☆ ᠭᠦᠩ ᠳᠢᠶᠧ ᠯᠦᠩ
ᠠᠪᠣ ᠶᠢᠨ ᠮᠢᠨᠢ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ
ᠠᠪᠣ ᠶᠢᠨ ᠮᠢᠨᠢ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠡᠴᠠ
ᠠᠶᠠᠰ ᠤᠨ ᠰᠠᠯᠭᠢ ᠢᠯᠪᠢᠨ ᠦᠨᠦᠰᠤᠨᠡ
ᠷᠠᠰᠢᠶᠠᠨ ᠬᠤᠷᠠ ᠰᠢᠪᠠᠷᠠᠨ ᠪᠠᠭᠤᠨᠠ
ᠠᠷᠢᠭᠤᠨ ᠬᠠᠳᠠᠭ ᠢᠷᠦᠭᠡᠯ ᠶᠢᠡᠷ ᠳᠡᠯᠭᠡᠨᠡ
ᠠᠳᠤᠭᠤᠨ ᠰᠦᠷᠦᠭ᠌ ᠦᠣᠷᠰᠠᠨ ᠳᠠᠪᠭᠢᠨᠠ
ᠠᠪᠣ ᠶᠢᠨ ᠮᠢᠨᠢ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠡᠴᠠ
ᠬᠤᠷᠮᠤᠰᠳᠠ ᠳᠡᠭ᠍ᠷᠢ ᠤᠶᠠᠩᠭᠠ ᠪᠠᠷ ᠴᠠᠯᠮᠠᠢ᠌ᠨᠡ
ᠬᠤᠷᠸᠠ ᠳᠡᠯᠡᠭᠡᠢ ᠨᠠᠢ᠌ᠷᠠᠭ ᠶᠢᠡᠷ ᠰᠠᠷᠠᠭᠤᠯᠵᠢᠨᠠ
ᠬᠤᠷᠴᠢᠨ ᠰᠤᠶᠤᠯ ᠨᠠᠷᠠ ᠲᠡᠶ ᠳᠤᠶᠠᠭᠠᠷᠠᠨᠠ
ᠬᠤᠳᠤᠭ ᠪᠣᠶᠠᠨ ᠦᠨᠢ ᠣᠷᠤᠰᠢᠨᠠ
ᠠᠪᠣ ᠶᠢᠨ ᠮᠢᠨᠢ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠡᠴᠠ
ᠰᠦᠷᠦᠭ᠌ ᠤᠨ ᠳᠠᠯᠠᠢ ᠳᠠᠯᠠ ᠪᠦᠷᠭᠦᠨᠡ
ᠰᠦᠨ ᠦᠨᠦᠷ ᠭᠦᠮᠦᠰ ᠢ ᠰᠤᠭᠳᠤᠭᠠᠨᠠ
ᠰᠥᠰᠦᠭ᠌ ᠪᠢᠰᠢᠷᠠᠯ ᠵᠢᠷᠦᠭᠡᠨ ᠳᠤ ᠪᠣᠴᠠᠯᠤᠨᠠ
ᠰᠥᠵᠢᠷᠭᠦ ᠰᠤᠶᠤᠯ ᠴᠢᠰᠤᠨ ᠳᠤ ᠦᠶᠡᠷᠯᠠᠨᠡ
ᠠᠪᠣ ᠶᠢᠨ ᠮᠢᠨᠢ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠡᠴᠠ
ᠨᠤᠭᠤᠠᠵᠠᠶᠠᠭᠠ ᠭᠡᠦᠭᠡᠨ ᠤ ᠨᠢᠯᠪᠣᠰᠤ ᠮᠡᠯᠳᠡᠭᠡᠨᠡᠨᠡ
ᠨᠤᠳᠤᠭ ᠣᠰᠤ ᠡᠩᠰᠡᠷᠡᠨ ᠣᠭᠢᠯᠠᠨᠠ
ᠨᠤᠭᠤᠰᠤ ᠭᠠᠯᠠᠭᠤ ᠪᠣᠴᠠᠨ ᠨᠠᠭᠠᠰᠢᠯᠠᠨᠠ
ᠨᠠᠭᠤᠷ ᠪᠦᠷᠢᠳᠤ ᠠᠢ᠌ᠷᠠᠭ ᠶᠢᠡᠷ ᠳᠤᠯᠭᠢᠶᠠᠯᠠᠨᠠ
ᠠᠪᠣ ᠶᠢᠨ ᠮᠢᠨᠢ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠡᠴᠠ
ᠳᠤᠭᠤᠨᠤᠳᠤ ᠭᠡᠷ ᠳᠡᠦᠭᠡ ᠪᠠᠷ ᠳᠡᠩᠭᠡᠢ᠌ᠨᠡ
ᠳᠤᠭᠳᠠᠬᠤ ᠪᠠᠭᠠᠳᠤᠷ ᠳᠠᠪᠭᠢᠨ ᠢᠷᠠᠨᠡ
ᠳᠤᠭᠤᠷᠭᠠ ᠬᠠᠨᠠ ᠳᠤ ᠰᠠᠷᠠᠨ ᠳᠡᠷᠭᠡᠯᠰᠢᠨᠡ
ᠳᠤᠭᠳᠠᠭᠤᠨ ᠠᠮᠢᠳᠤᠷᠠᠯ ᠵᠢᠷᠭᠠᠯ ᠴᠠᠯᠭᠢᠨᠠ
ᠠᠪᠣ ᠶᠢᠨ ᠮᠢᠨᠢ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠡᠴᠠ
ᠭᠠᠳᠠ ᠮᠠᠢ᠌ᠷᠠᠨ ᠠᠮᠢᠯᠠᠨ ᠪᠣᠰᠤᠨᠠ
ᠭᠠᠯ ᠴᠠᠭᠢᠯᠭᠠᠨ ᠨᠢᠵᠢᠭᠢᠨᠠᠨ ᠴᠠᠭᠢᠯᠤᠨᠠ
ᠭᠠᠯᠳᠤ ᠠᠭᠤᠯᠠ ᠨᠦᠵᠢᠭᠢᠨᠠᠨ ᠳᠠᠯᠪᠠᠷᠠᠨᠡ
ᠭᠠᠯᠪᠠ ᠶᠢᠷᠳᠢᠠᠴᠤ ᠳᠠᠢ᠌ᠪᠠᠨ ᠬᠠᠢ᠌ᠪᠠᠯᠵᠠᠨᠠ
ᠠᠪᠣ ᠶᠢᠨ ᠮᠢᠨᠢ ᠳᠦᠷᠪᠠᠨ ᠣᠳᠠᠰᠤᠳᠤ ᠬᠤᠭᠤᠷ ᠡᠴᠠ
ᠭᠦᠭᠡ ᠰᠤᠳᠤᠷ ᠳᠠᠶᠠᠩ ᠢ ᠳᠤᠷᠭᠢᠭᠤᠯᠤᠨᠠ
ᠭᠦᠯᠦᠭ᠌ ᠤᠨ ᠰᠠᠯᠭᠢ ᠳᠠᠯᠠ ᠳᠤ ᠬᠣᠢ᠌ᠯᠠᠷᠠᠨᠠ
ᠭᠦᠳᠦᠰᠤᠨ ᠳᠠᠪᠠᠯᠳᠠᠨ ᠡᠴᠠ ᠴᠢᠩᠭᠢᠰ ᠮᠠᠠᠳᠤᠯᠠᠨᠡ
ᠭᠦᠭᠡᠷᠡᠭᠦ ᠢᠷᠡᠭᠡᠳᠦᠢ ᠨᠠᠷᠠᠨ ᠳᠤᠶᠠᠭᠠᠷᠠᠨᠠ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠵᠢᠷᠢᠮ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠭᠦᠩ ᠳᠢᠶᠧ ᠯᠦᠩ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2629
ᠴᠠᠭ᠄ 2011 ᠤᠨ ᠤ 03 ᠰᠠᠷᠠ ᠶᠢᠨ 26
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