☆ ᠴ·ᠪᠠᠪᠣᠳᠤᠷᠵᠢ
ᠬᠦᠷᠡᠯ ᠴᠢᠨ᠋ᠸᠠ
(2001 ᠤᠨ ᠤ《ᠪᠤᠯᠤᠷ ᠴᠤᠮᠤ》 ᠱᠠᠩᠨᠠᠯᠲᠤ ᠰᠢᠯᠦᠭ)
ᠭᠦᠷᠡᠯ ᠴᠢᠨ᠋ᠸᠠ ᠣᠯᠢᠨᠠ
ᠳᠡᠭ᠍ᠷᠢ ᠭᠠᠵᠠᠷ ᠳᠡᠮᠳᠡᠭᠷᠡᠬᠦ
ᠳᠠᠷᠠ ᠾᠦᠩᠨᠦ ᠨᠤᠳᠤᠭ ᠲᠤ ᠬᠦᠷᠲᠡᠯᠡ
ᠴᠢᠨ᠋ᠸᠠ ᠣᠯᠢᠨᠠ
ᠵᠢᠪᠠᠷ ᠲᠡᠶ ᠪᠣᠯᠤᠭᠠᠳ ᠣᠶᠠᠷᠠᠯ ᠲᠡᠶ ᠡᠨᠡ ᠣᠯᠢᠶᠠᠨ ᠳᠤ
ᠡᠨᠡᠯᠭᠦ ᠴᠤ ᠭᠡᠴᠡᠭᠦᠤ ᠡᠷᠡᠭᠡᠯᠵᠡᠭᠦ ᠴᠤ ᠭᠡᠴᠡᠭᠦᠤ
ᠮᠤᠷᠢᠨ ᠴᠢᠨᠡᠭᠡ ᠭᠦᠷᠡᠯ ᠴᠢᠨ᠋ᠸᠠ
ᠮᠤᠩᠭ᠋ᠤᠯ ᠶᠢᠡᠷ ᠳᠦᠭᠦᠷᠡᠩ ᠣᠯᠢᠨᠠ
ᠬᠠᠨ ᠭᠡᠨᠳᠡᠢ ᠳᠠᠢ᠌ᠪᠢᠵᠤ ᠰᠤᠨᠤᠰᠤᠨᠠ
ᠬᠠᠳᠤᠨ ᠭᠡᠷᠦᠯᠤᠨ ᠴᠠᠯᠭᠢᠵᠤ ᠰᠤᠨᠤᠰᠤᠨᠠ
ᠵᠠᠬᠠ ᠦᠭᠡᠶ ᠮᠡᠨᠠᠨ ᠠᠯᠳᠠᠯᠠᠵᠤ ᠰᠤᠨᠤᠰᠤᠨᠠ
ᠴᠠᠰᠤᠳᠤ ᠸᠴᠢᠷᠪᠠᠨᠢ ᠳᠤᠭᠰᠢᠷᠠᠵᠤ ᠰᠤᠨᠤᠰᠤᠨᠠ
ᠭᠦᠷᠡᠯ ᠴᠢᠨ᠋ᠸᠠ ᠣᠯᠢᠨᠠ
ᠭᠦᠭᠡ ᠰᠤᠪᠢᠩᠲᠤ ᠬᠦᠯᠦᠭ᠂ ᠡᠷᠡ ᠬᠤᠶᠠᠷ ᠡᠴᠡ ᠥᠭᠡᠷᠡ
ᠭᠦᠷᠦᠰᠦᠳᠤ ᠳᠤ ᠭᠡᠨ ᠴᠤ ᠰᠤᠨᠤᠰᠬᠤ ᠦᠭᠡᠶ᠂ ᠰᠤᠨᠤᠰᠳᠠᠬᠤ ᠦᠭᠡᠶ
ᠭᠦᠷᠡᠯ ᠴᠢᠨ᠋ᠸᠡ ᠣᠯᠢᠨᠠ
ᠶᠡᠭᠡ ᠳᠠᠢ᠌ᠠᠴᠢ ᠬᠠᠷᠠ ᠢᠯᠳᠤ ᠰᠢᠭ᠌ ᠴᠢᠨ᠋ᠸᠠ ᠶᠢᠨ ᠣᠯᠢᠶᠠᠨ ᠳᠤ
ᠡᠨᠡ ᠳᠡᠯᠡᠭᠡᠢ ᠳᠠᠭᠵᠢᠨ ᠴᠠᠴᠠᠷᠠᠵᠤ
ᠪᠦᠰᠡ ᠪᠠᠨ ᠴᠢᠩᠭ᠋ᠠᠯᠠᠵᠤ ᠪᠠᠢ᠌ᠭᠰᠠᠨ ᠰᠠᠨᠠᠭᠳᠠᠨᠠ
