☆ ᠭᠦᠭᠡᠭᠡᠢ᠌ᠮᠦᠷᠢ
ᠡᠵᠢ ᠨᠤᠳᠤᠭ ᠬᠤᠶᠠᠷ ᠲᠠᠭᠠᠨ ᠣᠴᠢᠨᠠᠮ
ᠣᠷᠭᠢᠯ ᠤᠨ ᠭᠢᠨᠢ ᠴᠢᠯᠠᠭᠤᠳ ᠢ ᠳᠠᠩᠭᠢᠨᠠᠭᠤᠯᠤᠨ ᠴᠤᠷᠭᠢᠭᠠᠵᠤ ᠪᠣᠰᠤᠭᠠᠤᠨ ᠣᠭᠳᠠᠷᠭᠤᠢ ᠶᠢᠨ ᠶᠢᠡᠨ ᠴᠡᠩᠭᠡᠷ ᠮᠠᠠᠳᠠᠯ ᠳᠤ ᠳᠤᠭᠳᠠᠬᠤ ᠣᠮᠤᠭᠳᠤ ᠭᠦᠷᠡᠩ ᠳᠠᠰ ᠶᠢᠡᠨ ᠠᠷᠭᠠᠳᠠᠨ ᠥᠮᠴᠢᠷᠭᠡᠭ᠍ᠰᠡᠨ ᠳᠤᠮᠤᠭ ᠲᠡᠶ ᠭᠦᠭᠡ ᠠᠭᠤᠯᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠤᠶᠢᠩ ᠬᠠᠢ᠌ᠷᠬᠠᠨ ᠤ ᠪᠠᠨ ᠮᠥᠩᠭᠡ ᠰᠦᠷᠯᠢᠭ᠌ ᠢ ᠪᠠᠷᠠᠭᠠᠳᠠᠨ᠂ ᠶᠢᠰᠤᠨ ᠮᠢᠩᠭᠠ ᠶᠢᠰᠤᠨ ᠵᠠᠭᠤᠨ ᠶᠠᠷᠠ ᠶᠢᠰᠤᠨ ᠪᠣᠯᠠᠭ ᠤᠨ ᠶᠢᠡᠨ ᠣᠰᠤᠨ ᠢ ᠨᠠᠷᠠᠨ ᠵᠡᠷᠭᠡᠯᠭᠡᠨ ᠳᠤ ᠵᠠᠩᠭᠢᠳᠤᠭᠰᠠᠨ ᠡᠷᠭᠢᠮᠰᠦᠭ᠌ ᠶᠡᠭᠡ ᠬᠠᠳᠤᠨ ᠴᠠᠭᠠᠨ ᠨᠠᠭᠤᠷ ᠲᠠᠭᠠᠨ ᠳᠡᠷᠢᠭᠦᠨ ᠶᠢᠡᠨ ᠳᠤᠯᠢᠳᠠᠨ ᠣᠰᠤ ᠨᠤᠳᠤᠭ ᠤᠨ ᠶᠢᠡᠨ ᠭᠤᠴᠤ ᠰᠠᠢ᠌ᠬᠠᠨ ᠦᠵᠠᠮᠵᠢ ᠳᠤ ᠴᠢᠮᠡᠭ᠌ ᠪᠣᠯᠬᠤ ᠶᠢ ᠭᠢᠴᠢᠶᠠᠵᠤ ᠭᠡᠪᠳᠡᠭ᠍ᠰᠡᠨ ᠳᠤᠭᠰᠢᠨ ᠰᠢᠷᠠ ᠪᠣᠤᠷᠠ ᠰᠢᠭ ᠨᠥᠮᠵᠦᠭ᠌ ᠰᠦᠷᠯᠢᠭᠦᠨ 《ᠳᠡᠭᠡᠭᠡ ᠰᠢᠷᠠ》 ᠮᠠᠩᠬᠠᠨ ᠤ ᠪᠠᠨ ᠡᠪᠦᠷ ᠲᠤ ᠢᠷᠡᠭᠡᠳ ᠣᠳᠤ ᠯᠠ ᠰᠠᠶᠢ ᠭᠦᠤ ᠴᠢᠨᠢ ᠣᠬᠠᠭᠠᠷᠠᠨᠠᠮ ︕
