ᠢᠨᠠᠭ ᠤᠨ ᠬᠠᠯᠠᠭᠤᠨ ᠳᠤ ᠮᠠᠩᠰᠢᠭᠤᠷᠠᠭᠰᠠᠨ ᠡᠳᠦᠷ ᠤᠳ ᠳᠤ

ᠶᠠᠮᠠᠷ ᠣᠪᠣᠭ ᠲᠡᠶ ᠪᠠᠨ ᠴᠤ ᠪᠢ ᠮᠠᠷᠳᠠᠪᠠ

ᠶᠠᠭᠠᠭᠢᠭᠠᠤᠨ ᠴᠤ ᠶᠤᠮ ᠪᠣᠤ ᠮᠠᠳᠠ ᠣᠷᠭᠢᠭᠳᠠᠭᠰᠠᠨ

       ᠨᠢᠭᠡ ᠶᠢ ᠪᠠᠨ ᠴᠢ ᠶᠠᠷᠢᠪᠠ

ᠶᠠᠳᠠᠷᠠᠭᠤᠬᠠᠨ ᠡᠷ᠎ᠡ ᠶᠤᠮ ᠳ᠋ᠠ ᠭᠡᠵᠤ ᠪᠢ

       ᠳᠡᠭᠦᠨ ᠢ ᠪᠠᠰᠤᠪᠠ᠃

ᠬᠤᠷᠢᠨ ᠵᠢᠯ ᠤᠨ ᠳᠠᠷᠠᠭ᠎ᠠ ᠨᠠᠳᠠ ᠡᠴᠠ ᠳᠠᠯᠳᠠᠭᠤᠷ

ᠬᠤᠯᠪᠣᠭ᠎ᠠ ᠪᠠᠷᠢᠵᠤ ᠳᠡᠭᠦᠨ ᠲᠡᠶ ᠴᠢ ᠬᠠᠷᠢᠯᠴᠠᠪᠠ

ᠬᠤᠩᠭ᠋ᠤᠷ ᠪᠦᠰᠡᠭᠦᠢ ᠠᠮᠠᠷᠠᠭ ᠵᠢᠭᠠᠯᠬᠠᠨ ᠲᠡᠶ ᠪᠠᠨ

ᠬᠤᠭᠤᠷᠤᠠᠳᠤ ᠪᠠᠨ ᠪᠢᠳᠠ ᠭᠠᠩᠨᠠᠭᠠᠰᠤ ᠲᠡᠶ ᠭᠡᠳᠡᠭ᠌

        ᠵᠢᠠᠨ ᠪᠢ ᠰᠡᠵᠢᠭᠯᠡᠪᠡ᠃

ᠴᠢᠮᠡᠭᠡ ᠦᠭᠡᠶ ᠣᠭᠢᠯᠠᠭᠰᠠᠨ ᠢ ᠮᠢᠨᠢ

        ᠭᠡᠨ ᠭᠦᠮᠤᠨ ᠬᠠᠷᠠᠴᠢᠬᠠᠭᠠᠤᠨ

ᠴᠡᠭᠡᠷ ᠦᠭᠡᠶ ᠰᠤᠨᠢᠨ ᠡᠷ᠎ᠡ ᠶᠤᠮ ᠳ᠋ᠠ ᠭᠡᠵᠤ

        ᠡᠯᠡᠭᠯᠡᠭᠦ ᠪᠣᠯᠪᠠᠤ

ᠣᠰᠤᠨ ᠨᠢᠳᠤᠯᠠᠵᠤ ᠣᠷᠤᠭᠤ ᠴᠢᠷᠠᠢ᠌ᠯᠠᠭᠰᠠᠨ ᠢ ᠮᠢᠨᠢ

        ᠴᠢ ᠮᠡᠳᠡᠴᠢᠭᠡᠭᠡᠳ

ᠣᠵᠤᠭᠤᠷ ᠡᠴᠠ ᠪᠠᠨ ᠨᠤᠳᠤ ᠰᠢᠩᠭᠡᠭ᠍ᠰᠡᠨ ᠡᠷ᠎ᠡ ᠶᠤᠮ ᠡ

        ᠭᠡᠵᠤ ᠣᠯᠠᠮ ᠴᠤ ᠭᠤᠯᠤᠬᠤ ᠪᠣᠯᠪᠠᠤ᠃

ᠨᠢᠯᠪᠣᠰᠤ ᠦᠭᠡᠶ ᠢᠨᠠᠭ ᠶᠠᠭᠠᠭᠢᠵᠤ

ᠨᠢᠭᠤᠴᠠᠭᠠᠢ ᠵᠢᠷᠦᠭᠡᠨ ᠳᠤ ᠬᠠᠳᠠᠩᠰᠢᠬᠤ ᠪᠢᠯᠠ

ᠰᠤᠷᠮᠤᠤᠰᠤ ᠨᠣᠢ᠌ᠳᠠᠨ ᠳᠤᠷᠠᠯᠠᠯ ᠳ᠋ᠠᠭᠠᠨ

ᠰᠤᠭᠳᠤᠭᠤᠷᠠᠵᠤ ᠣᠬᠠᠭᠠᠨ ᠠᠯᠳᠠᠳᠠᠭ ᠨᠢ

      ᠭᠠᠭᠴᠠ ᠪᠢ ᠪᠢᠰᠢ ᠰᠢᠤ ᠳ᠋ᠡ᠃

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠣᠷᠠᠤᠨ ᠤᠨ ᠳᠤᠮᠳᠠᠳᠤ ᠬᠤᠰᠢᠭᠤ