ᠪᠦᠦᠷ ᠳᠦᠤᠷ ᠳᠠᠢ᠌ᠮᠤ ᠰᠤᠪᠢᠩ ᠬᠠᠶᠠ ᠳᠠᠳᠠᠨᠠ
ᠭᠦᠷᠡᠯ ᠴᠢᠨ᠋ᠸᠠ ᠣᠯᠢᠨᠠ
ᠮᠤᠯᠴᠤᠭᠯᠠᠭᠰᠠᠨ ᠳᠠᠭᠠᠭᠢ ᠶᠢ ᠡᠪᠠᠢ᠌ᠯᠵᠤ ᠣᠯᠢᠨᠠ
ᠮᠤᠳᠤᠨ ᠴᠠᠨ ᠢᠤᠢ ᠶᠢ ᠮᠤᠷᠳᠠᠭᠤᠯᠵᠤ ᠣᠯᠢᠨᠠ
ᠢᠰᠡᠭᠡᠢ ᠭᠦᠷᠤᠨ ᠢ ᠬᠤᠷᠣᠢ᠌ᠯᠠᠵᠤ ᠣᠯᠢᠨᠠ
ᠶᠡᠬᠡ ᠬᠠᠷᠠ ᠰᠦᠯᠳᠡ ᠶᠢ ᠬᠤᠭᠤᠷᠳᠠᠵᠤ ᠤᠯᠢᠨᠠ
ᠰᠢᠨᠠ ᠶᠢᠨ ᠬᠤᠶᠠᠷ ᠤᠨ ᠰᠡᠷᠡᠨ ᠲ᠋ᠡᠭᠡᠷᠡ ᠤᠯᠢᠨᠡ
ᠰᠢᠬᠢᠬᠤᠳᠤᠭ ᠤᠨ ᠪᠠᠭᠤᠷᠢᠨ ᠳᠡᠭᠡᠷᠡ ᠤᠴᠦᠢ᠌ᠵᠤ ᠣᠯᠢᠨᠠ
ᠭᠦᠷᠡᠯ ᠴᠢᠨ᠋ᠸᠠ ᠣᠯᠢᠨᠠ
ᠠᠷᠤᠭ ᠲᠤ ᠬᠦᠦ ᠰᠠᠭᠤᠯᠭᠠᠭᠰᠠᠨ
ᠠᠴᠢᠶᠠ ᠬᠦᠰᠭᠡ ᠶᠢ ᠪᠠᠷᠠᠭᠠᠳᠠᠵᠤ ᠤᠯᠢᠨᠠ
ᠠᠮᠤᠷ ᠠᠮᠤᠭᠤᠯᠠᠩ ᠤᠨ ᠬᠣᠢ᠌ᠮᠤᠷ ᠡᠴᠡ
ᠵᠡᠭᠦᠭ᠍ᠳᠡᠵᠤ ᠣᠯᠢᠨᠠ
ᠴᠡᠭᠡᠵᠢᠨ ᠳᠤᠳᠤᠷᠠ ᠣᠯᠢᠨᠠ
ᠰᠡᠳᠭᠢᠯ ᠳᠤᠳᠤᠷᠠ ᠣᠯᠢᠨᠠ
ᠨᠢᠳᠤᠨ ᠳᠤ ᠬᠦᠬᠡ ᠭᠠᠯ ᠪᠣᠳᠠᠷᠠᠳᠠᠯᠠ
ᠨᠢᠭᠤᠷ ᠲᠤ ᠶᠠᠭᠠᠨ ᠲᠦᠯᠦ ᠪᠠᠳᠠᠷᠠᠳᠠᠯᠠ
ᠴᠢᠨ᠋ᠸᠠ ᠣᠯᠢᠨᠠ
ᠰᠡᠭᠦᠯᠴᠢ ᠶᠢᠨ ᠪᠣᠯᠤᠨ ᠡᠭᠢᠨ ᠤ ᠡᠨᠡ ᠳᠡᠯᠡᠭᠡᠢ ᠳᠤ
ᠰᠦᠵᠢ ᠡᠩᠭᠦᠷᠡᠢ ᠣᠯᠢᠨᠠ
ᠬᠠᠨ ᠤᠷᠴᠢᠯᠠᠩ ᠢ ᠴᠤᠤᠷᠢᠶᠠᠳᠤᠲᠠᠯᠠ ᠤᠯᠢᠪᠠ ᠭᠡᠵᠦ ᠡᠮᠢᠶᠡᠬᠦ ᠳᠤ
ᠬᠠᠷᠢᠨ ᠦᠭᠡᠢ
