ᠪᠣᠯᠵᠤᠭ᠎ᠠ ᠪᠠᠷ ᠪᠢᠰᠢ ᠢᠷᠦᠭᠡᠯ ᠶᠢᠡᠷ ᠣᠴᠠᠷᠠᠭᠰᠠᠨ

ᠪᠣᠯᠪᠠᠷᠠᠢ ᠭᠦᠭᠡᠷᠦᠭᠦᠨ ᠦᠬᠢᠨ ᠴᠢᠮ᠎ᠠ ᠳ᠋ᠤ

ᠪᠣᠳᠤᠯ ᠶᠢᠡᠷ ᠪᠢᠰᠢ ᠢᠳᠡᠭᠡᠯ ᠶᠢᠡᠷ ᠣᠶᠠᠷᠠᠭᠰᠠᠨ

ᠪᠣᠯᠭᠢᠯᠠᠬᠤ ᠵᠢᠷᠦᠭᠡᠨ ᠤ ᠬᠠᠢ᠌ᠷ᠎ᠠ ᠶᠢ ᠰᠢᠪᠠᠨᠠᠨᠠᠮ

ᠬᠠᠩᠭᠢᠨ ᠨᠤᠳᠤᠭ ᠤᠨ ᠰᠦᠨᠢ ᠶᠢᠨ ᠠᠭᠠᠷ

ᠬᠠᠩᠭᠢᠨᠠᠮ᠎ᠠ ᠡᠭᠡᠰᠢᠭ᠌ ᠲᠤ ᠣᠶᠠᠰᠤᠭᠠᠤᠨ ᠪᠠᠢ᠌ᠯ᠎ᠠ

ᠬᠠᠷᠢ ᠬᠤᠰᠢᠭᠤᠨ ᠤ ᠦᠬᠢᠨ ᠴᠢᠮ᠎ᠠ ᠵᠢ

ᠬᠠᠢ᠌ᠷᠠᠯᠠᠬᠤ ᠰᠡᠳᠭᠢᠯ ᠳᠦᠷᠦᠭ᠍ᠳᠡᠭᠡᠳ ᠪᠠᠢ᠌ᠯ᠎ᠠ

ᠰᠠᠷᠠᠨ ᠠᠪᠠᠬᠠᠢ ᠰᠢᠭ ᠭᠤᠶᠤᠮᠰᠤᠭ ᠦᠭᠡᠶ ᠴᠤ

ᠰᠠᠢ᠌ᠬᠠᠨ ᠠᠭᠠᠯᠢᠨ ᠳᠤ ᠴᠢᠨᠢ ᠪᠢ ᠰᠤᠭᠳᠤᠭᠤᠷᠠᠪᠠ

ᠰᠠᠷᠭᠠᠢ ᠶᠢᠨ ᠦᠨᠦᠷᠳᠠᠢ ᠰᠦᠨᠢ ᠶᠢᠨ ᠥᠳᠡᠰᠢᠯᠡᠭᠡ ᠳᠡᠭᠡᠷ᠎ᠡ

ᠰᠠᠨᠠᠭ᠎ᠠ ᠰᠡᠳᠭᠢᠯ ᠮᠢᠨᠢ ᠳᠡᠩᠳᠡᠭᠦᠤ ᠳᠤᠭᠳᠤᠯᠪᠠ

ᠨᠠᠢ᠌ᠷ ᠦᠨᠳᠦᠷᠯᠠᠵᠤ ᠵᠤᠴᠢᠨ ᠳᠠᠷᠬᠠᠬᠤ ᠪᠠᠷ

ᠨᠠᠭᠠᠳᠤᠮ ᠤᠨ ᠳᠠᠯᠠᠪᠠᠢ ᠡᠴᠡ ᠴᠢ ᠶᠠᠪᠣᠴᠢᠬᠠᠯ᠎ᠠ

ᠨᠠᠷᠭᠢᠬᠤ ᠵᠠᠪᠰᠢᠶᠠᠨ ᠳᠠᠩᠴᠢ ᠬᠤᠮᠰᠠᠳᠠᠭᠰᠠᠨ ᠡᠴᠡ

ᠨᠠᠠᠳᠢᠨ ᠰᠡᠳᠭᠢᠯ ᠮᠢᠨᠢ ᠳᠤᠮᠳᠠᠭᠤᠷᠬᠠᠨ ᠬᠤᠴᠤᠷᠤᠯ᠎ᠠ

ᠣᠷᠠᠭᠳᠠᠬᠤ ᠰᠢᠬᠠᠭᠰᠠᠨ ᠳᠡᠮᠳᠡᠭᠯᠡᠯ ᠤᠨ ᠳᠠᠪᠳᠠᠷ ᠲᠤ ᠮᠢᠨᠢ

