☆ ᠥᠭᠡᠯᠡᠳ·ᠵᠠᠮᠰᠠ
ᠬᠢᠵᠠᠭᠠᠷ (ᠴᠢᠴᠢᠬᠠᠷ) ᠬᠤᠲᠠ ᠶᠢᠨ ᠳᠤᠮᠤᠭ
ᠠᠪᠣ ᠡ᠂ ᠠᠪᠣ ᠡ ︕ ᠮᠠᠠᠳᠤ ᠦᠦ ︖
ᠠᠯᠢᠶᠠ ᠵᠤ ᠱᠢ ᠯᠢᠩ ᠬᠠᠮᠢᠭᠠᠰᠢᠯᠠᠪᠠ ︖
ᠡᠵᠢ ᠡ᠂ ᠡᠵᠢ ᠡ ︕ ᠮᠠᠠᠳᠤ ᠦᠦ ︖
ᠡᠷᠭᠡ ᠵᠤ ᠱᠢ ᠯᠢᠩ ᠬᠠᠮᠢᠭᠠᠰᠢᠯᠠᠪᠠ ︖
ᠬᠤᠷᠳᠤᠨ ᠰᠢᠷᠭᠠ ᠪᠠᠨ ᠪᠠᠷᠢᠶᠠ
ᠬᠤᠨᠤᠭ ᠤᠨ ᠭᠠᠵᠠᠷ ᠭᠦᠢᠴᠡᠶᠡ
ᠦᠷᠢᠶᠠ ᠰᠢᠷᠭᠠ ᠪᠠᠨ ᠪᠠᠷᠢᠶᠠ
ᠦᠳᠡ ᠶᠢᠨ ᠭᠠᠵᠠᠷ ᠭᠦᠢᠴᠡᠶᠡ
ᠪᠦᠳᠦᠭᠦᠨ ᠨᠠᠷᠢᠨ ᠭᠠᠩᠽᠢ ᠵᠢ
ᠵᠢᠭᠤᠪᠴᠢ ᠶᠢ ᠨᠢ ᠳᠠᠭᠠᠷᠠᠭᠤᠯᠤᠨ ᠠᠪᠣᠯᠠ
ᠪᠦᠸᠧ ᠾᠧ ᠬᠤᠳᠠᠨ ᠤ ᠳᠠᠮᠠᠭᠢ ᠵᠢ
ᠨᠠᠪᠴᠢ ᠶᠢ ᠨᠢ ᠳᠠᠭᠠᠷᠠᠭᠤᠯᠤᠨ ᠠᠪᠣᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠭᠤᠤ ᠶᠢᠨ ᠥᠭᠡ ᠶᠢ ᠵᠠᠭᠠᠮᠠᠤᠨ ᠣᠪᠣᠭᠳᠤ ᠪᠠᠳᠮᠠᠵᠠᠪ ᠡᠴᠠ ᠳᠠᠭᠠᠤᠯᠠᠭᠰᠠᠨ ᠢ ᠳᠡᠮᠳᠡᠭᠯᠡᠨ ᠥᠯᠡᠳᠡᠭᠡᠪᠡ᠃
ᠴᠢᠴᠢᠬᠠᠷ ᠬᠤᠳᠠ ᠶᠢᠨ ᠥᠭᠡᠷᠡ ᠨᠢᠭᠡᠨ ᠨᠠᠷᠠ ᠶᠢ ᠥᠩᠭᠡᠷᠡᠭ᠍ᠰᠡᠨ ᠳᠡᠦᠭᠡᠨ ᠳᠤ 《ᠪᠦᠭᠡ》 ᠭᠡᠳᠡᠭ᠌᠃ ᠡᠨᠡᠭᠦ 《ᠪᠦᠭᠡ》 ᠶ᠋ᠢ ᠮᠠᠨᠠᠢ᠌ᠭᠢᠨ ᠤ ᠥᠭᠡᠯᠡᠳ ᠭᠦᠮᠦᠰ ᠭᠢᠳᠠᠤᠨ ᠠᠶᠠᠯᠠᠭᠤ ᠪᠠᠷ 《ᠪᠦᠸᠧ ᠾᠧ》 ᠭᠡᠵᠤ ᠭᠡᠯᠡᠳᠡᠭ᠌᠃
