☆ ᠨᠠᠮᠳᠠᠢ᠌ᠰᠦ᠋ᠷᠤᠩ
ᠣᠩᠨᠢᠭᠤᠳ ᠬᠤᠰᠢᠭᠤᠨ ᠣᠪᠣᠭᠠ ᠶᠢᠨ ᠳᠠᠭᠢᠯᠭᠠ ᠶᠢᠨ ᠢᠷᠦᠭᠡᠯ
ᠵᠧ᠂
ᠣᠸᠮ ᠰᠠᠢ᠌ᠨ ᠠᠮᠤᠭᠤᠯᠠᠩ ᠪᠣᠯᠳᠤᠭᠠᠢ︕
ᠣᠯᠠᠮ ᠰᠠᠢ᠌ᠨ ᠵᠢᠷᠭᠠᠯᠠᠩ ᠪᠣᠯᠳᠤᠭᠠᠢ︕
ᠵᠳ ᠤ ᠰᠠᠢ᠌ᠬᠠᠨ ᠣᠯᠠᠷᠢᠯ ᠳ᠋ᠤ
ᠵᠠᠭᠤᠨ ᠴᠡᠴᠡᠭ᠌ ᠳᠡᠯᠭᠡᠷᠡᠪᠡ᠃
ᠵᠤᠯ ᠵᠢᠷᠭᠠᠯᠳᠤ ᠣᠩᠨᠢᠭᠤᠳ ᠳᠤ
ᠣᠪᠣᠭᠠᠨ ᠳᠠᠭᠢᠯᠭᠠ ᠡᠭᠢᠯᠡᠪᠡ᠃
ᠠᠯᠠᠭᠠᠨ ᠳᠡᠭᠡᠷᠡ ᠨᠢ ᠬᠠᠰ ᠯᠤᠤ ᠳᠤᠭᠯᠠᠵᠤ
ᠡᠩᠭᠡᠷ ᠳᠡᠭᠡᠷᠡ ᠨᠢ ᠠᠯᠳᠠᠨ ᠭᠠᠷᠤᠳᠢ ᠳᠠᠪᠳᠠᠷᠢᠵᠤ
ᠬᠠᠳᠠᠨ ᠳᠡᠭᠡᠷᠡ ᠨᠢ ᠨᠠᠷᠠᠨ ᠰᠠᠭᠢᠭᠤᠯᠰᠤ ᠳᠤᠳᠤᠷᠠᠵᠤ
ᠴᠢᠯᠠᠭᠤᠨ ᠳᠡᠭᠡᠷᠡ ᠨᠢ ᠮᠠᠨᠢ ᠶᠢᠨ ᠥᠰᠦᠭ᠌ ᠢᠯᠠᠷᠠᠵᠤ
ᠪᠠᠯᠡᠭ᠍ᠳᠤ ᠡᠭᠦᠯᠡ ᠳᠤᠷᠤᠨᠠ ᠡᠴᠡ ᠮᠠᠠᠳᠤᠵᠤ
ᠪᠠᠶᠠᠷ ᠤᠨ ᠠᠮᠢᠰᠬᠤᠯ ᠮᠠᠷ ᠮᠠᠷ ᠥᠯᠢᠶᠡᠭ᠍ᠰᠡᠨ
ᠲᠦᠮᠡᠨ ᠣᠨ ᠤ ᠳᠡᠦᠭᠡ ᠳᠠᠢ
ᠮᠢᠩᠭ᠋ᠠᠨ ᠵᠢᠯ ᠤᠨ ᠠᠯᠳᠠᠷᠳᠠᠢ
ᠮᠠᠠᠳᠤᠭᠰᠠᠨ ᠣᠩᠨᠢᠭᠤᠳ ᠨᠤᠳᠤᠭ ᠤᠨ
ᠨᠠᠪᠳᠠᠭ ᠰᠠᠪᠳᠠᠭ ᠥᠷᠦᠰᠢᠶᠡᠳᠦᠭᠡᠢ︕
ᠪᠣᠷᠤᠬᠤᠳᠠ ᠡᠴᠡ ᠵᠡᠭᠦᠡᠳᠡᠢ
ᠬᠠᠢ᠌ᠯᠠᠰᠤ ᠪᠠᠯᠭᠠᠰᠤ ᠡᠴᠡ ᠪᠠᠷᠠᠭᠤᠠᠳᠠᠢ
ᠰᠢᠷᠠᠳᠠᠯᠠ ᠶᠢᠨ ᠳᠤᠮᠳᠠ
ᠵᠠᠷᠠᠭᠠ ᠶᠢᠨ ᠣᠪᠣᠭᠠ ᠶᠢᠨ ᠠᠷᠤ ᠳ᠋ᠤ
ᠬᠤᠰᠢᠭᠤᠨ ᠣᠪᠣᠭᠠ ᠴᠢᠮᠢ᠋ᠢ ᠪᠠᠨ
ᠪᠠᠶᠠᠨ ᠦᠨᠳᠦᠷ ᠡᠴᠡ ᠪᠠᠶᠠᠨ ᠳᠠᠯᠠ ᠳᠤ ᠠᠪᠴᠢᠷᠠᠵᠤ
ᠪᠠᠷᠳᠠᠮ ᠰᠥᠷᠯᠢᠭ᠌ ᠪᠣᠰᠬᠠᠵᠤ
ᠪᠠᠬᠠᠷᠤᠳᠠᠯᠠ ᠰᠠᠢ᠌ᠬᠠᠨ ᠳᠠᠭᠢᠵᠤ ᠪᠠᠢ᠌ᠨᠠᠮ︕
ᠣᠪᠣᠭᠠᠨ ᠡᠵᠡᠨ ᠮᠢᠨᠢ ᠣᠷᠤᠨ ᠳᠠᠭᠠᠨ ᠰᠠᠭᠤᠮᠤ︕
ᠣᠯᠠᠨ ᠥᠭᠯᠢᠭᠡ ᠶᠢᠨ ᠡᠵᠡᠳ ᠴᠢᠨᠢ ᠳᠠᠨ ᠢ ᠪᠠᠨ ᠳᠠᠭᠢᠨᠠᠮ᠃
ᠢᠳᠡᠭᠡᠨ ᠤ ᠳᠡᠭᠡᠵᠢ ᠰᠠᠷᠬᠤᠤᠨ ᠵᠢᠠᠨ
ᠡᠵᠡᠨ ᠳᠡᠭ᠍ᠷᠢ ᠯᠤᠤᠰ ᠤᠨ ᠬᠠᠭᠠᠨ ᠳᠠᠭᠠᠨ ᠡᠷᠭᠦᠨᠡᠮ᠂
ᠬᠤᠰᠢᠭᠤᠨ ᠣᠪᠣᠭᠠᠨ ᠨᠠᠪᠳᠠᠭ ᠲᠤ ᠪᠠᠨ ᠡᠷᠭᠦᠨᠡᠮ᠂
ᠬᠤᠯᠠ ᠣᠢ᠌ᠷᠠ ᠶᠢᠨ ᠨᠠᠪᠳᠠᠭ ᠰᠠᠪᠳᠠᠭ ᠢ ᠵᠠᠯᠠᠨᠠᠮ᠃
ᠪᠠᠶᠠᠠᠬᠠᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠹᠧᠩ ᠱᠦᠢ ᠱᠠᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠰᠠᠷᠠᠳᠠᠢ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠱᠤᠷᠤᠩ ᠤᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠴᠠᠭᠠᠨ ᠪᠦᠷᠢᠶᠡ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠴᠤᠭ ᠦᠨᠳᠦᠷ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠠᠴᠢᠳᠤ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠠᠯᠳᠠᠨ ᠭᠠᠳᠠᠰᠤ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠡᠷᠳᠡᠨᠢ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠡᠩᠭᠡᠯᠡᠢ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠨᠠᠷᠠᠰᠤᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠨᠠᠷᠢᠨ ᠪᠠᠷᠭᠡ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠬᠠᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠬᠠᠷᠠ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠬᠠᠢ᠌ᠯᠠᠰᠤ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠬᠠᠯᠵᠠᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠶᠤᠯᠤ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠵᠤᠯ ᠤᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠦᠵᠦᠮ ᠤᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠰᠢᠳᠢ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠵᠠᠷᠠᠭᠠ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠭᠦᠷᠭᠢᠷᠡ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠮᠤᠭᠠᠢ᠌ᠳᠤ ᠬᠤᠷᠭᠤᠳᠤ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠮᠤᠷᠤᠩᠳᠤ ᠥᠨᠡᠭᠡᠳᠤ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠰᠢᠷᠠᠮᠦ᠋ᠷᠡᠨ ᠭᠤᠤᠯ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠯᠤᠤᠬᠠ ᠶᠢᠨ ᠭᠤᠤᠯ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠴᠦᠠᠳᠤᠪ ᠤᠨ ᠭᠤᠤᠯ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠢᠠᠵᠠᠭᠠ ᠶᠢᠨ ᠭᠤᠤᠯ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠴᠡᠭᠡᠨ ᠨᠠᠭᠤᠷ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠪᠦᠷᠢᠳᠤᠨ ᠨᠠᠭᠤᠷ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠷᠠᠰᠢᠶᠠᠨ ᠪᠣᠯᠠᠭ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠨᠤᠭᠤᠭᠠᠨ ᠪᠣᠯᠠᠭ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠯᠢᠩᠬᠤᠸᠠᠳᠤ ᠨᠠᠭᠤᠷ ᠤᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠬᠠᠯᠢᠭᠤᠳᠤ ᠳᠠᠯᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠣᠩᠨᠢᠭᠤᠳ ᠮᠠᠩᠬᠠ ᠶᠢᠨ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂
ᠣᠳᠠ ᠬᠠᠢ᠌ᠯᠠᠰᠤ ᠮᠤᠳᠤ ᠪᠦᠭᠦᠨ ᠤ ᠨᠠᠪᠳᠠᠭ ᠲᠤ ᠡᠷᠭᠦᠨᠡᠮ᠂᠂
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠠᠷᠴᠠ ᠶᠢᠨ ᠣᠳᠤᠭᠠ ᠪᠠᠷ ᠰᠠᠩ ᠳᠠᠯᠪᠢᠵᠤ ᠪᠠᠢ᠌ᠨᠠ᠂
ᠠᠷᠢᠭᠤᠨ ᠰᠠᠷᠬᠤᠤᠨ ᠶᠢᠡᠷ ᠰᠠᠴᠤᠯᠢ ᠡᠷᠭᠦᠵᠤ ᠪᠠᠢ᠌ᠨᠠ᠂
ᠠᠯᠢ ᠠᠮᠳᠠᠳᠠᠨ ᠢᠳᠡᠭᠡᠨ ᠶᠢᠡᠷ ᠡᠷᠭᠦᠯᠳᠡ ᠡᠷᠭᠦᠵᠤ ᠪᠠᠢ᠌ᠨᠠ᠂
ᠠᠶᠤᠰᠢ ᠬᠠᠳᠠᠭ ᠶᠢᠡᠨ ᠳᠡᠯᠭᠡᠨ ᠣᠭᠳᠤᠵᠤ ᠪᠠᠢ᠌ᠨᠠ᠃
ᠳᠠᠶᠠᠭᠠᠷ ᠣᠯᠠᠨ ᠶᠢᠡᠷ ᠶᠢᠡᠨ ᠡ᠊ᠨᠳᠡ ᠴᠤᠭᠯᠠᠷᠠᠭᠠᠤᠨ
ᠳᠠᠷᠬᠠᠨ ᠨᠤᠳᠤᠭ ᠤᠨ ᠶᠢᠡᠨ ᠡᠵᠡᠳ ᠰᠠᠭᠢᠭᠤᠯᠰᠤ ᠶᠢ ᠳᠠᠭᠢᠨᠠᠮ︕
ᠠᠪᠣᠷᠠᠭᠴᠢ ᠰᠠᠭᠢᠭᠤᠯᠰᠤ ᠨᠠᠪᠳᠠᠭ ᠰᠠᠪᠳᠠᠭ ᠪᠦᠭᠦᠳᠡᠭᠡᠷ ᠵᠢᠠᠨ
ᠠᠮᠢ ᠵᠠᠶᠠᠭᠠᠨ ᠤ ᠢᠪᠠᠭᠡᠭ᠍ᠴᠢ ᠳᠡᠭ᠍ᠷᠢ ᠪᠦᠭᠦᠳᠡᠭᠡᠷ ᠵᠢᠠᠨ
