☆ ᠡ᠊·ᠳᠠᠮᠤᠷ
ᠭᠢᠯᠢᠰᠳᠡᠭ᠍ᠰᠡᠨ ᠰᠠᠷᠠ
ᠦᠴᠦᠭᠡᠳᠦᠷ ᠦᠳᠡᠰᠢ ᠶᠢᠨ ᠰᠠᠷᠠᠨ
ᠡᠭᠦᠯᠡᠨ ᠴᠢᠯᠦᠭᠡ ᠪᠠᠷ ᠴᠤᠬᠣᠢ᠌ᠵᠤ ᠪᠠᠢ᠌ᠪᠠ
ᠡᠪᠭᠡᠷᠡᠭᠦ ᠡᠭᠦᠯᠡᠰ ᠪᠣᠷᠤᠭᠠᠯᠠᠬᠤ ᠦᠭᠡᠶ ᠠᠭᠠᠤᠨ
ᠴᠢᠯᠦᠭᠡ ᠦᠭᠭᠦ ᠦᠭᠡᠶ ᠨᠤᠤᠷᠠᠯᠳᠤᠨᠠ
ᠦᠣᠷ ᠰᠦᠨᠢ ᠶᠢᠨ ᠵᠠᠭᠠᠭ ᠶᠢᠡᠷ
ᠦᠷᠦᠪᠴᠢᠭᠡᠨ ᠳᠤᠶᠠᠭᠠ ᠪᠠᠨ ᠰᠠᠴᠤᠭᠰᠠᠨ ᠢ
ᠭᠡᠨ ᠴᠤ ᠮᠡᠳᠡᠭ᠍ᠰᠡᠨ ᠦᠭᠡᠶ᠁
ᠰᠠᠷᠠ
ᠬᠠᠶᠠ ᠳᠡᠷᠭᠡᠯᠰᠢᠵᠤ ᠬᠠᠶᠠ ᠬᠠᠪᠢᠷᠭᠠᠯᠠᠨᠠ
ᠪᠣᠰᠤᠳ ᠤᠨ ᠭᠡᠭᠡ ᠶᠢ ᠳᠠᠮᠵᠢᠭᠤᠯᠤᠭᠰᠠᠨ ᠡᠴᠡ
ᠨᠠᠷᠠ ᠰᠢᠭ
ᠥᠩᠭᠡ ᠲᠡᠶ ᠪᠠᠢ᠌ᠵᠤ ᠴᠢᠳᠠᠭᠰᠠᠨ ᠦᠭᠡᠶ ᠴᠤ
ᠰᠦᠨᠢ ᠴᠢᠮᠠ ᠶᠢ ᠮᠠᠷᠳᠠᠵᠤ ᠴᠢᠳᠠᠬᠤ ᠦᠭᠡᠶ ᠥᠭᠡᠢ᠌ᠯᠡᠨᠡ
ᠰᠠᠷᠠ
ᠬᠠᠶᠠ ᠬᠠᠪᠢᠷᠭᠠᠯᠠᠵᠤ ᠬᠠᠶᠠ ᠳᠡᠷᠭᠡᠯᠰᠢᠨᠡ
ᠪᠦᠳᠤᠨ ᠪᠠᠢ᠌ᠳᠠᠭ ᠦᠭᠡᠶ ᠬᠤᠷᠸᠠ ᠶᠢᠨ ᠵᠢᠮᠠ ᠶᠢ
ᠡᠯᠢᠭᠡᠨ ᠳᠤ ᠪᠠᠨ ᠪᠠᠭᠳᠠᠭᠠᠵᠤ ᠴᠢᠳᠠᠭᠰᠠᠨ ᠴᠤ
ᠠᠯᠠᠭ ᠬᠤᠷᠸᠠ ᠶᠢᠨ ᠡᠷᠢᠶᠡᠨ ᠪᠣᠳᠤᠯ ᠳᠤ
ᠡᠩᠰᠡᠷᠡᠳᠡᠯᠡ ᠪᠠᠨ ᠴᠢ ᠭᠢᠯᠢᠰᠳᠠᠪᠠ
ᠬᠤᠯᠠᠭᠢ ᠳᠠᠷᠠ ᠨᠤᠳᠤᠭ
ᠬᠤᠯᠠᠭᠢ ᠳᠠᠷᠠ ᠨᠤᠳᠤᠭ ᠲᠤ
ᠰᠡᠳᠭᠢᠯ ᠳᠠᠩᠴᠢ ᠬᠤᠷᠭᠤᠳᠠᠨᠠ
ᠬᠤᠮᠠᠭ ᠡᠯᠡᠰᠤ ᠲᠡᠶ ᠨᠤᠳᠤᠭ ᠮᠢᠨᠢ
ᠵᠢᠷᠦᠭᠡ ᠡᠮᠵᠡᠭᠯᠡᠭᠦᠯᠵᠤ ᠰᠢᠭᠤᠷᠠᠨᠠ
ᠥᠡᠳᠦᠷᠯᠢᠭ᠌ ᠤᠨ ᠮᠤᠩᠭ᠋ᠤᠯ ᠣᠷᠤᠨ ᠤ ᠮᠢᠨᠢ
ᠠᠭᠤᠯᠠᠰ ᠢ ᠨᠢ ᠣᠢ ᠪᠦᠷᠭᠦᠵᠤ ᠪᠠᠢ᠌ᠭᠰᠠᠨ
