ᠡᠵᠡᠨ ᠪᠣᠭᠳᠠ ᠶᠢᠨ ᠡᠷᠡ ᠬᠤᠶᠠᠷ ᠵᠠᠭᠠᠯ ᠤᠨ ᠳᠤᠭᠤᠵᠢ ᠣᠷᠤᠰᠢᠪᠠ
ᠡᠷᠳᠡ ᠣᠷᠢᠳᠤ ᠶᠢᠨ ᠴᠠᠭ ᠲᠤ ᠴᠢᠩᠭᠢᠰ ᠬᠠᠭᠠᠨ ᠤ ᠪᠣᠮᠠᠨ ᠰᠦᠷᠦᠭ᠌ ᠤᠨ ᠳᠤᠳᠤᠷᠠᠭᠢ ᠪᠣᠭᠤᠷᠤᠯ ᠣᠯᠠᠭᠠᠨ ᠠᠵᠢᠷᠭᠠ᠂ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠭᠡᠭᠦᠤ ᠡᠴᠡ ᠡᠷᠡ ᠬᠤᠶᠠᠷ ᠵᠠᠭᠠᠯ ᠣᠨᠠᠭᠠ ᠳᠦᠷᠤᠪᠠ ᠭᠡᠨᠡ᠃ ᠳᠤᠩᠭ᠋ᠠᠯᠠᠭ ᠮᠦᠷᠠᠨ ᠤ ᠵᠠᠬᠠ ᠳᠤ᠂ ᠳᠤᠪᠣᠴᠠᠭ ᠠᠭᠤᠯᠠ ᠶᠢᠨ ᠣᠷᠭᠢᠯ ᠳᠡᠭᠡᠷᠡ᠂ ᠳᠤᠭᠰᠢᠨ ᠪᠣᠷᠤᠭᠠᠨ ᠲᠡᠶ ᠡᠳᠦᠷ ᠳᠦᠷᠦᠭ᠍ᠰᠡᠨ ᠢᠭᠢᠷᠠ ᠬᠤᠶᠠᠷ ᠵᠠᠭᠠᠯ ᠭᠡᠨᠡ᠃ ᠳᠦᠷᠪᠠᠨ ᠳᠤᠭᠤᠷᠠᠢ ᠠᠨᠤ ᠠᠭᠰᠢᠭᠠᠳᠤᠢ ᠡᠳᠦᠷ᠂ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠡᠭᠡ ᠪᠠᠨ ᠳᠤᠭᠤᠷᠢᠨ ᠳᠤᠭᠯᠠᠵᠤ ᠶᠠᠪᠣᠬᠤᠢ ᠳᠤᠷ ᠳᠦᠩᠭᠡᠷᠴᠡᠭ᠌ ᠤᠨ ᠴᠢᠨᠡᠭᠡᠨ ᠴᠢᠯᠠᠭᠤᠨ ᠢ ᠲᠦᠯᠭᠢᠨ ᠣᠨᠠᠭᠠᠵᠤ ᠠᠶᠠᠭᠠ ᠶᠢᠨ ᠴᠢᠨᠡᠭᠡᠨ ᠴᠢᠯᠠᠭᠤᠨ ᠢ ᠠᠯᠤᠰ ᠬᠠᠶᠠᠯᠠᠨ ᠨᠠᠭᠠᠳᠴᠤ ᠪᠠᠢ᠌ᠨᠠ ᠭᠡᠨᠡ᠃ ᠡᠭᠦᠨ ᠢ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠠᠪᠠ ᠳᠠᠯᠪᠢᠵᠤ ᠶᠠᠪᠣᠬᠤᠢ ᠳᠠᠭᠠᠨ ᠣᠯᠵᠤ ᠥᠵᠡᠭᠡᠳ ᠶᠡᠭᠡᠳᠡ ᠪᠠᠶᠠᠰᠴᠤ ᠰᠢᠠᠵᠢᠯᠠᠨ ᠥᠵᠡᠭᠡᠳ ᠰᠠᠢ᠌ᠨ ᠵᠠᠶᠠᠭᠠᠳᠤ ᠭᠦᠯᠦᠭ᠌ ᠭᠡᠮᠡᠨ ᠰᠠᠢ᠌ᠰᠢᠶᠠᠵᠤ᠂ ᠡᠴᠢᠭᠡ ᠳᠡᠭ᠍ᠷᠢ ᠶᠢᠨ ᠮᠢᠨᠤ ᠬᠠᠢ᠌ᠷᠠᠯᠠᠭᠰᠠᠨ ᠡᠷᠡ ᠬᠤᠶᠠᠷ ᠵᠠᠭᠠᠯ ᠭᠡᠮᠡᠨ ᠮᠠᠭᠳᠠᠵᠤ᠂ ᠶᠢᠰᠤ ᠶᠢᠰᠤᠨ ᠭᠡᠭᠦᠨ ᠳᠤᠷ ᠭᠦᠭᠦᠭᠦᠯᠵᠤ ᠥᠰᠭᠡᠭᠡᠳ ᠣᠨᠠᠭᠠ ᠠᠬᠤ ᠴᠠᠭᠳᠤᠷ ᠣᠶᠠᠵᠤ᠂ ᠳᠠᠭᠠ ᠠᠬᠤ ᠴᠠᠭᠳᠤᠷ ᠳᠠᠪᠳᠠᠵᠤ᠂ ᠰᠤᠶᠤᠯᠠᠩ ᠴᠠᠭᠳᠤᠷ ᠬᠤᠶᠠᠭᠯᠠᠵᠤ ᠵᠢᠭᠰᠠᠭᠠᠨ ᠭᠤᠷᠪᠠᠨ ᠵᠢᠯ ᠬᠠᠭᠰᠠᠭᠠᠵᠠᠢ᠃ ᠨᠢᠭᠡᠨ ᠡᠳᠦᠷ ᠡᠵᠡᠨ ᠵᠠᠷᠯᠢᠭ ᠪᠣᠯᠤᠷᠤᠨ᠄ 《ᠡᠨᠡ ᠬᠤᠶᠠᠷ ᠵᠠᠭᠠᠯ ᠮᠤᠷᠢ ᠪᠠᠨ ᠡᠨᠡ ᠡᠳᠦᠷ ᠰᠤᠷᠢᠵᠤ ᠦᠵᠡᠶᠠ》 ᠭᠡᠮᠡᠨ ᠶᠡᠭᠡ ᠴᠡᠷᠢᠭ᠌ ᠠᠪᠠ ᠪᠠᠨ ᠭᠦᠳᠡᠯᠭᠡᠨ ᠶᠠᠪᠣᠬᠤᠢ ᠳᠤᠷ᠂ ᠭᠦᠭᠡ ᠴᠢᠨ᠋ᠸᠠ ᠨᠢᠭᠡ ᠪᠦᠯᠦᠭ᠌ ᠳᠠᠭᠠᠷᠢᠯᠳᠤᠭᠰᠠᠨ ᠢ ᠭᠦᠳᠡᠯᠭᠡᠯ ᠦᠭᠡᠶ ᠴᠦᠮ ᠳᠠᠭᠠᠷᠢᠨ ᠣᠨᠠᠭᠠᠵᠤ ᠭᠠᠷᠪᠠ᠃ ᠠᠷᠭᠠᠯᠢ ᠣᠭᠠᠯᠵᠠ ᠶᠢ ᠠᠩᠨᠠᠨ ᠭᠦᠭᠡᠭᠡᠪᠠᠰᠤ ᠠᠷᠭᠠ ᠦᠭᠡᠶ ᠬᠤᠶᠠᠷ ᠵᠠᠭᠠᠯ ᠳᠤ ᠭᠦᠢᠴᠡᠭ᠍ᠳᠡᠵᠤ ᠠᠯᠠᠭᠤᠯᠪᠠ᠃ ᠥᠭᠡᠷᠡ ᠪᠣᠰᠤᠳ ᠠᠪᠠᠴᠢᠨ ᠰᠠᠢ᠌ᠨ ᠮᠤᠷᠢ ᠣᠨᠤᠵᠤ ᠭᠦᠭᠡᠭᠡᠪᠠᠴᠤ ᠡᠰᠡ ᠭᠦᠢᠴᠡᠪᠡ ᠭᠡᠨᠡ᠃ ᠬᠤᠶᠠᠷ ᠵᠠᠭᠠᠯ ᠭᠦᠵᠢᠷᠯᠡᠵᠤ ᠣᠨᠤᠭᠤᠯᠤᠭᠰᠠᠨ ᠳᠠᠭᠠᠨ ᠭᠤᠮᠤᠳᠠᠬᠤ ᠰᠡᠳᠭᠢᠯ ᠳᠦᠷᠤᠵᠤ ᠨᠢᠯᠪᠣᠰᠤ ᠠᠰᠬᠠᠷᠠᠭᠤᠯᠤᠨ ᠣᠭᠢᠯᠠᠯᠴᠠᠪᠠ ᠭᠡᠨᠡ᠃ ᠠᠪᠠᠯᠠᠵᠤ ᠥᠩᠭᠡᠷᠡᠭᠡᠳ ᠬᠠᠷᠢᠵᠤ ᠢᠷᠡᠭ᠍ᠰᠡᠨ ᠤ ᠳᠠᠷᠠᠭᠠ ᠪᠠᠭᠠ ᠵᠠᠭᠠᠯ ᠳᠡᠭᠦᠤ ᠠᠨᠤ ᠶᠡᠭᠡ ᠵᠠᠭᠠᠯ ᠠᠬᠠ ᠳᠠᠭᠠᠨ ᠭᠡᠯᠡᠪᠡ᠄
《ᠠᠬᠠ ᠮᠢᠨᠤ᠂ ᠴᠢ ᠪᠢᠳᠠ ᠬᠤᠶᠠᠷ ᠶᠠᠪᠣᠵᠠᠭᠠᠶᠠ ︕
ᠬᠠᠢ᠌ᠷᠠᠯᠠᠵᠤ ᠣᠨᠤᠳᠠᠭ ᠨᠢ ᠬᠠᠷᠠ ᠬᠤᠯᠠᠨ ᠪᠠᠢ᠌ᠨᠠ ᠰᠢᠤ᠂
ᠬᠠᠳᠠᠭᠤ ᠰᠢᠷᠦᠭᠦᠨ ᠣᠨᠤᠳᠠᠭ ᠨᠢ ᠴᠢ ᠪᠢᠳᠠ ᠬᠤᠶᠠᠷ ᠪᠠᠢ᠌ᠨᠠ ᠰᠢᠤ ︕
ᠠᠰᠠᠷᠠᠵᠤ ᠣᠨᠤᠳᠠᠭ ᠨᠢ ᠡᠷᠭᠡ ᠵᠡᠭᠡᠷᠳᠡ ᠪᠢᠰᠢᠤ ︖
ᠠᠯᠠᠨ ᠪᠣᠯᠠᠨ ᠣᠨᠤᠳᠠᠭ ᠨᠢ ᠴᠢ ᠪᠢᠳᠠ ᠬᠤᠶᠠᠷ ᠪᠠᠢ᠌ᠨᠠ ᠰᠢᠤ ︕
ᠡᠮᠡᠭᠡᠨ ᠶᠢᠡᠨ ᠮᠠᠳᠤ ᠰᠠᠨᠠᠳᠠᠭ ᠨᠢ ᠡᠷᠭᠡ ᠵᠡᠭᠡᠷᠳᠡ ᠪᠢᠰᠢᠤ ︖
ᠡᠡᠭ᠌ ᠤᠨ ᠮᠠᠳᠤ ᠰᠠᠨᠠᠳᠠᠭ ᠨᠢ ᠴᠢ ᠪᠢᠳᠠ ᠬᠤᠶᠠᠷ ᠪᠠᠢ᠌ᠨᠠ ᠰᠢᠤ ︕
ᠬᠠᠳᠤᠨ ᠶᠢᠡᠨ ᠮᠠᠳᠤ ᠰᠠᠨᠠᠳᠠᠭ ᠨᠢ ᠬᠠᠷᠠ ᠬᠤᠯᠠᠨ ᠪᠢᠰᠢᠤ ︖
ᠬᠠᠷᠠ ᠲᠡᠶ ᠮᠠᠳᠤ ᠰᠠᠨᠠᠳᠠᠭ ᠨᠢ ᠴᠢ ᠪᠢᠳᠠ ᠬᠤᠶᠠᠷ ᠪᠠᠢ᠌ᠨᠠ ᠰᠢᠤ ︕
