☆ ᠮᠠᠠᠳᠠᠷᠸᠠ
ᠪᠠᠭᠠᠷᠢᠨ ᠨᠤᠳᠤᠭ ᠤᠨ ᠳᠤᠷᠠᠰᠤᠮᠵᠢ
ᠮᠠᠨᠠᠨ ᠤ ᠶᠡᠭᠡ ᠳᠠᠯᠠ ᠳᠤ ᠳᠦᠭᠡᠷᠢᠵᠤ
ᠦᠷᠦᠭᠡᠯ ᠤᠨ ᠨᠤᠳᠤᠭ ᠲᠤ ᠦᠨᠦᠴᠢᠷᠠᠨ ᠶᠠᠪᠣᠬᠤ ᠳᠤ ᠪᠠᠨ
ᠦᠨᠢ ᠮᠥᠩᠭᠡ ᠶᠢᠨ ᠡᠭᠡ ᠣᠷᠤᠨ
ᠦᠪᠡᠷ ᠤᠨ ᠵᠠᠶᠠᠭᠠᠭᠰᠠᠨ ᠨᠤᠳᠤᠭ ᠪᠠᠭᠠᠷᠢᠨ ᠶᠢᠡᠨ ᠰᠠᠨᠠᠭᠠᠯᠵᠠᠨᠠ᠃
ᠦᠨᠳᠦᠷ ᠠᠰᠠᠷ ᠤᠨ ᠪᠣᠯᠤᠩ ᠳᠤ ᠵᠠᠯᠠᠷᠠᠬᠤ ᠳ᠋ᠤ
ᠥᠰᠦᠭᠡᠢ ᠭᠡᠷ ᠤᠨ ᠮᠢᠨᠢ ᠬᠣᠢ᠌ᠮᠤᠷ ᠰᠠᠨᠠᠭᠳᠠᠭᠠᠤᠨ ᠪᠠᠢ᠌ᠨᠠ᠂
ᠦᠷᠭᠡᠨ ᠵᠠᠮ ᠤᠨ ᠬᠠᠵᠠᠭᠤ ᠪᠠᠷ ᠶᠠᠪᠣᠬᠤ ᠳ᠋ᠤ
ᠦᠵᠡᠮᠵᠢᠳᠤ ᠳᠠᠯᠠ ᠶᠢᠨ ᠮᠢᠨᠢ ᠦᠨᠦᠷ ᠠᠩᠭᠢᠯᠤᠭᠠᠤᠨ ᠪᠠᠢ᠌ᠨᠠ᠂
ᠬᠠᠪᠣᠷ ᠤᠨ ᠣᠷᠳᠤ ᠡᠳᠦᠷ ᠤᠳ ᠲᠤ ᠵᠡᠭᠦᠷᠮᠡᠭᠯᠡᠵᠤ ᠰᠠᠭᠤᠬᠤ ᠳ᠋ᠤ
ᠨᠠᠮᠤᠷ ᠤᠨ ᠰᠠᠷᠠ ᠳᠤ ᠨᠤᠳᠤᠭ ᠡᠴᠠ ᠪᠠᠨ ᠰᠠᠯᠤᠭᠰᠠ ᠮᠢᠨᠢ ᠪᠣᠳᠤᠭᠳᠠᠭᠠᠤᠨ ᠪᠠᠢ᠌ᠨᠠ᠃
ᠳᠡᠭ᠍ᠷᠢ ᠪᠣᠷᠤᠭᠠᠯᠠᠬᠤ ᠭᠡᠮᠡᠨ ᠪᠦᠷᠭᠦᠢᠭ᠍ᠰᠡᠨ ᠪᠠᠢ᠌ᠯᠠ
ᠳᠠᠷᠠ ᠡᠳᠦᠷ ᠪᠢ ᠨᠤᠳᠤᠭ ᠡᠴᠠ ᠪᠠᠨ ᠠᠶᠠᠷᠯᠠᠭᠰᠠᠨ ᠪᠢᠯᠠ᠂
ᠪᠣᠶᠠᠠᠳᠤ ᠮᠠᠯᠴᠢᠨ ᠠᠪᠣ ᠶᠢᠨ ᠮᠢᠨᠢ ᠪᠣᠳᠤᠯ ᠭᠦᠨ ᠪᠠᠢ᠌ᠭᠰᠠᠨ ᠪᠢᠯᠠ᠂