ᠣᠳᠠᠰᠤᠨ ᠨᠤᠮᠸᠷ ᠶᠢᠡᠨ ᠥᠯᠡᠳᠡᠭᠡᠵᠤ ᠦᠭ‍ᠭᠦᠭ᠍ᠰᠡᠨ

ᠣᠳᠤᠭ ᠤᠨ ᠡᠮᠦᠨᠡᠳᠤ ᠶᠢᠨ ᠳᠡᠭ᠍ᠵᠢᠨ ᠦᠬᠢᠨ

ᠣᠰᠬᠠᠯ ᠨᠢᠳᠤᠨ ᠳᠤ ᠮᠢᠨᠢ ᠳᠤᠳᠤᠷᠠᠭᠠᠤᠨ ᠪᠠᠢ᠌ᠬᠤ ᠶᠤᠮ

ᠣᠶᠠᠩᠭ᠋ᠠᠳᠤ ᠭᠦᠭ᠍ᠵᠢᠮ ᠤᠨ ᠠᠶ᠎ᠠ ᠶᠢ ᠳᠠᠭᠠᠵᠤ

ᠣᠯᠢᠶᠠᠷᠬᠠᠭ ᠴᠢᠮ᠎ᠠ ᠶᠢ ᠳᠠᠪᠠᠷᠢᠵᠤ ᠪᠦᠵᠢᠭᠯᠡᠭ᠍ᠰᠡᠨ

ᠣᠬᠤᠷᠬᠠᠨ ᠰᠦᠨᠢ ᠶᠢᠨ ᠪᠠᠶᠠᠷᠳᠤ ᠮᠦᠴᠡ

ᠣᠭᠤᠷᠠᠭ ᠳᠠᠷᠢᠭᠢᠨ ᠳᠤ ᠮᠢᠨᠢ ᠪᠣᠳᠤᠭᠳᠠᠭᠠᠤᠨ ᠪᠠᠢ᠌ᠬᠤ ᠶᠤᠮ

ᠳᠤᠷᠠᠯᠠᠵᠤ ᠳᠤᠭᠳᠤᠯᠤᠭᠰᠠᠨ ᠪᠣᠳᠤᠯ ᠤᠨ ᠬᠠᠷᠭᠤᠢ ᠳ᠋ᠤ

ᠳᠤᠷᠮᠤᠭᠤᠷ ᠨᠢᠳᠤ ᠴᠢᠨᠢ ᠰᠢᠯ ᠲᠡᠶ ᠪᠠᠨ ᠦᠯᠠᠳᠠᠯ᠎ᠠ

ᠳᠤᠷᠠᠰᠴᠤ ᠮᠥᠷᠦᠭᠡᠳᠦᠭ᠍ᠰᠡᠨ ᠰᠡᠳᠭᠢᠯ ᠤᠨ ᠵᠥᠷᠢᠭ᠌ ᠳᠤ

ᠳᠤᠷᠤᠨ᠎ᠠ ᠨᠠᠷ᠎ᠠ ᠴᠢᠨᠢ ᠮᠦᠰᠢᠶᠠᠳᠤ ᠲᠡᠶ ᠪᠠᠨ ᠬᠤᠴᠤᠷᠤᠯ᠎ᠠ

ᠴᠠᠰᠤ ᠬᠠᠶᠠᠯᠠᠭᠰᠠᠨ ᠡᠪᠦᠯ ᠤᠨ ᠰᠦᠨᠢ

ᠴᠢᠮ᠎ᠠ ᠲᠡᠶ ᠣᠴᠠᠷᠠᠵᠤ ᠳᠠᠨᠢᠯᠴᠠᠭᠰᠠᠨ ᠶᠤᠮ

ᠠᠭᠢ ᠥᠶᠡᠯᠵᠡᠭ᠍ᠰᠡᠨ ᠬᠠᠪᠣᠷ ᠤᠨ ᠣᠶᠠᠬᠠᠨ ᠳ᠋ᠤ

ᠠᠭᠢᠭᠠᠤᠨ ᠠᠭᠤᠯᠵᠠᠬᠤ ᠢᠷᠦᠭᠡᠯ ᠲᠡᠶ ᠴᠤ ᠪᠣᠯᠤᠭᠠᠰᠠᠢ

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠣᠷᠳᠤᠰ ᠬᠤᠳᠠ ᠶᠢᠨ ᠬᠠᠩᠭᠢᠨ ᠬᠤᠰᠢᠭᠤ