☆ ᠪᠣᠷᠵᠢᠭᠢᠨ·ᠮᠥᠩᠭᠡᠤ᠋ᠳᠽᠡᠷ
ᠭᠦᠳᠡᠭᠡ ᠶᠢᠨ ᠰᠠᠷᠠ
ᠭᠦᠭᠡ ᠮᠥᠩᠭᠦᠨ ᠳᠡᠭ᠍ᠷᠢ ᠨᠢ
ᠭᠦᠳᠡᠩ ᠦᠭᠡᠶ ᠴᠡᠯᠮᠡᠭᠦᠨ ᠳᠡᠭᠡᠨ ᠦᠦ︖
ᠭᠦᠪᠴᠢ ᠬᠠᠩᠭ᠋ᠠᠢ ᠶᠢᠨ ᠦᠳᠡᠰᠢ
ᠥᠢᠮᠡᠭᠡᠨ ᠦᠭᠡᠶ ᠨᠠᠮᠵᠢᠭᠤᠨ ᠳᠠᠭᠠᠨ ᠦᠦ︖
ᠭᠦᠮᠤᠨ ᠤ ᠭᠠᠵᠠᠷ ᠤᠨ ᠰᠠᠷᠠ
ᠠᠷᠪᠠᠨ ᠵᠢᠷᠭᠤᠭᠠᠨ ᠳᠠᠭᠠᠨ ᠳᠡᠷᠭᠡᠯᠰᠢᠳᠡᠭ᠌ ᠪᠣᠯ
ᠭᠦᠳᠡᠭᠡ ᠨᠤᠳᠤᠭ ᠤᠨ ᠮᠢᠨᠢ ᠰᠠᠷᠠ
ᠠᠷᠪᠠᠨ ᠳᠠᠪᠤᠨ ᠳᠠᠭᠠᠨ ᠴᠤ ᠳᠡᠷᠭᠡᠯ ᠶᠤᠮ
ᠠᠭᠳᠠ ᠭᠦᠯᠦᠭ᠌ ᠮᠤᠷᠢᠨ ᠤ ᠪᠠᠨ
ᠠᠯᠬᠤᠭᠠ ᠰᠠᠢ᠌ᠪᠣᠷ ᠢ ᠳᠡᠩᠨᠡᠭᠦᠯᠤᠨ
ᠠᠯᠢᠶᠠ ᠵᠠᠯᠠᠭᠤᠰ ᠪᠣᠯᠵᠤᠭᠠ ᠪᠠᠳᠤᠯᠠᠨ
ᠳᠠᠯᠠ ᠶᠢᠨ ᠣᠪᠣᠭᠠᠨ ᠳᠠᠭᠠᠨ ᠵᠤᠯᠭᠤᠬᠤ ᠳᠤ
ᠠᠯᠤᠰ ᠣᠭᠳᠠᠷᠭᠤᠢ ᠶᠢᠨ ᠳᠡᠷᠭᠡᠯ ᠰᠠᠷᠠ
ᠠᠳᠠᠭᠠ ᠲᠡᠶ ᠶᠤᠮ ᠰᠢᠭ᠌ ᠮᠠᠯᠳᠠᠢ᠌ᠵᠤ
ᠠᠰᠤᠷᠢ ᠳᠡᠭ᠍ᠷᠢ ᠢᠷᠦᠭᠡᠯ ᠬᠠᠢ᠌ᠷᠠᠯᠠᠨ
ᠷᠠᠰᠢᠶᠠᠨ ᠣᠰᠤᠨ ᠶᠢᠡᠷ ᠶᠢᠡᠨ ᠮᠢᠯᠢᠶᠠᠳᠠᠭ
ᠬᠤᠶᠠᠷ ᠵᠢᠷᠦᠭᠡᠨ ᠤ ᠳᠠᠯᠠᠰᠤᠯᠳᠠ ᠶᠢ
ᠣᠯᠵᠤ ᠰᠤᠨᠤᠰᠤᠶᠠ ᠭᠡᠰᠡᠨ ᠰᠢᠭ᠌
ᠬᠤᠨᠤᠭ ᠤᠨ ᠰᠢᠪᠠᠭᠤᠳ ᠱᠤᠯᠤᠭᠤᠨᠠᠬᠤ ᠪᠠᠨ ᠪᠠᠢ᠌ᠵᠤ
ᠡᠭᠦᠷ ᠲᠡᠭᠡᠨ ᠰᠢᠷᠭᠤᠨ ᠴᠢᠩᠨᠠᠯᠴᠠᠵᠤ
ᠬᠤᠩᠭ᠋ᠤᠷ ᠬᠤᠶᠠᠷ ᠤᠨ ᠵᠢᠷᠭᠠᠯ ᠢ
ᠰᠡᠳᠭᠢᠯ ᠳᠡᠭᠡᠨ ᠬᠠᠳᠠᠭᠠᠯᠠᠶᠠ ᠭᠡᠰᠡᠨ ᠰᠢᠭ᠌
ᠬᠤᠸᠠᠷ ᠴᠡᠴᠡᠭ᠌ ᠳᠡᠯᠭᠡᠷᠡᠭᠦ ᠪᠠᠨ ᠪᠠᠢ᠌ᠵᠤ
ᠳᠠᠯᠪᠢ ᠪᠠᠨ ᠬᠤᠮᠢᠭᠠᠤᠨ ᠳᠤᠮᠪᠣᠢ᠌ᠯᠴᠠᠨᠠ᠂
