☆ ᠬᠦᠷᠡᠯᠤ᠋ᠨᠢᠰᠤ
ᠭᠦᠭᠡᠷᠦᠭᠦᠢ ᠣᠨᠢᠰᠤ ᠶᠢᠨ ᠣᠴᠢᠷᠯᠠᠯ
ᠭᠠᠭᠴᠠᠭᠠᠷᠳᠠᠵᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠦᠳᠤᠨ ᠰᠦᠨᠢ ᠨᠣᠢ᠌ᠷ ᠬᠤᠯᠵᠢᠭᠠᠤᠨ
ᠪᠣᠰᠤᠳ ᠡᠴᠡ ᠪᠢᠷ ᠵᠢᠭᠡᠯᠡᠵᠤ ᠪᠢᠴᠢᠪᠠᠢ
ᠠᠭᠠᠰᠢ ᠮᠠᠭᠤᠳᠠᠢ ᠠᠮᠢᠳᠤᠷᠠᠯ ᠴᠢ
ᠠᠯᠢᠪᠠ ᠶᠢ ᠳᠠᠩᠳᠠ ᠨᠠᠳᠠ ᠡᠴᠡ ᠬᠠᠷᠠᠮᠨᠠᠭᠠᠤᠨ ᠪᠠᠢ᠌ᠬᠤ ᠶᠤᠮ ᠡ
ᠠᠷᠭᠠ ᠪᠠᠷᠠᠭᠳᠠᠵᠤ ᠪᠣᠭᠢᠨᠢᠳᠤᠯ ᠭᠡᠴᠡᠭᠦᠳᠡᠭᠦ ᠳᠤ ᠯᠠ ᠴᠢ
ᠠᠵᠠ ᠮᠠᠭᠤᠳᠠᠢ ᠨᠣᠢ᠌ᠷ ᠢ ᠮᠢᠨᠢ ᠬᠤᠯᠵᠢᠭᠤᠯᠤᠭᠠᠤᠨ ᠵᠢᠷᠭᠠᠳᠠᠭ ᠯᠠ ᠪᠠᠢ᠌ᠯᠭᠦᠢ
ᠠᠮᠢᠳᠤᠷᠠᠯ ᠴᠢ ᠭᠡᠷᠪᠡ ᠨᠢᠭᠡᠨ ᠶᠡᠭᠡᠳᠡᠭᠦᠤ ᠵᠠᠩ ᠳᠠᠢ
ᠦᠬᠢᠨ ᠭᠦᠮᠤᠨ ᠪᠣᠯᠤᠭᠰᠠᠨ ᠪᠣᠯ
ᠠᠷᠠᠢ ᠨᠠᠮᠠ ᠶᠢ ᠳᠡᠷᠭᠡᠳᠡ ᠪᠠᠨ ᠪᠠᠢ᠌ᠯᠭᠠᠬᠤ ᠦᠭᠡᠶ ᠪᠠᠢ᠌ᠬᠤ ᠳ᠋ᠠ
ᠠᠮᠢᠳᠤᠷᠠᠯ ᠴᠢ ᠭᠡᠷᠪᠡ ᠨᠢᠭᠡᠨ ᠭᠦᠴᠤ ᠳᠤᠷᠪᠢᠳᠤ
ᠡᠷᠡ ᠴᠢᠳᠠᠯᠳᠠᠨ ᠪᠣᠯᠤᠭᠰᠠᠨ ᠪᠣᠯ
ᠠᠯᠢ ᠭᠡᠳᠥᠢᠨ ᠨᠠᠮᠠ ᠶᠢ ᠢᠰᠭᠦᠯᠵᠤ ᠬᠤᠯᠠ ᠶᠠᠪᠣᠭᠤᠯᠴᠢᠬᠠᠭᠰᠠᠨ ᠯᠠ ᠪᠠᠢ᠌ᠬᠠ ⁈
ᠠᠮᠢᠳᠤᠷᠠᠯ ᠴᠢ ᠭᠡᠷᠪᠡ ᠵᠠᠩ ᠵᠥᠭᠡᠯᠡᠨ ᠶᠠᠰᠤ ᠬᠠᠳᠠᠭᠤ
ᠠᠪᠣ ᠭᠦᠮᠤᠨ ᠪᠣᠯᠤᠭᠰᠠᠨ ᠪᠣᠯ
