☆ ᠰ·ᠪᠠᠳᠤᠪᠠᠶᠠᠷ
ᠮᠤᠩᠭ᠋ᠤᠯ ᠵᠠᠶᠠᠭᠠ
ᠣᠯᠠᠭᠠᠨ ᠴᠢᠷᠠᠢ
ᠰᠦ᠋ ᠲᠡᠶ ᠴᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠠᠭᠤᠳᠠᠮ ᠳᠠᠯᠠ ᠳ᠋ᠤ
ᠠᠳᠤᠭᠤᠨ ᠤ ᠭᠦᠯᠦᠰᠤ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠣᠷᠭᠠ ᠶᠢᠨ ᠥᠵᠦᠭᠦᠷ ᠳᠤ
ᠣᠷᠳᠤ ᠶᠢᠨ ᠳᠠᠭᠤᠤ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠣᠰᠤᠨ ᠤ ᠭᠦᠪᠠᠭᠡᠨ ᠳ᠋ᠤ
ᠢᠨᠠᠭ ᠤᠨ ᠪᠣᠯᠵᠤᠭᠠ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠰᠢᠭᠤᠷᠭᠠ ᠵᠦᠷᠢᠵᠤ
ᠰᠢᠷᠪᠣᠰᠤ ᠬᠠᠳᠠᠭᠤᠷᠠᠭᠰᠠᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠰᠥᠰᠦᠭ᠌ ᠳᠠᠭᠠᠳᠬᠠᠵᠤ
ᠰᠠᠨᠠᠭᠠ ᠴᠠᠳᠬᠤᠯᠠᠩ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠰᠦᠷᠦᠭ᠌ ᠤᠨ ᠬᠠᠵᠠᠭᠤ ᠳ᠋ᠤ
ᠰᠡᠳᠭᠢᠯ ᠳᠡᠨᠢᠭᠡᠷ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠰᠦᠮᠡ ᠶᠢᠨ ᠡᠭᠦᠳᠡᠨ ᠳ᠋ᠤ
ᠢᠳᠡᠭᠡᠯ ᠳᠦᠭᠦᠷᠡᠩ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠪᠣᠷᠤᠬᠠᠨ ᠭᠤᠪᠢ ᠳ᠋ᠡᠭᠡᠨ
ᠡᠵᠡᠨ ᠤ ᠣᠮᠤᠭ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠪᠣᠱᠤᠭᠠ ᠡᠴᠡ ᠪᠠᠨ ᠦᠷᠭᠦᠯᠵᠢᠯᠡᠭ᠍ᠰᠡᠨ
ᠴᠡᠴᠡᠭ᠌ ᠤᠨ ᠢᠨᠢᠶᠠᠳᠤ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠪᠣᠯᠳᠠᠭ ᠪᠦᠳᠦᠳᠡᠭ᠌ ᠵᠢᠠᠨ
ᠪᠣᠰᠤᠳ ᠲᠤ ᠡᠷᠭᠦᠭ᠍ᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠪᠣᠰᠤᠭᠠ ᠳᠡᠦᠭᠡ ᠪᠠᠨ
ᠬᠠᠭᠤᠳᠠᠰᠤᠨ ᠳᠤ ᠬᠠᠳᠠᠭᠰᠠᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠤᠶᠠᠷ ᠢᠳᠡᠭᠦ ᠥᠭᠡᠢ
ᠳᠠᠷᠭᠤᠨ ᠰᠠᠨᠠᠭᠠ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠤᠭᠤᠰᠤᠨ ᠬᠤᠨᠤᠬᠤ ᠥᠭᠡᠢ
ᠳᠠᠯᠠ ᠶᠢᠨ ᠠᠳᠠᠯ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠤᠳᠠ ᠳᠦᠭᠦᠷᠡᠩ
ᠮᠠᠯ ᠤᠨ ᠭᠡᠰᠢᠭ᠌ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠣᠢ᠌ᠷᠮᠤᠭ ᠡᠴᠡ ᠴᠤ ᠢᠯᠡᠭᠦᠤ