ᠣᠪᠣᠭᠠ ᠶᠢᠨ ᠴᠢᠠᠳᠠᠮᠤᠨᠢ ᠰᠠᠭᠢᠭᠤᠯᠰᠤ ᠪᠦᠭᠦᠳᠡᠭᠡᠷ ᠵᠢᠠᠨ
ᠣᠷᠤᠨ ᠣᠷᠤᠨ ᠳᠠᠭᠠᠨ ᠣᠷᠤᠰᠢᠬᠤ ᠪᠣᠯᠪᠠᠤ︕
ᠳᠡᠭ᠍ᠷᠢ ᠯᠤᠤᠰ ᠤᠨ ᠬᠠᠮᠤᠭ ᠨᠠᠪᠳᠠᠭ ᠤᠳ
ᠳᠡᠭᠦᠰ ᠰᠠᠩ ᠤᠨ ᠡᠵᠡᠳ ᠡ᠊ᠨᠳᠡ ᠪᠠᠨ ᠰᠠᠭᠠᠳᠠ︕
ᠳᠦᠷᠪᠡᠨ ᠵᠥᠭ᠌ ᠨᠢ᠋ᠮᠠᠨ ᠵᠤᠪᠭᠢᠰ ᠤᠨ ᠠᠭᠤᠯᠠ ᠣᠰᠤᠨ ᠤ
ᠲᠡᠳᠬᠦᠨ ᠬᠠᠮᠠᠭᠠᠯᠠᠭᠴᠢ ᠨᠠᠪᠳᠠᠭ ᠰᠠᠪᠳᠠᠭ ᠤᠳ ᠵᠠᠯᠠᠷᠠᠨ ᠢᠷᠡᠳᠦᠭᠡᠢ︕
ᠠᠢ᠌ᠯ ᠵᠡᠷᠭᠡᠯᠳᠡᠭᠡ ᠬᠤᠰᠢᠭᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠤᠳ
ᠠᠢ᠌ᠯᠠᠴᠢᠯᠠᠵᠤ ᠡ᠊ᠨᠳᠡ ᠮᠤᠷᠢᠯᠠᠨ ᠪᠠᠭᠤᠳᠤᠭᠠᠢ︕
ᠣᠪᠣᠭᠠ ᠣᠩᠭ᠋ᠤᠳ ᠤᠨ ᠡᠵᠡᠳ ᠰᠠᠭᠢᠭᠤᠯᠰᠤ ᠳ᠋ᠠᠭᠠᠨ
ᠠᠷᠢᠭᠢ ᠳᠠᠷᠠᠰᠤ ᠠᠢ᠌ᠷᠠᠭ ᠰᠦ᠋ ᠪᠠᠷ ᠰᠠᠴᠤᠯᠢ ᠡᠷᠭᠦᠵᠤ ᠪᠠᠢ᠌ᠨᠠ︕
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠣᠷᠤᠨ ᠨᠤᠳᠤᠭ ᠤᠨ ᠨᠠᠪᠳᠠᠭ ᠰᠠᠪᠳᠠᠭ ᠪᠠᠶᠠᠰᠳᠤᠭᠠᠢ︕
ᠣᠯᠠᠨ ᠵᠤᠴᠢᠨ ᠨᠠᠪᠳᠠᠭ ᠰᠠᠪᠳᠠᠭ ᠪᠢᠰᠢᠷᠡᠳᠦᠭᠡᠢ︕
ᠴᠠᠭᠠᠨ ᠪᠦᠷᠢᠶᠡ ᠠᠭᠤᠯᠠ ᠶᠢᠨ ᠪᠣᠬᠠ ᠣᠷᠭᠢᠷᠠᠵᠤ᠂
ᠪᠠᠶᠠᠠᠬᠠᠨ ᠠᠭᠤᠯᠠ ᠶᠢᠨ ᠰᠠᠭᠢᠭᠤᠯᠰᠤ ᠥᠷᠦᠰᠢᠶᠡᠳᠦᠭᠡᠢ︕
ᠭᠠᠷᠤᠳᠢ ᠠᠭᠤᠯᠠᠨ ᠤ ᠠᠯᠳᠠᠨ ᠭᠠᠷᠤᠳᠢ ᠳᠠᠪᠳᠠᠷᠢᠵᠤ᠂
ᠡᠷᠳᠡᠨᠢ ᠠᠭᠤᠯᠠ ᠶᠢᠨ ᠠᠯᠳᠠᠨ ᠣᠨᠠᠭᠠ ᠢᠠᠴᠠᠭᠠᠳᠤᠭᠠᠢ︕
ᠠᠴᠢᠳᠤ ᠠᠭᠤᠯᠠ ᠶᠢᠨ ᠠᠯᠳᠠᠨ ᠳᠠᠭᠢᠶᠠ ᠳᠤᠤᠭᠠᠷᠴᠤ᠂
ᠴᠡᠭᠡᠨ ᠨᠠᠭᠤᠷ ᠤᠨ ᠭᠦᠮᠪᠠᠷᠡ ᠮᠠᠳᠠᠷ ᠳᠡᠭ᠍ᠳᠡᠳᠦᠭᠡᠢ︕
ᠠᠷᠴᠠᠨ ᠪᠠᠷᠭᠡ ᠶᠢᠨ ᠬᠠᠷᠠ ᠠᠵᠢᠷᠭᠠ ᠥᠤᠷᠰᠠᠵᠤ᠂
ᠬᠠᠯᠵᠠᠨ ᠠᠭᠤᠯᠠ ᠶᠢᠨ ᠰᠠᠭᠢᠭᠤᠯᠰᠤᠨ ᠪᠣᠭᠤ ᠳᠤᠭᠯᠠᠳᠤᠭᠠᠢ︕
ᠬᠤᠷᠠᠬᠤ ᠶᠢᠨ ᠠᠭᠤᠯᠠ ᠶᠢᠨ ᠰᠢᠳᠦᠭᠡᠨ ᠳᠤᠰᠠᠯᠠᠵᠤ᠂
ᠭᠡᠰᠡᠷ ᠪᠣᠭᠳᠠ ᠶᠢᠨ ᠭᠦᠴᠤᠨ ᠳᠡᠮᠵᠢᠭᠦ ᠪᠣᠯᠳᠤᠭᠠᠢ︕
ᠬᠠᠨ ᠠᠭᠤᠯᠠ ᠶᠢᠨ ᠳᠠᠢ᠌ᠴᠢᠨ ᠳᠡᠭ᠍ᠷᠢ ᠦᠷᠦᠰᠢᠶᠠᠵᠤ᠂
ᠶᠤᠯᠤ ᠶᠢᠨ ᠠᠭᠤᠯᠠ ᠶᠢᠨ ᠨᠠᠪᠳᠠᠭ ᠳᠤᠰᠠᠯᠠᠬᠤ ᠪᠣᠯᠳᠤᠭᠠᠢ︕
ᠨᠠᠮ ᠤᠨ ᠲᠦᠷᠦ ᠶᠢᠨ ᠪᠣᠳᠤᠯᠭᠠ ᠢᠪᠠᠭᠡᠵᠤ᠂
ᠨᠠᠷᠮᠠᠢ ᠣᠯᠠᠨ ᠵᠢᠷᠭᠠᠬᠤ ᠪᠣᠯᠳᠤᠭᠠᠢ︕
ᠣᠯᠤᠰ ᠭᠦᠷᠤᠨ ᠡᠩᠭᠡ ᠳᠠᠢ᠌ᠪᠣᠩ᠂
ᠣᠯᠠᠨ ᠦᠨᠳᠦᠰᠦᠳᠠᠨ ᠡᠶᠡ ᠪᠦᠯᠭᠦᠮᠳᠡᠯ ᠲᠡᠶ ᠪᠣᠯᠳᠤᠭᠠᠢ︕