ᠰᠡᠮᠡᠷᠭᠡᠢ ᠶᠢ ᠨᠢ ᠭᠦᠪᠦᠷᠳᠡᠵᠤ ᠣᠯᠢᠨᠠ
ᠬᠠᠭᠠᠨ ᠭᠦᠷᠤᠨ ᠤ ᠳᠡᠭ᠍ᠷᠢ ᠶᠢ ᠬᠠᠷᠠᠮᠠᠯᠵᠤ ᠣᠯᠢᠨᠠ
ᠳᠡᠯᠭᠡᠵᠦ ᠣᠯᠢᠨᠠ
ᠨᠠᠳᠠ ᠲᠡᠶ ᠬᠠᠮᠳᠤ ᠲᠦᠷᠦᠵᠤ ᠣᠯᠢᠭᠰᠠᠨ ᠭᠦᠷᠡᠯ ᠴᠢᠨ᠋ᠸᠠ
ᠨᠠᠷᠠ ᠲᠡᠶ ᠬᠠᠮᠳᠤ ᠦᠯᠠᠳᠠᠵᠤ ᠣᠯᠢᠬᠤ ᠭᠦᠷᠡᠯ ᠴᠢᠨ᠋ᠸᠠ
ᠨᠤᠮᠤ ᠰᠢᠭ ᠣᠯᠢᠨᠠ
ᠰᠤᠮᠤ ᠰᠢᠭ ᠣᠯᠢᠨᠠ
ᠮᠤᠷᠢᠨ ᠴᠢᠨᠡᠭᠡ ᠭᠦᠷᠡᠯ ᠴᠢᠨ᠋ᠸᠠ
ᠮᠤᠩᠭ᠋ᠤᠯ ᠶᠢᠡᠷ ᠳᠦᠭᠦᠷᠡᠩ ᠣᠯᠢᠨᠠ
ᠭᠤᠷᠪᠠᠨ ᠵᠠᠭᠤᠨ ᠶᠠᠰᠤᠨ ᠤ ᠮᠢᠨᠢ
ᠠᠯᠳᠠᠨ ᠵᠠᠭᠠᠳᠠᠯ ᠪᠦᠭᠦᠨ ᠰᠠᠯᠵᠤ ᠰᠤᠨᠤᠰᠤᠨᠠ
ᠨᠠᠢ᠌ᠯᠠᠵᠤ ᠰᠤᠨᠤᠰᠤᠨᠠ
ᠭᠤᠴᠢᠨ ᠦᠶᠡ ᠶᠢᠨ ᠳᠡᠭᠡᠳᠦᠰ ᠮᠢᠨᠢ ᠰᠠᠷᠢᠵᠤ ᠰᠤᠨᠤᠰᠤᠨᠠ
ᠪᠣᠰᠴᠤ ᠰᠤᠨᠤᠰᠤᠨᠠ
ᠭᠦᠷᠡᠯ ᠴᠢᠨ᠋ᠸᠠ ᠣᠯᠢᠨᠠ᠂
ᠭᠦᠷᠦᠰᠦᠳᠤ ᠡᠨᠡ ᠣᠷᠴᠢᠯᠠᠩ ᠳᠡᠭᠡᠷᠡ
ᠭᠦᠭᠡ ᠳᠡᠭ᠍ᠷᠢ ᠣᠯᠢᠨᠠ
ᠣᠯᠢᠨᠠ ᠁ ᠴᠢᠨ᠋ᠸᠠ ᠣᠯᠢᠨᠠ
ᠵᠤᠬᠢᠶᠠᠭᠴᠢ᠄ ᠴ·ᠪᠠᠪᠣᠳᠤᠷᠵᠢ
ᠢᠷᠡᠯᠲᠡ᠄ ᠮᠢ᠊·ᠨᠠᠷᠠᠨ ᠬᠠᠩᠭ᠋ᠠᠪᠠ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2635
ᠴᠠᠭ᠄ 2008 ᠤᠨ ᠤ 12 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