☆ ᠳᠠᠪᠬᠤᠷᠪᠠᠶᠠᠷ
ᠵᠢᠰᠤ ᠪᠠᠷ ᠰᠢᠨᠡᠭᠡᠨ ᠰᠤᠷᠭᠠᠭᠤᠯᠢ ᠮᠢᠨᠢ
ᠲᠦᠰᠢᠶᠠᠳᠤ ᠶᠢᠨ ᠪᠠᠶᠠᠠᠬᠤᠰᠢᠭᠤ ᠵᠢᠷᠭᠤᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠡᠷᠭᠦᠪᠡ
ᠵᠥᠯᠭᠡᠨ ᠤ ᠴᠡᠴᠡᠭᠡᠰ ᠰᠢᠭᠦᠳᠡᠷᠢ ᠪᠦᠩᠵᠢᠭᠡᠨᠡᠭᠦᠯᠦᠭᠡᠳ
ᠳᠠᠯᠪᠢ ᠪᠠᠨ ᠵᠠᠳᠠᠯᠤᠭᠠᠤᠨ ᠳᠡᠯᠭᠡᠷᠡᠭᠦ ᠰᠢᠭ᠌ ᠭᠤᠶᠤᠬᠠᠨ
ᠵᠡᠭᠦᠳᠤᠨ ᠤ ᠰᠤᠪᠢᠩ ᠡᠳᠦᠷ ᠣᠭᠳᠤᠩᠬᠠᠨ
ᠶᠢᠯᠧᠢ ᠪᠠᠨ ᠭᠠᠢ᠌ᠬᠠᠭᠤᠯᠤᠭᠠᠤᠨ ᠢᠯᠡᠷᠡᠭᠦ ᠰᠢᠭ᠌ ᠠᠶᠠᠳᠠᠢ᠌ᠬᠠᠨ
ᠵᠢᠰᠤ ᠪᠠᠷ ᠰᠢᠨᠡᠭᠡᠨ ᠰᠤᠷᠭᠠᠭᠤᠯᠢ ᠮᠢᠨᠢ
ᠵᠢᠷᠦᠭᠡᠨ ᠤ ᠬᠠᠢ᠌ᠷᠠ ᠶᠢ ᠳᠠᠳᠠᠨ ᠰᠦᠨᠳᠠᠷᠯᠠᠨᠡ
ᠳᠤᠷᠣᠢ᠌ᠭᠠᠤᠨ ᠬᠠᠷᠠᠭᠳᠠᠬᠤ ᠰᠠᠢ᠌ᠬᠠᠨ ᠪᠠᠷᠠ ᠳᠠᠢ
ᠳᠤᠷᠨᠢᠭᠠᠤᠨ ᠮᠡᠳᠡᠯᠭᠡᠵᠢᠭᠦ ᠶᠢᠨ ᠰᠤᠳᠤᠨ ᠰᠤᠷᠭᠠᠭᠤᠯᠢ
ᠳᠠᠭᠤᠷᠢᠯᠢᠭ ᠲᠦᠰᠢᠶᠠᠳᠤ ᠶᠢᠨ ᠰᠤᠶᠤᠯ ᠤᠨ ᠭᠦᠷᠦᠰᠤ
ᠳᠤᠮᠤᠭᠳᠤ ᠲᠦᠮᠡᠨ ᠤ ᠪᠠᠨ ᠰᠢᠨᠠᠴᠢᠯᠠᠯ ᠤᠨ ᠳᠦᠷᠦᠭᠡ
ᠵᠢᠰᠤ ᠪᠠᠷ ᠰᠢᠨᠡᠭᠡᠨ ᠰᠤᠷᠭᠠᠭᠤᠯᠢ ᠮᠢᠨᠢ
ᠵᠢᠷᠦᠭᠡᠨ ᠤ ᠬᠠᠢ᠌ᠷᠠ ᠶᠢ ᠳᠠᠳᠠᠨ ᠰᠦᠨᠳᠠᠷᠯᠠᠨᠡ
ᠰᠠᠷᠠᠨ ᠭᠦᠷᠳᠡᠯᠡ ᠢᠴᠢᠮᠠᠷ ᠰᠤᠷᠭᠠᠭᠤᠯᠢ ᠳᠤ ᠪᠠᠨ
ᠰᠠᠢ᠌ᠬᠠᠨ ᠮᠠᠷᠭᠠᠰᠢ ᠪᠠᠨ ᠪᠢᠳᠠ ᠵᠢᠷᠤᠭᠯᠠᠨᠠ
ᠰᠠᠷᠠᠭᠤᠯ ᠳᠢᠩᠭᠢᠮ ᠳᠤ ᠪᠠᠨ ᠡᠷᠳᠡᠮᠳᠤ ᠪᠠᠭᠰᠢᠨᠠᠷ ᠮᠢᠨᠢ
ᠰᠠᠪᠠ ᠶᠢᠷᠳᠢᠠᠴᠤ ᠶᠢᠨ ᠨᠢᠭᠤᠴᠠ ᠶᠢ ᠣᠯᠠᠮᠵᠢᠯᠠᠨᠠ
ᠵᠢᠰᠤ ᠪᠠᠷ ᠰᠢᠨᠡᠭᠡᠨ ᠰᠤᠷᠭᠠᠭᠤᠯᠢ ᠮᠢᠨᠢ
ᠵᠢᠷᠦᠭᠡᠨ ᠤ ᠬᠠᠢ᠌ᠷᠠ ᠶᠢ ᠳᠠᠳᠠᠨ ᠰᠦᠨᠳᠠᠷᠯᠠᠨᠡ
ᠠᠭᠤᠯᠠᠨ ᠤ ᠪᠣᠭᠤ ᠭᠠᠯᠪᠢᠷ ᠲᠤ ᠴᠢᠨᠢ ᠳᠠᠳᠠᠭᠳᠠᠭᠠᠤᠨ
