☆ ᠰᠡᠴᠡᠨᠪᠢᠯᠢᠭ᠌
ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠬᠦᠯᠦᠭ ᠪᠠ ᠳᠦᠷᠪᠡᠨ ᠨᠤᠬᠠᠢ
ᠪᠣᠭᠤᠷᠴᠤ
ᠪᠣᠭᠤᠷᠴᠤ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠭᠦᠯᠦᠭ᠌ ᠤᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠰᠠᠨ ᠣᠨ ᠵᠢᠯ ᠤᠨ ᠳᠤᠬᠠᠢ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠯ ᠦᠭᠡᠶ᠃ ᠠᠷᠤᠯᠠᠤᠨ ᠣᠪᠣᠭᠳᠤ ᠨᠠᠬᠤ ᠪᠠᠶᠠᠨ ᠤ ᠭᠦᠪᠠᠭᠦᠨ᠃ ᠴᠢᠩᠭᠢᠰ ᠬᠠᠭᠠᠨ ᠲᠡᠶ ᠬᠠᠮᠳᠤ ᠶᠢᠨ ᠣᠭᠰᠠᠭᠠᠨ ᠳᠤ ᠪᠠᠭᠳᠠᠵᠤ᠂ ᠬᠠᠢ᠌ᠳᠤ ᠶᠢᠨ ᠬᠣᠢ᠌ᠴᠢᠰ ᠪᠣᠯᠤᠨᠠ᠃ ᠳᠠᠮᠤᠵᠢᠨ ᠳᠡᠭᠡᠷᠡᠮ ᠳᠤ ᠪᠣᠯᠢᠶᠠᠭᠳᠠᠭᠰᠠᠨ ᠨᠢ᠋ᠮᠠᠨ ᠰᠢᠷᠭᠠ ᠠᠭᠳᠠ ᠪᠠᠨ ᠨᠡᠭᠡᠵᠤ ᠪᠠᠢ᠌ᠭᠠᠤᠨ ᠪᠣᠭᠤᠷᠴᠤ ᠲᠡᠶ ᠳᠠᠨᠢᠯᠴᠠᠵᠤ᠂ ᠳᠡᠭᠦᠨ ᠤ ᠬᠠᠪᠰᠤᠷᠤᠯᠭᠠ ᠪᠠᠷ ᠨᠢ᠋ᠮᠠᠨ ᠰᠢᠷᠭᠠ ᠪᠠᠨ ᠪᠣᠯᠢᠶᠠᠨ ᠠᠪᠴᠢᠷᠠᠵᠠᠢ᠃ ᠬᠠᠮᠤᠭ ᠡᠷᠳᠡ ᠴᠢᠩᠭᠢᠰ ᠬᠠᠭᠠᠨ ᠤ ᠨᠥᠭᠦᠷ ᠪᠣᠯᠵᠤ᠂ ᠮᠤᠩᠭ᠋ᠤᠯ ᠤᠨ ᠥᠡᠳᠦᠷᠯᠢᠭ᠌ ᠳ᠋ᠠᠭᠢ ᠣᠯᠠᠨ ᠠᠢ᠌ᠮᠠᠭ ᠣᠪᠣᠭᠳᠠᠨ ᠢ ᠨᠢᠭᠡᠳᠭᠡᠭᠦ ᠣᠢ᠌ᠯᠠᠰ ᠲᠤ ᠭᠦᠴᠤᠨ ᠵᠢᠦᠡᠭᠦᠵᠤ ᠶᠠᠪᠣᠵᠠᠢ᠃ 1206 ᠣᠨ ᠳᠤ ᠶᠡᠭᠡ ᠮᠤᠩᠭ᠋ᠤᠯ ᠣᠯᠤᠰ ᠤᠨ ᠬᠠᠭᠠᠠᠳᠤ ᠲᠦᠷᠦ ᠪᠠᠨ ᠳᠤᠩᠬᠠᠭᠯᠠᠬᠤ ᠬᠤᠷᠠᠯᠳᠠᠢ ᠳᠡᠭᠡᠷᠡ ᠪᠣᠭᠤᠷᠴᠤ ᠶᠢ ᠪᠠᠷᠠᠭᠤᠨ ᠭᠠᠷ ᠤᠨ ᠲᠦᠮᠡᠨ ᠤ ᠨᠤᠶᠠᠨ ᠶᠢᠡᠷ ᠡᠷᠭᠦᠮᠵᠢᠯᠡᠵᠡᠢ᠃ 1226 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠢ ᠳᠠᠭᠠᠵᠤ ᠳᠠᠩᠭ᠋ᠤᠳ ᠢ ᠳᠠᠢ᠌ᠯᠠᠷᠠ ᠮᠤᠷᠳᠠᠵᠤ᠂ ᠣᠳᠠᠯ ᠦᠭᠡᠶ ᠡᠪᠠᠦᠡᠴᠢᠨ ᠶᠢᠡᠷ ᠨᠠᠰᠤ ᠪᠠᠷᠠᠭᠰᠠᠨ ᠭᠡᠳᠡᠭ᠌᠃
ᠮᠤᠬᠤᠯᠠᠢ