ᠠᠯᠢᠪᠠ ᠳᠤ ᠭᠤᠳᠤᠷᠠᠩᠭ᠋ᠤᠢ ᠶᠠᠪᠣᠬᠤ ᠶᠢ ᠮᠢᠨᠢ ᠥᠵᠡᠭᠡᠳ
ᠠᠷᠭᠠᠳᠠᠯ ᠥᠭᠡ᠂ ᠡᠡᠯᠳᠡᠩᠭᠡᠨ ᠰᠤᠷᠭᠠᠯ ᠶᠤᠭᠠᠨ ᠬᠠᠢ᠌ᠷᠠᠯᠠᠬᠤ ᠪᠠᠢ᠌ᠬᠠ ⁈
ᠠᠮᠢᠳᠤᠷᠠᠯ ᠴᠢ ᠭᠡᠷᠪᠡ ᠡᠶᠡᠯᠳᠡᠭ᠌ ᠵᠥᠭᠡᠯᠡᠨ
ᠡᠵᠢ ᠭᠦᠮᠤᠨ ᠪᠣᠯᠤᠭᠰᠠᠨ ᠪᠣᠯ
ᠦᠪᠡᠷ ᠶᠢᠡᠨ ᠦᠪᠡᠷ ᠢ ᠪᠠᠨ ᠠᠷᠭᠠᠳᠠᠬᠤ ᠳᠤ ᠮᠢᠨᠢ ᠪᠠᠶᠠᠷᠬᠠᠵᠤ
ᠰᠦᠨ ᠰᠠᠴᠤᠯᠢ᠂ ᠰᠡᠳᠭᠢᠯ ᠤᠨ ᠴᠠᠭᠠᠨ ᠢᠷᠦᠭᠡᠯ ᠶᠢᠡᠨ ᠪᠠᠯᠭᠡᠯᠡᠭᠦ ᠪᠠᠢ᠌ᠬᠠ ⁈
ᠠᠮᠢᠳᠤᠷᠠᠯ ᠴᠢ ᠭᠡᠷᠪᠡ ᠳᠦᠷᠤ ᠶᠢᠨ ᠰᠢᠳᠤᠷᠭᠤ ᠰᠢᠭᠦᠭ᠍ᠴᠢ
ᠲᠦᠮᠡᠨ ᠤ ᠭᠤᠤᠯᠴᠢ ᠳᠠᠭᠤᠳᠠᠨ
ᠲᠦᠪ ᠶᠤᠰᠤ ᠶᠢ ᠨᠡᠭᠡᠷᠡᠨ ᠳᠡᠷᠢᠭᠦᠨ ᠳᠤ ᠴᠢᠬᠤᠯᠴᠢᠯᠠᠳᠠᠭ ᠶᠤᠮ ᠪᠣᠯ
ᠠᠢ᠌ᠪᠢ ᠴᠠᠢ᠌ᠪᠢ ᠶᠠᠪᠣᠭᠴᠢ ᠦᠴᠦᠭᠡᠨ ᠪᠢ ᠴᠤ ᠢᠩᠭᠢᠵᠤ ᠣᠴᠢᠷᠯᠠᠬᠤ ᠪᠠᠷ ᠦᠭᠡᠶ ᠳ᠋ᠤᠤ
ᠠᠮᠢᠳᠤᠷᠠᠯ᠂ ᠴᠢ ᠨᠠᠮᠠ ᠵᠢ
ᠬᠤᠪᠢ ᠵᠠᠶᠠᠭᠠ ᠪᠠᠷ ᠡᠵᠡᠮᠰᠢᠵᠤ ᠪᠣᠯᠤᠨᠠ
ᠭᠡᠭᠦ ᠳᠤ ᠪᠠᠨ
ᠦᠪᠡᠷ ᠤᠨ ᠮᠢᠨᠢ ᠡᠷᠭᠡ ᠴᠢᠯᠦᠭᠡ ᠶᠢ ᠬᠠᠰᠤᠵᠤ ᠪᠣᠯᠬᠤ ᠦᠭᠡᠶ
ᠠᠮᠢᠳᠤᠷᠠᠯ᠂ ᠴᠢ ᠨᠠᠮᠠ ᠵᠢ
ᠬᠤᠷᠤᠰᠴᠤ ᠡᠯᠳᠡᠪ ᠶᠠᠯᠠᠳᠠᠯᠭᠠ ᠪᠠᠷ ᠰᠢᠳᠭᠡᠵᠤ ᠪᠣᠯᠤᠨᠠ
ᠭᠡᠭᠦ ᠳᠤ ᠪᠠᠨ
ᠬᠠᠢ᠌ᠷᠠ ᠪᠣᠴᠠᠯᠤᠭᠰᠠᠨ ᠬᠠᠯᠠᠭᠤᠨ ᠠᠮᠢᠳᠤᠷᠠᠯ ᠡᠴᠡ ᠭᠦᠡᠳᠡᠢ᠌ᠷᠡᠭᠦᠯᠵᠤ ᠪᠣᠯᠬᠤ ᠦᠭᠡᠶ