ᠴᠢᠴᠢᠬᠠᠷ ᠬᠤᠳᠠ ᠶᠢ ᠪᠠᠢ᠌ᠭᠤᠯᠬᠤ ᠡᠴᠠ ᠣᠷᠢᠳᠤ ᠴᠠᠭ ᠲᠤ ᠪᠦᠭᠡ ᠭᠡᠵᠤ ᠨᠡᠷᠡᠯᠡᠳᠡᠭ᠌᠃ ᠴᠢᠴᠢᠬᠠᠷ ᠭᠡᠳᠡᠭ᠌ ᠨᠢ ᠭᠢᠵᠠᠭᠠᠷ ᠭᠡᠳᠡᠭ᠌ ᠮᠤᠩᠭ᠋ᠤᠯ ᠥᠭᠡ ᠶᠤᠮ᠃ ᠴᠢᠴᠢᠬᠠᠷ ᠭᠡᠳᠡᠭ᠌ ᠭᠠᠵᠠᠷ ᠪᠣᠯᠪᠠᠯ ᠣᠳᠤᠭᠢ ᠴᠢᠴᠢᠬᠠᠷ ᠬᠤᠳᠠ ᠶᠢᠨ ᠪᠠᠷᠭᠤᠠᠳᠠᠢ ᠨᠤᠨ ᠮᠦᠷᠡᠨ ᠤ ᠪᠠᠷᠠᠭᠤᠨ ᠭᠦᠪᠠᠭᠡᠨ ᠳᠤ ᠪᠠᠢ᠌ᠭᠰᠠᠨ ᠨᠢᠭᠡᠨ ᠭᠠᠴᠠᠭᠠ ᠪᠣᠯᠤᠨᠠ᠃ ᠡᠭᠦᠨ ᠢ ᠥᠩᠭᠡᠷᠡᠭ᠍ᠰᠡᠨ ᠳᠤ 《ᠪᠦᠭᠡ》 ᠭᠡᠵᠤ ᠭᠡᠯᠡᠳᠡᠭ᠌ ᠪᠠᠢ᠌ᠭᠰᠠᠨ ᠨᠢ ᠪᠠᠰᠠ ᠨᠢᠭᠡᠨ ᠥᠯᠢᠭᠡᠷ ᠲᠡᠶ ᠶᠤᠮ᠃
ᠳᠡᠭᠦᠨ ᠤ ᠨᠢᠭᠡ ᠥᠯᠢᠭᠡᠷ ᠨᠢ ᠥᠩᠭᠡᠷᠡᠭ᠍ᠰᠡᠨ ᠳᠤ ᠬᠠᠷᠠᠮᠦ᠋ᠷᠡᠨ ᠤ ᠵᠠᠩᠵᠤᠨ ᠬᠤᠶᠠᠷ ᠬᠤᠭᠤᠴᠠᠭᠠ ᠴᠢᠴᠢᠬᠠᠷ ᠤᠨ ᠭᠠᠵᠠᠷ ᠲᠤ ᠴᠡᠷᠢᠭ᠌ ᠠᠪᠬᠤ ᠰᠢᠯᠭᠠᠯᠳᠠ ᠭᠢᠵᠤ ᠴᠡᠷᠢᠭ᠌ ᠪᠣᠯᠬᠤ ᠭᠦᠮᠦᠰ ᠤᠨ ᠪᠠᠶᠠ ᠮᠠᠬᠠᠪᠣᠤᠨ ᠢ ᠪᠦᠭᠡ ᠪᠠᠷᠢᠯᠳᠤᠭᠤᠯᠵᠤ ᠥᠵᠡᠳᠡᠭ᠌ ᠭᠡᠨᠡ᠃ ᠡᠨᠡ ᠪᠦᠭᠡ ᠪᠠᠷᠢᠯᠳᠤᠭᠤᠯᠤᠭᠰᠠᠨ ᠭᠠᠵᠠᠷ ᠶᠢᠡᠨ 《ᠪᠦᠭᠡ》 ᠨᠠᠷᠠᠯᠠᠵᠠᠢ᠃
