠤᠬᠢᠶᠠᠯᠴᠢᠳ ᠶᠢᠡᠨ ᠰᠡᠳᠭᠦᠯ ᠳᠡᠭᠡᠨ ᠳᠠᠳᠠᠵᠤ ᠣᠷᠮᠠᠰᠢᠭᠤᠯᠬᠤ᠂ ᠳᠠᠢ᠌ᠴᠢᠯᠠᠬᠤ ᠠᠵᠢᠯ ᠢ ᠭᠢᠳᠡᠭ᠌ ᠶᠤᠮ ᠪᠠᠢ᠌ᠨᠠ᠃ ᠭᠢᠳᠠᠤᠨ ᠰᠡᠳᠭᠦᠯ ᠤᠨ ᠬᠠᠷᠠᠮᠵᠢ ᠮᠦᠩᠭᠦ ᠮᠢᠩᠭ᠋ᠠᠨ ᠥᠰᠦᠭ᠌ ᠲᠡᠭᠡᠨ ᠵᠠᠭᠤᠨ ᠳᠦᠭᠦᠷᠢᠭ᠌ ᠡᠴᠡ ᠣᠨᠠᠳᠠᠭ ᠦᠭᠡᠶ ᠪᠦᠭᠡᠳ ᠵᠤᠬᠢᠶᠠᠯ ᠤᠨ ᠴᠢᠨᠠᠷ ᠴᠢᠠᠰᠠᠭᠠ ᠰᠠᠢ᠌ᠨ ᠪᠣᠯ ᠨᠤᠮ ᠭᠠᠷᠭᠠᠬᠤ ᠳᠤ ᠭᠡᠪᠯᠡᠯ ᠤᠨ ᠬᠤᠷᠢᠶᠠᠨ ᠳᠤ ᠮᠦᠩᠭᠦ ᠲᠦᠯᠦᠭᠦ ᠪᠢᠰᠢ᠂ ᠭᠡᠳᠡᠷᠭᠦ ᠬᠠᠷᠢᠨ ᠵᠤᠭᠢᠬᠤ ᠬᠠᠷᠠᠮᠵᠢ ᠮᠦᠩᠭᠦ ᠣᠯᠭᠤᠨᠠ᠃ ᠡᠭᠦᠨ ᠲᠡᠶ ᠬᠠᠷᠢᠴᠠᠭᠤᠯᠪᠠᠯ ᠮᠤᠩᠭ᠋ᠤᠯ ᠨᠤᠮ ᠰᠡᠳᠭᠦᠯ ᠤᠨ ᠬᠤᠪᠢ ᠵᠠᠶᠠᠭᠠ ᠴᠤᠬᠤᠮ ᠶᠠᠭᠤ ᠪᠣᠯᠵᠤ ᠪᠠᠢ᠌ᠨᠠ ᠪᠣᠢ ⁈ ᠠᠷᠭᠠ ᠲᠡᠶ ᠨᠢᠭᠡ ᠨᠢ ᠡ᠊ᠨᠳᠡ ᠳᠠᠠᠳᠠ ᠡᠴᠡ ᠵᠢᠭᠠᠬᠠᠨ ᠮᠦᠩᠭᠦ ᠠᠷᠭᠠᠯᠠᠭᠠᠤᠨ ᠨᠤᠮ ᠶᠢᠡᠨ ᠭᠠᠷᠭᠠᠴᠢᠬᠠᠨᠠ᠃ ᠬᠠᠷᠢᠨ ᠠᠷᠭᠠ ᠦᠭᠡᠶ ᠨᠢᠭᠡ ᠨᠢ ᠵᠤᠪᠠᠵᠤ ᠵᠦᠳᠠᠵᠤ ᠪᠠᠢ᠌ᠭᠠᠤᠨ ᠪᠢᠴᠢᠭ᠍ᠰᠡᠨ ᠶᠠᠭᠤᠮᠠ ᠪᠠᠨ ᠳᠠᠪᠳᠠᠷᠯᠠᠵᠤ ᠪᠣᠯᠬᠤ ᠦᠭᠡᠶ ᠣᠢ᠌ᠯᠠ ᠪᠠᠨ ᠦᠵᠡᠨᠡ᠃ ᠦᠨᠦᠳᠤᠷ ᠤᠨ ᠮᠤᠩᠭ᠋ᠤᠯᠴᠤᠳ ᠰᠤᠨᠢᠨ ᠰᠡᠳᠭᠦᠯ ᠢ ᠵᠠᠭᠢᠶᠠᠯᠠᠭᠠᠤᠨ ᠣᠩᠰᠢᠬᠤ ᠭᠡᠷᠡᠭ᠌ ᠦᠭᠡᠶ ᠭᠠᠷ ᠳᠡᠭᠡᠷᠡ ᠨᠢ ᠠᠪᠠᠴᠢᠭᠠᠤᠨ ᠳᠠᠯᠪᠢᠭᠰᠠᠨ ᠴᠤ ᠥᠵᠡᠳᠡᠭ᠌ ᠭᠦᠮᠤᠨ ᠬᠤᠪᠣᠷᠳᠠᠵᠠᠢ᠃ ᠪᠠᠭᠡᠵᠢᠩ ᠳᠤ ᠭᠠᠵᠠᠷ ᠳᠤᠤᠷᠠᠭᠢ ᠭᠠᠯᠳᠤ ᠳᠡᠷᠭᠡᠨ ᠳᠤ ᠰᠠᠭᠤᠪᠠᠴᠤ᠂ ᠨᠠᠢ᠌ᠳᠠ ᠶᠢᠨ ᠮᠠᠰᠢᠨ ᠳᠤ ᠰᠠᠭᠤᠪᠠᠴᠤ ᠪᠦᠷ ᠳᠡᠷᠭᠡᠨ ᠳᠡᠭᠡᠷᠡ ᠨᠤᠮ ᠦᠵᠡᠵᠤ ᠶᠠᠪᠣᠭᠠ ᠭᠦᠮᠦᠰ ᠲᠡᠶ ᠪᠠᠢ᠌ᠩᠭ᠋ᠤ ᠬᠠᠷᠭᠤᠨᠠ᠃ ᠭᠡᠳᠡᠯᠡ ᠮᠠᠨᠠᠢ᠌ᠭᠢᠰ ᠲᠤ ᠳᠡᠷᠭᠡᠨ ᠳᠡᠭᠡᠷᠡ ᠶᠠᠭᠠᠮ (ᠭᠡᠷᠡᠭ᠌ ᠦᠭᠡᠶ) ᠨᠢᠳᠤᠨ ᠳᠤᠤᠷᠠ ᠨᠢ ᠨᠤᠮ ᠠᠪᠠᠴᠢᠭᠠᠤᠨ ᠳᠠᠯᠪᠢᠭᠰᠠᠨ ᠴᠤ ᠥᠵᠡᠭᠦ ᠭᠦᠮᠤᠨ ᠭᠡᠳᠦᠢ ᠪᠠᠢ᠌ᠨᠠ ︖ 6 