ᠠᠮᠢᠳᠤᠷᠠᠯ᠂ ᠴᠢ ᠨᠠᠮᠠ ᠵᠢ
ᠡᠩᠭᠦᠷᠡᠢ᠌ᠯᠡᠵᠤ ᠡᠯᠢᠭᠡᠨ ᠳᠤ ᠪᠠᠨ ᠨᠠᠭᠠᠯᠳᠤᠭᠤᠯᠬᠤ ᠦᠭᠡᠶ ᠪᠠᠢ᠌ᠵᠤ ᠪᠣᠯᠤᠨᠠ
ᠭᠡᠭᠦ ᠳᠤ ᠪᠠᠨ
ᠠᠮᠢᠳᠤᠷᠠᠯ ᠤᠨ ᠠᠯᠢ ᠪᠣᠯᠭᠢ ᠪᠠᠷ ᠭᠠᠴᠢᠵᠤ ᠳᠠᠷᠴᠢᠯᠭᠠᠵᠤ ᠪᠣᠯᠬᠤ ᠦᠭᠡᠶ
ᠠᠮᠢᠳᠤᠷᠠᠯ᠂ ᠴᠢ ᠨᠠᠮᠠ ᠵᠢ
ᠥᠭᠡᠳᠡ ᠦᠭᠡᠶ ᠦᠴᠦᠭᠡᠨ ᠠᠮᠢᠳᠠᠨ ᠶᠢᠡᠷ ᠥᠯᠢᠳᠭᠡᠵᠤ ᠪᠣᠯᠤᠨᠠ
ᠭᠡᠭᠦ ᠳᠤ ᠪᠠᠨ
ᠦᠴᠦᠭᠡᠳᠦᠷ ᠤᠨ ᠥᠡᠳᠡᠭᠡ᠂ ᠥᠨᠦᠳᠦᠷ ᠤᠨ ᠵᠤᠯᠵᠠᠭᠠ ᠶᠢᠡᠷ ᠯᠠ ᠰᠠᠨᠠᠵᠤ
ᠭᠠᠯᠪᠠ ᠳᠤ ᠭᠠᠭᠴᠠᠭᠠᠷᠳᠠᠭᠤᠯᠬᠤ ᠶᠢ ᠴᠢᠨᠢ ᠪᠢ ᠦᠪᠡᠷ ᠶᠢᠡᠨ ᠭᠦᠯᠴᠢᠭᠦ ᠦᠭᠡᠶ
ᠭᠤᠮᠤᠳᠠᠵᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠤᠶᠤ ᠭᠡᠦᠭᠡᠨ ᠤ ᠪᠠᠶᠠᠰᠤᠯ
ᠭᠤᠨᠢᠭᠳᠤ ᠡᠷᠡ ᠶᠢᠨ ᠭᠤᠳᠤᠷᠠᠯ
ᠭᠤᠮᠤᠳᠠᠨᠠ ᠭᠡᠵᠤ ᠪᠢ
ᠭᠤᠤᠯ ᠤᠨ ᠳᠠᠭᠤᠨ ᠶᠢᠡᠷ ᠴᠢᠮᠠ ᠳᠤ ᠶᠠᠷᠢᠭᠠ ᠥᠭᠡᠢ
ᠭᠤᠮᠤᠳᠠᠭᠰᠠᠨ ᠰᠡᠳᠭᠢᠯ ᠶᠢᠡᠨ ᠪᠢ
ᠴᠠᠭ ᠤᠨ ᠰᠠᠯᠭᠢᠨ ᠳᠤ ᠰᠡᠮᠡᠭᠡᠷ ᠰᠢᠪᠠᠨᠠᠶᠠ
ᠭᠤᠮᠤᠳᠠᠨᠠ ᠭᠡᠵᠤ
ᠭᠤᠮᠤᠳᠠᠭᠰᠠᠨ ᠪᠢᠰᠢ᠂
ᠭᠤᠮᠤᠳᠠᠬᠤ ᠶᠢᠨ ᠡᠷᠭᠡᠨ ᠳ᠋ᠤ
ᠭᠤᠳᠤᠷᠠᠭᠰᠠᠨ ᠡᠮᠵᠡᠭ᠍ᠭᠡᠨ ᠰᠡᠳᠭᠢᠯ ᠪᠢ ︕
