☆ ᠵᠠᠩᠮᠠᠷ
ᠵᠢᠭᠠᠬᠠᠨ ᠰᠢᠷᠭᠠ ᠶᠢᠨ ᠮᠠᠭᠳᠠᠭᠠᠯ
(ᠬᠤᠯᠪᠣᠭᠠ)
ᠨᠠᠢ᠌ᠷ ᠤᠨ ᠳᠡᠷᠢᠭᠦᠨ
ᠨᠠᠭᠠᠳᠤᠮ ᠤᠨ ᠮᠡᠡᠭᠯᠡᠢ
ᠨᠠᠷᠠᠳᠤ ᠤᠨ ᠴᠢᠮᠡᠭ᠌
ᠨᠠᠰᠤᠨ ᠤ ᠬᠠᠨᠢ
ᠵᠢᠷᠤᠭᠠ ᠪᠠᠭᠠᠬᠠᠨ ᠰᠢᠷᠭᠠ ᠶᠢᠨ ᠶᠢᠡᠨ
ᠵᠢᠯᠤᠭᠤ ᠶᠢ ᠨᠢ ᠳᠠᠳᠠᠭᠠᠤᠨ ᠮᠤᠷᠳᠠᠶᠠ
ᠵᠤᠯᠪᠣᠭᠠ ᠳᠡᠭᠦᠰ ᠨᠠᠭᠠᠳᠤᠮ ᠤᠨ ᠶᠢᠡᠨ
ᠵᠤᠯ ᠵᠠᠪᠰᠢᠶᠠᠨ ᠢ ᠨᠢ ᠦᠵᠡᠶᠠ
ᠣᠳᠤᠮ ᠰᠠᠢ᠌ᠳᠤ ᠶᠢᠨ ᠣᠨᠠᠭᠠ
ᠣᠭᠤᠷᠠᠭ ᠰᠠᠢ᠌ᠳᠤ ᠶᠢᠨ ᠳᠦᠯ
ᠣᠷᠤᠯᠳᠤᠭᠠᠨ ᠭᠦᠯᠦᠭ᠌ ᠤᠨ ᠮᠡᠡᠭᠯᠡᠢ
ᠣᠬᠠᠭᠠᠠᠳᠤ ᠭᠦᠮᠤᠨ ᠤ ᠬᠠᠨᠢ
ᠣᠨᠠᠭᠠᠨ ᠪᠠᠭᠠᠬᠠᠨ ᠰᠢᠷᠭᠠ ᠶᠢᠨ ᠶᠢᠡᠨ
ᠣᠤᠳᠠ ᠶᠢ ᠨᠢ ᠳᠡᠷᠦᠰᠭᠢᠭᠡᠤᠨ ᠮᠤᠷᠳᠠᠶᠠ
ᠣᠴᠠᠷᠠᠯ ᠳᠡᠭᠦᠰ ᠨᠠᠭᠠᠳᠤᠮ ᠤᠨ ᠶᠢᠡᠨ
ᠣᠷᠠᠮ ᠳᠠᠮ ᠢ ᠨᠢ ᠦᠵᠡᠶᠠ ᠳ᠋ᠠ
ᠥᠭᠡ ᠄ ᠵᠠ ᠢᠩᠭᠢᠭᠡᠤᠨ ᠶᠡᠭᠡ ᠨᠠᠭᠠᠳᠤᠮ ᠤᠨ ᠠᠩᠬᠠᠨ ᠤ ᠡᠳᠦᠷ ᠤᠨ ᠣᠷᠭᠤᠬᠤ ᠣᠯᠠᠭᠠᠨ ᠨᠠᠷᠠᠨ ᠶᠢᠡᠷ ᠬᠤᠷᠳᠤᠨ ᠮᠤᠷᠢᠨ ᠤ ᠣᠷᠤᠯᠳᠤᠭᠠᠨ ᠡᠭᠢᠯᠡᠵᠡᠢ ᠃
ᠣᠷᠭᠤᠬᠤ ᠶᠢᠨ ᠰᠢᠷᠭᠠᠯ ᠨᠠᠷᠠᠨ ᠶᠢᠡᠷ
