☆ ᠤᠯᠠᠭᠠᠨᠭᠡᠷᠡᠯ
ᠳᠡᠮᠡᠭᠡ
ᠳᠠᠯᠠ ᠶᠢᠨ ᠣᠷᠳᠤ ᠠᠶᠠᠨ ᠢ
ᠪᠦᠭᠡᠯᠡᠨ ᠪᠠᠢ᠌ᠵᠤ ᠲ᠋ᠤᠪᠴᠢᠯᠠᠳᠠᠭ ᠳᠡᠮᠡᠭᠡ
ᠳᠠᠷᠭᠤᠨ ᠨᠠᠮᠤᠷ ᠤᠨ ᠰᠦᠷ ᠢ
ᠪᠦᠭᠦᠨ ᠳᠡᠭᠡᠷᠡ ᠪᠠᠨ ᠰᠡᠭ᠍ᠰᠡᠷᠡᠳᠡᠭ᠌ ᠳᠡᠮᠡᠭᠡ
ᠳᠠᠰᠤᠮ ᠠᠳᠠᠯᠢ ᠰᠠᠯᠠ ᠶᠢ
ᠳᠠᠪᠠᠭ ᠶᠢᠡᠷ ᠶᠢᠡᠨ ᠳᠤᠭᠤᠯᠳᠠᠭ ᠳᠡᠮᠡᠭᠡ
ᠳᠠᠴᠢᠷ ᠴᠦᠯ ᠭᠤᠪᠢ ᠳᠤ
ᠳᠠᠭᠠᠳᠠᠢ᠌ᠬᠠᠨ ᠪᠠᠢ᠌ᠷᠰᠢᠳᠠᠭ ᠳᠡᠮᠡᠭᠡ
ᠳᠠᠰᠭᠢ ᠪᠣᠳᠠ ᠬᠠᠳᠠᠭᠤ ᠪᠦᠭᠦᠨ ᠢ
ᠬᠠᠳᠠᠷᠢᠭᠠᠤᠨ ᠢᠳᠡᠰᠢᠯᠡᠳᠡᠭ᠌ ᠳᠡᠮᠡᠭᠡ
ᠳᠠᠩ ᠬᠤᠮ ᠠᠴᠢᠶᠠᠨ ᠳᠠᠭᠠᠨ
ᠬᠠᠰᠢᠷ ᠵᠢᠦᠡᠭᠦᠳᠡᠭ᠌ ᠳᠡᠮᠡᠭᠡ
ᠲᠦᠮᠡᠨ ᠣᠨ ᠤ ᠬᠠᠷᠠᠭᠠᠨ ᠳᠤ
ᠵᠢᠩ ᠤᠨ ᠴᠤᠪᠤᠭᠠ ᠲ᠋ᠡᠦᠭᠡᠯᠡᠭ᠍ᠰᠡᠨ ᠳᠡᠮᠡᠭᠡ
ᠲᠦᠷᠦ ᠬᠤᠪᠢᠷᠠᠭᠰᠠᠨ ᠦᠨᠦᠳᠤᠷ
ᠵᠢᠩ ᠳᠡᠭᠡᠷᠡ ᠳᠠᠳᠠᠭᠤᠯᠤᠭᠰᠠᠨ ᠳᠡᠮᠡᠭᠡ
ᠬᠤᠨᠢᠴᠢᠨ ᠠᠪᠣ ᠶᠢᠨ ᠦᠶᠡ ᠳᠤ
ᠳᠦᠰᠢᠭ᠌ ᠭᠡᠰᠢᠭ᠌ ᠶᠡᠭᠡᠳᠡᠢ ᠳᠡᠮᠡᠭᠡ
ᠬᠤᠨᠢ ᠪᠠᠨ ᠳᠠᠭᠠᠭᠠᠴᠢᠯᠠᠭᠤᠯᠤᠭᠰᠠᠨ ᠦᠨᠦᠳᠤᠷ
ᠳᠡᠷᠭᠡ ᠮᠤᠲ᠋ᠤᠷ ᠶᠢᠡᠷ ᠰᠤᠯᠢᠭᠳᠠᠭᠰᠠᠨ ᠳᠡᠮᠡᠭᠡ
ᠠᠷᠪᠠᠨ ᠬᠤᠶᠠᠷ ᠵᠢᠯ ᠢ
ᠪᠠᠶᠠ ᠳᠡᠭᠡᠨ ᠬᠠᠳᠠᠭᠠᠯᠠᠭᠰᠠᠨ ᠳᠡᠮᠡᠭᠡ
ᠠᠯᠠᠭ ᠬᠤᠷᠸᠠ ᠡᠴᠡ ᠠᠶᠠᠯᠠᠭᠰᠠᠤᠨ ᠢ
ᠪᠠᠶᠠ ᠪᠠᠷ ᠶᠢᠡᠨ ᠡᠭᠦᠷᠴᠤ ᠵᠠᠯᠠᠭᠰᠠᠨ ᠳᠡᠮᠡᠭᠡ
ᠭᠢᠯᠭᠠᠰᠤ ᠭᠦᠷᠡᠩ ᠵᠤᠭᠳᠤᠷ ᠶᠢᠡᠷ
ᠠᠪᠣ ᠳᠡᠭᠡᠰᠤ ᠡᠷᠴᠢᠯᠡᠳᠡᠭ᠌ ᠳᠡᠮᠡᠭᠡ
ᠭᠦᠪᠭᠦᠷ ᠭᠦᠷᠡᠩ ᠨᠤᠤᠰᠤ ᠪᠠᠷ ᠨᠢ
ᠡᠵᠢ ᠦᠷᠡ ᠪᠠᠨ ᠳᠤᠯᠠᠭᠠᠯᠠᠳᠠᠭ ᠳᠡᠮᠡᠭᠡ
ᠢᠩᠭᠡ ᠪᠣᠳᠤᠭᠤᠨ ᠤ ᠪᠣᠢ᠌ᠯᠠᠭᠠᠨ ᠳᠤ
ᠪᠦᠳᠤᠨ ᠬᠤᠷᠸᠠ ᠣᠶᠠᠰᠳᠠᠭ ᠳᠡᠮᠡᠭᠡ
ᠢᠰᠡᠭᠡᠢ ᠳᠤᠭᠤᠷᠭᠠᠳᠠᠨ ᠤ ᠨᠡᠭᠦᠳᠡᠯ ᠳᠤ
ᠪᠣᠶᠠᠨ ᠵᠠᠶᠠᠭᠠ ᠳᠡᠯᠡᠭᠦ ᠳᠡᠮᠡᠭᠡ᠃
ᠵᠤᠬᠢᠶᠠᠭᠴᠢ᠄ ᠤᠯᠠᠭᠠᠨᠭᠡᠷᠡᠯ
ᠢᠷᠡᠯᠲᠡ᠄ 《ᠳᠠᠠᠴᠢᠨ》 ᠵᠤᠬᠢᠶᠠᠯᠴᠢᠳ ᠤᠨ ᠬᠤᠯᠪᠣᠭᠠ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 5113
ᠴᠠᠭ᠄ 2008 ᠤᠨ ᠤ 04 ᠰᠠᠷᠠ ᠶᠢᠨ 17
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