ᠬᠠᠷᠢᠶᠠᠯᠭᠠᠨᠠ ᠭᠡᠵᠤ
ᠬᠠᠷᠢᠶᠠᠯᠭᠠᠭᠰᠠᠨ ᠪᠢᠰᠢ᠂
ᠬᠠᠮᠤᠭ ᠲᠤ ᠳᠦᠳᠡᠭᠡᠯᠵᠡᠯ ᠲᠡᠶ ᠬᠤᠨᠤᠭᠠᠤᠨ
ᠬᠠᠷᠠ ᠳᠠᠷᠤᠵᠤ ᠰᠡᠷᠢᠭ᠍ᠰᠡᠨ ᠰᠦᠨᠢ ᠶᠢᠨ ᠨᠢᠭᠡᠨ ᠵᠡᠭᠦᠳᠤ ᠪᠢ ︕
ᠳᠦᠷᠢᠶᠠᠰᠤᠨ ᠮᠠᠰᠢᠨ ᠡᠴᠡ
ᠲᠦᠰᠢᠵᠤ ᠡᠪᠯᠡᠭᠦᠯᠵᠤ ᠪᠠᠭᠤᠬᠤ ᠳᠤ ᠮᠢᠨᠢ
ᠳᠦᠷᠦᠭᠦᠤ ᠳᠡᠭᠡᠭᠦᠷ ᠭᠢᠰᠭᠢᠴᠢᠮᠠᠷ ᠭᠠᠷᠤᠭᠰᠠᠨ ᠴᠢ ︕
ᠰᠦᠨᠠᠰᠤ ᠪᠠᠨ ᠭᠡᠭᠡᠭ᠍ᠰᠡᠨ ᠮᠠᠳᠤ
ᠰᠥᠭ᠌ ᠰᠦᠯᠳᠡ ᠦᠭᠡᠶ ᠪᠠᠢ᠌ᠬᠤ ᠳᠤ ᠮᠢᠨᠢ
ᠰᠦᠰᠦ ᠬᠠᠳᠠᠭᠤ ᠵᠤᠷᠢᠭ ᠢ ᠪᠠᠷᠢᠵᠤ
ᠰᠦᠯᠵᠢᠶᠠᠨ ᠳᠤ ᠪᠠᠨ ᠶᠠᠭᠠᠷᠠᠭᠰᠠᠨ ᠴᠢ ︕
ᠨᠠᠮᠠ ᠶᠢ ᠦᠷᠤᠪᠳᠠᠵᠤ ᠬᠠᠯᠠᠮᠵᠢᠯᠠᠭᠴᠢ
ᠴᠤᠬᠤᠮ ᠭᠡᠨ ᠭᠦᠮᠤᠨ ᠶᠠᠪᠣᠨᠠ ᠪᠣᠢ ⁈
ᠨᠠᠮᠠ ᠶᠢ ᠬᠠᠷᠢᠶᠠᠨ ᠵᠥᠭᠡᠭ᠍ᠴᠢ
ᠴᠤᠬᠤᠮ ᠭᠡᠨ ᠭᠦᠮᠤᠨ ᠭᠠᠩᠬᠤᠨᠠ ᠪᠣᠢ ⁈
ᠬᠠᠷᠠ ᠪᠠᠷ ᠪᠣᠳᠤᠵᠤ
ᠬᠠᠳᠠᠭᠤ ᠰᠠᠨᠠᠳᠠᠭ ᠨᠢ
ᠬᠠᠮᠤᠭ ᠢ ᠣᠬᠠᠭᠠᠷᠠᠭᠴᠢ ᠴᠢ ᠦᠦ ︖
ᠬᠠᠢ᠌ᠷᠠ ᠪᠠᠨ ᠨᠢᠭᠤᠵᠤ
ᠬᠠᠠᠳᠢᠪᠯᠠᠬᠤ ᠦᠭᠡᠶ ᠶᠠᠪᠣᠳᠠᠭ ᠨᠢ
ᠬᠠᠷᠠᠩᠭ᠋ᠤᠢ ᠰᠦᠨᠢ ᠨᠣᠢ᠌ᠷ ᠢ ᠬᠤᠯᠵᠢᠭᠤᠯᠳᠠᠭ ᠴᠢ ᠦᠦ ︖
ᠪᠢ ᠶᠠᠮᠠᠷ ᠣᠢ᠌ᠯᠠ ᠲᠡᠶ ᠭᠦᠮᠤᠨ ᠶᠠᠪᠣᠨᠠ ᠪᠣᠢ ⁈
ᠪᠢ ᠶᠠᠮᠠᠷ ᠪᠣᠷᠤᠭᠤ ᠲᠡᠶ ᠭᠦᠮᠤᠨ ᠭᠤᠳᠤᠷᠠᠨᠠ ᠪᠣᠢ ⁈
ᠬᠤᠷᠤᠰᠴᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠢᠨᠠᠭ ᠦᠬᠢᠨ ᠤ ᠪᠠᠨ 《ᠭᠠᠩᠭ᠋ᠠᠩ ᠵᠠᠯᠠᠭᠤ》 ᠭᠡᠭᠦ
ᠭᠠᠭᠴᠠ ᠥᠭᠡᠨ ᠳᠤ ᠬᠤᠷᠤᠰᠴᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌
ᠭᠡᠦᠭᠡᠡᠴᠦᠳ ᠡ ︕
ᠭᠦᠮᠤᠨ ᠢ ᠨᠢ ᠦᠵᠡ
ᠭᠦᠭᠡᠷᠭᠦᠢᠯᠡᠯᠳᠡᠢ ᠠᠪᠣᠷᠢ ᠳᠤ ᠨᠢ ᠪᠢᠳᠡᠭᠡᠢ ᠳᠠᠳᠠᠭᠳᠠᠴᠢᠬᠠ ︕
ᠵᠢᠷᠦᠭᠡ ᠡᠴᠡ ᠨᠢ ᠭᠠᠳᠠᠷᠯᠠ
ᠵᠥᠭᠡᠷ ᠨᠢᠭᠡ ᠥᠭᠡᠨ ᠳᠤ ᠨᠢ ᠪᠢᠳᠡᠭᠡᠢ ᠬᠠᠭᠤᠷᠳᠠᠴᠢᠬᠠ ︕
ᠵᠢᠰᠤ ᠢ ᠨᠢ ᠬᠠᠷᠠ ᠭᠡᠵᠤ ᠪᠢᠳᠡᠭᠡᠢ ᠭᠤᠯᠤ ᠡ ︕
ᠴᠠᠭᠠᠨ ᠭᠡᠵᠤ ᠪᠢᠳᠡᠭᠡᠢ ᠭᠤᠷᠢᠯᠠ ᠡ ︕
ᠴᠢᠨᠤ ᠳᠠᠷᠠ ᠵᠢᠰᠤ ᠨᠢ ᠴᠠᠭᠠᠨ ᠨᠢᠭᠡᠨ ᠤ ᠭᠢᠨᠢ
ᠵᠢᠷᠦᠭᠡ ᠨᠢ ᠭᠦ᠋ ᠡᠴᠡ ᠬᠠᠷᠠ
ᠴᠢᠯᠠᠭᠤ ᠡᠴᠡ ᠬᠠᠳᠠᠭᠤ ᠪᠠᠢ᠌ᠵᠤ ᠴᠤ ᠮᠠᠭᠠᠤᠨ ︕
ᠴᠢᠨᠤ ᠡᠨᠡ ᠵᠢᠰᠤ ᠨᠢ ᠬᠠᠷᠠ ᠨᠢᠭᠡᠨ ᠤ ᠴᠢᠨᠢ
ᠵᠢᠷᠦᠭᠡ ᠨᠢ ᠴᠠᠰᠤᠨ ᠡᠴᠡ ᠴᠠᠭᠠᠨ
ᠳᠤᠷᠭᠠᠨ ᠡᠴᠡ ᠵᠥᠭᠡᠯᠡᠨ ᠪᠠᠢ᠌ᠵᠤ ᠴᠤ ᠮᠡᠳᠡᠭᠦ ᠶᠤᠮ ᠳ᠋ᠠ ︕
ᠬᠠᠷᠠᠩᠭ᠋ᠤᠢ ᠰᠦᠨᠢ ᠭᠢᠷᠠᠭᠤ ᠪᠠᠭᠤᠬᠤ ᠪᠠᠷ ᠨᠢ
ᠬᠠᠮᠤᠭ ᠴᠡᠴᠡᠭᠡᠰ ᠬᠠᠷᠢᠭᠤᠯᠳᠠ ᠦᠭᠡᠶ ᠵᠤᠯᠭᠠᠷᠠᠳᠠᠭ ᠰᠢᠤ ᠳ᠋ᠠ
