ᠬᠠᠢ᠌ᠷ᠎ᠠ ᠶᠢᠨ ᠵᠠᠶᠠᠭ᠎ᠠ ᠲᠡᠶ ᠬᠤᠷᠸ᠎ᠠ ᠳ᠋ᠤ

ᠬᠠᠨᠢᠠᠯᠬᠤ ᠶᠢᠨ ᠳᠠᠪᠢᠯᠠᠩ ᠦᠭᠡᠶ ᠣᠴᠠᠷᠠᠭᠰᠠᠨ

ᠪᠣᠷᠤ ᠨᠢᠳᠤᠨ ᠦᠬᠢᠨ ᠴᠢ ᠮᠢᠨᠢ

ᠪᠣᠳᠤᠯ ᠤᠨ ᠥᠭᠡ ᠶᠢ ᠮᠢᠨᠢ ᠰᠤᠨᠤᠰᠤᠭᠠᠴᠢ

ᠬᠠᠯᠠᠭᠤᠨ ᠰᠡᠳᠭᠢᠯ ᠢ ᠴᠢᠨᠢ ᠭᠦᠡᠳᠡᠭᠡᠵᠤ

ᠬᠠᠢ᠌ᠷ᠎ᠠ ᠶᠢᠨ ᠣᠴᠢ ᠶᠢ ᠴᠢᠨᠢ ᠭᠦᠷᠦᠭᠡᠵᠤ

ᠪᠣᠷᠤᠭᠤ ᠶᠠᠪᠣᠭᠰᠠᠨ ᠣᠰᠤᠯ ᠢ ᠮᠢᠨᠢ

ᠪᠣᠴᠠᠵᠤ ᠬᠠᠷᠠᠭᠠᠤᠨ ᠠᠭᠤᠴᠢᠯᠠᠭᠠᠷᠠᠢ

ᠬᠠᠷ᠎ᠠ ᠰᠡᠳᠭᠢᠯ ᠲᠡᠶ ᠨᠠᠳᠠ ᠳ᠋ᠤ

ᠬᠠᠢ᠌ᠷ᠎ᠠ ᠪᠠᠨ ᠳᠤᠰᠢᠶᠠᠭᠰᠠᠨ ᠨᠢ ᠴᠢᠨᠤ ᠣᠰᠤᠯ

ᠬᠠᠭᠠᠴᠠᠵᠤ ᠰᠠᠯᠬᠤ ᠶᠢᠨ ᠴᠠᠭ ᠳᠤ

ᠬᠠᠷᠠᠮᠰᠠᠵᠤ ᠵᠤᠪᠠᠨᠢᠭᠰᠠᠨ ᠨᠢ ᠮᠢᠨᠤ ᠣᠶᠠᠷᠠᠯ

ᠬᠠᠯᠠ ᠲᠡᠶ ᠳᠠᠮᠤ ᠲᠡᠶ ᠬᠤᠷᠸ᠎ᠠ ᠳ᠋ᠤ

ᠬᠠᠭᠠᠰᠬᠠᠨ ᠰᠠᠷ᠎ᠠ ᠳᠠᠰᠤᠯᠴᠠᠭᠰᠠᠨ ᠴᠤ

ᠬᠠᠢ᠌ᠷ᠎ᠠ ᠪᠠᠷ ᠭᠦᠪᠦᠷᠢᠭ᠍ᠰᠡᠨ ᠰᠡᠳᠭᠢᠯ ᠢ ᠴᠢᠨᠢ

ᠬᠠᠪᠳᠠᠭᠠᠢ ᠴᠡᠭᠡᠵᠢᠨ ᠳᠠᠭᠠᠨ ᠳᠤᠭᠳᠠᠭᠠᠵᠤ ᠶᠠᠪᠣᠶ᠎ᠠ

ᠨᠠᠷᠠᠳᠤ ᠣᠷᠴᠢᠯᠠᠩ ᠤᠨ ᠳᠤᠭᠤᠰᠤᠨ ᠳ᠋ᠤ

ᠨᠠᠮᠢ᠋ᠢ ᠣᠷᠭᠢᠭᠠᠤᠨ ᠶᠠᠪᠣᠭᠰᠠᠨ ᠴᠤ

ᠨᠠᠷᠠᠨ ᠬᠤᠸᠠᠷ ᠨᠠᠷ᠎ᠠ ᠶᠢ ᠴᠢᠨᠢ

ᠨᠠᠰᠤᠨ ᠳᠤᠷᠰᠢᠳᠠ ᠳᠤᠷᠠᠰᠴᠤ ᠶᠠᠪᠣᠶ᠎ᠠ

ᠵᠤᠭᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠣᠷᠳᠤᠰ ᠬᠤᠳᠠ ᠶᠢᠨ ᠬᠠᠩᠭᠢᠨ ᠬᠤᠰᠢᠭᠤ