ᠮᠤᠬᠤᠯᠠᠢ (1170 ᠊᠊᠊᠊᠊᠊᠊᠊᠊᠊᠊᠊᠊᠊᠊ 1223) ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠭᠦᠯᠦᠭ᠌ ᠤᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠶᠡᠭᠡ ᠮᠤᠩᠭ᠋ᠤᠯ ᠣᠯᠤᠰ ᠢ ᠪᠠᠢ᠌ᠭᠤᠯᠤᠭᠰᠠᠨ ᠭᠠᠪᠢᠶᠠᠳᠤ ᠲᠦᠰᠢᠮᠠᠯ ᠮᠦᠨ᠃ ᠵᠠᠯᠠᠢ᠌ᠷ ᠣᠪᠣᠭ ᠤᠨ ᠭᠦᠮᠤᠨ᠂ ᠡᠴᠢᠭᠡ ᠨᠢ ᠭᠦᠨ ᠭᠤᠸᠠ ᠭᠡᠳᠡᠭ᠌᠃ ᠠᠩᠬᠠᠨ ᠳᠠᠭᠠᠨ ᠣᠨᠤᠨ ᠮᠦᠷᠠᠨ ᠤ ᠵᠡᠭᠦᠨ ᠬᠠᠪᠢ ᠪᠠᠷ ᠰᠠᠭᠤᠷᠢᠰᠢᠵᠤ ᠪᠠᠢ᠌ᠵᠠᠢ᠃ ᠳᠠᠷᠠ ᠡᠴᠢᠭᠡ ᠪᠠᠨ ᠳᠠᠭᠠᠭᠠᠵᠤ ᠴᠢᠩᠭᠢᠰ ᠬᠠᠭᠠᠨ ᠳᠤ ᠣᠢ᠌ᠯᠠᠴᠢᠯᠠᠵᠤ᠂ ᠮᠤᠩᠭ᠋ᠤᠯ ᠢ ᠨᠢᠭᠡᠳᠭᠡᠭᠦ ᠶᠡᠭᠡ ᠣᠢ᠌ᠯᠠᠰ ᠢ ᠪᠠᠶᠡᠯᠡᠭᠦᠯᠭᠦ ᠶᠢᠨ ᠳᠦᠯᠦᠭᠡ ᠦᠨᠡᠠᠴᠢ ᠰᠢᠳᠤᠷᠭᠤ ᠪᠠᠷ ᠵᠢᠦᠡᠭᠦᠵᠡᠢ᠃ ᠮᠤᠩᠭ᠋ᠤᠯ ᠤᠨ ᠥᠡᠳᠦᠷᠯᠢᠭ᠌ ᠳ᠋ᠠᠭᠢ ᠮᠡᠷᠭᠢᠳ᠂ ᠭᠡᠷᠡᠢ᠌ᠤᠨ᠂ ᠳᠠᠢ᠌ᠴᠢᠭᠤᠳ᠂ ᠨᠢ᠋ᠮᠠᠨ ᠢ ᠳᠦᠪᠰᠢᠦᠡᠭᠡᠨ ᠳᠠᠭᠠᠭᠠᠭᠤᠯᠬᠤ ᠳᠠᠢ᠌ᠨ ᠳᠤ ᠣᠷᠤᠯᠴᠠᠵᠤ᠂ ᠣᠯᠠᠨ ᠣᠳᠠᠭᠠ ᠭᠠᠪᠢᠶᠠ ᠪᠠᠢ᠌ᠭᠤᠯᠵᠠᠢ᠃ 1206 ᠣᠨ ᠳᠤ ᠬᠠᠭᠠᠠᠳᠤ ᠮᠤᠩᠭ᠋ᠤᠯ ᠣᠯᠤᠰ ᠢ ᠪᠠᠢ᠌ᠭᠤᠯᠤᠭᠰᠠᠨ ᠶᠡᠭᠡ ᠬᠤᠷᠠᠯᠳᠠᠢ ᠳᠡᠭᠡᠷᠡ ᠴᠢᠩᠭᠢᠰ ᠬᠠᠭᠠᠨ ᠳᠡᠭᠦᠨ ᠤ ᠨᠠᠷᠠ ᠶᠢ ᠬᠠᠮᠤᠭ ᠳᠡᠷᠢᠭᠦᠨ ᠳᠤ ᠳᠤᠷᠠᠤᠠᠴᠤ᠂ ᠵᠡᠭᠦᠨ ᠭᠠᠷ ᠤᠨ ᠲᠦᠮᠡᠨ ᠤ ᠨᠤᠶᠠᠨ ᠪᠣᠯᠭᠠᠵᠠᠢ᠃ 1217 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠡᠴᠡ ᠮᠤᠬᠤᠯᠠᠢ ᠶᠢ ᠭᠦᠸᠧ ᠸᠠᠩ ᠡᠷᠭᠦᠮᠵᠢᠯᠡᠵᠡᠢ᠃ 1223 ᠣᠨ ᠤ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠳᠤ᠂ ᠳᠠᠪᠢᠨ ᠳᠦᠷᠪᠡᠨ ᠨᠠᠰᠤᠳᠠᠢ ᠡᠪᠠᠦᠡᠴᠢᠨ ᠶᠢᠡᠷ ᠨᠠᠰᠤ ᠨᠥᠭ᠍ᠴᠢᠪᠡ᠃
ᠪᠣᠷᠤᠬᠤᠯ