ᠣᠷᠤᠯᠳᠤᠭᠠᠨ ᠭᠦᠯᠦᠭ᠌ ᠤᠨ ᠳᠠᠪᠭᠢᠭᠠᠨ ᠶᠢᠡᠷ
ᠤᠨᠢᠶᠠᠷ ᠮᠠᠨᠠᠨ ᠰᠤᠭᠤᠨᠠᠭᠯᠠᠭᠠᠤᠨ
ᠣᠷᠠᠢ ᠳᠠᠭᠤᠤ ᠬᠠᠩᠭᠢᠨᠠᠭᠠᠤᠨ
ᠣᠶᠠᠭᠠ ᠳᠠᠭᠠᠷᠠᠭᠰᠠᠨ ᠭᠦᠯᠦᠭ᠌ ᠤᠳ ᠨᠢ
ᠤᠬᠤᠰᠭᠢᠭᠡᠤᠨ ᠢᠷᠠᠯᠠ
ᠣᠬᠠᠭᠠ ᠰᠡᠢ᠌ᠯᠦᠭ᠍ᠰᠡᠨ ᠭᠦᠮᠦᠰ ᠨᠢ
ᠥᠡᠳᠡᠰᠭᠢᠭᠡᠤᠨ ᠢᠷᠠᠯᠠ
ᠣᠷᠭᠠ ᠶᠢᠨ ᠮᠤᠷᠢᠤᠨ ᠣᠬᠤᠰᠭᠢᠯᠠ
ᠣᠭᠳᠤᠭᠤᠯ ᠤᠨ ᠭᠦᠮᠦᠰ ᠦᠠᠳᠠᠰᠭᠢᠯᠠ
ᠣᠷᠮᠠ ᠰᠠᠤᠠᠭᠢᠯ ᠭᠦᠭ᠍ᠵᠢᠰᠭᠡᠯᠡ
ᠣᠬᠠᠭᠠᠨ ᠰᠠᠨᠠᠭᠠ ᠭᠦᠪᠪᠦᠯᠵᠡᠰᠭᠡᠯᠡ
ᠬᠤᠷᠳᠤᠨ ᠭᠦᠯᠦᠭ᠌ ᠤᠳ ᠤᠨ ᠳᠤᠮᠳᠠ ᠡᠴᠡ
ᠬᠤᠢ ᠰᠠᠯᠭᠢᠨ ᠤ ᠳᠤᠮᠳᠠ ᠡᠴᠡ
ᠬᠤᠩᠭ᠋ᠤᠷ ᠵᠢᠭᠠᠬᠠᠨ ᠰᠢᠷᠭᠠ ᠮᠢᠨᠢ
ᠬᠤᠯᠠᠴᠢ ᠣᠳᠤᠮ ᠤᠨ ᠣᠨᠠᠭᠠ ᠮᠢᠨᠢ
ᠬᠤᠯᠮᠠᠩ ᠴᠢᠭᠢ ᠪᠠᠨ ᠳᠠᠷᠤᠭᠠᠤᠨ
ᠬᠤᠮᠪᠣᠩ ᠳᠤᠭᠤᠷᠠᠢ ᠪᠠᠨ ᠭᠢᠯᠠᠯᠵᠠᠭᠤᠯᠤᠭᠠᠤᠨ
ᠬᠤᠷᠸᠠ ᠶᠢᠨ ᠳᠤᠭᠤᠰᠤ ᠮᠠᠨᠠᠷᠠᠭᠤᠯᠤᠭᠠᠤᠨ
ᠬᠤᠮᠠᠭᠢ ᠶᠢᠨ ᠳᠤᠭᠤᠰᠤ ᠭᠦᠯᠦᠭᠯᠡᠭᠡᠤᠨ
ᠰᠤᠯᠢᠷ ᠣᠳᠤᠨ ᠤ ᠬᠠᠷᠪᠣᠯᠳᠠ ᠰᠢᠭ
ᠰᠤᠭᠤᠨᠠᠭ ᠳᠠᠳᠠᠭᠠᠤᠨ ᠢᠷᠠᠯᠠ