ᠪᠣᠱᠤᠭᠠ ᠪᠠᠷ ᠠᠯᠬᠤᠵᠤ ᠭᠠᠷᠬᠤ ᠳᠤ ᠮᠢᠨᠢ
ᠮᠠᠩᠨᠠᠢ ᠳᠡᠭᠡᠷᠡ ᠨᠢᠭᠡ ᠥᠨᠦᠰᠦᠭ᠍ᠰᠡᠨ ᠪᠢᠯᠠ᠂
ᠪᠣᠰᠤᠭᠠ ᠭᠡᠢ᠌ᠮᠦᠷᠢ ᠲᠡᠶ ᠶᠠᠪᠣᠭᠠᠷᠠᠢ ᠭᠦᠤ ᠮᠢᠨᠢ ᠭᠡᠵᠤ
ᠪᠣᠷᠬᠠᠨ ᠢᠷᠦᠭᠡᠯ ᠶᠢᠡᠨ ᠳᠠᠯᠪᠢᠭᠰᠠᠨ ᠶᠤᠮ ᠪᠢᠯᠠ᠂
ᠪᠠᠭᠠᠷᠢᠨ ᠨᠤᠳᠤᠭ ᠤᠨ ᠮᠢᠨᠢ ᠳᠡᠭ᠍ᠷᠢ
ᠪᠣᠭᠤᠷᠤᠯ ᠠᠪᠣ ᠶᠢᠨ ᠮᠢᠨᠢ ᠴᠢᠷᠠᠢ ᠰᠢᠭ᠌ ᠪᠦᠷᠭᠦᠢᠭ᠍ᠰᠡᠭᠡᠷ
ᠰᠠᠯᠵᠤ ᠨᠠᠮᠠ ᠶᠢ ᠣᠳᠬᠤ ᠶᠢᠨ ᠊ᠭ᠍ᠱᠡᠨᠡ
ᠰᠠᠴᠤᠯᠢ ᠡᠷᠭᠦᠵᠤ ᠪᠠᠢ᠌ᠭᠠ ᠡᠵᠢ ᠶᠢᠨ ᠮᠢᠨᠢ ᠨᠢᠯᠪᠣᠰᠤ ᠰᠢᠭ᠌
ᠱᠠᠭᠠᠭᠢᠭᠠᠤᠨ ᠡᠭᠢᠯᠡᠯᠡ᠂ ᠭᠦᠭᠡᠷᠦᠭᠦᠢ︕
ᠠᠩᠬᠠ ᠨᠠᠮᠠ ᠶᠢ ᠰᠠᠯᠬᠤ ᠦᠶᠡ ᠵᠢᠨ
ᠠᠯᠳᠠᠨ ᠰᠢᠷᠭᠠᠯ ᠮᠠᠩᠨᠤᠭ ᠨᠥᠮᠦᠷᠢᠭ᠍ᠰᠡᠨ ᠳᠠᠯᠠ ᠮᠢᠨᠢ
ᠣᠳᠤ ᠠᠭᠢᠭᠠᠤᠨ ᠨᠤᠭᠤᠭᠠᠷᠠᠭᠠ ᠪᠣᠯ ᠦᠦ᠂
ᠴᠠᠷᠴᠠᠵᠤ ᠪᠠᠢ᠌ᠭᠰᠠᠨ ᠭᠤᠤᠯ ᠤᠳ ᠮᠢᠨᠢ
ᠣᠳᠤ ᠠᠭᠢᠭᠠᠤᠨ ᠮᠢᠷᠠᠯᠵᠠᠭᠠ ᠪᠣᠯ ᠦᠦ᠂
ᠳᠠᠯᠪᠢ ᠪᠠᠨ ᠬᠤᠷᠢᠶᠠᠭᠰᠠᠨ ᠴᠡᠴᠡᠭ᠌ ᠤᠳ ᠮᠢᠨᠢ
ᠣᠳᠤ ᠠᠭᠢᠭᠠᠤᠨ ᠳᠡᠯᠭᠡᠷᠡᠭᠡ ᠪᠣᠯ ᠦᠦ᠂
ᠨᠡᠭᠦᠳᠡᠯᠯᠡᠵᠤ ᠪᠣᠴᠠᠭᠰᠠᠨ ᠰᠢᠪᠠᠭᠤᠳ ᠮᠢᠨᠢ
ᠣᠳᠤ ᠠᠭᠢᠭᠠᠤᠨ ᠢᠷᠡᠭᠡ ᠪᠣᠯ ᠦᠦ᠃