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠣᠯᠠᠨ ᠭᠦᠳᠡᠯᠦᠯᠴᠡᠵᠤ ᠣᠪᠣᠭᠠ ᠳᠠᠭᠢᠭᠰᠠᠨ ᠵᠢᠠᠷ
ᠣᠯᠠᠭᠠᠨ ᠭᠠᠩ ᠡᠴᠦᠰᠯᠡᠵᠤ᠂
ᠣᠰᠤᠨ ᠭᠠᠮᠰᠢᠭ ᠵᠠᠢ᠌ᠯᠵᠤ᠂
ᠴᠠᠭ ᠤᠨ ᠬᠤᠷᠠ ᠪᠠᠭᠤᠵᠤ᠂
ᠴᠠᠭᠠᠨ ᠮᠦᠨᠳᠤᠷ ᠠᠷᠢᠯᠵᠤ᠂
ᠴᠠᠰᠤ ᠵᠤᠳ ᠪᠠᠭᠠᠰᠴᠤ᠂
ᠰᠠᠯᠭᠢᠨ ᠭᠠᠮᠰᠢᠭ ᠦᠭᠡᠶ ᠪᠣᠯᠵᠤ᠂
ᠭᠢᠷᠠᠭᠤ ᠶᠢᠨ ᠭᠠᠮᠰᠢᠭ ᠡᠴᠡ ᠭᠡᠯᠳᠦᠷᠢᠵᠤ᠂
ᠬᠤᠷᠤᠬᠠᠢ ᠶᠢᠨ ᠭᠠᠮᠰᠢᠭ ᠣᠰᠠᠳᠴᠤ᠂
ᠬᠤᠤᠷᠯᠠᠭᠴᠢ ᠳᠠᠢ᠌ᠰᠤᠨ ᠰᠦᠨᠤᠵᠤ᠂
ᠥᠷᠭᠡᠨ ᠣᠯᠠᠨ ᠥᠭᠯᠢᠭ᠍ᠴᠢᠳ ᠳᠤ
ᠦᠨᠡᠨ ᠵᠢᠷᠭᠠᠯ ᠢᠷᠡᠭᠦ ᠪᠣᠯᠳᠤᠭᠠᠢ︕
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠵᠤ
ᠬᠤᠳᠠᠯᠠ ᠣᠯᠠᠨ ᠭᠦᠳᠡᠯᠦᠯᠴᠡᠭ᠍ᠰᠡᠨ ᠡᠴᠡ
ᠮᠠᠩᠬᠠᠨ ᠳᠤ ᠮᠤᠳᠤ ᠪᠣᠷᠭᠠᠰᠤ ᠭᠦᠭᠡᠷᠡᠵᠤ᠂
ᠳᠠᠯᠠ ᠳᠤ ᠡᠪᠠᠰᠤ ᠬᠤᠯᠤᠰᠤ ᠨᠤᠭᠤᠭᠠᠷᠠᠵᠤ᠂
ᠭᠦᠡᠳᠡᠢ ᠵᠤ᠋ ᠪᠠᠷ ᠠᠯᠳᠠᠨ ᠳᠠᠷᠢᠶᠠ ᠬᠠᠯᠢᠭᠤᠷᠠᠵᠤ᠂
ᠭᠦᠳᠡᠭᠡ ᠭᠠᠳᠠᠭᠠ ᠦᠭᠡᠶ ᠣᠢ᠌ᠯᠠᠳᠪᠣᠷᠢ ᠭᠦᠭ᠍ᠵᠢᠵᠤ᠂
ᠬᠠᠰᠢᠶᠠᠨ ᠳᠤᠳᠤᠷᠠ ᠥᠭᠡᠷ ᠬᠤᠨᠢ ᠳᠦᠭᠦᠷᠴᠤ᠂
ᠨᠠᠭᠤᠷ ᠭᠤᠤᠯ ᠶᠢᠡᠷ ᠵᠢᠭᠠᠰᠤ ᠵᠢᠷᠭᠠᠬᠠᠢ ᠪᠢᠯᠬᠠᠵᠤ᠂
ᠠᠭᠤᠯᠠ ᠪᠣᠯᠭᠠᠨ ᠶᠢᠡᠷ ᠨᠠᠷᠠᠰᠤ ᠮᠠᠢ᠌ᠯᠠᠰᠤ ᠪᠦᠷᠭᠦᠵᠤ᠂
ᠬᠤᠳᠠ ᠪᠠᠯᠭᠠᠰᠤ ᠪᠠᠷ ᠠᠰᠠᠷ ᠳᠠᠭᠳᠤ ᠰᠦᠨᠳᠠᠷᠯᠠᠵᠤ᠂
ᠵᠠᠮ ᠬᠠᠷᠢᠯᠴᠠᠭᠠ ᠳᠦᠷᠪᠡᠨ ᠵᠥᠭ᠌ ᠲᠤ ᠨᠠᠪᠳᠠᠷᠠᠵᠤ᠂
ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠦᠷᠨᠢᠨ ᠭᠦᠭ᠍ᠵᠢᠵᠤ᠂
ᠠᠳᠤᠭᠤ ᠮᠠᠯ ᠠᠳᠠᠷ ᠳᠦᠭᠦᠷᠡᠩ᠂
ᠠᠮᠤ ᠪᠣᠳᠠᠭᠠ ᠭᠦᠮᠦᠷᠭᠡ ᠳᠦᠭᠦᠷᠡᠩ᠂
ᠡᠳ᠋ ᠭᠦᠷᠦᠩᠭᠡ ᠡᠯᠪᠠᠭ᠌ ᠳᠡᠯᠪᠠᠭ᠌
ᠡᠷᠭᠢᠨ ᠠᠷᠠᠤᠨ ᠡᠷᠡᠭᠦᠯ ᠴᠠᠭᠢᠷᠠᠭ᠂
ᠡᠩ ᠶᠢᠷᠳᠢᠠᠴᠤ ᠡᠶᠡ ᠵᠤᠭᠢᠴᠠᠩᠭ᠋ᠤᠢ᠂
ᠡᠯᠡ ᠣᠢ᠌ᠯᠠᠰ ᠭᠦᠭ᠍ᠵᠢᠯ ᠪᠠᠳᠠᠷᠠᠩᠭ᠋ᠤᠢ ᠪᠣᠯᠵᠤ᠂
ᠣᠨ ᠣᠨ ᠥᠭᠡᠳᠡ ᠡᠰᠡᠷᠡᠭ᠌᠂
ᠦᠯᠵᠡᠢ ᠬᠤᠳᠤᠭ ᠮᠥᠩᠭᠡ ᠣᠷᠤᠰᠢᠬᠤ ᠪᠣᠯᠳᠤᠭᠠᠢ︕
ᠲᠦᠷᠦ ᠭᠦᠷᠤᠨ ᠡᠩᠭᠡ ᠳᠠᠢ᠌ᠪᠣᠩ᠂
ᠲᠦᠮᠡᠨ ᠠᠷᠠᠤᠨ ᠪᠠᠶᠠᠨ ᠴᠢᠨᠡᠭᠡᠯᠢᠭ᠌᠂
ᠦᠨᠳᠦᠰᠦᠳᠠᠨ ᠪᠦᠭᠦᠨ ᠡᠷᠭᠡ ᠳᠡᠭ᠍ᠰᠢ
ᠦᠨᠢᠷ ᠵᠢᠷᠭᠠᠯ ᠲᠡᠶ ᠠᠮᠢᠳᠤᠷᠠᠬᠤ ᠪᠣᠯᠳᠤᠭᠠᠢ︕