ᠳᠤᠯᠤᠭᠠᠤᠨ ᠪᠦᠭᠦᠨ ᠤ ᠣᠷᠤᠢ ᠶᠢ ᠳᠤᠰᠤᠨ ᠰᠢᠷᠠ ᠥᠩᠭᠡ ᠪᠠᠷ ᠶᠢᠡᠨ ᠬᠤᠴᠢᠵᠤ ᠨᠠᠷᠠ ᠬᠤᠯᠠᠳᠠᠨᠠ᠃ ᠣᠨᠠᠭᠠᠨ ᠬᠠᠢ᠌ᠷᠠᠳᠠᠢ ᠨᠤᠳᠤᠭ ᠲᠠᠭᠠᠨ ᠡᠷᠢᠭ᠍ᠳᠡᠨ ᠬᠤᠷᠭᠤᠳᠠᠨ ᠰᠢᠪᠠᠭᠤᠳ ᠶᠡᠭᠡ ᠳᠡᠭᠡᠭᠦᠷ ᠨᠡᠭᠦᠳᠡᠯᠯᠡᠨᠡ᠃ 《ᠳᠡᠭᠡᠭᠡ ᠰᠢᠷᠠ》 ᠮᠠᠩᠬᠠᠨ ᠤ ᠪᠠᠨ ᠳᠤᠷᠭᠠᠨ ᠡᠪᠦᠷ ᠳᠡᠭᠡᠷᠡ ᠳᠤᠭᠯᠠᠵᠤ ᠦᠰᠦᠭ᠍ᠰᠡᠨ ᠪᠣᠢ᠌ᠳᠤᠭ ᠲᠡᠶ ᠪᠠᠭᠠ ᠶᠢᠨ ᠨᠠᠰᠤ ᠪᠠᠨ ᠡᠷᠢᠭᠡᠳ ᠣᠯᠤᠭᠰᠠᠨ ᠦᠭᠡᠶ᠃
ᠭᠦᠤ ᠪᠠᠨ ᠭᠦᠯᠢᠶᠡᠵᠤ ᠰᠠᠷᠠᠪᠴᠢᠯᠠᠭᠰᠠᠨ ᠡᠵᠢ ᠶᠢᠨ ᠮᠢᠨᠢ ᠬᠤᠷᠮᠤᠢ ᠳᠤ ᠰᠠᠯᠭᠢ ᠨᠢᠯᠬᠠᠷᠠᠵᠤ᠂ ᠳᠤᠯᠤᠭᠠᠤᠨ ᠳᠤᠯᠤᠭᠠᠤᠨ ᠤᠨ ᠳᠤᠮᠳᠠ ᠡᠴᠠ 《ᠳᠡᠭᠡᠭᠡ ᠰᠢᠷᠠ》 ᠯᠠ ᠳᠡᠩᠭᠡᠢ᠌ᠨ᠂ ᠪᠦᠦᠳᠡᠢ᠌ᠵᠤ ᠵᠤᠭᠰᠤᠬᠤ ᠡᠵᠢ ᠶᠢᠨ ᠮᠢᠨᠢ ᠰᠡᠳᠭᠢᠯ ᠳᠤ ᠳᠠᠢ᠌ᠤᠠᠬᠤᠷᠠᠯ ᠦᠭᠭᠦᠨᠡ᠃
᠁ ᠣᠨ ᠵᠢᠯ ᠤᠳ ᠤᠨ ᠬᠠᠳᠠᠭᠤ ᠰᠢᠯᠭᠠᠯᠳᠠ ᠳᠤ ᠡᠩᠭᠡᠷ ᠳᠤᠬᠤᠢ ᠡᠴᠠ ᠪᠠᠨ ᠡᠯᠡᠭ᠍ᠳᠡᠨ ᠴᠤᠴᠠᠷᠠᠵᠤ ᠪᠠᠢ᠌ᠭᠠ ᠮᠠᠩᠬᠠ ᠳᠤᠯᠤᠭᠠᠤᠨ ᠶᠢᠡᠨ ᠬᠠᠷᠠᠬᠤ ᠡᠴᠠ ᠯᠠ ᠦᠷᠤ ᠣᠷᠠᠭᠳᠠᠨᠠ᠃ ᠠᠷᠠᠮᠠᠭ ᠳᠠᠷᠠᠮᠠᠭ ᠭᠡᠳᠤᠨ ᠪᠦᠭ᠍ᠳᠦᠷ ᠬᠠᠢ᠌ᠯᠠᠰᠤ ᠭᠦᠴᠢᠷᠳᠡᠢ᠌ᠭᠡᠨ ᠱᠤᠤᠭᠢᠨᠠ᠃
《ᠣᠳᠤ ᠴᠢᠨᠢ ᠰᠠᠯᠭᠢ ᠪᠠᠭᠠ ᠯᠠ ᠭᠦᠳᠡᠯᠪᠠᠯ 〈ᠳᠡᠭᠡᠭᠡ ᠰᠢᠷᠠ〉 ᠮᠢᠨᠢ ᠳᠤᠭᠤᠰᠤ ᠳᠤᠷᠳᠤᠭ ᠶᠢᠡᠨ ᠪᠣᠰᠬᠠᠵᠤ᠂ ᠡᠯᠡᠰᠤ ᠬᠠᠢ᠌ᠷ ᠶᠢᠡᠷ ᠶᠢᠡᠨ ᠨᠢᠳᠤ ᠨᠢᠭᠤᠷ ᠦᠭᠡᠶ ᠴᠤᠭᠢᠯᠠᠬᠤ ᠶᠤᠮ᠂ ᠶᠠᠮᠠᠷ ᠴᠠᠭ ᠨᠢ ᠪᠣᠯᠤᠭᠠ ᠶᠤᠮ ᠮᠡᠳᠡᠭᠦ ᠦᠭᠡᠶ ︕》 ᠭᠡᠴᠢᠭᠡᠭ᠍ᠰᠡᠨ ᠡᠵᠢ ᠵᠠᠯᠪᠠᠷᠢᠨᠠ᠃ ᠠᠷᠭᠠ ᠴᠤ ᠦᠭᠡᠶ ᠶᠤᠮ᠃ ᠣᠴᠠᠭᠠᠷ ᠣᠠᠳᠤᠭᠤᠴᠠᠯ ᠶᠢᠡᠨ ᠭᠠᠷᠭᠠᠵᠤ ᠪᠠᠢ᠌ᠭᠠ ᠨᠢ ᠳᠠᠷᠠ ᠪᠢᠵᠠ᠃ ᠡᠩᠭᠡᠷ ᠬᠠᠠᠴᠤᠢ ᠳᠤ ᠨᠢ ᠵᠡᠭᠦᠭ᠍ᠳᠡᠨ ᠦᠰᠴᠢᠭᠡᠭᠡᠳ ᠡᠵᠡᠨ ᠪᠣᠯᠬᠤ ᠶᠢᠨ ᠬᠠᠷᠢᠭᠤᠴᠠᠯᠭᠠ ᠠᠯᠳᠠᠵᠤ ᠶᠠᠪᠣᠭᠠ ᠳᠤ ᠨᠢ ᠭᠤᠮᠤᠳᠠᠳᠠᠭ ᠴᠤ ᠪᠠᠢ᠌ᠯᠭᠦᠢ ︕ ᠥᠶᠦᠭ᠌ ᠳᠤᠯᠠᠭᠠᠨ ᠳᠠᠭᠤᠨ ᠶᠢᠡᠨ ᠰᠤᠨᠤᠰᠬᠠᠨ ᠪᠠᠶᠠᠰᠬᠠᠵᠤ᠂ ᠬᠤᠷᠮᠤᠢ ᠪᠠᠯ ᠶᠢᠡᠷ ᠨᠢ ᠭᠢᠰᠭᠢᠯᠠᠨ ᠬᠤᠶᠠᠩ ᠰᠢᠷᠠ ᠣᠰᠤ ᠶᠢ ᠨᠢ ᠳᠠᠷᠬᠠᠭᠠᠨ ᠠᠮᠤᠷᠵᠢᠭᠤᠯᠳᠠᠭ ᠬᠠᠯᠠᠭᠤᠨ ᠵᠠᠶᠠᠭᠠ ᠲᠡᠶ ᠰᠦᠷᠦᠭ᠌ ᠤᠨ ᠶᠢᠡᠨ ᠪᠠᠷᠠ ᠶᠢ ᠦᠭᠡᠢ᠌ᠯᠠᠨ ᠡᠩᠰᠡᠷᠡᠭᠡ ᠴᠤ ᠪᠣᠯᠪᠠᠤ ︖
ᠬᠤᠯᠠ ᠶᠢᠨ ᠭᠠᠵᠠᠷ ᠡᠴᠠ ᠣᠰᠤ ᠨᠤᠳᠤᠭ ᠶᠢᠡᠨ ᠵᠤᠷᠢᠭᠠᠤᠨ ᠬᠠᠷᠢᠬᠤ ᠳᠤ ᠮᠠᠩᠬᠠ ᠳᠤᠯᠤᠭᠠᠤᠨ ᠪᠦᠭᠦᠨ ᠣᠷᠤ ᠣᠷᠤᠨ ᠳᠠᠭᠠᠨ ᠦᠨᠳᠠᠯᠵᠠᠨ ᠭᠦᠤ ᠪᠠᠨ ᠬᠠᠷᠠᠨ ᠵᠢᠷᠭᠠᠳᠠᠭ᠃ ᠡᠳᠦᠷ ᠤᠨ ᠨᠠᠷᠠ ᠴᠤ ᠢᠳᠠ ᠨᠠᠮᠠᠨ ᠳᠤᠨᠤᠷᠠᠵᠤ᠂ ᠡᠵᠢ ᠮᠢᠨᠢ ᠣᠭᠤᠷᠠᠭ ᠰᠢᠷᠭᠠᠯ ᠴᠠᠢ ᠪᠠᠨ ᠠᠯᠳᠠᠯᠠᠨ ᠣᠳᠠᠭᠠᠨ ᠰᠠᠮᠤᠷᠴᠤ ᠨᠤᠳᠤᠭ ᠤᠨ ᠶᠢᠡᠨ ᠳᠤᠯᠤᠭᠠᠤᠨ ᠪᠦᠭᠦᠨ ᠳᠤ ᠳᠡᠭᠡᠵᠢᠯᠡᠨ ᠭᠦᠤ ᠶᠢᠨ ᠶᠢᠡᠨ ᠭᠡᠢ᠌ᠮᠦᠷᠢ ᠲᠡᠶ ᠶᠠᠪᠣᠭᠠ ᠳᠤ ᠪᠠᠶᠠᠷᠯᠠᠳᠠᠭ᠃
