☆ ᠪᠣᠷᠵᠢᠭᠢᠨ ᠷᠢᠠᠴᠢᠨ
ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠲᠦᠮᠡᠨ ᠣᠨ ᠨᠡᠭᠦᠵᠤ ᠣᠷᠤᠰᠢᠭᠰᠠᠨ
ᠲᠦᠪᠰᠢᠨ ᠵᠢᠷᠭᠠᠯ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠲᠦᠮᠡᠨ ᠠᠷᠠᠤᠨ ᠨᠢ ᠨᠡᠭᠦᠵᠤ ᠠᠮᠢᠳᠤᠷᠠᠭᠰᠠᠨ
ᠲᠦᠯ ᠤᠨ ᠳᠠᠭᠤᠨ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠮᠢᠩᠭ᠋ᠠᠨ ᠮᠢᠩᠭ᠋ᠠᠨ ᠶᠢᠡᠷ ᠨᠡᠭᠦᠵᠤ ᠣᠳᠤᠷᠯᠠᠭᠰᠠᠨ
ᠮᠢᠠᠳᠠᠰᠤᠨ ᠵᠢᠯᠤᠭᠤ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠮᠢᠠᠵᠢ ᠶᠢᠨ ᠬᠠᠩᠭ᠋ᠠᠢ ᠪᠠᠷ ᠨᠡᠭᠦᠵᠤ ᠪᠠᠭᠤᠭᠰᠠᠨ
ᠮᠢᠯᠢᠶᠠᠯᠭᠠ ᠢᠷᠦᠭᠡᠯ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠠᠷᠭᠠᠯ ᠤᠨ ᠣᠳᠤᠭᠠ ᠨᠢ ᠳᠤᠯᠠᠭᠠᠨ ᠪᠠᠢ᠌ᠳᠠᠭ
ᠠᠵᠢᠯᠴᠢ ᠵᠤᠴᠢᠠᠰᠠᠭ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠠᠷᠠᠵᠠ ᠶᠢᠨ ᠳᠡᠭᠡᠵᠢ ᠪᠠᠨ ᠰᠦᠩᠨᠠᠨ ᠪᠠᠷᠢᠳᠠᠭ
ᠠᠶᠠᠯᠭᠤ ᠢᠷᠠᠭᠤ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠣᠯᠠᠷᠢᠯ ᠶᠢᠡᠨ ᠳᠠᠭᠠᠵᠤ ᠨᠡᠭᠦᠵᠤ ᠮᠠᠯᠵᠢᠳᠠᠭ
ᠣᠳᠤᠮᠰᠢᠯᠳᠤ ᠰᠠᠢ᠌ᠬᠠᠨ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠣᠰᠤ ᠪᠠᠨ ᠳᠠᠭᠠᠵᠤ ᠣᠷᠤᠭᠤᠳᠠᠵᠤ ᠥᠭ᠍ᠰᠦᠳᠡᠭ᠌
ᠣᠷᠳᠤ ᠣᠳᠠᠭᠠᠨ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠣᠷᠭᠠ ᠶᠢᠨ ᠥᠵᠦᠭᠦᠷ ᠲᠤ ᠨᠠᠷᠠᠨ ᠨᠡᠭᠦᠳᠡᠭ᠌
ᠣᠬᠠᠭᠠᠨ ᠴᠡᠯᠮᠡᠭ᠌ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠣᠭᠤᠷᠠᠭ ᠰᠥ᠋ ᠳ᠋ᠤᠨᠢ ᠰᠠᠷᠠᠨ ᠵᠠᠭᠰᠠᠳᠠᠭ
ᠣᠷᠠᠨ ᠠᠪᠢᠶᠠᠰᠯᠢᠭ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠰᠦ᠋ ᠲᠡᠶ ᠴᠠᠢ ᠳ᠋ᠤᠨᠢ ᠣᠷᠮᠠᠰ ᠰᠡᠷᠭᠦᠳᠡᠭ᠌
ᠰᠦᠨᠠᠰᠤ ᠬᠤᠷᠭᠤᠳᠠᠮᠠ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠰᠦᠷ ᠰᠦᠯᠳᠡ ᠳ᠋ᠤᠨᠢ ᠰᠥᠰᠦᠭᠯᠡᠵᠤ ᠪᠢᠰᠢᠷᠡᠳᠡᠭ᠌
