☆ ᠥᠭᠡᠯᠡᠳ ᠭᠠᠯᠳᠠᠨ
ᠴᠢᠯᠦᠭᠡ ᠭᠤᠶᠤᠬᠤ ᠪᠢᠴᠢᠭ᠌
ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠳᠦᠷᠪᠠᠨ ᠤ ᠡᠳᠦᠷ ᠭᠠᠯᠳᠠᠨ ᠠᠬᠠ ᠶᠢᠨ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠡᠴᠡ ᠴᠠᠭ ᠤᠨ ᠬᠠᠷᠠᠭᠠ ᠪᠠᠷ ᠣᠴᠢᠷ ᠲᠡᠶ ᠪᠣᠯᠤᠭᠰᠠᠨ ᠳᠤᠯᠠ ᠣᠠᠴᠠᠭᠠᠢ᠌ᠯᠠᠨ ᠴᠢᠯᠦᠭᠡ ᠭᠤᠶᠤᠵᠤ ᠪᠠᠢ᠌ᠨᠠ᠃ ᠬᠤᠵᠢᠮ ᠴᠠᠭ ᠢ ᠠᠮᠵᠢᠭᠤᠯᠵᠤ ᠨᠥᠭᠦᠪᠦᠷᠢᠯᠡᠭᠦ ᠶᠢ ᠪᠠᠳᠤᠯᠠᠵᠤ᠂ ᠰᠢᠨᠠ ᠶᠢᠨ ᠳᠠᠪᠤᠨ ᠳᠤ ᠭᠡᠷ ᠪᠦᠯᠢ ᠪᠠᠷ ᠨᠢ ᠭᠡᠷ ᠲᠡᠭᠡᠨ ᠣᠷᠢᠵᠤ ᠪᠠᠢ᠌ᠨᠠ 12 ᠴᠠᠭ ᠲᠤ᠃
ᠡᠭᠦᠨᠡ ᠳᠡᠭᠦᠤ ᠨᠤᠷᠳᠤᠭᠵᠠᠪ
ᠠᠯᠳᠠᠨ ᠡᠴᠡ
1994 ᠣᠨ ᠤ 2 ᠰᠠᠷᠠ ᠶᠢᠨ 14 ᠊ᠤ ᠡᠳᠦᠷ
ᠡᠢ᠌ᠮᠤ ᠨᠢᠭᠡᠨ ᠶᠠᠷᠤ ᠶᠢᠨ ᠪᠢᠴᠢᠶᠠᠰᠤ ᠮᠢᠨᠤ ᠡᠳᠦᠷ ᠤᠨ ᠳᠡᠮᠳᠡᠭᠯᠡᠯ ᠳᠤ ᠮᠥᠩᠭᠡ ᠶᠢᠨ ᠳᠤᠷᠠᠰᠬᠠᠯ ᠪᠣᠯᠤᠨ ᠦᠯᠠᠳᠠᠵᠠᠢ᠃ ᠨᠤᠷᠳᠤᠭᠵᠠᠪ ᠪᠣᠯ ᠮᠢᠨᠤ ᠨᠤᠳᠤᠭ ᠤᠨ ᠳᠡᠭᠦᠤ᠂ ᠪᠠᠭᠠ ᠡᠴᠡ ᠪᠠᠨ ᠰᠠᠴᠠᠨ ᠰᠡᠷᠭᠦᠯᠡᠩ᠂ ᠣᠬᠠᠭᠠᠯᠢᠭ ᠯᠠᠪᠳᠠᠭᠤᠨ᠂ ᠴᠠᠭᠠᠪᠤᠷ ᠳᠤᠰᠠᠮᠠᠷᠴᠢ᠂ ᠨᠤᠳᠤᠭ ᠤᠨ ᠶᠤᠩᠳᠤᠨ ᠭᠡ ᠭᠡ ᠭᠡᠮᠡᠷ ᠴᠡᠪᠠᠷᠭᠡᠨ ᠳᠦᠷᠦᠭ᠍ᠰᠡᠨ ᠰᠤᠳᠤᠨ ᠵᠠᠯᠠᠭᠤ ᠶᠤᠮ᠃ ᠳᠠᠷᠠᠪᠠᠷ ᠰᠢᠯᠢᠳᠡᠭ᠌ ᠪᠦᠳᠦᠮᠵᠢ ᠪᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠭᠡᠵᠤ᠂ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ᠌ ᠶᠢᠨ ᠭᠢᠮᠢ ᠶᠢᠨ ᠰᠠᠯᠪᠣᠷᠢ ᠳᠤ ᠰᠢᠯᠭᠠᠨ ᠣᠷᠤᠭᠰᠠᠨ ᠪᠠᠢ᠌ᠨᠠ᠃ ᠮᠠᠨ ᠨᠤᠳᠤᠭ ᠤᠨ ᠬᠠᠮᠤᠭ ᠠᠩᠬᠠᠳᠠᠭᠴᠢ ᠪᠠᠢ᠌ᠭᠠᠯᠢ ᠶᠢᠨ ᠰᠢᠡᠵᠢᠯᠡᠭᠦ ᠣᠬᠠᠭᠠᠨ ᠤ ᠰᠤᠳᠤᠯᠬᠤ ᠣᠶᠤᠳᠠᠨ ᠤ ᠨᠢᠭᠡ ᠨᠢ ᠪᠣᠯᠬᠤ ᠶᠤᠮ᠃ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠭᠡᠭ᠍ᠰᠡᠨ ᠤ ᠳᠠᠷᠠᠭᠠ ᠬᠠᠢ᠌ᠯᠠᠷ ᠤᠨ ᠮᠤᠩᠭ᠋ᠤᠯ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠬᠤᠪᠢᠶᠠᠭᠳᠠᠨ ᠪᠠᠭᠰᠢᠯᠠᠪᠠ᠃ ᠰᠤᠷᠤᠯᠭᠠ ᠰᠤᠳᠤᠯᠤᠯ ᠳᠠᠭᠠᠨ ᠠᠮᠵᠢᠯᠳᠠ ᠪᠦᠳᠦᠭᠡᠯ ᠭᠠᠷᠭᠠᠨ᠂ ᠭᠢᠮᠢ ᠶᠢᠨ ᠠᠷᠭᠠ ᠪᠠᠷ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠨᠡᠷᠡᠭᠦ ᠶᠢ ᠰᠤᠳᠤᠯᠤᠨ᠂ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠨᠠᠷᠠᠵᠤ᠂ ᠨᠤᠳᠤᠭ ᠤᠨ ᠰᠠᠭᠠᠯᠢ ᠶᠢᠨ ᠠᠷᠢᠭᠢ ᠨᠡᠷᠡᠭᠦ ᠣᠯᠠᠮᠵᠢᠯᠠᠯᠳᠤ ᠠᠷᠭᠠ ᠳᠤ ᠡᠳᠦᠢ ᠳᠠᠳᠤᠢ ᠥᠭᠡᠷᠴᠢᠯᠡᠯᠳᠡ ᠰᠤᠳᠤᠯᠤᠯ ᠭᠢᠵᠤ ᠪᠦᠳᠦᠭᠡᠯ ᠤᠨ ᠡᠷᠭᠡ ᠣᠯᠵᠤ ᠶᠠᠪᠣᠭᠰᠠᠨ ᠶᠤᠮ᠃
ᠰᠠᠨᠠᠭᠠ ᠪᠠᠷ ᠪᠣᠯᠳᠠᠭ ᠦᠭᠡᠶ ᠬᠤᠷᠸᠠ᠂ ᠰᠠᠢ᠌ᠬᠠᠨ ᠳᠡᠭᠦᠤ ᠶᠢ ᠮᠢᠨᠢ ᠰᠡᠮᠡᠭᠡᠨ ᠠᠪᠣᠭᠠᠤᠨ ᠶᠠᠪᠣᠴᠢᠬᠠᠯᠠ᠁
ᠰᠠᠠᠴᠢᠭ ᠤᠨ ᠦᠰᠦ ᠨᠢ ᠪᠣᠭᠤᠷᠤᠯᠳᠤᠭᠰᠠᠨ ᠪᠢᠳᠠ ᠰᠡᠳᠭᠢᠯ ᠳᠡᠭᠡᠨ ᠭᠦᠨ ᠬᠠᠷᠠᠮᠰᠠᠯ᠂ ᠬᠠᠯᠠᠭᠯᠠᠯ᠂ ᠭᠤᠨᠢᠭ ᠦᠯᠡᠳᠡᠭᠡᠳ ᠬᠤᠴᠤᠷᠠᠯᠠ᠂ ᠳᠡᠭᠦᠤ ᠪᠠᠨ ᠰᠠᠨᠠᠨ ᠰᠠᠨᠠᠨ ᠣᠷᠤᠰᠬᠤ ᠭᠠᠰᠢᠭᠤᠨ ᠨᠢᠯᠪᠣᠰᠤ᠂ ᠳᠡᠭᠦᠤ ᠲᠡᠶ ᠪᠠᠨ ᠨᠢ ᠨᠤ ᠦᠭᠡᠶ ᠨᠠᠢ᠌ᠵᠢᠯᠠᠵᠤ ᠶᠠᠪᠣᠭᠰᠠᠨ ᠡᠳᠦᠷ ᠤᠳ ᠢ ᠪᠣᠳᠤᠭᠳᠠᠭᠤᠯᠤᠨ ᠶᠠᠷᠤ ᠠᠮᠠᠷ ᠵᠠᠶᠠᠭᠠ ᠥᠵᠡᠭᠦᠯᠭᠦ ᠦᠭᠡᠶ ᠶᠡᠭᠡ ᠪᠠᠷ ᠵᠤᠪᠠᠭᠠᠤᠨ ᠯᠠ ᠪᠠᠢ᠌ᠨᠠ᠁
᠁ ᠨᠤᠷᠳᠤᠭᠵᠠᠪ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠭᠦᠰᠭᠡᠭᠡᠳ᠂ ᠬᠠᠢ᠌ᠯᠠᠷ ᠤᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠠᠵᠢᠯᠯᠠᠵᠤ ᠪᠠᠢ᠌ᠬᠤ ᠳᠠᠭᠠᠨ ᠦᠷᠭᠦᠯᠵᠢ ᠮᠠᠨ ᠤ ᠳᠤ ᠢᠷᠠᠵᠤ ᠣᠴᠢᠳᠠᠭ᠂ ᠪᠢᠳᠠ ᠳᠠᠳᠠᠨ ᠢ ᠢᠷᠡᠭᠦ ᠪᠣᠯᠭᠠᠨ ᠴᠠᠢ ᠴᠠᠭᠠᠨ ᠢᠳᠡᠭᠡ ᠪᠠᠨ ᠳᠡᠯᠭᠡᠨ᠂ ᠶᠠᠷᠢᠶᠠ ᠵᠤᠭᠤᠭ ᠳᠡᠯᠭᠡᠵᠤ᠂ ᠡᠯᠳᠡᠪ ᠬᠤᠶᠠᠷ ᠢ ᠶᠠᠷᠢᠵᠤ ᠰᠠᠭᠤᠳᠠᠭ ᠰᠠᠨ᠃ ᠬᠠᠶᠠ ᠬᠤᠨᠢ ᠭᠠᠷᠭᠠᠵᠤ ᠪᠦᠭᠦᠯᠢ ᠢᠳᠡᠭᠦ ᠳᠡᠭᠡᠨ ᠪᠢ ᠳᠡᠭᠦᠤ ᠪᠠᠨ ᠳᠠᠭᠤᠳᠠᠭ ᠪᠠᠢ᠌ᠭᠰᠠᠨ᠁ ᠨᠢᠭᠡ ᠣᠳᠠᠭᠠ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠪᠠᠶᠠ ᠶᠢᠨ ᠭᠦᠳᠡᠯᠮᠦᠷᠢ ᠳᠤ ᠣᠷᠤᠯᠴᠠᠭᠠᠤᠨ ᠦᠯᠦᠰᠦᠭ᠍ᠰᠡᠨ ᠪᠣᠯᠤᠯᠳᠠᠢ᠂ ᠳᠠᠷᠠ ᠦᠪᠡᠷ ᠶᠢᠡᠨ ᠮᠠᠨ ᠤ ᠳᠤ ᠭᠦᠷᠦᠯᠴᠡᠨ ᠢᠷᠠᠪᠠ᠃ ᠮᠠᠨ ᠤ ᠡᠭᠡᠨᠡᠷ ᠬᠤᠨᠢᠨ ᠪᠣᠤᠵᠠ ᠪᠠᠷᠢᠵᠤ ᠪᠠᠢ᠌ᠬᠤ ᠶᠢ ᠬᠠᠷᠠᠭᠠᠤᠨ ᠪᠠᠷᠭᠡᠨ ᠡ᠂ ᠪᠢ ᠭᠠᠭᠴᠠᠭᠠᠷ ᠶᠢᠡᠨ ᠨᠢᠭᠡ ᠵᠢᠩᠨᠡᠭᠦᠷ ᠪᠣᠤᠵᠠ ᠢᠳᠠᠨᠠ ᠰᠢᠤ᠁ ᠭᠡᠵᠤ ᠳᠤᠭᠯᠠᠨ ᠱᠤᠭ ᠭᠠᠷᠭᠠᠭᠰᠠᠨ ᠨᠢ ᠶᠠᠭ ᠯᠠ ᠰᠠᠶᠢ ᠶᠢᠨ ᠣᠴᠢᠷ ᠮᠠᠳᠤ᠁ ᠨᠤᠮᠤᠬᠠᠨ ᠮᠦᠷᠳᠡᠭᠡᠨ ᠶᠦᠮᠦᠷ ᠲᠡᠶ ᠴᠠᠢ᠌ᠯᠭᠠᠨ ᠭᠦᠮᠤᠨ ᠯᠠ ᠪᠠᠢ᠌ᠭᠰᠠᠨ ᠳ᠋ᠠ᠂ ᠭᠦᠭᠡᠷᠦᠭᠦᠢ᠃
ᠳᠡᠭᠦᠨ ᠢ ᠬᠤᠷᠢᠮᠯᠠᠬᠤ ᠳᠤ ᠪᠢ ᠦᠪᠡᠷ ᠤᠨ ᠰᠤᠷᠤᠭᠰᠠᠨ ᠡᠷᠳᠡᠮ ᠶᠢᠡᠷ ᠶᠢᠡᠨ᠂ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠮᠤᠤᠳᠢ ᠪᠣᠯᠤᠭᠰᠠᠨ ᠦᠨᠳᠦᠷ ᠴᠢᠨᠠᠷ ᠤᠨ ᠳᠠᠭᠤᠨ ᠤ ᠬᠠᠢ᠌ᠷᠴᠠᠭ ᠪᠦᠷᠢᠶᠡᠨ ᠤ ᠠᠪᠳᠠᠷᠠ ᠭᠢᠵᠤ ᠦᠭᠭᠦᠨ ᠨᠢᠭᠡᠨ ᠰᠠᠨᠠᠬᠤ ᠶᠢᠨ ᠡᠷᠳᠡᠮ ᠤᠨ ᠪᠠᠯᠡᠭ᠌ ᠪᠣᠯᠭᠠᠨ ᠪᠠᠷᠢᠭᠰᠠᠨ ᠪᠠᠢ᠌ᠵᠤ ᠪᠢᠯᠠ᠃ ᠳᠤᠬᠠᠢ ᠶᠢᠨ ᠵᠢᠯ ᠤᠳ ᠲᠤ ᠰᠤᠷᠭᠠᠭᠤᠯᠢ ᠶᠢᠨ ᠪᠠᠭᠰᠢ ᠨᠡᠷ ᠤᠨ ᠰᠠᠭᠤᠬᠤ ᠭᠡᠷ ᠮᠠᠰᠢ ᠭᠦᠴᠢᠷ ᠲᠡᠶ ᠪᠠᠢ᠌ᠭᠰᠠᠨ ᠪᠣᠯᠬᠤᠷ ᠳᠠᠳᠠ ᠮᠠᠰᠢ ᠵᠢᠵᠢᠭ᠌ ᠭᠡᠷ ᠲᠤ ᠰᠠᠭᠤᠳᠠᠭ ᠪᠠᠢ᠌ᠯᠠ᠃ ᠳᠠᠷᠠ ᠦᠷᠭᠦᠯᠵᠢ ᠳᠠᠭᠤᠨ ᠤ ᠬᠠᠢ᠌ᠷᠴᠠᠭ ᠶᠢᠡᠨ ᠳᠤᠤᠭᠠᠷᠭᠠᠨ᠂ ᠣᠯᠠᠨ ᠤ ᠠᠩᠬᠠᠷᠤᠯ ᠢ ᠳᠠᠳᠠᠵᠤ᠂ ᠨᠠᠩ ᠢᠯᠠᠩᠭ᠋ᠣᠢ᠌ᠶᠠ ᠳᠠᠭᠤᠤ ᠭᠦᠭ᠍ᠵᠢᠮ ᠤᠨ ᠪᠠᠭᠰᠢ ᠨᠡᠷ ᠤᠨ ᠬᠤᠷᠤᠬᠠᠢ ᠶᠢ ᠭᠦᠳᠡᠯᠭᠡᠨ ᠡᠯᠸᠭ᠍ᠲ᠋ᠷᠤᠨ ᠭᠦᠭ᠍ᠵᠢᠮ ᠢ ᠰᠠᠢ᠌ᠬᠠᠨ ᠳᠤᠭᠯᠠᠶᠠ ᠭᠡᠪᠠᠯ᠂ ᠵᠠᠪᠠᠯ ᠰᠠᠢ᠌ᠨ ᠳᠠᠭᠤᠨ ᠤ ᠬᠠᠢ᠌ᠷᠴᠠᠭ ᠪᠠᠢ᠌ᠬᠤ ᠭᠡᠷᠡᠭ᠍ᠳᠡᠢ᠂ ᠮᠢᠨᠤ ᠠᠬᠠ ᠶᠢᠨ ᠭᠢᠭ᠍ᠰᠡᠨ ᠳᠠᠭᠤᠨ ᠤ ᠬᠠᠢ᠌ᠷᠴᠠᠭ ᠢ ᠳᠠᠨᠠᠷ ᠬᠤᠳᠠᠯᠳᠤᠭᠠ ᠳᠡᠯᠭᠡᠭᠦᠷ ᠡᠴᠡ ᠣᠯᠤᠨᠠ ᠦᠦ ︖ ᠥᠵᠡᠭᠡᠳ ᠦᠭᠭᠦᠶᠡ ᠭᠡᠭᠦ ᠳᠤ ᠣᠯᠳᠠᠬᠤ ᠦᠭᠡᠶ ᠪᠠᠢ᠌ᠬᠠ᠂ ᠳᠠᠨᠠᠷ ᠦᠨᠦᠳᠤᠷ ᠮᠢᠨᠤ ᠳᠠᠭᠤᠨ ᠤ ᠬᠠᠢ᠌ᠷᠴᠠᠭ ᠶᠢᠡᠷ ᠰᠠᠢ᠌ᠬᠠᠨ ᠳᠠᠭᠤᠤ ᠭᠦᠭ᠍ᠵᠢᠮ ᠰᠤᠨᠤᠰᠴᠤ ᠪᠠᠢ᠌ᠭᠠ ᠳᠠᠨᠢ᠂ ᠳᠠᠨᠠᠷ ᠤᠨ ᠠᠵᠠ ᠪᠣᠶᠠᠨ ᠭᠡᠴᠢ᠁ ᠭᠡᠵᠤ ᠱᠤᠭᠯᠠᠳᠠᠭ ᠪᠠᠢ᠌ᠭᠰᠠᠨ᠁
ᠵᠢᠯ ᠪᠦᠷᠢ ᠶᠢᠨ ᠰᠠᠷᠠ ᠰᠢᠨᠠ ᠶᠢᠨ ᠪᠠᠶᠠᠷ ᠶᠢᠡᠷ ᠳᠠᠳᠠ᠂ ᠠᠬᠠ ᠪᠠᠷᠭᠡᠨ ᠳᠡᠭᠡᠨ ᠵᠤᠯᠭᠠᠬᠤ ᠪᠠᠷ ᠭᠡᠷ ᠶᠢᠡᠷ ᠶᠢᠡᠨ ᠬᠤᠨᠢ᠂ ᠵᠦᠷᠡ ᠮᠠᠳᠤ ᠶᠢᠨ ᠳᠤᠮᠤ ᠪᠠᠯᠡᠭ᠌ ᠲᠡᠶ ᠢᠷᠡᠳᠡᠭ᠌᠃ ᠪᠢᠳᠠ ᠰᠠᠢ᠌ᠬᠠᠨ ᠨᠠᠷᠭᠢᠵᠤ᠂ ᠰᠠᠶᠢᠬᠠᠨ ᠠᠷᠢᠭᠢ ᠣᠤᠭᠤᠵᠤ ᠪᠠᠢ᠌ᠭᠠ ᠳᠠᠳᠠ᠂ ᠠᠷᠭᠠ ᠪᠠᠨ ᠪᠠᠷᠠᠵᠤ᠂ ᠪᠦᠭᠡᠯᠵᠢᠵᠤ ᠪᠠᠢ᠌ᠳᠠᠯᠠ ᠪᠠᠨ ᠠᠬᠠ ᠶᠢᠨ ᠶᠢᠡᠨ ᠰᠢᠷᠡᠭᠡᠨ ᠤ ᠭᠦᠡᠳᠤ ᠶᠢ ᠳᠠᠭᠠᠭᠠᠵᠤ ᠭᠦᠡᠳᠦᠳᠭᠡᠯ ᠶᠢᠡᠨ ᠭᠦᠢᠴᠡᠭᠡᠳᠡᠭ᠌ ᠪᠠᠢ᠌ᠭᠰᠠᠨ᠃ ᠨᠤᠷᠳᠤᠭᠵᠪ ᠤᠨ ᠭᠡᠷᠭᠡᠢ ᠨᠢ ᠪᠣᠯ ᠰᠤᠷᠪᠣᠯᠵᠢᠳᠤ ᠭᠡᠷ ᠤᠨ ᠡᠷᠭᠡ ᠳᠠᠩᠭᠢ ᠦᠬᠢᠨ ᠠᠳᠠᠯᠠ ᠮᠠᠰᠢ ᠴᠠᠭᠠᠪᠣᠷ ᠵᠤᠴᠢᠠᠰᠠᠭ᠂ ᠠᠵᠢᠯᠰᠠᠭ ᠨᠤᠮᠤᠬᠠᠨ ᠳᠠᠷᠤᠤ ᠵᠠᠩ ᠲᠡᠶ ᠴᠡᠮᠴᠡᠭᠡᠷ ᠪᠦᠰᠡᠭᠦᠢ ᠶᠤᠮ᠃ ᠳᠠᠳᠠᠨ ᠤ ᠳᠤ ᠬᠤᠨᠤᠭᠤᠳᠠ ᠥᠡᠵᠢᠭᠦᠳᠡ ᠪᠠᠷ ᠨᠠᠷᠭᠢᠯᠳᠤᠬᠤ ᠳᠤ ᠴᠠᠢ ᠬᠤᠭᠤᠯᠠ ᠪᠠᠨ ᠵᠠᠪᠳᠠᠭᠤᠯᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠪᠠᠷ᠂ ᠬᠤᠠᠳᠠᠭᠠ ᠡᠷᠭᠦᠨ ᠪᠢᠳᠠᠨ ᠢ ᠭᠦᠡᠳᠦᠯᠡᠳᠡᠭ᠌᠃ ᠪᠤᠷᠢᠶᠡᠳ ᠤᠨ ᠰᠠᠢ᠌ᠬᠠᠨ ᠵᠠᠩ ᠴᠢᠨᠠᠷ ᠶᠢᠡᠨ ᠬᠠᠳᠠᠭᠠᠯᠠᠨ ᠥᠪᠯᠡᠭ᠍ᠰᠡᠨ ᠵᠠᠯᠠᠭᠤ ᠪᠦᠰᠡᠭᠦᠢ ᠶᠤᠮ᠃ ᠳᠠᠪᠢᠭᠠᠤᠨ ᠨᠠᠰᠤᠨ ᠤ ᠠᠷᠢᠭᠢᠨ ᠤ ᠭᠦᠭ᠌ ᠲᠡᠭᠡᠨ ᠪᠢᠳᠠᠨᠠᠷ᠂ ᠳᠠᠳᠠᠨ ᠤ ᠳᠤ ᠭᠡᠳᠥᠴᠢᠨᠡᠨ ᠣᠳᠠᠭᠠ ᠭᠦᠡᠳᠦᠯᠡᠭᠦᠯᠵᠤ᠂ ᠨᠠᠷᠭᠢᠵᠤ ᠶᠠᠪᠣᠭᠰᠠᠨ ᠢ ᠪᠣᠤ ᠮᠠᠳᠠ᠁ ᠰᠤᠭᠳᠤᠭᠤ ᠭᠦᠯᠴᠦᠭᠦᠤ ᠪᠠᠷ ᠭᠦᠷᠭᠦ ᠪᠣᠯᠭᠠᠨ ᠳᠤ᠂ ᠬᠠᠯᠠᠭᠤᠨ ᠶᠢᠡᠷ ᠣᠭᠳᠤᠨ ᠠᠪᠴᠤ᠂ ᠴᠠᠢ ᠬᠤᠭᠤᠯᠠ ᠪᠡᠯᠡᠳᠭᠡᠨ᠂ ᠮᠢᠬᠠ ᠴᠢᠨᠠᠵᠤ᠂ ᠫᠢᠸᠤ᠋ ᠶᠢ ᠠᠪᠳᠠᠷᠠ ᠠᠪᠳᠠᠷᠠ ᠪᠠᠷ ᠨᠢ ᠵᠥᠭᠡᠪᠦᠷᠢᠯᠡᠨ ᠠᠪᠴᠢᠷᠠᠵᠤ ᠰᠦᠨᠢᠵᠢᠨ ᠭᠦᠡᠳᠦᠯᠡᠳᠡᠭ᠌ ᠪᠠᠢ᠌ᠭᠰᠠᠨ᠁