ᠢᠨᠠᠭ ᠤᠨ ᠪᠠᠯ ᠳᠤ ᠰᠤᠭᠳᠤᠷᠠᠭᠠ
ᠠᠮᠠᠷᠠᠭ ᠵᠠᠯᠠᠭᠤᠰ ᠤᠨ ᠰᠡᠳᠭᠢᠯ
ᠠᠷᠪᠠᠨ ᠳᠠᠪᠤᠨ ᠤ ᠭᠡᠭᠡᠨ ᠰᠠᠷᠠ ᠰᠢᠭ
ᠠᠰᠢᠳᠠ ᠳᠡᠷᠭᠡᠯᠭᠡᠨ ᠪᠠᠢ᠌ᠭᠠᠰᠠᠢ︕
ᠠᠳᠠᠯ ᠣᠢ᠌ᠯᠠᠰ ᠶᠢᠡᠨ ᠪᠣᠰᠬᠠᠬᠤ
ᠠᠯᠤᠰ ᠤᠨ ᠠᠶᠠᠨ ᠵᠠᠮ ᠳᠠᠭᠠᠨ
ᠢᠯᠠᠭᠳᠠᠯ ᠪᠢᠰᠢ ᠢᠯᠠᠯᠳᠠ ᠪᠠᠷ ᠶᠢᠡᠨ
ᠣᠷᠭᠤᠬᠤ ᠨᠠᠷᠠᠨ ᠢ ᠣᠭᠳᠤᠭᠠᠰᠠᠢ︕
ᠭᠦᠭᠡ ᠮᠥᠩᠭᠦᠨ ᠳᠡᠭ᠍ᠷᠢ ᠨᠢ
ᠭᠦᠳᠡᠩ ᠦᠭᠡᠶ ᠴᠡᠯᠮᠡᠭᠦᠨ ᠳᠡᠭᠡᠨ ᠦᠦ︖
ᠭᠦᠪᠴᠢ ᠬᠠᠩᠭ᠋ᠠᠢ ᠶᠢᠨ ᠦᠳᠡᠰᠢ
ᠳᠠᠪᠵᠢᠶᠠᠨ ᠦᠭᠡᠶ ᠳᠠᠢ᠌ᠪᠣᠬᠠᠨ ᠳᠠᠭᠠᠨ ᠦᠦ︖
ᠭᠦᠮᠤᠨ ᠤ ᠭᠠᠵᠠᠷ ᠤᠨ ᠰᠠᠷᠠ
ᠠᠷᠪᠠᠨ ᠵᠢᠷᠭᠤᠭᠠᠨ ᠳᠠᠭᠠᠨ ᠳᠡᠷᠭᠡᠯᠰᠢᠳᠡᠭ᠌ ᠪᠣᠯ᠂
ᠭᠦᠳᠡᠭᠡ ᠨᠤᠳᠤᠭ ᠤᠨ ᠮᠢᠨᠢ ᠰᠠᠷᠠ
ᠠᠷᠪᠠᠨ ᠳᠠᠪᠤᠨ ᠳᠠᠭᠠᠨ ᠴᠤ ᠳᠡᠷᠭᠡᠯ ᠶᠤᠮ᠂
2010᠂ ᠪᠠᠭᠡᠵᠢᠩ ᠳᠤ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠭᠡᠵᠢᠩ ᠤᠨ ᠨᠠᠢ᠌ᠷᠠᠯᠳᠤ ᠨᠠᠢ᠌ᠷᠠᠮᠳᠠᠬᠤ ᠰᠦᠮᠡ ᠶᠢᠨ 12 ᠨᠤᠮᠸᠷ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ·ᠮᠥᠩᠭᠡᠤ᠋ᠳᠽᠡᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 3204
ᠴᠠᠭ᠄ 2010 ᠤᠨ ᠤ 03 ᠰᠠᠷᠠ ᠶᠢᠨ 04
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