ᠰᠥᠰᠦᠭ᠌ ᠶᠡᠭᠡ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠠᠭᠤᠳᠠᠮ ᠳᠠᠯᠠ ᠳᠠᠭᠠᠨ ᠣᠶᠠᠩᠭ᠋ᠠᠷᠠᠨ ᠪᠠᠢ᠌ᠳᠠᠭ
ᠣᠷᠳᠤ ᠶᠢᠨ ᠳᠠᠭᠤᠤ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠠᠭᠤᠯᠠ ᠣᠰᠤᠨ ᠳᠠᠭᠠᠨ ᠡᠭᠡᠨᠡᠭ᠍ᠰᠢᠨ ᠪᠠᠢ᠌ᠳᠠᠭ
ᠤᠶᠠᠩᠭᠠ ᠨᠠᠢ᠌ᠷᠠᠭ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠣᠪᠣᠭᠠ ᠪᠠᠨ ᠳᠠᠭᠢᠵᠤ ᠬᠤᠷᠠ ᠭᠦᠰᠡᠳᠡᠭ᠌
ᠣᠩᠭ᠋ᠤᠳ ᠰᠢᠳᠦᠯᠭᠡ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠣᠯᠤᠭᠰᠠᠨ ᠶᠢᠡᠨ ᠬᠤᠷᠠᠮᠳᠤᠭᠤᠯᠵᠤ ᠣᠢ᠌ᠯᠠᠰ ᠪᠦᠳᠦᠭᠡᠳᠡᠭ᠌
ᠣᠯᠠᠨ ᠨᠠᠢ᠌ᠳᠠ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠳᠤᠯᠭᠠ ᠶᠢᠨ ᠭᠠᠯ ᠨᠢ ᠪᠠᠳᠠᠷᠠᠨ ᠳᠦᠷᠡᠯᠵᠡᠭ᠍ᠰᠡᠨ
ᠳᠤᠭᠤᠷᠭᠠ ᠬᠠᠨᠠ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠳᠤᠭᠤᠯ ᠢᠰᠢᠭᠡ ᠨᠢ ᠳᠤᠭᠯᠠᠨ ᠭᠦᠶᠦᠭ᠍ᠰᠡᠨ
ᠳᠤᠭᠤᠷᠠᠢ ᠶᠢᠨ ᠳᠠᠮᠠᠭᠠ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠪᠦᠭᠡ ᠪᠠᠷᠢᠯᠳᠤᠵᠤ ᠮᠤᠷᠢ ᠣᠷᠤᠯᠳᠤᠳᠠᠭ
ᠡᠷᠡ ᠶᠢᠨ ᠰᠢᠠᠳᠠᠰᠤ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠪᠦᠵᠢᠭᠯᠡᠵᠤ ᠰᠢᠯᠦᠭᠯᠡᠵᠤ ᠨᠠᠢ᠌ᠷᠯᠠᠨ ᠳᠠᠭᠤᠯᠠᠳᠠᠭ
ᠡᠷᠳᠡᠮ ᠪᠢᠯᠢᠭ᠌ ᠲᠡᠶ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠮᠤᠷᠢᠨ ᠳᠠᠯ ᠳᠡᠭᠡᠭᠦᠷ ᠴᠠᠭᠢᠯᠤᠭᠰᠠᠨ
ᠮᠠᠭᠢᠷ ᠰᠠᠯᠠᠮᠠ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠮᠠᠷᠺᠰ ᠤᠨ ᠨᠤᠳᠤᠭ ᠭᠦᠷᠳᠡᠯᠡ ᠳᠠᠪᠭᠢᠭᠰᠠᠨ
ᠮᠠᠷᠱ ᠠᠶᠠᠯᠠᠯ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠡᠷᠭᠦᠨᠡ ᠬᠤᠨ ᠡᠴᠠ ᠳᠠᠪᠳᠠᠷᠢᠨ ᠨᠢᠰᠦᠭ᠍ᠰᠡᠨ
ᠡᠷᠡᠯᠭᠡᠭ᠌ ᠪᠦᠷᠭᠦᠤᠨ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠡᠩᠨᠡᠷᠡᠨ ᠵᠡᠯᠡᠯᠡᠭᠦ ᠰᠢᠪᠠᠭᠤᠳ ᠨᠤᠳᠤᠭᠰᠢᠭᠰᠠᠨ
