☆ ᠴᠦ᠋᠊·ᠪᠣᠯᠤᠳᠪᠠᠳᠤ
ᠪᠠᠶᠠᠨ ᠦᠨᠳᠦᠷ ᠳᠡᠭᠡᠨ
ᠪᠣᠷᠬᠠᠨ ᠬᠠᠯᠳᠤᠨ ᠨᠢ ᠮᠢᠨᠢ ᠰᠠᠯᠳᠠᠷ
ᠪᠣᠭᠤᠷᠤᠯ ᠳᠡᠦᠭᠡ ᠶᠢᠨ ᠮᠢᠨᠢ ᠳᠤᠮᠤᠭ
ᠪᠠᠶᠠᠨ ᠦᠨᠳᠦᠷ ᠲᠡᠭᠡᠨ ᠪᠢ ᠰᠥᠭᠦᠳᠡᠯᠡ
ᠪᠠᠢ᠌ᠳᠠᠭ ᠴᠢᠳᠠᠯ ᠶᠢᠡᠷ ᠶᠢᠡᠨ ᠪᠢ ᠮᠥᠷᠭᠦᠯᠡ︕
ᠮᠥᠷᠭᠦᠯᠡ ᠪᠢ ᠰᠥᠭᠦᠳᠡᠯᠡ ᠪᠢ
ᠰᠥᠭᠦᠮ ᠪᠠᠶᠠ ᠪᠠᠨ ᠰᠤᠨᠠᠳᠠᠯᠠ
ᠰᠥᠰᠦᠭ᠌ ᠪᠢᠰᠢᠷᠠᠯ ᠶᠢᠡᠨ ᠳᠠᠭᠠᠳᠬᠠᠯᠠ︕
ᠠᠳᠬᠤ ᠣᠯᠠᠭᠠᠨ ᠵᠢᠷᠦᠭᠡ ᠪᠠᠨ
ᠳᠡᠯᠭᠡᠵᠤ ᠪᠠᠢ᠌ᠭᠠᠤᠨ ᠰᠥᠭᠦᠳᠡᠯᠡ ᠪᠢ
ᠠᠯᠳᠠᠷ ᠵᠠᠩᠭ᠋ᠠᠷ ᠤᠨ ᠳᠤᠤᠯᠢ ᠵᠢ
ᠬᠠᠢ᠌ᠯᠠᠵᠤ ᠪᠠᠢ᠌ᠭᠠᠤᠨ ᠮᠥᠷᠭᠦᠯᠡ ᠪᠢ︕
ᠡᠨ᠂ ᠪᠣᠷᠬᠠᠨ ᠠᠭᠤᠯᠠ ᠪᠠᠶᠠᠨ ᠦᠨᠳᠦᠷ ᠮᠢᠨᠢ
ᠴᠥᠭᠦ᠂ ᠬᠠᠢ᠌ᠷᠠᠬᠠᠨ︕ ᠬᠤᠷᠤᠢ ᠬᠤᠷᠤᠢ︕
ᠠᠷᠪᠠᠨ ᠳᠦᠷᠪᠡᠨ ᠰᠤᠮᠤᠨ ᠨᠢ ᠮᠢᠨᠢ ᠳᠠᠭᠢᠯ
ᠠᠷᠤ ᠶᠡᠭᠡ ᠬᠤᠪᠣᠭᠰᠠᠢ᠌ᠷᠢ ᠶᠢᠨ ᠮᠢᠨᠢ ᠰᠠᠭᠢᠭᠤᠯ
ᠪᠠᠶᠠᠨ ᠦᠨᠳᠦᠷ ᠲᠡᠭᠡᠨ ᠪᠢ ᠰᠥᠭᠦᠳᠡᠯᠡ
ᠪᠠᠷᠠᠭᠠᠨ ᠤ ᠭᠠᠵᠠᠷ ᠡᠴᠡ ᠪᠢ ᠮᠥᠷᠭᠦᠯᠡ︕
ᠮᠥᠷᠭᠦᠯᠡ ᠪᠢ ᠰᠥᠭᠦᠳᠡᠯᠡ ᠪᠢ
ᠰᠠᠪᠠᠳᠠᠭ ᠰᠢᠪᠠᠳᠡᠭ᠌ ᠨᠢ ᠳᠠᠨᠢ᠌ᠳᠠᠯᠠ
ᠰᠠᠪᠠᠨ ᠰᠠᠪᠠᠨ ᠣᠨᠠᠯᠠ ᠪᠢ
ᠰᠠᠨᠠᠭᠠ ᠰᠡᠳᠭᠢᠯ ᠶᠢᠡᠨ ᠠᠭᠤᠳᠠᠯᠠᠵᠤ
ᠵᠢᠦᠡᠭᠦᠨ ᠵᠢᠦᠡᠭᠦᠨ ᠰᠥᠭᠦᠳᠡᠯᠡ ᠪᠢ
ᠰᠠᠢ᠌ᠷᠢ ᠶᠢᠨ ᠠᠭᠤᠯᠠ ᠶᠢᠨ ᠠᠯᠳᠠᠷ ᠢ
ᠳᠠᠭᠤᠳᠠᠨ ᠪᠠᠢ᠌ᠵᠤ ᠮᠥᠷᠭᠦᠯᠡ ᠪᠢ
ᠡᠨ᠂ ᠠᠷᠢᠶᠠ ᠰᠠᠮᠫᠢᠯ ᠳᠤᠷᠵᠢ ᠴᠤᠭᠤᠳᠤᠪ ᠮᠢᠨᠢ
ᠴᠥᠭᠦ᠂ ᠬᠠᠢ᠌ᠷᠠᠬᠠᠨ︕ ᠬᠤᠷᠤᠢ ᠬᠤᠷᠤᠢ︕
ᠳᠤᠤᠯᠢ ᠵᠠᠩᠭ᠋ᠠᠷ ᠤᠨ ᠮᠢᠨᠢ ᠳᠠᠰᠤᠷᠬᠠᠢ ᠭᠡᠵᠤ
ᠳᠡᠦᠭᠡ ᠱᠠᠰᠳᠢᠷ ᠤᠨ ᠥᠭᠦᠷᠭᠡᠢ ᠭᠡᠵᠤ
ᠪᠠᠶᠠᠨ ᠦᠨᠳᠦᠷ ᠲᠡᠭᠡᠨ ᠪᠢ ᠰᠥᠭᠦᠳᠡᠯᠡ
ᠪᠠᠶᠠᠨ ᠭᠦᠩᠭᠡᠢ ᠶᠢᠨ ᠰᠢᠭ᠌ ᠮᠥᠷᠭᠦᠯᠡ︕
ᠮᠥᠷᠭᠦᠯᠡ ᠪᠢ ᠰᠥᠭᠦᠳᠡᠯᠡ ᠪᠢ
ᠵᠠᠩᠭ᠋ᠠᠷ ᠠᠳᠤᠭᠤᠳ ᠤᠨ ᠳᠤᠷᠤᠭᠤ ᠡᠴᠡ
ᠮᠦᠷᠳᠤᠷᠴᠤ ᠣᠨᠠᠭᠰᠠᠨ ᠭᠡᠵᠤ ᠪᠢ ᠪᠢᠰᠢᠷᠠᠯᠠ︕
ᠳᠦᠷᠪᠡᠨ ᠠᠯᠳᠠ ᠵᠠᠠᠽᠠᠨ ᠳ᠋ᠤᠨᠢ
ᠭᠡᠢ ᠮᠤᠷᠢ ᠳᠡᠯᠰᠡᠭᠡᠵᠤ ᠰᠥᠭᠦᠳᠡᠯᠡ ᠪᠢ
ᠳᠦᠷᠪᠡᠨ ᠵᠥᠭ᠌ ᠤᠨ ᠣᠪᠣᠭᠠ ᠡᠴᠡ
ᠭᠡᠰᠢᠭ᠌ ᠪᠣᠶᠠ ᠬᠤᠷᠣᠢ᠌ᠯᠠᠵᠤ ᠮᠥᠷᠭᠦᠯᠡ ᠪᠢ︕
ᠡᠨ᠂ ᠴᠠᠭᠰᠢᠪ᠂ ᠭᠤᠠᠴᠢᠭ ᠰᠤᠮᠤ ᠮᠢᠨᠢ
ᠴᠥᠭᠦ᠂ ᠬᠠᠢ᠌ᠷᠠᠬᠠᠨ︕ ᠬᠤᠷᠤᠢ ᠬᠤᠷᠤᠢ︕
2009.6.18
ᠵᠤᠬᠢᠶᠠᠭᠴᠢ᠄ ᠴᠦ᠋᠊·ᠪᠣᠯᠤᠳᠪᠠᠳᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2644
ᠴᠠᠭ᠄ 2009 ᠤᠨ ᠤ 06 ᠰᠠᠷᠠ ᠶᠢᠨ 30
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