ᠥᠩᠭᠡᠰᠢᠭ᠌ ᠨᠤᠭᠤᠭᠠᠨ ᠳᠠᠯᠠ ᠳᠤ ᠮᠢᠨᠢ
ᠠᠳᠤᠭᠤᠨ ᠰᠦᠷᠦᠭ᠌ ᠬᠣᠢ᠌ᠯᠠᠷᠠᠵᠤ ᠪᠠᠢ᠌ᠭᠰᠠᠨ
ᠬᠤᠯᠠᠭᠢ ᠳᠠᠷᠠ ᠨᠤᠳᠤᠭ ᠢ ᠳᠤᠷᠠᠰᠬᠤ ᠳᠤ
ᠬᠤᠨᠤᠭ ᠤᠨ ᠵᠡᠭᠦᠳᠤᠨ ᠳᠤ ᠳᠠᠯᠠ ᠮᠢᠨᠢ ᠢᠷᠠᠨᠠ
ᠠᠭᠤᠯᠠᠰ ᠤᠨ ᠴᠤᠤᠷᠢᠶᠠ ᠴᠢᠭᠢᠨ ᠳᠤ ᠴᠤᠯᠭᠣᠢ᠌ᠷᠠᠵᠤ
ᠣᠢ ᠶᠢᠨ ᠪᠠᠷᠠ ᠬᠠᠷᠠᠭᠠᠨ ᠥᠵᠦᠭᠦᠷ ᠦᠨᠦᠴᠢᠷᠠᠨᠠ
ᠬᠤᠯᠠᠭᠢ ᠳᠠᠷᠠ ᠨᠤᠳᠤᠭ ᠲᠤ
ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠶ ᠰᠡᠳᠭᠢᠯ ᠬᠤᠷᠭᠤᠳᠠᠨᠠ
ᠦᠪᠡᠷ ᠤᠨ ᠶᠢᠡᠨ ᠰᠢᠯᠢᠳᠡᠭ᠌ ᠰᠤᠷᠳᠠᠯ ᠶᠢᠡᠨ
ᠦᠷᠦᠭᠡᠯ ᠤᠨ ᠡᠭᠦᠳᠡᠨ ᠡᠴᠡ ᠰᠥᠭᠦᠷᠴᠤ ᠭᠤᠶᠤᠨᠠ ᠦᠦ︖
ᠦᠴᠦᠭᠡᠳᠦᠷ ᠤᠨ ᠪᠣᠯᠤᠭᠰᠠᠨ ᠦᠨᠡᠨ ᠳᠡᠦᠭᠡ
ᠦᠷᠤᠴᠠᠨ ᠤ ᠮᠢᠨᠢ ᠳᠠᠯᠠ ᠳᠤ ᠨᠠᠭᠢᠶᠠᠯᠠᠵᠤ ᠣᠷᠭᠤᠨᠠ ᠦᠦ︖
ᠳᠠᠭᠠᠨᠠ ᠶᠢᠨ ᠦᠨᠦᠷ ᠲᠡᠶ ᠳᠠᠯᠠ ᠶᠢᠨ ᠦᠷᠤᠴᠠᠨ ᠳᠤ
ᠳᠠᠩᠰᠤᠭ ᠰᠦᠷᠦᠭ᠌ ᠮᠢᠨᠢ ᠳᠠᠭᠢᠵᠤ ᠠᠮᠢᠯᠠᠨᠠ ᠦᠦ︖
ᠠᠠᠵᠢᠰᠤᠨ ᠬᠤᠰᠢᠭᠤᠨ ᠳᠤ ᠰᠢᠷᠬᠠᠯᠠᠭᠰᠠᠨ ᠳᠠᠯᠠ ᠮᠢᠨᠢ
ᠬᠠᠯᠢᠭᠤᠷᠠᠬᠤ ᠪᠠᠯᠴᠢᠭᠡᠷ ᠲᠤ ᠪᠠᠨ ᠪᠣᠴᠠᠳᠠᠭ ᠪᠢᠯᠢᠤ︖
ᠳᠡᠦᠭᠡᠨ ᠨᠤᠮ
ᠥᠩᠭᠡᠷᠡᠭ᠍ᠰᠡᠨ ᠳᠤ ᠡᠪᠦᠭᠡ ᠮᠢᠨᠢ ᠴᠤᠭᠤᠷ ᠳᠠᠳᠠᠵᠤ ᠪᠠᠢ᠌ᠭᠰᠠᠨ
ᠦᠴᠦᠭᠡᠳᠦᠷ ᠠᠪᠣ ᠮᠢᠨᠢ ᠥᠯᠢᠭᠡᠷ ᠶᠠᠷᠢᠵᠤ ᠪᠠᠢ᠌ᠭᠰᠠᠨ
ᠣᠯᠠᠨ ᠣᠯᠠᠨ ᠭᠦᠮᠦᠰ ᠱᠤᠬᠤᠷᠬᠠᠵᠤ ᠪᠠᠢ᠌ᠭᠰᠠᠨ
