☆ ᠬᠠ᠊·ᠯᠢᠩᠬᠸᠠ
ᠵᠤᠯᠵᠠᠭᠠᠨ ᠰᠠᠮᠵᠠ ᠡᠷᠳᠡᠨᠢ ᠰᠢᠰᠢ ᠮᠤᠯᠳᠤᠯᠪᠠᠢ
ᠵᠠᠯᠭᠠ ᠳᠦᠭᠦᠷᠡᠩ ᠡᠷᠳᠡᠨᠢ ᠰᠢᠰᠢ
ᠵᠠᠯᠠᠭᠠ ᠰᠠᠠᠵᠢᠭᠨᠠᠭᠤᠯᠤᠨ ᠵᠤᠭᠰᠤᠯᠴᠠᠨᠠ
ᠵᠤᠯᠵᠠᠭᠠᠨ ᠰᠠᠮᠵᠠ ᠰᠠᠭᠰᠤ ᠲᠤᠬᠤᠢ᠌ᠯᠠᠨ
ᠵᠤᠷᠬᠠ ᠪᠠᠷ ᠱᠤᠭᠰᠢᠨ ᠮᠤᠯᠳᠤᠯᠠᠨᠠ
ᠵᠡᠭᠦᠡᠰᠢ ᠪᠠᠷᠠᠭᠤᠠᠰᠢ ᠰᠠᠷᠠᠪᠴᠢᠯᠠᠭᠠᠤᠨ
ᠵᠢᠭᠠᠬᠠᠨ ᠴᠤ ᠠᠨᠢᠷ ᠴᠢᠮᠡᠭᠡ ᠠᠯᠠᠭᠠ
ᠵᠢᠷᠦᠭᠡ ᠳᠦᠭ᠍ᠰᠢᠭᠦᠯᠤᠨ ᠡᠮᠢᠶᠡᠭ᠍ᠰᠡᠭᠡᠷ
ᠵᠡᠭᠦᠨ ᠦᠵᠦᠭᠦᠷ ᠲᠤ ᠭᠠᠷᠬᠤᠯᠠ
ᠵᠠᠬᠠ ᠪᠠᠷ ᠬᠤᠭᠤᠯᠵᠤ ᠪᠠᠢ᠌ᠭᠰᠠᠨ ᠳᠤᠮᠤᠴᠤᠤᠯ
ᠵᠠᠭᠤᠢ ᠬᠤᠯᠠ ᠣᠷᠭᠢᠭᠠᠤᠨ ᠶᠠᠪᠣᠴᠢᠬᠠᠵᠠᠢ
ᠵᠢᠷᠭᠤᠭᠠᠨ ᠬᠤᠪᠢ ᠳᠡᠮᠳᠡᠭᠯᠡᠭ᠍ᠰᠡᠨ ᠴᠤ ᠶᠠᠭᠠᠭᠢᠬᠤᠪ
ᠵᠠᠭᠤᠨ ᠵᠢᠩ ᠪᠣᠳᠠᠭᠠ ᠴᠤ ᠣᠯᠤᠶᠠ ᠭᠡᠮᠡᠨ
ᠵᠤᠷᠢᠭᠯᠠᠨ ᠵᠤᠷᠢᠭᠯᠠᠨ ᠬᠤᠭᠤᠯᠤᠯᠠ
ᠵᠦᠷᠢᠯᠳᠤᠨ ᠵᠦᠷᠢᠯᠳᠤᠨ ᠳᠤᠭᠤᠯᠴᠠᠭᠠᠤᠨ
ᠵᠡᠭᠦᠡᠳᠡᠢ ᠡᠴᠠ ᠨᠠᠷᠠᠨ ᠮᠠᠠᠳᠤᠭᠠᠤᠨ
ᠵᠠᠪᠰᠠᠷᠯᠠᠬᠤ ᠦᠳᠡ ᠪᠣᠯᠳᠠᠯᠠ
ᠵᠥᠭ᠌ ᠭᠠᠷᠤᠭᠠ ᠦᠭᠡᠶ᠁
ᠦᠳᠡ ᠶᠢᠨ ᠬᠤᠭᠤᠯᠠ ᠪᠠᠨ ᠵᠤᠭᠤᠭᠯᠠ ᠭᠡᠳ
ᠡᠷᠭᠢᠮ ᠨᠤᠶᠠᠨ ᠪᠠᠷᠭᠢᠷᠠᠬᠤ ᠰᠤᠨᠤᠰᠳᠠᠨᠠ
ᠡᠮᠧ ᠶᠢᠨ ᠴᠠᠢ᠌ᠷ ᠤᠨ ᠰᠠᠪᠠᠨ ᠳᠤ ᠭᠢᠭ᠍ᠰᠡᠨ