ᠪᠣᠷᠤᠬᠤᠯ (︖ ᠊᠊᠊᠊᠊᠊᠊᠊᠊᠊᠊᠊᠊᠊᠊ 1217) ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠭᠦᠯᠦᠭ᠌ ᠤᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠳᠦᠷᠦᠭ᠍ᠰᠡᠨ ᠣᠨ ᠵᠢᠯ ᠨᠢ ᠳᠤᠳᠤᠷᠬᠠᠢ ᠦᠭᠡᠶ᠃ ᠵᠦᠷᠭᠢᠨ ᠠᠢ᠌ᠮᠠᠭ ᠤᠨ ᠭᠦᠮᠤᠨ᠃ 1197 ᠣᠨ ᠳᠤ ᠵᠦᠷᠭᠢᠨ ᠠᠢ᠌ᠮᠠᠭ ᠢᠯᠠᠭᠳᠠᠭᠰᠠᠨ ᠤ ᠰᠡᠭᠦᠯᠡᠷ᠂ ᠥᠭᠡᠯᠤᠨ ᠡᠭᠡ ᠦᠷᠠᠴᠢᠯᠠᠨ ᠳᠡᠵᠢᠭᠡᠵᠡᠢ᠃ ᠬᠠᠷᠠᠬᠠᠨ ᠪᠠᠭᠠ ᠡᠴᠡ ᠴᠢᠩᠭᠢᠰ ᠬᠠᠭᠠᠨ ᠤ ᠨᠥᠭᠦᠷ ᠪᠣᠯᠵᠤ᠂ ᠮᠤᠩᠭ᠋ᠤᠯ ᠢ ᠨᠢᠭᠡᠳᠭᠡᠭᠦ ᠶᠡᠭᠡ ᠣᠢ᠌ᠯᠠᠰ ᠲᠤ ᠵᠢᠦᠡᠭᠦᠵᠡᠢ᠃ 1203 ᠣᠨ ᠳᠤ ᠪᠣᠯᠤᠭᠰᠠᠨ ᠴᠢᠩᠭᠢᠰ ᠬᠠᠭᠠᠨ ᠪᠣᠯᠤᠨ ᠭᠡᠷᠡᠢ᠌ᠤᠨ ᠤᠨ ᠸᠠᠩ ᠬᠠᠨ ᠲᠤᠭᠤᠷᠢᠯ ᠤᠨ ᠬᠤᠭᠤᠷᠤᠠᠳᠤᠭᠢ ᠬᠠᠯᠠ ᠬᠠᠯᠵᠢᠳ ᠤᠨ ᠳᠠᠢ᠌ᠨ ᠳᠤ ᠥᠭᠡᠳᠡᠢ ᠭᠦᠡᠳᠤ ᠰᠢᠷᠬᠠᠳᠤᠵᠤ᠂ ᠪᠣᠷᠤᠬᠤᠯ ᠠᠮᠢ ᠶᠢ ᠨᠢ ᠠᠪᠣᠷᠠᠭᠰᠠᠨ ᠪᠠᠢ᠌ᠨᠠ᠃ 1206 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠭᠠᠪᠢᠶᠠᠳᠤ ᠰᠠᠢ᠌ᠳ ᠶᠢᠡᠷ ᠱᠠᠩᠨᠠᠵᠤ᠂ ᠮᠢᠩᠭ᠋ᠠᠨ ᠤ ᠨᠤᠶᠠᠨ ᠪᠣᠯᠭᠠᠵᠤ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠳᠠᠳ᠋ ᠶᠡᠷᠦᠩᠭᠡᠢ ᠵᠠᠭᠢᠷᠤᠭᠴᠢ ᠪᠣᠯᠭᠠᠪᠠ᠃ 1217 ᠣᠨ ᠳᠤ ᠪᠣᠷᠤᠬᠤᠯ ᠴᠢᠩᠭᠢᠰ ᠬᠠᠭᠠᠨ ᠤ ᠵᠠᠷᠯᠢᠭ ᠶᠢᠡᠷ ᠬᠤᠷᠢ ᠲᠦᠮᠡᠤᠨ ᠤᠨ ᠪᠣᠰᠤᠯᠭᠠ ᠶᠢ ᠳᠠᠷᠤᠩᠭ᠋ᠣᠢ᠌ᠯᠠᠬᠤ ᠪᠠᠷ ᠮᠤᠷᠳᠠᠭᠠᠤᠨ᠂ ᠪᠦᠭᠬᠦᠯᠳᠡ ᠳᠤ ᠣᠴᠠᠷᠠᠵᠤ ᠨᠠᠰᠤ ᠨᠥᠭ᠍ᠴᠢᠪᠡ᠃
ᠴᠢᠯᠠᠭᠤᠨ
ᠴᠢᠯᠠᠭᠤᠨ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠭᠦᠯᠦᠭ᠌ ᠤᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠰᠠᠨ ᠣᠨ ᠵᠢᠯ ᠤᠨ ᠳᠤᠬᠠᠢ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠯ ᠦᠭᠡᠶ᠃ ᠳᠠᠢ᠌ᠴᠢᠭᠤᠳ ᠠᠢ᠌ᠮᠠᠭ ᠤᠨ ᠰᠦᠯᠳᠤᠰᠤᠨ ᠣᠪᠣᠭ ᠤᠨ ᠰᠤᠷᠬᠠᠨ ᠰᠢᠷᠠ ᠶᠢᠨ ᠭᠦᠪᠠᠭᠦᠨ᠃ ᠡᠷᠡᠯᠭᠡᠭ᠌ ᠪᠠᠭᠠᠳᠤᠷᠯᠢᠭ ᠭᠠᠷᠮᠠᠭᠠᠢ ᠪᠠᠢ᠌ᠯᠳᠤᠭᠴᠢ ᠴᠤᠯᠠ ᠲᠡᠶ᠃ 1177 ᠣᠨ ᠳᠤ ᠳᠠᠮᠤᠵᠢᠨ ᠳᠠᠢ᠌ᠴᠢᠭᠤᠳ ᠠᠢ᠌ᠮᠠᠭ ᠲᠤ ᠪᠠᠷᠢᠭᠳᠠᠵᠤ᠂ ᠠᠮᠢ ᠨᠠᠰᠤᠨ ᠳ᠋ᠤᠨᠢ ᠠᠶᠤᠯ ᠣᠴᠠᠷᠠᠭᠰᠠᠨ ᠵᠠᠩᠭᠢᠯᠠᠭᠠ ᠶᠢᠨ ᠦᠶᠡ ᠳᠤ᠂ ᠴᠢᠯᠠᠭᠤᠨ ᠡᠴᠢᠭᠡ ᠰᠤᠷᠬᠠᠨ ᠰᠢᠷᠠ᠂ ᠠᠬᠠ ᠴᠢᠮᠪᠠᠢ ᠲᠡᠶ ᠪᠠᠨ ᠳᠠᠮᠤᠵᠢᠨ ᠢ ᠭᠡᠷ ᠲᠡᠭᠡᠨ ᠨᠢᠭᠤᠨ ᠳᠠᠯᠳᠠᠯᠠᠵᠤ ᠠᠮᠢ ᠶᠢ ᠨᠢ ᠠᠪᠣᠷᠠᠵᠠᠢ᠃ ᠰᠡᠭᠦᠯᠡᠷ ᠴᠢᠯᠠᠭᠤᠨ ᠡᠴᠢᠭᠡ ᠪᠣᠯᠤᠨ ᠠᠬᠠ ᠲᠡᠶ ᠪᠠᠨ ᠴᠢᠩᠭᠢᠰ ᠬᠠᠭᠠᠨ ᠳᠤ ᠨᠠᠢ᠌ᠯᠠᠵᠤ᠂ ᠪᠣᠭᠤᠷᠴᠤ ᠨᠡᠷ ᠲᠡᠶ ᠬᠠᠮᠳᠤ ᠨᠢ᠋ᠮᠠᠨ ᠠᠢ᠌ᠮᠠᠭ ᠢ ᠴᠤᠭᠢᠵᠤ ᠢᠯᠠᠭᠰᠠᠨ ᠪᠠᠢ᠌ᠨᠠ᠃ 1206 ᠣᠨ ᠳᠤ ᠬᠠᠭᠠᠠᠳᠤ ᠮᠤᠩᠭ᠋ᠤᠯ ᠣᠯᠤᠰ ᠢ ᠪᠠᠢ᠌ᠭᠤᠯᠤᠭᠠᠤᠨ ᠴᠢᠩᠭᠢᠰ ᠬᠠᠭᠠᠨ ᠡᠴᠡ ᠴᠢᠯᠠᠭᠤᠨ ᠢ ᠡᠴᠢᠭᠡ ᠰᠤᠷᠬᠠᠨ ᠰᠢᠷᠠ ᠲᠡᠶ ᠨᠢ ᠬᠠᠮᠳᠤ ᠨᠢᠭᠡ ᠮᠢᠩᠭ᠋ᠡᠨ ᠢ ᠵᠠᠭᠢᠷᠤᠭᠤᠯᠵᠠᠢ᠃ ᠪᠠᠰᠠ ᠣᠷᠤᠭ ᠤᠨ ᠣᠷᠤᠭ ᠭᠦᠷᠳᠡᠯᠡ ᠭᠡᠰᠢᠭ᠍ᠳᠡᠨ ᠨᠤᠶᠠᠨ ᠶᠢᠡᠷ ᠳᠤᠮᠢᠯᠠᠭᠳᠠᠵᠠᠢ᠃ ᠮᠦᠨ ᠪᠠᠰᠠ ᠦᠶᠡ ᠶᠢᠨ ᠦᠶᠡ 《ᠳᠠᠷᠬᠠᠨ》 ᠴᠤᠯᠠ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠪᠠᠷ ᠪᠣᠯᠵᠠᠢ᠃ ᠳᠠᠳᠠᠨ ᠤ ᠡᠵᠡᠮᠰᠢᠯ ᠨᠤᠳᠤᠭ ᠨᠢ ᠰᠡᠯᠡᠩᠭᠡ ᠮᠦᠷᠠᠨ ᠤ ᠣᠢ᠌ᠷᠠ ᠬᠠᠪᠢ ᠶᠢᠨ ᠨᠤᠳᠤᠭ ᠪᠠᠯᠴᠢᠭᠡᠷ ᠪᠣᠯᠤᠨᠠ᠃
ᠵᠠᠯᠮᠠ
ᠵᠠᠯᠮᠠ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠨᠤᠬᠠᠢ ᠶᠢᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠰᠠᠨ ᠣᠨ ᠵᠢᠯ ᠤᠨ ᠳᠤᠬᠠᠢ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠯ ᠦᠭᠡᠶ᠃ ᠣᠷᠢᠶᠠᠩᠬᠠᠢ ᠣᠪᠣᠭ ᠤᠨ ᠵᠠᠷᠴᠢᠭᠤᠳᠠᠢ ᠡᠪᠦᠭᠡᠨ ᠤ ᠭᠦᠪᠠᠭᠦᠨ᠃ ᠪᠣᠷᠬᠠᠨ ᠠᠭᠤᠯᠠ ᠶᠢᠨ ᠣᠷᠴᠢᠨ ᠨᠤᠳᠤᠭᠯᠠᠵᠤ᠂ ᠮᠤᠩᠭ᠋ᠤᠯ ᠠᠢ᠌ᠮᠠᠭ ᠲᠡᠶ ᠭᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠪᠠᠢ᠌ᠵᠠᠢ᠃ ᠬᠠᠷᠠᠬᠠᠨ ᠪᠠᠭᠠ ᠡᠴᠡ ᠪᠠᠨ ᠴᠢᠩᠭᠢᠰ ᠬᠠᠭᠠᠨ ᠳᠤ ᠥᠢᠯᠡᠴᠢᠯᠡᠭ᠍ᠰᠡᠨ ᠠᠩᠬᠠᠨ ᠤ ᠨᠢᠭᠡ ᠦᠨᠡᠠᠴᠢ ᠰᠢᠳᠤᠷᠭᠤ ᠠᠠᠳᠠ ᠨᠢ ᠮᠦᠨ᠃ 1202 ᠣᠨ ᠳᠤ ᠳᠠᠢ᠌ᠴᠢᠭᠤᠳ ᠲᠡᠶ ᠪᠠᠢ᠌ᠯᠳᠤᠭᠰᠠᠨ ᠪᠠᠢ᠌ᠯᠳᠤᠭᠠᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠤ ᠭᠦᠵᠦᠭᠦᠤ ᠨᠢ ᠵᠡᠷᠯᠢᠭ᠌ ᠰᠤᠮᠤᠨ ᠳᠤ ᠣᠨᠤᠭᠳᠠᠵᠤ ᠴᠢᠰᠤ ᠶᠡᠭᠡ ᠣᠷᠤᠰᠴᠤ ᠭᠦᠡᠳᠤ ᠰᠢᠷᠬᠠᠳᠤᠭᠰᠠᠨ ᠦᠶᠡ ᠳᠤ ᠠᠮᠢ ᠪᠠᠶᠠ ᠪᠠᠨ ᠬᠠᠢ᠌ᠬᠤᠷᠤᠯ ᠦᠭᠡᠶ ᠪᠠᠷ ᠬᠠᠭᠠᠨ ᠡᠵᠡᠨ ᠢ ᠠᠪᠣᠷᠠᠭᠰᠠᠨ ᠪᠠᠢ᠌ᠨᠠ᠃
ᠵᠠᠪᠠ
ᠵᠠᠪᠠ (︖ ᠊᠊᠊᠊᠊᠊᠊᠊᠊᠊᠊᠊᠊᠊᠊ 1224) ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠨᠤᠬᠠᠢ ᠶᠢᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠨᠢᠷᠤᠭᠤᠨ ᠮᠤᠩᠭ᠋ᠤᠯ ᠤᠨ ᠪᠠᠰᠤᠳ ᠣᠪᠣᠭᠳᠠᠨ᠂ ᠣᠤᠯ ᠨᠠᠷᠠ ᠨᠢ ᠵᠢᠷᠭᠤᠭᠠᠠᠳᠠᠢ ᠭᠡᠳᠡᠭ᠌᠃ ᠣᠤᠯ ᠨᠢ ᠳᠠᠢ᠌ᠴᠢᠭᠤᠳ ᠠᠢ᠌ᠮᠠᠭ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ᠂ 1201 ᠣᠨ ᠳᠤ ᠪᠣᠯᠤᠭᠰᠠᠨ 《ᠭᠦᠢᠳᠡᠨ ᠤ ᠪᠠᠢ᠌ᠯᠳᠤᠭᠠᠨ》 ᠳᠤ ᠴᠢᠩᠭᠢᠰ ᠬᠠᠭᠠᠨ ᠢ ᠬᠠᠷᠪᠣᠵᠤ ᠰᠢᠷᠬᠠᠳᠤᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠴᠢᠩᠭᠢᠰ ᠬᠠᠭᠠᠨ ᠳᠤ ᠨᠠᠢ᠌ᠯᠠᠵᠠᠢ᠃ ᠳᠠᠷᠠ ᠴᠢᠩᠭᠢᠰ ᠬᠠᠭᠠᠨ ᠢ ᠬᠠᠷᠪᠣᠵᠤ ᠰᠢᠷᠬᠠᠳᠤᠭᠤᠯᠤᠭᠰᠠᠨ ᠶᠢᠡᠨ ᠨᠢᠭᠤᠯᠳᠠ ᠦᠭᠡᠶ ᠭᠡᠯᠡᠭ᠍ᠰᠡᠨ ᠣᠴᠢᠷ ᠳᠡᠭᠦᠨ ᠤ ᠢᠳᠡᠭᠡᠯ ᠭᠦᠡᠳᠤ ᠶᠢ ᠣᠯᠵᠤ᠂ ᠬᠠᠭᠠᠨ ᠡᠵᠡᠨ ᠡᠴᠡ ᠳᠡᠭᠦᠨ ᠤ ᠨᠠᠷᠠ ᠶᠢ ᠬᠠᠯᠠᠵᠤ 《ᠵᠠᠪᠠ》 ᠭᠡᠭᠦ ᠨᠠᠷᠠ ᠬᠠᠢ᠌ᠷᠠᠯᠠᠵᠠᠢ᠃ ᠵᠠᠪᠠ ᠡᠭᠦᠨ ᠡᠴᠡ ᠡᠭᠢᠯᠡᠨ ᠴᠢᠩᠭᠢᠰ ᠬᠠᠭᠠᠨ ᠳᠤ ᠣᠢ᠌ᠯᠠᠴᠢᠯᠠᠵᠤ᠂ 1206 ᠣᠨ ᠳᠤ ᠮᠢᠩᠭ᠋ᠠᠨ ᠤ ᠨᠤᠶᠠᠨ ᠶᠢᠡᠷ ᠡᠷᠭᠦᠮᠵᠢᠯᠡᠭ᠍ᠳᠡᠵᠡᠢ᠃ 1211 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠢ ᠳᠠᠭᠠᠵᠤ ᠠᠯᠳᠠᠨ ᠣᠯᠤᠰ ᠢ ᠳᠠᠢ᠌ᠯᠠᠬᠤ ᠳᠠᠢ᠌ᠨ ᠳᠤ ᠭᠠᠪᠰᠢᠭᠠᠢ ᠪᠣᠯᠵᠤ᠂ ᠠᠰᠤᠷᠤ ᠭᠠᠪᠢᠶᠠ ᠪᠠᠢ᠌ᠭᠤᠯᠵᠠᠢ᠃ 1219 ᠣᠨ ᠳᠤ ᠰᠠᠷᠳᠠᠭᠴᠢᠨ ᠠᠶᠠᠨ ᠳᠤ ᠮᠤᠷᠳᠠᠵᠤ᠂ ᠰᠥᠪᠠᠭᠡᠳᠡᠢ ᠲᠡᠶ ᠬᠠᠮᠳᠤ ᠴᠡᠷᠢᠭ᠌ ᠵᠠᠭᠢᠷᠴᠤ᠂ ᠬᠤᠷᠽᠸᠮ ᠤᠨ ᠸᠠᠩ ᠢ ᠨᠡᠭᠡᠵᠤ ᠮᠤᠬᠤᠭᠠᠵᠠᠢ᠃ ᠮᠦᠨ ᠪᠠᠰᠠ ᠠᠽᠸᠷᠪᠠᠢ᠌ᠵᠠᠨ᠂ ᠭᠢᠪᠴᠠᠭ ᠪᠣᠯᠤᠨ ᠣᠷᠤᠰ ᠤᠨ ᠣᠯᠠᠨ ᠠᠢ᠌ᠮᠠᠭ ᠢ ᠪᠠᠢ᠌ᠯᠳᠤᠨ ᠳᠠᠭᠠᠷᠢᠵᠤ ᠺᠧᠷᠢᠮ ᠬᠣᠢ᠌ᠭ ᠲᠤ ᠭᠦᠷᠴᠡᠢ᠃ 1224 ᠣᠨ ᠳᠤ ᠵᠡᠭᠦᠡᠰᠢ ᠪᠣᠴᠠᠬᠤ ᠵᠠᠮ ᠵᠠᠭᠤᠷᠠ ᠡᠪᠠᠦᠡᠴᠢᠯᠡᠵᠤ ᠨᠠᠰᠤ ᠪᠠᠷᠠᠵᠠᠢ᠃
ᠰᠥᠪᠠᠭᠡᠳᠡᠢ
ᠰᠥᠪᠠᠭᠡᠳᠡᠢ (1176 ᠊᠊᠊᠊᠊᠊᠊᠊᠊᠊᠊᠊᠊᠊᠊ 1248) ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠨᠤᠬᠠᠢ ᠶᠢᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠵᠠᠷᠴᠢᠭᠤᠳ ᠠᠢ᠌ᠮᠠᠭ ᠤᠨ ᠣᠷᠢᠶᠠᠩᠬᠠᠢ ᠣᠪᠣᠭ ᠤᠨ ᠭᠦᠮᠤᠨ᠃ ᠳᠠᠷᠠ ᠴᠢᠩᠭᠢᠰ ᠬᠠᠭᠠᠨ ᠪᠠ ᠥᠭᠡᠳᠡᠢ ᠬᠠᠭᠠᠨ ᠳᠤ ᠥᠢᠯᠡᠴᠢᠯᠡᠭ᠍ᠰᠡᠨ ᠭᠠᠷᠮᠠᠭᠠᠢ ᠴᠡᠷᠢᠭ᠌ ᠤᠨ ᠡᠷᠳᠡᠮᠳᠡᠨ ᠮᠦᠨ᠃ 1189 ᠣᠨ ᠡᠴᠡ ᠴᠢᠩᠭᠢᠰ ᠬᠠᠭᠠᠨ ᠢ ᠳᠠᠭᠠᠵᠤ᠂ ᠠᠠᠳᠠ ᠪᠣᠯᠤᠯᠴᠠᠵᠤ᠂ ᠮᠤᠩᠭ᠋ᠤᠯ ᠤᠨ ᠥᠡᠳᠦᠷᠯᠢᠭ᠌ ᠢ ᠨᠢᠭᠡᠳᠭᠡᠭᠦ ᠳᠤ ᠪᠠᠯᠠᠷᠠᠰᠢ ᠦᠭᠡᠶ ᠭᠠᠪᠢᠶᠠ ᠵᠢᠦᠡᠭᠦᠯ ᠥᠵᠡᠭᠦᠯᠵᠡᠢ᠃ 1206 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠡᠴᠡ ᠮᠢᠩᠭ᠋ᠠᠨ ᠤ ᠨᠤᠶᠠᠨ ᠡᠷᠭᠦᠮᠵᠢᠯᠡᠵᠡᠢ᠃ 1211 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠢ ᠳᠠᠭᠠᠵᠤ ᠠᠯᠳᠠᠨ ᠣᠯᠤᠰ ᠢ ᠳᠠᠢ᠌ᠯᠠᠬᠤ ᠳᠠᠢ᠌ᠨ ᠳᠤ ᠬᠤᠰᠢᠭᠤᠴᠢ ᠪᠣᠯᠵᠤ᠂ ᠠᠰᠤᠷᠤ ᠭᠠᠪᠢᠶᠠ ᠪᠠᠢ᠌ᠭᠤᠯᠵᠠᠢ᠃ 1219 ᠣᠨ ᠳᠤ ᠰᠠᠷᠳᠠᠭᠴᠢᠨ ᠠᠶᠠᠨ ᠳᠤ ᠮᠤᠷᠳᠠᠵᠤ᠂ ᠵᠠᠪᠠ ᠲᠡᠶ ᠬᠠᠮᠳᠤ ᠣᠷᠤᠰ ᠤᠨ ᠣᠯᠠᠨ ᠠᠢ᠌ᠮᠠᠭ ᠪᠠ ᠭᠢᠪᠴᠠᠭ ᠤᠨ ᠬᠤᠯᠪᠣᠭᠠᠳᠤ ᠴᠡᠷᠢᠭ᠌ ᠢ ᠪᠣᠳᠠ ᠨᠢᠷᠭᠡᠵᠡᠢ᠃ 1226 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠢ ᠳᠠᠭᠠᠵᠤ ᠳᠠᠩᠭ᠋ᠤᠳ ᠢ ᠳᠠᠢ᠌ᠯᠠᠵᠠᠢ᠃ ᠥᠭᠡᠳᠡᠢ ᠬᠠᠭᠠᠨ ᠤ ᠦᠶᠡ ᠳᠤ ᠠᠯᠳᠠᠨ ᠣᠯᠤᠰ ᠢ ᠳᠠᠢ᠌ᠯᠠᠬᠤ ᠳᠠᠢ᠌ᠨ ᠳᠤ ᠮᠤᠷᠳᠠᠵᠤ᠂ ᠳᠤᠯᠤᠢ ᠲᠡᠶ ᠬᠠᠮᠳᠤ ᠠᠯᠳᠠᠨ ᠣᠯᠤᠰ ᠤᠨ ᠭᠤᠤᠯ ᠭᠦᠴᠤᠨ ᠢ ᠣᠰᠠᠤᠠᠬᠠᠵᠠᠢ᠃ 1235 ᠣᠨ ᠳᠤ ᠬᠤᠶᠠᠳᠠᠭᠢ ᠣᠳᠠᠭᠠ ᠶᠢᠨ ᠰᠠᠷᠳᠠᠭᠴᠢᠨ ᠠᠶᠠᠨ ᠢ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠵᠤ᠂ ᠬᠤᠰᠢᠭᠤᠴᠢ ᠪᠠᠷ ᠮᠤᠷᠳᠠᠵᠠᠢ᠃ 1240 ᠊᠊᠊᠊᠊᠊᠊᠊᠊᠊᠊᠊᠊᠊᠊ 1242 ᠣᠨ ᠳᠤ ᠡᠮᠦᠨᠡᠳᠤ ᠣᠷᠤᠰ ᠪᠠ ᠬᠠᠩᠭ᠋ᠠᠷᠢ ᠵᠡᠷᠭᠡ ᠣᠯᠤᠰ ᠶᠢᠡᠷ ᠪᠠᠢ᠌ᠯᠳᠤᠵᠠᠢ᠃ 1243 ᠣᠨ ᠳᠤ ᠵᠡᠭᠦᠡᠰᠢ ᠪᠣᠴᠠᠵᠠᠢ᠃ 1245 ᠣᠨ ᠳᠤ ᠭᠦᠶᠦᠭ᠌ ᠬᠠᠭᠠᠨ ᠮᠤᠩᠭ᠋ᠤᠯ ᠣᠯᠤᠰ ᠤᠨ ᠬᠠᠭᠠᠨ ᠣᠷᠤ ᠵᠠᠯᠭᠠᠮᠵᠢᠯᠠᠬᠤ ᠦᠶᠡ ᠳᠤ ᠰᠥᠪᠠᠭᠡᠳᠡᠢ ᠶᠡᠭᠡ ᠬᠤᠷᠠᠯᠳᠠᠢ ᠳᠤ ᠣᠷᠤᠯᠴᠠᠵᠠᠢ᠃ 1248 ᠣᠨ ᠳᠤ 73 ᠨᠠᠰᠤᠳᠠᠢ ᠳᠠᠭᠠᠨ ᠨᠠᠰᠤ ᠨᠥᠭ᠍ᠴᠢᠵᠡᠢ᠃
ᠬᠤᠪᠢᠯᠠᠢ
ᠬᠤᠪᠢᠯᠠᠢ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠳᠦᠷᠪᠡᠨ ᠨᠤᠬᠠᠢ ᠶᠢᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠰᠠᠨ ᠣᠨ ᠵᠢᠯ ᠤᠨ ᠳᠤᠬᠠᠢ ᠳᠤᠳᠤᠷᠬᠠᠢ ᠳᠡᠮᠳᠡᠭᠯᠡᠯ ᠦᠭᠡᠶ᠃ ᠮᠤᠩᠭ᠋ᠤᠯ ᠤᠨ ᠪᠠᠷᠤᠯᠠᠰ ᠣᠪᠣᠭ ᠤᠨ ᠭᠦᠮᠤᠨ᠃ 1181 ᠣᠨ ᠳᠤ ᠳᠡᠭᠦᠤ ᠬᠤᠳᠤᠰ ᠲᠡᠶ ᠪᠠᠨ ᠬᠠᠮᠳᠤ ᠴᠢᠩᠭᠢᠰ ᠬᠠᠭᠠᠨ ᠳᠤ ᠨᠠᠢ᠌ᠯᠠᠵᠤ᠂ ᠮᠤᠩᠭ᠋ᠤᠯ ᠢ ᠨᠢᠭᠡᠳᠭᠡᠭᠦ ᠣᠢ᠌ᠯᠠᠰ ᠲᠤ ᠦᠨᠡᠠᠴᠢ ᠪᠠᠷ ᠵᠢᠦᠡᠭᠦᠵᠡᠢ᠃ 1189 ᠣᠨ ᠳᠤ ᠳᠠᠮᠤᠵᠢᠨ ᠢ ᠭᠦᠷᠢᠶᠡᠯᠡᠵᠤ ᠮᠤᠩᠭ᠋ᠤᠯ ᠠᠢ᠌ᠮᠠᠭ ᠤᠨ ᠬᠠᠭᠠᠨ ᠪᠣᠯᠭᠠᠵᠤ᠂ ᠢᠯᠳᠤᠴᠢ ᠪᠠᠷ ᠡᠷᠭᠦᠮᠵᠢᠯᠡᠭ᠍ᠳᠡᠵᠡᠢ᠃ 1204 ᠣᠨ ᠳᠤ ᠨᠢ᠋ᠮᠠᠨ ᠢ ᠰᠥᠨᠦᠭᠡᠭᠦ ᠳᠤ ᠳᠠᠷᠠ ᠵᠠᠯᠮᠠ᠂ ᠵᠠᠪᠠ᠂ ᠰᠥᠪᠠᠭᠡᠳᠡᠢ ᠨᠡᠷ ᠲᠡᠶ ᠬᠤᠰᠢᠭᠤᠴᠢ ᠪᠣᠯᠵᠤ᠂ ᠳᠠᠢ᠌ᠨ ᠤ ᠢᠯᠠᠯᠳᠠ ᠣᠯᠬᠤ ᠳᠤ ᠴᠢᠬᠤᠯᠠ ᠵᠢᠦᠡᠭᠦᠯ ᠥᠵᠡᠭᠦᠯᠪᠡ᠃ 1206 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠡᠴᠡ ᠮᠢᠩᠭ᠋ᠠᠨ ᠤ ᠨᠤᠶᠠᠨ ᠡᠷᠭᠦᠮᠵᠢᠯᠡᠵᠤ 《ᠴᠡᠷᠢᠭ᠌ ᠤᠨ ᠣᠢ᠌ᠯᠠ ᠪᠦᠭᠦᠳᠡ ᠶᠢ ᠠᠬᠠᠯᠠᠵᠤ ᠪᠠᠢ》 ᠭᠡᠵᠤ ᠰᠤᠶᠤᠷᠬᠠᠵᠠᠢ᠃ 1210 ᠣᠨ ᠳᠤ ᠬᠠᠷᠯᠤᠭ ᠠᠢ᠌ᠮᠠᠭ ᠢ ᠳᠠᠢ᠌ᠯᠠᠵᠤ᠂ ᠬᠠᠷᠯᠤᠭ ᠤᠨ ᠨᠤᠶᠠᠨ ᠠᠷᠰᠯᠠᠨ ᠬᠠᠨ ᠢ ᠪᠠᠭᠤᠯᠭᠠᠨ ᠠᠪᠴᠤ᠂ ᠭᠡᠷᠦᠯᠤᠨ ᠮᠦᠷᠠᠨ ᠤ ᠣᠷᠳᠤ ᠳᠤ ᠠᠪᠴᠢᠷᠠᠵᠤ ᠴᠢᠩᠭᠢᠰ ᠬᠠᠭᠠᠨ ᠳᠤ ᠪᠠᠷᠠᠯᠠᠭᠤᠯᠪᠠ᠃ ᠳᠡᠭᠦᠨ ᠡᠴᠡ ᠳᠠᠮᠠᠢ ᠣᠳᠠᠭᠰᠠᠨ ᠦᠭᠡᠶ ᠨᠠᠰᠤ ᠨᠥᠭ᠍ᠴᠢᠭ᠍ᠰᠡᠨ ᠭᠡᠳᠡᠭ᠌᠃
(ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠤ ᠳᠠᠭᠢᠯᠭᠠ ᠰᠤᠶᠤᠯ ᠤᠨ ᠠᠯᠪᠠᠨ ᠭᠡᠷ)
ᠵᠤᠬᠢᠶᠠᠭᠴᠢ᠄ ᠰᠡᠴᠡᠨᠪᠢᠯᠢᠭ᠌
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠮᠤᠩᠭᠤᠯ ᠲᠡᠦᠬᠡᠳᠠᠷᠤᠮ᠄ 18256
ᠴᠠᠭ᠄ 2009 ᠤᠨ ᠤ 04 ᠰᠠᠷᠠ ᠶᠢᠨ 03
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