ᠠᠪᠠᠬᠠᠢ ᠪᠠᠨ ᠮᠠᠳᠤ ᠰᠠᠨᠠᠳᠠᠭ ᠨᠢ ᠠᠯ ᠵᠤᠯᠠ ᠪᠣᠷᠤ ᠮᠤᠷᠢ ᠪᠢᠰᠢᠤ ︖
ᠠᠯᠠᠨ ᠪᠣᠯᠠᠨ ᠠᠰᠭᠠᠯᠴᠠᠳᠠᠭ ᠨᠢ ᠴᠢ ᠪᠢᠳᠠ ᠬᠤᠶᠠᠷ ᠪᠠᠢ᠌ᠨᠠ ᠰᠢᠤ ︕
ᠠᠬᠠ ᠴᠢ ᠪᠢᠳᠠ ᠬᠤᠶᠠᠭᠤᠯᠠ ᠶᠠᠪᠣᠵᠠᠭᠠᠶᠠ᠃
ᠠᠯᠳᠠᠢ ᠬᠠᠨ ᠭᠡᠭ᠍ᠴᠢ ᠭᠠᠵᠠᠷ ᠪᠠᠢ᠌ᠨᠠᠮ᠂
ᠠᠭᠢ ᠰᠢᠪᠠᠭ ᠡᠪᠠᠰᠤ ᠲᠡᠶ ᠭᠡᠨᠡᠮ᠂
ᠠᠷᠤ ᠦᠪᠣᠷ ᠦᠭᠡᠶ ᠣᠰᠤ ᠲᠡᠶ ᠭᠡᠨᠡᠮ᠂
ᠠᠯᠳᠠᠭᠤᠯᠤᠨ ᠭᠦᠷᠴᠤ ᠠᠮᠵᠢᠵᠤ ᠭᠡᠪᠳᠡᠶᠡ᠃
ᠭᠦᠭᠡᠢ ᠬᠠᠨ ᠭᠡᠭ᠍ᠴᠢ ᠭᠠᠵᠠᠷ ᠪᠠᠢ᠌ᠳᠠᠭ ᠭᠡᠨᠡᠮ᠂
ᠭᠦᠪᠳᠤ ᠪᠦᠷᠢ ᠭᠦᠭᠡ ᠡᠪᠠᠰᠤ ᠲᠡᠶ ᠭᠡᠨᠡᠮ᠂
ᠭᠦᠭᠡᠷᠡᠭᠦ ᠪᠦᠷᠢ ᠶᠢᠨ ᠣᠰᠤ ᠲᠡᠶ ᠭᠡᠨᠡᠮ᠂
ᠭᠦᠶᠦᠵᠤ ᠭᠦᠷᠴᠤ ᠭᠦᠷᠪᠠᠵᠤ ᠣᠷᠪᠠᠵᠤ ᠠᠮᠠᠷᠠᠶᠠ ︕
ᠠᠬᠠ ᠮᠢᠨᠤ ︕
ᠬᠠᠯᠠᠭᠤᠨ ᠡᠳᠦᠷ ᠪᠠᠷᠢᠨᠠᠮ ᠪᠢᠰᠢᠤ ︖
ᠬᠠᠳᠠᠳᠠᠷ ᠴᠢᠯᠠᠳᠠᠷ ᠣᠶᠠᠳᠠᠭ ᠪᠢᠰᠢᠤ ︖
ᠬᠠᠷᠠ ᠰᠢᠷᠠ ᠳᠤᠬᠤᠮ ᠳᠤᠬᠤᠳᠠᠭ ᠪᠢᠰᠢᠤ ︖
ᠬᠠᠢ᠌ᠷ ᠴᠢᠯᠠᠭᠤ ᠡᠮᠭᠦᠭᠦᠯᠳᠡᠭ᠌ ᠪᠢᠰᠢᠤ ︖
ᠠᠬᠠ ᠮᠢᠨᠤ᠂ ᠶᠠᠪᠣᠵᠠᠭᠠᠶᠠ ︕
ᠭᠦᠢᠳᠡᠨ ᠡᠳᠦᠷ ᠪᠠᠷᠢᠨᠠᠮ ᠪᠢᠰᠢᠤ ︖
ᠭᠦᠭᠡ ᠳᠠᠮᠤᠷ ᠡᠮᠭᠦᠭᠦᠯᠳᠡᠭ᠌ ᠪᠢᠰᠢᠤ ︖
ᠭᠦᠰᠢᠮ ᠳᠤᠬᠤᠮ ᠳᠤᠬᠤᠨᠠᠮ ᠪᠢᠰᠢᠤ ︖
ᠭᠦᠢᠳᠡᠨ ᠴᠠᠰᠤ ᠡᠮᠭᠦᠭᠦᠯᠳᠡᠭ᠌ ᠪᠢᠰᠢᠤ ︖
ᠶᠠᠭᠠᠭᠢᠪᠠᠴᠤ ᠠᠬᠠ ᠮᠢᠨᠤ ᠶᠠᠪᠣᠵᠠᠭᠠᠶᠠ ︕》 ᠭᠡᠵᠤ ᠳᠡᠭᠦᠤ ᠵᠠᠭᠠᠯ ᠨᠢ ᠠᠬᠠ ᠵᠠᠭᠠᠯ ᠳᠠᠭᠠᠨ ᠭᠡᠯᠡᠭᠦᠯᠡᠷ ᠠᠬᠠ ᠵᠠᠭᠠᠯ ᠨᠢ ᠳᠡᠭᠦᠤ ᠵᠠᠭᠠᠯ ᠳᠠᠭᠠᠨ ᠭᠡᠯᠡᠪᠡ᠄
《ᠠᠢ᠂ ᠢᠨᠠᠭ ᠪᠣᠷᠤ ᠵᠠᠭᠠᠯ ᠮᠢᠨᠤ ︕
ᠶᠠᠭᠤᠨ ᠳᠤ ᠢᠩᠭᠢᠵᠤ ᠭᠤᠮᠤᠳᠠᠨᠠ ᠪᠣᠢ ᠴᠢ ︖
ᠡᠷᠡ ᠭᠦᠮᠤᠨ ᠪᠠᠶᠠᠷᠯᠠᠪᠠᠴᠤ ᠮᠠᠩᠨᠠᠢ ᠦᠯᠤ ᠬᠠᠭᠠᠷᠠᠨᠠᠮ ᠭᠡᠨᠡ ᠯᠠᠢ᠂
ᠠᠭᠳᠠ ᠮᠤᠷᠢ ᠳᠠᠷᠭᠤᠯᠠᠪᠠᠴᠤ ᠰᠠᠭᠠᠷᠢ ᠦᠯᠤ ᠢᠵᠠᠷᠠᠨᠠᠮ ᠭᠡᠨᠡ ᠯᠠᠢ᠃
ᠠᠢ᠂ ᠢᠨᠠᠭ ᠪᠣᠷᠤ ᠵᠠᠭᠠᠯ ᠮᠢᠨᠤ᠂ ᠶᠠᠭᠤᠨ ᠭᠢᠨᠠᠮ᠃
ᠬᠠᠳᠠᠨ ᠤ ᠡᠪᠠᠰᠤ ᠬᠠᠭᠳᠠ ᠲᠡᠶ ᠴᠤ ᠪᠣᠯᠪᠠ᠂ ᠬᠠᠯᠠᠭᠤᠷᠠᠮ ᠪᠠᠢ᠌ᠵᠤ ᠢᠳᠠᠶᠠ᠃
ᠪᠣᠳᠠᠨ ᠤ ᠡᠪᠠᠰᠤ ᠪᠣᠭ ᠲᠡᠶ ᠴᠤ ᠪᠣᠯᠪᠠ᠂ ᠪᠣᠯᠭᠤᠷᠠᠮ ᠪᠠᠢ᠌ᠵᠤ ᠢᠳᠠᠶᠠ᠃
ᠠᠢ᠂ ᠢᠨᠠᠭ ᠪᠣᠷᠤ ᠮᠢᠨᠤ ︕ ᠶᠠᠪᠣᠬᠤ ᠪᠠᠨ ᠪᠠᠢ᠌ᠴᠢᠬᠠᠶᠠ ︕
ᠮᠠᠨ ᠢ ᠥᠵᠡᠭ᠍ᠰᠡᠨ ᠭᠦᠮᠤᠨ᠂
ᠭᠦᠮᠤᠨ ᠤ ᠭᠢ ᠭᠡᠵᠤ ᠭᠦᠭᠡᠭᠡᠵᠤ ᠡᠯᠳᠡᠭᠦ ᠪᠢᠵᠠ᠂
ᠳᠠᠢ᠌ᠰᠤᠨ ᠤ ᠭᠡᠵᠤ ᠳᠠᠶᠠᠭᠠᠷ ᠡᠯᠳᠡᠭᠦ ᠪᠢᠵᠠ ︖
ᠵᠡᠷᠯᠢᠭ᠌ ᠭᠡᠵᠤ ᠵᠠᠪᠡ ᠪᠠᠷ ᠬᠠᠷᠪᠣᠬᠤ ᠪᠢᠵᠠ ︖
ᠠᠢ᠂ ᠢᠨᠠᠭ ᠪᠣᠷᠤ ᠵᠠᠭᠠᠯ ᠳᠡᠭᠦᠤ ᠮᠢᠨᠤ ᠡᠭᠦᠨ ᠢ ᠰᠠᠨᠠᠬᠤᠢ ᠶᠢ ᠪᠠᠨ ᠪᠠᠢ᠌ᠴᠢᠬᠠ ︕
ᠡᠵᠡᠨ ᠭᠡᠵᠤ ᠴᠢᠩᠭᠢᠰ ᠬᠠᠭᠠᠨ ᠯᠤᠭᠠ ᠠᠳᠠᠯᠢ ᠡᠵᠡᠨ ᠣᠯᠳᠠᠬᠤ ᠪᠣᠶᠤ᠂
ᠡᠵᠢ ᠭᠡᠵᠤ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠭᠡᠭᠦᠨ ᠳᠤᠷ ᠠᠳᠠᠯᠢ ᠡᠵᠢ ᠣᠯᠳᠠᠬᠤ ᠪᠣᠶᠤ ︖
ᠢᠩᠭᠢᠭᠦᠯᠡ ᠪᠠᠢ᠌ᠴᠢᠬᠠ ︕
ᠠᠷᠪᠠᠨ ᠰᠠᠷᠠ ᠪᠣᠯᠳᠠᠯᠠ ᠭᠡᠳᠡᠰᠤᠨ ᠳᠡᠭᠡᠨ ᠳᠡᠪᠠᠷᠢᠭ᠍ᠰᠡᠨ
ᠠᠩᠭᠢᠷ ᠰᠢᠷᠠ ᠣᠭᠤᠷᠠᠭ ᠶᠢᠡᠨ ᠭᠦᠭᠦᠯᠦᠭ᠍ᠰᠡᠨ᠂
ᠬᠤᠳᠤᠭᠤᠷ ᠨᠢᠷᠤᠭᠤᠨ ᠳᠠᠭᠠᠨ ᠴᠢᠯᠠᠳᠠᠯᠠ ᠡᠭᠦᠷᠦᠭ᠍ᠰᠡᠨ᠂
ᠬᠤᠩᠭ᠋ᠤᠷ ᠰᠢᠷᠠ ᠣᠭᠤᠷᠠᠭ ᠶᠢᠡᠨ ᠭᠦᠭᠦᠯᠵᠤ ᠥᠰᠭᠡᠭ᠍ᠰᠡᠨ
ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠡᠵᠢ ᠶᠤᠭᠡᠨ ᠶᠠᠭᠠᠭᠢᠵᠤ ᠮᠠᠷᠳᠠᠬᠤ ᠭᠡᠨᠡᠮ᠃
ᠥᠰᠭᠡᠨ ᠳᠦᠷᠦᠭᠦᠯᠦᠭ᠍ᠰᠡᠨ ᠣᠯᠠᠭᠠᠨ ᠪᠣᠭᠤᠷᠤᠯ ᠠᠪᠣ ᠶᠤᠭᠠᠨ ᠶᠠᠭᠠᠭᠢᠵᠤ ᠮᠠᠷᠳᠠᠬᠤ ᠭᠡᠨᠡᠮ᠃
ᠨᠠᠢ᠌ᠯᠠᠵᠤ ᠥᠰᠦᠭ᠍ᠰᠡᠨ ᠣᠯᠠᠨ ᠨᠥᠭᠦᠷ ᠶᠤᠭᠡᠨ ᠶᠠᠭᠠᠭᠢᠵᠤ ᠮᠠᠷᠳᠠᠬᠤ ᠭᠡᠨᠡᠮ᠃