ᠰᠠᠠᠰᠠᠷ ᠤᠨ ᠭᠦᠯᠦᠭ᠌ ᠤᠨ ᠳᠡᠭᠦᠯᠢᠯᠳᠡ ᠰᠢᠭ᠌
ᠰᠠᠯᠭᠢ ᠳᠠᠳᠠᠭᠠᠤᠨ ᠢᠷᠠᠯᠠ
ᠥᠭᠡ᠄ ᠵᠢᠭᠠᠬᠠᠨ ᠰᠢᠷᠭᠠ ᠮᠤᠷᠢ ᠨᠢ ᠂ ᠵᠢᠷᠠᠨ ᠤ ᠭᠠᠵᠠᠷ ᠤᠨ ᠣᠷᠤᠯᠳᠤᠭᠠᠨ ᠳᠤ ᠣᠰᠤᠯ ᠦᠭᠡᠶ ᠳᠦᠷᠦᠭᠦᠯᠦᠭᠡᠤᠨ ᠂ ᠣᠯᠠᠨ ᠪᠦᠭᠦᠳᠡ ᠶᠢᠨ ᠨᠢᠳᠤᠨ ᠳᠤ ᠣᠩᠭ᠋ᠤᠨ ᠰᠢᠷᠭᠠᠯ ᠭᠦᠯᠦᠭ᠌ ᠪᠣᠯᠤᠨ ᠣᠠᠴᠠ ᠶᠢᠨ ᠰᠤᠳᠤᠨ ᠬᠠᠷᠠᠭᠳᠠᠯᠠ᠃ ᠣᠳᠤ ᠳᠡᠭᠦᠨ ᠤ ᠣᠳᠤᠮ ᠣᠭᠰᠠᠭᠠ ᠶᠢ ᠨᠢ ᠣᠴᠢᠷᠯᠠᠪᠠᠯ ᠄
ᠬᠤᠳᠠᠯᠠ ᠶᠢᠨ ᠮᠠᠯᠮᠠᠢ ᠬᠤᠵᠢᠷᠯᠠᠵᠤ
ᠬᠤᠯᠠ ᠶᠢᠨ ᠰᠦᠨᠢ ᠪᠠᠶᠠᠰᠬᠠᠭᠰᠠᠨ
ᠬᠤᠯᠤ ᠰᠢᠷᠭᠠᠯ ᠭᠦᠯᠦᠭ᠌ ᠤᠨ ᠶᠢᠡᠨ
ᠬᠤᠯᠠᠴᠢ ᠣᠳᠤᠮ ᠢ ᠭᠡᠯᠡᠪᠠᠯ
ᠬᠤᠩᠭ᠋ᠤᠷ ᠰᠢᠷᠭᠠ ᠮᠤᠷᠢᠨ ᠤ ᠪᠠᠨ
ᠬᠤᠷᠳᠤᠨ ᠣᠳᠤᠮ ᠢ ᠳᠤᠭᠠᠴᠢᠪᠠᠯ ᠄
ᠬᠠᠨ ᠠᠪᠣ ᠶᠢᠨ ᠠᠳᠤᠭᠤᠨ ᠤ
ᠬᠠᠩᠭ᠋ᠠᠯ ᠵᠡᠭᠡᠷᠳᠡ ᠠᠵᠢᠷᠭᠠᠨ ᠤ
ᠬᠠᠢ᠌ᠷ ᠭᠠᠵᠠᠷ ᠳᠦᠷᠦᠭ᠍ᠰᠡᠨ
ᠬᠠᠢ᠌ᠷᠠᠳᠠᠢ ᠪᠢᠴᠢᠬᠠᠨ ᠣᠨᠠᠭᠠ ᠶᠤᠮ
ᠡᠵᠡᠨ ᠳᠡᠭᠡᠳᠤ ᠶᠢᠨ ᠠᠳᠤᠭᠤᠨ ᠤ
ᠡᠮᠨᠢᠭ᠌ ᠰᠢᠷᠭᠠ ᠭᠡᠭᠦᠤ ᠡᠴᠡ
ᠡᠩᠭᠡᠷ ᠭᠠᠵᠠᠷ ᠳᠦᠷᠦᠭ᠍ᠰᠡᠨ