ᠵᠥᠭᠡᠯᠡᠨ ᠰᠡᠳᠭᠢᠯ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠮᠠᠯ ᠳᠠᠭᠠᠨ ᠶᠠᠪᠣᠬᠤ ᠳ᠋ᠤ
ᠮᠡᠳᠡᠳᠡᠭ᠌ ᠭᠠᠭᠴᠠ ᠳᠠᠭᠤᠤ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠮᠠᠨᠢ ᠳᠤᠭᠠᠯᠠᠬᠤ ᠳ᠋ᠠᠭᠠᠨ
ᠮᠡᠳᠡᠳᠡᠭ᠌ ᠦᠭᠡᠶ ᠣᠯᠠᠨ ᠠᠪᠢᠶᠠ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠮᠢᠬᠠ ᠢᠳᠡᠭᠦ ᠳ᠋ᠡᠭᠡᠨ
ᠶᠠᠰᠤ ᠴᠡᠪᠠᠷᠭᠡᠨ ᠮᠥᠯᠵᠢᠳᠡᠭ᠌
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠮᠠᠨᠠᠭᠠ ᠳᠤ ᠭᠠᠷᠬᠤ ᠳ᠋ᠠᠭᠠᠨ
ᠭᠠᠯ ᠶᠢᠡᠨ ᠴᠤᠭ ᠲᠡᠶ ᠬᠤᠨᠤᠭᠤᠯᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠨᠠᠷᠠᠨ ᠤ ᠳᠤᠶᠠᠭᠠ ᠳ᠋ᠤ
ᠴᠢᠷᠠᠢ ᠨᠢ ᠬᠠᠷᠠᠯᠠᠭᠰᠠᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠨᠠᠪᠴᠢᠨ ᠰᠢᠭᠦᠳᠡᠷᠢ ᠡᠴᠡ
ᠴᠡᠩᠭ᠋ᠠ ᠳᠠᠢ᠌ᠯᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠨᠠᠰᠤ ᠪᠠᠭᠠ ᠪᠠᠷ ᠵᠢᠠᠨ
ᠡᠪᠦᠭᠡᠷᠡᠵᠤ ᠣᠤᠠᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠨᠠᠢ᠌ᠷ ᠤᠨ ᠶᠡᠭᠡ ᠳ᠋ᠤ
ᠭᠡᠢ᠌ᠷᠭᠡᠵᠤ ᠣᠤᠠᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠤᠯᠠ ᠪᠠᠢ᠌ᠪᠠᠯ
ᠮᠥᠭᠡᠷᠡᠯᠳᠦᠵᠤ ᠰᠠᠨᠠᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠠᠵᠠᠭᠤ ᠳ᠋ᠤᠨᠢ ᠪᠠᠢ᠌ᠪᠠᠯ
ᠮᠦᠷᠭᠦᠯᠳᠦᠵᠤ ᠰᠠᠯᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠤᠷᠢᠮ ᠭᠢᠪᠠᠯ
ᠬᠤᠳᠠ ᠪᠠᠨ ᠬᠤᠭᠤᠰᠤᠯᠠᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠤᠷᠠᠯ ᠭᠢᠪᠠᠯ
ᠴᠤᠪᠣᠷᠠᠯᠳᠤᠨ ᠢᠷᠡᠳᠡᠭ᠌
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠠᠷᠠ ᠠᠮᠢ ᠪᠠᠨ
ᠬᠠᠮᠳᠤ ᠨᠠᠢ᠌ᠳᠠ ᠳᠡᠭᠡᠨ ᠭᠡᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠠᠯᠠᠭᠤᠨ ᠭᠤᠯᠤᠮᠳᠠ ᠪᠠᠨ
ᠬᠠᠢ᠌ᠷᠠᠳᠤ ᠨᠤᠳᠤᠭ ᠲᠠᠭᠠᠨ ᠭᠡᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠠᠳᠠᠭᠤ ᠵᠤᠷᠢᠭ ᠵᠢᠠᠨ
ᠳᠡᠦᠭᠡ ᠳᠤ ᠣᠨᠢᠰᠤᠯᠠᠭᠰᠠᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠠᠷᠪᠣᠬᠤ ᠨᠤᠮᠤ ᠪᠠᠨ
