ᠡᠷᠳᠡ ᠣᠷᠢᠳᠤ ᠶᠢᠨ ᠴᠠᠭ ᠲᠤ

ᠡᠨᠡ ᠳᠡᠯᠡᠭᠡᠢ ᠶᠢᠨ ᠡᠯᠢᠭᠡᠨ ᠥᠭᠡᠳᠡᠰᠤ ᠭᠡᠮᠡᠷ

ᠡᠯᠡᠷ ᠪᠠᠯᠠᠷ ᠰᠢᠷ᠎ᠠ ᠳᠠᠯ᠎ᠠ ᠶᠢᠨ ᠡᠭᠢᠨ ᠳᠤ

ᠡᠭᠡᠯ ᠵᠢᠷ ᠤᠨ ᠨᠢᠭᠡ ᠡᠷ᠎ᠡ

ᠡᠩᠭᠡ ᠳᠠᠢ᠌ᠪᠣᠩ ᠵᠢᠴᠢ

ᠡᠭᠡ ᠣᠷᠤᠨ ᠤ ᠪᠠᠨ ᠳᠦᠯᠦᠭᠡ ᠴᠡᠷᠢᠭ᠌ ᠲᠤ ᠮᠤᠷᠳᠠᠵᠤ ᠶᠠᠪᠣᠭᠠᠤᠨ

ᠡᠷᠭᠢᠵᠤ ᠪᠣᠴᠠᠵᠤ ᠢᠷᠡᠭ᠍ᠰᠡᠨ ᠦᠭᠡᠶ ᠭᠡᠳᠡᠭ᠌᠃

ᠣᠨ ᠵᠢᠯ ᠣᠷᠴᠢᠵᠤ ᠦᠨᠦ ᠪᠣᠯᠤᠯ᠎ᠠ

ᠣᠯᠠᠷᠢᠯ ᠳᠠᠭᠠᠨ ᠭᠠᠩᠳᠠᠬᠤ ᠰᠢᠷ᠎ᠠ ᠳᠠᠯ᠎ᠠ ᠳᠤ

ᠣᠶᠠᠩᠭ᠋᠎ᠠ ᠭᠤᠨᠢᠭ ᠤᠨ ᠡᠢ᠌ᠮᠤ ᠨᠢᠭᠡ ᠳᠠᠭᠤᠤ ᠳᠡᠯᠭᠡᠷᠡᠵᠤ

ᠣᠯᠠᠨ ᠤ ᠬᠤᠭᠤᠯᠠᠢ ᠳᠤ ᠳᠠᠭᠤᠯᠠᠭᠳᠠᠯ᠎ᠠ᠂ ᠣᠭᠢᠯᠠᠭᠳᠠᠯ᠎ᠠ᠃

ᠭᠦᠤ ᠳᠡᠭᠡᠨ ᠵᠤᠯᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠶ ᠲᠦᠷᠦᠯ ᠤᠨ ᠰᠠᠤᠠᠭᠢᠯ ᠭᠡᠭ᠍ᠴᠢ

