☆ ᠪᠣᠷᠵᠢᠭᠢᠨ·ᠮᠥᠩᠭᠡᠤ᠋ᠳᠽᠡᠷ
ᠬᠠᠳᠠᠭᠤ ᠡᠷᠡᠤ
ᠰᠢᠷᠤᠢ ᠮᠠᠯᠳᠠᠬᠤ ᠮᠠᠰᠢᠨ ᠢ ᠥᠵᠡᠭᠡᠳ ᠰᠡᠳᠭᠢᠭ᠍ᠳᠡᠭ᠍ᠰᠡᠨ ᠨᠢ
ᠠᠨᠠᠰᠢ ᠠᠳᠠᠯᠢ ᠣᠷᠳᠤ ᠭᠦᠵᠦᠭᠦᠤ ᠲᠡᠶ
ᠠᠳᠤᠭᠠᠷ ᠮᠠᠩᠭ᠋ᠤᠰ ᠰᠢᠭ ᠬᠤᠷᠴᠠ ᠰᠤᠶᠤᠭᠠ ᠲᠡᠶ
ᠶᠠᠳᠠᠬᠤ ᠶᠢ ᠮᠡᠳᠡᠭᠦ ᠦᠭᠡᠶ ᠬᠠᠳᠠᠭᠤ ᠡᠷᠡᠤ ᠲᠡᠶ
ᠴᠠᠳᠬᠤ ᠶᠢ ᠮᠡᠳᠡᠭᠦ ᠦᠭᠡᠶ ᠦᠯᠦᠨ ᠬᠤᠳᠤᠭᠤᠳᠤ ᠲᠡᠶ
ᠦᠨᠳᠦᠷ ᠠᠭᠤᠯᠠᠰ ᠢ ᠴᠢᠯᠠᠭᠤ ᠮᠤᠳᠤ ᠲᠡᠶ ᠨᠢ
ᠡᠮᠭᠦᠵᠤ ᠠᠪᠣᠭᠠᠤᠨ ᠵᠠᠯᠭᠢᠵᠤ ᠣᠷᠤᠭᠤᠯᠳᠠᠭ
ᠦᠷᠭᠡᠨ ᠳᠠᠯᠠ ᠶᠢ ᠡᠪᠠᠰᠤ ᠪᠠᠯᠴᠢᠭᠡᠷ ᠲᠡᠶ ᠨᠢ
ᠡᠷᠭᠢᠭᠦᠯᠵᠤ ᠠᠪᠣᠭᠠᠤᠨ ᠵᠠᠵᠢᠯᠠᠵᠤ ᠬᠠᠶᠠᠳᠠᠭ
ᠲ᠋ᠤᠪᠣ ᠳᠤᠯᠤᠭᠤᠳ ᠢ ᠦᠵᠡᠵᠤ ᠪᠠᠢ᠌ᠳᠠᠯᠠ
ᠳᠤᠷᠤᠭᠰᠢ ᠪᠠᠨ ᠮᠠᠯᠳᠠᠭᠠᠤᠨ ᠨᠥᠭᠡᠯᠡᠵᠤ ᠳᠠᠯᠪᠢᠳᠠᠭ
ᠳᠤᠷᠭᠠᠨ ᠳᠠᠯᠠ ᠶᠢ ᠬᠠᠷᠠᠵᠤ ᠪᠠᠢ᠌ᠳᠠᠯᠠ
ᠳᠠᠮᠳᠤᠭ ᠪᠣᠯᠳᠠᠯᠠ ᠣᠷᠠᠵᠤ ᠰᠡᠭ᠍ᠴᠢᠳᠡᠭ᠌
ᠬᠤᠳᠠ ᠭᠠᠵᠠᠷ ᠤᠨ ᠪᠠᠷᠢᠯᠭᠠ ᠳᠤ ᠪᠣᠯ
ᠬᠤᠪᠣᠷ ᠴᠤᠬᠠᠭ ᠡᠳ᠋ ᠶᠤᠮ ᠪᠠᠢ᠌ᠨᠠ
ᠬᠤᠷᠭᠤᠢ ᠨᠤᠭᠤᠭᠠᠨ ᠳᠠᠯᠠ ᠳᠤ ᠮᠢᠨᠢ ᠪᠣᠯ
ᠬᠤᠭ ᠳᠤᠭᠤᠰᠤᠨ ᠤ ᠣᠭᠤᠳᠠ ᠶᠤᠮ ᠪᠠᠢ᠌ᠨᠠ
ᠲ᠋ᠤᠮᠤ ᠬᠤᠳᠠ ᠶᠢᠨ ᠪᠠᠷᠢᠯᠭᠠ ᠳᠤ ᠪᠣᠯ
ᠳᠤᠷᠪᠢ ᠭᠦᠴᠤᠨ ᠲᠡᠶ ᠡᠳ᠋ ᠭᠡᠵᠤ ᠮᠠᠳᠠ
ᠳᠤᠷᠭᠠᠨ ᠨᠤᠭᠤᠭᠠᠨ ᠳᠠᠯᠠ ᠳᠤ ᠮᠢᠨᠢ ᠪᠣᠯ
ᠳᠤᠯᠤᠮ ᠳᠤ ᠴᠢᠭᠢᠭ᠍ᠰᠡᠨ ᠡᠯᠡᠰᠤ ᠭᠡᠵᠢ ᠮᠠᠳᠠ
ᠲ᠋ᠤᠷᠭᠤᠭᠤᠯᠢ ᠬᠤᠷᠢᠭᠤᠯ ᠦᠭᠡᠶ ᠡᠨᠡ ᠭᠠᠢ᠌ᠬᠠᠯ ᠳᠤ
ᠳᠤᠰᠤ ᠦᠭᠭᠦ ᠦᠭᠡᠶ ᠪᠣᠯ ᠶᠠᠭᠠᠭᠢᠳᠠᠭ ᠪᠣᠯ ᠳ᠋ᠠ ⁉
ᠳᠤᠯᠤᠭᠠᠢ ᠭᠤᠳᠣᠢ᠌ᠭᠠᠤᠨ ᠪᠦᠭᠦᠢᠳᠡᠭ᠌ ᠪᠠᠢ᠌ᠬᠠ︕
ᠳᠤᠭᠤᠰᠤᠨ ᠳᠤ ᠳᠠᠷᠤᠭᠳᠠᠭᠠᠤᠨ ᠵᠢᠪᠠᠷᠡᠳᠡᠭ᠌ ᠪᠠᠢ᠌ᠬᠠ︕
ᠬᠠᠳᠠᠭᠤ ᠡᠷᠡᠤ ᠨᠢ ᠰᠢᠳᠤ ᠲᠡᠶ ᠪᠠᠨ ᠬᠠᠮᠳᠤ
ᠬᠠᠷᠠᠯᠠᠵᠤ ᠵᠢᠪᠠᠷᠡᠭᠡᠳ ᠣᠨᠠᠬᠤ ᠪᠢᠵᠠ ᠳ᠋ᠠ ︕
ᠬᠠᠶᠠᠭᠳᠠᠯ ᠪᠣᠯᠵᠤ ᠡᠨᠡ ᠨᠤᠳᠤᠭ ᠡᠴᠡ
ᠬᠠᠷᠠ ᠳᠠᠮᠤᠷ ᠶᠢᠡᠷ ᠬᠤᠳᠠᠯᠳᠤᠭᠳᠠᠬᠤ ᠪᠢᠵᠠ ᠳ᠋ᠠ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠪᠠᠭᠡᠵᠢᠩ ᠤᠨ ᠨᠠᠢ᠌ᠷᠠᠯᠳᠤ ᠨᠠᠢ᠌ᠷᠠᠮᠳᠠᠬᠤ ᠰᠦᠮᠡ ᠶᠢᠨ 12 ᠨᠤᠮᠸᠷ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ·ᠮᠥᠩᠭᠡᠤ᠋ᠳᠽᠡᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2887
ᠴᠠᠭ᠄ 2010 ᠤᠨ ᠤ 03 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