ᠨᠥᠭᠦᠭᠡ ᠨᠢᠭᠡᠨ ᠥᠯᠢᠭᠡᠷ ᠨᠢ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠪᠠᠢ᠌ᠯᠳᠤᠭᠠᠨ ᠭᠢᠵᠤ ᠶᠠᠪᠣᠭᠰᠠᠭᠠᠷ ᠪᠠᠢ᠌ᠵᠤ ᠵᠡᠭᠦᠡᠰᠢ ᠢᠷᠡᠭᠡᠳ ᠨᠤᠨ ᠮᠦᠷᠡᠨ ᠤ ᠭᠦᠪᠠᠭᠡ ᠳ᠋ᠠᠭᠢ ᠴᠢᠴᠢᠬᠠᠷ ᠭᠠᠴᠠᠭᠠ ᠳᠤ ᠪᠠᠢ᠌ᠯᠳᠤᠵᠤ ᠢᠯᠠᠭᠠᠤᠨ᠂ ᠢᠯᠠᠯᠳᠠ ᠪᠠᠨ ᠪᠠᠯᠡᠭᠯᠡᠵᠤ ᠶᠡᠭᠡ ᠨᠠᠢ᠌ᠷ ᠬᠤᠷᠢᠮ ᠭᠢᠵᠤ ᠣᠯᠠᠨ ᠴᠡᠷᠢᠭ᠌ ᠤᠳ ᠶᠢᠡᠨ ᠪᠦᠭᠡ ᠪᠠᠷᠢᠯᠳᠤᠭᠤᠯᠤᠭᠰᠠᠨ ᠭᠡᠨᠡ᠃ ᠴᠡᠷᠢᠭ᠌ ᠤᠨ ᠪᠦᠭᠡ ᠪᠠᠷᠢᠯᠳᠤᠭᠰᠠᠨ ᠭᠠᠵᠠᠷ ᠢ 《ᠪᠦᠭᠡ》 ᠭᠡᠵᠤ ᠨᠠᠷᠠᠯᠠᠵᠠᠢ᠃
《ᠪᠦᠭᠡ》 ᠭᠡᠳᠡᠭ᠌ ᠨᠠᠷᠠ ᠶᠢ ᠴᠢᠴᠢᠬᠠᠷ ᠭᠡᠵᠤ ᠰᠤᠯᠢᠭᠰᠠᠨ ᠤ ᠣᠴᠢᠷ ᠨᠢ ᠮᠠᠠᠵᠤ ᠴᠢᠩ ᠣᠯᠤᠰ ᠤᠨ ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠭᠤᠴᠢᠨ ᠨᠢ᠋ᠮᠠᠳᠤᠭᠠᠷ ᠣᠨ ᠳᠤ ᠪᠦᠭᠡ ᠭᠡᠳᠡᠭ᠌ ᠭᠠᠵᠠᠷ ᠲᠤ ᠭᠢᠵᠠᠭᠠᠷ ᠬᠤᠳᠠ ᠶᠢ ᠪᠠᠢ᠌ᠭᠤᠯᠵᠠᠢ᠃ ᠭᠢᠵᠠᠭᠠᠷ ᠭᠡᠳᠡᠭ᠌ ᠮᠤᠩᠭ᠋ᠤᠯ ᠥᠭᠡ ᠶᠢ ᠭᠢᠳᠠᠤᠨ ᠠᠪᠢᠶᠠ ᠪᠠᠷ ᠥᠭᠡᠷᠡᠳᠡᠭᠦᠯᠤᠨ ᠴᠢᠴᠢᠬᠠᠷ ᠭᠡᠵᠤ ᠨᠠᠷᠠᠯᠠᠵᠠᠢ᠃