ᠳᠠᠷᠠᠮ① ᠳᠤ ᠡᠯᠭᠦᠭ᠍ᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠤᠨᠢ ᠪᠠᠨ ᠬᠠᠷᠢᠭᠤᠯᠳᠠᠭ
ᠪᠣᠷᠤᠭᠵᠢᠭᠤᠨ ᠠᠮᠢᠳᠤᠷᠠᠯ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠣᠢ᠌ᠷᠮᠤᠭ ᠶᠢᠡᠨ ᠣᠤᠭᠤᠳᠠᠭ
ᠪᠦᠳᠦᠨ ᠰᠠᠨᠠᠭᠠ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠣᠢ᠌ᠨᠠᠭᠢ ᠪᠠᠨ ᠪᠣᠳᠤᠳᠠᠭ ᠥᠭᠡᠢ
ᠭᠡᠨᠡᠨ ᠣᠬᠠᠭᠠᠨ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠬᠤᠯᠵᠢᠭᠰᠠᠨ ᠶᠢᠡᠨ ᠡᠨᠡᠷᠢᠳᠡᠭ᠌ ᠥᠭᠡᠢ
ᠪᠣᠷᠬᠠᠨ ᠰᠠᠨᠠᠭᠠ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠰᠤᠶᠤᠯᠵᠢᠭᠰᠠᠨ ᠨᠢ ᠣᠭ ᠶᠢᠡᠨ ᠮᠠᠷᠳᠠᠭᠰᠠᠨ
ᠳᠡᠭᠡᠭᠦᠷ ᠰᠠᠨᠠᠭᠠ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠰᠤᠭᠳᠤᠭᠠᠤᠨ ᠦᠨᠳᠦᠰᠦ ᠪᠠᠨ ᠮᠠᠯᠳᠠᠭᠰᠠᠨ
ᠳᠠᠯᠳᠠᠷ ᠣᠬᠠᠭᠠᠨ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠪᠠᠶᠠᠨ ᠨᠢ ᠬᠠᠳᠠᠭᠤᠴᠢ ᠪᠦᠯᠳᠡᠭ
ᠦᠯᠦᠰᠭᠦᠯᠡᠩ ᠰᠠᠨᠠᠭᠠ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠶᠠᠳᠠᠭᠤ ᠨᠢ ᠥᠭᠯᠢᠭ᠍ᠴᠢ ᠪᠣᠯᠳᠠᠭ
ᠴᠠᠳᠬᠤᠯᠠᠩ ᠰᠡᠳᠭᠢᠯ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠨᠤᠶᠠᠨ ᠨᠢ ᠨᠢᠷᠤᠭᠤ ᠪᠠᠨ ᠡᠭᠦᠷᠡᠭ᠍ᠰᠡᠨ
ᠪᠦᠳᠦᠭᠦᠨ ᠭᠡᠪᠠᠯᠢ ᠲᠡᠶ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠨᠤᠮᠤᠬᠠᠨ ᠨᠢ ᠨᠤᠭᠳᠤ ᠪᠠᠨ ᠡᠭᠦᠷᠳᠡᠭ᠌
ᠶᠠᠪᠠᠭᠠᠨ ᠮᠦᠷ ᠳᠠᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠦᠪᠡᠷ ᠤᠨ ᠶᠠᠭᠤᠮᠠ ᠪᠠᠨ
ᠡᠯᠡᠰᠤᠨ ᠳᠤ ᠪᠣᠳᠤᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠦᠷᠦᠭᠡᠯ ᠤᠨ ᠶᠠᠭᠤᠮᠠ ᠵᠢ
ᠠᠯᠳᠠᠨ ᠳᠤ ᠪᠣᠳᠤᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠥᠭᠡᠳᠡᠯᠡᠨ ᠳᠡᠪᠰᠢᠭ᠍ᠰᠡᠳ ᠲᠡᠭᠡᠨ
ᠠᠳᠠᠭᠠᠷᠬᠠᠨ ᠰᠠᠭᠤᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠣᠷᠤᠭᠤᠳᠠᠵᠤ ᠳᠤᠷᠣᠢ᠌ᠳᠠᠭᠰᠠᠤᠨ ᠵᠢᠠᠨ
