ᠠᠷᠤ ᠠᠢ᠌ᠯ ᠤᠨ ᠠᠷᠳᠠᠭ ᠠᠪᠣ ᠵᠢᠨ

ᠠᠭᠰᠤᠮ ᠨᠠᠷ᠎ᠠ ᠲᠡᠶ ᠭᠦᠤ ᠪᠠᠢ᠌ᠯ᠎ᠠ

ᠠᠷᠪᠠᠨ ᠨᠠᠰᠤ ᠡᠴᠠ ᠪᠠᠨ ᠨᠥᠭᠦᠷᠯᠡᠭ᠍ᠰᠡᠨ

ᠠᠷᠢᠭᠢ ᠮᠤᠲ᠋ᠤᠷ ᠨᠠᠢ᠌ᠵᠢ ᠲᠡᠶ ᠪᠠᠢ᠌ᠯ᠎ᠠ

ᠳᠠᠷᠠᠰᠤ ᠨᠠᠢ᠌ᠵᠢ ᠲᠡᠶ ᠪᠠᠨ ᠳᠠᠭᠠᠷᠠᠮᠠᠭᠴᠠ

ᠳᠠᠰᠤᠯᠴᠠᠭᠠᠤᠨ ᠰᠠᠯᠬᠤ ᠦᠭᠡᠶ ᠨᠢ ᠭᠡᠴᠡᠭᠦᠤ ᠳ᠋ᠠ

ᠳᠠᠭᠢᠨ ᠳᠠᠭᠢᠨ ᠭᠦᠡᠳᠦᠷᠦᠭ᠍ᠰᠡᠭᠡᠷ

ᠳᠠᠷᠤᠵᠤ ᠣᠨᠠᠬᠤ ᠦᠭᠡᠶ ᠪᠠᠷ ᠵᠤᠭᠰᠤᠬᠤ ᠥᠭᠡᠢ

ᠳᠠᠷᠠᠰᠤ ᠪᠠᠨ ᠭᠡᠳᠦᠷᠡᠳᠡᠯ᠎ᠡ ᠪᠠᠯᠭᠤᠴᠢᠬᠠᠭᠠᠤᠨ

ᠮᠤᠲ᠋ᠤᠷ ᠲᠠᠭᠠᠨ ᠮᠤᠷᠳᠠᠬᠤ ᠨᠢ ᠠᠶᠤᠯ ᠲᠡᠶ ᠳ᠋ᠠ

ᠳᠠᠪᠠᠭ᠎ᠠ ᠭᠠᠩᠭ᠎ᠠ ᠶᠢ ᠬᠠᠮᠢᠶᠠᠷᠤᠯ ᠥᠭᠡᠢ

ᠳᠠᠪᠭᠢᠭᠤᠯᠵᠤ ᠨᠢᠰᠭᠡᠭᠦ ᠨᠢ ᠠᠶᠤᠮᠠᠷ ᠳ᠋ᠠ

ᠠᠪᠣ ᠶᠢᠨ ᠰᠠᠨᠠᠭᠤᠯᠤᠭᠰᠠᠨ ᠰᠤᠷᠭᠠᠯ ᠨᠢ

ᠠᠭᠠᠷ ᠲᠤ ᠳᠡᠭ᠍ᠳᠡᠭ᠍ᠰᠡᠨ ᠳᠤᠭᠤᠰᠤ ᠪᠠᠢ᠌ᠯ᠎ᠠ

ᠠᠪᠠᠭᠠᠢ ᠶᠢᠨ ᠭᠤᠩᠰᠢᠭᠰᠠᠨ ᠭᠤᠶᠤᠳᠠᠯ ᠨᠢ

ᠠᠷᠤ ᠳ᠋ᠤᠨᠢ ᠬᠤᠴᠤᠷᠠᠭᠰᠠᠨ ᠣᠳᠤᠭ᠎ᠠ ᠪᠠᠢ᠌ᠯ᠎ᠠ

ᠠᠩᠳᠠᠢ ᠠᠢ᠌ᠯ ᠤᠨ ᠠᠯᠮᠠᠰ ᠤᠨ

ᠠᠪᠣᠰᠢᠳᠠᠢ ᠬᠤᠷᠢᠮ ᠡᠴᠠ ᠨᠢ ᠪᠣᠴᠠᠬᠤ ᠳ᠋ᠠᠭᠠᠨ

ᠠᠭᠰᠤᠮ ᠠᠷᠢᠭᠢ ᠮᠤᠲ᠋ᠤᠷ ᠭᠤᠷᠪᠠ

ᠠᠢ᠌ᠯ ᠤᠨ ᠪᠠᠷ᠎ᠠ ᠪᠠᠨ ᠴᠢᠭᠯᠡᠪᠡ ᠭᠡᠨ᠎ᠡ