ᠡᠩᠭᠡ ᠠᠮᠤᠭᠤᠯᠠᠩ ᠤᠨ ᠭᠤᠴᠢᠨ ᠨᠢ᠋ᠮᠠᠳᠤᠭᠠᠷ ᠣᠨ ᠳᠤ ᠬᠠᠷᠠᠮᠦ᠋ᠷᠡᠨ ᠵᠠᠩᠵᠤᠨ ᠤ ᠵᠠᠭᠢᠶᠠ ᠪᠠᠷ ᠨᠤᠨ ᠮᠦᠷᠡᠨ ᠤ ᠪᠠᠷᠠᠭᠤᠠᠳᠠᠭᠢ ᠭᠢᠵᠠᠭᠠᠷ ᠠᠢ᠌ᠯ ᠳᠤ ᠬᠤᠳᠠ ᠪᠠᠢ᠌ᠭᠤᠯᠬᠤ ᠪᠠᠷ ᠡᠯᠳᠡᠪ ᠵᠣᠢ᠌ᠯ ᠤᠨ ᠪᠠᠷᠢᠯᠭᠠ ᠶᠢᠨ ᠭᠡᠷᠡᠭ᠍ᠰᠡᠯ ᠮᠤᠳᠤ ᠴᠢᠯᠠᠭᠤ ᠵᠥᠭᠡᠭᠡᠵᠤ ᠠᠪᠴᠢᠷᠠᠪᠠ᠃ ᠨᠢᠭᠡᠨ ᠰᠦᠨᠢ ᠭᠡᠨᠡᠳᠲᠡ ᠪᠠᠷ ᠨᠤᠨ ᠮᠦᠷᠡᠨ ᠤ ᠳᠡᠭᠡᠭᠦᠷ ᠶᠡᠭᠡ ᠰᠠᠯᠭᠢᠨ ᠬᠣᠢ᠌ᠯᠠᠷᠠᠨ ᠪᠣᠰᠴᠤ ᠮᠦᠷᠡᠨ ᠤ ᠣᠰᠤ ᠴᠠᠯᠭᠢᠯᠠᠨ ᠭᠠᠷᠴᠤ᠂ ᠬᠠᠮᠤᠭ ᠪᠠᠷᠢᠯᠭᠠ ᠶᠢᠨ ᠭᠡᠷᠡᠭ᠍ᠰᠡᠯ ᠢ ᠭᠡᠢ᠌ᠰᠭᠡᠭᠦ ᠲᠡᠶ ᠣᠷᠤᠰᠬᠠᠬᠤ ᠲᠡᠶ ᠬᠠᠮᠳᠤ ᠬᠤᠮᠢᠵᠤ ᠠᠪᠴᠢᠷᠠᠨ ᠪᠦᠭᠡ ᠭᠡᠳᠡᠭ᠌ ᠭᠠᠵᠠᠷ ᠲᠤ ᠭᠠᠷᠭᠠᠴᠢᠬᠠᠵᠠᠢ᠃ ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠪᠠᠷᠢᠯᠭᠠᠴᠢᠨ ᠢᠷᠠᠵᠤ ᠥᠵᠡᠭᠡᠳ ᠮᠠᠯ ᠭᠠᠢ᠌ᠬᠠᠵᠠᠢ᠃ ᠪᠠᠷᠢᠯᠭᠠ ᠶᠢᠨ ᠭᠡᠷᠡᠭ᠍ᠰᠡᠯ ᠤᠳ ᠨᠢᠭᠡ ᠯᠠ ᠰᠦᠨᠢ ᠶᠢᠨ ᠬᠤᠭᠤᠷᠤᠠᠳᠤ ᠠᠯᠠᠭᠠ ᠪᠣᠯᠴᠢᠬᠠᠵᠠᠢ᠃ ᠡᠷᠢᠭ᠍ᠰᠡᠭᠡᠷ ᠪᠠᠢ᠌ᠭᠠᠤᠨ ᠣᠯᠤᠭᠠᠤᠨ ᠠᠪᠴᠠᠢ᠃
