1

ᠴᠠᠰᠤ ᠲᠡᠶ ᠡᠪᠦᠯ ᠤᠨ ᠰᠢᠭᠤᠷᠭ᠎ᠠ

ᠭᠦᠢᠳᠡᠨ ᠶᠢᠡᠨ ᠳᠠᠭᠠᠵᠤ ᠴᠢᠩᠭ᠋ᠠᠷᠠᠨ᠎ᠠ᠃

ᠠᠷᠭᠠᠯ ᠤᠨ ᠣᠳᠤᠭ᠎ᠠ ᠨᠢ ᠠᠭᠠᠷ ᠲᠠᠭᠠᠨ ᠴᠠᠷᠴᠠᠵᠤ

ᠠᠷᠢᠶᠠᠳᠠᠨ ᠵᠢᠭᠦᠷᠳᠡᠨ ᠨᠢ ᠡᠭᠦᠷ ᠲᠡᠭᠡᠨ ᠴᠠᠴᠠᠷᠠᠵᠤ

ᠠᠳᠤᠭᠤ ᠮᠠᠯ ᠨᠢ ᠰᠠᠷᠠᠪᠴᠢᠨ ᠳᠠᠭᠠᠨ ᠪᠠᠷᠪᠠᠢ᠌ᠵᠤ

ᠠᠯᠠᠭ ᠬᠤᠷᠸ᠎ᠠ ᠮᠦᠰᠤᠨ ᠳᠡᠭᠡᠨ ᠳᠠᠷᠤᠭᠳᠠᠵᠤ

ᠡᠷ᠎ᠡ ᠭᠦᠯᠦᠭ᠌ ᠤᠨ ᠲ᠋ᠤᠭᠤᠷᠠᠢ ᠭᠦᠯᠳᠡᠮᠡᠷ

ᠡᠷ᠎ᠡ ᠭᠦᠮᠤᠨ ᠤ ᠵᠤᠷᠢᠭ ᠬᠠᠯᠢᠷᠠᠮᠠᠷ

ᠡᠷᠳᠡ ᠴᠠᠰᠤ ᠳᠡᠢ ᠡᠨᠡ ᠡᠪᠦᠯ

ᠡᠩ ᠳᠡᠯᠡᠭᠡᠢ ᠡᠪᠦᠯᠵᠢᠨ ᠶᠢᠡᠨ ᠭᠦᠢᠳᠡᠨ᠃

        2

ᠴᠠᠰᠤ ᠲᠡᠶ ᠡᠪᠦᠯ ᠤᠨ ᠵᠤᠭᠠᠳᠠᠢ ᠵᠤᠭᠤᠭ

ᠯᠠᠪᠰᠤᠷᠭ᠎ᠠ ᠪᠠᠨ ᠳᠠᠭᠠᠵᠤ ᠦᠷᠨᠢᠨ᠎ᠡ᠃

ᠳᠤᠭᠳᠠᠬᠤ ᠠᠩᠴᠢᠨ ᠤ ᠭᠠᠭᠴᠠ ᠭᠦᠤ

ᠳᠠᠢ᠌ᠭ᠎ᠠ ᠳᠠᠭᠠᠭᠤᠯᠵᠤ ᠠᠪᠠ ᠭᠢᠭ᠍ᠰᠡᠨ ᠭᠡᠨ᠎ᠡ᠂

ᠳᠠᠤᠯᠠᠢ ᠭᠦᠭᠡᠭᠡᠭᠡᠳ ᠭᠦᠢᠴᠡᠭ᠍ᠰᠡᠨ ᠥᠭᠡᠢ

ᠭᠦᠰᠢᠵᠤ ᠬᠠᠷᠠᠩᠭ᠋ᠤᠰᠤᠭᠰᠠᠨ ᠨᠤᠬᠠᠢ ᠪᠠᠨ

ᠭᠦᠷᠮ᠎ᠡ ᠪᠠᠷ ᠶᠢᠡᠨ ᠪᠠᠭᠯᠠᠵᠤ ᠡᠭᠦᠷᠦᠭᠡᠳ

