☆ ᠪᠠ᠊·ᠤᠳᠬᠤᠠᠪᠠᠭᠠᠳᠤᠷ
ᠦᠨᠡᠨᠳᠡᠭᠡᠨ ᠪᠢᠳᠠ ᠬᠤᠯᠠ ᠥᠭᠡᠢ
ᠦᠨᠡᠨᠳᠡᠭᠡᠨ ᠪᠢᠳᠠ
ᠬᠤᠯᠠ ᠥᠭᠡᠢ
ᠠᠭᠤᠯᠠ ᠦᠨᠳᠦᠷ ᠤᠨ
ᠠᠷᠤ ᠡᠪᠦᠷ ᠳᠤ
ᠦᠵᠡᠯᠳᠠ ᠪᠠᠨ ᠡᠷᠭᠦᠵᠤ
ᠴᠢᠩᠨᠠᠵᠤ ᠰᠠᠭᠤᠳᠠᠭ
ᠠᠭᠤᠰᠭᠢ ᠵᠢᠷᠦᠭᠡᠨ ᠤ
ᠢᠵᠢᠯᠭᠡᠨ ᠡᠭᠡᠰᠢᠭ᠌ ᠵᠢᠠᠨ
ᠦᠨᠡᠨ ᠤ ᠭᠡᠯᠭᠢᠶᠡᠰᠤ ᠪᠠᠷ
ᠰᠢᠪᠠᠨᠠᠵᠤ ᠶᠠᠪᠣᠳᠠᠭ
ᠮᠤᠩᠭ᠋ᠤᠯ ᠪᠣᠰᠤᠭᠠ
ᠥᠰᠦᠭ᠌ ᠶᠢᠡᠨ ᠲᠦᠰᠢᠵᠤ
ᠵᠠᠶᠠᠭᠠ ᠪᠠᠨ ᠬᠠᠮᠳᠤᠳᠬᠠᠵᠤ
ᠵᠢᠷᠭᠠᠭᠰᠠᠨ ᠣᠯᠤᠰ ᠤᠳ ᠡ
ᠦᠨᠡᠨᠳᠡᠭᠡᠨ ᠪᠢᠳᠠ
ᠬᠤᠯᠠ ᠥᠭᠡᠢ
ᠣᠭᠤᠰᠤᠷᠯᠠᠵᠤ ᠮᠦᠷᠦᠭᠡᠳᠦᠭ᠍ᠰᠡᠨ
ᠳᠦᠷᠢ ᠳᠤ ᠴᠢᠨᠢ ᠵᠤᠷᠢᠭᠵᠢᠵᠤ
ᠣᠢ᠌ᠯᠠᠰ ᠤᠨ ᠬᠠᠷᠭᠤᠢ ᠳ᠋ᠤ
ᠬᠠᠮᠳᠤ ᠳᠦᠰᠢᠯᠴᠡᠭ᠍ᠰᠡᠨ
ᠦᠨᠳᠦᠷ ᠪᠠᠷᠳᠠᠭᠠ ᠳ᠋ᠤ
ᠵᠠᠶᠠᠭᠠ ᠨᠢᠭᠡᠳᠭᠡᠨ
ᠢᠳᠡᠭᠡᠯ ᠤᠨ ᠰᠠᠴᠤᠯᠢ ᠪᠠᠨ
ᠳᠡᠭ᠍ᠷᠢ ᠳᠤ ᠳᠠᠭᠠᠳᠬᠠᠭᠰᠠᠨ
ᠦᠨᠢ ᠮᠥᠩᠭᠡ ᠵᠢᠨ
ᠳᠠᠩᠭ᠋ᠠᠷᠢᠭ ᠪᠢᠯᠠ
ᠦᠨᠡᠨᠳᠡᠭᠡᠨ ᠪᠢᠳᠠ
ᠬᠤᠯᠠ ᠥᠭᠡᠢ
ᠢᠵᠢᠯᠭᠡᠨ ᠮᠤᠩᠭ᠋ᠤᠯ ᠤᠨ
ᠳᠠᠭᠤᠨ ᠳᠤ ᠴᠠᠷᠴᠠᠭᠰᠠᠨ
ᠢᠠᠵᠠᠭᠠ ᠶᠢᠨ ᠵᠥᠭᠡᠯᠡᠨ
ᠪᠣᠢ᠌ᠯᠠᠭᠠ ᠨᠢ ᠪᠠᠢ᠌ᠵᠤ
ᠵᠡᠭᠡᠷᠡ ᠳᠡᠰᠢᠭ᠍ᠰᠡᠨ
ᠵᠡᠷᠭᠡᠯᠭᠡᠡᠳᠤ ᠳᠠᠯᠠ ᠵᠢᠨ
ᠰᠠᠯᠭᠢ ᠨᠠᠮᠢᠷᠭᠠᠨ ᠤ
ᠭᠦᠩᠭᠡᠭᠡᠨ ᠳᠤᠰᠤᠯ ᠤᠳ ᠡ
ᠦᠨᠡᠨᠳᠡᠭᠡᠨ ᠪᠢᠳᠠ
ᠬᠤᠯᠠ ᠥᠭᠡᠢ
ᠳᠤᠤᠯᠠ ᠭᠤᠤᠯ ᠤᠨ
ᠮᠦᠩᠭᠦᠨ ᠳᠠᠪᠠᠯᠭᠠᠨ
ᠳᠤᠰᠤᠯ ᠶᠢᠡᠨ ᠥᠭᠡᠢ᠌ᠯᠡᠵᠤ
ᠳᠠᠭᠤᠯᠠᠵᠤ ᠬᠤᠨᠤᠳᠠᠭ ᠢ
ᠪᠣᠷᠬᠠᠨ ᠬᠠᠯᠳᠤᠨ ᠤ
ᠡᠩᠭᠡᠷ ᠢ ᠲᠦᠰᠢᠵᠤ
ᠪᠣᠷᠤᠭᠠᠨ ᠲᠡᠶ ᠣᠯᠠᠷᠢᠯ ᠵᠢᠠᠨ
ᠰᠠᠨᠠᠵᠤ ᠮᠦᠷᠦᠭᠡᠳᠳᠡᠭ᠌ ᠢ
ᠠᠭᠤᠤ ᠡᠷᠡᠨ
ᠣᠨ ᠵᠢᠯ ᠤᠳ
ᠠᠷᠤᠠᠰᠢ ᠪᠠᠨ ᠣᠬᠤᠷᠢᠵᠤ
ᠪᠣᠴᠠᠵᠤ ᠡᠭᠡᠳᠡᠭ᠌ ᠦᠭᠡᠶ ᠵᠢ
ᠰᠡᠳᠭᠢᠯ ᠳᠤ ᠪᠠᠨ ᠪᠦᠷ
ᠭᠡᠮᠨᠡᠵᠤ ᠶᠠᠪᠣᠳᠠᠭ
ᠰᠢᠳᠦᠭᠡᠴᠢ ᠮᠤᠩᠭ᠋ᠤᠯ ᠤᠨ
ᠬᠣᠢ᠌ᠴᠢᠰ ᠪᠢᠯᠠ
ᠦᠨᠡᠨᠳᠡᠭᠡᠨ ᠪᠢᠳᠠ
ᠬᠤᠯᠠ ᠥᠭᠡᠢ
ᠳᠡᠷᠭᠡ ᠪᠠᠨ ᠪᠠᠷᠢᠭᠠᠤᠨ
ᠣᠴᠢᠶᠠ ᠭᠡᠪᠠᠯ
ᠳᠡᠷᠳᠡᠭᠡ ᠨᠤᠳᠤᠭ
ᠦᠯᠮᠡᠢ ᠳᠤ ᠤᠢ᠌ᠷᠬᠠᠨ
ᠳᠠᠩᠰᠠᠵᠤ ᠰᠠᠭᠤᠭᠠᠤᠨ
ᠰᠡᠳᠭᠢᠯ ᠭᠦᠪᠰᠡᠪᠠᠯ
ᠳᠡᠭ᠍ᠷᠢ ᠶᠢᠨ ᠬᠠᠶᠠᠭᠠ
ᠮᠠᠯᠮᠠᠢ ᠳᠤ ᠳᠤᠳᠤᠬᠠᠨ
ᠬᠤᠨ ᠤ ᠨᠡᠭᠦᠳᠡᠯ ᠤᠨ
ᠵᠠᠮ ᠢ ᠪᠠᠷᠢᠵᠤ
ᠬᠤᠠᠳᠤ ᠶᠢᠨ ᠨᠤᠳᠤᠭ ᠢ
ᠴᠢᠭᠯᠡᠭᠦ ᠴᠤ ᠶᠤᠮ
ᠭᠦᠮᠤᠨ ᠪᠠᠢ᠌ᠭᠠᠯᠢ ᠶᠢᠨ
ᠴᠡᠴᠡᠭ᠍ᠳᠤ ᠵᠡᠭᠦᠳᠤ ᠪᠠᠨ
ᠳᠠᠭᠤᠨ ᠳᠤ ᠮᠥᠩᠭᠡᠵᠢᠭᠡᠨ
ᠵᠢᠷᠭᠠᠬᠤ ᠴᠤ ᠶᠤᠮ ᠡ
ᠦᠨᠡᠨᠳᠡᠭᠡᠨ ᠪᠢᠳᠠ
ᠬᠤᠯᠠ ᠥᠭᠡᠢ
ᠦᠣᠷᠰᠡᠭᠦ ᠠᠳᠤᠭᠤᠳ ᠤᠨ
ᠢᠠᠴᠠᠭᠠ ᠨᠢ ᠭᠦᠷᠳᠡᠯᠡ
ᠳᠠᠯᠠ ᠶᠢᠨ ᠨᠠᠮᠢᠷᠭᠠᠨ ᠲᠡᠶ ᠪᠠᠨ