ᠡᠭᠦᠨ ᠳᠤ ᠤᠢ᠌ᠷᠡ ᠬᠠᠪᠢ ᠠᠢ᠌ᠯ ᠤᠨ ᠦᠳᠡᠯᠠ ᠨᠠᠰᠤᠳᠠᠨ᠂ ᠠᠷᠠᠤᠨ ᠣᠯᠠᠨ᠂ ᠠᠯᠪᠠᠨ ᠨᠤᠶᠠᠨᠳᠠᠨ ᠴᠡᠷᠢᠭ᠌ ᠤᠳ ᠢᠷᠠᠵᠤ ᠥᠵᠡᠭᠡᠳ ᠡᠨᠡ ᠯᠠᠪ ᠳᠡᠭ᠍ᠷᠢ ᠶᠢᠨ ᠵᠦᠢ ᠶᠤᠰᠤᠨ ᠳᠤᠯᠠ ᠵᠦᠷᠢᠴᠠᠵᠤ ᠪᠣᠯᠬᠤ ᠦᠭᠡᠶ ᠭᠡᠳ ᠮᠦᠨ ᠡᠨᠡ ᠭᠠᠵᠠᠷ ᠲᠤ ᠬᠤᠳᠠ ᠪᠠᠢ᠌ᠭᠤᠯᠵᠠᠢ᠃ ᠢᠩᠭᠢᠭᠡᠳ ᠣᠭ ᠪᠠᠢ᠌ᠭᠰᠠᠨ ᠨᠠᠷᠠ ᠪᠠᠷ ᠬᠤᠳᠠ ᠪᠠᠨ ᠭᠢᠵᠠᠭᠠᠷ (ᠴᠢᠴᠢᠬᠠᠷ) ᠭᠡᠵᠤ ᠨᠠᠷᠠᠯᠠᠵᠠᠢ᠃
ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠪᠦᠭᠡ ᠬᠤᠳᠠ ᠠᠷᠠᠯᠵᠠᠶᠠ ᠮᠠᠢ᠌ᠮᠠᠢ ᠮᠠᠰᠢ ᠭᠦᠭ᠍ᠵᠢᠶᠡᠨ ᠲᠡᠶ ᠪᠠᠢ᠌ᠭᠰᠠᠨ ᠭᠠᠵᠠᠷ ᠭᠡᠨᠡ᠃
ᠥᠭᠡᠯᠡᠳᠴᠥᠳ ᠭᠦᠯᠤᠨ ᠪᠣᠢ᠌ᠷ ᠲᠤ ᠢᠷᠡᠭ᠍ᠰᠡᠨ ᠤ ᠳᠠᠷᠠᠭᠠ ᠪᠦᠭᠡ ᠬᠤᠳᠠᠨ ᠳᠤ ᠳᠡᠮᠡᠭᠡᠨ ᠳᠡᠷᠭᠡ᠂ ᠥᠭᠡᠷ ᠳᠡᠷᠭᠡ ᠪᠠᠷ ᠠᠶᠠᠨ ᠳᠡᠭᠡᠭᠡᠪᠦᠷᠢ ᠶᠠᠪᠣᠵᠤ ᠡᠭᠢᠯᠡᠪᠡ᠃ ᠳᠠᠷᠠ ᠦᠶᠡᠰ ᠲᠤ ᠥᠭᠡᠯᠡᠳ ᠤᠨ ᠥᠭᠡᠷ ᠳᠡᠷᠭᠡᠨ ᠤ ᠪᠣᠯᠤ ᠳᠤ ᠴᠦᠸᠠᠨ ᠭᠡᠳᠡᠭ᠌ ᠳᠠᠮᠤᠷ ᠴᠠᠭᠠᠷᠢᠭ ᠪᠠᠢ᠌ᠭᠠ ᠦᠭᠡᠶ᠃ ᠳᠡᠷᠭᠡᠨ ᠤ ᠪᠣᠯᠤ ᠵᠠᠮ ᠳᠤ ᠡᠯᠡᠭ᠍ᠳᠡᠨ ᠭᠦᠡᠳᠡᠢ᠌ᠷᠡᠭᠡᠳ ᠪᠣᠴᠠᠵᠤ ᠢᠷᠡᠭᠦ ᠥᠭᠡᠷ ᠳᠡᠷᠭᠡᠨ ᠤ ᠡᠯᠡᠭ᠍ᠳᠡᠭ᠍ᠰᠡᠨ ᠪᠣᠯᠤ ᠶᠢᠨ ᠭᠢᠬᠤᠨᠠᠭᠰᠠᠨ ᠳᠠᠭᠤᠨ ᠨᠢ ᠰᠢᠷᠠ ᠳᠠᠪᠠᠭᠠ ᠡᠴᠠ ᠪᠣᠷᠤᠳᠤ ᠶᠢᠨ ᠠᠢ᠌ᠯ ᠳᠤ ᠭᠦᠷᠳᠡᠯᠡ ᠰᠤᠨᠤᠰᠳᠠᠳᠠᠭ ᠭᠡᠨᠡ᠃ ᠨᠠᠨ ᠴᠦᠸᠠᠨ ᠢ ᠪᠦᠭᠡ ᠬᠤᠳᠠᠨ ᠡᠴᠠ ᠠᠪᠴᠤ ᠭᠡᠷᠡᠭᠯᠡᠭᠦ ᠪᠣᠯᠤᠭᠰᠠᠨ ᠡᠴᠠ ᠥᠭᠡᠯᠡᠳ ᠤᠨ ᠥᠭᠡᠷ ᠳᠡᠷᠭᠡᠨ ᠳᠤ ᠴᠦᠸᠠᠨ ᠲᠡᠶ ᠪᠣᠯᠵᠠᠢ᠃ ᠠᠶᠠᠨ ᠳᠡᠭᠡᠭᠡᠪᠦᠷᠢ ᠳᠤ ᠪᠣᠯ ᠳᠡᠮᠡᠭᠡᠨ ᠳᠡᠷᠭᠡ ᠨᠢ ᠥᠭᠡᠷ ᠳᠡᠷᠭᠡᠨ ᠡᠴᠠ ᠬᠤᠷᠳᠤᠨ ᠪᠦᠭᠡᠳ ᠡᠳ᠋ᠯᠡᠭᠦᠷ ᠲᠡᠶ ᠪᠠᠢ᠌ᠳᠠᠭ ᠭᠡᠨᠡ᠃ ᠥᠭᠡᠷ ᠳᠡᠷᠭᠡ ᠪᠠᠷ ᠪᠦᠭᠡ ᠬᠤᠳᠠᠨ ᠳᠤ ᠣᠴᠢᠭᠠᠤᠨ ᠢᠷᠠᠳᠠᠯᠠ ᠰᠠᠷᠠ ᠭᠠᠷᠤᠢ ᠶᠠᠪᠣᠬᠤ ᠶᠤᠮ ᠦᠦ᠂ ᠳᠡᠭᠦᠨ ᠡᠴᠠ ᠣᠷᠳᠤ ᠬᠤᠭᠤᠴᠠᠭᠠ ᠭᠡᠷᠡᠭᠯᠡᠳᠡᠭ᠌ ᠭᠡᠰᠡᠨ᠃
ᠡᠪᠦᠯ ᠴᠠᠭ ᠤᠨ ᠠᠶᠠᠨ ᠳᠡᠭᠡᠭᠡᠪᠦᠷᠢ ᠨᠢ ᠬᠤᠯᠠ ᠵᠠᠮ᠂ ᠭᠢᠩᠭ᠋ᠠᠨ ᠠᠭᠤᠯᠠ ᠶᠢ ᠳᠠᠪᠠᠵᠤ ᠪᠠᠢ᠌ᠳᠠᠯᠠ ᠪᠢᠳᠡᠭᠦᠨ ᠡᠴᠠ ᠡᠮᠦᠨᠡ ᠪᠣᠴᠠᠵᠤ ᠢᠷᠠᠵᠤ ᠠᠮᠵᠢᠬᠤ ᠦᠭᠡᠶ ᠪᠣᠯ ᠠᠶᠠᠨ ᠤ ᠭᠦᠮᠦᠰ ᠭᠦᠳᠡᠭᠡ ᠭᠠᠳᠠᠨᠠ ᠵᠠᠮ ᠳᠠᠭᠠᠨ ᠥᠪᠠᠷᠳᠡᠭᠡᠨ ᠰᠢᠨᠡᠯᠡᠴᠢᠳᠡᠭ᠌ ᠭᠡᠨᠡ᠃ ᠰᠢᠨᠡᠯᠡᠭᠦ ᠪᠣᠭᠤᠷᠰᠤᠭ ᠭᠢᠭᠦ ᠭᠡᠵᠤ ᠣᠢ᠌ᠮᠠᠵᠤ ᠪᠠᠢ᠌ᠳᠠᠯᠠ ᠳᠤᠭᠤᠭᠠ ᠲᠡᠶ ᠳᠤᠰᠤᠨ ᠳᠤ ᠭᠠᠯ ᠠᠪᠣᠯᠴᠠᠵᠤ ᠭᠠᠯ ᠨᠢ ᠶᠡᠭᠡᠳᠦᠭᠡᠳ ᠠᠶᠠᠨ ᠤ ᠳᠤᠪᠣ ᠶᠢᠨ ᠳᠤᠮᠳᠠ ᠡᠴᠠ ᠱᠤᠩᠭ᠋ᠤᠨ ᠭᠠᠷᠴᠤ ᠢᠷᠡᠵᠡᠭᠡᠯᠡ ᠭᠡᠵᠤ ᠠᠶᠠᠠᠴᠢᠳ ᠠᠶᠠᠨ ᠤ ᠵᠠᠮ ᠤᠨ ᠵᠤᠭᠤᠭ ᠳᠡᠯᠭᠡᠳᠡᠭ᠌ ᠨᠢ ᠣᠳᠤ ᠴᠤ ᠪᠣᠯᠪᠠ ᠳᠤᠷᠠᠰᠤᠭᠳᠠᠵᠤ ᠢᠨᠢᠶᠠᠳᠤ ᠪᠣᠯᠳᠠᠭ᠃
ᠠᠶᠠᠨ ᠤ ᠭᠦᠮᠦᠰ ᠥᠭᠡᠷ ᠮᠠᠯ ᠶᠢᠡᠨ ᠪᠦᠸᠧ ᠾᠧ ᠬᠤᠳᠠᠨ ᠳᠤ ᠠᠪᠠᠴᠢᠨ ᠬᠤᠳᠠᠯᠳᠤᠵᠤ ᠠᠮᠢᠳᠤᠷᠠᠯ ᠤᠨ ᠭᠡᠷᠡᠭ᠍ᠰᠡᠯ ᠠᠪᠴᠢᠷᠠᠳᠠᠭ᠃ ᠠᠶᠠᠨ ᠤ ᠳᠡᠷᠭᠡ ᠪᠣᠴᠠᠬᠤ ᠵᠠᠮ ᠳᠠᠭᠠᠨ ᠭᠢᠩᠭ᠋ᠠᠨ ᠤ ᠨᠢᠭᠡᠨ ᠳᠠᠪᠠᠭᠠ ᠶᠢ ᠳᠠᠪᠠᠵᠤ ᠪᠠᠢ᠌ᠳᠠᠯᠠ ᠨᠢᠭᠡᠨ ᠪᠢᠷᠠᠭᠤ ᠬᠤᠯᠠ ᠡᠴᠠ ᠮᠥᠭᠡᠷᠡᠭ᠍ᠰᠡᠭᠡᠷ ᠪᠠᠢ᠌ᠵᠤ ᠭᠦᠷᠴᠤ ᠢᠷᠠᠵᠠᠢ᠃ ᠡᠨᠡ ᠪᠢᠷᠠᠭᠤ ᠶᠢ ᠬᠤᠳᠠᠯᠳᠤᠭᠰᠠᠨ ᠪᠠᠢ᠌ᠵᠤ ᠭᠡᠨᠡ᠃ ᠪᠢᠷᠠᠭᠤ ᠭᠦᠢᠴᠡᠵᠤ ᠭᠦᠷᠴᠤ ᠢᠷᠡᠭ᠍ᠰᠡᠨ ᠳᠠᠪᠠᠭᠠ ᠶᠢ ᠠᠶᠠᠨ ᠤ ᠭᠦᠮᠦᠰ ᠪᠢᠷᠠᠭᠤᠳᠤ ᠶᠢᠨ ᠳᠠᠪᠠᠭᠠ ᠭᠡᠵᠤ ᠳᠤᠷᠠᠰᠬᠠᠨ ᠥᠯᠡᠳᠡᠭᠡᠵᠡᠢ᠃