ᠡᠩᠭᠦᠷᠡᠢ ᠵᠢᠭᠠᠬᠠᠨ ᠣᠨᠠᠭᠠ ᠶᠤᠮ
ᠲᠦᠷᠦ ᠶᠢᠨ ᠶᠡᠭᠡ ᠨᠠᠭᠠᠳᠤᠮ ᠳᠤ
ᠳᠦᠷᠦᠭᠦᠯᠡᠵᠤ ᠪᠠᠢ᠌ᠭᠰᠠᠨ ᠣᠭᠰᠠᠭᠠ ᠲᠡᠶ
ᠲᠦᠮᠡᠨ ᠤ ᠶᠡᠭᠡ ᠨᠠᠢ᠌ᠷ ᠲᠤ
ᠮᠡᠡᠭᠯᠡᠢ᠌ᠯᠡᠵᠤ ᠢᠷᠡᠭ᠍ᠰᠡᠨ ᠣᠳᠤᠮ ᠲᠡᠶ
ᠥᠭᠡ᠄ ᠣᠳᠤᠮ ᠰᠠᠢ᠌ᠳᠤ ᠶᠢᠨ ᠣᠨᠠᠭᠠ᠂ ᠣᠭᠰᠠᠭᠠ ᠰᠠᠢ᠌ᠳᠤ ᠶᠢᠨ ᠳᠦᠯ᠂ ᠣᠴᠢᠷᠳᠠᠢ ᠬᠤᠷᠳᠤᠨ ᠭᠦᠯᠦᠭ᠌ ᠤᠨ ᠶᠢᠡᠨ ᠣᠠᠴᠠᠯᠢᠭ ᠰᠢᠠᠵᠢ ᠶᠢ ᠨᠢ ᠭᠡᠯᠡᠪᠠᠯ᠄
ᠴᠤᠯᠭᠢᠨ ᠳᠤᠯᠭᠢᠨ ᠠᠭᠠᠰᠢ ᠲᠡᠶ
ᠴᠤᠪᠣᠭᠤ ᠰᠡᠷᠭᠦᠯᠡᠩ ᠠᠭᠠᠯᠢ ᠲᠡᠶ
ᠴᠤᠯᠮᠤᠨ ᠬᠤᠶᠠᠷ ᠨᠢᠳᠤ ᠲᠡᠶ
ᠴᠤᠮᠤᠭ ᠭᠦᠷᠡᠩ ᠳᠠᠯ ᠲᠡᠶ
ᠴᠤᠰᠤᠨ ᠥᠩᠭᠡ ᠶᠢᠨ ᠰᠡᠭᠦᠯ ᠲᠡᠶ
ᠴᠤᠮᠪᠣᠩ ᠳᠦᠷᠪᠡᠨ ᠳᠤᠭᠤᠷᠠᠢ ᠲᠡᠶ
ᠴᠤᠮᠪᠣᠭᠤᠷ ᠽᠠᠠᠳᠠᠨ ᠡᠮᠡᠭᠡᠯ ᠲᠡᠶ
ᠴᠤᠬᠤᠷ ᠡᠷᠢᠶᠡᠨ ᠭᠠᠠᠵᠤᠭᠠ ᠲᠡᠶ
ᠵᠡᠭᠡᠷᠡ ᠶᠢᠨ ᠬᠤᠷᠳᠤᠨ ᠭᠦᠶᠦᠳᠡᠯ ᠲᠡᠶ
ᠵᠡᠷᠭᠡᠯᠭᠡᠨ ᠤ ᠣᠷᠠᠨ ᠳᠠᠪᠭᠢᠭᠠ ᠲᠡᠶ
ᠵᠡᠭᠡᠷᠳᠡ ᠶᠢᠨ ᠳᠤᠭᠰᠢᠨ ᠰᠢᠠᠵᠢ ᠲᠡᠶ
ᠵᠠᠯᠠᠨ ᠳᠤᠮᠳᠠ ᠪᠠᠨ ᠴᠢᠮᠡᠭ᠌ ᠳᠠᠢ
ᠵᠡᠭᠡᠰᠤᠨ ᠳᠤᠮᠳᠠ ᠪᠠᠨ ᠵᠤᠭᠰᠤᠭᠠᠯ ᠲᠡᠶ
ᠵᠡᠷᠭᠡ ᠶᠢᠨ ᠳᠤᠮᠳᠠ ᠪᠠᠨ ᠵᠤᠯᠪᠣᠭᠠ ᠲᠡᠶ
ᠵᠡᠭᠡᠭ᠌ ᠤᠨ ᠳᠤᠮᠳᠠ ᠴᠤᠪᠬᠤᠷᠤᠭᠠ ᠲᠡᠶ
ᠰᠢᠷᠭᠠᠯ ᠬᠠᠯᠢᠭᠤᠨ ᠮᠤᠠᠳᠠᠭᠠ ᠲᠡᠶ
ᠰᠢᠩᠬᠤᠨ ᠣᠯᠠᠭᠠᠨ ᠨᠤᠭᠳᠤ ᠲᠡᠶ
ᠰᠢᠠᠳᠠᠰᠤᠨ ᠳᠦᠷᠪᠡᠨ ᠭᠦᠯ ᠲᠡᠶ
ᠰᠢᠷᠠᠮᠤᠨ ᠳᠦᠷᠪᠡᠨ ᠳᠤᠭᠤᠷᠠᠢ ᠲᠡᠶ
ᠰᠢᠳᠠᠷᠠ ᠶᠢᠨ ᠰᠠᠢ᠌ᠯᠤᠮᠠᠯ ᠰᠢᠠᠵᠢ ᠲᠡᠶ
ᠰᠢᠳᠢ ᠶᠢᠨ ᠪᠦᠷᠢᠨ ᠢᠳᠠ ᠲᠡᠶ
ᠰᠢᠷᠦᠭᠦᠨ ᠬᠤᠩᠭ᠋ᠤᠷ ᠳᠠᠯ ᠲᠡᠶ
ᠰᠢᠷᠭᠡᠭ᠌ ᠨᠠᠷᠢᠨ ᠨᠤᠤᠰᠤ ᠲᠡᠶ
ᠵᠠᠳᠠᠭᠠᠢ ᠰᠤᠮᠤᠨ ᠬᠠᠳᠠᠷᠢᠶᠠ ᠲᠡᠶ
ᠵᠠᠰᠠᠭ ᠽᠠᠠᠳᠠᠨ ᠡᠮᠡᠭᠡᠯ ᠲᠡᠶ
ᠵᠠᠭᠠᠨ ᠤ ᠶᠠᠰᠤᠨ ᠭᠢᠷᠠ ᠲᠡᠶ
ᠵᠠᠩᠭᠢᠶᠠ ᠣᠯᠠᠭᠠᠨ ᠮᠤᠠᠴᠤᠭ ᠲᠡᠶ
ᠰᠠᠷᠠᠨ ᠳᠤᠯᠢ ᠮᠠᠩᠨᠠᠢ ᠲᠡᠶ
ᠰᠠᠭᠠᠷᠢᠨ ᠳᠤᠭᠤᠷᠢᠭ ᠨᠤᠭᠳᠤ ᠲᠡᠶ
ᠰᠠᠢ᠌ᠨ ᠰᠤᠷ ᠬᠠᠵᠠᠭᠠᠷ ᠲᠡᠶ
ᠰᠠᠢ᠌ᠬᠠᠨ ᠴᠤᠬᠤᠷ ᠭᠦᠯᠢᠮ ᠲᠡᠶ
ᠴᠠᠯ ᠮᠥᠩᠭᠦᠨ ᠰᠢᠬᠠᠯᠭᠤᠷ ᠲᠡᠶ
ᠴᠠᠭᠠᠨ ᠮᠥᠩᠭᠦᠨ ᠳᠤᠪᠣᠷᠤᠤ ᠲᠡᠶ
ᠴᠠᠰᠤᠨ ᠮᠥᠩᠭᠦᠨ ᠳᠦᠷᠦᠭᠡ ᠲᠡᠶ
ᠴᠠᠢ᠌ᠪᠣᠷ ᠮᠥᠩᠭᠦᠨ ᠭᠤᠷᠭᠢ ᠲᠡᠶ
