☆ ᠪᠦᠭᠡᠵᠢᠷᠭᠠᠯ
ᠮᠤᠩᠭ᠋ᠤᠯ ᠨᠤᠳᠤᠭ ᠤᠨ ᠬᠠᠪᠣᠷ ᠶᠠᠭᠠᠷᠠᠨᠠ
ᠣᠨ ᠤ ᠡᠭᠢ ᠴᠠᠭᠠᠨ ᠰᠠᠷᠠ
ᠴᠡᠩᠭᠡᠯ ᠵᠢᠷᠭᠠᠯ ᠤᠨ ᠳᠠᠯᠠᠢ ᠳᠤ ᠶᠠᠭᠠᠷᠠᠨᠠ
ᠣᠳᠤᠮᠳᠤ ᠮᠤᠩᠭ᠋ᠤᠯ ᠤᠨ ᠠᠷᠢᠭᠤᠨ ᠬᠠᠳᠠᠭ
ᠠᠮᠤᠷ ᠠᠰᠠᠭᠤᠨ ᠵᠤᠯᠭᠠᠭᠠᠤᠨ ᠶᠠᠭᠠᠷᠠᠨᠠ
ᠪᠠᠶᠠᠷ ᠤᠨ ᠮᠠᠩᠨᠠᠢ᠌ᠳᠤ ᠪᠣᠭᠤᠷᠤᠯ ᠠᠪᠣ ᠵᠢᠨ
ᠬᠤᠠᠳᠠᠭᠠ ᠳᠤᠰᠤᠭᠰᠠᠨ ᠢᠷᠦᠭᠡᠯ ᠶᠠᠭᠠᠷᠠᠨᠠ
ᠪᠠᠬᠠᠳᠤᠯᠳᠤ ᠴᠢᠷᠠᠢ ᠲᠡᠶ ᠮᠤᠩᠭ᠋ᠤᠯ ᠡᠵᠢ ᠵᠢᠨ
ᠬᠤᠪᠢ ᠱᠠᠩᠨᠠᠭᠰᠠᠨ ᠵᠦᠩᠨᠠᠯ ᠶᠠᠭᠠᠷᠠᠨᠠ
ᠮᠤᠩᠭ᠋ᠤᠯ ᠠᠢ᠌ᠯ ᠤᠨ ᠽᠠᠠᠳᠠᠨ ᠰᠢᠷᠡᠭᠡᠨ ᠳ᠋ᠤ
ᠰᠦ᠋ ᠲᠡᠶ ᠴᠠᠢ ᠶᠢᠨ ᠦᠨᠦᠷ ᠶᠠᠭᠠᠷᠠᠨᠠ
ᠮᠠᠯᠴᠢᠨ ᠪᠦᠰᠡᠭᠦᠢ ᠶᠢᠨ ᠠᠵᠢᠯᠴᠢ ᠭᠠᠷ ᠳᠤ
ᠰᠢᠨᠠ ᠰᠠᠭᠠᠯᠢ ᠶᠢᠨ ᠳᠡᠭᠡᠵᠢ ᠶᠠᠭᠠᠷᠠᠨᠠ
ᠦᠯᠵᠡᠢ ᠪᠠᠯᠭᠡᠳᠤ ᠮᠠᠯ ᠤᠨ ᠰᠢᠨᠠ ᠳ᠋ᠤ
ᠭᠤᠷᠪᠠᠨ ᠨᠠᠭᠠᠳᠤᠮ ᠤᠨ ᠭᠦᠭ᠍ᠵᠢᠶᠡᠨ ᠶᠠᠭᠠᠷᠠᠨᠠ
ᠥᠭ᠍ᠭᠢᠶᠡᠮᠦᠷ ᠪᠠᠶᠠᠨ ᠡᠭᠡ ᠪᠠᠢ᠌ᠭᠠᠯᠢ ᠵᠢᠨ
ᠳᠡᠨᠢᠭᠦᠨ ᠠᠮᠢᠰᠬᠤᠯᠳᠤ ᠮᠦᠰᠢᠶᠠᠯ ᠶᠠᠭᠠᠷᠠᠨᠠ
ᠳᠠᠯᠠ ᠶᠢ ᠳᠠᠷᠤᠭᠰᠠᠨ ᠭᠦᠷ ᠴᠠᠰᠤ
ᠳᠠᠷᠯᠠᠨ ᠡᠭᠡᠰᠢᠵᠤ ᠣᠶᠠᠰᠤᠯ ᠶᠢᠡᠷ ᠶᠠᠭᠠᠷᠠᠨᠠ
ᠳᠠᠪᠤᠨ ᠬᠤᠰᠢᠭᠤᠳᠤ ᠶᠢᠨ ᠳᠦᠯ ᠤᠨ ᠳᠠᠭᠤᠨ ᠤ
ᠨᠠᠢ᠌ᠷᠠᠯ ᠭᠦᠭ᠍ᠵᠢᠮ ᠤᠨ ᠭᠦᠭ᠌ ᠶᠠᠭᠠᠷᠠᠨᠠ
ᠴᠡᠩᠭᠡᠷ ᠳᠤᠯᠭᠢᠶᠠᠠᠳᠤ ᠭᠦᠳᠡᠭᠡ ᠶᠢᠨ ᠵᠡᠷᠭᠡᠯᠭᠡᠨ
ᠳᠡᠭ᠍ᠷᠢ ᠶᠢᠨ ᠭᠢᠵᠠᠭᠠᠷ ᠳᠠᠯᠮᠠᠵᠤ ᠶᠠᠭᠠᠷᠠᠨᠠ
ᠴᠢᠭᠢᠭ᠍ᠯᠢᠭ᠌ ᠭᠦᠷᠦᠰᠤᠨ ᠤ ᠨᠢᠯᠬᠠ ᠨᠤᠭᠤᠭᠠ