ᠠᠮᠳᠠᠳᠤ ᠲᠦᠮᠦᠰᠦᠨ ᠬᠠᠭᠤᠷᠯᠠᠭᠠ ᠲᠡᠶ ᠪᠣᠳᠠᠭᠠ ᠪᠠᠨ
ᠠᠮᠠᠷᠠᠬᠤ ᠭᠡᠷ ᠤᠨ ᠵᠤᠤᠬᠠᠨ ᠨᠤᠷᠠᠮ ᠳᠤ ᠬᠠᠯᠠᠭᠠᠭᠠᠤᠨ
ᠠᠮᠠ ᠬᠠᠮᠠᠷ ᠶᠢᠡᠨ ᠣᠯᠬᠤ ᠦᠭᠡᠶ ᠴᠢᠭᠢᠯᠠ
ᠠᠩᠭᠠ ᠭᠡᠳᠤᠨ ᠵᠤᠷᠬᠠ ᠬᠤᠭᠤᠯᠤᠭᠰᠠᠨ ᠪᠣᠢ ᠭᠡᠵᠤ
ᠠᠰᠠᠭᠤᠭᠰᠠᠨ ᠭᠦᠮᠤᠨ ᠪᠠᠢ᠌ᠭᠠ ᠥᠭᠡᠢ
ᠠᠩᠬᠠᠷᠤᠭᠤᠯᠵᠤ ᠭᠡᠳᠤᠨ ᠬᠤᠪᠢ ᠦᠭᠭᠦᠯᠡ ᠭᠡᠵᠤ
ᠮᠡᠳᠡᠭ᠍ᠳᠡᠭ᠍ᠰᠡᠨ ᠭᠦᠮᠤᠨ ᠴᠤ ᠪᠠᠢ᠌ᠬᠤ ᠥᠭᠡᠢ
ᠡᠳᠦᠭᠡ ᠪᠣᠳᠤᠬᠤᠯᠠ ᠭᠡᠳᠦᠢ ᠭᠢᠭ᠍ᠰᠡᠨ ᠨᠢ ᠴᠢᠬᠤᠯᠠ ᠪᠢᠰᠢ
ᠣᠷᠤᠯᠴᠠᠭᠰᠠᠨ ᠪᠦᠭᠦᠨ ᠬᠤᠪᠢ ᠲᠡᠶ ᠠᠵᠤᠭᠤ
ᠣᠰᠤᠨ ᠭᠠᠩ ᠡᠴᠠ ᠬᠤᠯᠤ ᠪᠠᠷ ᠤᠳᠬᠤᠨ
ᠠᠰᠠᠭᠵᠤ ᠴᠢᠳᠬᠤᠨ ᠭᠡᠳᠤ ᠣᠭᠤᠴᠢᠯᠠ
ᠭᠦᠳᠡᠯᠵᠡᠭᠡᠶᠡ ︕ ᠭᠡᠳ ᠵᠠᠷᠯᠢᠭᠳᠠᠯᠠ
ᠭᠦᠯ ᠭᠠᠷ ᠨᠢ ᠣᠷᠳᠤ ᠠᠬᠠᠰ ᠭᠦᠮᠦᠰ ᠤᠳ
ᠬᠤᠶᠠᠷ ᠳᠠᠰᠢ ᠪᠠᠨ ᠰᠠᠷᠪᠠᠢ᠌ᠪᠠᠯ ᠪᠣᠯᠤᠴᠢᠬᠠᠨᠠ
ᠭᠦᠭᠡᠷᠦᠭᠦᠢ ᠰᠠᠷᠮᠠᠭᠴᠢᠨ ᠪᠢ
ᠬᠤᠤᠰ ᠵᠤᠷᠬᠠ ᠶᠢᠨ ᠳᠤᠮᠳᠠᠭᠤᠷ
ᠬᠠᠮᠢᠭᠠᠰᠢ ᠪᠠᠨ ᠰᠠᠷᠮᠠᠭᠠᠤᠨ ᠴᠤ ᠭᠦᠷᠭᠦ ᠥᠭᠡᠢ
ᠭᠦᠮᠤᠨ ᠡᠴᠠ ᠪᠣᠤ ᠯᠠ ᠬᠤᠴᠤᠷᠤᠶᠠ ᠭᠡᠳ
ᠭᠦᠴᠤ ᠮᠠᠳᠠᠨ ᠡᠢ᠌ᠰᠢ ᠳᠠᠢ᠌ᠰᠢ ᠵᠢᠷᠤᠭᠠᠯᠠᠨᠠ
ᠭᠦᠷᠳᠤᠨ ᠨᠠᠷᠠ ᠱᠤᠭᠯᠠᠨ ᠢᠨᠢᠶᠡᠮᠰᠦᠭᠯᠡᠨᠡ
ᠭᠦᠭ᠌ ᠤᠨ ᠰᠠᠮᠵᠠ ᠨᠢᠳᠤ ᠳᠤᠷᠮᠤᠯᠵᠠᠭᠤᠯᠤᠨ