ᠪᠠᠰᠠ ᠡᠭ᠍ᠴᠡ ᠥᠭᠡᠳᠡ ᠳᠠᠪᠠᠬᠤ ᠳᠤ ᠭᠦᠴᠢᠷ ᠲᠡᠶ ᠨᠢᠭᠡᠨ ᠳᠠᠪᠠᠭᠠ ᠶᠢ ᠵᠢᠳᠠᠨ ᠳᠠᠪᠠᠭᠠ ᠭᠡᠳᠡᠭ᠌᠃ ᠡᠨᠡ ᠵᠢᠳᠠᠨ ᠳᠠᠪᠠᠭᠠ ᠶᠢ ᠡᠩ ᠤᠨ ᠱᠠᠷ ᠭᠦᠡᠳᠤ ᠠᠴᠢᠶᠠ ᠪᠠᠨ ᠴᠢᠷᠴᠤ ᠵᠢᠳᠠᠨ ᠢ ᠳᠠᠪᠠᠵᠤ ᠳᠡᠢ᠌ᠯᠳᠡᠭ᠌ ᠦᠭᠡᠶ ᠪᠣᠯᠬᠤᠷ ᠪᠦᠳᠦᠭᠦᠨ ᠴᠢᠳᠠᠯ ᠲᠡᠶ ᠱᠠᠷ ᠤᠳ ᠢ ᠠᠪᠴᠢᠷᠠᠨ ᠠᠴᠢᠶᠠ ᠪᠠᠨ ᠵᠢᠳᠭᠦᠭᠦᠯᠦᠨᠡ᠃ ᠡᠭᠦᠨ ᠡᠴᠠ ᠠᠯᠢ ᠠᠢ᠌ᠯ ᠤᠨ ᠭᠡᠨ ᠭᠡᠨ ᠤ ᠱᠠᠷ ᠭᠡᠵᠤ ᠱᠠᠷ ᠤᠨ ᠮᠠᠭᠳᠠᠭᠠᠯ ᠭᠠᠷᠴᠤ᠂ ᠬᠠᠭᠤᠴᠢᠨ ᠥᠭᠡᠯᠡᠳ ᠤᠨ ᠮᠤᠷᠢ ᠣᠷᠤᠯᠳᠤᠭᠠᠨ ᠳᠤ ᠳᠦᠷᠦᠭᠦᠯᠵᠤ᠂ ᠱᠠᠷ ᠤᠳ ᠨᠢ ᠳᠠᠪᠠᠭᠠᠨ ᠳᠤ ᠣᠷᠣᠢ᠌ᠯᠠᠳᠠᠭ ᠭᠡᠰᠡᠨ ᠥᠭᠡ ᠦᠯᠠᠳᠠᠵᠠᠢ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠧᠡᠩᠭᠢ ᠶᠢᠨ ᠳᠸᠯᠸᠢᠰ ᠬᠤᠷᠢᠶᠠ
ᠵᠤᠬᠢᠶᠠᠭᠴᠢ᠄ ᠥᠭᠡᠯᠡᠳ·ᠵᠠᠮᠰᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠤᠶᠤᠯ ᠣᠷᠠᠯᠢᠭᠳᠠᠷᠤᠮ᠄ 7462
ᠴᠠᠭ᠄ 2012 ᠤᠨ ᠤ 03 ᠰᠠᠷᠠ ᠶᠢᠨ 30
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