☆ ᠯ·ᠣᠳᠤᠨ
ᠠᠩᠬᠠᠨ ᠤ ᠰᠦᠨᠢ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠠᠭᠴᠠᠭᠠᠷ ᠣᠩᠰᠢᠬᠤ ᠰᠢᠯᠦᠭ᠌
ᠰᠠᠯᠭᠢᠨ ᠤ ᠠᠭᠠᠰᠢ ᠶᠢ ᠭᠡᠵᠢᠭᠡᠨ ᠡᠴᠡ ᠴᠢᠨᠢ ᠰᠠᠮᠨᠠᠨ ᠬᠤᠷᠤᠭᠤᠨ ᠳᠤ ᠪᠠᠨ ᠵᠡᠭᠦᠯᠭᠡᠯᠡ
ᠰᠠᠷᠠᠨ ᠤ ᠠᠮᠳᠠ ᠶᠢ ᠣᠷᠤᠭᠤᠯ ᠡᠴᠡ ᠴᠢᠨᠢ ᠰᠢᠮᠠᠨ ᠭᠡᠯᠡᠨ ᠳᠤ ᠪᠠᠨ ᠠᠮᠳᠠᠯᠠᠯᠠ
ᠰᠠᠢ᠌ᠬᠠᠨ ᠦᠳᠡᠰᠢ ᠶᠢ ᠬᠠᠷᠠᠴᠠᠨ ᠳᠤ ᠴᠢᠨᠢ ᠬᠤᠨᠤᠭᠠᠨ ᠭᠡᠷᠡᠯ ᠡᠴᠡ ᠬᠠᠷᠠᠮᠨᠠᠯᠠ
ᠰᠠᠷᠠᠨᠠᠢ ᠴᠡᠴᠡᠭ᠌ ᠤᠨ ᠦᠨᠦᠷ ᠲᠤ ᠰᠤᠭᠳᠤᠨ ᠣᠳᠤᠳ ᠭᠠᠵᠠᠷ ᠲᠤ ᠠᠰᠬᠠᠷᠠᠯᠠ
ᠭᠦᠷᠮᠡᠨ ᠤ ᠳᠤᠪᠴᠢᠰ ᠠᠯᠳᠠᠷᠠᠬᠤ ᠴᠢᠮᠡᠭᠡ ᠪᠠᠷ ᠰᠦᠨᠢ ᠢᠴᠢᠨ ᠨᠢᠳᠤ ᠪᠠᠨ ᠠᠨᠢᠯᠠ
ᠭᠦᠷᠡᠩ ᠵᠢᠷᠦᠭᠡᠨ ᠤ ᠰᠢᠪᠠᠨᠡᠭᠡ ᠴᠢᠩᠨᠠᠨ ᠰᠢᠭᠦᠳᠡᠷᠢ ᠭᠦᠯᠦᠷᠡᠵᠤ ᠨᠢᠭᠤᠷ ᠶᠢᠡᠨ ᠪᠦᠳᠡᠭᠡᠯᠡ
ᠭᠡᠦᠭᠡᠨ ᠳᠠᠯᠪᠢ ᠶᠢᠨ ᠵᠠᠳᠠᠷᠠᠬᠤ ᠠᠨᠢᠷ ᠶᠢᠡᠷ ᠡᠭᠦᠯᠡᠰ ᠢᠷᠠᠭᠳᠠᠨ ᠶᠢᠷᠳᠢᠠᠴᠤ ᠴᠤᠭᠤᠷᠤᠯᠠ
ᠭᠦᠮᠤᠨ ᠶᠤᠰᠤᠨ ᠤ ᠨᠢᠭᠤᠴᠠ ᠰᠡᠭᠦᠭ᠍ᠳᠡᠨ ᠡᠮᠨᠢᠭ᠌ ᠪᠠᠶᠠ ᠪᠠᠨ ᠴᠡᠴᠡᠭ᠌ ᠳᠡᠭᠡᠷᠡ ᠭᠡᠭᠡᠯᠡ
ᠵᠤᠨ ᠤ ᠥᠩᠭᠡ ᠶᠢ ᠨᠤᠭᠤᠭᠠᠨ ᠶᠢᠡᠷ ᠨᠢ ᠬᠠᠳᠠᠭᠠᠯᠠᠨ ᠠᠯᠴᠢᠭᠤᠷ ᠶᠢᠡᠨ ᠪᠣᠳᠤᠯᠠ