ᠬᠤᠭᠤᠰᠤᠨ ᠰᠠᠭᠰᠤ ᠲᠡᠶ ᠪᠠᠨ ᠬᠠᠷᠢᠯᠠ
ᠭᠦᠯᠢᠶᠡᠵᠤ ᠪᠠᠢ᠌ᠭᠰᠠᠨ ᠡᠮᠧ ᠮᠢᠨᠢ
ᠬᠠᠭᠰᠠᠭᠠᠮᠠᠯ ᠰᠢᠷᠠ ᠪᠣᠤᠪᠣ
ᠬᠤᠨᠢᠨ ᠮᠢᠬᠠ ᠲᠡᠶ ᠪᠣᠷᠴᠠᠭ ᠨᠤᠭᠤᠭᠠ ᠢᠳᠡᠭᠦᠯᠦᠯᠡ
ᠭᠦᠯᠦᠰᠤ ᠣᠷᠤᠰᠬᠠᠭᠰᠠᠨ ᠶᠤᠮ ᠴᠢᠨᠢ
ᠬᠠᠷᠠ ᠪᠣᠳᠠᠭᠠ ᠠᠪᠬᠤ ᠳᠤ ᠨᠢᠭᠤᠷ ᠲᠡᠶ ᠭᠡᠵᠤ ᠪᠣᠳᠤᠳᠠᠭ
ᠬᠤᠳᠡᠢ ᠪᠠᠨ ᠪᠠᠷᠢᠭᠠᠤᠨ ᠣᠴᠢᠬᠤᠯᠠᠷ
ᠭᠡᠮᠵᠢᠭ᠍ᠰᠡᠨ ᠦᠭᠡᠶ ᠳᠦᠭᠦᠷᠭᠡᠨ ᠦᠭᠭᠦᠯᠡ
ᠭᠦᠭ᠍ᠰᠡᠨ ᠪᠠᠶᠠᠷᠯᠠᠨ ᠠᠪᠴᠢᠷᠠᠭᠠᠤᠨ ᠡᠵᠢ ᠲᠡᠶ ᠪᠠᠨ ᠴᠠᠢ᠌ᠯᠭᠠᠯᠠ
ᠬᠠᠢ᠌ᠷᠠᠯᠠᠯᠳᠠᠢ ᠳᠤᠷᠠᠰᠤᠯᠳᠠᠢ ᠨᠤᠳᠤᠭ ᠤᠨ ᠵᠢᠠᠨ
ᠬᠠᠷᠠᠮ ᠦᠭᠡᠶ ᠦᠷᠦᠪᠴᠢᠭᠡᠨ ᠰᠡᠳᠭᠢᠯᠳᠠᠨ ᠪᠦᠭᠦᠨ ᠢ
ᠭᠡᠵᠢᠶᠡᠳᠡ ᠮᠠᠷᠳᠠᠰᠢ ᠦᠭᠡᠶ ᠰᠠᠨᠠᠵᠤ ᠶᠠᠪᠣᠨᠠ
2012 ᠣᠨ ᠤ 12 ᠰᠠᠷᠠ ᠵᠢᠨ 19 ᠊ᠤ ᠡᠳᠦᠷ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤ
ᠵᠤᠬᠢᠶᠠᠭᠴᠢ᠄ ᠬᠠ᠊·ᠯᠢᠩᠬᠸᠠ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 10087
ᠴᠠᠭ᠄ 2012 ᠤᠨ ᠤ 12 ᠰᠠᠷᠠ ᠶᠢᠨ 28
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