☆ ᠰ·ᠮᠥᠩᠭᠡᠨᠡᠷᠡᠰᠤ
ᠭᠡᠳᠦᠢ ᠮᠦᠩᠭᠦ ᠲᠡᠶ ᠪᠣᠢ ᠭᠡᠵᠤ ᠪᠢᠳᠡᠭᠡᠢ ᠠᠰᠠᠭᠤ
ᠰᠢᠷᠦᠭᠦᠨ ᠦᠷᠢᠰᠦᠯᠳᠦᠭᠡᠨ ᠤ ᠳᠤᠮᠳᠠ ᠠᠮᠢ ᠴᠦᠯᠠᠵᠤ
ᠰᠦᠨᠢ ᠡᠳᠦᠷ ᠢ ᠢᠯᠭᠠᠯ ᠦᠭᠡᠶ ᠮᠠᠷᠠᠢ᠌ᠵᠤ ᠶᠠᠪᠣᠭᠠ ᠭᠦᠮᠦᠰ ᠡᠴᠡ
ᠰᠠᠷᠠ ᠳᠤ ᠪᠠᠨ ᠭᠡᠳᠦᠢ ᠴᠠᠯᠢᠩ ᠣᠯᠳᠠᠭ ᠪᠣᠢ ᠭᠡᠵᠤ ᠪᠣᠤ ᠠᠰᠠᠭᠤ
ᠰᠠᠢ᠌ᠬᠠᠨ ᠣᠢ᠌ᠯᠠᠰ ᠭᠡᠳᠡᠭ᠌ ᠪᠣᠯ ᠨᠠᠷᠠᠨ ᠤ ᠳᠤᠤᠷᠠ ᠬᠠᠮᠤᠭ ᠡᠴᠠ ᠭᠡᠷᠡᠯᠳᠡᠢ ᠶᠤᠮ
ᠰᠠᠴᠤᠯᠢ ᠡᠷᠭᠦᠵᠤ ᠢᠷᠦᠭᠡᠯ ᠵᠦᠩᠨᠠᠯ ᠶᠢᠡᠨ ᠥᠭ᠌
ᠰᠠᠷᠬᠤᠤᠨ ᠭᠡᠮᠨᠡᠵᠤ ᠰᠢᠨᠡ ᠠᠮᠵᠢᠯᠳᠠ ᠶᠢ ᠨᠢ ᠣᠭᠳᠤ
ᠵᠡᠭᠦᠭ᠍ᠰᠡᠨ ᠰᠤᠠᠳᠤᠷ ᠢ ᠨᠢ ᠭᠡᠳᠦᠢ ᠵᠤᠭᠤᠰ ᠪᠣᠢ ᠭᠡᠵᠤ ᠠᠰᠠᠭᠤᠭᠰᠠᠨ ᠴᠤ
ᠵᠢᠦᠡᠭᠦᠯ ᠪᠦᠳᠦᠭᠡᠯ ᠢ ᠨᠢ ᠭᠡᠳᠦᠢ ᠵᠤᠭᠤᠰ ᠪᠣᠢ ᠭᠡᠵᠤ ᠪᠢᠳᠡᠭᠡᠢ ᠳᠡᠨᠡᠭ᠌ ᠶᠠᠭᠤᠮᠠ ᠶᠠᠷᠢ
ᠰᠢᠭᠦᠳᠡᠷᠢ ᠪᠠᠷ ᠣᠮᠳᠠᠭᠠᠯᠠᠭᠠᠤᠨ ᠠᠮᠢᠳᠤᠷᠠᠵᠤ ᠪᠣᠯᠬᠤ ᠦᠭᠡᠶ ᠴᠤ
ᠰᠢᠯᠦᠭ᠌ ᠣᠶᠠᠩᠭ᠋ᠠᠯᠠᠭᠠᠤᠨ ᠬᠤᠭᠤᠰᠤᠨ ᠰᠠᠭᠤᠵᠤ ᠪᠣᠯᠳᠠᠭ ᠦᠭᠡᠶ ᠴᠤ
ᠮᠠᠷᠭᠠᠰᠢ ᠶᠢᠨ ᠲᠦᠯᠦᠭᠡᠨ ᠤ ᠭᠦᠰᠡᠯ ᠡᠪᠦᠷᠯᠡᠵᠤ ᠶᠠᠪᠣᠭᠠ ᠭᠦᠮᠤᠨ ᠳ᠋ᠤ
ᠮᠠᠠᠳᠤᠬᠤ ᠢᠷᠡᠭᠡᠳᠦᠢ ᠵᠤᠭᠤᠰ ᠤᠨ ᠣᠪᠣᠭᠠ ᠪᠠᠷ ᠪᠣᠰᠬᠠᠭᠳᠠᠳᠠᠭ ᠪᠢᠰᠢ
ᠶᠠᠳᠠᠭᠤ ᠪᠣᠯᠪᠠᠴᠤ ᠪᠠᠶᠠᠷᠳᠠᠢ ᠶᠠᠪᠣᠳᠠᠭ ᠭᠦᠮᠤᠨ ᠪᠠᠢ᠌ᠬᠤ ᠯᠠ
ᠶᠠᠠᠳᠠᠰᠢ ᠦᠭᠡᠶ ᠮᠦᠩᠭᠦ ᠲᠡᠶ ᠨᠢ ᠵᠢᠷᠭᠠᠯ ᠦᠭᠡᠶ ᠪᠠᠢ᠌ᠬᠤ ᠨᠢ ᠴᠤ ᠣᠯᠠᠨ
ᠶᠠᠩᠵᠤ ᠶᠢᠨ ᠵᠢᠷᠤᠭ ᠲᠡᠶ ᠳᠠᠷᠠ ᠡᠷᠢᠶᠡᠨ ᠴᠠᠭᠠᠰᠤ ᠴᠢᠨᠢ