ᠵᠠᠭᠤᠷᠠᠳᠤ ᠶᠢᠨ ᠵᠢᠷᠭᠠᠯ ᠶᠢᠡᠨ ᠭᠡᠭᠡᠷᠡ ᠡᠴᠡ ᠳᠡᠭᠦᠨ ᠰᠡᠳᠭᠢᠯ ᠳᠤ ᠪᠠᠨ ᠳᠠᠷᠢᠯᠠ
ᠵᠢᠷᠤᠭ ᠤᠨ ᠨᠢᠴᠦᠭᠦᠨ ᠪᠠᠶᠠ ᠶᠢ ᠴᠢᠨᠢ ᠳᠠᠪᠠᠷᠢᠨ ᠪᠣᠯᠭᠢᠯᠠᠭᠰᠠᠨ ᠵᠢᠷᠦᠭᠡ ᠪᠠᠨ ᠠᠷᠭᠠᠳᠠᠯᠠ
ᠵᠡᠭᠦᠳᠤᠨ ᠭᠤᠸᠠ ᠵᠢᠰᠤᠨ ᠳᠤ ᠴᠢᠨᠢ ᠣᠨᠠᠨ ᠳᠤᠷᠠᠯᠠᠯ ᠤᠨ ᠴᠢᠯᠠᠭᠤᠨ ᠳᠤ ᠪᠦᠳᠦᠷᠢᠯᠡ
ᠬᠠᠢ᠌ᠷᠠ ᠶᠢᠨ ᠢᠯᠴᠢᠨ ᠳᠤ ᠭᠠᠷ ᠶᠢᠡᠨ ᠳᠦᠭᠡᠨᠡᠭᠦᠯᠵᠤ ᠭᠡᠭᠡ ᠶᠢ ᠮᠠᠷᠳᠠᠨ ᠨᠢᠯᠬᠠᠷᠠᠯᠠ
ᠬᠠᠨᠢ ᠶᠢᠨ ᠵᠠᠶᠠᠭᠠᠨ ᠳᠤ ᠨᠠᠰᠤ ᠪᠠᠨ ᠴᠢᠮᠠᠯᠠᠨ ᠴᠠᠭ ᠢ ᠣᠶᠠᠮᠠᠷ ᠰᠠᠨᠠᠭᠳᠠᠯᠠ
ᠬᠠᠯᠠᠭᠤᠨ ᠢᠨᠠᠭ ᠤᠨ ᠭᠠᠯ ᠳᠤ ᠬᠠᠢ᠌ᠯᠵᠤ ᠳᠦᠳᠡᠭ᠌ ᠪᠣᠯᠤᠨ ᠨᠤᠴᠤᠯᠠ
ᠬᠠᠷᠠᠩᠭ᠋ᠤᠢ ᠶᠢᠨ ᠳᠤᠮᠳᠠ ᠬᠤᠶᠠᠭᠤᠯᠬᠠᠨ ᠳᠤᠭᠳᠤᠯᠤᠨ ᠳᠤᠯᠪᠣ ᠪᠣᠯᠤᠨ ᠠᠭᠤᠰᠤᠯᠠ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠨᠠᠭᠤᠷ ᠮᠤᠵᠢ ᠣᠯᠠᠭᠠᠨ ᠰᠢᠶᠠᠨ
ᠵᠤᠬᠢᠶᠠᠭᠴᠢ᠄ ᠯ·ᠣᠳᠤᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2668
ᠴᠠᠭ᠄ 2012 ᠤᠨ ᠤ 11 ᠰᠠᠷᠠ ᠶᠢᠨ 22
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