ᠭᠦᠮᠤᠨ ᠡᠴᠠ ᠨᠢᠭᠤᠵᠤ ᠬᠠᠷᠢᠵᠤ ᠢᠷᠡᠭ᠍ᠰᠡᠨ ᠭᠡᠨ᠎ᠡ᠃

ᠨᠠᠭᠠᠳᠤᠮ ᠤᠨ ᠰᠢᠷᠡᠭᠡᠨ ᠳᠤ ᠵᠤᠭᠤᠰ ᠮᠦᠷᠥᠢᠴᠡᠭᠡᠳ

ᠭᠤᠷᠪᠠᠨ ᠡᠳᠦᠷ ᠭᠡᠷ ᠤᠨ ᠪᠠᠷ᠎ᠠ ᠬᠠᠷᠠᠭᠰᠠᠨ ᠥᠭᠡᠢ

ᠨᠠᠵᠢᠳ ᠤᠨ ᠭᠤᠷᠪᠠᠨ ᠭᠠᠬᠠᠢ ᠨᠢ ᠥᠯᠪᠠᠷᠡᠭᠦ ᠳ᠋ᠡᠭᠡᠨ

ᠨᠢᠭᠡ ᠪᠠᠨ ᠪᠠᠷᠢᠭᠠᠤᠨ ᠢᠳᠡᠴᠢᠭᠡᠭ᠍ᠰᠡᠨ ᠭᠡᠨ᠎ᠡ᠃

᠁                    ᠁

       3

ᠴᠠᠰᠤ ᠲᠡᠶ ᠡᠪᠦᠯ ᠤᠨ ᠬᠤᠷᠢᠮ ᠪᠠᠶᠠᠷ

ᠭᠦᠢᠳᠡᠨ ᠶᠢᠡᠨ ᠳᠠᠭᠠᠵᠤ ᠠᠷᠪᠢᠳᠤᠨ᠎ᠠ᠃

ᠴᠡᠰᠦᠡᠴᠡᠴᠡᠭ᠌ ᠭᠡᠦᠭᠡᠨ ᠤ ᠬᠤᠷᠢᠮ ᠤᠨ ᠡᠳᠦᠷ

ᠴᠠᠭ ᠶᠢᠡᠨ ᠪᠣᠯᠵᠤᠵᠤ ᠤᠢ᠌ᠷᠠᠳᠤᠭᠰᠠᠭᠠᠷ ᠁

ᠴᠠᠭᠠᠳᠤᠭᠢ ᠨᠢ ᠳᠠᠪᠢ ᠬᠠᠷᠠᠮᠠᠷ ᠡᠪᠦᠭᠡᠨ ᠭᠡᠨ᠎ᠡ᠂

ᠴᠠᠭᠠᠨ᠎ᠠ ᠪᠠᠨ ᠭᠡᠳᠤᠨ ᠬᠤᠭᠤᠯᠠᠨ ᠭᠡᠷ ᠳᠠᠢ

ᠴᠠᠷᠢᠭᠤᠨ ᠳᠠᠮᠢᠷᠯᠢᠭ ᠳᠠᠭᠠᠭᠠᠮᠠᠯ ᠭᠡᠨ᠎ᠡ᠃

ᠭᠦᠯᠦᠰᠤᠨ ᠠᠵᠢᠯ ᠭᠢᠯᠭᠡᠨ᠎ᠡ ᠭᠡᠭ᠍ᠰᠡᠭᠡᠷ

ᠭᠡᠦᠭᠡᠨ ᠶᠢᠡᠨ ᠠᠯᠳᠠᠴᠢᠬᠠᠯ᠎ᠠ ᠭᠡᠵᠤ ᠡᠵᠢ ᠨᠢ ᠣᠭᠢᠯᠠᠨ᠎ᠠ  ᠃

ᠬᠠᠢ᠌ᠷᠠᠬᠠᠨ ᠵᠠᠯᠠᠭᠤ ᠨᠠᠰᠤ ᠡ ᠭᠡᠵᠤ

ᠬᠤᠷᠠᠭ ᠦᠬᠢᠳ ᠨᠢ ᠠᠮᠠ ᠪᠠᠨ ᠪᠠᠷᠢᠨ᠎ᠠ᠃