ᠦᠨᠦᠳᠤᠷ ᠪᠢ ᠮᠤᠩᠭ᠋ᠤᠯ ᠨᠠᠢ᠌ᠷᠠᠭ ᠳᠡᠭᠦᠭᠦ ᠳᠤ
ᠣᠩᠰᠢᠭᠴᠢ ᠬᠤᠮᠰᠠᠳᠠᠭᠠᠤᠨ ᠣᠬᠠᠭᠠ ᠮᠢᠨᠢ ᠡᠪᠠᠳᠦᠨᠡ
ᠨᠤᠮ ᠤᠨ ᠳᠡᠯᠭᠡᠭᠦᠷ ᠡᠴᠡ ᠳᠡᠦᠭᠡᠨ ᠨᠤᠮ ᠬᠠᠢ᠌ᠬᠤ ᠳᠤ
ᠨᠢᠭᠤᠵᠤ ᠭᠡᠪᠯᠡᠭ᠍ᠰᠡᠨ ᠵᠤᠳᠤᠭᠠᠨ ᠲᠡᠶ ᠨᠤᠮ ᠢ
ᠨᠠᠯᠢᠶᠠᠤᠨ ᠣᠯᠠᠨ ᠢ ᠨᠠᠳᠠ ᠭᠠᠷᠳᠠᠭᠤᠯᠤᠨᠠ
ᠮᠤᠩᠭ᠋ᠤᠯ ᠶᠢᠡᠷ ᠭᠡᠪᠯᠡᠭ᠍ᠰᠡᠨ ᠳᠡᠦᠭᠡᠨ ᠨᠤᠮ ᠠᠪᠣᠶᠠ ᠭᠡᠭᠦ ᠳᠤ
《ᠮᠸᠢ ᠶᠢᠤ》 ᠭᠡᠳ ᠵᠦᠯᠴᠢ᠌ᠵᠤ ᠶᠠᠪᠣᠨᠠ
ᠠᠢ ᠳ᠋ᠠ᠂ ᠬᠤᠭᠢ ᠨᠢ ᠳᠠᠷᠠ
ᠭᠡᠨ ᠨᠠᠳᠠ ᠶᠢ ᠳᠡᠭᠡᠳᠦᠰ ᠤᠨ ᠶᠢᠡᠨ ᠳᠡᠦᠭᠡ ᠶᠢ ᠭᠦᠷᠳᠡᠯᠡ
ᠮᠠᠳᠠᠯ ᠦᠭᠡᠶ ᠶᠠᠪᠣ ᠭᠡᠯᠡ︕
ᠰᠤᠨᠢᠨ ᠶᠠᠭᠤ ᠪᠠᠢ᠌ᠨᠠ
ᠰᠤᠨᠢᠨ ᠶᠠᠭᠤ ᠪᠠᠢ᠌ᠨᠠ ᠭᠡᠵᠤ
ᠰᠤᠨᠢᠭᠤᠴᠢᠯᠠᠵᠤ ᠪᠢ ᠨᠠᠢ᠌ᠵᠠ ᠡᠴᠡ ᠪᠠᠨ ᠠᠰᠠᠭᠤᠬᠤ ᠳᠤ
ᠰᠢᠭᠤᠷᠭᠠ ᠭᠡᠴᠡᠭᠦᠤ ᠪᠠᠢ᠌ᠨᠠ ᠭᠡᠵᠤ ᠣᠳᠠᠰᠤᠨ ᠴᠠᠭᠠᠨᠠ ᠡᠴᠡ
ᠪᠦᠦᠷ ᠳᠦᠦᠷᠭᠡᠨ ᠰᠤᠨᠤᠰᠳᠠᠨᠠ
ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠴᠠᠰᠤ ᠣᠷᠤᠴᠢᠬᠠᠭᠰᠠᠨ ᠭᠡᠵᠤ
ᠬᠠᠵᠠᠭᠤ ᠳ᠋ᠠᠭᠢ ᠬᠠᠨᠢᠳᠠᠤᠨ ᠳᠤ ᠪᠠᠨ ᠮᠡᠷᠭᠡᠯᠡᠭᠦ ᠳᠤ
ᠴᠠᠰᠤ ᠪᠢᠰᠢ᠂ ᠰᠢᠷᠠ ᠡᠯᠡᠰᠤ ᠡ︕ ᠭᠡᠵᠤ
ᠨᠠᠢ᠌ᠵᠠ ᠮᠢᠨᠢ ᠠᠭᠤᠷᠳᠠᠢ ᠦᠴᠢᠨᠠ ᠪᠢᠯᠠ︕
ᠰᠤᠨᠢᠨ ᠶᠠᠭᠤ ᠪᠠᠢ᠌ᠨᠠ ᠭᠡᠵᠤ
ᠰᠤᠷᠤᠭᠴᠢᠳ ᠡᠴᠡ ᠪᠠᠨ ᠠᠰᠠᠭᠤᠬᠤ ᠳᠤ
