ᠰᠤᠯᠤᠩᠭ᠋ᠠᠨ ᠳᠤᠯᠤᠭᠠᠨ ᠥᠩᠭᠡ

ᠰᠡᠳᠭᠢᠯ ᠤᠨ ᠥᠵᠦᠭᠦᠷ ᠡᠴᠡ ᠴᠤᠪᠣᠵᠤ

ᠰᠢᠨᠠᠵᠠᠮ ᠵᠥᠭ᠌ ᠳᠠᠮᠠᠤᠯᠠᠵᠤ ᠶᠠᠪᠣᠯ᠎ᠠ

ᠰᠥᠰᠦᠭ᠌ ᠤᠨ ᠮᠢᠨᠢ ᠣᠯᠠᠨ ᠰᠠᠭᠢᠭᠤᠰᠤ

ᠨᠤᠮᠢᠨ ᠳᠤᠯᠭᠢᠶ᠎ᠠ ᠬᠠᠶᠠᠯᠠᠵᠤ

ᠮᠤᠷᠢᠨ ᠳᠠᠯ᠎ᠠ ᠡᠴᠡ ᠮᠦᠰᠢᠶᠠᠵᠤ ᠣᠭᠳᠤᠯ᠎ᠠ

ᠬᠤᠷᠢᠨ ᠵᠢᠯ ᠤᠨ ᠡᠮᠦᠨᠡᠭᠢ ᠳᠤᠷᠠᠳᠬᠠᠯ ᠤᠳ

ᠰᠠᠨᠠᠭᠠᠨ ᠤ ᠥᠵᠦᠭᠦᠷ ᠡᠴᠡ ᠣᠷᠭᠤᠵᠤ ᠪᠠᠢ᠌ᠯ᠎ᠠ

ᠬᠤᠭᠤᠰᠤᠳᠠᠭᠰᠠᠨ ᠣᠯᠠᠨ ᠭᠤᠨᠢᠶᠠᠯ ᠤᠳ

ᠳᠠᠢ᠌ᠪᠣᠰᠢᠷᠠᠯ ᠳᠡᠭᠦᠵᠤ ᠪᠠᠶᠠᠰᠴᠤ ᠶᠠᠪᠣᠯ᠎ᠠ

ᠵᠢᠰᠤ ᠪᠦᠳᠤᠨ ᠪᠠᠢ᠌ᠭᠠᠯᠢ ᠪᠠᠨ

ᠵᠢᠷᠦᠭᠡᠨ ᠳᠠᠯ᠎ᠠ ᠳᠤ ᠪᠠᠨ ᠱᠤᠭᠤᠵᠤ ᠠᠪᠣᠯ᠎ᠠ

ᠬᠤᠷᠴᠢᠨ ᠤ ᠡᠯᠢᠭᠡᠨ ᠳᠤ ᠵᠠᠶᠠᠭᠠᠭᠰᠠᠨ ᠡᠴᠡ

ᠰᠢᠷᠬᠠᠳᠤᠯ ᠦᠭᠡᠶ ᠳᠠᠯ᠎ᠠ ᠮᠢᠨᠢ ᠦᠯᠠᠳᠠᠵᠠᠢ

ᠬᠠᠰᠠᠷ ᠤᠨ ᠨᠤᠳᠤᠭ ᠲᠤ ᠳᠦᠷᠦᠭ᠍ᠰᠡᠨ ᠤ ᠣᠴᠢᠷ

ᠰᠡᠳᠭᠢᠯ ᠶᠢᠡᠷ ᠶᠢᠡᠨ ᠳᠠᠨ ᠳᠤ ᠰᠥᠭᠦᠷᠡᠵᠡᠢ

ᠬᠠᠭᠤᠴᠢᠨ ᠵᠡᠭᠦᠳᠤ ᠪᠠᠨ ᠳᠡᠷᠭᠡᠯᠰᠢᠭᠦᠯᠵᠤ

ᠰᠥᠰᠦᠭ᠌ ᠶᠢᠡᠷ ᠶᠢᠡᠨ ᠪᠢ ᠮᠦᠷᠭᠦᠵᠡᠢ

ᠣᠤᠭᠠᠯ ᠨᠤᠳᠤᠭ ᠤᠨ ᠰᠢᠷᠤᠢ ᠥᠨᠦᠷᠳᠦᠭᠦᠯᠵᠤ

ᠪᠣᠭᠤᠳᠠᠢ ᠶᠢᠨ ᠳᠠᠯ᠎ᠠ ᠴᠡᠯᠭᠡᠷᠯᠡᠨ᠎ᠡ

ᠵᠡᠭᠡᠰᠤ ᠬᠤᠯᠤᠰᠤ ᠥᠪᠴᠢᠷᠭᠡᠵᠤ