ᠬᠠᠪᠣᠷ ᠤᠨ ᠰᠠᠢ᠌ᠬᠠᠨ ᠡᠳᠦᠷ ᠤᠳ ᠳᠤ
ᠬᠤᠨᠢᠴᠢᠨ ᠪᠣᠭᠤᠷᠤᠯ ᠠᠪᠣ ᠮᠢᠨᠢ
ᠰᠦᠷᠦᠭ᠌ ᠶᠢᠡᠨ ᠬᠠᠷᠢᠭᠤᠯᠵᠤ ᠪᠠᠶᠠᠰᠠᠭᠠ ᠪᠣᠯ ᠦᠦ᠂
ᠰᠠᠭᠠᠯᠢᠴᠢᠨ ᠪᠣᠭᠤᠷᠤᠯ ᠡᠵᠢ ᠮᠢᠨᠢ
ᠳᠤᠭᠤᠯ ᠶᠢᠡᠨ ᠭᠦᠭᠡᠭᠡᠵᠤ ᠶᠠᠪᠣᠭᠠ ᠪᠣᠯ ᠦᠦ᠂
ᠠᠳᠤᠭᠤᠴᠢᠨ ᠬᠤᠩᠭ᠋ᠤᠷ ᠠᠬᠠ ᠮᠢᠨᠢ
ᠣᠷᠳᠤ ᠶᠢᠨ ᠳᠠᠭᠤᠤ ᠪᠠᠨ ᠠᠶᠠᠯᠠᠭᠤᠯᠵᠤ ᠰᠠᠭᠤᠭᠠ ᠪᠣᠯ ᠦᠦ᠂
ᠣᠶᠤᠳᠠᠯᠴᠢᠨ ᠭᠤᠸᠠ ᠡᠭᠡᠴᠢ ᠮᠢᠨᠢ
ᠳᠠᠪᠠᠯ ᠶᠢᠡᠨ ᠣᠷᠠᠯᠠᠵᠤ ᠶᠠᠭᠠᠷᠠᠭᠠ ᠪᠣᠯ ᠦᠦ᠂
ᠠᠴᠢᠳᠤ ᠣᠯᠠᠨ ᠪᠠᠭᠰᠢ ᠮᠢᠨᠢ
ᠡᠳᠦᠷ ᠤᠨ ᠭᠢᠴᠢᠶᠠᠯ ᠶᠢᠡᠨ ᠵᠢᠭᠠᠭᠠ ᠪᠣᠯ ᠦᠦ᠂
ᠠᠶᠠᠨ ᠤ ᠣᠯᠠᠨ ᠠᠠᠳᠠ ᠮᠢᠨᠢ
ᠣᠳᠤ ᠬᠠᠮᠢᠭᠠ ᠪᠠᠢ᠌ᠭᠠ ᠪᠣᠯ ᠡ᠂
ᠠᠩᠬᠠᠨ ᠤ ᠬᠠᠢ᠌ᠷᠠ ᠶᠢ ᠪᠣᠯᠢᠶᠠᠭᠰᠠᠨ ᠵᠠᠯᠠᠭᠤ ᠮᠢᠨᠢ
ᠠᠵᠢᠯ ᠣᠢ᠌ᠯᠠᠰ ᠭᠡᠵᠤ ᠶᠠᠭᠠᠷᠠᠭᠠ ᠴᠤ ᠪᠣᠯ ᠦᠦ᠂
ᠠᠯᠢᠶᠠ ᠭᠦᠭᠡᠷᠦᠭᠦᠨ ᠳᠡᠭᠦᠤ ᠮᠢᠨᠢ
ᠠᠯᠤᠰ ᠤᠨ ᠭᠦᠰᠡᠯ ᠶᠢᠡᠨ ᠵᠡᠭᠦᠳᠦᠯᠡᠭᠡ ᠴᠤ ᠪᠣᠯ ᠦᠦ᠃
ᠬᠠᠷᠢ ᠨᠤᠳᠤᠭ ᠤᠨ ᠦᠵᠡᠮᠵᠢ ᠭᠤᠶᠤᠬᠠᠨ ᠴᠤ
ᠬᠠᠢ᠌ᠷᠠᠳᠠᠢ ᠨᠤᠳᠤᠭ ᠪᠠᠭᠠᠷᠢᠨ ᠢ ᠮᠠᠨᠢ ᠶᠠᠭᠠᠭᠢᠨ ᠭᠦᠢᠴᠡᠨᠡ᠂