ᠬᠠᠭᠠᠷᠠᠬᠠᠢ ᠳᠤᠯᠢᠨ ᠳᠤ ᠵᠢᠰᠤ ᠪᠠᠨ ᠳᠤᠯᠢᠳᠠᠪᠠᠯ
ᠬᠠᠢ᠌ᠷᠠ ᠶᠢᠨ ᠰᠠᠢ᠌ᠬᠠᠨ ᠵᠢᠰᠤ ᠡᠪᠳᠡᠷᠡᠳᠡᠭ᠌ ᠰᠢᠤ ᠳ᠋ᠠ
ᠬᠠᠢ᠌ᠷᠠ ᠶᠢᠨ ᠴᠢᠨᠢ ᠬᠠᠷᠠᠴᠠ ᠪᠣᠯᠤᠭ ︕
ᠬᠠᠷᠠᠴᠠᠨ ᠤ ᠴᠢᠨᠢ ᠭᠠᠷᠤᠵᠠ ᠨᠢ ᠪᠠᠢ᠌ᠭ ︕
ᠥᠮᠦᠭᠯᠡᠵᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠪᠡᠷ ᠢ ᠪᠠᠨ ᠦᠷᠤᠪᠳᠤᠵᠤ
ᠦᠨᠡᠨ ᠤ ᠲᠦᠯᠦᠭᠡ
ᠥᠮᠦᠭᠯᠡᠵᠤ ᠪᠢᠴᠢᠭ᠍ᠰᠡᠨ ᠰᠢᠯᠦᠭ᠌
ᠡᠷᠡᠴᠦᠳ ᠡ ︕
ᠭᠡᠦᠭᠡᠨ ᠭᠦᠮᠤᠨ ᠢ ᠳᠠ ᠨᠡᠷ ᠭᠦᠡᠳᠦᠯᠡᠭᠦ ᠶᠢ ᠪᠠᠭᠠ ᠴᠡᠭᠡᠷᠯᠡ ︕
ᠭᠡᠦᠭᠡᠨ ᠭᠦᠮᠤᠨ ᠢ ᠭᠡᠳᠤ ᠭᠦᠡᠳᠦᠯᠡᠵᠤ ᠴᠢᠳᠠᠭᠰᠠᠨ ᠭᠦᠮᠤᠨ ᠦᠪᠡᠷ ᠶᠢᠡᠨ ᠭᠡᠦᠭᠡᠨ ᠭᠦᠮᠤᠨ ᠳᠤ ᠦᠨᠡᠨ ᠰᠡᠳᠭᠢᠯ ᠡᠴᠡ ᠪᠠᠨ 《᠁ ᠬᠠᠢ᠌ᠷᠠᠯᠠᠯᠴᠠᠶᠠ ︕ ᠳᠤᠷᠠᠯᠠᠯᠴᠠᠶᠠ ︕》 ᠭᠡᠳᠡᠭ᠌ ᠰᠠᠨᠠᠭᠠ ᠪᠠᠨ ᠯᠠᠪ ᠭᠢᠯᠪᠠᠷ ᠶᠢᠡᠷ ᠢᠯᠡᠳᠭᠡᠵᠤ ᠴᠢᠳᠠᠬᠤ ᠦᠭᠡᠶ ᠭᠠᠵᠠᠷᠳᠠᠭᠤᠯᠬᠤ ᠪᠣᠢ ᠳ᠋ᠠ ⁈
ᠬᠠᠷᠢᠨ ᠦᠪᠡᠷ ᠢ ᠪᠠᠨ ᠠᠷᠭᠠᠳᠠᠬᠤ ᠶᠢ ᠰᠤᠷ ︕
᠁ ᠦᠪᠡᠷ ᠢ ᠪᠠᠨ ᠠᠷᠭᠠᠳᠠᠵᠤ ᠪᠠᠢ᠌ᠭᠰᠠᠭᠠᠷ ᠦᠷᠦᠭᠡᠯ ᠪᠣᠰᠤᠳ ᠢ ᠪᠢᠳᠡᠭᠡᠢ ᠠᠯᠪᠠᠳᠠᠴᠢᠬᠠ ︕