ᠭᠦᠷᠡᠩ ᠣᠯᠠᠭᠠᠨ ᠴᠢᠰᠤᠳᠠᠢ ᠳᠠᠭᠤᠤ ᠵᠠᠭᠢᠶᠠᠨ ᠳᠤ ᠥᠭᠦᠭᠡᠤᠨ ᠠᠮᠢᠯᠠᠪᠠ

ᠭᠦᠢᠳᠡᠨ ᠣᠷᠴᠢᠯᠠᠩ ᠤᠨ ᠬᠠᠯᠠᠭᠤᠨ ᠳᠠᠢ᠌ᠨ ᠳᠤ ᠥᠷᠡᠭ᠍ᠳᠡᠭᠦ

ᠭᠦᠮᠤᠨ ᠤ ᠦᠷ᠎ᠡ ᠨᠢ ᠰᠢᠷ᠎ᠠ ᠳᠠᠯ᠎ᠠ ᠪᠠᠨ ᠰᠠᠷᠠ ᠲᠡᠶ ᠬᠤᠨᠤᠭᠤᠯᠪᠠ᠃

ᠰᠠᠢ᠌ᠨ ᠡᠷ᠎ᠡ ᠶᠢᠨ ᠴᠢᠰᠤᠨ ᠳᠤ ᠳᠡᠪᠳᠦᠭ᠍ᠰᠡᠨ ᠰᠢᠷ᠎ᠠ ᠳᠠᠯ᠎ᠠ

ᠰᠠᠠᠰᠠᠷ ᠤᠨ ᠳᠤᠤᠷ᠎ᠠ ᠳᠤᠭᠤᠰᠤ ᠪᠠᠷ ᠣᠳᠤ ᠶᠠᠭᠤᠨ ᠳᠤ ᠰᠠᠯᠭᠢᠯᠠᠪᠠ︖

ᠰᠠᠨᠠᠭ᠎ᠠ ᠰᠠᠤᠠᠭᠢᠯ ᠤᠨ ᠡᠨᠡᠭᠦ ᠭᠠᠵᠠᠷ ᠰᠢᠷᠤᠢ

ᠰᠢᠷᠬ᠎ᠠ ᠲᠡᠶ ᠵᠡᠭᠡᠷ᠎ᠡ ᠶᠢᠨ ᠴᠢᠰᠤᠨ ᠳᠤ ᠶᠠᠭᠤᠨ ᠳᠤ ᠬᠠᠳᠠᠪᠠ︖

ᠪᠢ ᠪᠠᠶ᠎ᠠ ᠡᠴᠡ ᠪᠠᠨ ᠠᠰᠠᠭᠤᠶ᠎ᠠ

ᠪᠢᠴᠢᠭ᠌ ᠰᠤᠶᠤᠯ ᠤᠨ ᠴᠠᠭᠠᠨ ᠮᠦᠷ ᠶᠢᠡᠷ ᠳᠠᠨᠠᠷ ᠡᠴᠡ ᠠᠰᠠᠭᠤᠶ᠎ᠠ︕

ᠭᠦᠪᠠᠭᠡ ᠦᠭᠡᠶ ᠨᠡᠯᠥᠢᠭᠦ ᠰᠢᠷ᠎ᠠ ᠳᠠᠯ᠎ᠠ ᠥᠩᠭᠡᠷᠡᠭ᠍ᠰᠡᠨ ᠳᠤ

ᠭᠦᠷᠦᠰᠤ ᠰᠢᠮᠡᠯᠡᠭ᠌ ᠡᠪᠠᠰᠤ ᠰᠤᠷᠭᠤᠭ ᠪᠠᠢ᠌ᠯ᠎ᠠ ᠭᠡᠳᠡᠭ᠌

ᠭᠦᠪᠦᠯᠵᠡᠭᠦ ᠵᠡᠷᠭᠡᠯᠭᠡᠨ ᠭᠦᠷᠢᠶᠡᠯᠡᠭᠦ ᠠᠭᠤᠯᠠᠰ ᠨᠢ

ᠭᠦᠮᠤᠨ ᠤ ᠬᠤᠷᠸ᠎ᠠ ᠳᠤ ᠡᠮᠨᠢᠭ᠌ ᠶᠢᠡᠷ ᠴᠤ ᠪᠠᠢ᠌ᠯ᠎ᠠ ᠭᠡᠳᠡᠭ᠌᠃

ᠣᠨ ᠵᠢᠯ ᠤᠨ ᠣᠷᠳᠤ ᠶᠡᠭᠡ ᠣᠷᠤᠰᠬᠠᠯ ᠳᠤ

ᠥᠩᠭᠡ ᠭᠡᠭᠡᠭ᠍ᠳᠡᠵᠤ ᠰᠢᠷ᠎ᠠ ᠳᠠᠯ᠎ᠠ ᠬᠤᠪᠠᠬᠠᠢ᠌ᠷᠠᠪᠠ

ᠦᠯᠦᠨ ᠬᠤᠪᠳᠤᠭ ᠭᠠᠰᠢᠭᠤᠨ ᠭᠠᠢ ᠳᠤ