ᠠᠢ ᠢᠨᠠᠭ ᠪᠣᠷᠤ ᠵᠠᠭᠠᠯ ᠮᠢᠨᠤ ᠶᠠᠭᠤ ᠪᠠᠨ ᠢᠩᠭᠢᠨᠠᠮ ︕》 ᠭᠡᠵᠤ ᠬᠤᠷᠢᠳᠠᠯᠠ ᠡᠰᠡ ᠳᠤᠭᠳᠠᠵᠤ ᠦᠨᠳᠦᠷ ᠬᠤᠧᠨ ᠳᠤᠪᠤᠨ ᠳᠡᠭᠡᠷᠡ ᠭᠠᠷᠴᠤ ᠭᠤᠷᠪᠠᠨ ᠳᠠᠪᠠᠭ ᠣᠯᠢᠶᠠᠰᠤᠨ ᠮᠤᠳᠤᠨ ᠤ ᠰᠡᠭᠦᠳᠡᠷ ᠲᠤ ᠰᠡᠭᠦᠳᠡᠷᠯᠡᠭᠦ ᠳᠤ ᠳᠦᠷᠪᠠᠨ ᠵᠥᠭ᠌ ᠤᠨ ᠳᠦᠷᠪᠠᠨ ᠥᠩᠭᠡ ᠶᠢᠨ ᠠᠯᠳᠠᠨ ᠭᠤᠷᠭᠤᠤᠯᠳᠠᠢ ᠪᠣᠰᠤᠨ ᠵᠢᠷᠭᠢᠪᠠ᠄
《ᠣᠷᠢᠳᠤ ᠭᠠᠵᠠᠷ ᠤᠨ ᠡᠪᠠᠰᠤ ᠢᠨᠤ ᠣᠨᠠᠭᠠ ᠳᠠᠭᠠ ᠴᠢᠮᠭᠢᠭᠦ ᠮᠠᠳᠤ ᠰᠠᠢ᠌ᠬᠠᠨ ᠪᠠᠢ᠌ᠨᠠᠮ᠂
ᠬᠣᠢ᠌ᠳᠤ ᠭᠠᠵᠠᠷ ᠤᠨ ᠡᠪᠠᠰᠤ ᠢᠨᠤ ᠬᠤᠷᠠᠭᠠ ᠴᠢᠮᠭᠢᠭᠦ ᠮᠠᠳᠤ ᠮᠠᠭᠤᠬᠠᠢ ᠪᠠᠢ᠌ᠨᠠᠮ᠃
ᠣᠷᠢᠳᠤ ᠭᠠᠵᠠᠷ ᠤᠨ ᠣᠰᠤ ᠠᠨᠤ ᠨᠠᠭᠤᠷ ᠳᠠᠯᠠᠢ ᠳᠤᠷ ᠠᠳᠠᠯᠢ ᠪᠠᠢ᠌ᠨᠠᠮ᠂
ᠬᠣᠢ᠌ᠳᠤ ᠭᠠᠵᠠᠷ ᠤᠨ ᠣᠰᠤ ᠠᠨᠤ ᠬᠣᠢ᠌ᠭ ᠤᠨ ᠰᠢᠪᠠᠷ ᠡᠴᠡ ᠭᠠᠷᠤᠭᠰᠠᠨ ᠱᠠᠯᠴᠢᠭ ᠠᠳᠠᠯᠢ ᠪᠠᠢ᠌ᠨᠠᠮ᠃
ᠣᠷᠢᠳᠤ ᠭᠠᠵᠠᠷ ᠤᠨ ᠡᠷᠡ ᠶᠢᠨ ᠭᠡᠵᠢᠭᠡ ᠢᠨᠤ ᠠᠯᠳᠠ ᠭᠢᠭᠡᠳ ᠳᠠᠯᠢᠮ ᠰᠠᠢ᠌ᠬᠠᠨ ᠪᠠᠢ᠌ᠨᠠᠮ᠂
ᠬᠣᠢ᠌ᠳᠤ ᠭᠠᠵᠠᠷ ᠤᠨ ᠡᠷᠡ ᠶᠢᠨ ᠭᠡᠵᠢᠭᠡ ᠢᠨᠤ ᠢᠮᠠᠭᠠᠨ ᠤ ᠰᠡᠭᠦᠯ ᠲᠡᠶ ᠠᠳᠠᠯᠢ ᠪᠠᠢ᠌ᠨᠠᠮ᠃
ᠣᠷᠢᠳᠤ ᠭᠠᠵᠠᠷ ᠤᠨ ᠠᠭᠳᠠ ᠶᠢᠨ ᠭᠤᠶᠠ ᠳᠠᠪᠠᠷᠢᠵᠤ ᠪᠠᠭᠳᠠᠬᠤ ᠦᠭᠡᠶ ᠪᠦᠳᠦᠭᠦᠨ ᠪᠠᠢ᠌ᠨᠠᠮ᠂
ᠬᠣᠢ᠌ᠳᠤ ᠭᠠᠵᠠᠷ ᠤᠨ ᠠᠭᠳᠠ ᠶᠢᠨ ᠭᠤᠶᠠ ᠴᠠᠷᠴᠠᠬᠠᠢ ᠶᠢᠨ ᠭᠤᠶᠠ ᠳᠤᠷ ᠠᠳᠠᠯᠢ ᠪᠠᠢ᠌ᠨᠠᠮ》 ᠭᠡᠵᠤ ᠵᠢᠷᠭᠢᠪᠠ᠃ ᠬᠠᠷᠴᠠᠭᠠᠢ ᠰᠢᠪᠠᠭᠤᠨ ᠬᠠᠳᠠᠨ ᠳᠡᠭᠡᠷᠡ ᠭᠠᠷᠴᠤ ᠵᠢᠷᠭᠢᠪᠠ᠃ ᠬᠠᠭᠠᠨ ᠡᠵᠡᠨ ᠤ ᠬᠤᠶᠠᠷ ᠵᠠᠭᠠᠯ ᠭᠠᠵᠠᠷᠯᠠᠬᠤ ᠶᠤᠰᠤᠨ ᠳᠡᠭᠦᠨ ᠡᠴᠡ ᠪᠣᠯᠪᠠ᠃ ᠪᠣᠭᠰᠢᠷᠭᠠ ᠰᠢᠪᠠᠭᠤ ᠪᠣᠰᠤᠨ ᠵᠢᠷᠭᠢᠪᠠ᠃ ᠪᠣᠭᠳᠠ ᠡᠵᠡᠨ ᠤ ᠬᠤᠶᠠᠷ ᠵᠠᠭᠠᠯ ᠭᠠᠵᠠᠷᠯᠠᠬᠤ ᠶᠤᠰᠤᠨ ᠳᠡᠭᠦᠨ ᠡᠴᠡ ᠪᠣᠯᠪᠠ᠃ ᠠᠯᠳᠠᠨ ᠭᠤᠷᠭᠤᠤᠯᠳᠠᠢ ᠣᠯᠢᠶᠠᠰᠤᠨ ᠮᠤᠳᠤᠨ ᠤ ᠮᠦᠴᠢᠷ ᠳᠡᠭᠡᠷᠡ ᠢᠷᠠᠵᠤ ᠵᠢᠷᠭᠢᠪᠠ᠃ ᠠᠭᠳᠠ ᠬᠤᠶᠠᠷ ᠵᠠᠭᠠᠯ ᠭᠠᠵᠠᠷᠯᠠᠬᠤ ᠶᠤᠰᠤᠨ ᠳᠡᠭᠦᠨ ᠡᠴᠡ ᠪᠣᠯᠪᠠ᠃ ᠭᠦᠭᠡᠢ ᠬᠠᠨ ᠤ ᠠᠷᠤ ᠳ᠋ᠠᠭᠢ ᠭᠦᠭᠦᠭᠡ ᠰᠢᠪᠠᠭᠤᠨ ᠭᠦᠷᠴᠤ ᠢᠷᠠᠨ ᠵᠢᠷᠭᠢᠪᠠ᠃ ᠭᠦᠭᠡᠷᠦᠭᠦᠢ ᠬᠤᠶᠠᠷ ᠵᠠᠭᠠᠯ ᠭᠠᠵᠠᠷᠯᠠᠬᠤ ᠶᠤᠰᠤᠨ ᠳᠡᠭᠦᠨ ᠡᠴᠡ ᠪᠣᠯᠪᠠ᠃ ᠳᠡᠳᠡᠭᠡᠷ ᠣᠯᠠᠨ ᠰᠢᠪᠠᠭᠤᠨ ᠳᠦᠷᠪᠠᠨ ᠵᠥᠭ᠌ ᠡᠴᠡ ᠵᠢᠷᠭᠢᠭᠦᠢ ᠳᠤᠷ ᠳᠠᠷᠠ ᠬᠤᠶᠠᠷ ᠵᠠᠭᠠᠯ ᠴᠢᠭᠢ ᠪᠠᠨ ᠰᠡᠷᠳᠡᠢ᠌ᠯᠭᠡᠵᠤ᠂ ᠰᠡᠭᠦᠯ ᠶᠢᠡᠨ ᠰᠠᠭᠰᠠᠢ᠌ᠯᠭᠠᠵᠤ᠂ ᠬᠠᠮᠠᠷ ᠶᠢᠡᠨ ᠬᠤᠤᠭᠢᠷᠠᠨ ᠴᠢᠩᠨᠠᠨ ᠪᠠᠢ᠌ᠭᠠᠤᠨ ᠬᠠᠢ᠌ᠷᠠᠳᠤ ᠪᠠᠭᠠ ᠵᠠᠭᠠᠯ ᠭᠠᠵᠠᠷᠯᠠᠨ ᠶᠠᠪᠣᠪᠠ᠃
ᠳᠦᠷᠭᠡᠨ ᠳᠦᠷᠭᠡᠨ ᠶᠠᠪᠣᠬᠤᠢ ᠳᠤᠷ
ᠳᠦᠩᠭᠦᠷᠴᠡᠭ᠌ ᠤᠨ ᠳᠦᠴᠢᠨᠠᠨ ᠴᠢᠯᠠᠭᠤ ᠶᠢ ᠭᠦᠳᠡᠯᠭᠡᠵᠤ᠂
ᠠᠯᠭᠤᠷ ᠠᠯᠭᠤᠷ ᠶᠠᠪᠣᠬᠤᠢ ᠳᠤᠷ
ᠠᠷᠠᠭᠠ ᠶᠢᠨ ᠳᠦᠴᠢᠨᠠᠨ ᠴᠢᠯᠠᠭᠤ ᠶᠢ ᠴᠤᠭᠢᠨ ᠭᠦᠳᠡᠯᠭᠡᠵᠤ
ᠬᠤᠤᠬᠠᠢ ᠶᠢᠨ ᠭᠤᠷᠪᠠᠨ ᠴᠠᠪᠴᠢᠭᠤᠷ ᠵᠤᠷᠢᠨ ᠶᠠᠪᠣᠵᠤ ᠪᠠᠢ᠌ᠳᠠᠯᠠ᠂ ᠶᠡᠭᠡ ᠵᠠᠭᠠᠯ ᠠᠬᠠ ᠠᠨᠤ ᠪᠠᠭᠠ ᠳᠡᠭᠦᠤ ᠵᠠᠭᠠᠯ ᠤᠨ ᠶᠢᠡᠨ ᠳᠤᠭᠤᠰᠤᠨ ᠢ ᠬᠠᠷᠠᠨ ᠪᠠᠢ᠌ᠭᠠᠤᠨ ᠡᠰᠡ ᠳᠠᠰᠤᠨ ᠬᠣᠢ᠌ᠨᠠ ᠡᠴᠡ ᠨᠢ ᠭᠦᠭᠡᠭᠡᠵᠤ᠂ ᠭᠦᠭᠡᠢ ᠬᠠᠳᠠᠨ ᠤ ᠦᠯᠭᠡ ᠳᠤ ᠭᠦᠢᠴᠡᠨ ᠢᠷᠡᠭᠦ ᠳᠤ ᠬᠠᠷᠠ ᠭᠦᠯᠦᠰᠤ ᠠᠯᠳᠠᠵᠤ ᠬᠠᠮᠠᠷ ᠶᠢᠡᠨ ᠰᠡᠷᠳᠡᠢ᠌ᠯᠭᠡᠵᠤ ᠠᠷᠠᠢ᠌ᠬᠠᠨ ᠠᠮᠢ ᠳᠠᠮᠠᠴᠠᠨ ᠭᠦᠢᠴᠡᠵᠤ ᠢᠷᠠᠪᠠ᠃
ᠳᠠᠷᠠ ᠰᠦᠨᠢ ᠬᠠᠭᠠᠨ ᠡᠵᠡᠨ ᠨᠣᠢ᠌ᠷᠰᠤᠭᠰᠠᠨ ᠬᠣᠢ᠌ᠨᠠ ᠪᠠᠨ ᠬᠤᠶᠠᠷ ᠵᠠᠭᠠᠯ ᠶᠢᠡᠨ ᠭᠠᠵᠠᠷᠯᠠᠪᠠ ᠭᠡᠵᠤ ᠵᠡᠭᠦᠳᠦᠯᠡᠪᠡ᠃ ᠦᠷᠯᠦᠭᠡ ᠡᠷᠳᠡ ᠪᠣᠰᠴᠤ ᠪᠣᠭᠤᠯ ᠮᠠᠴᠢᠨ ᠳᠡᠭᠡᠨ ᠵᠠᠷᠯᠢᠭ ᠪᠣᠯᠪᠠ᠄ ᠡᠴᠢᠭᠡ ᠳᠡᠭ᠍ᠷᠢ ᠡᠴᠡ ᠡᠰᠢ ᠲᠡᠶ ᠳᠦᠷᠦᠭ᠍ᠰᠡᠨ ᠡᠷᠡ ᠬᠤᠶᠠᠷ ᠵᠠᠭᠠᠯ ᠮᠢᠨᠤ ᠡᠢ᠌ᠯᠤᠨ ᠭᠠᠵᠠᠷᠯᠠᠪᠠ ᠭᠡᠵᠤ ᠵᠡᠭᠦᠳᠦᠯᠡᠪᠡ ᠪᠢ᠃ ᠬᠠᠭᠠᠨ ᠳᠡᠭ᠍ᠷᠢ ᠡᠴᠢᠭᠡ ᠶᠢᠨ ᠵᠠᠶᠠᠭᠠ ᠲᠡᠶ ᠳᠦᠷᠦᠭ᠍ᠰᠡᠨ ᠬᠠᠢ᠌ᠷᠠᠳᠤ ᠬᠤᠶᠠᠷ ᠵᠠᠭᠠᠯ ᠮᠢᠨᠤ ᠬᠠᠷᠢ ᠶᠢᠨ ᠪᠣᠯᠤᠨ ᠭᠠᠵᠠᠷᠯᠠᠪᠠ ᠭᠡᠵᠤ ᠵᠡᠭᠦᠳᠦᠯᠡᠪᠡ ᠪᠢ᠃ ᠠᠢ ᠪᠣᠭᠤᠯ ᠮᠠᠴᠢᠨ ᠮᠢᠨᠤ᠂ ᠠᠳᠤᠭᠤᠨ ᠳᠤᠷ ᠣᠷᠤᠵᠤ ᠦᠵᠡ᠃ ᠦᠨᠡᠨ ᠪᠣᠶᠤ ᠬᠤᠳᠠᠯ ᠪᠣᠶᠤ᠃ ᠦᠨᠡᠨ ᠪᠦᠭᠡᠰᠤ ᠳᠠᠪᠤᠨ ᠥᠩᠭᠡ ᠳᠦᠷᠪᠠᠨ ᠬᠠᠷᠢ ᠶᠢᠨ ᠣᠯᠤᠰ ᠲᠤ ᠮᠢᠨᠤ ᠳᠤᠩᠬᠠᠭ ᠥᠭ᠍ᠴᠤ ᠴᠤᠭᠯᠠᠭᠤᠯᠵᠤ ᠢᠷᠠ ︕ ᠭᠡᠪᠡ᠃
ᠳᠠᠳᠤᠢ ᠪᠣᠭᠤᠯ ᠮᠠᠴᠢᠨ ᠠᠳᠤᠭᠤᠨ ᠳᠤᠷ ᠣᠷᠤᠵᠤ ᠦᠵᠡᠪᠠᠰᠤ᠂ ᠬᠤᠶᠠᠷ ᠵᠠᠭᠠᠯ ᠦᠭᠡᠶ ᠠᠵᠠᠢ᠃ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠭᠡᠭᠦᠨ ᠢᠨᠤ ᠡᠢ᠌ᠰᠢ ᠳᠠᠢ᠌ᠰᠢ ᠬᠠᠷᠠᠵᠤ᠂ ᠬᠤᠶᠠᠷ ᠨᠢᠳᠤᠨ ᠡᠴᠡ ᠨᠢᠯᠪᠣᠰᠤᠨ ᠢᠨᠤ ᠴᠤᠪᠣᠷᠠᠵᠤ᠂ ᠬᠤᠶᠠᠷ ᠭᠦᠭᠦᠨ ᠡᠴᠡ ᠢᠨᠤ ᠰᠥ᠋ ᠴᠤᠪᠣᠷᠢᠭᠤᠯᠵᠤ ᠪᠠᠢ᠌ᠪᠠ᠃ ᠳᠠᠳᠤᠢ ᠪᠣᠭᠤᠯ ᠮᠠᠴᠢᠨ ᠶᠠᠪᠣᠵᠤ ᠳᠠᠪᠤᠨ ᠥᠩᠭᠡ ᠳᠦᠷᠪᠠᠨ ᠬᠠᠷᠢ ᠶᠢᠨ ᠣᠯᠤᠰ ᠶᠢᠡᠨ ᠴᠤᠭᠯᠠᠭᠤᠯᠵᠤ ᠢᠷᠡᠭ᠍ᠰᠡᠨ ᠬᠣᠢ᠌ᠨᠠ ᠠᠴᠢᠳᠤ ᠬᠠᠭᠠᠨ ᠡᠵᠡᠨ ᠠᠯ ᠵᠤᠯᠠ ᠪᠣᠷᠤ ᠮᠤᠷᠢᠨ ᠳᠠᠭᠠᠨ ᠠᠯᠳᠠᠨ ᠡᠮᠡᠭᠡᠯ ᠳᠤᠬᠤᠮ ᠶᠢᠡᠨ ᠳᠤᠬᠤᠵᠤ᠂ ᠠᠯᠳᠠᠨ ᠰᠠᠭᠠᠳᠠᠭ ᠶᠢᠡᠨ ᠪᠦᠰᠡᠯᠡᠵᠤ᠂ ᠠᠯᠠᠩᠭᠢᠷ ᠴᠠᠭᠠᠨ ᠨᠤᠮᠤᠨ ᠶᠢᠡᠨ ᠳᠦᠷᠤᠵᠤ᠂ ᠠᠯ ᠨᠠᠴᠢᠨ ᠬᠠᠷᠴᠠᠭᠠᠢ ᠪᠠᠨ ᠪᠠᠷᠢᠭᠤᠯᠵᠤ᠂ ᠠᠮᠠ ᠴᠠᠭᠠᠨ ᠰᠢᠷᠠ ᠨᠤᠬᠠᠢ ᠪᠠᠨ ᠭᠦᠳᠦᠯᠵᠤ᠂ ᠠᠭᠳᠠ ᠬᠤᠶᠠᠷ ᠵᠠᠭᠠᠯ ᠢ ᠪᠠᠨ ᠡᠷᠢᠭᠦᠢ ᠳᠤᠷ ᠠᠪᠠ ᠶᠢᠨ ᠶᠡᠭᠡ ᠣᠯᠤᠰ ᠲᠠᠭᠠᠨ ᠵᠠᠷᠯᠢᠭ ᠪᠣᠯᠪᠠᠢ᠄《ᠳᠠᠷᠠ ᠬᠤᠶᠠᠷ ᠵᠠᠭᠠᠯ ᠢ ᠮᠢᠨᠤ ᠭᠡᠨ ᠭᠦᠮᠤᠨ ᠭᠦᠢᠴᠡᠪᠠᠰᠤ ᠪᠢᠳᠡᠭᠡᠢ ᠬᠠᠷᠪᠣ ︕ ᠳᠠᠮ ᠳᠠᠮ ᠶᠢᠡᠷ ᠣᠭᠳᠤᠵᠤ ᠳᠤᠰᠴᠤ ᠪᠠᠷᠢ᠃ ᠳᠠᠷᠠ ᠪᠠᠷᠢᠭᠰᠠᠨ ᠭᠦᠮᠤᠨ ᠳᠤ᠂ ᠳᠦᠷᠪᠠᠨ ᠬᠤᠰᠢᠭᠤ ᠮᠠᠯ ᠡᠴᠡ ᠳᠡᠭ᠍ᠰᠢ ᠬᠤᠪᠢᠶᠠᠵᠤ ᠦᠭᠭᠦᠶᠡ᠃ ᠭᠦᠭᠡᠢ ᠬᠠᠨ ᠤ ᠦᠯᠭᠡ ᠪᠠᠷ᠂ ᠠᠯᠳᠠᠢ ᠬᠠᠨ ᠤ ᠠᠷᠤ ᠪᠠᠷ ᠠᠪᠠᠯᠠᠵᠠᠭᠠᠶᠠ ︕ ᠲᠦᠪ ᠤᠨ ᠭᠦᠮᠤᠨ ᠳᠦᠷᠭᠡᠨ ᠶᠠᠪᠣ ︕ ᠥᠵᠦᠭᠦᠷ ᠤᠨ ᠭᠦᠮᠤᠨ ᠣᠷᠢᠳᠤ ᠶᠠᠪᠣ ︕ ᠳᠠᠭᠢᠮ ᠤᠨ ᠭᠦᠮᠤᠨ ᠳᠠᠰᠤᠷᠠᠵᠤ ᠪᠢᠳᠡᠭᠡᠢ ᠬᠤᠴᠤᠷᠤ ︕ 》ᠭᠡᠵᠤ ᠵᠠᠷᠯᠢᠭ ᠪᠣᠯᠪᠠ᠃
ᠵᠨ᠂ ᠳᠠᠷᠠ ᠣᠯᠠᠨ ᠠᠪᠠᠴᠢᠨ ᠭᠦᠭᠡᠢ ᠬᠠᠨ ᠤ ᠦᠯᠭᠡ ᠪᠠᠷ᠂ ᠠᠯᠳᠠᠢ ᠬᠠᠨ ᠤ ᠠᠷᠤ ᠪᠠᠷ ᠭᠦᠷᠴᠤ ᠢᠷᠡᠭᠦ ᠳᠤ ᠶᠡᠭᠡ ᠵᠠᠭᠠᠯ ᠠᠨᠤ ᠪᠠᠭᠠ ᠵᠠᠭᠠᠯ ᠳᠡᠭᠦᠤ ᠳᠤᠷ ᠶᠢᠡᠨ᠄ 《ᠠᠪᠠ ᠶᠢᠨ ᠣᠯᠤᠰ ᠢᠷᠠᠯᠠ ᠪᠢᠰᠢᠤ ︖》 ᠭᠡᠵᠤ ᠳᠠᠭᠢᠨ ᠳᠠᠭᠢᠨ ᠭᠡᠯᠡᠭᠦᠢ ᠳᠤᠷ ᠪᠠᠭᠠ ᠵᠠᠭᠠᠯ ᠭᠡᠯᠡᠪᠡ ᠄ 《ᠠᠢ ︕ ᠠᠬᠠ ᠮᠢᠨᠤ᠂ ᠴᠢ ᠶᠠᠭᠠᠭᠢᠭᠰᠠᠨ ᠡᠮᠡ ᠭᠦᠮᠤᠨ ᠮᠠᠳᠤ ᠠᠬᠤᠷᠬᠠᠨ ᠪᠣᠳᠤᠯ ᠲᠡᠶ ᠪᠠᠢ᠌ᠳᠠᠭ ᠶᠤᠮ ᠪᠣᠢ ︖ ᠴᠢ ᠪᠢᠳᠠ ᠬᠤᠶᠠᠷ ᠢ ᠭᠦᠢᠴᠡᠭᠦ ᠪᠠᠢ᠌ᠳᠤᠭᠠᠢ᠂ ᠮᠠᠨ ᠤ ᠪᠠᠷᠠ ᠶᠢ ᠬᠠᠷᠠᠬᠤ ᠮᠤᠷᠢ ᠳᠠᠠᠳᠠ ᠪᠠᠢ᠌ᠬᠤ ᠪᠢᠯᠢᠤ ︖ ᠠᠯ ᠵᠤᠯᠠ ᠮᠤᠷᠢ ᠶᠠᠭᠤ ᠶᠤᠮ ᠪᠢᠯᠠ ︖ ᠴᠢᠩᠭᠢᠪᠠᠴᠤ ᠭᠠᠢ ᠦᠭᠡᠶ ᠠᠬᠠ ᠮᠢᠨᠤ ᠶᠠᠪᠣᠵᠠᠭᠠᠶᠠ ︕ ᠲᠦᠪ ᠤᠨ ᠭᠦᠮᠤᠨ ᠳᠤ ᠳᠤᠭᠤᠰᠤᠨ ᠶᠢᠡᠨ ᠥᠵᠡᠭᠦᠯᠦᠶᠡ᠂ ᠥᠵᠦᠭᠦᠷ ᠤᠨ ᠭᠦᠮᠤᠨ ᠳᠤ ᠪᠠᠷᠠ ᠪᠠᠨ ᠥᠵᠡᠭᠦᠯᠦᠶᠡ᠃ ᠭᠦᠭᠡᠢ ᠬᠠᠨ ᠤ ᠦᠪᠣᠷ ᠢ ᠳᠠᠪᠠᠵᠤ ᠭᠠᠷᠬᠤ ᠳᠠᠭᠠᠨ ᠦᠯᠤ ᠬᠠᠯᠵᠠᠨ ᠪᠣᠭᠤ ᠶᠢ ᠢᠰᠭᠦᠴᠡᠨ ᠣᠨᠠᠭᠠᠵᠤ ᠪᠠᠭᠤᠶᠠ᠂ ᠠᠯᠳᠠᠢ ᠬᠠᠨ ᠤ ᠠᠷᠤ ᠣᠷᠤᠭᠤ ᠪᠠᠭᠤᠬᠤ ᠳᠠᠭᠠᠨ ᠠᠷᠭᠠᠯᠢ ᠣᠭᠠᠯᠵᠠ ᠶᠢ ᠳᠠᠭᠠᠷᠢᠨ ᠣᠨᠠᠭᠠᠵᠤ ᠪᠠᠭᠤᠶᠠ ︕ 》ᠭᠡᠵᠤ ᠭᠡᠯᠡᠭ᠍ᠰᠡᠭᠡᠷ ᠳᠠᠷᠠ ᠶᠤᠰᠤᠭᠠᠷ ᠢᠰᠭᠦᠴᠡᠨ ᠣᠨᠠᠭᠠᠵᠤ ᠶᠠᠪᠣᠪᠠ ᠭᠡᠨᠡ᠃