ᠴᠠᠭᠠᠳᠠᠭᠢ ᠴᠢᠨᠢ ᠡᠮᠵᠡᠭ᠌ ᠰᠡᠳᠭᠢᠯ ᠤᠨ ᠲᠤᠢ᠌ᠯ ᠪᠠᠢ᠌ᠵᠤ ᠮᠠᠭᠠᠤᠨ ᠦᠭᠡᠶ ᠰᠢᠤ ⁈
ᠢᠨᠠᠭ ᠤᠨ ᠰᠡᠳᠭᠢᠯ ᠳᠤ ᠨᠢᠯᠬᠠᠷᠠᠭᠰᠠᠨ ᠡᠷᠡᠴᠦᠳ ᠮᠠᠨᠢ
ᠢᠨᠠᠭ ᠦᠬᠢᠨ ᠶᠢᠡᠨ 《ᠬᠠᠢ᠌ᠷᠠ ᠶᠢᠨ ᠴᠡᠴᠡᠭ᠌》 ᠪᠣᠯᠭᠠᠨ
ᠬᠠᠢ᠌ᠷᠠᠯᠠᠳᠠᠭ ᠶᠤᠮ ᠪᠣᠯ ᠬᠠᠢ᠌ᠷᠠ ᠪᠠᠨ ᠥᠭ᠍ᠴᠤ ᠭᠦᠷᠳᠡᠭᠡᠵᠤ ᠬᠠᠢ᠌ᠷᠠᠯᠠ ︕
ᠬᠠᠯᠠᠮᠵᠢᠯᠠᠳᠠᠭ ᠶᠤᠮ ᠪᠣᠯ ᠬᠠᠯᠠ ᠠᠮᠰᠠᠭᠤᠯᠬᠤ ᠦᠭᠡᠶ ᠶᠢᠨ ᠲᠦᠯᠦᠭᠡ ᠪᠣᠳᠤᠯᠭᠢᠯᠠᠵᠤ ᠬᠠᠯᠠᠮᠵᠢᠯᠠᠮᠤ ⁈
2011 ᠣᠨ ᠤ 11 ᠰᠠᠷᠠ
ᠬᠦᠬᠡᠬᠤᠲᠠᠨᠡ
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠬᠦᠬᠡᠬᠤᠲᠠ ᠦᠨᠳᠦᠰᠦᠳᠠᠨ ᠤ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠨᠢᠨ ᠮᠡᠳᠡᠭᠡᠨ ᠤ ᠰᠠᠯᠪᠣᠷᠢ ᠵᠢᠨ 2009 ᠣᠨ ᠰᠤᠷᠪᠣᠯᠵᠢᠯᠭᠠ ᠨᠠᠢ᠌ᠷᠠᠭᠤᠯᠭᠠ ᠶᠢᠨ ᠠᠩᠭᠢ
ᠵᠤᠬᠢᠶᠠᠭᠴᠢ᠄ ᠬᠦᠷᠡᠯᠤ᠋ᠨᠢᠰᠤ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2626
ᠴᠠᠭ᠄ 2011 ᠤᠨ ᠤ 11 ᠰᠠᠷᠠ ᠶᠢᠨ 12
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