☆ ᠭᠠᠩᠭᠠ
ᠰᠠᠭᠢᠭᠤᠰᠤ ᠮᠤᠳᠤ
ᠠᠷᠢᠭᠤᠨ ᠬᠠᠳᠠᠭ ᠶᠢᠡᠨ ᠣᠶᠠᠵᠤ
ᠠᠶᠤᠤᠯᠢᠬᠠᠢ ᠳᠠᠭᠠᠨ ᠵᠠᠯᠪᠢᠷᠠᠨ ᠰᠢᠳᠤᠯᠠ
ᠷᠠᠰᠢᠶᠠᠨ ᠣᠰᠤᠨ ᠡᠴᠠ ᠴᠢᠨᠢ ᠣᠤᠭᠤᠵᠤ
ᠠᠩᠭ᠋ᠠᠭᠰᠠᠨ ᠴᠠᠩᠭ᠋ᠠᠭᠠ ᠪᠠᠨ ᠳᠠᠢ᠌ᠯᠠᠯᠠ
ᠨᠠᠪᠴᠢ ᠪᠦᠷᠢ ᠴᠢᠨᠢ ᠠᠯᠴᠢᠭᠤᠷ ᠪᠠᠢ᠌ᠵᠤ
ᠨᠠᠮᠢ᠋ᠢ ᠳᠠᠩᠳᠠ ᠪᠠᠨ ᠳᠠᠭᠤᠳᠠᠨᠠ
ᠨᠠᠮᠠᠭᠠ ᠪᠦᠷᠢ ᠴᠢᠨᠢ ᠭᠠᠷ ᠪᠠᠢ᠌ᠵᠤ
ᠨᠠᠮᠢ᠋ᠢ ᠳᠠᠩᠳᠠ ᠪᠠᠨ ᠳᠠᠯᠠᠯᠤᠨᠠ
ᠡᠭᠡ ᠭᠠᠵᠠᠷ ᠢ ᠳᠡᠪᠠᠷᠢᠭ᠍ᠰᠡᠨ
ᠡᠭᠦᠷᠢᠳᠡ ᠬᠠᠳᠠᠳᠠᠭ ᠦᠭᠡᠶ ᠦᠨᠳᠦᠰᠦ ᠴᠢᠨᠢ
ᠡᠨᠡ ᠳᠡᠯᠡᠭᠡᠢ ᠶᠢ ᠪᠦᠦᠪᠠᠢ᠌ᠯᠡᠭ᠍ᠰᠡᠨ
ᠦᠨᠢᠳᠠ ᠨᠠᠮᠬᠠᠷᠠᠳᠠᠭ ᠦᠭᠡᠶ ᠱᠤᠤᠭᠢᠶᠠ ᠴᠢᠨᠢ
ᠠᠷᠭᠠ ᠦᠭᠡᠶ ᠡᠵᠢ ᠶᠢ ᠮᠢᠨᠢ ᠰᠠᠨᠠᠭᠳᠠᠭᠤᠯᠤᠨᠠ
ᠠᠰᠬᠤᠨ ᠳᠤ ᠳᠦᠷᠢ ᠨᠢ ᠳᠤᠳᠤᠷᠠᠨᠠ
ᠠᠰᠠᠭᠤᠯᠭᠠᠨ ᠦᠭᠡᠶ ᠠᠪᠣ ᠶᠢ ᠮᠢᠨᠢ ᠪᠣᠳᠤᠭᠳᠠᠭᠤᠯᠤᠨᠠ
ᠠᠶᠠᠭᠠᠨ ᠳᠤ ᠳᠦᠷᠭᠦ ᠨᠢ ᠥᠵᠡᠭ᠍ᠳᠡᠨᠡ
ᠳᠠᠷᠠ ᠵᠢᠯ ᠤᠨ ᠨᠠᠮᠤᠷ
ᠳᠡᠭ᠍ᠷᠢ ᠶᠢᠨ ᠡᠭᠦᠯᠡᠨ ᠳᠤ ᠠᠭᠤᠰᠤᠨ ᠣᠳᠤᠭᠰᠠᠨ
ᠳᠡᠭ᠍ᠷᠢᠯᠢᠭ᠌ ᠬᠤᠶᠠᠷ ᠨᠠᠰᠤᠳᠠᠨ ᠮᠢᠨᠢ
ᠳᠠᠯᠠ ᠶᠢᠨ ᠰᠠᠭᠢᠭᠤᠰᠤ ᠮᠤᠳᠤᠨ ᠳᠤ ᠬᠤᠪᠢᠷᠠᠵᠤ
ᠡᠵᠢ ᠮᠢᠨᠢ ᠰᠦᠨ ᠪᠣᠯᠠᠭ ᠶᠢᠡᠨ ᠢᠪᠠᠯᠡᠭᠦᠯᠵᠤ
ᠡ᠊ᠨᠳᠡ ᠭᠦᠯᠢᠶᠡᠨ ᠵᠤᠭᠰᠤᠵᠤ
ᠡᠴᠢᠭᠡ ᠮᠢᠨᠢ ᠠᠷᠢᠭᠤᠨ ᠰᠤᠷᠭᠠᠯ ᠶᠢᠡᠨ ᠪᠢᠰᠢᠯᠭᠠᠵᠤ
ᠡ᠊ᠨᠳᠡ ᠳᠤᠰᠤᠨ ᠰᠠᠭᠤᠭᠠ ᠦᠦ ᠭᠡᠵᠤ ᠪᠣᠳᠤᠬᠤ ᠳ᠋ᠤ
ᠨᠢᠳᠤᠨ ᠠᠶᠠᠭᠠ ᠡᠴᠠ ᠮᠢᠨᠢ ᠨᠢᠯᠪᠣᠰᠤ
ᠨᠠᠮᠤᠷ ᠤᠨ ᠪᠣᠷᠤᠭᠠ ᠰᠢᠭ ᠠᠰᠬᠠᠷᠠᠨᠠ
ᠨᠢᠳᠤᠷᠭᠠ ᠶᠢᠨ ᠴᠢᠨᠡᠭᠡᠨ ᠵᠢᠷᠦᠭᠡ ᠮᠢᠨᠢ
ᠨᠠᠩᠳᠠ ᠴᠡᠭᠡᠵᠢᠨ ᠳᠡᠭᠡᠨ ᠪᠠᠭᠳᠠᠨ ᠶᠠᠳᠠᠨ ᠴᠤᠭᠢᠯᠠᠨᠠ ᠁
ᠠᠷᠢᠭᠤᠨ ᠬᠠᠳᠠᠭ ᠶᠢᠡᠨ ᠣᠶᠠᠵᠤ
ᠠᠶᠤᠤᠯᠢᠬᠠᠢ ᠳᠠᠭᠠᠨ ᠵᠠᠯᠪᠢᠷᠠᠨ ᠰᠢᠳᠤᠯᠠ
ᠷᠠᠰᠢᠶᠠᠨ ᠣᠰᠤᠨ ᠡᠴᠠ ᠴᠢᠨᠢ ᠣᠤᠭᠤᠵᠤ
ᠠᠩᠭ᠋ᠠᠭᠰᠠᠨ ᠮᠦᠷᠦᠭᠡᠳᠦᠯ ᠶᠢᠡᠨ ᠣᠰᠤᠯᠠᠯᠠ ᠁
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠰᠢᠠᠵᠢᠶᠠᠩ ᠤᠨ ᠢᠯᠢ ᠵᠸᠤ ᠶᠢᠨ ᠳᠤᠷᠰᠢᠯᠳᠠ ᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠭᠠᠩᠭᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2625
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 26
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