ᠡᠯᠡᠭᠯᠡᠨ ᠶᠠᠪᠣᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠥᠭᠦᠭ᠍ᠰᠡᠨ ᠵᠢᠠᠨ
ᠰᠠᠢ᠌ᠨ ᠭᠡᠳᠡᠭ᠌
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠥᠭᠡᠢ᠌ᠷᠡᠭ᠍ᠰᠡᠨ ᠵᠢᠠᠨ
ᠮᠠᠭᠤ ᠭᠡᠳᠡᠭ᠌
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠦᠨᠡᠨ ᠶᠢᠡᠨ ᠭᠡᠯᠡᠵᠤ
ᠪᠠᠯᠡᠨ ᠶᠢᠡᠨ ᠢᠳᠡᠭ᠍ᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠥᠭᠡᠷ ᠶᠢᠡᠨ ᠣᠨᠤᠵᠤ
ᠳᠠᠤᠯᠠᠢ ᠭᠦᠭᠡᠭᠡᠭ᠍ᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠠᠳᠬᠤᠨ ᠳ᠋ᠠᠭᠢ ᠶᠠᠭᠤᠮᠠ ᠪᠠᠨ
ᠡᠷᠭᠢᠮᠨᠡᠵᠤ ᠰᠠᠨᠠᠳᠠᠭ ᠥᠭᠡᠢ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠠᠯᠳᠠᠵᠤ ᠬᠤᠴᠤᠷᠤᠭᠠᠤᠨ
ᠬᠠᠷᠠᠮᠰᠠᠨ ᠰᠠᠭᠤᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠠᠪᠣ ᠶᠢᠨ ᠶᠢᠡᠨ ᠰᠠᠢ᠌ᠨ ᠵᠢᠡᠷ
ᠭᠦᠮᠤᠨ ᠳᠠᠨᠢᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠠᠭᠳᠠ ᠶᠢᠨ ᠰᠠᠢ᠌ᠨ ᠵᠢᠠᠷ
ᠭᠠᠵᠠᠷ ᠳᠠᠨᠢᠳᠠᠭ
ᠮᠢᠨᠤ ᠮᠤᠩᠭ᠋ᠤᠯ ᠵᠠᠶᠠᠭᠠ
ᠮᠠᠭᠤ ᠪᠠᠨ ᠭᠡᠯᠡᠪᠠᠯ
ᠰᠡᠢ᠌ᠨ ᠨᠢ ᠢᠷᠠᠨᠠ ᠭᠡᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠰᠡᠳᠭᠢᠯ
ᠮᠦᠨᠳᠤᠷ ᠲᠤ ᠴᠤᠭᠢᠭᠤᠯᠪᠠᠯ
ᠲ᠋ᠠᠭᠠᠷᠬᠤ ᠪᠠᠨ ᠮᠠᠳᠠᠨᠠ ᠭᠡᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠢᠳᠡᠭᠡᠯ
ᠮᠤᠷᠢᠨ ᠡᠴᠡ ᠪᠠᠨ ᠪᠠᠭᠤᠵᠤ
ᠮᠠᠠᠳᠤᠯᠴᠠᠵᠤ ᠶᠠᠪᠣᠶᠠ ᠭᠡᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠰᠠᠨᠠᠭᠠ
ᠮᠥᠩᠭᠡ ᠭᠠᠯ ᠵᠢᠠᠨ
ᠡᠭᠦᠷᠢᠳᠡ ᠳᠦᠷᠡᠯᠵᠢᠭᠦᠯᠦᠶᠡ ᠭᠡᠰᠡᠨ
ᠮᠢᠨᠤ ᠮᠤᠩᠭ᠋ᠤᠯ ᠭᠦᠰᠡᠯ ᠡ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠠᠵᠢᠶᠠᠩ ᠪᠠᠶᠠᠠᠭᠤᠤᠯ ᠵᠸᠤ ᠶᠢᠨ ᠳᠸᠯᠸᠰ ᠬᠤᠷᠢᠶᠠ
ᠵᠤᠬᠢᠶᠠᠭᠴᠢ᠄ ᠰ·ᠪᠠᠳᠤᠪᠠᠶᠠᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2631
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 20
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