ᠴᠡᠩᠭᠡᠷ ᠮᠠᠨᠠᠨ ᠭᠦᠰᠢᠭᠯᠡᠭ᠍ᠳᠡᠭ᠍ᠰᠡᠨ

ᠨᠤᠳᠤᠭ ᠤᠨ ᠨᠤᠭᠤᠭᠠᠨ ᠣᠢ ᠮᠢᠨᠢ

ᠴᠡᠪᠠᠷᠭᠡᠨ ᠳᠠᠯᠪᠢ ᠪᠠᠨ ᠨᠢᠭᠤᠭᠰᠠᠨ

ᠴᠡᠴᠡᠭᠡᠰ ᠤᠨ ᠮᠢᠩᠭ᠋ᠠᠨ ᠴᠤᠮᠤᠷᠯᠢᠭ ᠮᠢᠨᠢ

ᠤᠶᠠᠩ‍ᠭ᠎ᠠ ᠳᠠᠭᠤᠤ ᠪᠠᠷ ᠬᠠᠢ᠌ᠯᠤᠭᠰᠠᠨ

ᠣᠷᠤᠰᠬᠠᠯ ᠣᠰᠤᠨ ᠤ ᠱᠤᠤᠭᠢᠶ᠎ᠠ ᠮᠢᠨᠢ

ᠣᠨᠠᠭᠠᠨ ᠳᠠᠭᠤ ᠪᠠᠷ ᠥᠣᠷᠰᠡᠭ᠍ᠰᠡᠨ

ᠬᠤᠯᠠᠨ ᠳᠠᠭᠢ ᠶᠢᠨ ᠰᠥᠷᠦᠭ᠌ ᠮᠢᠨᠢ

ᠭᠠᠯᠠᠭᠤ ᠰᠢᠪᠠᠭᠤ ᠭᠠᠩᠨᠠᠯᠳᠤᠭᠰᠠᠨ

ᠭᠠᠩᠭ᠋ᠠᠩ ᠴᠠᠭᠠᠨ ᠨᠠᠭᠤᠷ ᠮᠢᠨᠢ

ᠭᠠᠵᠠᠷ ᠤᠨ ᠬᠤᠯᠠ ᠡᠴᠡ ᠪᠦᠷᠳᠦᠯᠵᠡᠭ᠍ᠰᠡᠨ

ᠡᠰᠡᠷᠡᠭ᠌ ᠣᠪᠣᠭᠠᠨ ᠤ ᠪᠠᠷ᠎ᠠ ᠮᠢᠨᠢ

ᠰᠦ᠋ ᠪᠠᠨ ᠡᠷᠭᠦᠭᠡᠳ ᠬᠤᠴᠤᠷᠠᠭᠰᠠᠨ

ᠰᠠᠮᠭᠠᠨ ᠪᠣᠭᠤᠷᠤᠯ ᠡᠵᠢ ᠮᠢᠨᠢ

ᠰᠥᠷᠦᠭ᠌ ᠶᠢᠡᠨ ᠳᠠᠰᠤ ᠬᠤᠷᠢᠶᠠᠭᠰᠠᠨ

ᠠᠳᠤᠭᠤᠴᠢᠨ ᠮᠤᠩᠭ᠋ᠤᠯ ᠠᠪᠣ ᠮᠢᠨᠢ

ᠪᠣᠷᠭᠠᠰᠤᠨ ᠮᠤᠷᠢ ᠪᠠᠨ ᠵᠠᠢ᠌ᠳᠠᠯᠠᠭᠰᠠᠨ

ᠠᠯᠢᠶ᠎ᠠ ᠰᠢᠷ᠎ᠠ ᠭᠦᠤ ᠮᠢᠨᠢ

ᠪᠣᠷᠪᠢᠨ ᠳᠤ ᠨᠢ ᠨᠠᠭᠠᠯᠳᠤᠵᠤ ᠳᠤᠭᠯᠠᠳᠠᠭ

ᠬᠠᠷ᠎ᠠ ᠬᠠᠯᠵᠠᠨ ᠬᠤᠷᠠᠭ᠎ᠠ ᠮᠢᠨᠢ

ᠬᠠᠢ᠌ᠷ᠎ᠠ ᠬᠠᠢ᠌ᠷ᠎ᠠ ᠪᠠᠷ ᠬᠤᠯᠪᠣᠯᠳᠤᠭᠰᠠᠨ

ᠨᠤᠳᠤᠭ ᠤᠨ ᠪᠣᠷᠤ ᠳᠤᠯᠤᠭᠠᠤᠨ ᠮᠢᠨᠢ

ᠬᠤᠯᠠ ᠶᠢᠨ ᠬᠤᠯᠠ ᠡᠴᠠ ᠰᠤᠨᠤᠯᠵᠠᠭᠰᠠᠨ

ᠳᠠᠯ᠎ᠠ ᠶᠢᠨ ᠰᠢᠷ᠎ᠠ ᠵᠠᠮ ᠮᠢᠨᠢ

ᠭᠡᠢ᠌ᠮᠦᠷᠢ ᠰᠡᠷᠭᠦᠭᠡᠵᠤ ᠪᠣᠰᠳᠠᠭ

ᠣᠩᠭ᠋ᠤᠨ ᠰᠦᠯᠳᠡ ᠶᠢᠨ ᠣᠪᠣᠭ᠎ᠠ ᠮᠢᠨᠢ

ᠭᠡᠰᠢᠭ᠌ ᠬᠤᠷᠣᠢ᠌ᠯᠠᠵᠤ ᠳᠠᠯᠠᠯᠳᠠᠭ

ᠨᠤᠳᠤᠭ ᠤᠨ ᠰᠢᠳᠦᠭᠡᠨ ᠬᠠᠢ᠌ᠷᠬᠠᠨ ᠮᠢᠨᠢ

ᠬᠤᠷᠸ᠎ᠠ ᠳᠤ ᠠᠩᠬ᠎ᠠ ᠵᠠᠶᠠᠭᠠᠬᠤ ᠳ᠋ᠤ

ᠬᠠᠢ᠌ᠷ᠎ᠠ ᠪᠠᠷ ᠳᠤᠰᠤᠭᠰᠠᠨ ᠨᠤᠳᠤᠭ ᠮᠢᠨᠢ

ᠳᠤᠷᠠᠰᠤᠯ ᠤᠨ ᠮᠦᠩᠭᠦᠨ ᠢᠷᠦᠭᠡᠯ ᠵᠢᠠᠨ

ᠳᠠᠨ ᠳᠤ ᠪᠠᠨ ᠭᠡᠵᠤ ᠡᠷᠭᠦᠵᠤ ᠪᠠᠢ᠌ᠨ᠎ᠠ᠃

ᠭᠦᠢ ᠶᠢ ᠳᠠᠰᠤᠯᠵᠤ ᠦᠭ‍ᠭᠦᠭ᠍ᠰᠡᠨ

ᠨᠤᠳᠤᠭ ᠤᠨ ᠪᠣᠷᠤ ᠴᠢᠯᠠᠭᠤᠳ ᠮᠢᠨᠢ

ᠡᠩᠭᠡ ᠶᠢᠨ ᠴᠠᠭᠠᠨ ᠬᠠᠳᠠᠭ ᠵᠢᠠᠨ

ᠡᠷᠭᠢᠮ ᠳᠠᠨ ᠳᠤ ᠪᠠᠨ ᠡᠷᠭᠦᠵᠤ ᠪᠠᠢ᠌ᠨ᠎ᠠ᠃

ᠵᠤᠭᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠵᠡᠭᠦᠨ ᠪᠠᠭᠠᠷᠢᠨ