ᠠᠷᠠᠤᠨ ᠣᠯᠠᠨ ᠶᠢᠡᠷ ᠶᠢᠡᠨ ᠣᠷᠤᠯᠴᠠᠨ
ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠠᠰᠠᠨ ᠵᠢᠠᠷ
ᠣᠳᠤᠮ ᠰᠠᠢ᠌ᠳᠠᠢ ᠪᠦᠭᠡᠴᠦᠳ ᠣᠯᠠᠰᠢᠷᠠᠬᠤ ᠪᠣᠯᠳᠤᠭᠠᠢ︕
ᠣᠷᠠᠨ ᠮᠡᠷᠭᠡᠨ ᠪᠠᠷᠢᠶᠠᠤᠨ ᠣᠯᠠᠰᠢᠷᠠᠬᠤ ᠪᠣᠯᠳᠤᠭᠠᠢ︕
ᠣᠬᠠᠭᠠᠨ ᠰᠠᠴᠠᠨ ᠦᠷᠡ ᠬᠡᠦᠬᠡᠳ ᠣᠯᠠᠰᠢᠷᠠᠬᠤ ᠪᠣᠯᠳᠤᠭᠠᠢ︕
ᠣᠷᠭᠤᠭᠠ ᠵᠢᠷᠤᠭᠠ ᠮᠤᠷᠢᠳ ᠣᠯᠠᠰᠢᠷᠠᠬᠤ ᠪᠣᠯᠳᠤᠭᠠᠢ︕
ᠬᠠᠷᠪᠣᠯᠳᠠ ᠰᠠᠢ᠌ᠳᠠᠢ ᠰᠤᠷᠴᠢᠳ ᠣᠯᠠᠰᠢᠷᠠᠬᠤ ᠪᠣᠯᠳᠤᠭᠠᠢ︕
ᠰᠤᠷᠤᠯᠭᠠ ᠰᠠᠢ᠌ᠳᠠᠢ ᠪᠠᠭᠠᠴᠤᠳ ᠣᠯᠠᠰᠢᠷᠠᠬᠤ ᠪᠣᠯᠳᠤᠭᠠᠢ︕
ᠡᠷᠳᠡᠮᠳᠡᠨ ᠮᠡᠷᠭᠡᠳ ᠣᠯᠠᠰᠢᠷᠠᠬᠤ ᠪᠣᠯᠳᠤᠭᠠᠢ︕
ᠡᠳ᠋ ᠪᠠᠶᠠᠯᠢᠭ ᠠᠷᠪᠢᠵᠢᠬᠤ ᠪᠣᠯᠳᠤᠭᠠᠢ︕
ᠨᠠᠭᠠᠳᠤᠮ ᠤᠨ ᠬᠤᠷᠠᠯ ᠠᠮᠤᠷ ᠲᠦᠪᠰᠢᠨ᠂
ᠨᠠᠢ᠌ᠷ ᠨᠠᠭᠠᠳᠤᠮ ᠭᠦᠭ᠍ᠵᠢᠶᠡ᠊ᠨᠳᠡᠢ ᠪᠣᠯᠳᠤᠭᠠᠢ︕
ᠬᠤᠳᠠᠯᠠ ᠳᠡᠭᠦᠰ ᠪᠣᠯᠤᠭᠰᠠᠨ
ᠬᠤᠰᠢᠭᠤᠨ ᠣᠪᠣᠭᠠ ᠳᠠᠨ ᠳ᠋ᠠᠭᠠᠨ
ᠠᠳᠤᠭᠤ ᠮᠠᠯ ᠤᠨ ᠪᠣᠶᠠᠨ ᠭᠡᠰᠢᠭ᠌
ᠠᠮᠤ ᠳᠠᠷᠢᠶᠠᠨ ᠤ ᠡᠯᠪᠠᠭ᠌ ᠬᠤᠷᠢᠶᠠᠯᠳᠠ
ᠠᠵᠤ ᠣᠢ᠌ᠯᠠᠳᠪᠣᠷᠢ ᠶᠢᠨ ᠳᠦᠷᠭᠡᠨ ᠭᠦᠭ᠍ᠵᠢᠯᠳᠡ
ᠠᠷᠠᠤᠨ ᠤᠨ ᠠᠮᠢᠳᠤᠷᠠᠯ ᠤᠨ ᠠᠮᠤᠷ ᠳᠠᠢ᠌ᠪᠣᠩ
ᠠᠮᠢ ᠨᠠᠰᠤᠨ ᠤ ᠣᠷᠳᠤ ᠪᠣᠯᠬᠤ ᠵᠢ
ᠡᠷᠭᠦᠯᠴᠢᠨ ᠣᠯᠠᠨ ᠪᠦᠭᠦᠳᠡᠭᠡᠷ ᠵᠢᠠᠨ
ᠠᠢ᠌ᠯᠠᠳᠬᠠᠨ ᠳᠠᠭᠠᠳᠬᠠᠵᠤ ᠪᠠᠢ᠌ᠨᠠ᠃
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠣᠮ ᠮᠠ ᠬᠤᠩ᠂ ᠣᠮ ᠮᠠ ᠬᠤᠩ︕
ᠬᠤᠰᠢᠭᠤᠨ ᠣᠪᠣᠭᠠ ᠶᠢᠨ ᠳᠠᠯᠠᠯᠭᠠ ᠠᠪᠬᠤ ᠥᠭᠡ
ᠳᠠᠭᠠᠭᠠᠮᠠᠯ᠄ ᠣᠸᠮ ᠰᠠᠢ᠌ᠨ ᠠᠮᠤᠭᠤᠯᠠᠩ ᠪᠣᠯᠳᠤᠭᠠᠢ︕
ᠡᠴᠢᠭᠡ ᠳᠡᠭ᠍ᠷᠢ ᠡᠭᠡ ᠭᠠᠵᠠᠷ
ᠬᠤᠰᠢᠭᠤᠨ ᠣᠪᠣᠭᠠ ᠶᠢᠨ ᠠᠪᠣᠷᠠᠯ ᠵᠢᠠᠷ
ᠡᠭᠡ ᠨᠤᠳᠤᠭ ᠮᠢᠨᠢ ᠪᠠᠶᠠᠵᠢᠨ ᠴᠡᠴᠡᠭᠯᠡᠵᠤ
ᠡᠪ ᠬᠠᠮᠳᠤ ᠨᠠᠮ ᠤᠨ ᠣᠳᠤᠷᠢᠳᠤᠯᠭᠠ ᠪᠠᠷ
ᠡᠯᠡ ᠦᠨᠳᠦᠰᠦᠳᠠᠨ ᠪᠦᠯᠭᠦᠮᠳᠡᠨ ᠨᠢᠠᠠᠳᠠᠷᠠᠭᠰᠠᠨ
ᠡᠶᠡ ᠵᠤᠭᠢᠴᠠᠯᠳᠤ ᠰᠢᠨᠡ ᠣᠩᠨᠢᠭᠤᠳ ᠮᠢᠨᠢ
ᠨᠠᠩ ᠳᠦᠷᠭᠡᠨ ᠭᠦᠭ᠍ᠵᠢᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠠᠭᠤᠯᠠ ᠣᠰᠤᠨ ᠤ ᠨᠠᠪᠳᠠᠭ ᠤᠨ ᠰᠤᠶᠤᠷᠬᠠᠯ ᠵᠢᠠᠷ
ᠪᠣᠷᠤᠭᠠᠨ ᠣᠰᠤ ᠳᠡᠭ᠍ᠰᠢᠷᠡᠵᠤ
ᠳᠠᠪᠤᠨ ᠳᠠᠷᠢᠶᠠ ᠡᠯᠪᠠᠭ᠌ ᠬᠤᠷᠢᠶᠠᠵᠤ
