☆ ᠭᠦᠷᠵᠡᠪ
ᠭᠦᠷᠵᠡᠪ ᠤᠨ ᠬᠡᠦᠬᠡᠳ ᠤᠨ ᠰᠢᠯᠦᠭ ᠤᠳ
ᠨᠠᠷᠠ ᠪᠣᠶᠤ ᠬᠡᠦᠬᠡᠳ
ᠨᠠᠷᠠ ᠮᠠᠠᠳᠤᠨᠠ
ᠨᠠᠮᠠ ᠶᠢ ᠳᠡᠪᠠᠷᠢᠭᠡᠳ ᠮᠠᠠᠳᠤᠨᠠ
ᠨᠠᠯᠠᠭᠠᠷ ᠰᠢᠷᠭᠠᠯ ᠭᠡᠷᠡᠯ ᠶᠢᠡᠷ ᠵᠢᠠᠨ
ᠨᠠᠷᠠᠳᠤ ᠪᠠᠨ ᠳᠡᠪᠠᠷᠢᠭᠡᠳ ᠮᠠᠠᠳᠤᠨᠠ
ᠨᠠᠪᠴᠢ ᠢᠨᠢᠶᠠᠨᠠ
ᠨᠠᠷᠠᠨ ᠭᠦᠩᠵᠤ ᠳᠤ ᠢᠨᠢᠶᠠᠨᠠ
ᠨᠠᠭᠠᠳᠤᠭᠢ ᠶᠠᠷᠳᠢᠠᠴᠤ ᠶᠢ ᠭᠡᠷᠡᠯᠳᠦᠭᠦᠯᠳᠡᠭ᠌
ᠨᠠᠷᠠ ᠰᠠᠢ᠌ᠬᠠᠨ ᠭᠡᠳ ᠢᠨᠢᠶᠠᠨᠠ
ᠨᠠᠷᠠ ᠮᠦᠰᠢᠶᠠᠨᠠ
ᠨᠠᠳᠠ ᠳᠤ ᠴᠢᠮᠠ ᠳᠤ ᠮᠦᠰᠢᠶᠠᠨᠠ
ᠨᠠᠪᠴᠢ ᠬᠡᠦᠬᠡᠳ ᠪᠦᠷ ᠠᠳᠠᠯᠢᠬᠠᠨ
ᠨᠢᠯᠬᠠ ᠭᠦᠭᠡᠷᠦᠭᠦᠨ ᠠᠮᠢ ᠭᠡᠳ ᠮᠦᠰᠢᠶᠠᠨᠠ︕
ᠨᠠᠮᠤᠷ ᠣᠨᠠᠯᠠ
ᠨᠠᠮᠤᠷ ᠣᠨᠠᠯᠠ᠂
ᠨᠠᠷᠠ ᠲᠡᠶ ᠪᠠᠨ ᠴᠤᠭ
ᠨᠠᠪᠴᠢ ᠲᠡᠶ ᠪᠠᠨ ᠴᠤᠭ
ᠱᠠᠭᠢᠨ ᠣᠨᠠᠯᠠ
ᠨᠠᠭᠠᠳᠤᠨ ᠠᠯᠢᠶᠠᠷᠠᠭᠵᠤ ᠪᠠᠢ᠌ᠭᠰᠠᠨ
ᠮᠢᠨᠤ ᠳᠡᠭᠦᠤ ᠵᠢᠨ
ᠨᠢᠷᠤᠭᠤᠨ ᠳᠡᠭᠡᠷᠡ᠂
ᠨᠢᠰᠤᠨ ᠳᠠᠪᠳᠠᠷᠠᠵᠤ ᠪᠠᠢ᠌ᠭᠰᠠᠨ
ᠰᠢᠪᠠᠭᠤᠨ ᠰᠥᠷᠦᠭ᠌ ᠤᠨ
ᠳᠠᠯᠠᠪᠴᠢᠨ ᠳᠡᠭᠡᠷᠡ
ᠨᠠᠷᠠ ᠲᠡᠶ ᠪᠠᠨ ᠴᠤᠭ
ᠨᠠᠪᠴᠢ ᠲᠡᠶ ᠪᠠᠨ ᠴᠤᠭ
ᠱᠠᠭᠢᠨ ᠣᠨᠠᠯᠠ᠃
ᠨᠠᠮᠤᠷ ᠣᠨᠠᠯᠠ᠂
ᠨᠠᠷᠠ ᠲᠡᠶ ᠪᠠᠨ ᠴᠤᠭ
ᠨᠠᠪᠴᠢ ᠲᠡᠶ ᠪᠠᠨ ᠴᠤᠭ
ᠱᠠᠭᠢᠨ ᠣᠨᠠᠯᠠ
ᠨᠠᠷᠠᠰᠤᠨ ᠴᠡᠩᠭᠡᠷ ᠠᠭᠤᠯᠠᠰ ᠤᠨ
ᠣᠷᠤᠢ ᠳᠡᠭᠡᠷᠡ
ᠨᠠᠭᠠᠰᠢᠯᠠᠵᠤ ᠪᠠᠢ᠌ᠭᠠ ᠡᠭᠦᠯᠡᠰ ᠤᠨ
ᠬᠤᠷᠮᠤᠢ ᠳᠡᠭᠡᠷᠡ
ᠨᠠᠷᠠ ᠲᠡᠶ ᠪᠠᠨ ᠴᠤᠭ
ᠨᠠᠪᠴᠢ ᠲᠡᠶ ᠪᠠᠨ ᠴᠤᠭ
ᠱᠠᠭᠢᠨ ᠣᠨᠠᠯᠠ᠃
ᠨᠠᠮᠤᠭ ᠤᠨ ᠮᠡᠯᠡᠭᠡᠢ
ᠨᠠᠮᠤᠭ ᠤᠨ ᠮᠡᠯᠡᠭᠡᠢ ᠯᠠᠭ ᠯᠠᠭ
ᠨᠠᠮᠤᠭ ᠰᠢᠪᠠᠷ ᠲᠠᠭᠠᠨ ᠯᠠᠭ ᠯᠠᠭ
ᠨᠠᠮᠠ ᠶᠢ ᠬᠠᠷᠠᠭᠠᠤᠨ ᠶᠠᠭᠤ ᠭᠡᠵᠤ ᠪᠦᠯᠳᠡᠢ᠌ᠭᠡ ᠪᠣᠢ︖
ᠨᠠᠭᠠᠳᠤᠶᠠ ᠭᠡᠵᠤ ᠪᠣᠳᠤᠵᠤ ᠪᠠᠢ᠌ᠭᠠ ᠦᠦ︖
ᠨᠠᠮᠤᠭ ᠤᠨ ᠮᠡᠯᠡᠭᠡᠢ ᠯᠠᠭ ᠯᠠᠭ
ᠨᠠᠮᠤᠭ ᠰᠢᠪᠠᠷ ᠲᠠᠭᠠᠨ ᠯᠠᠭ ᠯᠠᠭ
ᠨᠠᠮᠠ ᠶᠢ ᠥᠵᠡᠭᠡᠳ ᠶᠠᠭᠤ ᠭᠡᠵᠤ ᠠᠩᠭ᠋ᠠᠢ᠌ᠭᠠ ᠪᠣᠢ︖
ᠨᠠᠰᠢ ᠪᠠᠨ ᠢᠷᠠ ᠭᠡᠵᠤ ᠭᠡᠯᠡᠵᠤ ᠪᠠᠢ᠌ᠭᠠ ᠦᠦ︖
ᠨᠠᠮᠤᠭ ᠤᠨ ᠮᠡᠯᠡᠭᠡᠢ ᠯᠠᠭ ᠯᠠᠭ
ᠨᠠᠮᠤᠭ ᠰᠢᠪᠠᠷ ᠲᠠᠭᠠᠨ ᠯᠠᠭ ᠯᠠᠭ
ᠨᠠᠮᠤᠷ ᠤᠨ ᠰᠤᠷᠤᠯᠭᠠ ᠡᠭᠢᠯᠡᠴᠢᠭᠡᠭ᠍ᠰᠡᠨ ᠳᠤᠯᠠ
ᠨᠠᠳᠠ ᠶᠠᠷᠤ ᠴᠢᠯᠦᠭᠡ ᠦᠭᠡᠶ᠃
ᠨᠤᠭᠤᠭᠠᠨ ᠪᠣᠭᠴᠤ ᠪᠠᠨ ᠡᠭᠦᠷᠦᠭᠡᠳ
ᠨᠤᠮ ᠶᠢᠡᠨ ᠰᠤᠷᠬᠤ ᠪᠠᠷ ᠶᠠᠪᠣᠯᠠ ᠡ᠂ ᠪᠢ
ᠨᠠᠮᠤᠭ ᠲᠠᠭᠠᠨ ᠴᠢ ᠨᠠᠭᠠᠳᠴᠤ ᠰᠠᠭᠤ ᠳ᠋ᠠ
ᠨᠠᠰᠤᠨ ᠳᠤᠷᠰᠢᠳᠠ ᠨᠠᠭᠠᠳᠴᠤ ᠰᠠᠭᠤ ᠳ᠋ᠠ ᠡ︕
ᠣᠳᠤ
ᠣᠷᠤᠭᠠ ᠴᠠᠭᠠᠨ
ᠣᠷᠴᠢᠯᠠᠩ ᠤᠨ
ᠣᠤᠠᠬᠠᠨ ᠵᠢᠭᠠᠬᠠᠨ
ᠳᠡᠭᠦᠤ
ᠣᠩᠭ᠋ᠤᠨ
ᠴᠡᠩᠭᠡᠷ ᠳᠡᠭ᠍ᠷᠢ ᠵᠢᠨ
ᠣᠭᠤᠰᠤᠷ ᠪᠦᠴᠡ ᠥᠭᠡᠢ
ᠡᠷᠢᠭᠡ