ᠬᠠᠰᠢᠯᠠ ᠵᠤᠭᠤᠰ ᠤᠨ ᠢᠳᠠ ᠡ ᠭᠡᠵᠤ

ᠬᠠᠯᠠᠰᠤᠭᠰᠠᠨ ᠵᠠᠯᠠᠭᠤᠰ ᠠᠯᠠᠭ᠎ᠠ ᠪᠠᠨ ᠨᠤᠬᠤᠯᠠᠨ᠎ᠠ᠃

        4

ᠴᠠᠰᠤ ᠲᠡᠶ ᠡᠪᠦᠯ ᠤᠨ ᠡᠳᠦᠷ ᠰᠦᠨᠢ

ᠰᠠᠯᠭᠢ ᠪᠠᠨ ᠳᠠᠭᠠᠵᠤ ᠣᠷᠴᠢᠨ᠎ᠠ᠃   

ᠰᠠᠷᠠ ᠲ᠋ᠠᠢ ᠰᠦᠨᠢ ᠶᠢᠨ ᠰᠡᠯᠡᠭᠦᠨ ᠳ᠋ᠤᠨᠢ

ᠰᠤᠯᠢᠶᠠᠳᠤᠭᠰᠠᠨ ᠮᠠᠵᠢᠶᠠᠩ᠂   ᠰᠤᠭᠳᠤᠭᠤ ᠭᠡᠷᠡᠭᠦᠯ ᠁

ᠰᠠᠢ᠌ᠷ ᠲᠡᠶ ᠥᠯᠢᠭᠡᠷ ᠡᠭᠦᠰᠦᠭ᠍ᠰᠡᠭᠡᠷ ᠁

ᠨᠠᠷᠠ ᠲᠡᠶ ᠡᠳᠦᠷ ᠤᠨ ᠨᠠᠮᠤᠭᠤᠬᠠᠨ ᠳ᠋ᠤᠨᠢ

ᠨᠠᠰᠤᠨ ᠪᠠᠶᠠᠷ᠂   ᠬᠤᠷᠢᠮ ᠴᠤᠭᠯᠠᠭ᠎ᠠ ᠁

ᠨᠠᠢ᠌ᠷ ᠤᠨ ᠰᠢᠷᠡᠭᠡ ᠦᠷᠭᠦᠯᠵᠢᠯᠡᠭ᠍ᠰᠡᠭᠡᠷ ᠁

ᠴᠠᠰᠤ ᠲᠡᠶ ᠡᠪᠦᠯ ᠤᠨ ᠭᠦᠳᠡᠭᠡ ᠨᠤᠳᠤᠭ

ᠴᠠᠰᠤᠨ ᠳᠤᠤᠷ᠎ᠠ ᠪᠠᠨ ᠳᠤᠭᠵᠢᠷᠠᠭᠰᠠᠭᠠᠷ ᠴᠤ

ᠴᠠᠰᠤ ᠲᠡᠶ ᠡᠪᠦᠯ ᠤᠨ ᠭᠦᠮᠤᠨ ᠤᠨ ᠠᠮᠢᠳᠤᠷᠠᠯ

ᠴᠠᠰᠤ ᠪᠠᠨ ᠪᠣᠳᠠᠷᠭᠠᠨ ᠪᠣᠴᠠᠯᠤᠭᠰᠠᠭᠠᠷ ᠡ︕

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠲᠦᠩᠯᠢᠶᠤᠤ ᠬᠤᠳᠠ ᠬᠣᠢ᠌ᠳᠤ ᠬᠤᠰᠢᠭᠤ ᠮᠤᠳᠤᠳᠤ ᠰᠤᠷᠭᠠᠭᠤᠯᠢ