ᠰᠤᠭᠤᠨ ᠴᠠᠭᠠᠨ ᠭᠦᠶᠦᠳᠡᠯ ᠲᠡᠶ
ᠰᠤᠯᠢᠨ ᠰᠢᠷᠭᠠᠯ ᠵᠢᠰᠤ ᠲᠡᠶ
ᠰᠤᠷᠤᠨ ᠰᠦᠯᠵᠢᠮᠠᠯ ᠵᠢᠷᠤᠮ ᠲᠡᠶ
ᠰᠤᠮᠤᠨ ᠴᠤᠬᠤᠷ ᠣᠯᠤᠩ ᠲᠡᠶ
ᠨᠠᠢ᠌ᠷ ᠤᠨ ᠮᠡᠡᠭᠯᠡᠢ ᠠᠭᠳᠠ ᠶᠢᠨ ᠶᠢᠡᠨ
ᠨᠠᠷᠠᠨ ᠳᠡᠷᠭᠡᠯ ᠮᠠᠩᠨᠠᠢ ᠶᠢ ᠨᠢ
ᠰᠠᠢ᠌ᠬᠠᠨ ᠤ ᠢᠷᠦᠭᠡᠯ ᠰᠢᠩᠭᠡᠭ᠍ᠰᠡᠨ
ᠰᠠᠭᠠᠯᠢ ᠶᠢᠨ ᠳᠡᠭᠡᠵᠢ ᠪᠠᠷ ᠮᠢᠯᠢᠶᠠᠶᠠ
ᠦᠷᠡᠰ ᠤᠨ ᠳᠡᠷᠢᠭᠦᠨ ᠭᠦᠯᠦᠭ᠌ ᠤᠨ ᠶᠢᠡᠨ
ᠥᠷᠭᠡᠨ ᠳᠡᠷᠭᠡᠯ ᠵᠤᠯᠠᠢ ᠵᠢ ᠨᠢ
ᠰᠠᠢ᠌ᠨ ᠤ ᠢᠷᠦᠭᠡᠯ ᠳᠤᠭᠳᠠᠭᠠᠭᠰᠠᠨ
ᠰᠠᠷᠬᠤᠤᠨ ᠤᠨ ᠳᠡᠭᠡᠵᠢ ᠪᠠᠷ ᠮᠢᠯᠢᠶᠠᠶᠠ
ᠵᠤᠨ ᠵᠤᠨ ᠤ ᠨᠠᠭᠠᠳᠤᠮ ᠳᠤ
ᠵᠤᠯᠠᠢ ᠶᠤᠭᠠᠨ ᠮᠢᠯᠢᠶᠠᠯᠭᠠᠳᠤᠭᠠᠢ ︕
ᠣᠨ ᠣᠨ ᠤ ᠨᠠᠢ᠌ᠷ ᠲᠤ
ᠣᠩᠭ᠋ᠤᠳ ᠶᠤᠭᠠᠨ ᠳᠠᠭᠤᠳᠠᠭᠤᠯᠳᠤᠭᠠᠢ ︕
ᠵᠤᠬᠢᠶᠠᠭᠴᠢ᠄ ᠵᠠᠩᠮᠠᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2629
ᠴᠠᠭ᠄ 2007 ᠤᠨ ᠤ 03 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