ᠶᠠᠭ ᠦᠨᠡᠨ ᠳᠤ ᠪᠠᠨ ᠶᠠᠭᠤ ᠶᠢ ᠴᠤ ᠭᠡᠮᠵᠢᠵᠤ ᠳᠡᠢ᠌ᠯᠭᠦ ᠦᠭᠡᠶ᠃
ᠱᠠᠩᠨᠠᠯ ᠤᠨ ᠬᠤᠠᠳᠠᠭᠠ ᠴᠢᠨᠢ ᠭᠡᠳᠦᠢ ᠵᠤᠭᠤᠰ ᠭᠦᠷᠳᠡᠭ᠌ ᠪᠣᠯ ᠭᠡᠵᠤ ᠪᠣᠤ ᠪᠠᠰᠤᠮᠵᠢᠯᠠ
ᠱᠠᠭᠢᠭᠰᠠᠨ ᠪᠣᠷᠤᠭᠠᠨ ᠰᠢᠭ ᠠᠯᠠᠭᠠ ᠳᠠᠰᠢᠯᠳᠠ ᠶᠢ ᠮᠦᠩᠭᠦ ᠪᠠᠷ ᠰᠤᠯᠢᠵᠤ ᠳᠡᠢ᠌ᠯᠭᠦ ᠥᠭᠡᠢ
ᠱᠠᠭᠰᠢᠨ ᠮᠠᠭᠳᠠᠭᠰᠠᠨ ᠣᠯᠠᠨ ᠤ ᠨᠢᠳᠤ ᠶᠢ ᠵᠤᠭᠤᠰ ᠮᠢᠯᠢᠶᠠᠵᠤ ᠪᠠᠢ᠌ᠬᠤ ᠪᠢᠰᠢ
ᠰᠢᠠᠳᠠᠷᠠᠰᠢ ᠦᠭᠡᠶ ᠵᠤᠷᠢᠭ᠂ ᠪᠣᠰᠤᠭᠠ ᠭᠡᠢ᠌ᠮᠦᠷᠢ ᠶᠢ ᠵᠤᠭᠤᠰ ᠪᠣᠰᠬᠠᠵᠤ ᠪᠠᠢ᠌ᠬᠤ ᠪᠢᠰᠢ
ᠡᠵᠢ ᠠᠪᠣ ᠴᠢᠨᠢ ᠬᠤᠷᠢᠮ ᠳᠤ ᠴᠢᠨᠢ ᠭᠡᠳᠦᠢ ᠵᠤᠭᠤᠰ ᠦᠭᠭᠦᠭ᠍ᠰᠡᠨ ᠪᠣᠢ ᠭᠡᠵᠤ ᠪᠢᠳᠡᠭᠡᠢ ᠠᠰᠠᠭᠤ
ᠡᠨᠡ ᠪᠠᠶᠠ ᠶᠢ ᠳᠦᠷᠦᠭᠦᠯᠦᠭ᠍ᠰᠡᠨ ᠠᠴᠢ ᠶᠢ ᠨᠢ ᠭᠡᠵᠢᠶᠡ ᠴᠤ ᠬᠠᠷᠢᠭᠤᠯᠵᠤ ᠳᠡᠢ᠌ᠯᠳᠡᠭ᠌ ᠦᠭᠡᠶ
ᠡᠷᠡ ᠨᠥᠭᠦᠷ ᠴᠢᠨᠢ ᠭᠡᠳᠦᠢ ᠵᠤᠭᠤᠰ ᠬᠠᠳᠠᠭᠠᠯᠠᠭᠰᠠᠨ ᠪᠣᠢ ᠭᠡᠵᠤ ᠪᠣᠤ ᠰᠤᠷᠠᠭᠯᠠ
ᠡᠶᠡ ᠨᠠᠢ᠌ᠷᠳᠠᠢ ᠠᠮᠢᠳᠤᠷᠠᠯ᠂ ᠬᠠᠢ᠌ᠷᠠ ᠰᠡᠳᠭᠢᠯ ᠢ ᠶᠠᠭᠤ ᠪᠠᠷ ᠴᠤ ᠵᠥᠢᠷᠯᠡᠭᠦ ᠦᠭᠡᠶ᠃
2010.8.4
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ ᠰᠢᠪᠠᠷᠳᠠᠢ ᠭᠤᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠰ·ᠮᠥᠩᠭᠡᠨᠡᠷᠡᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2630
ᠴᠠᠭ᠄ 2010 ᠤᠨ ᠤ 08 ᠰᠠᠷᠠ ᠶᠢᠨ 06
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