ᠳᠠᠷᠠ ᠠᠵᠢᠯ ᠤᠨ ᠠᠮᠵᠢᠯᠳᠠ ᠴᠢᠷᠮᠠᠢ᠌ᠯᠭᠠ ᠪᠠᠷ ᠣᠳᠤᠷᠢᠤᠠᠬᠤ ᠪᠠᠢ᠌ᠷᠢᠨ ᠳᠤ ᠵᠡᠷᠭᠡ ᠳᠡᠪᠰᠢᠭ᠍ᠰᠡᠨ ᠴᠤ ᠣᠭ ᠤᠨ ᠮᠦᠰᠤ ᠪᠠᠨ ᠬᠠᠳᠠᠭᠠᠯᠠᠵᠤ᠂ ᠨᠤᠳᠤᠭ ᠤᠨ ᠣᠯᠠᠨ ᠵᠠᠯᠠᠭᠤᠴᠤᠳ ᠤᠨ ᠶᠢᠡᠨ ᠡᠷᠳᠡᠮ ᠮᠡᠳᠡᠯᠭᠡ ᠰᠤᠷᠬᠤ ᠳᠤ ᠰᠠᠨᠠᠭᠠᠰᠢᠷᠠᠯ ᠪᠣᠯᠵᠤ ᠠᠷᠭᠠ ᠣᠬᠠᠭᠠᠨ ᠢ ᠰᠥᠪᠡᠭ᠍ᠴᠢᠯᠡᠨ ᠳᠠᠮᠵᠢᠵᠤ ᠳᠤᠰᠠᠯᠠᠵᠤ ᠪᠣᠳᠠᠳᠠᠢ ᠠᠵᠢᠯ ᠭᠢᠵᠤ ᠶᠠᠪᠣᠭᠰᠠᠨ ᠶᠤᠮ᠃ ᠣᠯᠠᠨ ᠦᠨᠳᠦᠰᠦᠳᠠᠨ ᠤ ᠨᠠᠢ᠌ᠵᠠ ᠤᠳ ᠲᠡᠶ ᠪᠠᠨ ᠪᠦᠯᠭᠦᠮᠳᠡᠨ ᠬᠠᠮᠳᠤ ᠪᠠᠷ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠣᠢ᠌ᠯᠠᠰ ᠲᠤ ᠵᠢᠦᠡᠭᠦᠵᠤ᠂ ᠣᠯᠠᠨ ᠤ ᠪᠠᠨ ᠳᠤᠮᠳᠠ ᠢᠳᠡᠭᠡᠯ ᠲᠡᠶ᠂ ᠳᠦᠰᠢᠭ᠌ ᠲᠡᠶ᠂ ᠠᠮᠵᠢᠯᠳᠠ ᠪᠦᠳᠦᠭᠡᠯ ᠲᠡᠶ ᠰᠠᠢ᠌ᠬᠠᠨ ᠯᠠ ᠶᠠᠪᠣᠵᠤ ᠪᠠᠢ᠌ᠭᠰᠠᠨ ᠶᠤᠮ ᠳᠡᠭᠦᠤ ᠮᠢᠨᠢ᠁
ᠰᠠᠢ᠌ᠬᠠᠨ ᠵᠠᠯᠠᠭᠤ ᠶᠢ ᠴᠢᠦᠡᠭᠦᠷ ᠠᠪᠠᠴᠢᠵᠤ᠂ ᠴᠤᠬᠤᠷ ᠮᠤᠷᠢ ᠶᠢ ᠴᠢᠨ᠋ᠸᠠ ᠪᠠᠷᠢᠨᠠ ᠭᠡᠳᠡᠭ᠍ᠴᠢᠯᠡᠨ ᠳᠡᠭᠦᠤ ᠮᠢᠨᠢ ᠳᠠᠩᠴᠢ ᠡᠷᠳᠡ ᠪᠢᠳᠠᠨ ᠶᠢᠡᠨ ᠬᠠᠶᠠᠭᠠᠤᠨ ᠶᠠᠪᠣᠴᠢᠬᠠᠯᠠ᠃ ᠠᠵᠢᠯ ᠣᠢ᠌ᠯᠠᠰ ᠲᠡᠭᠡᠨ ᠶᠠᠭᠠᠷᠠᠭᠰᠠᠭᠠᠷ᠂ ᠬᠤᠪᠢ ᠪᠠᠶᠠ ᠶᠢᠨ ᠡᠷᠡᠭᠦᠯ ᠡᠩᠬᠡ ᠶᠢ ᠦᠯᠤ ᠣᠢ᠌ᠰᠢᠶᠠᠨ ᠪᠠᠢ᠌ᠵᠤ᠂ ᠭᠡᠨᠡᠳᠲᠡ ᠶᠢᠨ ᠵᠢᠷᠦᠭᠡᠨ ᠡᠪᠡᠳᠴᠢᠨ ᠶᠢᠡᠷ ᠠᠯᠠᠭ ᠬᠤᠷᠸᠠ ᠡᠴᠡ ᠠᠶᠠᠷᠯᠠᠯᠠ᠁ ᠭᠡᠳᠥᠢ᠌ᠴᠢᠨᠡᠨ ᠬᠠᠷᠠᠮᠰᠠᠯᠳᠠᠢ᠂ ᠭᠡᠳᠥᠢ᠌ᠴᠢᠨᠡᠨ ᠬᠠᠯᠠᠭᠯᠠᠯ ᠲᠡᠶ ᠠᠵᠠᠢ ᠁