ᠣᠷᠤᠢ ᠣᠷᠤᠢ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠣᠷᠤᠢ ᠳᠡᠭᠡᠷᠡ ᠮᠢᠨᠢ
ᠠᠨᠢᠪᠴᠠᠳᠠᠭ
ᠣᠠᠴᠠ ᠶᠢᠨ ᠬᠠᠴᠢᠨ
ᠭᠠᠷᠠᠭ
ᠣᠩᠭ᠋ᠤᠷᠬᠠᠢ ᠰᠢᠷᠠ
ᠭᠦᠤ ᠮᠢᠨᠢ
ᠣᠴᠢᠶᠠ ᠭᠡᠵᠤ ᠪᠣᠳᠤᠳᠠᠭ
ᠭᠠᠵᠠᠷ
ᠣᠯᠠᠨ ᠠᠷᠪᠢᠨ
ᠡᠷᠳᠡᠮᠳᠡᠨ ᠮᠡᠷᠭᠡᠵᠢᠯᠳᠡᠳ ᠤᠨ
ᠣᠶᠤᠨ ᠶᠢᠡᠨ ᠰᠢᠪᠬᠠᠵᠤ
ᠣᠷᠤᠯᠳᠤᠳᠠᠭ ᠰᠤᠳᠤᠯᠭᠠᠨ
ᠣᠳᠤ ᠪᠣᠯᠳᠠᠯᠠ
ᠭᠦᠮᠤᠨ ᠲᠦᠷᠦᠯᠭᠢᠳᠠᠨ ᠊ᠤ
ᠣᠭᠤᠰᠤᠷᠯᠠᠵᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠡᠷᠭᠡᠰᠢᠶᠡᠭᠡ ᠦᠭᠡᠶ ᠣᠷᠤᠨ
ᠣᠳᠤ ᠊᠊᠊᠊᠊᠊᠊᠊᠊᠊᠊᠊᠊᠊᠊
ᠴᠤᠬᠤᠮ ᠰᠤᠨᠢᠨ
ᠣᠨᠢᠰᠤᠭᠠ ᠳᠠᠭᠠᠪᠣᠷᠢ ᠰᠢᠭ
ᠰᠤᠨᠢᠨ
ᠣᠪᠠᠳᠢᠰᠳᠤ ᠨᠢᠭᠤᠴᠠ ᠶᠢ ᠨᠢ
ᠡᠷᠳᠡᠭᠡᠨ ᠢᠯᠡᠷᠡᠭᠦᠯᠵᠤ
ᠣᠭᠤᠰᠤᠷᠯᠠᠵᠤ᠂ ᠨᠤᠭᠳᠤᠯᠵᠤ
ᠶᠠᠪᠣᠶᠠ᠂ ᠪᠢᠳᠠ
ᠣᠷᠤᠩᠨᠠᠵᠤ᠂ ᠰᠠᠭᠤᠷᠢᠰᠢᠵᠤ᠁
ᠰᠠᠭᠤᠶᠠ᠂ ᠪᠢᠳᠠ
ᠵᠤᠬᠢᠶᠠᠭᠴᠢ ᠶᠢᠨ 《ᠬᠡᠦᠬᠡᠳ ᠨᠠᠰᠤ ᠰᠠᠢ᠌ᠬᠠᠨ》（2004 ᠣᠨ） ᠭᠡᠭᠦ ᠰᠢᠯᠦᠭ᠌ ᠤᠨ ᠳᠡᠭᠦᠪᠦᠷᠢ ᠡᠴᠡ᠃
ᠵᠤᠬᠢᠶᠠᠭᠴᠢ᠄ ᠭᠦᠷᠵᠡᠪ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2659
ᠴᠠᠭ᠄ 2009 ᠤᠨ ᠤ 09 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