ᠬᠠᠭᠳᠠ ᠲᠦᠯᠬᠢᠨ ᠴᠤᠬᠣᠢ᠌ᠵᠤ ᠶᠠᠭᠠᠷᠠᠨᠠ
ᠠᠶᠠᠰ ᠤᠨ ᠰᠠᠯᠭᠢᠨ ᠳᠤ ᠭᠤᠤᠯ ᠭᠤᠷᠤᠬᠠ
ᠭᠡᠪᠠᠯᠢ ᠳᠦᠭᠦᠷᠡᠩ ᠬᠠᠢ᠌ᠯ ᠲᠡᠶ ᠶᠠᠭᠠᠷᠠᠨᠠ
ᠠᠷᠤ ᠭᠠᠵᠠᠷ ᠤᠨ ᠴᠡᠩᠭᠡᠷ ᠨᠠᠭᠤᠷ ᠳᠠᠭᠠᠨ
ᠭᠠᠯᠠᠭᠤᠳ ᠢᠷᠡᠭᠡᠳ ᠪᠦᠵᠢᠭ᠍ᠯᠡᠵᠤ ᠶᠠᠭᠠᠷᠠᠨᠠ
ᠠᠳᠤᠭᠤ ᠮᠠᠯ ᠤᠨ ᠳᠡᠯᠯᠡᠭᠡ ᠬᠠᠭᠠᠷᠢᠯᠭᠠ ᠳ᠋ᠤ
ᠠᠯᠳᠠᠨ ᠬᠣᠢ᠌ᠪᠢᠳᠤ ᠣᠷᠭᠠ ᠶᠠᠭᠠᠷᠠᠨᠠ
ᠠᠷᠭᠠᠯ ᠤᠨ ᠳᠠᠯᠠᠩ ᠶᠢᠡᠨ ᠦᠨᠳᠦᠷ ᠪᠣᠰᠬᠠᠬᠤ ᠪᠠᠷ
ᠠᠵᠢᠯᠴᠢ ᠨᠠᠰᠤᠳᠠᠨ ᠡᠷᠳᠡᠯᠡᠵᠤ ᠶᠠᠭᠠᠷᠠᠨᠠ
ᠭᠠᠯᠪᠠ ᠳᠡᠯᠡᠭᠡᠢ ᠶᠢᠨ ᠭᠦᠰᠡᠯ ᠤᠨ ᠨᠠᠷᠠ
ᠪᠠᠭᠠᠴᠤᠳ ᠬᠡᠦᠬᠡᠳ ᠰᠤᠷᠤᠯᠴᠠᠵᠤ ᠶᠠᠭᠠᠷᠠᠨᠠ
ᠭᠠᠩᠭ᠋ᠠᠩ ᠭᠦᠳᠡᠭᠡ ᠶᠢᠨ ᠳᠡᠷᠭᠡᠯ ᠰᠠᠷᠠ
ᠡᠩᠭᠡ ᠠᠮᠤᠭᠤᠯᠠᠩ ᠠᠮᠢᠳᠤᠷᠠᠯ ᠶᠠᠭᠠᠷᠠᠨᠠ
ᠳᠠᠯᠠ ᠨᠤᠳᠤᠭ ᠤᠨ ᠮᠥᠩᠭᠡ ᠬᠠᠪᠣᠷ
ᠠᠯᠤᠰ ᠢ ᠵᠤᠷᠢᠨ ᠣᠷᠤᠰᠴᠤ ᠶᠠᠭᠠᠷᠠᠨᠠ
ᠳᠠᠩᠰᠤᠭ ᠪᠠᠢ᠌ᠭᠠᠯᠢ ᠶᠢᠨ ᠵᠤᠨ ᠢ ᠣᠭᠳᠤᠬᠤ ᠪᠠᠷ
ᠮᠤᠩᠭ᠋ᠤᠯ ᠨᠤᠳᠤᠭ ᠤᠨ ᠬᠠᠪᠣᠷ ᠶᠠᠭᠠᠷᠠᠨᠠ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠡᠰᠢᠭ᠍ᠳᠡᠨ ᠤ ᠮᠤᠩᠭ᠋ᠤᠯ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪᠦᠭᠡᠵᠢᠷᠭᠠᠯ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2633
ᠴᠠᠭ᠄ 2010 ᠤᠨ ᠤ 02 ᠰᠠᠷᠠ ᠶᠢᠨ 23
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