ᠰᠠᠷᠢᠳᠠᠭ ᠦᠨᠳᠦᠷ ᠣᠷᠭᠢᠯ ᠤᠳ ᠨᠢ ᠭᠡᠴᠢᠨᠡᠨ ᠰᠦᠷᠯᠢᠭ᠌ ᠴᠤ
ᠰᠠᠢ᠌ᠬᠠᠨ ᠬᠠᠨ ᠢ ᠮᠠᠨᠢ ᠶᠠᠭᠠᠭᠢᠨ ᠭᠦᠷᠤᠨᠡ᠂
ᠬᠠᠳᠤᠨ ᠭᠤᠤᠯ ᠤᠨ ᠣᠷᠤᠰᠬᠠᠯ ᠨᠢ ᠭᠡᠴᠢᠨᠡᠨ ᠪᠠᠬᠠᠷᠬᠠᠮᠠ ᠴᠤ
ᠴᠠᠭᠠᠠᠮᠦ᠋ᠷᠠᠨ ᠲᠡᠶ ᠮᠠᠨᠢ ᠶᠠᠭᠠᠭᠢᠨ ᠠᠳᠠᠯᠢᠳᠬᠠᠨᠠ᠂
ᠦᠵᠡᠮᠵᠢᠳᠤ ᠬᠤᠳᠠ ᠶᠢᠨ ᠵᠡᠭᠡᠯᠢ ᠨᠢ ᠭᠡᠴᠢᠨᠡᠨ ᠠᠭᠤᠳᠠᠮ ᠴᠤ
ᠶᠡᠭᠡ ᠪᠠᠢ᠌ᠰᠢᠩ ᠢ ᠮᠠᠨᠢ ᠶᠠᠭᠠᠭᠢᠨ ᠬᠠᠷᠢᠴᠠᠭᠤᠯᠤᠨᠠ᠃
ᠭᠦᠮᠤᠨ ᠤ ᠨᠤᠳᠤᠭ ᠲᠤ ᠭᠠᠭᠴᠠᠭᠠᠷ ᠶᠠᠪᠣᠬᠤ ᠳᠤ ᠪᠠᠨ
ᠭᠦᠴᠦᠳᠤ ᠪᠦᠭᠡᠴᠢᠳ ᠤᠨ ᠨᠤᠳᠤᠭ ᠪᠠᠭᠠᠷᠢᠨ ᠮᠢᠨᠢ ᠵᠡᠭᠦᠳᠦᠯᠡᠭ᠍ᠳᠡᠭᠡᠳ ᠪᠠᠢ᠌ᠨᠠ᠂
ᠭᠡᠴᠡᠭᠦᠤ ᠶᠡᠭᠡ ᠠᠮᠢᠳᠤᠷᠠᠯ ᠤᠨ ᠳᠠᠪᠠᠭᠠ ᠶᠢ ᠳᠤᠭᠤᠯᠵᠤ ᠶᠠᠪᠣᠬᠤ ᠳᠤ ᠪᠠᠨ
ᠬᠤᠷᠳᠤᠨ ᠭᠦᠯᠦᠭ ᠤᠨ ᠨᠤᠳᠤᠭ ᠪᠠᠭᠠᠷᠢᠨ ᠮᠢᠨᠢ ᠳᠤᠳᠤᠷᠭᠠᠳ ᠪᠠᠢ᠌ᠨᠠ᠂
ᠠᠬᠤᠢ ᠶᠡᠭᠡ ᠬᠤᠳᠠᠨ ᠳᠤ ᠠᠯᠵᠢᠶᠠᠵᠤ ᠰᠠᠭᠤᠬᠤ ᠳᠤ ᠪᠠᠨ
ᠠᠭᠤᠤ ᠵᠤᠬᠢᠶᠠᠯᠴᠢᠳ ᠤᠨ ᠥᠯᠦᠭᠡᠢ ᠪᠠᠭᠠᠷᠢᠨ ᠮᠢᠨᠢ ᠳᠤᠷᠠᠰᠤᠭᠳᠠᠭᠠᠤᠨ ᠪᠠᠢ᠌ᠨᠠ᠂
ᠠᠵᠢᠯ ᠤᠨ ᠴᠢᠯᠦᠭᠡ ᠪᠠᠷ ᠶᠢᠡᠨ ᠰᠡᠯᠡᠭᠦᠴᠡᠨ ᠰᠠᠭᠤᠬᠤ ᠳᠤ ᠪᠠᠨ
ᠠᠶᠠᠯᠠᠭᠤᠴᠢᠨ ᠳᠠᠭᠤᠴᠢᠳ ᠤᠨ ᠥᠯᠦᠭᠡᠢ ᠪᠠᠭᠠᠷᠢᠨ ᠮᠢᠨᠢ ᠪᠣᠳᠤᠭᠳᠠᠭᠠᠤᠨ ᠪᠠᠢ᠌ᠨᠠ᠂
ᠳᠠᠷᠠ ᠣᠯᠠᠨ ᠭᠡᠯᠡᠳᠡᠨ ᠤ ᠳᠤᠮᠳᠠ ᠳᠠᠮᠠᠴᠠᠵᠤ ᠶᠠᠪᠣᠬᠤ ᠳᠤ ᠪᠠᠨ
ᠳᠡᠭ᠍ᠷᠢ ᠶᠢᠨ ᠴᠢᠯᠠᠭᠤᠳ ᠤᠨ ᠰᠠᠭᠤᠷᠢᠨ ᠪᠠᠭᠠᠷᠢᠨ ᠮᠢᠨᠢ ᠰᠠᠨᠠᠭᠳᠠᠭᠠᠤᠨ ᠪᠠᠢ᠌ᠨᠠ᠂
ᠳᠡᠭ᠍ᠷᠢᠯᠢᠭ᠌ ᠪᠣᠰᠤᠭᠠ ᠮᠤᠩᠭ᠋ᠤᠯ ᠳᠠᠭᠠᠨ ᠣᠮᠤᠷᠬᠠᠵᠤ ᠰᠠᠭᠤᠬᠤ ᠳᠤ ᠪᠠᠨ
ᠳᠡᠦᠭᠡᠨ ᠡᠴᠠ ᠣᠳᠤᠮᠳᠠᠢ ᠪᠠᠭᠠᠷᠢᠨ ᠶᠢᠡᠨ ᠳᠤᠷᠠᠰᠠᠬᠤ ᠦᠭᠡᠶ ᠪᠠᠢ᠌ᠬᠤ ᠶᠢᠨ ᠠᠷᠭᠠ ᠦᠭᠡᠶ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠷᠠᠭᠤᠨ ᠬᠣᠢ᠌ᠳᠤ ᠶᠢᠨ ᠪᠠᠭᠰᠢ ᠵᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ 2010 ᠣᠨ ᠤ ᠰᠤᠨᠢᠨ ᠮᠡᠳᠡᠭᠡᠨ ᠤᠨ ᠰᠠᠯᠪᠣᠷᠢ
ᠵᠤᠬᠢᠶᠠᠭᠴᠢ᠄ ᠮᠠᠠᠳᠠᠷᠸᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2625
ᠴᠠᠭ᠄ 2011 ᠤᠨ ᠤ 05 ᠰᠠᠷᠠ ᠶᠢᠨ 17
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