ᠨᠠᠮᠤᠷ ᠲᠤ ᠪᠠᠨ ᠰᠢᠩᠭᠡᠭᠡᠳ ᠣᠷᠤᠮᠳᠠᠮᠠᠷᠬᠠᠨ
ᠬᠤᠤᠯᠢᠨ ᠤ ᠵᠢᠭᠠᠰᠤ ᠪᠠᠷᠠ ᠳᠤ ᠴᠢᠨᠢ ᠬᠤᠷᠭᠤᠳᠠᠭᠠᠤᠨ
ᠴᠡᠭᠡᠯ ᠳᠤ ᠪᠠᠨ ᠢᠴᠡᠭᠡᠳ ᠢᠷᠭᠠᠯᠮᠠᠷᠬᠠᠨ
ᠵᠢᠰᠤ ᠪᠠᠷ ᠰᠢᠨᠡᠭᠡᠨ ᠰᠤᠷᠭᠠᠭᠤᠯᠢ ᠮᠢᠨᠢ
ᠵᠢᠷᠦᠭᠡᠨ ᠤ ᠬᠠᠢ᠌ᠷᠠ ᠶᠢ ᠳᠠᠳᠠᠨ ᠰᠦᠨᠳᠠᠷᠯᠠᠨᠡ
ᠵᠢᠷᠦᠭᠡᠨ ᠠᠭᠤᠯᠠ ᠴᠢᠨᠢ ᠨᠠᠯᠠᠭᠠᠷᠬᠠᠨ ᠣᠯᠠᠢ᠌ᠭᠠᠤᠨ
ᠦᠵᠡᠮᠵᠢ ᠪᠠᠷ ᠪᠦᠷᠢᠨ ᠵᠥᠮᠪᠦᠷᠯᠡᠩᠭᠡᠨ ᠪᠠᠢ᠌ᠨᠠ
ᠬᠠᠩᠭ᠋ᠠᠯ ᠤᠨ ᠣᠰᠤᠨ ᠴᠢᠨᠢ ᠵᠢᠮᠦᠭᠦᠨ ᠴᠡᠯᠮᠡᠭᠡᠳ
ᠬᠠᠷᠠᠴᠠ ᠪᠠᠷ ᠣᠶᠠᠬᠠᠨ ᠰᠢᠷᠳᠡᠩᠭᠡᠨ ᠪᠠᠢ᠌ᠨᠠ
ᠵᠢᠰᠤ ᠪᠠᠷ ᠰᠢᠨᠡᠭᠡᠨ ᠰᠤᠷᠭᠠᠭᠤᠯᠢ ᠮᠢᠨᠢ
ᠵᠢᠷᠦᠭᠡᠨ ᠤ ᠬᠠᠢ᠌ᠷᠠ ᠶᠢ ᠳᠠᠳᠠᠨ ᠰᠦᠨᠳᠠᠷᠯᠠᠨᠡ
ᠨᠠᠷᠠᠨ ᠭᠦᠷᠳᠡᠯᠡ ᠠᠳᠠᠭᠠᠷᠠᠮᠠᠷ ᠰᠤᠷᠭᠠᠭᠤᠯᠢ ᠳᠤ ᠪᠠᠨ
ᠨᠤᠭᠤᠭᠠᠨ ᠭᠦᠰᠡᠯ ᠶᠢᠡᠨ ᠪᠢᠳᠠ ᠣᠷᠭᠤᠭᠤᠯᠤᠨᠠ
ᠨᠠᠪᠴᠢᠨ ᠵᠢᠷᠭᠠᠯᠳᠤ ᠰᠠᠢ᠌ᠬᠠᠨ ᠴᠤᠭᠴᠠᠰ ᠮᠢᠨᠢ
ᠨᠠᠮ ᠤᠨ ᠶᠢᠡᠨ ᠠᠴᠢ ᠪᠠᠷ ᠢᠳᠡᠷᠡᠭᠦᠨ ᠳᠤᠷᠨᠢᠨᠠ
ᠵᠢᠰᠤ ᠪᠠᠷ ᠰᠢᠨᠡᠭᠡᠨ ᠰᠤᠷᠭᠠᠭᠤᠯᠢ ᠮᠢᠨᠢ
ᠵᠢᠷᠦᠭᠡᠨ ᠤ ᠬᠠᠢ᠌ᠷᠠ ᠶᠢ ᠳᠠᠳᠠᠨ ᠰᠦᠨᠳᠠᠷᠯᠠᠨᠡ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠲᠦᠰᠢᠶᠠᠳᠤ
ᠵᠤᠬᠢᠶᠠᠭᠴᠢ᠄ ᠳᠠᠪᠬᠤᠷᠪᠠᠶᠠᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2627
ᠴᠠᠭ᠄ 2011 ᠤᠨ ᠤ 06 ᠰᠠᠷᠠ ᠶᠢᠨ 07
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