ᠳᠡᠭᠦᠤ ᠲᠡᠶ ᠪᠠᠨ ᠨᠢ ᠨᠤ ᠦᠭᠡᠶ ᠰᠠᠢ᠌ᠬᠠᠨ ᠠᠬᠠ ᠳᠡᠭᠦᠤ ᠰᠢᠭ᠌ ᠨᠠᠢ᠌ᠵᠠᠯᠠᠵᠤ ᠶᠠᠪᠣᠭᠰᠠᠨ ᠡᠳᠦᠷ ᠤᠳ ᠢ ᠪᠣᠳᠤᠬᠤ ᠳᠤ᠂ ᠣᠯᠠᠨ ᠣᠯᠠᠨ ᠶᠠᠪᠣᠳᠠᠯ ᠤᠳ ᠺᠢᠨᠤ᠋ ᠮᠠᠳᠤ ᠳᠤᠳᠤᠬᠠᠨ ᠰᠠᠨᠠᠭᠳᠠᠨᠠ᠃ ᠳᠠᠷᠠ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠳᠤ ᠮᠠᠨ ᠤ ᠳᠤ ᠵᠤᠯᠭᠠᠵᠤ ᠢᠷᠡᠭᠡᠳ᠂ ᠮᠠᠨ ᠤ ᠨᠠᠢ᠌ᠷ ᠤᠨ ᠰᠢᠷᠡᠭᠡᠨ ᠳᠤ ᠶᠠᠭ ᠠᠷᠢᠭᠢ ᠣᠤᠭᠤᠵᠤ ᠣᠷᠤᠬᠤ ᠦᠭᠡᠶ ᠪᠣᠯᠵᠤ᠂ ᠠᠷᠭᠠ ᠪᠠᠨ ᠪᠠᠷᠠᠵᠤ ᠪᠣᠴᠠᠬᠤ ᠳᠠᠭᠠᠨ ᠪᠢᠴᠢᠭ᠍ᠰᠡᠨ ᠴᠢᠯᠦᠭᠡ ᠭᠤᠶᠤᠬᠤ ᠪᠢᠴᠢᠭ᠌ ᠨᠢ ᠡᠳᠦᠭᠡ ᠪᠢᠳᠠᠨ ᠤ ᠠᠬᠠ ᠳᠡᠭᠦᠤ ᠶᠢᠨ ᠨᠥᠭᠦᠷᠯᠡᠯ᠂ ᠰᠡᠳᠭᠢᠯ ᠢᠳᠡᠭᠡᠯ᠂ ᠰᠠᠢ᠌ᠨ ᠰᠠᠢ᠌ᠬᠠᠨ ᠶᠠᠪᠣᠯᠴᠠᠭᠠᠨ ᠤ ᠨᠢᠭᠡᠨ ᠭᠡᠷᠡᠴᠢ ᠪᠦᠭᠦᠢ ᠮᠥᠩᠭᠡ ᠶᠢᠨ ᠳᠤᠷᠠᠳᠬᠠᠯ ᠪᠣᠯᠤᠨ ᠦᠯᠠᠳᠠᠵᠢ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠭᠦᠯᠤᠨ ᠪᠣᠢ᠌ᠷ᠂ ᠬᠠᠢ᠌ᠯᠠᠷ
ᠵᠤᠬᠢᠶᠠᠭᠴᠢ᠄ ᠥᠭᠡᠯᠡᠳ ᠭᠠᠯᠳᠠᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6163
ᠴᠠᠭ᠄ 2010 ᠤᠨ ᠤ 07 ᠰᠠᠷᠠ ᠶᠢᠨ 02
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