ᠬᠠᠭᠠᠨ ᠭᠦᠭᠡᠢ ᠬᠠᠨ ᠤ ᠣᠷᠤᠢ ᠳᠡᠭᠡᠷᠡ ᠭᠠᠷᠴᠤ᠂ ᠪᠠᠷᠠ ᠶᠢ ᠨᠢ ᠳᠠᠰᠤᠷᠠᠳᠠᠯᠠ ᠬᠠᠷᠠᠵᠤ ᠪᠠᠢ᠌ᠭᠠᠤᠨ ᠡᠰᠡ ᠭᠦᠢᠴᠡᠭ᠍ᠰᠡᠨ ᠳᠤ ᠪᠣᠯᠳᠤ ᠶᠢᠨ ᠪᠣᠷᠤ ᠳᠠᠯᠠ ᠳᠡᠭᠡᠷᠡ ᠪᠠᠭᠤᠵᠤ ᠭᠠᠵᠠᠷ ᠳᠡᠭᠡᠷᠡ ᠳᠤᠬᠤᠮ ᠶᠢᠡᠨ ᠳᠡᠯᠭᠡᠵᠤ᠂ ᠪᠦᠰᠡ ᠪᠠᠨ ᠳᠠᠢ᠌ᠯᠵᠤ ᠭᠦᠵᠦᠭᠦᠨ ᠳᠡᠭᠡᠨ ᠡᠯᠭᠦᠵᠤ᠂ ᠳᠡᠭ᠍ᠷᠢ ᠡᠴᠢᠭᠡ ᠳᠡᠭᠡᠨ ᠮᠦᠷᠭᠦᠵᠤ᠄
《ᠬᠠᠷᠠ ᠪᠠᠭᠠ ᠶᠢᠨ ᠰᠠᠢ᠌ᠨ ᠶᠢᠡᠷ ᠬᠠᠭᠠᠨ ᠪᠣᠯᠤᠭᠰᠠᠨ ᠦᠭᠡᠶ ᠪᠢ᠂
ᠬᠠᠨ ᠳᠡᠭ᠍ᠷᠢ ᠶᠢᠨ ᠬᠠᠢ᠌ᠷᠠ ᠪᠠᠷ ᠬᠠᠭᠠᠨ ᠪᠣᠯᠤᠯᠠ ᠪᠢ᠃
ᠬᠠᠵᠠᠭᠠᠷ ᠶᠢᠡᠨ ᠶᠠᠭᠠᠭᠢᠵᠤ ᠡᠭᠡᠯᠳᠦᠷᠴᠤ ᠬᠠᠷᠢᠶᠠ ᠪᠣᠢ ︖
ᠡᠷᠡ ᠶᠢᠨ ᠰᠠᠢ᠌ᠨ ᠶᠢᠡᠷ ᠬᠠᠭᠠᠨ ᠪᠣᠯᠤᠭᠰᠠᠨ ᠦᠭᠡᠶ ᠪᠢ᠂
ᠡᠷᠭᠡᠳᠤ ᠳᠡᠭ᠍ᠷᠢ ᠡᠴᠢᠭᠡ ᠶᠢᠨ ᠵᠠᠶᠠᠭᠠᠨ ᠶᠢᠡᠷ ᠬᠠᠭᠠᠨ ᠪᠣᠯᠪᠠ ᠪᠢ᠃
ᠡᠮᠡᠭᠡᠯ ᠶᠢᠡᠨ ᠶᠠᠭᠠᠭᠢᠵᠤ ᠡᠭᠦᠷᠴᠤ ᠬᠠᠷᠢᠶᠠ ᠪᠢ ︖
ᠣᠯᠠᠨ ᠶᠡᠭᠡ ᠠᠪᠠ ᠪᠣᠯᠤᠨᠠᠮ ᠪᠢᠵᠠ᠂
ᠶᠠᠭᠤᠨ ᠳᠠᠭᠠᠨ ᠡᠮᠡᠭᠡᠯ ᠶᠢᠡᠨ ᠳᠤᠬᠤᠨᠠᠮ ︖
ᠣᠴᠢᠷᠳᠤ ᠶᠡᠭᠡ ᠣᠷᠤᠯᠳᠤᠭᠠᠨ ᠪᠣᠯᠤᠨᠠᠮ ᠪᠢᠵᠠ᠂
ᠶᠠᠭᠤᠨ ᠶᠢᠡᠨ ᠵᠢᠭᠰᠠᠭᠠᠨ ᠬᠠᠭᠰᠠᠭᠠᠶᠠ ︖
ᠭᠦᠷ ᠶᠡᠭᠡ ᠠᠪᠠ ᠪᠣᠯᠤᠨᠠᠮ ᠪᠢᠵᠠ᠂
ᠶᠠᠭᠤᠨ ᠶᠢᠡᠨ ᠡᠮᠡᠭᠡᠯᠡᠶᠡ ᠪᠢ ︖
ᠭᠦᠡᠳᠤ ᠶᠡᠭᠡ ᠴᠡᠷᠢᠭ᠌ ᠪᠣᠯᠤᠨᠠᠮ ᠪᠢᠵᠠ᠂
ᠶᠠᠭᠤᠨ ᠶᠢᠡᠨ ᠬᠤᠶᠠᠭᠯᠠᠶᠠ ᠪᠢ ︖
ᠬᠠᠷᠢ ᠶᠢᠨ ᠳᠠᠢ᠌ᠰᠤᠨ ᠪᠣᠯᠤᠨᠠᠮ ᠪᠢᠵᠠ᠂
ᠶᠠᠭᠤᠨ ᠶᠢᠡᠨ ᠣᠨᠤᠶᠠ ᠪᠢ ︖
ᠬᠠᠢ᠌ᠷᠠᠨ ᠬᠤᠶᠠᠷ ᠵᠠᠭᠠᠯ ᠮᠢᠨᠤ ᠭᠠᠵᠠᠷᠯᠠᠵᠤ ᠶᠠᠪᠣᠪᠠ ︕》 ᠭᠡᠵᠤ ᠬᠠᠢ᠌ᠯᠠᠪᠠ᠃ ᠳᠠᠳᠤᠢ ᠡᠰᠡ ᠭᠦᠢᠴᠡᠭ᠍ᠰᠡᠨ ᠣᠴᠢᠷ ᠪᠣᠭᠳᠠ ᠡᠵᠡᠨ ᠭᠡᠷ ᠲᠡᠭᠡᠨ ᠥᠭᠡᠳᠡ ᠪᠣᠯᠵᠤ ᠬᠠᠷᠢᠪᠠ᠃
ᠬᠤᠶᠠᠷ ᠵᠠᠭᠠᠯ ᠬᠤᠤᠬᠠᠢ ᠶᠢᠨ ᠭᠤᠷᠪᠠᠨ ᠴᠠᠪᠴᠢᠭᠤᠷ ᠲᠤ ᠭᠦᠷᠴᠤ ᠨᠤᠳᠤᠭᠯᠠᠪᠠ᠃ ᠭᠤᠷᠪᠠᠨ ᠵᠢᠯ ᠪᠣᠯᠬᠤ ᠳᠤ ᠪᠠᠭᠠ ᠵᠠᠭᠠᠯ ᠠᠨᠤ ᠰᠠᠭᠠᠷᠢ ᠨᠢ ᠢᠵᠠᠷᠠᠳᠠᠯᠠ ᠳᠠᠷᠭᠤᠯᠠᠪᠠ᠃ ᠶᠡᠭᠡ ᠵᠠᠭᠠᠯ ᠠᠨᠤ ᠬᠠᠳᠠᠵᠤ ᠵᠤᠭᠰᠤᠭᠰᠠᠨ ᠮᠤᠷᠢᠨ ᠮᠠᠳᠤ ᠡᠴᠡᠩᠭᠡᠷ᠃ ᠳᠡᠭᠡᠵᠤ ᠪᠠᠢ᠌ᠳᠠᠯᠠ ᠪᠠᠭᠠ ᠵᠠᠭᠠᠯ ᠳᠡᠭᠦᠤ ᠢᠨᠤ ᠶᠡᠭᠡ ᠵᠠᠭᠠᠯ ᠠᠬᠠ ᠡᠴᠡᠭᠡᠨ ᠠᠰᠠᠭᠤᠪᠠ᠄ 《ᠠᠬᠠ ᠮᠢᠨᠤ ᠴᠢ ᠶᠠᠭᠠᠭᠢᠭᠰᠠᠨ ᠪᠢᠯᠠ ︖ ᠡᠪᠦᠯ ᠤᠨ ᠴᠠᠭ ᠪᠣᠯᠬᠤᠯᠠᠷ ᠬᠤᠶᠠᠷ ᠬᠠᠴᠠᠷ ᠲᠤ ᠴᠢᠨᠢ ᠠᠶᠠᠭᠠ ᠶᠢᠨ ᠳᠦᠴᠢᠨᠠᠨ ᠮᠦᠰᠤ ᠭᠦᠷᠦᠵᠤ ᠶᠠᠪᠣᠳᠠᠭ᠂ ᠵᠤᠨ ᠴᠠᠭ ᠪᠣᠯᠬᠤ ᠳᠤ ᠬᠤᠶᠠᠷ ᠬᠠᠴᠠᠷ ᠴᠢᠨᠤ ᠬᠠᠯᠴᠠᠭᠠᠢ᠌ᠷᠠᠭᠰᠠᠨ ᠮᠠᠳᠤ ᠶᠠᠪᠣᠬᠤ ᠴᠢᠨᠢ ᠶᠠᠭᠤᠨ ᠪᠣᠢ ︖ ᠡᠪᠠᠰᠤᠨ ᠢ ᠪᠣᠯᠪᠠᠰᠤ ᠡᠷᠡᠤ ᠪᠠᠷ ᠠᠳᠠᠯᠢᠬᠠᠨ ᠢᠳᠠᠵᠤ᠂ ᠣᠰᠤᠨ ᠢ ᠪᠣᠯᠪᠠᠰᠤ ᠣᠷᠤᠭᠤᠯ ᠶᠢᠡᠷ ᠠᠳᠠᠯᠢᠬᠠᠨ ᠣᠤᠭᠤᠵᠤ ᠪᠠᠢ᠌ᠳᠠᠯᠠ ᠢᠩᠭᠢᠵᠤ ᠠᠷᠠᠰᠤ ᠰᠢᠷᠪᠣᠰᠤ ᠲᠡᠶ ᠪᠠᠨ ᠠᠭᠵᠠᠢ᠌ᠵᠤ ᠠᠳᠤᠷᠢᠭᠰᠠᠨ ᠴᠢᠨᠤ ᠶᠠᠭᠤᠨ ᠪᠣᠢ ︖ ᠠᠴᠢᠳᠤ ᠠᠬᠠ ᠮᠢᠨᠤ᠂ ᠴᠢᠮᠠ ᠶᠢ ᠥᠭᠦᠭᠦᠯᠡᠮᠡᠡᠵᠢᠨ ᠠᠷᠠᠰᠤ ᠶᠢ ᠴᠢᠨᠢ ᠪᠢ ᠡᠮᠦᠰᠭᠦ ᠶᠤᠮ ᠪᠢᠰᠢ ᠳ᠋ᠤᠤ᠂ ᠮᠢᠬᠠ ᠶᠢ ᠴᠢᠨᠢ ᠪᠢ ᠢᠳᠡᠭᠦ ᠶᠤᠮ ᠪᠢᠰᠢ ᠳ᠋ᠤᠤ᠃ ᠠᠬᠠ ᠮᠢᠨᠤ ᠰᠠᠨᠠᠭᠠ ᠪᠠᠨ ᠨᠠᠳᠠ ᠳᠤ ᠭᠡᠯᠡᠭᠡᠰᠡᠢ ︕》 ᠭᠡᠭᠦᠯᠡᠷ ᠶᠡᠭᠡ ᠵᠠᠭᠠᠯ ᠭᠡᠯᠡᠪᠡ᠄ 《ᠢᠨᠠᠭ ᠪᠣᠷᠤ ᠵᠠᠭᠠᠯ ᠮᠢᠨᠤ᠂ ᠣᠮᠤᠭ ᠶᠢᠡᠨ ᠳᠠᠷᠤ ︕ ᠪᠢ ᠴᠢᠮᠠ ᠳᠤ ᠰᠠᠨᠠᠭᠠ ᠪᠠᠨ ᠭᠡᠯᠡᠶᠡ᠃ ᠳᠡᠭᠦᠤ ᠮᠢᠨᠤ᠂ ᠥᠰᠭᠡᠵᠤ ᠳᠦᠷᠦᠭᠦᠯᠦᠭ᠍ᠰᠡᠨ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠡᠵᠢ ᠶᠢ ᠪᠠᠨ ᠰᠠᠨᠠᠬᠤᠯᠠᠷ ᠡᠪᠠᠰᠤᠨ ᠳᠤ ᠡᠷᠡᠤ ᠭᠦᠷᠭᠦ ᠦᠭᠡᠶ ᠪᠠᠢ᠌ᠨᠠ᠂ ᠣᠰᠤᠨ ᠳᠤ ᠣᠷᠤᠭᠤᠯ ᠭᠦᠷᠭᠦ ᠦᠭᠡᠶ ᠪᠠᠢ᠌ᠨᠠ᠃ ᠢᠨᠠᠭ ᠪᠣᠷᠤ ᠵᠠᠭᠠᠯ ᠮᠢᠨᠤ ︕ ᠣᠯᠠᠨ ᠶᠡᠭᠡ ᠠᠪᠠ ᠪᠣᠯᠤᠨᠠᠮ ᠪᠢᠯᠠ᠂ ᠣᠯᠤᠰ ᠤᠨ ᠤᠷᠢᠳ ᠵᠢᠭᠰᠠᠭᠠᠵᠤ ᠬᠠᠭᠰᠠᠭᠠᠳᠠᠭ ᠪᠢᠯᠠ᠃ ᠣᠯᠠᠭᠠᠨ ᠡᠮᠡᠭᠡᠯ ᠶᠢᠡᠨ ᠳᠤᠬᠤᠵᠤ ᠣᠯᠤᠰ ᠮᠤᠩᠭ᠋ᠤᠯ ᠤᠨ ᠶᠢᠡᠨ ᠡᠮᠦᠨᠡ ᠭᠠᠢ᠌ᠬᠠᠭᠤᠯᠳᠠᠭ ᠪᠢᠯᠠ᠃ ᠭᠦᠭᠡᠢ ᠬᠠᠨ ᠤ ᠦᠯᠭᠡ ᠪᠠᠷ ᠪᠠᠭᠤᠨ ᠢᠷᠡᠭᠦ ᠳᠤ ᠭᠦᠭᠡ ᠬᠠᠯᠵᠠᠨ ᠣᠭᠠᠯᠵᠠ ᠶᠢ ᠪᠠᠭᠤᠯᠭᠠᠨ ᠢᠷᠡᠭᠡᠳ ᠣᠭᠳᠤᠯᠵᠤ ᠬᠠᠷᠪᠣᠨᠠᠮ ᠪᠢᠯᠠ᠂ ᠭᠦᠪᠴᠢᠨ ᠣᠯᠤᠰ ᠮᠢᠨᠤ ᠭᠦᠷᠵᠡ ᠶᠢᠨ ᠴᠢᠨᠡᠭᠡᠨ ᠴᠠᠭᠠᠨ ᠰᠢᠳᠤ ᠶᠢ ᠮᠢᠨᠢ ᠳᠠᠳᠠᠵᠤ ᠥᠵᠡᠭᠡᠳ ᠭᠠᠢ᠌ᠬᠠᠳᠠᠭ ᠪᠢᠯᠠ᠃ ᠡᠪᠠᠰᠤᠨ ᠤ ᠰᠤᠷ ᠢ ᠢᠳᠠᠪᠠᠴᠤ᠂ ᠣᠰᠤᠨ ᠤ ᠳᠤᠩᠭ᠋ᠠᠯᠠᠭ ᠢ ᠣᠤᠭᠤᠪᠠᠴᠤ ᠶᠠᠭᠤᠨ ᠳᠤᠰᠠ ᠪᠠᠢ᠌ᠬᠤ ᠳ᠋ᠤᠤ ︕》 ᠭᠡᠵᠤ ᠭᠡᠯᠡᠭᠡᠳ ᠣᠭᠢᠯᠠᠬᠤᠢ ᠳᠤᠷ ᠪᠠᠭᠠ ᠵᠠᠭᠠᠯ ᠭᠡᠯᠡᠪᠡ᠄ 《ᠠᠢ᠂ ᠠᠬᠠ ᠮᠢᠨᠤ ︕ ᠡᠷᠡ ᠭᠦᠮᠤᠨ ᠰᠢᠠᠳᠠᠢ ᠢᠷᠵᠠᠰ ᠢᠷᠵᠠᠰ ᠭᠡᠵᠤ ᠢᠨᠢᠶᠠᠵᠤ ᠶᠠᠪᠣᠬᠤ ᠪᠢᠵᠠ᠂ ᠡᠮᠡ ᠭᠦᠮᠤᠨ ᠰᠢᠠᠳᠠᠢ ᠢᠷᠪᠠᠰ ᠢᠷᠪᠠᠰ ᠭᠡᠵᠤ ᠣᠭᠢᠯᠠᠬᠤ ᠠᠨᠤ ᠶᠠᠭᠤᠨ ︖》 ᠭᠡᠵᠤ ᠭᠡᠯᠡᠭᠡᠳ ᠨᠠᠰᠢ ᠪᠠᠨ ᠬᠠᠠᠳᠤᠨ ᠢᠨᠢᠶᠠᠵᠤ ᠴᠠᠰᠢ ᠪᠠᠨ ᠬᠠᠠᠳᠤᠨ ᠣᠭᠢᠯᠠᠵᠤ ᠡᠪᠠᠰᠤ ᠶᠢ ᠨᠢᠭᠡ ᠬᠤᠶᠠᠷ ᠳᠠᠳᠠᠯᠵᠤ᠂ ᠣᠰᠤ ᠶᠢ ᠨᠢᠭᠡ ᠬᠤᠶᠠᠷ ᠣᠭᠤᠴᠢᠯᠠᠵᠤ ᠭᠡᠨᠡᠳᠲᠡ ᠣᠶᠠᠷᠠᠬᠤ ᠰᠡᠳᠭᠢᠯ ᠳᠦᠷᠤᠨ᠄ 《ᠠᠢ᠂ ᠠᠬᠠ ᠮᠢᠨᠤ ︕ ᠡᠪᠠᠰᠤ ᠶᠢ ᠰᠠᠢ᠌ᠨ ᠢᠳᠠ᠂ ᠣᠰᠤᠨ ᠢ ᠰᠠᠢ᠌ᠨ ᠣᠤᠭᠤ ︕ ᠰᠠᠨᠠᠭᠠ ᠠᠮᠤᠷᠴᠤ ᠰᠠᠭᠠᠷᠢ ᠳᠦᠭᠦᠷᠡᠳᠡᠯᠡ ᠳᠠᠷᠭᠤᠯᠠᠪᠠᠯ ᠴᠢ ᠪᠢᠳᠠ ᠬᠤᠶᠠᠷ ᠨᠤᠳᠤᠭ ᠲᠠᠭᠠᠨ ᠪᠣᠴᠠᠵᠤ ᠬᠠᠷᠢᠵᠠᠭᠠᠶᠠ ︕》 ᠭᠡᠵᠤ ᠭᠡᠯᠡᠭᠦ ᠳᠤᠷ ᠶᠡᠭᠡ ᠵᠠᠭᠠᠯ ᠠᠨᠤ ᠪᠠᠶᠠᠷᠯᠠᠨ ᠬᠠᠳᠤᠷᠢᠪᠠ᠃ ᠪᠠᠭᠠ ᠵᠠᠭᠠᠯ ᠬᠣᠢ᠌ᠨᠠ ᠡᠴᠡ ᠨᠢ ᠳᠠᠭᠠᠵᠤ ᠰᠥᠭ᠌ ᠰᠥᠭ᠌ ᠱᠤᠭᠰᠢᠪᠠ᠃ ᠦᠪᠡᠷᠤᠨ ᠨᠤᠳᠤᠭ ᠤᠢ᠌ᠷᠠᠳᠤᠬᠤ ᠳᠤ ᠪᠠᠭᠠ ᠵᠠᠭᠠᠯ ᠠᠨᠤ ᠭᠡᠯᠡᠪᠡ᠄
《ᠠᠢ᠂ ᠠᠬᠠ ᠮᠢᠨᠤ ︕
ᠭᠤᠷᠪᠠᠨ ᠰᠠᠷᠠᠢ᠌ᠨ ᠭᠠᠵᠠᠷ ᠢ ᠭᠤᠷᠪᠠᠨ ᠬᠤᠨᠤᠭ ᠲᠤ ᠭᠦᠷᠦᠶᠡ᠃
ᠪᠣᠷᠤ ᠪᠢᠯᠵᠤᠤᠬᠠᠢ ᠵᠢᠷᠭᠢᠭᠦ ᠶᠢᠨ ᠤᠷᠢᠳ᠂
ᠪᠣᠭᠳᠠ ᠡᠵᠡᠨ ᠳᠡᠭᠡᠭ᠍ᠰᠢᠯᠡᠭᠦ ᠶᠢᠨ ᠤᠷᠢᠳ ᠭᠦᠷᠦᠶᠡ᠃
ᠬᠠᠷᠢᠶᠠᠴᠠᠢ ᠰᠢᠪᠠᠭᠤ ᠵᠢᠷᠭᠢᠭᠦ ᠶᠢᠨ ᠤᠷᠢᠳ᠂
ᠬᠠᠭᠠᠨ ᠡᠵᠡᠨ ᠳᠡᠭᠡᠭ᠍ᠰᠢᠯᠡᠭᠦ ᠶᠢᠨ ᠤᠷᠢᠳ ᠭᠦᠷᠦᠶᠡ᠃
ᠠᠯᠳᠠᠨ ᠭᠤᠷᠭᠤᠤᠯᠳᠠᠢ ᠵᠢᠷᠭᠢᠭᠦ ᠶᠢᠨ ᠤᠷᠢᠳ᠂
ᠠᠴᠢᠳᠤ ᠡᠵᠡᠨ ᠳᠡᠭᠡᠭ᠍ᠰᠢᠯᠡᠭᠦ ᠶᠢᠨ ᠤᠷᠢᠳ ᠭᠦᠷᠦᠶᠡ᠃
ᠣᠯᠠᠭᠠᠨ ᠨᠠᠷᠠᠨ ᠮᠠᠠᠳᠤᠬᠤ ᠶᠢᠨ ᠤᠷᠢᠳ᠂
ᠣᠨᠠᠭᠠ ᠳᠠᠭᠠ ᠪᠠᠷᠢᠯᠠᠬᠤᠢ ᠶᠢᠨ ᠤᠷᠢᠳ ᠭᠦᠷᠦᠶᠡ᠃
ᠥᠰᠭᠡᠵᠤ ᠳᠦᠷᠦᠭᠦᠯᠦᠭ᠍ᠰᠡᠨ ᠣᠯᠠᠭᠠᠨ ᠪᠣᠭᠤᠷᠤᠯ ᠠᠪᠣ ᠳᠠᠭᠠᠨ᠂
ᠡᠷᠭᠦᠵᠤ ᠳᠦᠷᠦᠭ᠍ᠰᠡᠨ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠡᠵᠢ ᠳᠡᠭᠡᠨ᠂
ᠡᠳᠦᠢ ᠳᠠᠳᠤᠢ ᠣᠯᠠᠨ ᠬᠠᠨᠢᠯᠠᠭᠰᠠᠨ ᠨᠥᠭᠦᠤᠨ ᠳᠠᠢ᠌ᠭᠠᠨ
ᠦᠷ ᠰᠤᠪᠣᠷᠠᠬᠤ ᠶᠢᠨ ᠤᠷᠢᠳ ᠭᠦᠷᠴᠤ ᠵᠤᠯᠭᠠᠶᠠ》 ᠭᠡᠵᠤ ᠭᠡᠯᠡᠯᠴᠡᠨ ᠵᠡᠷᠭᠡᠳᠡ ᠬᠠᠳᠠᠷᠢᠨ ᠭᠤᠷᠪᠠᠨ ᠬᠤᠨᠤᠭ ᠲᠤ ᠭᠦᠷᠴᠤ ᠢᠷᠠᠪᠠ᠃