ᠵᠡᠷᠭᠡᠯᠭᠡᠨ ᠭᠡᠮᠡᠷ ᠡ᠊ᠨᠳᠡᠭᠦᠷᠡᠮᠡᠷ

ᠵᠡᠷᠯᠢᠭ᠌ ᠪᠣᠭᠤᠳᠠᠢ ᠬᠠᠯᠢᠭᠤᠷᠠᠭᠠᠤᠨ

ᠵᠠᠮᠴᠢᠨ ᠤ ᠳᠠᠷᠢᠶ᠎ᠠ ᠶᠢ ᠢᠴᠢᠭᠡᠮᠡᠷ

ᠳᠤᠯᠭᠢᠶ᠎ᠠ ᠨᠢ ᠨᠤᠮᠢᠨ ᠶᠢᠡᠷ ᠦᠶᠡᠯᠵᠢᠵᠤ

ᠮᠠᠠᠵᠤ ᠶᠢᠨ ᠵᠢᠩᠰᠠ ᠶᠢ ᠭᠤᠳᠤᠭᠠᠮᠠᠷ

ᠨᠠᠭᠤᠷ ᠨᠢ ᠭᠦᠭᠡ ᠪᠠᠷ ᠴᠡᠩᠭᠡᠷᠯᠡᠵᠤ

ᠮᠤᠩᠭ᠋ᠤᠯᠴᠤᠳ ᠤᠨ ᠪᠣᠳᠤᠯ ᠢ ᠣᠭᠢᠶᠠᠮᠠᠷ ᠁

ᠮᠤᠷᠢᠨ ᠳᠠᠯ᠎ᠠ ᠶᠢᠨ ᠭᠦᠨ ᠡᠴᠡ

ᠪᠣᠭᠤᠷᠤᠯ ᠳᠡᠦᠭᠡ ᠰᠤᠨᠤᠷᠳᠠᠵᠤ

ᠮᠤᠷᠢᠳᠠᠢ ᠶᠠᠪᠣᠭᠰᠠᠨ ᠣᠯᠠ ᠮᠦᠷ ᠤᠳ

ᠪᠣᠳᠤᠯ ᠤᠨ ᠴᠠᠭᠠᠨ᠎ᠠ ᠡᠴᠡ ᠪᠦᠷᠳᠦᠯᠵᠡᠨ᠎ᠡ

ᠠᠮᠢᠯᠠᠯ ᠤᠨ ᠥᠩᠭᠡ ᠪᠢᠯᠬᠠᠭᠤᠯᠵᠤ

ᠡᠯᠢᠭᠡᠨ ᠳᠠᠯ᠎ᠠ ᠳᠤ ᠮᠢᠨᠢ ᠦᠶᠡᠯᠵᠠᠨ᠎ᠠ

ᠠᠶᠠᠨ ᠤ ᠮᠢᠨᠢ ᠳᠦᠷᠦᠭᠡ ᠶᠢ ᠴᠢᠩᠭ᠋ᠠᠯᠠᠵᠤ

ᠠᠯᠤᠰ ᠤᠨ ᠪᠣᠳᠤᠯ ᠢ ᠮᠢᠨᠢ ᠭᠦᠪᠴᠢᠯᠡᠭ᠍ᠰᠡᠨ ᠶᠤᠮ

ᠵᠠᠭᠤᠷᠮᠠᠭ ᠵᠠᠶᠠᠭᠠᠨ ᠤ ᠢᠴᠢᠭᠦᠷᠢ ᠣᠭᠢᠶᠠᠵᠤ

ᠵᠡᠭᠦᠨ ᠰᠤᠪᠣᠷᠭ᠎ᠠ ᠰᠦᠨᠳᠠᠷᠯᠠᠨ᠎ᠠ

ᠵᠡᠷᠭᠡᠯᠭᠡᠨ ᠮᠢᠷᠠᠯᠵᠠᠭᠰᠠᠨ ᠭᠤᠪᠢ ᠭᠦᠡᠳᠡᠢ ᠪᠠᠷ

ᠵᠡᠭᠡᠷ᠎ᠡ ᠵᠦᠷ᠎ᠡ ᠳᠠᠭᠰᠢᠬᠤ ᠬᠠᠷᠠᠭᠳᠠᠨ᠎ᠠ

ᠭᠦᠪᠠᠭᠡ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠶ ᠳᠠᠯ᠎ᠠ ᠶᠢᠨ ᠳᠡᠭ᠍ᠷᠢ ᠳᠤ

ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ ᠤᠨ ᠳᠠᠭᠤᠨ ᠳᠠᠰᠤᠷᠠᠬᠤ ᠦᠭᠡᠶ

ᠭᠦᠰᠡᠯ ᠨᠤᠭᠤᠭᠠᠨ ᠬᠠᠮᠠᠭᠠᠯᠠᠭᠴᠢᠳ ᠤᠨ ᠦᠷᠦᠭᠡᠨ ᠳᠤ

ᠠᠷᠠᠯᠳᠤ ᠬᠤᠭᠤᠷ ᠤᠨ ᠠᠶ᠎ᠠ ᠥᠨᠦᠴᠢᠷᠡᠭᠦ ᠦᠭᠡᠶ

ᠭᠡᠭᠡᠷ᠎ᠡ ᠳᠠᠯ᠎ᠠ ᠳᠤ ᠭᠡᠳᠦᠭᠦᠯᠡ ᠰᠠᠭᠤᠬᠤ ᠳᠤ ᠪᠠᠨ

ᠠᠷᠠᠤᠨ ᠤᠨ ᠳᠠᠭᠤᠤ ᠣᠷᠮᠠᠰ ᠬᠠᠷᠢᠭᠤᠯᠬᠤ ᠦᠭᠡᠶ

ᠳᠤᠷᠠᠨ ᠤ ᠬᠠᠷᠠᠭ᠎ᠠ ᠳᠠᠯ᠎ᠠ ᠡᠴᠡ ᠪᠠᠨ ᠵᠠᠢ᠌ᠳᠠᠬᠤ ᠦᠭᠡᠶ ᠳᠤᠯᠢᠳᠠᠵᠤ

ᠣᠩᠭ᠋ᠤᠨ ᠪᠠᠢ᠌ᠭᠠᠯᠢ ᠳᠤ ᠪᠠᠨ ᠵᠠᠢ ᠦᠭᠡᠶ ᠠᠭᠤᠰᠤᠨ᠎ᠠ

ᠣᠭᠳᠠᠷᠭᠤᠢ ᠳᠤ ᠨᠢᠰᠭᠦ ᠰᠢᠪᠠᠭᠤᠳ ᠶᠢᠡᠨ ᠳᠠᠭᠤᠤ ᠪᠠᠷ ᠨᠢ ᠵᠢᠰᠤᠯᠠᠵᠤ

ᠣᠰᠤᠨ ᠳᠤ ᠨᠢ ᠱᠤᠩᠪᠠᠬᠤ ᠵᠢᠷᠭᠠᠬᠠᠢ ᠪᠠᠨ ᠳᠤᠭᠠᠯᠠᠨ ᠪᠦᠷᠢᠦᠡᠭᠡᠵᠤ

᠁

ᠵᠡᠭᠦᠳᠤ ᠴᠤ ᠶᠤᠮᠰᠢᠭ ᠵᠡᠷᠭᠡᠯᠭᠡᠨ ᠴᠤ ᠶᠤᠮᠰᠢᠭ

ᠵᠡᠭᠦᠨ ᠰᠤᠪᠣᠷᠭ᠎ᠠ ᠰᠦᠨᠳᠠᠷᠯᠠᠨ᠎ᠠ ᠡ︕

ᠵᠤᠬᠢᠶᠠᠭᠴᠢ ᠶᠢᠨ ᠬᠠ‍‌ᠶᠢᠭ ᠄ ᠲᠦᠰᠢᠶᠠᠳᠤ ᠬᠤᠰᠢᠭᠤᠨ ᠤ ᠭᠦᠡᠳᠡᠯᠡᠨ ᠰᠤᠷᠭᠠᠭᠤᠯᠢ