ᠰᠠᠷᠠ ᠶᠢᠨ 26 ᠳ᠋ᠤ ᠪᠢ ᠠᠬᠠ ᠲᠡᠶ ᠪᠠᠨ ᠪᠠᠭᠡᠵᠢᠩ ᠳᠤ ᠪᠠᠢ᠌ᠭᠠ ᠣᠯᠤᠰ ᠤᠨ ᠨᠤᠮ ᠤᠨ ᠰᠠᠩ ᠳᠤ ᠭᠦᠷᠦᠯᠡ᠃ ᠬᠨ ︕ ᠳᠦᠷᠪᠠᠨ ᠳᠠᠪᠬᠤᠷ ᠠᠰᠠᠷ ᠤᠨ ᠨᠤᠮ ᠥᠵᠳᠡᠭ᠌ ᠠᠭᠤᠵᠢᠮ ᠦᠷᠦᠭᠡᠨ ᠳᠤ ᠭᠦᠮᠤᠨ ᠳᠠᠭ ᠳᠦᠭᠦᠷᠡᠩ᠃ ᠬᠤᠭᠤᠰᠤᠨ ᠣᠷᠤ ᠭᠡᠵᠤ ᠳᠠᠮᠠᠢ ᠭᠡᠳᠦ ᠦᠭᠡᠶ᠃ ᠠᠮᠠᠷᠠᠯᠳᠠ ᠶᠢᠨ ᠠᠯᠳᠠᠨ ᠴᠠᠭ ᠶᠢᠡᠨ ᠨᠠᠭᠠᠳᠤᠮ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠦᠨᠡ ᠦᠭᠡᠶ ᠦᠷᠠᠵᠤ ᠰᠠᠭᠤᠭᠠ ᠪᠢᠰᠢ᠂ ᠬᠠᠷᠢᠨ ᠨᠤᠮ ᠳᠤ ᠰᠢᠨᠤᠨ ᠰᠤᠷᠤᠯᠴᠠᠵᠤ ᠪᠠᠢ᠌ᠭᠠ ᠡᠳᠡᠭᠡᠷ ᠭᠦᠮᠦᠰ ᠶᠠᠭᠤᠨ ᠤ ᠲᠦᠯᠦᠭᠡ ᠪᠢᠯᠠ ⁈
ᠪᠠᠭᠡᠵᠢᠩ ᠳᠤ ᠪᠠᠢ᠌ᠬᠤ ᠳᠠᠭᠠᠨ ᠣᠯᠠᠨ ᠰᠠᠢ᠌ᠬᠠᠨ ᠨᠤᠮ ᠤᠨ ᠠᠠᠳᠠ ᠲᠡᠶ ᠳᠠᠨᠢᠯᠴᠠᠯᠠ᠃ ᠪᠢᠴᠢᠭ᠌ ᠤᠨ ᠭᠦᠮᠤᠨ᠂ ᠪᠢᠴᠢᠭ᠌ ᠤᠨ ᠭᠦᠮᠤᠨ ᠲᠡᠶ ᠪᠠᠨ ᠳᠠᠨᠢᠯᠴᠠᠬᠤ ᠭᠡᠭ᠍ᠴᠢ ᠪᠠᠰᠠ ᠠᠵᠠᠳᠠᠢ ᠣᠴᠢᠷ᠃ 7 ᠰᠠᠷᠠ ᠶᠢᠨ 1 ᠊ᠤ ᠣᠷᠤᠢ ᠲᠥᠪ ᠤᠨ ᠦᠨᠳᠦᠰᠦᠳᠠᠨ ᠤ ᠭᠡᠯᠡᠨ ᠤ ᠣᠷᠴᠢᠭᠤᠯᠭᠠ ᠶᠢᠨ ᠳᠤᠪᠴᠢᠶᠠᠨ ᠤ ᠵᠤᠬᠢᠶᠠᠯᠴᠢ᠂ ᠣᠷᠴᠢᠭᠤᠯᠤᠭᠴᠢ ᠬᠠᠰᠤᠨ ᠠᠪᠠᠬᠠᠢ ᠶᠢᠨ ᠣᠷᠢᠯᠭᠠ ᠪᠠᠷ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠲᠥᠪ ᠤᠨ ᠦᠨᠳᠦᠰᠦᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠪᠢ ᠳᠤ ᠪᠠᠢ᠌ᠭᠠ ᠮᠤᠩᠭ᠋ᠤᠯ ᠦᠨᠳᠦᠰᠦᠳᠠᠨ ᠤ ᠣᠠᠴᠠᠯᠢᠭᠳᠤ ᠬᠤᠭᠤᠯᠠᠨ ᠭᠡᠷ ᠲᠤ ᠪᠠᠭᠡᠵᠢᠩ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ ᠳᠤᠯᠠᠭᠠᠨ ᠪᠠᠭᠰᠢ᠂ ᠲᠥᠪ ᠤᠨ ᠦᠨᠳᠦᠰᠦᠳᠠᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ ᠮᠢᠩᠭ᠋ᠠᠤᠨ·ᠡᠷᠳᠡᠮᠳᠤ ᠪᠠᠭᠰᠢ᠂ ᠳᠤᠮᠳᠠᠳᠤ ᠶᠢᠨ 《ᠰᠢᠯᠦᠭ᠌ ᠰᠡᠳᠭᠦᠯ》 ᠊ᠤᠨ ᠬᠤᠷᠢᠶᠠᠨ ᠤ ᠪᠦᠰᠡᠭᠦᠢ ᠢᠷᠠᠭᠤ ᠨᠠᠢ᠌ᠷᠠᠭᠴᠢ᠂ ᠨᠠᠢ᠌ᠷᠠᠭᠤᠯᠤᠭᠴᠢ ᠨᠡᠷᠡᠡᠴᠡᠴᠡᠭ᠌ ᠠᠪᠠᠬᠠᠢ᠂ ᠵᠢᠴᠢ ᠭᠢᠳᠠᠤᠨ ᠶᠢᠡᠷ ᠪᠢᠴᠢᠳᠡᠭ᠌ ᠵᠤᠬᠢᠶᠠᠯᠴᠢ ᠴᠢᠶᠠᠨ ᠹᠦ᠋ ᠵᠠᠩ᠂ ᠰᠢᠩ ᠠᠨ ᠨᠡᠷ ᠲᠡᠶ ᠠᠭᠤᠯᠵᠠᠨ ᠳᠠᠨᠢᠯᠴᠠᠵᠤ᠂ ᠨᠢᠭᠡ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠳᠤ ᠬᠠᠮᠳᠤ ᠰᠠᠭᠤᠯᠠ᠃ ᠬᠠᠰᠤᠨ ᠠᠪᠠᠬᠠᠢ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠣᠷᠴᠢᠭᠤᠯᠭᠠ ᠶᠢᠨ ᠠᠩᠭᠢ ᠳᠤ ᠰᠤᠷᠤᠯᠴᠠᠵᠤ ᠥᠩᠭᠡᠷᠡᠭ᠍ᠰᠡᠨ ᠪᠦᠭᠡᠳ ᠮᠤᠩᠭ᠋ᠤᠯ ᠣᠯᠤᠰ ᠤᠨ ᠨᠠᠷᠠᠳᠤ ᠰᠢᠯᠦᠭ᠍ᠴᠢ ᠪ᠊·ᡀᠠᠭᠪᠠᠰᠦ᠋ᠷᠤᠩ ᠤᠨ ᠰᠢᠯᠦᠭ᠌ ᠤᠳ ᠢ ᠭᠢᠳᠠᠤᠨ ᠭᠡᠯᠡᠨ ᠳᠤ ᠣᠷᠴᠢᠭᠤᠯᠤᠭᠠᠤᠨ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ 《ᠳᠤᠷᠤᠨᠠ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠣᠷᠴᠢᠭᠤᠯᠭᠠ ᠶᠢᠨ ᠱᠠᠩᠨᠠᠯ ᠢ ᠭᠦᠷᠳᠡᠵᠡᠢ᠃ ᠠᠰᠪᠣᠷ ᠰᠢᠯᠤᠭᠤᠨ᠂ ᠥᠭᠡ ᠵᠠᠩᠭᠢ ᠲᠡᠶ ᠱᠤᠤᠭᠢᠶᠠ ᠭᠡᠴᠡᠭᠦᠤ ᠪᠦᠰᠡᠭᠦᠢ ᠪᠠᠢ᠌ᠯᠠ᠃ ᠡᠩᠭᠡᠬᠠᠳᠡ ᠪᠢᠳᠠ ᠬᠤᠶᠠᠷ ᠲᠤ ᠨᠢᠭᠡ ᠣᠷᠴᠢᠭᠤᠯᠭᠠ ᠶᠢᠨ ᠨᠤᠮ᠂ ᠨᠢᠭᠡ ᠦᠪᠡᠷ ᠤᠨ ᠰᠢᠯᠦᠭ᠌ ᠤᠨ ᠳᠡᠭᠦᠪᠦᠷᠢ (ᠭᠢᠳᠠᠤᠨ ᠭᠡᠪᠯᠡᠯ) ᠪᠠᠨ ᠪᠠᠯᠡᠭᠯᠡᠪᠡ᠃ ᠳᠤᠯᠠᠭᠠᠨ ᠪᠠᠭᠰᠢ ᠡᠴᠡ ᠪᠠᠰᠠ 《ᠮᠤᠩᠭ᠋ᠤᠯ ᠣᠯᠤᠰ ᠤᠨ ᠬᠡᠦᠬᠡᠳ ᠤᠨ ᠰᠢᠯᠦᠭ᠌ ᠤᠨ ᠳᠡᠭᠦᠪᠦᠷᠢ》 ᠭᠡᠮᠡᠭᠦ ᠨᠤᠮ ᠳᠤᠷᠠᠰᠬᠠᠵᠤ᠂ ᠨᠡᠷᠡᠡᠴᠡᠴᠡᠭ᠌ ᠠᠪᠠᠬᠠᠢ ᠡᠴᠡ ᠰᠢᠨᠡᠭᠡᠨ ᠭᠡᠪᠯᠡᠭᠦᠯᠦᠭ᠍ᠰᠡᠨ ᠰᠢᠯᠦᠭ᠌ ᠤᠨ ᠳᠡᠭᠦᠪᠦᠷᠢ (ᠭᠢᠳᠠᠤᠨ ᠭᠡᠪᠯᠡᠯ) ᠡᠴᠡ ᠪᠠᠨ ᠪᠠᠯᠡᠭᠯᠡᠪᠡ᠃ ᠪᠢᠴᠢᠭ᠌ ᠤᠨ ᠣᠯᠤᠰ ᠲᠤ ᠨᠤᠮ ᠡᠴᠡ ᠥᠭᠡᠷᠡ ᠭᠦᠡᠳᠤ ᠶᠢᠨ ᠪᠠᠯᠡᠭ᠌ ᠭᠡᠵᠤ ᠬᠠᠮᠢᠭᠠ ᠪᠠᠢ᠌ᠬᠤ ᠪᠣᠢ ︖ ᠬᠠᠷᠢᠯᠴᠠᠨ ᠪᠠᠯᠡᠭᠯᠡᠭ᠍ᠰᠡᠨ ᠨᠤᠮ ᠶᠢᠡᠨ ᠱᠥᠭᠦᠨ ᠣᠩᠰᠢᠵᠤ᠂ ᠭᠦᠷᠦᠯᠴᠡᠭᠦ ᠦᠭᠡᠶ ᠵᠣᠢ᠌ᠯ ᠶᠢᠡᠨ ᠨᠥᠭᠦᠪᠦᠷᠢᠯᠡᠨ ᠠᠪᠬᠤ ᠨᠢ ᠶᠠᠭᠤᠨ ᠡᠴᠡ ᠴᠤ ᠡᠷᠭᠢᠮ᠃ ᠨᠠᠢ᠌ᠷ ᠲᠤ ᠭᠦᠷ ᠨᠠᠮᠠᠨ ᠡᠩᠭᠡᠭᠡᠳᠡ ᠡᠴᠡ 《ᠳᠡᠭ᠍ᠷᠢ ᠶᠢᠨ ᠪᠣᠳᠤᠭᠤ》 ᠭᠡᠮᠡᠭᠦ ᠰᠢᠯᠦᠭ᠌ ᠶᠢᠡᠨ ᠣᠶᠠᠩᠭ᠋ᠠᠯᠠᠯᠠ᠃ ᠤᠳᠬᠠ ᠤᠶᠠᠩᠭᠠ ᠪᠠᠷ ᠴᠠᠯᠭᠢᠭᠰᠠᠨ ᠮᠠᠨ ᠤ ᠰᠡᠳᠭᠢᠯ ᠶᠠᠭ ᠠᠶᠠᠭᠠ ᠲᠡᠶ ᠴᠡᠭᠡ ᠰᠢᠭ᠌ ᠮᠠᠯᠮᠠᠯᠵᠠᠨ ᠨᠠᠢ᠌ᠰᠯᠠᠯ ᠤᠨ ᠦᠳᠡᠰᠢ ᠶᠢ ᠰᠤᠭᠳᠤᠭᠠᠨ ᠪᠠᠢ᠌ᠯᠠ ᠡ ︕
ᠪᠢᠳᠡᠭᠡᠢ ᠢᠷᠠ ᠭᠡᠳ ᠪᠠᠢ᠌ᠵᠤ ᠪᠣᠯᠤᠭᠰᠠᠨ ᠦᠭᠡᠶ ᠳᠡᠭᠦᠰᠭᠦ ᠮᠦᠴᠡ ᠪᠠᠭᠠᠯᠵᠤᠷ ᠳᠡᠭᠡᠷᠡ ᠳᠤᠯᠤᠭᠠᠤᠨ ᠢᠷᠡᠴᠢᠭᠡᠯᠡ᠃ 7 ᠰᠠᠷᠠ ᠶᠢᠨ 4 ᠊ᠤ ᠣᠷᠤᠢ ᠮᠠᠨ ᠤ ᠠᠩᠭᠢ ᠶᠢᠨ ᠭᠢᠨ ᠰᠤᠷᠭᠠᠭᠤᠯᠢ ᠳᠤ ᠳᠡᠭᠦᠰᠭᠦ ᠥᠳᠡᠰᠢᠯᠡᠭᠡ ᠭᠢᠪᠠ᠃ ᠡᠨᠡ ᠥᠳᠡᠰᠢᠯᠡᠭᠡ ᠪᠣᠯ ᠳᠦᠷᠪᠠᠨ ᠰᠠᠷᠠ ᠰᠤᠷᠤᠯᠴᠠᠭᠤᠯᠤᠭᠰᠠᠨ ᠡᠭᠡ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠪᠠᠷᠢᠬᠤ ᠳᠠᠯᠠᠷᠬᠠᠯ ᠤᠨ ᠬᠠᠳᠠᠭ᠂ ᠰᠠᠯᠤᠯᠳᠠ ᠶᠢᠨ ᠪᠠᠯᠡᠭ᠌ ᠶᠤᠮ᠃ ᠭᠦᠮᠤᠨ ᠪᠦᠭᠦᠨ ᠬᠠᠮᠤᠭ ᠤᠨ ᠰᠠᠢ᠌ᠨ ᠣᠷᠠ ᠠᠪᠢᠶᠠᠰ ᠶᠢᠡᠨ ᠭᠠᠷᠭᠠᠬᠤ ᠭᠡᠮᠡᠨ ᠴᠢᠳᠠᠯ ᠰᠡᠳᠭᠢᠯ ᠶᠢᠡᠷ ᠶᠢᠡᠨ ᠪᠣᠯᠤᠯᠠ᠃ ᠥᠳᠡᠰᠢᠯᠡᠭᠡ ᠳᠤ ᠰᠠᠭᠠᠳᠠᠭᠰᠠᠨ ᠥᠵᠡᠭ᠍ᠴᠢᠳ ᠣᠯᠠᠨ ᠴᠤ ᠰᠡᠳᠭᠢᠯ ᠳᠦᠪᠯᠡᠷᠡᠭᠦᠯᠤᠨ ᠳᠤᠭᠯᠠᠯᠳᠠ ᠪᠦᠷᠢ ᠶᠢ ᠳᠤᠩ ᠠᠩᠬᠠᠷᠤᠯ ᠲᠡᠶ ᠰᠤᠨᠢᠷᠬᠠᠨᠠ᠃ ᠬᠠᠭᠠᠰ ᠳᠤᠮᠳᠠ ᠡᠴᠡ ᠨᠢ ᠭᠠᠷᠴᠤ ᠶᠠᠪᠣᠬᠤ ᠪᠣᠶᠤ ᠣᠷᠤᠵᠤ ᠢᠷᠡᠭᠦ ᠥᠵᠡᠭ᠍ᠳᠡᠯ ᠶᠠᠷᠤ ᠭᠠᠷᠤᠭᠠ ᠦᠭᠡᠶ᠃ ᠵᠥᠭᠡᠷ ᠲᠤ ᠭᠠᠯ ᠠᠪᠣᠭᠠᠤᠨ ᠪᠠᠢ᠌ᠳᠠᠭ ᠮᠠᠨᠠᠢ᠌ᠭᠢᠰ ᠴᠤ ᠡᠨᠡ ᠣᠷᠤᠢ ᠬᠠᠷᠢᠨ ᠨᠢᠭᠡ ᠯᠠ ᠨᠠᠮ ᠳᠤᠭᠳᠠᠭᠤᠨ ᠪᠣᠯᠵᠠᠭᠠᠵᠠᠢ᠃ ᠰᠡᠭᠦᠯᠴᠢ ᠶᠢᠨ ᠳᠤᠭᠯᠠᠯᠳᠠ ᠥᠡᠳᠦᠷᠯᠡᠭᠦ ᠲᠡᠶ ᠵᠡᠷᠭᠡ ᠳᠠᠢ᠌ᠰᠠᠨ ᠳᠤ ᠭᠠᠷᠴᠤ ᠢᠷᠡᠭ᠍ᠰᠡᠨ ᠳᠦᠷᠪᠠᠨ ᠭᠦᠳᠦᠯᠦᠭ᠍ᠴᠢ ᠮᠠᠨᠢ ᠡᠭᠡᠭᠡ ᠯᠠ ᠳᠠᠭᠤ ᠳᠠᠯᠪᠢᠨ ᠣᠭᠢᠯᠠᠴᠢᠬᠠᠭᠰᠠᠨ ᠦᠭᠡᠶ᠃ ᠨᠢᠭᠡ ᠨᠢᠭᠡᠨ ᠡᠴᠡ ᠪᠠᠨ ᠨᠢᠭᠤᠨ ᠨᠢᠯᠪᠣᠰᠤ ᠪᠠᠨ ᠰᠡᠮᠡᠭᠡᠷᠭᠡᠨ ᠠᠷᠴᠢᠬᠤ ᠶᠢ ᠬᠠᠷᠠᠭᠠᠤᠨ ᠰᠡᠳᠭᠢᠯ ᠶᠢᠡᠨ ᠪᠠᠷᠢᠵᠤ ᠴᠢᠳᠠᠭᠰᠠᠨ ᠭᠦᠮᠤᠨ ᠭᠠᠭᠴᠠ ᠴᠤ ᠦᠭᠡᠶ᠃ ᠣᠷᠠᠨ ᠵᠤᠬᠢᠶᠠᠯ ᠤᠨ ᠬᠤᠪᠢ ᠢᠷᠦᠭᠡᠯ ᠶᠢᠡᠷ ᠣᠯᠤᠰ ᠤᠨ ᠨᠠᠢ᠌ᠰᠯᠠᠯ ᠪᠠᠭᠡᠵᠢᠩ ᠳᠤ ᠬᠠᠮᠳᠤᠷᠠᠨ ᠨᠢᠭᠡ ᠠᠰᠠᠷ ᠲᠤ ᠰᠠᠭᠤᠵᠠᠭᠠᠵᠤ᠂ ᠨᠢᠭᠡ ᠳᠡᠩᠭᠡᠮ ᠳᠤ ᠰᠤᠷᠤᠯᠴᠠᠨ᠂ ᠨᠢᠭᠡ ᠳᠤᠭᠤᠭᠠᠨ ᠡᠴᠡ ᠬᠤᠭᠤᠯᠠᠯᠠᠨ ᠠᠬᠠ ᠳᠡᠭᠦᠤ ᠰᠢᠭ᠌ ᠢᠵᠢᠯᠢᠰᠤᠨ ᠥᠶᠡᠷᠭᠡᠨ ᠶᠠᠪᠣᠭᠰᠠᠨ ᠠᠮᠢᠳᠤᠷᠠᠯ ᠡᠴᠡ ᠪᠠᠨ ᠭᠡᠨ ᠨᠢ ᠴᠤ ᠰᠠᠯᠬᠤ ᠳᠤᠷᠠ ᠦᠭᠡᠶ ᠨᠢ ᠢᠯᠡᠭᠡᠨ᠃ ᠭᠡᠪᠠᠴᠤ ᠢᠷᠡᠭᠦ ᠳᠡᠭᠡᠨ ᠢᠷᠠᠵᠤ᠂ ᠪᠣᠴᠠᠬᠤ ᠳᠠᠭᠠᠨ ᠪᠣᠴᠠᠳᠠᠭ ᠠᠮᠢᠳᠤᠷᠠᠯ ᠤᠨ ᠭᠦᠯ ᠢ ᠭᠡᠨ ᠴᠤ ᠬᠠᠰᠢᠵᠤ ᠴᠢᠳᠠᠬᠤ ᠦᠭᠡᠶ᠃ ᠥᠳᠡᠰᠢᠯᠡᠭᠡ ᠳᠠᠷᠬᠠᠭᠰᠠᠨ ᠤ ᠳᠠᠷᠠᠭᠠ ᠰᠡᠳᠭᠢᠯ ᠳᠠᠭᠠᠷᠠᠳᠠᠭ ᠭᠡᠳᠦᠭᠦᠯᠡ ᠪᠠᠨ ᠭᠠᠳᠠᠨᠠ ᠭᠠᠷᠤᠨ ᠰᠠᠢ᠌ᠨ ᠨᠢᠭᠡ ᠠᠷᠢᠭᠢᠳᠠᠭᠠᠤᠨ ᠠᠪᠣᠪᠠ᠃ ᠠᠷᠢᠭᠢ ᠣᠤᠭᠤᠵᠤ ᠴᠢᠳᠠᠳᠠᠭ ᠦᠭᠡᠶ ᠨᠢ ᠴᠤ ᠪᠠᠶᠠᠷᠯᠠᠵᠤ ᠳᠤᠭᠳᠤᠯᠬᠤ ᠳᠠᠭᠠᠨ ᠨᠢᠳᠤ ᠪᠠᠨ ᠠᠨᠢᠨ ᠭᠦᠴᠤ ᠪᠠᠷ ᠪᠠᠯᠭᠤᠴᠢᠬᠠᠭᠠᠤᠨ ᠪᠠᠷᠴᠢ᠌ᠵᠤ ᠦᠷᠴᠢ᠌ᠨ ᠱᠤᠭ ᠭᠠᠷᠭᠠᠨᠠ᠃ ᠳᠡᠭᠡᠭᠡᠳ ᠵᠠᠪ ᠭᠠᠷᠬᠤ ᠳᠤ ᠯᠠ ᠨᠢᠭᠡ ᠨᠢᠭᠡ ᠪᠠᠨ ᠳᠡᠪᠠᠷᠢᠭᠡᠳ ᠣᠭᠢᠯᠠᠨᠠ᠂ ᠳᠦᠷᠪᠠᠨ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠭᠡᠯᠡᠭᠦ ᠭᠡᠳ ᠭᠡᠯᠡᠵᠤ ᠠᠮᠵᠢᠭᠰᠠᠨ ᠦᠭᠡᠶ ᠥᠭᠡ ᠪᠠᠨ ᠭᠡᠯᠡᠭᠡᠳ ᠠᠭᠤᠵᠢᠷᠠᠨᠠ᠃ ᠡᠷᠡᠭ᠍ᠳᠡᠢ ᠡᠮᠡᠭ᠍ᠳᠡᠢ ᠭᠡᠵᠤ ᠢᠯᠭᠠᠯ ᠦᠭᠡᠶ ᠪᠦᠭᠦᠳᠡ ᠬᠤᠠᠳᠠᠭᠠ ᠪᠠᠨ ᠡᠷᠭᠦᠭᠡᠳ ᠪᠣᠰᠴᠤ᠂ ᠭᠦᠮᠤᠨ ᠪᠣᠯᠭᠠᠨ ᠲᠡᠶ ᠮᠦᠷᠭᠦᠭᠦᠯᠤᠨᠡ᠃ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ 15 ᠬᠤᠭᠤᠴᠠᠭᠠᠨ ᠤ ᠠᠩᠭᠢ ᠶᠢᠨ ᠭᠢᠨ ᠢ ᠭᠠᠳᠠᠨᠠ ᠡᠴᠡ ᠨᠢ ᠬᠠᠷᠠᠬᠤ ᠳᠤ ᠶᠠᠭᠤ ᠴᠤ ᠮᠡᠳᠡᠭ᠍ᠳᠡᠭᠦ ᠦᠭᠡᠶ ᠪᠣᠯᠪᠠᠴᠤ ᠦᠨᠡᠨ ᠳᠡᠭᠡᠨ ᠠᠠᠳᠠ ᠶᠢᠨ ᠬᠤᠯᠪᠣᠭᠠ᠂ ᠨᠠᠢ᠌ᠷ ᠵᠢᠷᠤᠮ᠂ ᠨᠠᠰᠤᠨ ᠤ ᠳᠠᠩᠭ᠋ᠠᠷᠢᠭ ᠶᠢᠡᠷ ᠭᠡᠯᠭᠢᠯᠳᠡᠭ᠍ᠰᠡᠨ 51 ᠦᠨᠡᠠᠴᠢ ᠵᠢᠷᠦᠭᠡ ᠪᠠᠢ᠌ᠯᠠ᠃ ᠳᠤᠰ ᠰᠤᠷᠭᠠᠭᠤᠯᠢ ᠴᠤ ᠡ᠊ᠨᠳᠡ ᠰᠤᠷᠤᠯᠴᠠᠭᠰᠠᠨ ᠰᠤᠷᠤᠭᠴᠢᠳ ᠶᠢᠡᠨ ᠤᠳᠬᠠ ᠤᠶᠠᠩᠭᠠ ᠶᠢᠨ ᠨᠠᠷᠢᠨ ᠰᠢᠵᠢᠮ ᠶᠢᠡᠷ ᠬᠤᠯᠪᠣᠵᠤ᠂ ᠣᠢ᠌ᠯᠠᠰ ᠨᠥᠭᠦᠷᠯᠡᠯ ᠤᠨ ᠪᠠᠳᠤ ᠢᠳᠡᠭᠡᠯ ᠶᠢᠡᠷ ᠭᠠᠩᠨᠠᠵᠤ ᠴᠢᠳᠠᠳᠠᠭ ᠨᠢ ᠭᠠᠢ᠌ᠬᠠᠯᠳᠠᠢ ︕
2011 ᠣᠨ ᠤ 7 ᠰᠠᠷᠠ ᠶᠢᠨ 8 ᠊ᠤ ᠦᠳᠡ ᠶᠢᠨ ᠡᠮᠤᠨᠡ 《ᠯᠤ ᠰᠢᠶᠦ᠋ᠨ ᠨᠠᠷᠠᠮᠵᠢᠳᠤ》 ᠤᠳᠬᠠ ᠵᠤᠬᠢᠶᠠᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ 15 ᠬᠤᠭᠤᠴᠠᠭᠠᠨ ᠤ ᠠᠩᠭᠢ ᠳᠤ ᠳᠦᠷᠪᠠᠨ ᠰᠠᠷᠠ ᠳᠦᠷᠦᠭᠡ ᠬᠠᠷᠰᠢᠭᠤᠯᠤᠨ ᠰᠤᠷᠤᠯᠴᠠᠭᠰᠠᠨ 51 ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠳᠡᠭᠦᠰ ᠠᠮᠵᠢᠯᠳᠠ ᠲᠡᠶ ᠪᠠᠷ ᠰᠤᠷᠤᠯᠴᠠᠯᠭᠠ ᠪᠠᠨ ᠳᠡᠭᠦᠰᠭᠡᠨ ᠦᠨᠡᠮᠯᠠᠯ ᠶᠢᠡᠨ ᠭᠠᠷᠳᠠᠯᠠ᠃ ᠭᠦᠮᠤᠨ ᠪᠦᠷᠢ ᠶᠢᠨ ᠪᠦᠳᠦᠭᠡᠯ ᠢ ᠪᠠᠭᠳᠠᠭᠠᠭᠰᠠᠨ 《51 ᠭᠦᠮᠤᠨ ᠲᠡᠶ 15 ᠬᠤᠭᠤᠴᠠᠭᠠᠨ ᠤ ᠠᠩᠭᠢ ᠶᠢᠨ ᠭᠢᠨ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢᠳᠠ》 (ᠪᠧᠢ ᠠᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ 〈ᠠᠮᠸᠷᠢᠺᠠ〉) ᠭᠡᠮᠡᠭᠦ ᠨᠤᠮ ᠶᠢᠡᠨ ᠰᠤᠷᠭᠠᠭᠤᠯᠢ ᠪᠣᠯᠤᠨ ᠪᠠᠢ᠌ᠷᠢ ᠶᠢᠨ ᠭᠡᠷ ᠲᠡᠭᠡᠨ ᠳᠤᠷᠠᠰᠬᠠᠨ ᠥᠯᠡᠳᠡᠭᠡᠪᠡ᠃ ᠪᠠᠰᠠ ᠰᠤᠷᠤᠯᠴᠠᠯᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠳ᠋ᠠᠭᠢ ᠳᠤᠷᠠᠳᠬᠠᠯ ᠲᠡᠶ ᠭᠡᠰᠡᠭ᠌ ᠶᠢᠡᠨ ᠰᠡᠭᠦᠳᠡᠷᠯᠡᠨ ᠠᠪᠣᠭᠰᠠᠨ ᠨᠢᠭᠡ ᠬᠤᠪᠢ CD ᠳᠠᠪᠠᠭ ᠰᠢᠩᠭᠡᠭᠡᠨ ᠣᠢ᠌ᠯᠠᠳᠤᠯᠠ᠃ ᠡᠨᠡ ᠪᠦᠭᠦᠨ ᠮᠠᠨᠢ ᠨᠠᠢ᠌ᠰᠯᠠᠯ ᠪᠠᠭᠡᠵᠢᠩ ᠳᠤ ᠰᠤᠷᠤᠯᠴᠠᠭᠰᠠᠨ ᠮᠠᠨ ᠤ ᠠᠩᠭᠢ ᠶᠢᠨ ᠭᠢᠨ ᠤ ᠬᠠᠮᠳᠤ ᠶᠢᠨ ᠳᠤᠷᠠᠳᠬᠠᠯ᠂ ᠬᠠᠢ᠌ᠷᠠ ᠶᠢᠨ ᠳᠤᠷᠠᠰᠬᠠᠯ ᠪᠣᠯᠤᠨ ᠳᠡᠦᠭᠡ ᠶᠢᠨ ᠠᠯᠳᠠᠨ ᠬᠠᠭᠤᠳᠠᠰᠤᠨᠠ ᠮᠥᠩᠭᠡ ᠥᠯᠡᠳᠡᠭᠦ ᠶᠤᠰᠤᠳᠠᠢ᠃ ᠶᠠᠭᠤ ᠴᠤ ᠭᠡᠰᠡᠨ ᠳᠦᠷᠪᠠᠨ ᠰᠠᠷᠠ ᠰᠤᠷᠤᠯᠴᠠᠭᠠᠤᠨ ᠭᠠᠠᠵᠤᠭᠠ ᠬᠤᠭᠤᠰᠤᠨ ᠪᠣᠴᠠᠭᠰᠠᠨ ᠦᠭᠡᠶ ᠭᠡᠵᠤ ᠪᠣᠳᠤᠬᠤ ᠳᠤ ᠰᠡᠳᠭᠢᠯ ᠴᠠᠳᠬᠤᠯᠠᠩ ︕ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠤ ᠵᠠᠷᠢᠮ ᠨᠢ ᠳᠡᠭᠦᠰᠦᠭ᠍ᠰᠡᠨ ᠳᠠᠷᠠ ᠡᠳᠦᠷ ᠡᠴᠡ ᠪᠠᠨ ᠶᠠᠭᠠᠷᠠᠨ ᠶᠠᠪᠣᠵᠤ ᠡᠭᠢᠯᠡᠪᠡ᠃ ᠠᠰᠠᠷ ᠤᠨ ᠭᠤᠳᠤᠮ᠂ ᠪᠠᠢ᠌ᠷᠢᠨ ᠭᠡᠷ ᠤᠨ ᠬᠠᠮᠢᠭᠠ ᠨᠢ ᠴᠤ ᠭᠡᠰᠡᠨ ᠭᠡᠨ ᠨᠢᠭᠡ ᠪᠠᠨ ᠦᠳᠡᠨ ᠮᠤᠷᠳᠠᠭᠤᠯᠤᠭᠠᠤᠨ ᠭᠦᠯ ᠪᠣᠯᠵᠤ᠂ ᠪᠦᠭᠦᠢᠯᠡ ᠠᠰᠠᠷ ᠳᠠᠷᠠ ᠶᠠᠩᠵᠤ ᠪᠠᠷ ᠶᠢᠡᠨ ᠰᠠᠯᠤᠯᠳᠠ ᠶᠢᠨ ᠪᠠᠴᠢᠮ ᠠᠮᠢᠰᠬᠤᠯ ᠶᠢᠡᠷ ᠳᠦᠭᠦᠷᠴᠡᠢ᠃ ᠪᠢ ᠪᠠᠢ᠌ᠷᠢᠨ ᠳᠠᠭᠠᠨ ᠪᠦᠳᠤᠨ ᠦᠳᠡ ᠶᠢᠨ ᠬᠣᠢ᠌ᠨᠡ ᠳᠠᠭ ᠰᠠᠭᠤᠯᠠ᠃ ᠪᠠᠢ᠌ᠷᠢ ᠶᠢᠨ ᠭᠡᠷ ᠶᠢᠡᠨ ᠪᠦᠭᠦᠳᠡ ᠶᠢ ᠰᠠᠢ᠌ᠬᠠᠨ ᠰᠡᠭᠦᠳᠡᠷᠯᠡᠨ ᠠᠪᠣᠪᠠ᠃ ᠰᠢᠷᠡᠭᠡ ᠰᠠᠠᠳᠠᠯᠢ ᠡᠴᠡ ᠠᠪᠣᠭᠠᠤᠨ ᠣᠷᠤ ᠳᠡᠪᠢᠰᠭᠡᠷ ᠶᠢᠡᠨ ᠣᠤᠯ ᠤᠨ ᠶᠠᠩᠵᠤᠨ ᠳᠤ ᠨᠢ ᠣᠷᠤᠭᠤᠯᠬᠤ ᠭᠡᠵᠤ ᠪᠠᠬᠠᠨ ᠴᠢᠷᠮᠠᠢ᠌ᠯᠠ᠃ ᠨᠡᠭᠦᠭ᠍ᠰᠡᠨ ᠪᠠᠭᠤᠷᠢᠨ ᠳᠡᠭᠡᠷᠡ ᠪᠠᠨ ᠬᠤᠭ ᠦᠨᠡᠰᠤ ᠪᠠᠨ ᠪᠣᠳᠠᠷᠭᠠᠴᠢᠬᠠᠭᠠᠤᠨ ᠶᠠᠪᠣᠳᠠᠭ ᠦᠭᠡᠶ ᠨᠡᠭᠦᠳᠡᠯᠴᠢᠨ ᠤ ᠬᠣᠢ᠌ᠴᠢᠰ ᠪᠣᠯᠤᠭᠰᠠᠨ ᠤ ᠬᠤᠪᠢ ᠳᠤ ᠰᠠᠭᠤᠭᠰᠠᠨ ᠪᠠᠢ᠌ᠷᠢ ᠪᠠᠨ ᠴᠤ ᠭᠢᠯᠠ ᠳᠤᠰᠳᠠᠯᠠ ᠨᠢ ᠴᠡᠪᠠᠷᠯᠡᠴᠢᠭᠡᠭᠡᠳ ᠭᠠᠷᠤᠶᠠ ᠭᠡᠵᠤ ᠪᠣᠳᠤᠭᠰᠠᠨ ᠶᠤᠮ᠃
ᠨᠠᠢ᠌ᠰᠯᠠᠯ ᠪᠠᠭᠡᠵᠢᠩ ᠳᠤ ᠪᠠᠢ᠌ᠭᠰᠠᠨ ᠨᠠᠢ᠌ᠷᠠᠭ ᠤᠨ ᠬᠤᠷᠠ ᠲᠡᠶ᠂ ᠤᠶᠠᠩᠭᠠ ᠶᠢᠨ ᠪᠣᠷᠤᠭᠠ ᠲᠡᠶ ᠡᠳᠦᠷ ᠤᠳ ᠭᠢᠯᠠᠰ ᠭᠡᠳ ᠥᠩᠭᠡᠷᠡᠯᠡ᠃ ᠭᠠᠯᠳᠤ ᠳᠡᠷᠭᠡᠨ ᠤ ᠴᠤᠩᠬᠤ ᠪᠠᠷ ᠭᠠᠳᠠᠭᠰᠢ ᠱᠠᠭᠠᠢ᠌ᠪᠠᠯ ᠦᠨᠳᠦᠷ ᠦᠨᠳᠦᠷ ᠠᠰᠠᠷ ᠪᠠᠷᠢᠯᠭᠠ ᠨᠤᠭᠤᠳ 《ᠪᠠᠶᠠᠷᠳᠠᠢ》 ᠭᠡᠮᠡᠨ ᠭᠠᠷ ᠳᠠᠯᠠᠯᠤᠬᠤ ᠮᠠᠳᠤ ᠠᠷᠤ ᠳᠤ ᠵᠢᠷᠢᠯᠵᠠᠨ ᠬᠤᠴᠤᠷᠤᠨᠠ᠃ ᠭᠡᠰᠡᠭ᠌ ᠶᠠᠪᠣᠭᠠᠤᠨ ᠡᠷᠭᠢᠵᠤ ᠬᠠᠷᠠᠬᠤ ᠳᠤ ᠳᠤᠰᠤᠳᠠᠢ ᠭᠠᠷ ᠶᠢᠡᠷ ᠳᠡᠯᠭᠡᠵᠤ ᠪᠠᠷᠢᠭᠰᠠᠨ ᠳᠤᠷᠭᠠᠨ ᠴᠡᠩᠭᠡᠷ ᠬᠠᠳᠠᠭ ᠰᠢᠭ ᠨᠠᠢ᠌ᠰᠯᠠᠯ ᠤᠨ ᠳᠡᠭ᠍ᠷᠢ ᠠᠯᠤᠰ ᠲᠤ ᠨᠠᠮᠤᠭᠤᠬᠠᠨ ᠳᠤᠨᠤᠷᠠᠭᠠᠤᠨ ᠦᠯᠠᠳᠠᠯᠠ᠃ ᠠᠶᠠᠷᠯᠠᠯᠠ᠂ ᠪᠠᠭᠡᠵᠢᠩ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠣᠯᠠᠭᠠᠨ ᠰᠢᠶᠠᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠯ·ᠣᠳᠤᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6171
ᠴᠠᠭ᠄ 2012 ᠤᠨ ᠤ 03 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