ᠠᠷᠢᠭᠢᠨ ᠤ ᠢᠳᠠ ᠠᠬᠠᠳᠠᠭᠠᠤᠨ

ᠮᠤᠲ᠋ᠤᠷ ᠤᠨ ᠬᠤᠷᠳᠤᠴᠠ ᠨᠡᠮᠡᠭ᠍ᠳᠡᠵᠤ ᠭᠡᠨ᠎ᠡ

ᠬᠠᠳᠠ ᠬᠠᠳᠠᠭᠤ ᠦᠦ᠂  ᠪᠢ ᠬᠠᠳᠠᠭᠤ ᠤᠤ

ᠬᠠᠷᠢᠭᠤᠯᠳᠠ ᠶᠢ ᠨᠢ ᠣᠯᠬᠤ ᠪᠠᠷ ᠭᠦᠴᠦᠯᠡᠵᠤ ᠭᠡᠨ᠎ᠡ

ᠴᠢᠯᠠᠭᠤ ᠳᠠᠮᠤᠷ ᠮᠦᠷᠭᠦᠯᠳᠦᠭᠡᠳ

ᠭᠠᠯ ᠪᠣᠯᠵᠤ ᠪᠣᠳᠠᠷᠠᠵᠤ ᠭᠡᠨ᠎ᠡ

ᠴᠢᠳᠠᠯ ᠲᠡᠶ ᠠᠭᠰᠤᠮ ᠰᠠᠪᠠᠭᠳᠠᠭᠠᠤᠨ

ᠭᠠᠪᠠᠯᠠ ᠳᠤᠬᠤ ᠦᠭᠡᠶ ᠨᠢᠴᠠᠷᠠᠵᠤ ᠭᠡᠨ᠎ᠡ

ᠭᠠᠰᠢᠭᠤᠨ ᠣᠰᠤ ᠶᠢ ᠵᠠᠯᠭᠢᠯᠠᠬᠤ ᠳ᠋ᠠᠭᠠᠨ

ᠣᠪᠣᠭ ᠶᠢᠡᠨ ᠮᠠᠳᠠᠪᠠᠯ ᠶᠠᠮᠠᠷ

ᠭᠠᠩᠭ᠋ᠠᠩ ᠮᠤᠲ᠋ᠤᠷ ᠳᠠᠭᠠᠨ ᠵᠠᠢ᠌ᠳᠠᠯᠠᠬᠤ ᠳ᠋ᠠᠭᠠᠨ

ᠣᠳᠤᠮ ᠶᠢᠡᠨ ᠴᠡᠭᠡᠵᠢᠯᠡᠪᠠᠯ ᠶᠠᠮᠠᠷ

ᠠᠳᠠᠯ ᠠᠮᠢᠳᠤᠷᠠᠯ ᠰᠠᠢ᠌ᠵᠢᠷᠠᠭᠰᠠᠨ ᠶᠤᠮ ᠴᠢᠨᠢ

ᠠᠷᠢᠭᠢ ᠮᠤᠲ᠋ᠤᠷ ᠢ ᠡᠳ᠋ᠯᠡᠭᠦ ᠨᠢ ᠵᠦᠪ

ᠠᠶᠠᠳᠠᠢ ᠰᠠᠢ᠌ᠬᠠᠨ ᠨᠠᠷᠭᠢᠬᠤ ᠳᠠᠭᠠᠨ

ᠠᠭᠰᠤᠮ ᠭᠦᠤ ᠪᠠᠷ ᠰᠤᠷᠭᠠᠮᠵᠢ ᠠᠪ ︕

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠭᠢᠩᠭ᠋ᠠᠨ ᠠᠢ᠌ᠮᠠᠭ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠰᠤᠷᠭᠠᠭᠤᠯᠢ