ᠳᠠᠶᠠᠭᠠᠷ ᠣᠯᠠᠨ ᠢ ᠢᠪᠠᠭᠡᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠶᠢᠨ ᠦᠷᠦᠰᠢᠶᠠᠯ ᠵᠢᠠᠷ
ᠬᠤᠷᠠ ᠳᠤᠨᠤᠳᠠᠰᠤ ᠳᠡᠭ᠍ᠰᠢᠷᠡᠵᠤ
ᠡᠪᠠᠰᠤ ᠪᠠᠯᠴᠢᠭᠡᠷ ᠥᠩᠭᠡᠰᠢᠵᠤ
ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠦᠨᠢᠷ ᠥᠰᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠬᠤᠷᠠ ᠶᠢᠨ ᠰᠢᠮᠠ ᠬᠠᠢ᠌ᠷᠠᠯᠠᠵᠤ
ᠠᠭᠤᠯᠠ ᠣᠰᠤ ᠨᠤᠭᠤᠭᠠᠷᠠᠨ
ᠠᠮᠢ ᠠᠬᠤᠢ ᠰᠠᠢ᠌ᠵᠢᠷᠠᠬᠤ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠭᠤᠤᠯ ᠮᠦᠷᠠᠨ ᠪᠣᠯᠭᠠᠨ ᠬᠠᠰᠢᠯᠭᠠ ᠪᠣᠭᠤᠯᠳᠠ ᠳᠠᠢ
ᠨᠠᠭᠤᠷ ᠴᠥᠭᠦᠷᠡᠮ ᠪᠣᠯᠭᠠᠨ ᠵᠢᠭᠠᠰᠤᠨ ᠭᠠᠷᠤᠯᠳᠠ ᠲᠡᠶ ᠪᠣᠯᠵᠤ
ᠣᠰᠤᠨ ᠠᠰᠢᠭᠯᠠᠯᠳᠠ ᠣᠯᠠᠮ ᠭᠦᠭ᠍ᠵᠢᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠡᠳ᠋ ᠤᠨ ᠡᠵᠡᠳ ᠪᠠᠶᠠᠰᠴᠤ
ᠣᠢ᠌ᠯᠠᠳᠪᠣᠷᠢ ᠠᠭᠤᠷᠬᠠᠢ ᠶᠢᠨ ᠭᠠᠷᠤᠯᠳᠠ ᠨᠡᠮᠡᠭ᠍ᠳᠡᠵᠤ
ᠡᠳ᠋ ᠤᠨ ᠵᠠᠰᠠᠭ ᠤᠨ ᠣᠷᠤᠯᠭᠠ ᠨᠡᠮᠡᠭ᠍ᠳᠡᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠭᠦᠭ᠍ᠵᠢᠶᠡᠨᠳᠡᠢ ᠪᠣᠯᠵᠤ
ᠠᠰᠢᠭ ᠣᠷᠤᠯᠭᠠ ᠨᠡᠮᠡᠭ᠍ᠳᠡᠨ
ᠠᠷᠠᠤᠨ ᠤᠨ ᠠᠮᠢᠳᠤᠷᠠᠯ ᠰᠠᠢ᠌ᠵᠢᠷᠠᠬᠤ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠵᠠᠮ ᠬᠠᠷᠢᠯᠴᠠᠭᠠ ᠳᠦᠭᠦᠮ ᠪᠣᠯᠵᠤ
ᠠᠶᠠᠨ ᠳᠡᠭᠡᠭᠡᠪᠦᠷᠢ ᠭᠦᠭ᠍ᠵᠢᠶᠡᠨᠳᠡᠢ ᠪᠣᠯᠵᠤ
ᠠᠷᠠᠤᠨ ᠤᠨ ᠣᠷᠤᠯᠭᠠ ᠨᠡᠮᠡᠭ᠍ᠳᠡᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠬᠤᠳᠠ ᠶᠢᠨ ᠪᠦᠳᠦᠭᠡᠨ ᠪᠠᠢ᠌ᠭᠤᠯᠤᠯᠳᠠ ᠳᠦᠷᠭᠡᠳᠴᠤ
ᠵᠡᠭᠡᠯᠢ ᠭᠤᠳᠤᠮᠵᠢ ᠰᠠᠷᠠᠭᠤᠯ ᠠᠭᠤᠳᠠᠮ
ᠠᠰᠠᠷ ᠳᠠᠭᠳᠤ ᠰᠥᠷᠯᠢᠭ᠌ ᠰᠠᠢ᠌ᠬᠠᠨ
ᠬᠤᠳᠠ ᠶᠢᠨ ᠦᠵᠡᠮᠵᠢ ᠭᠤᠴᠤ ᠰᠠᠢ᠌ᠨ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠥᠰᠦᠭ᠌ ᠪᠢᠴᠢᠭ᠌ ᠶᠢᠡᠷ ᠣᠯᠠᠮ ᠭᠡᠭᠡᠷᠡᠵᠤ
ᠰᠤᠳᠤᠨ ᠪᠠᠭᠠᠴᠤᠳ ᠣᠯᠠᠰᠢᠷᠠᠵᠤ