ᠦᠨᠦ ᠭᠡᠳᠤᠨ ᠡᠳᠦᠷ ᠢᠮᠠᠭᠠ ᠪᠠᠷᠢᠵᠤ ᠪᠠᠢ᠌ᠨᠠ ᠭᠡᠨᠡ ᠭᠡᠵᠤ
ᠠᠷᠪᠠᠭᠠᠳᠬᠠᠨ ᠨᠠᠰᠤ ᠲᠡᠶ ᠬᠡᠦᠬᠡᠳ ᠤᠳ ᠮᠢᠨᠢ
ᠭᠡᠯᠡ ᠪᠠᠨ ᠪᠣᠯᠳᠠᠯᠵᠠᠭᠤᠯᠤᠨ ᠪᠣᠯᠢᠶᠠᠯᠳᠤᠨ ᠶᠠᠷᠢᠬᠤ ᠳᠤ
ᠳᠦᠭᠦᠭᠡ ᠲᠡᠶ ᠰᠢᠭ᠌ ᠨᠢᠭᠡ ᠨᠢ
ᠪᠠᠭᠰᠢ ᠳᠠ ᠢᠮᠠᠭᠠ ᠲᠡᠶ ᠦᠦ︖ ᠪᠢ ᠪᠠᠷᠰ ᠲᠡᠶ ᠭᠡᠵᠤ
ᠲᠦᠪ ᠴᠢᠷᠠᠢ᠌ᠯᠠᠴᠢᠬᠠᠭᠰᠠᠨ ᠠᠰᠠᠭᠤᠨᠠ ᠪᠢᠯᠠ
ᠶᠠᠭᠠᠭᠢᠬᠤᠪ ᠳ᠋ᠠ᠂ ᠭᠦᠭᠡᠷᠦᠭᠦᠢ︕
ᠴᠢᠨ᠋ᠸᠠ
ᠪᠣᠰᠤᠳ ᠤᠨ ᠶᠠᠭᠤᠮᠠᠨ ᠳᠤ ᠳᠤᠷᠠᠯᠠᠵᠤ
ᠰᠦᠨᠢ ᠪᠠᠷ ᠵᠢᠷᠤᠭᠠᠯᠠᠭᠰᠠᠨ ᠬᠤᠪᠢᠠᠴᠢᠷ ᠪᠣᠳᠤᠯ
ᠪᠠᠢ᠌ᠭᠠᠯᠢ ᠣᠷᠴᠢᠨ ᠲᠡᠶ ᠪᠠᠨ ᠵᠤᠭᠢᠴᠠᠯᠳᠤᠭᠰᠠᠨ
ᠰᠥᠵᠢᠭ᠌ ᠳᠠᠭᠠᠵᠤ ᠨᠢᠯᠪᠣᠷᠠᠬᠤ ᠪᠠᠭ
ᠦᠷᠦᠭᠡᠯ ᠢ ᠭᠠᠢ᠌ᠳᠠᠭᠤᠯᠤᠨ ᠦᠪᠡᠷ ᠢ ᠪᠠᠨ ᠪᠣᠷᠳᠤᠬᠤ
ᠴᠢᠨᠤ ᠠᠰᠢᠭ ᠢ ᠭᠠᠳᠠᠭᠰᠢ ᠰᠠᠴᠤᠭᠰᠠᠨ ᠨᠠᠷᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠲᠦᠰᠢᠶᠠᠳᠤ ᠬᠤᠰᠢᠭᠤᠨ ᠤ ᠭᠦᠡᠳᠡᠯᠡᠨ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠡ᠊·ᠳᠠᠮᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2622
ᠴᠠᠭ᠄ 2011 ᠤᠨ ᠤ 04 ᠰᠠᠷᠠ ᠶᠢᠨ 27
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