ᠪᠦᠯᠢᠭ᠍ᠳᠡᠵᠤ ᠰᠢᠷ᠎ᠠ ᠳᠠᠯ᠎ᠠ ᠰᠢᠷᠬᠠᠳᠤᠪᠠ᠃

ᠰᠢᠷ᠎ᠠ ᠳᠠᠯ᠎ᠠ ᠡᠭᠡ ᠣᠷᠤᠨ ᠤ ᠭᠦᠷᠦᠰᠤ ᠪᠠᠢ᠌ᠭᠰᠠᠨ ᠳᠤ

ᠱᠠᠭᠰᠢᠭ ᠰᠤᠯᠢ ᠨᠢ ᠣᠶᠠᠩᠭ᠋᠎ᠠ ᠶᠢᠨ ᠱᠤᠤᠭᠢᠶ᠎ᠠ ᠲᠡᠶ ᠪᠠᠢ᠌ᠪᠠ

ᠰᠢᠷ᠎ᠠ ᠳᠠᠯ᠎ᠠ ᠡᠨᠡ ᠪᠠᠶ᠎ᠠ ᠶᠢᠨ ᠮᠢᠨᠢ ᠳᠡᠯᠡᠭᠡᠢ ᠪᠠᠢ᠌ᠭᠰᠠᠨ ᠡᠴᠡ

ᠰᠢᠷᠠᠯᠠᠰᠢ ᠦᠭᠡᠶ ᠮᠥᠩᠭᠡ ᠶᠢᠨ ᠠᠮᠢ ᠲᠡᠶ ᠪᠠᠢ᠌ᠪᠠ᠃

ᠰᠢᠷ᠎ᠠ ᠳᠠᠯ᠎ᠠ ᠡᠴᠡ ᠳᠡᠦᠭᠡ ᠬᠠᠭᠤᠴᠢ ᠣᠯᠤᠨ᠎ᠠ ᠭᠡᠵᠤ

ᠪᠢᠷ ᠥᠵᠦᠭ᠌ ᠮᠢᠨᠢ ᠡᠷᠢᠯ ᠤᠨ ᠬᠠᠷᠠᠭᠤᠯ ᠲᠡᠶ ᠶᠠᠪᠣᠪᠠ

ᠰᠢᠷ᠎ᠠ ᠳᠠᠯ᠎ᠠ ᠡᠴᠡ ᠴᠢᠰᠤᠨ ᠭᠤᠨᠢᠭ ᠥᠵᠡᠭᠦ ᠦᠭᠡᠶ ᠭᠡᠵᠤ

ᠪᠠᠶ᠎ᠠ ᠰᠠᠤᠠᠭᠢᠯ ᠮᠢᠨᠢ ᠡᠩᠭᠡ ᠶᠢᠨ ᠭᠦᠰᠡᠯ ᠲᠡᠶ ᠠᠮᠢᠳᠤᠷᠠᠪᠠ᠃

ᠰᠢᠷ᠎ᠠ ᠳᠠᠯ᠎ᠠ᠂   ᠰᠢᠷ᠎ᠠ ᠳᠠᠯ᠎ᠠ

ᠰᠠᠨᠠᠭ᠎ᠠ ᠵᠤᠪᠠᠬᠤ ᠳᠠᠭᠠᠨ ᠴᠢᠮ᠎ᠠ ᠶᠢ ᠳᠠᠭᠤᠯᠠᠵᠤ ᠰᠤᠷᠪᠠ

ᠰᠠᠷᠠ ᠨᠠᠷᠠ ᠲᠡᠶ ᠬᠤᠷᠸ᠎ᠠ ᠳᠤ ᠪᠠᠭᠳᠠᠯᠴᠠᠬᠤ ᠳᠠᠭᠠᠨ

ᠰᠠᠠᠰᠠᠷ ᠤᠨ ᠳᠤᠤᠷ᠎ᠠ ᠴᠢᠮ᠎ᠠ ᠶᠢ ᠳᠤᠷᠠᠰᠪᠠ᠃

ᠰᠢᠷ᠎ᠠ ᠳᠠᠯ᠎ᠠ ᠴᠢ

ᠰᠠᠢ᠌ᠬᠠᠨ ᠡᠵᠢ ᠶᠢᠨ ᠨᠢᠭᠡ ᠦᠷ᠎ᠡ ᠶᠢ ᠡᠯᠢᠭᠡᠨ ᠳᠡᠭᠡᠨ ᠪᠣᠩᠬᠤᠯᠠᠪᠠ

ᠰᠠᠨᠠᠭ᠎ᠠ ᠰᠠᠤᠠᠭᠢᠯ ᠤᠨ ᠭᠦᠮᠤᠨ ᠮᠦᠰᠤ ᠪᠠᠷ ᠪᠢ

ᠰᠢᠷ᠎ᠠ ᠳᠠᠯ᠎ᠠ ᠴᠢᠨᠤ ᠡᠯᠡᠭ᠍ᠳᠡᠯ ᠳᠤ ᠭᠠᠰᠢᠭᠤᠳᠠᠪᠠ᠃