ᠡᠭᠡ ᠣᠷᠤᠨ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠠᠭᠠᠷ ᠨᠢ ᠭᠦᠷᠳᠡᠯᠡ ᠰᠦᠨ ᠦᠨᠦᠷ ᠳᠠᠢ
ᠠᠮᠤᠭᠤᠯᠠᠩᠳᠤ ᠳᠦᠷᠤ ᠶᠢᠨ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠠᠳᠬᠤᠭᠰᠠᠨ ᠮᠦᠰᠤ ᠶᠢᠨ ᠬᠠᠳᠠᠭᠤ ᠰᠤᠷᠭᠠᠯ ᠳᠠᠢ
ᠠᠯᠤᠩᠭ᠋ᠤᠸᠠ ᠡᠭᠡ ᠶᠢᠨ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠨᠠᠮᠤᠷᠵᠢᠶᠠ ᠡᠪᠦᠯᠵᠢᠶᠡ ᠬᠠᠪᠣᠷᠵᠢᠶᠠ ᠵᠤᠰᠠᠯᠠᠩ
ᠨᠠᠷᠮᠠᠢ ᠶᠡᠭᠡ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠨᠠᠮᠳᠠᠷ ᠳᠡᠦᠭᠡ ᠦᠨᠢ ᠣᠳᠠᠭᠠᠨ
ᠨᠠᠷᠠᠨ ᠵᠥᠭ᠌ ᠤᠨ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠨᠠᠰᠤ ᠨᠠᠰᠤ ᠡᠴᠠ ᠪᠠᠨ ᠠᠷᠪᠢᠨ ᠨᠡᠭᠦᠭ᠍ᠰᠡᠨ
ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤ ᠡᠴᠠ ᠪᠠᠨ ᠣᠯᠠᠨ ᠨᠡᠭᠦᠭ᠍ᠰᠡᠨ
ᠨᠦᠵᠢ ᠠᠳᠬᠤᠵᠤ ᠳᠡᠯᠡᠭᠡᠢ ᠳᠤ ᠨᠡᠭᠦᠭ᠍ᠰᠡᠨ
ᠨᠠᠷᠠ ᠨᠢ ᠭᠦᠷᠳᠡᠯᠡ ᠽᠠᠮᠪᠣᠯᠢᠩ ᠳᠤ ᠨᠡᠭᠦᠭ᠍ᠰᠡᠨ
ᠡᠴᠢᠭᠡ ᠳᠡᠭ᠍ᠷᠢ ᠡᠴᠠ ᠡᠰᠢ ᠢᠪᠠᠭᠡᠯ ᠳᠠᠢ
ᠶᠢᠰᠦᠭᠡᠢ ᠳᠤᠭᠤᠷᠭᠠᠳᠠᠨ ᠤ ᠨᠡᠭᠦᠳᠡᠯ ᠮᠤᠩᠭ᠋ᠤᠯ
ᠶᠢᠷᠳᠢᠠᠴᠤ ᠳᠡᠯᠡᠭᠡᠢ ᠶᠢᠨ ᠦᠪ ᠰᠤᠶᠤᠯ ᠳᠠᠢ
ᠡᠵᠡᠨ ᠴᠢᠩᠭᠢᠰ ᠤᠨ ᠨᠡᠭᠦᠳᠡᠯ ᠮᠤᠩᠭ᠋ᠤᠯ ᠡ ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠭᠦᠯᠤᠨ ᠪᠣᠢ᠌ᠷ ᠬᠤᠳᠠ ᠶᠢᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨ ᠤ ᠠᠵᠢᠯ ᠮᠡᠷᠭᠡᠵᠢᠯ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ
ᠵᠤᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠷᠢᠠᠴᠢᠨ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2819
ᠴᠠᠭ᠄ 2012 ᠤᠨ ᠤ 04 ᠰᠠᠷᠠ ᠶᠢᠨ 25
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