ᠬᠤᠶᠠᠷ ᠵᠠᠭᠠᠯ ᠭᠦᠷᠴᠤ ᠢᠷᠡᠭ᠍ᠰᠡᠨ ᠳᠠᠷᠠ ᠰᠦᠨᠢ ᠪᠣᠭᠳᠠ ᠡᠵᠡᠨ ᠬᠤᠶᠠᠷ ᠵᠠᠭᠠᠯ ᠢ ᠪᠠᠨ ᠭᠦᠷᠴᠤ ᠢᠷᠠᠪᠠ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ᠃ ᠬᠠᠭᠠᠨ ᠡᠵᠡᠨ ᠮᠠᠷᠭᠠᠰᠢ ᠨᠢ ᠡᠷᠳᠡ ᠪᠣᠰᠴᠤ ᠪᠣᠭᠤᠯ ᠮᠠᠴᠢᠨ ᠲᠡᠭᠡᠨ ᠵᠠᠷᠯᠢᠭ ᠪᠣᠯᠪᠠ᠄ 《ᠬᠠᠨ ᠳᠡᠭ᠍ᠷᠢ ᠡᠴᠡ ᠵᠠᠶᠠᠭᠠᠳᠠᠢ ᠳᠦᠷᠦᠭ᠍ᠰᠡᠨ ᠬᠤᠶᠠᠷ ᠵᠠᠭᠠᠯ ᠮᠢᠨᠤ ᠬᠠᠷᠢᠵᠤ ᠢᠷᠡᠭ᠍ᠰᠡᠨ ᠢ ᠬᠠᠵᠠᠭᠠᠷᠯᠠᠵᠤ ᠪᠠᠢ᠌ᠨᠠ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ ᠪᠢ （ᠡᠷᠭᠢᠵᠤ ᠢᠷᠡᠭ᠍ᠰᠡᠨ ᠢ ᠡᠮᠡᠭᠡᠯᠯᠡᠵᠤ ᠪᠠᠢ᠌ᠨᠠ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ ᠪᠢ）᠂ ᠦᠨᠡᠨ ᠪᠣᠶᠤ ᠬᠤᠳᠠᠯ ᠪᠣᠶᠤ ︖ ᠠᠳᠤᠭᠤᠨ ᠳᠤᠷ ᠣᠷᠤᠵᠤ ᠦᠵᠡ ︕》 ᠭᠡᠵᠤ ᠵᠠᠷᠯᠢᠭ ᠪᠣᠯᠪᠠ᠃ ᠡᠵᠡᠨ ᠤ ᠵᠠᠷᠯᠢᠭ ᠶᠢᠡᠷ ᠪᠣᠭᠤᠯ ᠮᠠᠴᠢᠨ ᠠᠳᠤᠭᠤᠨ ᠳᠤᠷ ᠣᠷᠤᠵᠤ ᠦᠵᠡᠪᠠᠰᠤ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠡᠭᠡ ᠨᠢ ᠬᠤᠶᠠᠷ ᠵᠠᠭᠠᠯ ᠤᠨ ᠶᠢᠡᠨ ᠢᠷᠡᠭ᠍ᠰᠡᠨ ᠢ ᠦᠵᠡᠵᠤ ᠡ᠊ᠨᠳᠡ ᠳᠠᠠᠳᠠ ᠨᠢ ᠬᠠᠷᠠᠵᠤ ᠬᠤᠶᠠᠷ ᠭᠦᠭᠦᠨ ᠡᠴᠡ ᠪᠠᠨ ᠰᠥ᠋ ᠴᠤᠪᠣᠷᠠᠭᠤᠯᠵᠤ ᠬᠤᠶᠠᠷ ᠨᠢᠳᠤᠨ ᠡᠴᠡ ᠪᠠᠨ ᠨᠢᠯᠪᠣᠰᠤᠨ ᠴᠤᠪᠣᠷᠠᠭᠤᠯᠵᠤ ᠪᠠᠢ᠌ᠨᠠᠮ᠃ ᠬᠤᠶᠠᠷ ᠵᠠᠭᠠᠯ ᠨᠢ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠡᠭᠡ ᠶᠢᠨ ᠶᠢᠡᠨ ᠨᠠᠭᠠᠳᠠᠢ ᠴᠠᠭᠠᠳᠠᠢ ᠨᠢ ᠭᠠᠷᠴᠤ ᠰᠡᠢ᠌ᠭᠦᠷᠴᠤ ᠪᠠᠢ᠌ᠪᠠ᠃ ᠳᠠᠳᠤᠢ ᠪᠣᠭᠤᠯ ᠮᠠᠴᠢᠨ ᠪᠠᠷᠢᠶᠠ ᠭᠡᠭᠦᠯᠡᠷ ᠪᠠᠷᠢᠭᠳᠠᠭᠰᠠᠨ ᠦᠭᠡᠶ ᠳᠤᠯᠠ ᠣᠯᠠᠭᠠᠨ ᠪᠣᠭᠤᠷᠤᠯ ᠡᠴᠢᠭᠡ ᠡᠷᠡᠮᠡᠭ᠌ ᠴᠠᠭᠠᠭᠴᠢᠨ ᠡᠭᠡ ᠲᠡᠶ ᠨᠢ ᠨᠡᠢ᠌ᠯᠡᠭᠦᠯᠵᠤ ᠳᠠᠭᠤᠨ ᠢᠷᠡᠭᠡᠳ ᠡᠵᠡᠨ ᠳᠤᠷ ᠶᠢᠡᠨ᠄ 《ᠬᠤᠶᠠᠷ ᠵᠠᠭᠠᠯ ᠳᠠᠨᠢ ᠢᠷᠠᠪᠠ ︕》 ᠭᠡᠵᠤ ᠮᠤᠷᠢᠨ ᠳᠡᠭᠡᠷᠡ ᠡᠴᠡ ᠪᠠᠷᠳᠠᠮᠨᠠᠭᠰᠠᠭᠠᠷ ᠢᠷᠠᠪᠠ᠃ ᠬᠠᠭᠠᠨ ᠰᠤᠨᠤᠰᠤᠭᠠᠤᠨ ᠨᠥᠮᠦᠭᠡᠨ ᠳᠠᠪᠠᠯ ᠶᠢᠡᠨ ᠶᠠᠪᠤᠨ ᠶᠠᠪᠤᠨ ᠬᠠᠠᠴᠣᠢ᠌ᠯᠠᠭᠰᠠᠭᠠᠷ ᠬᠤᠶᠠᠷ ᠵᠠᠭᠠᠯ ᠤᠨ ᠶᠢᠡᠨ ᠡᠮᠦᠨᠡ ᠡᠴᠡ ᠣᠭᠳᠤᠨ ᠣᠴᠢᠭᠠᠤᠨ᠄ 《ᠵᠠ᠂ ᠰᠠᠢ᠌ᠨ ᠰᠠᠢ᠌ᠨ ︕ ᠬᠤᠶᠠᠷ ᠵᠠᠭᠠᠯ ᠮᠢᠨᠤ ᠮᠠᠠᠳᠤ ᠢᠷᠠᠪᠠᠤ ︖》 ᠭᠡᠵᠤ ᠵᠠᠷᠯᠢᠭ ᠪᠣᠯᠬᠤᠯᠠᠷ ᠶᠡᠭᠡ ᠵᠠᠭᠠᠯ ᠠᠨᠤ ᠭᠡᠯᠡᠪᠡ᠄ 《ᠬᠤᠤᠬᠠᠢ ᠶᠢᠨ ᠭᠤᠷᠪᠠᠨ ᠴᠠᠪᠴᠢᠭᠤᠷ ᠲᠤ ᠭᠠᠵᠠᠷᠯᠠᠨ ᠶᠠᠪᠣᠭᠰᠠᠨ ᠬᠤᠶᠠᠷ ᠵᠠᠭᠠᠯ ᠳᠤ ᠴᠤ ᠶᠠᠭᠤ ᠪᠠᠢ᠌ᠬᠤ ᠪᠢᠯᠠ ︖ ᠭᠤᠴᠢᠨ ᠲᠦᠮᠡᠨ ᠣᠯᠠᠨ ᠶᠢᠡᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ ᠬᠠᠭᠠᠨ ᠡᠵᠡᠨ ᠮᠢᠨᠤ ᠮᠠᠠᠳᠤ ᠪᠣᠶᠠ ︖ ᠭᠦᠭᠡᠢ ᠬᠠᠨ ᠳᠤ ᠭᠠᠵᠠᠷᠯᠠᠨ ᠶᠠᠪᠣᠭᠰᠠᠨ ᠬᠤᠶᠠᠷ ᠵᠠᠭᠠᠯ ᠳᠤ ᠴᠤ ᠶᠠᠭᠤᠨ ᠪᠢᠯᠠ ︖ ᠭᠦᠷ ᠶᠡᠭᠡ ᠣᠯᠤᠰ ᠶᠢᠡᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ ᠬᠠᠭᠠᠨ ᠡᠵᠡᠨ ᠮᠢᠨᠤ ᠬᠠᠷᠢᠨ ᠮᠠᠠᠳᠤ ᠪᠣᠶᠠ ︖ ᠠᠯᠳᠠᠢ ᠬᠠᠨ ᠳᠤ ᠭᠠᠵᠠᠷᠯᠠᠨ ᠶᠠᠪᠣᠭᠰᠠᠨ ᠬᠤᠶᠠᠷ ᠵᠭᠠᠯ ᠳᠤ ᠴᠤ ᠶᠠᠭᠤᠨ ᠪᠢᠯᠠ ︖ ᠠᠷᠪᠠᠨ ᠲᠦᠮᠡᠨ ᠣᠯᠤᠰ ᠶᠢᠡᠨ ᠡᠵᠡᠯᠡᠨ ᠰᠠᠭᠤᠭᠰᠠᠨ ᠬᠠᠭᠠᠨ ᠡᠵᠡᠨ ᠮᠢᠨᠤ ᠬᠠᠷᠢᠨ ᠴᠤ ᠮᠠᠠᠳᠤ ᠪᠣᠶᠠ ︖》 ᠭᠡᠵᠤ ᠠᠮᠤᠷ ᠮᠠᠠᠳᠤ ᠶᠢ ᠠᠰᠠᠭᠤᠭᠰᠠᠨ ᠳᠤᠷ ᠬᠠᠭᠠᠨ ᠡᠵᠡᠨ ᠮᠦᠰᠢᠶᠠᠨ ᠪᠠᠶᠠᠰᠴᠤ᠄ 《ᠳᠠ ᠬᠤᠶᠠᠷ ᠢ ᠮᠢᠨᠤ ᠪᠣᠰᠤ ᠭᠦᠮᠤᠨ ᠣᠨᠤᠭᠰᠠᠨ ᠦᠦ ︖》 ᠭᠡᠵᠤ ᠠᠰᠠᠭᠤᠬᠤᠯᠠᠷ ᠪᠠᠭᠠ ᠵᠠᠭᠠᠯ ᠠᠨᠤ ᠭᠡᠯᠡᠪᠡ ᠄ ᠬᠤᠤᠬᠠᠢ ᠶᠢᠨ ᠭᠤᠷᠪᠠᠨ ᠴᠠᠪᠴᠢᠭᠤᠷ ᠭᠡᠭ᠍ᠴᠢ ᠬᠤᠯᠠ ᠪᠣᠢ᠂ ᠭᠤᠳᠤᠯᠳᠤ ᠭᠦᠮᠤᠨ ᠮᠠᠨ ᠢ ᠶᠠᠭᠠᠭᠢᠵᠤ ᠪᠠᠷᠢᠵᠤ ᠣᠨᠤᠬᠤ ᠪᠢᠯᠠ ︖ ᠭᠦᠭᠡᠢ ᠬᠠᠨ ᠭᠡᠭ᠍ᠴᠢ ᠦᠨᠳᠦᠷ ᠪᠣᠢ᠂ ᠭᠦᠯᠳᠤ ᠭᠦᠮᠤᠨ ᠮᠠᠨ ᠢ ᠶᠠᠭᠠᠭᠢᠨ ᠪᠠᠷᠢᠵᠤ ᠣᠨᠤᠬᠤ ᠪᠢᠯᠠ ︖ ᠠᠯᠳᠠᠢ ᠬᠠᠨ ᠭᠡᠭ᠍ᠴᠢ ᠦᠨᠳᠦᠷ ᠪᠣᠢ᠂ ᠠᠯᠠᠳᠤ ᠭᠦᠮᠤᠨ ᠮᠠᠨ ᠢ ᠶᠠᠭᠠᠭᠢᠵᠤ ᠪᠠᠷᠢᠵᠤ ᠣᠨᠤᠬᠤ ᠪᠢᠯᠠ ︖ ᠠᠷᠪᠠᠨ ᠲᠦᠮᠡᠨ ᠴᠡᠷᠢᠭ᠌ ᠤᠨ ᠠᠪᠠ ᠪᠠᠷ ᠪᠠᠷᠢᠵᠤ ᠡᠰᠡ ᠴᠢᠳᠠᠭᠰᠠᠨ ᠵᠠᠭᠠᠯ ᠤᠳ ᠢ ᠠᠯᠪᠠᠳᠤ ᠭᠦᠮᠤᠨ ᠶᠠᠭᠠᠭᠢᠵᠤ ᠪᠠᠷᠢᠵᠤ ᠣᠨᠤᠬᠤ ᠪᠣᠢ ︖ ᠣᠯᠠᠨ ᠶᠡᠭᠡ ᠠᠪᠠ ᠪᠠᠷ ᠪᠠᠷᠢᠵᠤ ᠴᠢᠳᠠᠭᠰᠠᠨ ᠦᠭᠡᠶ ᠵᠠᠭᠠᠯ ᠤᠳ ᠢ ᠣᠭᠤᠷᠴᠠᠭ ᠭᠦᠮᠤᠨ ᠶᠠᠭᠠᠭᠢᠵᠤ ᠪᠠᠷᠢᠵᠤ ᠣᠨᠤᠵᠤ ᠴᠢᠳᠠᠬᠤ ᠪᠢᠯᠠ ︖ ᠡᠪᠠᠰᠤ ᠶᠢ ᠡᠷᠡᠤ ᠪᠠᠷ ᠠᠳᠠᠯᠢᠬᠠᠨ ᠢᠳᠠᠵᠤ᠂ ᠣᠰᠤ ᠶᠢ ᠣᠷᠤᠭᠤᠯ ᠶᠢᠡᠷ ᠠᠳᠠᠯᠢᠬᠠᠨ ᠣᠤᠭᠤᠵᠤ ᠪᠠᠢ᠌ᠭᠠᠤᠨ ᠭᠡᠨ ᠨᠢ ᠳᠠᠷᠭᠤᠯᠠᠵᠤ ᠭᠡᠨ ᠨᠢ ᠳᠠᠷᠭᠤᠯᠠᠭᠰᠠᠨ ᠦᠭᠡᠶ ᠶᠢ ᠭᠡᠨ ᠮᠡᠳᠡᠭᠦ ᠳ᠋ᠤᠤ ︕》 ᠭᠡᠳ ᠭᠤᠳᠤᠯᠢ ᠬᠠᠷᠪᠣᠬᠤ ᠳᠠᠳᠤᠢ ᠭᠠᠵᠠᠷ ᠰᠢᠭᠦᠷᠡᠨ ᠪᠠᠢ᠌ᠪᠠ᠃
ᠬᠠᠭᠠᠨ ᠡᠵᠡᠨ ᠵᠠᠷᠯᠢᠭ ᠪᠣᠯᠵᠤ᠄ 《ᠬᠤᠶᠠᠷ ᠵᠠᠭᠠᠯ ᠢ ᠮᠢᠨᠤ ᠪᠠᠷᠢᠵᠤ ᠡᠮᠡᠭᠡᠯ ᠳᠤᠬᠤ ︕》 ᠭᠡᠭᠦᠯᠡᠷ ᠶᠡᠭᠡ ᠵᠠᠭᠠᠯ ᠠᠨᠤ ᠭᠡᠯᠡᠪᠡ᠄ 《ᠬᠠᠭᠠᠨ ᠡᠵᠡᠨ ᠪᠢᠳᠠ ᠬᠤᠶᠠᠷ ᠢ ᠪᠠᠷᠢᠵᠤ ᠶᠠᠭᠠᠭᠢᠨᠠᠮ ︖》 ᠭᠡᠳ ᠵᠤᠭᠰᠤᠵᠤ ᠪᠠᠢ᠌ᠪᠠ᠃ ᠪᠠᠭᠠ ᠵᠠᠭᠠᠯ ᠭᠡᠯᠡᠪᠡ᠄ 《ᠬᠠᠭᠠᠨ ᠡᠵᠡᠨ ᠮᠢᠨᠤ ᠮᠠᠨ ᠢ ᠰᠠᠨᠠᠬᠤᠯᠠ ᠨᠢ᠋ᠮᠠᠨ ᠵᠢᠯ ᠬᠤᠷᠠᠯᠠᠭᠤᠯ᠂ ᠨᠢ᠋ᠮᠠᠨ ᠰᠠᠷᠠ ᠬᠠᠭᠰᠠᠭᠠ ︕ ᠡᠰᠡᠪᠠᠯ ᠭᠤᠷᠪᠠᠨ ᠵᠢᠯ ᠬᠠᠭᠰᠠᠭᠤᠨ ︕》 ᠭᠡᠪᠡ᠃
ᠳᠠᠳᠤᠢ ᠬᠠᠭᠠᠨ ᠡᠵᠡᠨ ᠶᠡᠭᠡ ᠭᠡᠩᠭᠡᠷᠭᠡ ᠪᠠᠨ ᠳᠠᠯᠠᠳᠴᠤ ᠶᠡᠭᠡ ᠲᠦᠮᠡᠨ ᠣᠯᠤᠰ ᠶᠢᠡᠨ ᠬᠤᠷᠠᠭᠤᠯᠪᠠ᠂ ᠪᠠᠭᠠ ᠭᠡᠩᠭᠡᠷᠭᠡ ᠪᠠᠨ ᠳᠠᠯᠠᠳᠴᠤ ᠪᠠᠭᠠ ᠲᠦᠮᠡᠨ ᠣᠯᠤᠰ ᠶᠢᠡᠨ ᠬᠤᠷᠠᠭᠤᠯᠪᠠ᠃ ᠬᠤᠯᠠ ᠭᠠᠵᠠᠷ ᠶᠠᠪᠣᠭᠰᠠᠨ ᠬᠤᠶᠠᠷ ᠵᠠᠭᠠᠯ ᠮᠢᠨᠤ ᠬᠠᠷᠢᠵᠤ ᠢᠷᠠᠪᠠ᠂ ᠬᠤᠳᠠᠯᠠ ᠶᠢᠰᠤᠨ ᠭᠦᠰᠡᠯ ᠮᠢᠨᠤ ᠬᠠᠨᠤᠯᠠ ᠭᠡᠵᠤ ᠨᠤᠶᠠᠤᠨ ᠶᠡᠭᠡᠰ ᠲᠡᠭᠡᠨ ᠭᠤᠷᠪᠠᠨ ᠡᠳᠦᠷ ᠤᠨ ᠨᠠᠢ᠌ᠷ ᠳᠠᠯᠪᠢᠪᠠ᠃ ᠶᠡᠭᠡ ᠵᠠᠭᠠᠯ ᠢ ᠰᠠᠳᠠᠷᠯᠠᠵᠤ ᠣᠩᠭ᠋ᠤᠯᠠᠪᠠ᠃ ᠨᠠᠭᠤᠷ ᠳᠠᠯᠠᠢ ᠮᠠᠳᠤ ᠨᠠᠢ᠌ᠷ ᠭᠢᠵᠤ ᠪᠠᠢ᠌ᠭᠠᠤᠨ ᠬᠠᠭᠠᠨ ᠡᠵᠡᠨ ᠬᠤᠶᠠᠷ ᠵᠠᠭᠠᠯ ᠶᠢᠡᠨ ᠬᠠᠢ᠌ᠷᠠᠯᠠᠪᠠ᠃ ᠨᠢ᠋ᠮᠠᠨ ᠵᠢᠯ ᠬᠤᠷᠠᠯᠠᠭᠤᠯᠵᠤ ᠨᠢ᠋ᠮᠠᠨ ᠰᠠᠷᠠ ᠬᠠᠭᠰᠠᠭᠠᠭᠠᠤᠨ ᠨᠠᠮᠤᠷ ᠤᠨ ᠳᠡᠷᠢᠭᠦᠨ ᠰᠠᠷᠠ ᠳᠤᠷ ᠠᠪᠠ ᠳᠤᠷ ᠮᠤᠷᠳᠠᠵᠤ᠂ ᠠᠯᠳᠠᠢ ᠬᠠᠨ᠂ ᠭᠦᠭᠡᠢ ᠬᠠᠨ ᠳᠤ ᠠᠪᠠ ᠳᠠᠯᠪᠢᠪᠠ᠃ ᠠᠷᠤ ᠦᠪᠣᠷ ᠦᠭᠡᠶ ᠠᠷᠭᠠᠯᠢ ᠣᠭᠠᠯᠵᠠ ᠶᠢ ᠭᠦᠢᠴᠡᠨ ᠣᠨᠠᠭᠠᠪᠠ᠃ ᠠᠷᠪᠠᠨ ᠲᠦᠮᠡᠨ ᠭᠦᠮᠤᠨ ᠭᠠᠢ᠌ᠬᠠᠨ ᠮᠠᠭᠳᠠᠪᠠ᠂ ᠠᠯᠢᠪᠠ ᠠᠪᠠᠴᠢᠨ ᠳᠤ ᠭᠠᠢ᠌ᠬᠠᠯ ᠪᠣᠯᠪᠠ᠃ ᠠᠴᠢᠳᠤ ᠡᠵᠡᠨ ᠬᠠᠭᠠᠨ ᠤ ᠬᠤᠶᠠᠷ ᠵᠠᠭᠠᠯ ᠤᠨ ᠨᠠᠷᠠ ᠠᠯᠳᠠᠷ ᠳᠠᠭᠤᠷᠢᠰᠴᠤ ᠳᠡᠯᠭᠡᠷᠡᠪᠡ᠃
ᠵᠠ᠂ ᠢᠩᠭᠢᠭᠡᠳ ᠴᠢᠩᠭᠢᠰ ᠬᠠᠭᠠᠨ ᠤ ᠡᠷᠡ ᠬᠤᠶᠠᠷ ᠵᠠᠭᠠᠯ ᠤᠨ ᠳᠤᠭᠤᠵᠢ ᠣᠷᠤᠰᠢᠵᠤ ᠡᠵᠡᠨ ᠪᠣᠭᠳᠠ ᠶᠢᠨ ᠬᠤᠶᠠᠷ ᠵᠠᠭᠠᠯ ᠭᠡᠮᠡᠭᠦ ᠭᠦᠷᠤ ᠳᠠᠭᠤᠤ ᠵᠤᠬᠢᠶᠠᠭᠳᠠᠨ ᠣᠷᠳᠤᠰ ᠨᠤᠳᠤᠭ ᠲᠤ ᠦᠨᠦ ᠪᠣᠯᠳᠠᠯᠠ ᠣᠯᠠᠮᠵᠢᠯᠠᠭᠳᠠᠨ ᠳᠠᠭᠤᠯᠠᠭᠰᠠᠭᠠᠷ ᠪᠠᠢ᠌ᠨᠠ ︕ ᠣᠮ ᠰᠠᠢ᠌ᠨ ᠠᠮᠤᠭᠤᠯᠠᠩ ᠪᠣᠯᠳᠤᠭᠠᠢ ︕
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠤᠶᠤᠯ ᠣᠷᠠᠯᠢᠭᠳᠠᠷᠤᠮ᠄ 7489
ᠴᠠᠭ᠄ 2010 ᠤᠨ ᠤ 05 ᠰᠠᠷᠠ ᠶᠢᠨ 05
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