ᠳᠠᠪᠠᠯᠭᠠᠯᠠᠵᠤ ᠢᠷᠠᠨᠡ
ᠰᠢᠭᠡᠭ᠌ ᠤᠨ ᠦᠨᠦᠷ ᠳᠠᠢ
ᠬᠤᠨᠢᠳ ᠤᠨ ᠰᠦᠷᠦᠭ᠌ ᠤᠨ
ᠰᠢᠠᠵᠢ ᠨᠢ ᠭᠦᠷᠳᠡᠯᠡ
ᠢᠵᠢᠯᠢ ᠪᠠᠷ ᠶᠢᠡᠨ ᠢᠷᠡᠳᠡᠭ᠌
ᠰᠠᠭᠠᠯᠢ ᠰᠠᠭᠤᠭᠰᠠᠨ
ᠰᠦ᠋ ᠶᠢᠨ ᠦᠨᠦᠷ ᠨᠢ ᠴᠤ
ᠰᠠᠯᠭᠢ ᠪᠠᠷ ᠶᠢᠡᠨ ᠮᠤᠩᠭ᠋ᠤᠯ
ᠬᠠᠩᠬᠤᠯᠠᠵᠤ ᠢᠷᠡᠳᠡᠭ᠌
ᠰᠠᠴᠤᠯᠢ ᠪᠠᠨ ᠡᠷᠭᠦᠭ᠍ᠰᠡᠨ
ᠡᠵᠢ ᠶᠢᠨ ᠳᠦᠷᠢ ᠨᠢ
ᠪᠦᠰᠡᠭᠦᠢ ᠳᠡᠷᠯᠢᠭ᠌ ᠶᠢᠡᠷ ᠵᠢᠠᠨ
ᠠᠭᠤᠳᠠᠮᠬᠠᠨ ᠠᠮᠤᠷᠵᠢᠳᠠᠭ
ᠦᠨᠡᠨᠳᠡᠭᠡᠨ ᠪᠢᠳᠠ
ᠬᠤᠯᠠ ᠥᠭᠡᠢ
ᠦᠨᠡᠨ ᠶᠢᠡᠷ ᠵᠠᠶᠠᠭᠠᠭᠰᠠᠨ
ᠮᠤᠩᠭ᠋ᠤᠯ ᠣᠯᠤᠰ ᠤᠳ ᠡ ︕
2012 02 .11
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠣᠷᠳᠤᠰ ᠬᠤᠳᠠ ᠶᠢᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠠᠵᠤ ᠣᠢ᠌ᠯᠠᠳᠪᠣᠷᠢ ᠬᠤᠳᠠᠯᠳᠤᠭᠠᠨ ᠤ ᠬᠤᠯᠪᠣᠭᠠ
ᠵᠤᠬᠢᠶᠠᠭᠴᠢ᠄ ᠪᠠ᠊·ᠤᠳᠬᠤᠠᠪᠠᠭᠠᠳᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 12027
ᠴᠠᠭ᠄ 2012 ᠤᠨ ᠤ 02 ᠰᠠᠷᠠ ᠶᠢᠨ 11
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