ᠰᠤᠷᠭᠠᠨ ᠭᠦᠮᠦᠵᠢᠯ ᠭᠦᠭ᠍ᠵᠢᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠰᠤᠶᠤᠯ ᠳᠠᠮᠢᠷ ᠣᠯᠠᠮ ᠭᠦᠭ᠍ᠵᠢᠵᠤ
ᠰᠤᠳᠤᠨ ᠡᠷᠳᠡᠮᠳᠡᠨ ᠣᠯᠠᠰᠢᠷᠠᠵᠤ
ᠥᠩᠭᠡ ᠶᠢᠨ ᠴᠡᠴᠡᠭ᠌ ᠳᠡᠯᠭᠡᠷᠡᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠣᠪᠣᠭᠠᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠤᠨ ᠦᠷᠦᠰᠢᠶᠠᠯ ᠵᠢᠠᠷ
ᠡᠮ ᠡᠮᠨᠡᠯᠭᠡ ᠶᠢᠨ ᠣᠢ᠌ᠯᠠᠰ ᠭᠦᠭ᠍ᠵᠢᠵᠤ
ᠡᠪᠡᠳᠴᠢᠨ ᠡᠮᠵᠢᠭ᠌ ᠠᠷᠢᠯᠵᠤ
ᠥᠭᠯᠢᠭᠡ ᠶᠢᠨ ᠡᠵᠡᠳ ᠪᠦᠭᠦᠨ ᠣᠷᠳᠤ ᠨᠠᠰᠤᠯᠠᠬᠤ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠵᠢᠠᠷ
ᠭᠦᠮᠤᠨ ᠠᠷᠠᠤᠨ ᠨᠢ ᠰᠠᠴᠠᠨ ᠰᠡᠷᠭᠦᠯᠡᠩ ᠪᠣᠯᠵᠤ
ᠰᠢᠨᠡ ᠡᠭᠦᠳᠡᠯᠳᠡ ᠨᠠᠩ ᠣᠯᠠᠰᠢᠷᠠᠵᠤ
ᠰᠢᠡᠵᠢᠯᠡᠭᠦ ᠮᠡᠷᠭᠡᠵᠢᠯ ᠶᠡᠭᠡᠪᠠᠷ ᠭᠦᠭ᠍ᠵᠢᠭᠦ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠳᠠᠭᠠᠭᠠᠮᠠᠯ᠄ ᠬᠤᠰᠢᠭᠤᠨ ᠣᠪᠣᠭᠠ ᠪᠠᠨ ᠳᠠᠭᠢᠭᠰᠠᠨ ᠤ ᠰᠠᠢ᠌ᠨ ᠵᠢᠠᠷ
ᠬᠤᠳᠤᠭ ᠭᠡᠰᠢᠭ᠌ ᠡᠭᠦᠳᠡ ᠪᠣᠯᠭᠠᠨ ᠳᠤ ᠰᠠᠭᠠᠳᠠᠵᠤ
ᠬᠤᠳᠠᠯᠠ ᠪᠣᠶᠠᠨ ᠡᠷᠦᠭᠡ ᠪᠣᠯᠭᠠᠨ ᠳᠤ ᠪᠠᠭᠤᠵᠤ
ᠡᠳ᠋ ᠭᠦᠷᠦᠩᠭᠡ ᠡᠯᠪᠠᠭ᠌ ᠳᠡᠯᠪᠠᠭ᠌ ᠪᠣᠯᠳᠤᠭᠠᠢ︕
ᠡᠷᠦᠭᠡ ᠭᠡᠷ ᠡᠶᠡ ᠪᠦᠯᠭᠦᠮᠳᠡᠯ ᠲᠡᠶ ᠪᠣᠯᠳᠤᠭᠠᠢ︕
ᠡᠨᠡ ᠪᠠᠶᠠ ᠡᠷᠡᠭᠦᠯ ᠴᠠᠭᠢᠷᠠᠭ ᠪᠣᠯᠳᠤᠭᠠᠢ︕
ᠡᠭᠡ ᠨᠤᠳᠤᠭ ᠪᠠᠶᠠᠨ ᠴᠢᠨᠡᠭᠡᠯᠢᠭ᠌ ᠪᠣᠯᠳᠤᠭᠠᠢ︕
ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
ᠣᠯᠠᠨ᠄ ᠬᠤᠷᠤᠢ᠂ ᠬᠤᠷᠤᠢ᠂ ᠬᠤᠷᠤᠢ︕
2009 ᠣᠨ ᠤᠪ11 ᠰᠠᠷᠠ ᠵᠢᠨ 22 ᠊ᠤᠨ ᠡᠳᠦᠷ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠣᠩᠨᠢᠭᠤᠳ ᠬᠤᠰᠢᠭᠤᠨ ᠤ ᠢᠳᠡᠭᠡᠮᠵᠢ ᠶᠢᠨ ᠬᠤᠯᠪᠣᠭᠠᠳᠤ ᠬᠤᠷᠰᠢᠶᠠ
ᠵᠤᠬᠢᠶᠠᠭᠴᠢ᠄ ᠨᠠᠮᠳᠠᠢ᠌ᠰᠦ᠋ᠷᠤᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠤᠶᠤᠯ ᠣᠷᠠᠯᠢᠭᠳᠠᠷᠤᠮ᠄ 7449
ᠴᠠᠭ᠄ 2009 ᠤᠨ ᠤ 12 ᠰᠠᠷᠠ ᠶᠢᠨ 01
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