ᠡᠨᠡᠷᠢᠩᠭᠦᠢ ᠳᠤᠯᠠᠭᠠᠨ ᠢ ᠬᠠᠷᠠᠴᠠᠨ ᠳᠠᠭᠠᠨ ᠰᠠᠭᠠᠵᠤ᠂ ᠨᠠᠮᠤᠷ ᠤᠨ ᠰᠡᠷᠢᠭᠦᠨ ᠳᠤ ᠪᠦᠦᠳᠡᠢ᠌ᠭ᠍ᠰᠡᠨ ᠡᠵᠢ ᠮᠢᠨᠢ ᠬᠤᠯᠠ ᠶᠢᠨ ᠵᠡᠷᠭᠡᠯᠭᠡᠨ ᠳᠤ ᠬᠠᠭᠤᠷᠳᠠᠨ ᠭᠡᠷ ᠲᠡᠭᠡᠨ ᠡᠭᠡᠨᠡ᠃ ᠭᠦᠤ ᠶᠢᠨ ᠶᠢᠡᠨ ᠰᠤᠷᠠᠭ ᠢ ᠳᠤᠭᠤᠯᠬᠤ ᠭᠡᠵᠤ ᠣᠰᠤ ᠳᠤᠯᠤᠭᠠᠤᠨ ᠤᠨ ᠳᠡᠭᠡᠭᠦᠷ ᠰᠢᠪᠠᠭᠤᠳ ᠤᠨ ᠳᠠᠭᠤᠨ ᠢ ᠴᠢᠩᠨᠠᠨᠠ ᠁
ᠬᠤᠨᠤᠭ ᠤᠨ ᠣᠷᠳᠤ ᠳᠤ ᠵᠡᠭᠦᠳᠤᠨ ᠳᠤ ᠢᠷᠠᠵᠤ᠂ ᠬᠤᠯᠠ ᠶᠢᠨ ᠭᠠᠵᠠᠷ ᠡᠴᠠ ᠵᠢᠷᠦᠭᠡᠨ ᠳᠤ ᠠᠨᠢᠷᠯᠠᠬᠤ ᠨᠤᠳᠤᠭ ᠡᠵᠢ ᠬᠤᠶᠠᠷ ᠮᠢᠨᠢ ᠭᠦᠤ ᠨᠢ ᠡᠵᠡᠭᠦᠢ ᠰᠠᠷᠠ ᠡᠳᠦᠷ ᠤᠳ ᠢ ᠢᠩᠭᠢᠵᠤ ᠯᠠ ᠭᠠᠵᠠᠷ ᠤᠨ ᠰᠤᠳᠠᠰᠤᠨ ᠡᠴᠠ ᠰᠤᠷᠠᠭ ᠬᠠᠢ᠌ᠮᠠ ᠰᠠᠨᠠᠵᠤ ᠭᠦᠯᠢᠶᠡᠳᠡᠭ᠌ ᠪᠠᠢ᠌ᠨᠠᠮ ︕
ᠡᠩᠭᠦᠷᠡᠢ᠌ᠭᠡᠨ ᠭᠦᠤ ᠴᠢᠨᠢ ᠡᠷᠳᠡᠨᠢ ᠶᠢᠨ ᠠᠷᠢᠭᠤᠨ ᠭᠠᠠᠵᠤᠭᠠ ᠳᠤᠰᠤᠳᠠᠨ ᠬᠤᠶᠠᠷ ᠲᠠᠭᠠᠨ ᠭᠦᠯ ᠲᠡᠶ ᠨᠠᠷᠠ ᠰᠢᠭ ᠭᠦᠷᠦᠭᠡᠳ ᠣᠴᠢᠨᠠ ᠳ᠋ᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠢ ᠶᠢᠨ ᠭᠤᠤᠯ ᠠᠢ᠌ᠮᠠᠭ ᠤᠨ ᠰᠢᠯᠤᠭᠤᠨ ᠭᠦᠭᠡ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠭᠦᠭᠡᠭᠡᠢ᠌ᠮᠦᠷᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 68146
ᠴᠠᠭ᠄ 2013 ᠤᠨ ᠤ 03 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