☆ ᠨᠠ᠊·ᠬᠦᠬᠡᠰᠢᠭᠤᠢ
ᠪᠢ ᠮᠤᠩᠭᠤᠯ
ᠳᠠᠭᠤᠳᠠᠬᠤ ᠡᠴᠡ ᠨᠠᠷᠠ ᠮᠢᠨᠢ ᠮᠤᠩᠭ᠋ᠤᠯ
ᠳᠤᠷᠠᠯᠠᠬᠤ ᠡᠴᠡ ᠬᠠᠢ᠌ᠷᠠ ᠮᠢᠨᠢ ᠮᠤᠩᠭ᠋ᠤᠯ
ᠣᠭᠢᠯᠠᠬᠤ ᠳᠤ ᠨᠢᠯᠪᠣᠰᠤ ᠮᠢᠨᠢ ᠮᠤᠩᠭ᠋ᠤᠯ
ᠠᠭᠤᠷᠯᠠᠬᠤ ᠳᠤ ᠰᠡᠭᠦᠷᠡᠰᠤ ᠮᠢᠨᠢ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠥᠭᠡᠢ᠌ᠭᠦᠤ ᠶᠠᠳᠠᠭᠤ ᠭᠠᠷᠤᠯ ᠮᠢᠨᠢ ᠮᠤᠩᠭ᠋ᠤᠯ
ᠦᠨᠡᠠᠴᠢ ᠰᠢᠳᠤᠷᠭᠤ ᠠᠪᠣᠷᠢ ᠮᠢᠨᠢ ᠮᠤᠩᠭ᠋ᠤᠯ
ᠡᠪᠠᠰᠤ ᠢᠳᠡᠳᠡᠭ᠌ ᠥᠭᠡᠷ ᠮᠢᠨᠢ ᠮᠤᠩᠭ᠋ᠤᠯ
ᠦᠨᠡᠨ ᠶᠢᠡᠨ ᠭᠡᠯᠡᠳᠡᠭ᠌ ᠨᠥᠭᠦᠷ ᠮᠢᠨᠢ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠳᠠᠨᠠᠨ ᠴᠠᠭᠠᠨ ᠭᠡᠷ ᠮᠢᠨᠢ ᠮᠤᠩᠭ᠋ᠤᠯ
ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠮᠢᠨᠢ ᠮᠤᠩᠭ᠋ᠤᠯ
ᠳᠠᠯᠠ ᠳᠤ ᠣᠨᠠᠭᠰᠠᠨ ᠵᠢᠪᠠᠷ ᠮᠢᠨᠢ ᠮᠤᠩᠭ᠋ᠤᠯ
ᠳᠠᠭᠠᠨᠠ ᠳᠡᠭᠡᠷᠡ ᠬᠤᠨᠤᠭᠰᠠᠨ ᠰᠢᠭᠦᠳᠡᠷᠢ ᠮᠢᠨᠢ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠳᠡᠭ᠍ᠷᠢ ᠳᠡᠭᠡᠷᠡ ᠢᠨᠢᠶᠡᠭ᠍ᠰᠡᠨ ᠨᠠᠷᠠ ᠨᠢ ᠮᠤᠩᠭ᠋ᠤᠯ
ᠳᠡᠮᠡᠭᠡᠨ ᠳᠡᠭᠡᠷᠡ ᠣᠶᠠᠷᠠᠭᠰᠠᠨ ᠰᠠᠷᠠ ᠨᠢ ᠮᠤᠩᠭ᠋ᠤᠯ
ᠳᠤᠰᠴᠤ ᠠᠪᠣᠭᠰᠠᠨ ᠭᠠᠷ ᠨᠢ ᠮᠤᠩᠭ᠋ᠤᠯ
ᠳᠠᠪᠠᠷᠢᠵᠤ ᠥᠯᠦᠭᠡᠢ᠌ᠳᠡᠭ᠍ᠰᠡᠨ ᠰᠢᠷᠤᠢ ᠨᠢ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠬᠠᠯᠠᠰᠪᠠᠯ ᠳᠠᠭᠤᠯᠠᠳᠠᠭ ᠵᠠᠩ ᠮᠢᠨᠢ ᠮᠤᠩᠭ᠋ᠤᠯ
ᠬᠠᠨᠢᠶᠠᠪᠠᠯ ᠠᠶᠤᠳᠠᠭ ᠰᠡᠵᠢᠭ᠌ ᠮᠢᠨᠢ ᠮᠤᠩᠭ᠋ᠤᠯ
ᠰᠤᠭᠳᠤᠪᠠᠯ ᠬᠤᠨᠤᠳᠠᠭ ᠠᠢ᠌ᠯ ᠮᠢᠨᠢ ᠮᠤᠩᠭ᠋ᠤᠯ
ᠰᠡᠷᠭᠦᠪᠠᠯ ᠣᠯᠠᠢ᠌ᠳᠠᠭ ᠨᠢᠭᠤᠷ ᠮᠢᠨᠢ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠳᠡᠨᠡᠭ᠌ ᠴᠠᠰᠤ ᠲᠡᠶ ᠡᠪᠦᠯ ᠮᠢᠨᠢ ᠮᠤᠩᠭ᠋ᠤᠯ
ᠮᠠᠨᠠᠨ ᠪᠣᠷᠤᠭᠠᠨ ᠲᠡᠶ ᠵᠤᠨ ᠮᠢᠨᠢ ᠮᠤᠩᠭ᠋ᠤᠯ
ᠳᠡᠭ᠍ᠷᠢᠯᠢᠭ᠌ ᠴᠢᠰᠤ ᠲᠡᠶ ᠣᠳᠤᠮ ᠮᠢᠨᠢ ᠮᠤᠩᠭ᠋ᠤᠯ
ᠮᠥᠰᠦᠯᠢᠭ᠌ ᠶᠠᠰᠤ ᠲᠡᠶ ᠬᠣᠢ᠌ᠴᠢ ᠮᠢᠨᠢ ᠮᠤᠩᠭᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠭᠡᠭᠡ ᠣᠷᠤᠭᠠᠳᠤᠢ ᠰᠦᠨᠢ ᠮᠢᠨᠢ ᠮᠤᠩᠭ᠋ᠤᠯ
ᠳᠦᠭᠦᠭᠡ ᠣᠷᠤᠭᠠᠳᠤᠢ ᠰᠦᠷ ᠮᠢᠨᠢ ᠮᠤᠩᠭ᠋ᠤᠯ
ᠰᠥᠭᠡᠨ ᠳᠤ ᠨᠤᠭᠤᠷᠠᠬᠤ ᠦᠭᠡᠶ ᠵᠤᠷᠢᠭ ᠮᠢᠨᠢ ᠮᠤᠩᠭ᠋ᠤᠯ
ᠥᠭᠡᠨ ᠳᠤ ᠬᠤᠭᠤᠷᠠᠬᠤ ᠦᠭᠡᠶ ᠣᠮᠤᠭ ᠮᠢᠨᠢ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠦᠯᠮᠡᠢ ᠶᠢ ᠰᠢᠪᠠᠭ᠍ᠰᠡᠨ ᠥᠷᠭᠦᠭᠡᠰᠤ ᠮᠢᠨᠢ ᠮᠤᠩᠭ᠋ᠤᠯ
ᠡᠷᠦᠭᠡ ᠶᠢ ᠳᠠᠳᠠᠭᠰᠠᠨ ᠪᠦᠰᠡᠭᠦᠢ ᠮᠢᠨᠢ ᠮᠤᠩᠭ᠋ᠤᠯ
ᠥᠭᠡᠢ᠌ᠷᠡᠴᠢᠭᠡᠪᠡᠴᠤ ᠭᠡᠷ ᠮᠢᠨᠢ ᠮᠤᠩᠭ᠋ᠤᠯ
ᠥᠭᠦᠴᠢᠭᠡᠪᠠᠴᠤ ᠶᠠᠰᠤ ᠮᠢᠨᠢ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠥᠯᠦᠭᠡᠢ ᠳᠡᠭᠡᠷᠡ ᠬᠤᠴᠤᠷᠤᠭᠰᠠᠨ ᠳᠤᠤᠯᠢᠰ ᠮᠢᠨᠢ ᠮᠤᠩᠭ᠋ᠤᠯ
ᠳᠡᠯᠡᠭᠡᠢ ᠳᠡᠭᠡᠷᠡ ᠰᠠᠴᠤᠷᠠᠭᠰᠠᠨ ᠣᠢ᠌ᠯᠠᠰ ᠮᠢᠨᠢ ᠮᠤᠩᠭ᠋ᠤᠯ
ᠳᠢᠪ ᠰᠤᠠᠳᠤᠯᠠᠭᠰᠠᠨ ᠵᠡᠭᠦᠳᠤ ᠮᠢᠨᠢ ᠮᠤᠩᠭ᠋ᠤᠯ
ᠢᠪ ᠳᠠᠷᠤᠭᠤᠯᠤᠭᠰᠠᠨ ᠡᠭᠦᠳᠡ ᠮᠢᠨᠢ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠮᠤᠷᠳᠠᠭᠠᠤᠨ ᠭᠠᠷᠬᠤ ᠳᠤ ᠭᠦᠯᠦᠭ᠌ ᠮᠢᠨᠢ ᠮᠤᠩᠭ᠋ᠤᠯ
ᠮᠥᠴᠡᠯᠯᠡᠭᠡᠤᠨ ᠪᠢᠴᠢᠭᠦ ᠳᠤ ᠰᠢᠯᠦᠭ᠌ ᠮᠢᠨᠢ ᠮᠤᠩᠭ᠋ᠤᠯ
ᠮᠥᠷᠳᠡᠭᠡᠤᠨ ᠪᠣᠳᠤᠬᠤ ᠳᠤ ᠴᠢᠩᠭᠢᠰ ᠤᠨ ᠮᠤᠩᠭ᠋ᠤᠯ
ᠮᠥᠩᠭᠡ ᠳᠡᠭ᠍ᠷᠢ ᠶᠢᠨ ᠮᠤᠩᠭ᠋ᠤᠯ ᠤᠨ ᠮᠤᠩᠭ᠋ᠤᠯ
ᠮᠤᠩᠭ᠋ᠤᠯ ᠮᠤᠩᠭ᠋ᠤᠯ᠂ ᠪᠢ ᠮᠤᠩᠭ᠋ᠤᠯ
ᠪᠣᠳᠤᠪᠠᠯ ᠪᠢ ᠮᠤᠩᠭ᠋ᠤᠯ
ᠪᠣᠳᠤᠬᠤ ᠦᠭᠡᠶ ᠪᠣᠯᠪᠠᠴᠤ ᠪᠢ ᠮᠤᠩᠭ᠋ᠤᠯ
ᠪᠦᠷᠳᠡ ᠴᠢᠨ᠋ᠸᠠ ᠶᠢᠨ ᠮᠤᠩᠭ᠋ᠤᠯ
ᠪᠦᠭᠦᠳᠡ ᠨᠠᠢ᠌ᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠤᠨ ᠣᠯᠤᠰ ᠤᠨ ᠮᠤᠩᠭ᠋ᠤᠯ ᠡ︕
ᠵᠤᠬᠢᠶᠠᠭᠴᠢ᠄ ᠨᠠ᠊·ᠬᠦᠬᠡᠰᠢᠭᠤᠢ
ᠢᠷᠡᠯᠲᠡ᠄ ᠵᠤᠬᠢᠶᠠᠭᠴᠢ ᠡᠴᠡ ᠬᠠᠩᠭᠠᠪᠠ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 5284
ᠴᠠᠭ᠄ 2005 ᠤᠨ ᠤ 06 ᠰᠠᠷᠠ ᠶᠢᠨ 30
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