☆ ᠰᠡᠴᠡᠨᠪᠢᠯᠢᠭ᠌
ᠴᠢᠩᠭᠢᠰ ᠬᠠᠭᠠᠨ ᠤ ᠤᠩᠭ᠋ᠤᠨ ᠤ ᠰᠢᠳᠦᠭᠡᠨ ᠰᠠᠬᠢᠭᠴᠢ ᠳᠠᠷᠬᠠᠳ
ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠤ ᠣᠷᠢᠤᠨ ᠪᠠᠶᠠ ᠶᠢ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤᠨ ᠭᠡᠮᠡᠨ ᠨᠠᠷᠠᠯᠠᠵᠤ ᠪᠠᠢ᠌ᠪᠠ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠵᠢᠴᠢ ᠣᠯᠠᠨ ᠰᠢᠳᠦᠭᠡᠨ ᠪᠦᠭᠦᠢ ᠣᠷᠳᠤᠰ ᠠᠢ᠌ᠮᠠᠭ ᠲᠤ《ᠳᠠᠷᠬᠠᠤᠨ》ᠭᠡᠮᠡᠭᠦ ᠨᠢᠭᠡᠨ ᠠᠢ᠌ᠮᠠᠭ ᠣᠯᠤᠰ ᠪᠠᠢ᠌ᠳᠠᠭ᠃ ᠳᠠᠷᠬᠠᠤᠨ ᠭᠡᠮᠡᠭᠦ ᠨᠢ ᠳᠠᠷᠬᠠᠨ ᠡᠴᠠ ᠢᠷᠠᠯᠳᠠ ᠲᠡᠶ᠃ ᠳᠠᠷᠬᠠᠨ ᠨᠢ ᠠᠷᠢᠭᠤᠨ ᠳᠠᠷᠬᠠᠨ ᠭᠡᠮᠡᠭᠦ ᠣᠤᠠᠬᠠ ᠲᠡᠶ᠂ ᠳᠠᠷᠬᠠᠤᠨ ᠨᠢ ᠳᠠᠷᠬᠠᠨ ᠤ ᠣᠯᠠᠨ ᠳᠤᠭᠠ᠃ ᠳᠠᠷᠤᠢ ᠠᠷᠢᠭᠤᠨ ᠳᠠᠷᠬᠠᠨ ᠡᠭᠦᠷᠭᠡ ᠲᠡᠶ ᠭᠦᠮᠦᠰ ᠭᠡᠰᠡᠨ ᠣᠤᠠᠬᠠ ᠲᠡᠶ᠃ ᠡᠵᠡᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠪᠠ ᠡᠵᠡᠨ ᠤ ᠰᠦᠯᠳᠡ ᠶᠢ ᠰᠠᠭᠢᠨ ᠬᠠᠮᠠᠭᠠᠯᠠᠬᠤ ᠪᠠ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠥᠢᠯᠡᠦᠡᠭᠦ ᠪᠣᠯ ᠳᠠᠷᠬᠠᠤᠨ ᠭᠦᠮᠦᠰ ᠤᠨ ᠠᠷᠢᠭᠤᠨ ᠳᠠᠷᠬᠠᠨ ᠡᠭᠦᠷᠭᠡ ᠪᠣᠯᠤᠨᠠ᠃ ᠳᠠᠷᠬᠠᠤᠨ ᠪᠣᠯ ᠶᠡᠭᠡ ᠮᠤᠩᠭ᠋ᠤᠯ ᠣᠯᠤᠰ ᠤᠨ ᠦᠶᠡ ᠳᠤ ᠪᠣᠢ ᠪᠣᠯᠵᠤ᠂ ᠶᠤᠸᠠᠨ ᠭᠦᠷᠤᠨ ᠤ ᠬᠤᠪᠢᠯᠠᠢ ᠶᠢᠨ ᠦᠶᠡ ᠡᠴᠠ ᠡᠭᠢᠯᠡᠨ ᠳᠤᠰᠬᠠᠢ᠌ᠯᠠᠨ ᠳᠠᠢ᠌ᠯᠭᠠ ᠬᠠᠮᠢᠶᠠᠷᠴᠤ ᠡᠷᠭᠢᠯᠡᠳᠡᠭ᠌ ᠳᠠᠢ᠌ᠰᠢ᠂ ᠵᠠᠢ᠌ᠰᠠᠩ᠂ ᠬᠤᠠᠵᠢᠨ᠂ ᠴᠠᠷᠪᠢ ᠵᠡᠷᠭᠡ ᠪᠠᠷ ᠳᠡᠷᠢᠭᠦᠯᠡᠭᠦᠯᠦᠭ᠍ᠰᠡᠨ ᠶᠠᠮᠤᠳᠠᠤᠨ ᠢ ᠪᠠᠢ᠌ᠭᠤᠯᠵᠤ᠂ ᠳᠦᠷᠪᠡᠨ ᠴᠠᠭ ᠤᠨ ᠳᠠᠭᠢᠯᠭᠠ ᠬᠤᠷᠢᠮ ᠡᠷᠭᠢᠯᠡᠭᠦᠯᠵᠡᠢ᠃ 15 ᠳ᠋ᠤᠭᠠᠷ ᠵᠠᠭᠤᠨ ᠳᠤ ᠪᠣᠭᠤᠷᠴᠤ᠂ ᠮᠤᠬᠤᠯᠠᠢ᠂ ᠪᠣᠷᠤᠬᠤᠯ᠂ ᠴᠢᠯᠠᠭᠤᠨ ᠨᠡᠷ ᠤᠨ ᠬᠣᠢ᠌ᠴᠢᠰ ᠶᠢᠡᠷ ᠳᠡᠷᠢᠭᠦᠯᠡᠭᠦᠯᠦᠭ᠍ᠰᠡᠨ ᠭᠡᠰᠢᠭ᠍ᠳᠡᠨ ᠨᠤᠶᠠᠨ ᠤ ᠬᠠᠷᠢᠶᠠ ᠶᠢᠨ ᠳᠠᠪᠤᠨ ᠵᠠᠭᠤᠨ ᠡᠷᠦᠭᠡ ᠭᠦᠮᠦᠰ ᠠᠯᠪᠠᠨ ᠳᠤᠰᠢᠶᠠᠯ ᠡᠴᠠ ᠪᠠᠨ ᠰᠠᠯᠵᠤ᠂ ᠠᠯᠪᠠ ᠭᠠᠢ᠌ᠯᠢ ᠡᠴᠠ ᠴᠢᠯᠦᠭᠡᠯᠡᠭ᠍ᠳᠡᠨ᠂ ᠰᠢᠨᠡᠭᠡᠨ ᠪᠦᠷᠢᠯᠳᠦᠭ᠍ᠰᠡᠨ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤᠨ ᠳᠤ ᠬᠠᠭᠠᠨ ᠲᠦᠷᠦ ᠶᠢᠨ ᠳᠦᠷᠪᠡᠨ ᠴᠠᠭ ᠤᠨ ᠳᠠᠭᠢᠯᠭᠠ᠂ ᠬᠤᠷᠢᠮ ᠪᠣᠯᠤᠨ ᠰᠦᠯᠳᠡ ᠳᠠᠭᠢᠯᠭᠠ ᠪᠠᠨ ᠥᠷᠭᠦᠯᠵᠢᠯᠡᠨ ᠭᠦᠢᠴᠡᠦᠡᠭᠡᠭᠦ ᠪᠠᠷ ᠳᠤᠰᠬᠠᠢ᠌ᠯᠠᠨ ᠳᠤᠮᠢᠯᠠᠭᠳᠠᠭᠰᠠᠨ ᠡᠴᠠ ᠰᠢᠷᠠ ᠳᠠᠷᠬᠠᠤᠨ ᠭᠡᠵᠤ ᠨᠡᠷᠡᠯᠡᠭ᠍ᠳᠡᠵᠡᠢ᠃ ᠰᠢᠷᠠ ᠳᠠᠷᠬᠠᠴᠤᠳ ᠤᠨ ᠭᠡᠳᠤᠨ ᠵᠠᠭᠤᠨ ᠤ ᠳᠤᠷᠰᠢ ᠰᠠᠭᠢᠨ ᠬᠠᠮᠠᠭᠠᠯᠠᠵᠤ᠂ ᠳᠠᠭᠢᠨ ᠰᠢᠳᠦᠭ᠍ᠰᠡᠭᠡᠷ ᠢᠷᠡᠭ᠍ᠰᠡᠨ ᠨᠡᠢᠮᠡᠨ ᠴᠠᠭᠠᠨ ᠣᠷᠳᠤᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠣᠯᠠᠮᠵᠢᠯᠠᠯᠳᠤ ᠶᠤᠰᠤ ᠵᠠᠩᠰᠢᠯ ᠨᠢ ᠣᠳᠤ ᠨᠢᠭᠡᠡᠳᠡ ᠮᠤᠩᠭ᠋ᠤᠯ ᠦᠨᠳᠦᠰᠦᠳᠠᠨ ᠤ ᠡᠷᠭᠢᠮ ᠴᠤᠬᠠᠭ ᠰᠤᠶᠤᠯ ᠤᠨ ᠦᠪ ᠭᠦᠷᠦᠩᠭᠡ ᠶᠢᠨ ᠬᠤᠪᠢ ᠪᠠᠷ ᠣᠯᠤᠰ ᠤᠨ ᠳᠠᠰ ᠤᠨ ᠪᠣᠳᠠᠰ ᠤᠨ ᠪᠣᠰᠤ ᠰᠤᠶᠤᠯ ᠤᠨ ᠦᠪ ᠭᠦᠷᠦᠩᠭᠡ ᠳᠤ ᠳᠠᠩᠰᠠᠯᠠᠭᠳᠠᠵᠠᠢ᠃ 《ᠰᠢᠷᠠ ᠳᠠᠷᠬᠠᠤᠨ》ᠭᠡᠵᠤ ᠨᠡᠷᠡᠯᠡᠭ᠍ᠰᠡᠨ ᠳᠤᠬᠠᠢ ᠬᠤᠶᠠᠷ ᠵᠣᠢ᠌ᠯ ᠤᠨ ᠭᠡᠯᠡᠯᠭᠡ ᠲᠡᠶ᠃ ᠨᠢᠭᠡ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠠᠯᠳᠠᠨ ᠴᠤᠮᠴᠤᠭ ᠢ ᠰᠠᠭᠢᠨ ᠬᠠᠮᠠᠭᠠᠯᠠᠭᠰᠠᠨ ᠡᠴᠠ《 ᠰᠢᠷᠠ ᠳᠠᠷᠬᠠᠤᠨ 》 ᠭᠡᠵᠤ ᠭᠡᠨᠡ᠃ ᠪᠠᠰᠠ ᠨᠢᠭᠡ ᠨᠢ ᠬᠤᠪᠢᠯᠠᠢ ᠰᠠᠴᠠᠨ ᠬᠠᠭᠠᠨ ᠤ ᠰᠢᠷᠠ ᠪᠢᠴᠢᠭ᠌ ᠤᠨ ᠵᠠᠷᠯᠢᠭ ᠶᠢᠡᠷ ᠳᠠᠷᠬᠠᠤᠨ ᠢ ᠳᠤᠭᠳᠠᠭᠠᠭᠰᠠᠨ ᠪᠣᠯᠬᠤᠷ《ᠰᠢᠷᠠ ᠳᠠᠷᠬᠠᠤᠨ》 ᠭᠡᠵᠤ ᠭᠡᠨᠡ᠃
ᠳᠠᠷᠬᠠᠤᠨ ᠤᠨ ᠳᠡᠦᠭᠡᠨ ᠥᠩᠭᠡᠷᠡᠯᠳᠡ
ᠴᠢᠩᠭᠢᠰ ᠬᠠᠭᠠᠨ ᠨᠠᠰᠤ ᠨᠥᠭ᠍ᠴᠢᠵᠤ ᠣᠷᠤᠰᠢᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠳᠡᠭᠦᠨ ᠤ ᠭᠡᠷᠢᠶᠡᠰᠤᠨ ᠵᠣᠢ᠌ᠯ 《ᠶᠡᠷᠦᠩᠭᠡᠢ ᠶᠢᠨ ᠰᠢᠳᠦᠭᠡᠨ》 ᠢ ᠰᠠᠭᠢᠨ ᠬᠠᠮᠠᠭᠠᠯᠠᠵᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠭᠦᠢᠴᠡᠦᠡᠭᠡᠳᠡᠭ᠌ ᠭᠦᠮᠦᠰ ᠪᠣᠢ ᠪᠣᠯᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠭᠡᠷᠢᠶᠡᠰᠤᠨ《ᠶᠡᠷᠦᠩᠭᠡᠢ ᠶᠢᠨ ᠰᠢᠳᠦᠭᠡᠨ 》 ᠤ ᠴᠠᠭᠠᠨ ᠣᠷᠳᠤ ᠪᠣᠰᠬᠠᠬᠤ ᠳᠤ ᠴᠢᠩᠭᠢᠰ ᠬᠠᠭᠠᠨ ᠤ ᠥᠷᠯᠦᠭ᠌ ᠪᠣᠭᠤᠷᠴᠤ ᠵᠡᠷᠭᠡ ᠵᠣᠢ᠌ᠯ ᠣᠪᠣᠭᠳᠠᠨ ᠭᠦᠮᠦᠰ ᠰᠠᠭᠢᠨ ᠳᠠᠭᠢᠵᠠᠢ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠰᠠᠭᠢᠵᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠭᠦᠢᠴᠡᠦᠡᠭᠡᠳᠡᠭ᠌ ᠴᠢᠩᠭᠢᠰ ᠬᠠᠭᠠᠨ ᠤ ᠭᠦᠯᠦᠭ᠌ ᠪᠣᠭᠤᠷᠴᠤ ᠪᠠᠷ ᠳᠡᠷᠢᠭᠦᠯᠡᠭᠦᠯᠦᠭ᠍ᠰᠡᠨ ᠵᠣᠢ᠌ᠯ ᠣᠪᠣᠭᠳᠠᠨ ᠢ ᠶᠡᠷᠦᠩᠭᠡᠢ ᠳ᠋ᠤᠨᠢ ᠣᠷᠳᠤᠰ ᠭᠦᠮᠤᠨ ᠭᠡᠳᠡᠭ᠌᠃ ᠣᠷᠳᠤᠰ ᠭᠡᠳᠡᠭ᠌ ᠨᠢ ᠣᠷᠳᠤ ᠶᠢᠨ ᠣᠯᠠᠨ ᠳᠤᠭᠠ ᠶᠢ ᠢᠯᠡᠦᠡᠭᠡᠭ᠍ᠰᠡᠨ ᠥᠭᠡ ᠮᠦᠨ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠵᠡᠷᠭᠡ ᠣᠯᠠᠨ ᠣᠷᠳᠤ ᠶᠢᠨ ᠳᠦᠯᠦᠭᠡᠨ ᠤ ᠨᠠᠷᠠ᠃ ᠳᠡᠳᠡᠭᠡᠷ ᠢ ᠰᠠᠭᠢᠭᠰᠠᠨ ᠭᠦᠮᠦᠰ ᠢ ᠣᠷᠳᠤᠰᠴᠤᠳ ᠭᠡᠮᠡᠳᠡᠭ᠌᠃
ᠣᠷᠳᠤᠰ ᠠᠢ᠌ᠮᠠᠭ ᠤᠨ ᠨᠢᠭᠡ ᠭᠡᠰᠡᠭ᠌ ᠪᠣᠯᠬᠤ ᠳᠠᠷᠬᠠᠤᠠᠴᠤᠳ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠪᠣᠢ ᠪᠣᠯᠤᠭᠰᠠᠨ ᠡᠴᠠ ᠨᠠᠰᠢ ᠦᠶᠡ ᠣᠯᠠᠷᠢᠨ ᠰᠠᠭᠢᠨ ᠳᠠᠢ᠌ᠭᠰᠠᠭᠠᠷ ᠢᠷᠡᠭ᠍ᠰᠡᠨ ᠪᠢᠯᠠ᠃ ᠥᠩᠭᠡᠷᠡᠭ᠍ᠰᠡᠨ ᠤ ᠬᠠᠳᠠᠭᠤ ᠪᠠᠷᠭᠡ ᠨᠥᠭᠦᠴᠡᠯ ᠳᠤᠤᠷᠠ ᠥᠷᠭᠦᠯᠵᠢ ᠰᠢᠯᠵᠢᠨ ᠨᠡᠭᠦᠵᠤ ᠪᠠᠢ᠌ᠭᠰᠠᠨ ᠴᠤ ᠴᠢᠩᠭᠢᠰ ᠬᠠᠭᠠᠨ ᠤ ᠰᠢᠳᠦᠭᠡᠨ ᠢ ᠬᠠᠮᠠᠭᠠᠯᠠᠨ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠰᠤᠶᠤᠯ ᠤᠨ ᠦᠪ ᠢ ᠪᠦᠷᠢᠨ ᠪᠦᠳᠤᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠢᠷᠠᠵᠠᠢ᠃ ᠳᠠᠷᠬᠠᠤᠨ ᠭᠡᠮᠡᠭᠦ ᠨᠠᠷᠠ ᠶᠢ ᠬᠤᠪᠢᠯᠠᠢ ᠬᠠᠭᠠᠨ ᠤ ᠦᠶᠡ ᠡᠴᠠ ᠭᠡᠷᠡᠭᠯᠡᠵᠡᠢ᠃ ᠡᠭᠦᠨ ᠡᠴᠠ ᠡᠮᠤᠨᠡ᠂ ᠡᠳᠡᠭᠡᠷ ᠭᠦᠮᠦᠰ ᠢ ᠬᠡᠳᠦᠢ᠌ᠪᠡᠷ ᠠᠯᠪᠠ ᠭᠤᠪᠴᠢᠭᠤᠷ ᠡᠴᠠ ᠴᠢᠯᠦᠭᠡᠯᠡᠨ ᠳᠠᠷᠬᠠᠯᠠᠭᠰᠠᠨ ᠪᠣᠯᠪᠠᠴᠤ《ᠳᠠᠷᠬᠠᠤᠨ》 ᠭᠡᠮᠡᠨ ᠵᠢᠩᠭᠢᠨᠢ ᠨᠡᠷᠡᠯᠡᠭᠡ ᠦᠭᠡᠶ᠂ ᠮᠦᠨ ᠯᠠ《ᠣᠷᠳᠤ ᠰᠠᠭᠢᠭᠴᠢ》ᠭᠡᠵᠤ ᠪᠠᠢ᠌ᠵᠠᠢ᠃
ᠦᠨ ᠤ ᠲᠦᠷᠦ ᠶᠢᠨ ᠬᠤᠪᠢᠯᠠᠢ ᠬᠠᠭᠠᠨ ᠡᠴᠠ《 ᠁ ᠳᠡᠭᠡᠳᠤ ᠡᠪᠦᠭᠡ ᠶᠤᠬᠡᠨ ᠳᠠᠢ᠌ᠽᠤ ᠴᠢᠩᠭᠢᠰ ᠬᠠᠭᠠᠨ ᠤ ᠢᠵᠠᠭᠤᠷ ᠣᠷᠤᠰᠢᠭᠤᠯᠤᠭᠰᠠᠨ ᠡᠷᠳᠡᠨᠢ ᠶᠢᠨ ᠭᠦᠮᠦᠷᠭᠡ ᠠᠯᠳᠠᠨ ᠳᠠᠪᠴᠠᠩ ᠪᠠ ᠠᠯᠳᠠ ᠮᠦᠩᠭᠦᠨ ᠵᠣᠢ᠌ᠯ ᠰᠠᠪᠠ ᠶᠢ ᠬᠤᠷᠢᠶᠠᠬᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠭᠡᠷ ᠢ ᠳᠤᠰ ᠳᠤᠰ ᠪᠠᠢ᠌ᠭᠤᠯᠵᠤ ᠁ ᠮᠦᠨ ᠭᠦ ᠭᠡᠪ ᠶᠢᠡᠷ ᠬᠠᠭᠤᠴᠢᠨ ᠰᠠᠢ᠌ᠳ ᠭᠦᠯᠦᠭ᠌ ᠪᠣᠭᠤᠷᠴᠤ ᠶᠢᠨ ᠦᠷᠡ ᠭᠦᠪᠠᠭᠦᠨ ᠣᠬᠠᠭᠠᠠᠳᠤ ᠮᠡᠷᠭᠡᠨ ᠴᠠᠷᠪᠢ ᠳᠠᠨ ᠭᠡᠳᠤᠨ ᠭᠦᠮᠤᠨ ᠢ ᠳᠠᠢ᠌ᠱᠢ᠂ ᠳᠠᠢ᠌ᠪᠣᠤ᠂ ᠵᠠᠢ᠌ᠰᠠᠩ᠂ ᠬᠤᠡᠭᠵᠢᠨ ( ᠬᠤᠠᠵᠢᠨ ) ᠭᠡᠮᠡᠭᠦ ᠳᠦᠷᠪᠡᠨ ᠴᠤᠯᠠ ᠪᠠ ᠪᠠᠰᠠ ᠰᠤᠯᠠ ᠠᠷᠠᠤᠨ ᠡᠴᠠ ᠳᠤᠤᠯᠢ᠂ ᠭᠦᠭᠦᠭᠡ᠂ ᠴᠠᠷᠪᠢ᠂ ᠬᠠᠰᠠᠭᠠ᠂ ᠲᠦᠮᠡᠳᠤ᠂ ᠮᠢᠩᠭ᠋ᠠᠳᠤ ᠵᠠᠭᠤᠳᠤ ᠭᠡᠮᠡᠭᠦ ᠪᠠᠭᠠ ᠶᠠᠮᠤᠰ ᠢ ᠳᠠᠯᠪᠢᠵᠤ》ᠳᠤᠭᠢᠷᠠᠭᠤᠯᠵᠠᠢ᠃
ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ 15 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠪᠠᠷ ᠵᠢᠨᠤᠩ ᠪᠣᠯᠤᠨ ᠣᠷᠳᠤᠰ ᠲᠦᠮᠡᠨ ᠤ ᠮᠠᠳᠠᠯ ᠳᠤ ᠪᠠᠢ᠌ᠵᠤ᠂ ᠮᠤᠩᠭ᠋ᠤᠯ ᠲᠦᠷᠦ ᠶᠢᠨ ᠬᠤᠪᠢᠷᠠᠯᠳᠠ ᠶᠢ ᠳᠠᠭᠠᠯᠳᠤᠨ ᠪᠣᠷᠤᠳᠤᠬᠤᠢ ᠣᠷᠤᠨ ᠳᠤ ᠣᠷᠤᠵᠤ ᠢᠷᠠᠨ ᠣᠷᠳᠤᠰ ᠨᠤᠳᠤᠭ ᠲᠤ ᠳᠦᠪᠯᠠᠷᠠᠵᠠᠢ᠃ ᠣᠷᠳᠤᠰ ᠠᠢ᠌ᠮᠠᠭ ᠪᠣᠷᠤᠳᠤᠬᠤᠢ ᠳᠤ ᠨᠤᠳᠤᠭᠰᠢᠭᠰᠠᠨ ᠦᠶᠡ ᠳᠤ ᠴᠤ ᠴᠠᠭ ᠤᠨ ᠪᠠᠢ᠌ᠳᠠᠯ ᠲᠦᠪᠰᠢᠨ ᠪᠣᠰᠤ ᠪᠠᠢ᠌ᠵᠤ᠂ ᠳᠠᠢ᠌ᠨ ᠤ ᠰᠠᠮᠠᠭᠤᠷᠠᠯ ᠥᠷᠭᠦᠯᠵᠢᠯᠡᠵᠤ ᠪᠠᠢ᠌ᠭᠰᠠᠨ ᠳᠤᠯᠠ᠂ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠣᠷᠳᠤᠰ ᠠᠢ᠌ᠮᠠᠭ ᠢ ᠳᠠᠭᠠᠯᠳᠤᠨ ᠮᠦᠨ ᠨᠠᠰᠢ ᠴᠠᠰᠢ ᠨᠡᠭᠦᠨ ᠰᠢᠯᠵᠢᠵᠤ ᠪᠠᠢ᠌ᠪᠠ᠃
ᠵᠢᠨᠤᠩ ᠭᠡᠳᠡᠭ᠌ ᠨᠢ《 ᠶᠢᠨ ᠸᠠᠩ 》 ᠤᠨ ᠠᠪᠢᠶᠠ ᠬᠤᠪᠢᠷᠠᠭᠰᠠᠨ ᠳᠠᠭᠤᠳᠠᠯᠭᠠ᠃ ᠵᠢᠨᠤᠩ ᠳᠤᠰᠢᠶᠠᠯ ᠳᠤ ᠬᠠᠭᠠᠨ ᠤ ᠭᠤᠤᠯ ᠣᠭᠰᠠᠭᠠᠨ ᠤ ᠦᠷᠡ ᠬᠣᠢ᠌ᠴᠢᠰ ᠡᠴᠠ ᠳᠤᠮᠢᠯᠠᠵᠤ ᠪᠠᠢ᠌ᠪᠠ᠃ ᠵᠢᠨᠤᠩ ᠨᠢ ᠬᠠᠭᠠᠨ ᠤ ᠵᠠᠯᠭᠠᠮᠵᠢ ᠪᠣᠯᠵᠤ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢᠨ ᠳᠠᠢ᠌ᠯᠭᠠ ᠶᠢ ᠡᠷᠭᠢᠯᠡᠨ ᠶᠠᠪᠣᠭᠤᠯᠳᠠᠭ᠃ ᠦᠨ ᠤ ᠲᠦᠷᠦ ᠶᠢᠨ ᠦᠶᠡ ᠳᠤ ᠬᠤᠪᠢᠯᠠᠢ ᠰᠠᠴᠠᠨ ᠬᠠᠭᠠᠨ ᠤ ᠠᠴᠢ ᠭᠦᠪᠠᠭᠦᠨ ᠭᠠᠮᠠᠯ ᠵᠡᠷᠭᠡ ᠭᠦᠮᠦᠰ ᠳᠤᠮᠢᠯᠠᠭᠳᠠᠵᠤ ᠪᠠᠢ᠌ᠵᠠᠢ᠃ ᠵᠢᠨᠤᠩ ᠤᠨ ᠮᠠᠳᠠᠯ ᠳᠤ ᠭᠤᠪᠢ ᠶᠢᠨ ᠠᠷᠤ ᠶᠢᠨ ᠮᠤᠩᠭ᠋ᠤᠯ ᠤᠨ ᠡᠭᠡ ᠨᠤᠳᠤᠭ᠂ ᠳᠡᠭᠦᠡᠴᠢᠯᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠱᠠᠷᠢᠯ ᠢ ᠣᠷᠤᠰᠢᠭᠤᠯᠤᠭᠰᠠᠨ ᠪᠣᠷᠬᠠᠨ ᠬᠠᠯᠳᠤᠨ ᠤ ᠶᠡᠭᠡ ᠬᠤᠷᠢᠭ ᠪᠠᠭᠳᠠᠵᠤ ᠪᠠᠢ᠌ᠪᠠ᠃ ᠡᠭᠦᠨ ᠳᠤ᠂ ᠭᠡᠯᠡᠯᠭᠡᠨ ᠦᠭᠡᠶ ᠮᠤᠩᠭ᠋ᠤᠯ ᠤᠨ ᠬᠠᠭᠠᠠᠳᠤ ᠣᠯᠤᠰ ᠤᠨ ᠴᠢᠬᠤᠯᠠ ᠰᠢᠳᠦᠭᠡᠨ ᠪᠣᠯᠬᠤ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠰᠠᠭᠢᠵᠤ ᠪᠠᠢ᠌ᠭᠰᠠᠨ ᠣᠷᠳᠤᠰ ᠮᠤᠩᠭ᠋ᠤᠯᠴᠤᠳ ᠪᠠᠭᠳᠠᠬᠤ ᠶᠤᠮ᠃
ᠣᠮᠠᠷᠠᠳᠤ ᠦᠨ ᠣᠯᠤᠰ ᠤᠨ ᠡᠭᠢᠨ ᠤ ᠦᠶᠡ ᠳᠤ ᠵᠢᠨᠤᠩ ᠨᠢ ᠬᠠᠭᠠᠨ ᠤ ᠳᠠᠷᠠᠭᠠ ᠳᠠᠰ ᠤᠨ ᠳᠤᠰᠢᠶᠠᠯ ᠳᠤ ᠪᠠᠢ᠌ᠵᠤ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠡᠷᠭᠢᠯᠡᠨ ᠳᠠᠭᠢᠵᠤ ᠪᠠᠢ᠌ᠪᠠ᠃ ᠣᠷᠳᠤ ᠣᠳᠠᠭᠠᠨ ᠬᠤᠭᠤᠴᠠᠭᠠᠨ ᠤ ᠳᠡᠦᠭᠡ ᠶᠢᠨ ᠶᠠᠪᠣᠴᠠ ᠳᠤᠮᠳᠠ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢᠨ ᠳᠠᠢ᠌ᠯᠭᠠ ᠶᠢᠨ ᠶᠤᠰᠤᠯᠠᠯ ᠢ ᠵᠢᠨᠤᠩ ᠨᠤᠶᠠᠨ ᠡᠭᠢᠯᠡᠭᠦᠯᠤᠨ ᠡᠷᠭᠢᠯᠡᠵᠤ ᠳᠠᠢ᠌ᠱᠢ᠂ ᠳᠠᠢ᠌ᠪᠣᠤ᠂ ᠵᠠᠢ᠌ᠰᠠᠩ ᠬᠤᠠᠵᠢᠨ᠂ ᠭᠦᠭᠦᠭᠡ᠂ ᠳᠤᠤᠯᠢ᠂ ᠬᠠᠰᠠᠭᠠ ᠭᠡᠮᠡᠭᠦ ᠨᠠᠢᠮᠠᠨ ᠶᠠᠮᠤᠳᠠᠤᠨ ᠤᠨ ᠳᠤᠰᠢᠶᠠᠯᠳᠠᠨ ᠡᠴᠠ ᠭᠠᠷᠳᠠᠨ ᠭᠢᠵᠤ ᠭᠦᠢᠴᠡᠦᠡᠭᠡᠳᠡᠭ᠌ ᠪᠣᠯᠤᠭᠰᠠᠨ ᠪᠠᠢ᠌ᠨᠠ᠃
ᠮᠤᠩᠭ᠋ᠤᠯᠴᠤᠳ ᠳᠠᠢ᠌ᠴᠢᠩ ᠭᠦᠷᠤᠨ ᠳᠤ ᠨᠤᠶᠠᠷᠬᠠᠭᠳᠠᠭᠰᠠᠨ ᠤ ᠳᠠᠷᠠᠭᠠ᠂ ᠡᠶᠡᠪᠠᠷ ᠵᠠᠰᠠᠭᠴᠢ ᠬᠠᠭᠠᠨ ᠡᠴᠠ ᠮᠤᠩᠭ᠋ᠤᠯ ᠤᠨ ᠯᠢᠭ᠍ᠳᠡᠨ ᠬᠠᠭᠠᠨ ᠤ ᠣᠭᠴᠠᠷᠠᠭᠤᠯᠤᠭᠰᠠᠨ ᠣᠷᠳᠤᠰ ᠤᠨ ᠡᠷᠢᠡᠴᠢᠨ ᠵᠢᠨᠤᠩ ᠤᠨ ᠵᠢᠨᠤᠩ ᠳᠤᠰᠢᠶᠠᠯ ᠢ ᠡᠷᠢᠡᠴᠢᠨ ᠳᠤ ᠳᠠᠭᠢᠨ ᠥᠭ᠍ᠴᠤ ᠳᠤᠮᠢᠯᠠᠪᠠ ᠃ ᠡᠩᠭᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠣᠷᠳᠤᠰ ᠳ᠋ᠠᠭᠢ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢᠨ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠶᠠᠪᠣᠳᠠᠯ ᠢ ᠬᠠᠤᠯᠢ ᠶᠤᠰᠤᠨ ᠤ ᠭᠢ ᠪᠣᠯᠭᠠᠨ ᠳᠤᠷᠠᠤᠠᠴᠠᠢ᠃ ᠴᠢᠩ ᠤᠨ ᠲᠦᠷᠦ ᠡᠴᠠ ᠮᠤᠩᠭ᠋ᠤᠯᠴᠤᠳ ᠲᠤ ᠬᠤᠰᠢᠭᠤ ᠴᠢᠭᠤᠯᠭᠠᠨ ᠤ ᠪᠠᠢ᠌ᠭᠤᠯᠤᠮᠵᠢ ᠶᠢᠨ ᠳᠦᠷᠢᠮ ᠢ ᠭᠡᠷᠡᠭ᠍ᠵᠢᠭᠦᠯᠵᠤ ᠭᠠᠵᠠᠷ ᠨᠤᠳᠤᠭ ᠳᠤᠭᠳᠠᠭᠠᠨ ᠬᠤᠪᠢᠶᠠᠵᠤ ᠂ 1649 ᠣᠨ ᠳᠤ ᠣᠷᠳᠤᠰ ᠢ ᠨᠢᠭᠡ ᠴᠢᠭᠤᠯᠭᠠᠨ ᠪᠣᠯᠭᠠᠵᠠᠢ᠃ ᠡᠭᠦᠨ ᠤ ᠬᠠᠮᠳᠤ᠂ ᠪᠠᠰᠠ ᠴᠢᠩᠭᠢᠰ ᠬᠠᠭᠠᠨ ᠤ ᠭᠦᠯᠦᠭ᠌ ᠪᠣᠭᠤᠷᠴᠤ ᠶᠢᠨ ᠬᠣᠢ᠌ᠴᠢ ᠦᠶᠡ ᠵᠡᠷᠭᠡ ᠴᠢᠩᠭᠢᠰ ᠬᠠᠭᠠᠨ ᠤ ᠥᠷᠯᠦᠭ᠌ ᠪᠠᠭᠠᠳᠤᠷ ᠠᠠᠳᠠ ᠨᠡᠷ ᠤᠨ ᠬᠣᠢ᠌ᠴᠢᠰ ᠢ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠳᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠡᠷᠭᠦᠳᠡᠭ᠌ ᠨᠢᠭᠡ ᠪᠦᠯᠦᠭ᠌ ᠨᠠᠢ᠌ᠳᠠ ᠳᠠᠪᠤᠨ ᠵᠠᠭᠤᠨ ᠡᠷᠦᠭᠡ ᠭᠦᠮᠦᠰ ᠢ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢᠨ ᠳᠠᠢ᠌ᠯᠭᠠ ᠵᠡᠷᠭᠡ ᠶᠠᠪᠣᠳᠠᠯ ᠳᠤ ᠥᠢᠯᠡᠴᠢᠯᠡᠭᠦᠯᠤᠨ ᠳᠠᠷᠬᠠᠯᠠᠪᠠ᠃ ᠳᠠᠷᠬᠠᠤᠨ ᠤᠳ ᠲᠦᠷᠦ ᠳᠤ ᠠᠯᠪᠠ ᠳᠠᠳᠠᠪᠣᠷᠢ ᠦᠭᠡᠶ ᠭᠠᠭᠴᠠ ᠭᠦ ᠡᠷᠦᠭᠡ ᠪᠦᠷᠢ ᠨᠢᠭᠡ ᠯᠠᠩ ᠮᠦᠩᠭᠦ ᠭᠠᠷᠭᠠᠵᠤ ᠳᠠᠪᠤᠨ ᠵᠠᠭᠤᠨ ᠯᠠᠩ ᠮᠦᠩᠭᠦᠨ ᠶᠢᠡᠷ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠵᠡᠷᠭᠡ ᠶᠠᠪᠣᠳᠠᠯ ᠳᠤ ᠭᠡᠷᠡᠭᠯᠡᠭᠦᠯᠳᠡᠭ᠌᠃ ᠪᠣᠰᠤᠳ ᠳᠤᠯᠤᠭᠠᠨ ᠬᠤᠰᠢᠭᠤᠨ ᠤ ᠣᠷᠳᠤᠰᠴᠤᠳ ᠡᠭᠦᠨ ᠡᠴᠠ ᠡᠭᠢᠯᠡᠨ ᠴᠢᠩ ᠤᠨ ᠲᠦᠷᠦ ᠶᠢᠨ ᠠᠯᠪᠠᠳᠤ ᠠᠷᠠᠤᠨ ᠪᠣᠯᠵᠤ ᠴᠢᠩ ᠤᠨ ᠲᠦᠷᠦ ᠳᠤ ᠥᠢᠯᠡᠴᠢᠯᠡᠭᠦ ᠪᠣᠯᠵᠠᠢ᠃ ᠡᠭᠦᠨ ᠢ ᠳᠠᠭᠠᠯᠳᠤᠨ ᠵᠢᠨᠤᠩ ᠤᠨ ᠳᠤᠰᠢᠶᠠᠯ ᠨᠢ ᠭᠠᠭᠴᠠ ᠭᠦ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢᠨ ᠳᠠᠢ᠌ᠯᠭᠠ ᠶᠢᠨ ᠶᠤᠰᠤᠯᠠᠯ ᠤᠨ ᠡᠷᠭᠢᠯᠡᠨ ᠭᠦᠢᠴᠡᠦᠡᠭᠡᠭ᠍ᠴᠢ ᠪᠣᠯᠵᠤ᠂ ᠳᠠᠪᠤᠨ ᠵᠠᠭᠤᠨ ᠡᠷᠦᠭᠡ ᠳᠠᠷᠬᠠᠤᠨ ᠤᠨ ᠶᠠᠪᠣᠳᠠᠯ ᠢ ᠬᠠᠮᠢᠶᠠᠷᠬᠤ ᠪᠣᠯᠤᠭᠰᠠᠨ ᠪᠠᠢ᠌ᠨᠠ ᠃
ᠳᠤᠮᠳᠠᠳᠤ ᠢᠷᠭᠡᠨ ᠣᠯᠤᠰ ᠤᠨ ᠡᠭᠢᠨ ᠦᠶᠡ ᠳᠤ ᠮᠤᠩᠭ᠋ᠤᠯ ᠨᠤᠳᠤᠭ ᠲᠤ ᠬᠠᠷᠠᠭᠠᠯᠵᠠᠯ ᠥᠵᠡᠭᠦᠯᠤᠨᠡ ᠭᠡᠵᠤ ᠨᠤᠶᠠᠷᠬᠠᠯ ᠢ ᠣᠭ ᠭᠡᠪ ᠶᠢᠡᠷ ᠥᠯᠡᠳᠡᠭᠡᠵᠤ ᠪᠠᠢ᠌ᠭᠰᠠᠨ ᠡᠴᠠ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠴᠤ ᠣᠤᠯ ᠶᠤᠰᠤᠭᠠᠷ ᠶᠠᠪᠣᠭᠳᠠᠵᠤ ᠪᠠᠢ᠌ᠵᠠᠢ᠃ 1937 ᠣᠨ ᠤ ᠯᠤ ᠭᠧᠤ ᠴᠢᠶᠤᠤ ᠭᠦᠭᠦᠷᠭᠡ ᠶᠢᠨ ᠭᠡᠷᠡᠭ᠌ ᠬᠤᠪᠢᠰᠤᠯ ᠤᠨ ᠳᠠᠷᠠᠭᠠ᠂ ᠶᠠᠫᠣᠨ ᠡᠵᠡᠷᠭᠡᠭ᠌ ᠳᠦᠷᠢᠮᠡᠭᠡᠢ᠌ᠳᠡᠨ ᠪᠣᠷᠤᠳᠤᠬᠤᠢ ᠣᠷᠤᠨ ᠳᠤ ᠴᠦᠮᠤᠷᠢᠨ ᠣᠷᠤᠵᠤ ᠢᠷᠡᠭ᠍ᠰᠡᠨ ᠡᠴᠠ ᠣᠷᠳᠤᠰ ᠨᠤᠳᠤᠭ ᠥᠢᠮᠡᠭᠡᠨ ᠳᠦᠢᠪᠠᠭᠡᠨ ᠳᠡᠭ᠍ᠳᠡᠵᠤ ᠨᠡᠢ᠌ᠭᠡᠮ ᠤᠨ ᠪᠠᠢ᠌ᠳᠠᠯ ᠠᠮᠤᠷ ᠳᠤᠭᠳᠠᠭᠤᠨ ᠦᠭᠡᠶ ᠪᠣᠯᠵᠠᠢ᠃ ᠮᠦᠨ ᠴᠤ ᠶᠠᠫᠣᠨ ᠳᠡᠭᠡᠷᠡᠮᠴᠢᠤᠨ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠣᠤᠯᠭᠠᠯᠠᠨ ᠠᠪᠠᠴᠢᠬᠤ ᠪᠠᠷ ᠬᠤᠤᠪᠢᠯᠳᠤᠵᠤ ᠪᠠᠢ᠌ᠯᠠ᠃ ᠡᠢ᠌ᠨᠭᠦ ᠱᠠᠭᠳᠠᠷᠵᠠᠪ ᠨᠤᠶᠠᠨ 1939 ᠣᠨ ᠤ 6 ᠰᠠᠷᠠ ᠶᠢᠨ 11 ᠤ ᠡᠳᠦᠷ ᠭᠤᠮᠢᠠᠳᠠᠩ ᠤᠨ ᠳᠦᠪ ᠵᠠᠰᠠᠭ ᠤᠨ ᠣᠷᠳᠤᠨ ᠤ ᠬᠠᠪᠰᠤᠷᠤᠯᠭᠠ ᠪᠠᠷ ᠥᠪᠠᠳᠡᠭ᠍ᠰᠢ ᠶᠡᠭᠡ ᠳᠠᠢ᠌ᠯᠭᠠ ᠭᠢᠵᠤ᠂ ᠬᠠᠷᠠ ᠰᠦᠯᠳᠡ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠴᠢᠠᠳᠠᠷ ᠤᠨ ᠬᠠᠭᠤᠷᠴᠠᠭ᠂ ᠬᠤᠯᠠᠨ ᠬᠠᠳᠤᠨ ᠤ ᠴᠢᠠᠳᠠᠷ ᠤᠨ ᠬᠠᠭᠤᠷᠴᠠᠭ ᠵᠡᠷᠭᠡ ᠰᠢᠳᠦᠭᠡᠤᠨ ᠢ ᠪᠠᠷᠠᠭᠤᠠᠰᠢ ᠵᠠᠯᠠᠪᠠ᠃ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠳᠠᠷᠬᠠᠤᠨ ᠤᠨ ᠪᠠᠭᠠ ᠳᠠᠷᠤᠭᠠ ᠪᠠᠶᠠᠠᠵᠠᠪ᠂ ᠵᠡᠭᠦᠨ ᠶᠠᠮᠤᠳᠠᠨ ᠪᠠᠶᠠᠷᠳᠠᠯᠠᠢ᠂ ᠪᠠᠳᠦᠭᠡᠰᠢᠭ᠌᠂ ᠣᠷᠳᠤᠨᠠᠰᠤᠨ ᠵᠡᠷᠭᠡ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠰᠠᠭᠢᠨ ᠳᠠᠢ᠌ᠯᠭᠠ ᠭᠦᠢᠴᠡᠦᠡᠭᠡᠳᠡᠭ᠌ ᠳᠦᠴᠢᠭᠡᠤᠨ ᠨᠠᠷᠠ ᠳᠠᠷᠬᠠᠤᠨ ᠳᠠᠭᠠᠯᠴᠠᠨ ᠶᠠᠪᠣᠵᠠᠢ᠃ ᠡᠭᠦᠨ ᠳᠤ᠂ ᠳᠡᠮᠡᠭᠡᠳᠤ᠂ ᠶᠠᠨ ᠠᠨ ᠂ ᠰᠢ ᠠᠨ ᠪᠠᠷ ᠥᠩᠭᠡᠷᠡᠭᠦ ᠳᠤ ᠥᠪᠠᠳᠡᠭ᠍ᠰᠢ ᠶᠡᠭᠡ ᠣᠭᠳᠤᠬᠤ ᠳᠠᠭᠢᠯᠭᠠ ᠭᠢᠵᠠᠢ᠃ 7 ᠰᠠᠷᠠ ᠶᠢᠨ 1 ᠤ ᠡᠳᠦᠷ ᠲᠤ ᠭᠠᠠᠰᠤ ᠮᠤᠵᠢ ᠶᠢᠨ ᠢᠤᠢ ᠵᠦᠩ ᠰᠢᠶᠠᠨ ᠬᠤᠳᠠ ᠶᠢᠨ ᠪᠠᠷᠠᠭᠤᠨ ᠡᠮᠤᠨᠡ ᠪᠠᠢ᠌ᠭᠠ ᠰᠢᠩ ᠯᠤᠢᠩ ᠱᠠᠨ ᠠᠭᠤᠯᠠᠨ ᠤ ᠳ᠋ᠠ ᠪᠦᠸᠧ ᠳ᠋ᠢᠶᠠᠨ ᠬᠠᠷᠰᠢ ᠰᠦᠮᠡ ᠳᠤ ᠣᠷᠤᠰᠢᠭᠤᠯᠤᠨ ᠳᠠᠯᠪᠢᠵᠤ᠂ ᠮᠦᠨ ᠣᠭ ᠤᠨ ᠠᠳᠠᠯᠢ ᠪᠠᠷ ᠳᠡᠭᠦᠨ ᠢ ᠰᠠᠭᠢᠭᠰᠠᠨ ᠳᠠᠷᠬᠠᠤᠨ ᠠᠷᠠᠤᠨ ᠣᠭ ᠶᠤᠰᠤᠭᠠᠷ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠪᠠᠨ ᠣᠰᠤᠯᠳᠡᠯ ᠦᠭᠡᠶ ᠭᠢᠵᠤ ᠪᠠᠢ᠌ᠪᠠ᠃ 1949 ᠣᠨ ᠤ 8 ᠰᠠᠷᠠ ᠳᠤ ᠭᠦᠭᠡᠨᠡᠭᠤᠷ ᠮᠤᠵᠢ ᠶᠢᠨ ᠭᠦᠮᠪᠣᠮ ᠭᠡᠢ᠌ᠤᠨ ᠲᠤ ᠰᠢᠯᠵᠢᠭᠦᠯᠤᠨ ᠳᠠᠭᠢᠵᠠᠢ ᠃
ᠣᠯᠤᠰ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠂ ᠲᠦᠷᠦ ᠡᠴᠠ ᠵᠥᠪᠰᠢᠶᠡᠷᠡᠭᠦᠯᠵᠤ 1954 ᠣᠨ ᠤ 4 ᠰᠠᠷᠠ ᠳᠤ ᠠᠢ᠌ᠮᠠᠭ ᠤᠨ ᠳᠠᠷᠤᠭᠠ ᠸᠠᠴᠢᠷᠬᠤᠶᠠᠭᠳᠤ ᠂ ᠳᠠᠷᠬᠠᠤᠨ ᠤᠨ ᠳᠠᠷᠤᠭᠠ ᠪᠣᠤᠰᠤᠸᠠᠷ ᠵᠡᠷᠭᠡ ᠶᠢᠨ 29 ᠭᠦᠮᠤᠨ ᠡᠴᠠ ᠪᠦᠷᠢᠯᠳᠦᠭ᠍ᠰᠡᠨ ᠪᠦᠯᠭᠦᠮ ᠭᠦᠮᠪᠣᠮ ᠳᠤ ᠭᠦᠷᠴᠤ ᠂ ᠡᠵᠡᠨ ᠬᠤᠷᠤᠭᠠᠨ ᠳᠠᠭᠠᠨ ᠵᠠᠯᠠᠵᠤ ᠠᠪᠴᠢᠷᠠᠵᠤ ᠂ ᠰᠢᠨᠡ ᠣᠩᠭ᠋ᠤᠨ ᠣᠷᠳᠤ ᠪᠠᠢ᠌ᠭᠤᠯᠵᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠪᠠᠨ ᠥᠷᠭᠦᠯᠵᠢᠯᠡᠭᠦᠯᠵᠡᠢ ᠃ ᠳᠠᠷᠠ ᠦᠶᠡ ᠳᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠳᠠᠷᠬᠠᠤᠨ ᠢ ᠴᠤ ᠴᠤᠮᠬᠠᠤᠠᠬᠠᠨ 8 ᠭᠦᠮᠤᠨ ᠶᠢᠡᠷ ᠳᠤᠭᠳᠠᠭᠠᠵᠤ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠳᠤ ᠥᠢᠯᠡᠴᠢᠯᠡᠭᠦᠯᠪᠡ᠃
ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠤᠨ ᠠᠷᠪᠠᠨ ᠵᠢᠯ ᠤᠨ ᠨᠥᠯᠦᠭᠡ ᠪᠠᠷ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠨᠢᠭᠡᠨ ᠦᠶᠡ ᠳᠠᠰᠤᠯᠳᠠᠭᠰᠠᠨ ᠪᠠᠢ᠌ᠳᠠᠭ᠃ ᠳᠠᠷᠠᠭᠠ ᠪᠠᠷ ᠨᠠᠮ ᠵᠠᠰᠠᠭ ᠤᠨ ᠬᠠᠯᠠᠮᠵᠢᠯᠠᠯ ᠶᠢᠡᠷ ᠳᠠᠷᠬᠠᠤᠨ ᠠᠷᠠᠤᠨ ᠡᠴᠠ1980 ᠣᠨ ᠡᠴᠠ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠪᠠᠨ ᠳᠠᠭᠢᠠᠳᠠ ᠰᠡᠷᠭᠦᠭᠡᠵᠤ᠂ ᠮᠤᠩᠭ᠋ᠤᠯ ᠲᠦᠷᠦ ᠶᠢᠨ ᠰᠤᠶᠤᠯ ᠤᠨ ᠭᠤᠯᠤᠮᠳᠠ ᠪᠣᠯᠤᠭᠰᠠᠨ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠰᠢᠳᠦᠭᠡᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠪᠠᠨ ᠣᠯᠠᠮ ᠡᠴᠠ ᠣᠯᠠᠮ ᠭᠦᠭ᠍ᠵᠢᠭᠡᠵᠤ ᠪᠠᠢ᠌ᠨᠠ᠃ ᠡᠨᠡ ᠪᠣᠯ ᠮᠤᠩᠭ᠋ᠤᠯ ᠲᠦᠷᠦ ᠡᠴᠠ ᠳᠠᠷᠬᠠᠯᠠᠭᠰᠠᠨ ᠳᠠᠷᠬᠠᠤᠠᠴᠤᠳ ᠤᠨ ᠮᠥᠩᠭᠡ ᠶᠢᠨ ᠭᠠᠪᠢᠶᠠ ᠪᠣᠯᠤᠨᠠ᠃ ᠣᠩᠭ᠋ᠤᠨ ᠰᠦᠨᠠᠰᠤ ᠶᠢ ᠰᠠᠭᠢᠳᠠᠭ ᠳᠠᠷᠬᠠᠤᠨ ᠪᠠᠢ᠌ᠮᠠᠠᠵᠢᠨ ᠰᠠᠶᠢ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠪᠣᠯᠤᠨ ᠳᠡᠭᠦᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠰᠤᠶᠤᠯ ᠡᠳᠦᠭᠡ ᠳᠤ ᠭᠦᠷᠳᠡᠯᠡ ᠣᠯᠠᠮᠵᠢᠯᠠᠵᠤ ᠴᠢᠳᠠᠭᠰᠠᠨ ᠪᠠᠢ᠌ᠳᠠᠭ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠪᠣᠯᠤᠨ ᠳᠡᠭᠦᠨ ᠤ ᠰᠠᠭᠢᠭᠴᠢ ᠳᠠᠷᠬᠠᠤᠨ ᠤᠨ ᠰᠤᠶᠤᠯ ᠪᠣᠯ ᠳᠠᠯᠠ ᠨᠤᠳᠤᠭ ᠤᠨ ᠮᠤᠩᠭ᠋ᠤᠯ ᠰᠤᠶᠤᠯ ᠤᠨ ᠦᠨᠢᠳᠠ ᠶᠢᠨ ᠳᠦᠪ ᠮᠦᠨ᠃
ᠳᠠᠷᠬᠠᠤᠨ ᠤᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠳᠠ
ᠰᠢᠷᠠ ᠳᠠᠷᠬᠠᠤᠨ ᠢ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠡᠵᠡᠨ ᠤ ᠳᠠᠷᠬᠠᠤᠨ ᠪᠠ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠭᠡᠮᠡᠨ ᠬᠤᠶᠠᠷ ᠳᠠᠯᠠ ᠬᠤᠪᠢᠶᠠᠳᠠᠭ᠃ ᠡᠨᠡ ᠬᠤᠶᠠᠷ ᠳᠠᠯᠠ ᠳᠤ ᠳᠤᠰᠪᠣᠷᠢ ᠳᠠᠢ᠌ᠯᠭᠠ ᠡᠷᠭᠢᠯᠡᠨ ᠭᠦᠢᠴᠡᠦᠡᠭᠡᠭᠦ ᠨᠠᠢᠮᠠᠨ ᠶᠠᠮᠤᠳᠠᠤᠨ ᠲᠡᠶ᠃ 《ᠶᠠᠮᠤᠳᠠᠤᠨ》ᠭᠡᠵᠤ ᠴᠢᠩᠭᠢᠰ ᠬᠠᠭᠠᠨ ᠤ ᠰᠢᠳᠦᠭᠡᠤᠨ ᠤᠨ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢ ᠡᠷᠭᠢᠯᠡᠨ ᠭᠦᠢᠴᠡᠦᠡᠭᠡᠭ᠍ᠴᠢ ᠳᠤᠰᠬᠠᠢ ᠠᠵᠢᠯ ᠠᠯᠪᠠ ᠲᠡᠶ ᠳᠠᠷᠬᠠᠯᠠᠭᠰᠠᠨ ᠭᠦᠮᠦᠰ ᠢ ᠭᠡᠯᠡᠳᠡᠭ᠌᠃ ᠪᠣᠭᠳᠠ ᠶᠢᠨ ᠳᠠᠯᠠ ᠶᠢᠨ ᠶᠡᠭᠡ ᠳᠠᠷᠬᠠᠤᠨ ( ᠡᠵᠡᠨ ᠤ ᠳᠠᠷᠬᠠᠤᠨ ) ᠢ ᠪᠣᠭᠤᠷᠴᠤ ᠶᠢᠨ ᠬᠣᠢ᠌ᠴᠢᠰ ᠮᠠᠳᠠᠵᠤ ᠂ ᠰᠦᠯᠳᠡ ᠶᠢᠨ ᠳᠠᠯᠠ ᠶᠢᠨ ᠪᠠᠭᠠ ᠳᠠᠷᠬᠠᠤᠨ ( ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ) ᠢ ᠮᠤᠬᠤᠯᠠᠢ ᠶᠢᠨ ᠬᠣᠢ᠌ᠴᠢᠰ ᠮᠠᠳᠠᠵᠤ ᠪᠠᠢ᠌ᠨᠠ᠃ ᠰᠢᠷᠠ ᠳᠠᠷᠬᠠᠤᠨ ᠤᠨ ᠳᠠᠭᠢᠯᠭᠠ ᠳᠠᠢ᠌ᠯᠭᠠ ᠭᠦᠢᠴᠡᠦᠡᠭᠡᠳᠡᠭ᠌ ᠭᠦᠮᠦᠰ ᠢ ᠶᠠᠮᠤᠳᠠᠤᠨ ᠭᠡᠳᠡᠭ᠌᠃ ᠶᠠᠮᠤᠳᠠᠤᠨ ᠢ ᠪᠠᠰᠠ ᠪᠣᠭᠳᠠ ᠶᠢᠨ ᠳᠠᠯᠠ ᠶᠢᠨ ᠶᠡᠭᠡ ᠶᠠᠮᠤᠳᠠᠤᠨ᠂ ᠰᠦᠯᠳᠡ ᠶᠢᠨ ᠳᠠᠯᠠ ᠶᠢᠨ ᠪᠠᠭᠠ ᠶᠠᠮᠤᠳᠠᠤᠨ ᠭᠡᠵᠤ ᠬᠤᠪᠢᠶᠠᠳᠠᠭ᠃ ᠶᠠᠮᠤᠳᠠᠤᠨ ᠪᠣᠯ ᠳᠠᠭᠢᠯᠭᠠ ᠳᠠᠢ᠌ᠯᠭᠠ ᠡᠷᠭᠢᠯᠡᠨ ᠭᠦᠢᠴᠡᠦᠡᠭᠡᠭᠦ ᠪᠠ ᠳᠠᠭᠢᠯᠭᠠ ᠳᠠᠢ᠌ᠯᠭᠠ ᠶᠢᠨ ᠭᠡᠰᠢᠭ᠌ ᠶᠠᠮᠤ ᠬᠤᠪᠢᠶᠠᠨ ᠭᠦᠷᠳᠡᠭᠦ ᠣᠠᠴᠠ ᠡᠷᠭᠡ ᠲᠡᠶ ᠭᠦᠮᠦᠰ᠃ ᠳᠠᠷᠬᠠᠤᠨ ᠨᠢ ᠵᠢᠨᠤᠩ᠂ ᠠᠢ᠌ᠮᠠᠭ ᠤᠨ ᠳᠠᠷᠤᠭᠠ ᠶᠢᠨ ᠰᠢᠭᠤᠳ ᠬᠠᠮᠢᠶᠠᠷᠤᠯᠳᠠ ᠶᠢ ᠭᠦᠯᠢᠶᠡᠵᠤ ᠪᠠᠢ᠌ᠵᠠᠢ᠃
ᠵᠢᠨᠤᠩ ᠳᠤᠰᠢᠶᠠᠯ ᠪᠣᠯ ᠦᠨ ᠣᠯᠤᠰ ᠤᠨ ᠦᠶᠡ ᠳᠤ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢᠨ ᠳᠠᠢ᠌ᠯᠭᠠ ᠶᠢᠨ ᠡᠷᠭᠢᠯᠡᠭ᠍ᠴᠢ ᠪᠦᠭᠡᠤᠨ ᠪᠦᠭᠦ ᠮᠤᠩᠭ᠋ᠤᠯ ᠢ ᠮᠠᠳᠠᠵᠤ ᠪᠠᠢ᠌ᠭᠰᠠᠨ᠃ ᠣᠮᠠᠷᠠᠳᠤ ᠦᠨ ᠤ ᠲᠦᠷᠦ ᠶᠢᠨ ᠪᠠᠳᠦᠮᠥ᠋ᠩᠭᠡ ᠳᠠᠶᠠᠨ ᠬᠠᠭᠠᠨ ᠪᠦᠭᠦ ᠮᠤᠩᠭ᠋ᠤᠯ ᠳᠤᠭᠠᠳᠠᠨ ᠢ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ᠂ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ ᠭᠡᠮᠡᠨ ᠵᠢᠷᠭᠤᠭᠠᠨ ᠲᠦᠮᠡᠨ ᠪᠣᠯᠭᠠᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠭᠰᠠᠨ ᠳᠠᠷᠠ ᠦᠶᠡ ᠳᠤ ᠵᠢᠨᠤᠩ ᠨᠤᠶᠠᠨ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠢ ᠮᠡᠳᠡᠭᠦ ᠳᠤᠰᠢᠶᠠᠯ ᠪᠣᠯᠵᠤ ᠣᠷᠳᠤᠰ ᠲᠦᠮᠡᠨ ᠳᠡᠭᠡᠷᠡ ᠳᠦᠪᠯᠠᠨ ᠰᠠᠭᠤᠪᠠ᠃ ᠪᠠᠳᠦᠮᠥ᠋ᠩᠭᠡ ᠳᠠᠶᠠᠨ ᠬᠠᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠭᠦᠪᠠᠭᠦᠨ ᠪᠠᠷᠰᠪᠣᠯᠤᠳ ᠰᠠᠢ᠌ᠨ ᠠᠯᠠᠭ ᠵᠢᠨᠤᠩ ᠤᠨ ᠦᠶᠡ ᠡᠴᠠ ᠬᠣᠢ᠌ᠰᠢ ᠵᠢᠨᠤᠩ ᠨᠢ ᠬᠠᠭᠠᠨ ᠣᠷᠤ ᠵᠠᠯᠭᠠᠮᠵᠢᠯᠠᠭᠰᠠᠨ ᠦᠭᠡᠶ ᠪᠠᠷ ᠳᠤᠰ ᠳᠤᠰᠢᠶᠠᠯ ᠢ ᠦᠶᠡ ᠵᠠᠯᠭᠠᠮᠵᠢᠯᠠᠬᠤ ᠪᠣᠯᠪᠠ᠃ ᠳᠡᠭᠦᠨ ᠤ ᠳᠠᠷᠠᠭᠠ ᠭᠦᠡᠪᠢᠯᠢᠭ᠍ᠳᠤ ᠮᠡᠷᠭᠡᠨ ᠵᠢᠨᠤᠩ ᠤᠨ ᠦᠶᠡ ᠡᠴᠠ ᠡᠭᠢᠯᠡᠨ ᠵᠢᠨᠤᠩ ᠨᠤᠶᠠᠨ ᠨᠢ ᠭᠠᠭᠴᠠᠭᠦ ᠣᠷᠳᠤᠰ ᠲᠦᠮᠡᠨ ᠢ ᠳᠦᠪᠯᠠᠨ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠣᠷᠳᠤ ᠶᠢᠨ ᠳᠠᠢ᠌ᠯᠭᠠ ᠶᠢᠨ ᠭᠡᠷᠡᠭ᠌ ᠢ ᠡᠷᠭᠢᠯᠡᠭᠦ ᠪᠣᠯᠪᠠ᠃ ᠪᠠᠳᠦᠮᠥ᠋ᠩᠭᠡ ᠳᠠᠶᠠᠨ ᠬᠠᠭᠠᠨ ᠤ ᠦᠶᠡ ᠳᠤ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠰᠠᠭᠢᠭᠰᠠᠨ ᠣᠷᠳᠤᠰ ᠭᠦᠮᠤᠨ ᠤ ᠭᠦᠮᠤᠨ ᠠᠮᠠ ᠨᠡᠮᠡᠭ᠍ᠳᠡᠨ ᠥᠷᠭᠡᠵᠢᠨ ᠭᠦᠴᠦᠷᠭᠡᠭ᠍ᠵᠢᠵᠤ ᠵᠢᠷᠭᠤᠭᠠᠨ ᠲᠦᠮᠡᠨ ᠤ ᠨᠢᠭᠡ ︱ ᠣᠷᠳᠤᠰ ᠲᠦᠮᠡᠨ ᠪᠣᠯᠤᠭᠰᠠᠨ ᠴᠤ ᠳᠠᠳᠠᠨ ᠤ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠰᠠᠭᠢᠨ ᠬᠠᠮᠠᠭᠠᠯᠠᠵᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢ ᠭᠦᠢᠴᠡᠦᠡᠭᠡᠭᠦ ᠨᠠᠠᠳᠢᠨ ᠳᠠᠩᠭ᠋ᠠᠷᠢᠭ ᠪᠦᠭᠦᠢ ᠳᠠᠷᠬᠠᠨ ᠬᠠᠷᠢᠭᠤᠴᠠᠯᠭᠠᠳᠤ ᠡᠭᠦᠷᠭᠡ ᠨᠢ ᠬᠤᠪᠢᠷᠠᠭᠰᠠᠨ ᠦᠭᠡᠶ ᠶᠤᠮ᠃ ᠣᠷᠳᠤᠰᠴᠤᠳ ᠴᠢᠩ ᠭᠦᠷᠤᠨ ᠤ ᠨᠤᠶᠠᠷᠬᠠᠯ ᠢ ᠭᠦᠯᠢᠶᠡᠭ᠍ᠰᠡᠨ ᠤ ᠰᠡᠭᠦᠯᠡᠷ ᠵᠢᠨᠤᠩ ᠤᠨ ᠳᠤᠰᠢᠶᠠᠯ ᠢ ᠭᠠᠭᠴᠠ ᠭᠦ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠡᠷᠭᠢᠯᠡᠨ ᠳᠠᠢ᠌ᠬᠤ ᠳᠤᠰᠬᠠᠢ ᠳᠤᠰᠢᠶᠠᠯ ᠶᠢᠡᠷ ᠭᠢᠵᠠᠭᠠᠷᠯᠠᠵᠤ᠂ ᠡᠷᠢᠡᠴᠢᠨ ᠵᠢᠨᠤᠩ ᠡᠴᠠ ᠡᠭᠢᠯᠡᠨ ᠡᠨᠡᠭᠦ ᠳᠤᠰᠢᠶᠠᠯ ᠢ ᠭᠦᠢᠴᠡᠦᠡᠭᠡᠵᠡᠢ᠃ ᠳᠠᠷᠠ ᠦᠶᠡ ᠡᠴᠠ ᠡᠭᠢᠯᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠵᠡᠷᠭᠡ ᠮᠤᠩᠭ᠋ᠤᠯ ᠤᠨ ᠶᠡᠷᠦᠩᠭᠡᠢ ᠶᠢᠨ ᠰᠢᠳᠦᠭᠡᠨ ᠳᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢ ᠭᠠᠷᠳᠠᠨ ᠭᠢᠳᠡᠭ᠌ ᠳᠠᠷᠬᠠᠤᠨ ᠤᠳ ᠡᠴᠠ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢᠨ ᠠᠯᠢᠪᠠ ᠣᠢ᠌ᠯᠠᠰ ᠢ ᠬᠠᠷᠢᠭᠤᠴᠠᠨ ᠭᠦᠢᠴᠡᠦᠡᠭᠡᠳᠡᠭ᠌ ᠪᠣᠯᠵᠠᠢ᠃ ᠳᠡᠭᠦᠨ ᠶᠢᠡᠷ ᠳᠠᠷᠬᠠᠤᠨ ᠢ ᠡᠯᠡ ᠠᠢ᠌ᠮᠠᠭ ᠣᠭᠰᠠᠭᠠ ᠪᠦᠯᠦᠭ᠌ ᠡᠴᠠ ᠨᠢ ᠰᠠᠯᠭᠠᠵᠤ ᠳᠤᠰᠬᠠᠢ ᠳᠠᠷᠬᠠᠤᠨ ᠤᠨ ᠵᠤᠬᠢᠶᠠᠨ ᠪᠠᠢ᠌ᠭᠤᠯᠤᠯᠳᠠ ᠶᠢ ᠪᠠᠢ᠌ᠭᠤᠯᠵᠤ ᠵᠢᠷᠭᠤᠭᠠᠨ ᠠᠢ᠌ᠮᠠᠭ ᠲᠤ ᠬᠤᠪᠢᠶᠠᠵᠠᠢ᠃ ᠡᠭᠦᠨ ᠡᠴᠠ ᠡᠭᠢᠯᠡᠨ ᠣᠷᠳᠤᠰᠴᠤᠳ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢᠨ ᠠᠯᠢᠪᠠ ᠳᠤ ᠥᠢᠯᠡᠴᠢᠯᠡᠭᠦ《ᠳᠠᠷᠬᠠᠯᠠᠭᠰᠠᠨ ᠡᠷᠭᠡ》 ᠪᠠᠨ ᠠᠯᠳᠠᠵᠤ᠂ ᠡᠨᠡᠭᠦ ᠳᠠᠷᠬᠠᠨ ᠡᠭᠦᠷᠭᠡ ᠨᠢ ᠭᠠᠭᠴᠠᠭᠦ ᠳᠠᠷᠬᠠᠤᠨ ᠤᠨ ᠮᠦᠷᠤᠨ ᠳᠡᠭᠡᠷᠡ ᠳᠠᠯᠪᠢᠭᠳᠠᠭᠰᠠᠨ ᠪᠠᠢ᠌ᠨᠠ᠃
ᠵᠢᠷᠭᠤᠭᠠᠨ ᠠᠢ᠌ᠮᠠᠭ ᠳᠠᠷᠬᠠᠤᠨ ᠢ ᠶᠡᠭᠡ ᠳᠠᠯᠠ ᠂ ᠪᠠᠭᠠ ᠳᠠᠯᠠ ᠭᠡᠵᠤ ᠬᠤᠶᠠᠷ ᠬᠤᠪᠢᠶᠠᠪᠠ ᠃ ᠳᠤᠬᠠᠢ᠌ᠯᠠᠪᠠᠯ ᠂ ᠪᠣᠭᠳᠠ ᠶᠢᠨ ᠳᠠᠷᠬᠠᠤᠨ ᠢ ᠶᠡᠭᠡ ᠳᠠᠯᠠ᠂ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠢ ᠪᠠᠭᠠ ᠳᠠᠯᠠ ᠭᠡᠳᠡᠭ᠌᠃ ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠶᠢ ᠰᠠᠭᠢᠵᠤ ᠳᠠᠢ᠌ᠯᠭᠠ ᠭᠢᠳᠡᠭ᠌ ᠳᠠᠷᠬᠠᠤᠨ ᠢ ᠪᠣᠭᠳᠠ ᠶᠢᠨ ᠳᠠᠷᠬᠠᠤᠨ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠬᠠᠷᠢᠶᠠ ᠶᠡᠭᠡᠳᠤ ᠬᠠᠷᠠ ᠰᠦᠯᠳᠡ ᠶᠢ ᠰᠠᠭᠢᠵᠤ ᠳᠠᠢ᠌ᠯᠭᠠ ᠭᠢᠵᠤ ᠪᠠᠢ᠌ᠭᠠ ᠳᠠᠷᠬᠠᠤᠨ ᠢ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠭᠡᠳᠡᠭ᠌᠃
ᠪᠣᠭᠳᠠ ᠶᠢᠨ ᠳᠠᠯᠠ ᠶᠢᠨ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠠᠯᠪᠠ ᠭᠦᠢᠴᠡᠦᠡᠭᠡᠭᠦ ᠨᠠᠢᠮᠠᠨ ᠶᠠᠮᠤᠳᠠᠤᠨ ᠨᠢ ᠳᠠᠢ᠌ᠰᠢ᠂ ᠳᠠᠢ᠌ᠪᠣᠤ᠂ ᠮᠠᠩᠯᠠᠢ᠂ ᠬᠤᠠᠵᠢᠨ᠂ ᠭᠦᠭᠦᠭᠡ᠂ ᠳᠤᠤᠯᠢ᠂ ᠬᠠᠰᠠᠭᠠ᠂ ᠴᠠᠷᠪᠢ ᠵᠡᠷᠭᠡ᠃ ᠳᠠᠢ᠌ᠰᠢ ᠶᠠᠮᠤᠳᠤ ᠨᠢ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠳᠦᠷᠦᠭᠦᠤ᠃ ᠴᠢᠩᠭᠢᠰ ᠬᠠᠭᠠᠨ ᠤ ᠴᠢᠠᠳᠠᠷ ᠤᠨ ᠬᠠᠭᠤᠷᠴᠠᠭ ᠤᠨ ᠳᠦᠯᠭᠢᠭᠦᠷ ᠢ ᠬᠠᠮᠢᠶᠠᠷᠴᠤ ᠪᠠᠢ᠌ᠳᠠᠭ ᠴᠢᠬᠤᠯᠠ ᠪᠠᠢ᠌ᠷᠢ ᠰᠠᠭᠤᠷᠢ ᠲᠡᠶ᠃ ᠳᠠᠢ᠌ᠰᠢ ᠶᠠᠮᠤᠳᠠᠤᠨ ᠲᠤ ᠮᠠᠩᠯᠠᠢ ᠳᠠᠢ᠌ᠰᠢ᠂ ᠠᠢ᠌ᠯᠠᠤᠠᠬᠠᠯ ᠳᠠᠢ᠌ᠰᠢ᠂ ᠳᠠᠢ᠌ᠰᠢ ᠭᠡᠵᠤ ᠪᠠᠢ᠌ᠳᠠᠭ᠃ ᠳᠠᠢ᠌ᠪᠣᠤ ᠶᠠᠮᠤᠳᠤ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠢ ᠪᠠᠯᠡᠦᠡᠭᠡᠨ ᠳᠤᠭᠢᠷᠠᠭᠤᠯᠤᠭᠴᠢ ᠪᠣᠯᠤᠨᠠ᠃ ᠳᠠᠢ᠌ᠪᠣᠤ ᠶᠠᠮᠤᠳᠤ ᠳᠤ ᠴᠠᠷᠭᠢ ᠳᠠᠢ᠌ᠪᠣᠤ᠂ ᠠᠬᠠᠯᠠᠬᠤ ᠳᠠᠢ᠌ᠪᠣᠤ᠂ ᠳᠠᠢ᠌ᠪᠣᠤ ᠭᠡᠵᠤ ᠪᠠᠢ᠌ᠳᠠᠭ᠃ ᠮᠠᠩᠯᠠᠢ ᠶᠠᠮᠤᠳᠤ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠪᠦᠭᠡᠤᠨ ᠶᠡᠭᠡ ᠪᠠᠭᠠ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠢ ᠡᠭᠢᠯᠡᠭᠦᠯᠦᠭ᠍ᠴᠢ ᠪᠣᠯᠤᠨᠠ᠃ ᠮᠠᠩᠯᠠᠢ ᠶᠠᠮᠤᠳᠠᠤᠨ ᠲᠤ ᠳᠤᠳᠤᠷᠠ ᠶᠢᠨ ᠮᠠᠩᠯᠠᠢ᠂ ᠭᠠᠳᠠᠨᠠ ᠶᠢᠨ ᠮᠠᠩᠯᠠᠢ᠂ ᠶᠡᠭᠡ ᠮᠠᠩᠯᠠᠢ᠂ ᠪᠠᠭᠠ ᠮᠠᠩᠯᠠᠢ ᠭᠡᠵᠤ ᠬᠤᠪᠢᠶᠠᠳᠠᠭ᠃ ᠬᠤᠠᠵᠢᠨ ᠶᠠᠮᠤᠳᠤ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠨᠠᠢ᠌ᠷ ᠭᠦᠭ᠍ᠵᠢᠮ ᠪᠠᠷᠢᠭᠴᠢ᠃ ᠴᠠᠷᠭᠢᠴᠢ ᠬᠤᠠᠵᠢᠨ᠂ ᠢᠷᠦᠭᠡᠯᠴᠢ ᠬᠤᠠᠵᠢᠨ᠂ ᠢᠯᠠᠭᠤᠭᠰᠠᠨ ᠬᠤᠠᠵᠢᠨ ᠭᠡᠵᠤ ᠪᠠᠢ᠌ᠳᠠᠭ᠃ ᠭᠦᠭᠦᠭᠡ ᠶᠠᠮᠤᠳᠤ ᠨᠢ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠢ ᠬᠠᠷᠢᠭᠤᠴᠠᠨ ᠥᠴᠢᠭ᠌ ᠥᠴᠢᠭ᠍ᠴᠢ᠃ ᠳᠠᠷᠬᠠᠤᠨ ᠤᠳ ᠮᠤᠩᠭ᠋ᠤᠯ ᠨᠤᠳᠤᠭ ᠲᠤ ᠭᠦᠷᠴᠤ ᠳᠠᠢ᠌ᠯᠭᠠ ᠶᠢᠨ ᠡᠳ᠋ ᠴᠤᠭᠯᠠᠭᠤᠯᠬᠤ ᠪᠠᠷ ᠶᠠᠪᠣᠵᠤ ᠪᠠᠢ᠌ᠬᠤ ᠳᠤ ᠬᠠᠭᠠᠨ ᠤ ᠵᠠᠷᠯᠢᠭ ᠤᠨ ᠪᠢᠴᠢᠭ᠌ ᠢ ᠳᠠᠭᠤᠳᠠᠳᠠᠭ ᠳᠤᠰᠬᠠᠢ ᠳᠤᠰᠢᠶᠠᠯᠳᠠᠨ ᠪᠣᠯᠤᠨᠠ᠃ ᠭᠦᠭᠦᠭᠡ ᠶᠠᠮᠤᠳᠠᠤᠨ ᠲᠤ ᠣᠢ᠌ᠵᠠᠩ ᠭᠦᠭᠦᠭᠡᠴᠢᠨ᠂ ᠴᠢᠩ ᠵᠤᠷᠢᠭᠳᠤ ᠭᠦᠭᠦᠭᠡᠴᠢᠨ᠂ ᠭᠦᠭᠦᠭᠡᠴᠢᠨ ᠭᠡᠵᠤ ᠪᠠᠢ᠌ᠳᠠᠭ᠃ ᠳᠤᠤᠯᠢ ᠶᠠᠮᠤᠳᠤ ᠨᠢ ᠳᠠᠢ᠌ᠯᠭᠠ ᠶᠢᠨ ᠡᠷᠭᠦᠯᠳᠡ ᠡᠷᠭᠦᠭᠦ ᠠᠵᠢᠯ ᠲᠡᠶ᠃ ᠬᠠᠰᠠᠭᠠ ᠶᠠᠮᠤᠳᠤ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠡᠮᠭᠢ ᠳᠠᠷᠠᠭᠠ ᠶᠢ ᠬᠠᠮᠢᠶᠠᠷᠤᠭᠴᠢ ᠪᠣᠯᠤᠨᠠ᠃ ᠬᠠᠰᠠᠭᠠ ᠶᠠᠮᠤᠳᠠᠤᠨ ᠲᠤ ᠵᠠᠰᠠᠭᠤᠯ ᠬᠠᠰᠠᠭᠠ᠂ ᠠᠬᠠᠯᠠᠬᠤ ᠬᠠᠰᠠᠭᠠ᠂ ᠬᠠᠰᠠᠭᠠ ᠭᠡᠵᠤ ᠪᠣᠢ᠃ ᠴᠠᠷᠪᠢ ᠶᠠᠮᠤᠳᠤ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠳᠤ ᠰᠠᠷᠬᠤᠤᠨ ᠬᠠᠷᠢᠭᠤᠯᠬᠤ ᠠᠵᠢᠯ ᠲᠡᠶ᠃ ᠴᠠᠷᠪᠢ ᠶᠠᠮᠤᠳᠤ ᠳᠤ ᠣᠭᠳᠤᠭᠤᠯ ᠴᠠᠷᠪᠢ᠂ ᠥᠭᠡᠯᠡᠨ ᠴᠠᠷᠪᠢ᠂ ᠬᠠᠷᠢᠭᠤᠯᠴᠢ ᠴᠠᠷᠪᠢ ᠭᠡᠵᠤ ᠪᠣᠢ᠃ ᠡᠳᠡᠭᠡᠷ ᠨᠢ ᠪᠦᠷ ᠯᠠ ᠬᠤᠪᠢᠯᠠᠢ ᠰᠠᠴᠠᠨ ᠬᠠᠭᠠᠨ ᠡᠴᠠ ᠴᠢᠩᠭᠢᠰ ᠢ ᠳᠤᠷᠠᠰᠬᠠᠬᠤ ᠳᠦᠷᠪᠡᠨ ᠴᠠᠭ ᠤᠨ ᠬᠤᠷᠢᠮ ᠢ ᠥᠢᠯᠡᠦᠡᠭᠦᠢ ᠪᠠᠷ ᠳᠠᠢ᠌ᠯᠭᠠ ᠶᠢᠨ ᠨᠠᠢᠮᠠᠨ ᠶᠠᠮᠤᠳᠤ ᠶᠢ ᠳᠤᠮᠢᠯᠠᠬᠤ ᠳᠠᠭᠠᠨ ᠬᠠᠢ᠌ᠷᠠᠯᠠᠭᠰᠠᠨ ᠶᠠᠮᠤᠳᠤ ᠶᠢᠨ ᠴᠤᠯᠠ᠃
ᠡᠵᠡᠨ ᠤ ᠳᠠᠷᠬᠠᠤᠨ ᠤᠨ ᠳᠤᠳᠤᠷᠠ ᠪᠠᠰᠠ ᠬᠤᠭᠤᠷ ᠴᠠᠷᠭᠢᠳᠤ᠂ ᠬᠠᠷᠢᠭᠤᠯ ᠮᠠᠩᠯᠠᠢ᠂ ᠭᠠᠯᠴᠢ᠂ ᠢᠷᠦᠭᠡᠯᠴᠢ᠂ ᠣᠭᠳᠤᠭᠤᠯ᠂ ᠰᠦᠩᠴᠢ᠂ ᠵᠠᠰᠠᠭᠤᠯ᠂ ᠬᠠᠭᠠᠯᠭᠠᠴᠢ᠂ ᠭᠦᠵᠢ ᠵᠠᠯᠠᠭᠴᠢ᠂ ᠴᠠᠭᠤᠷᠴᠢ ᠵᠡᠷᠭᠡ ᠶᠠᠮᠤᠳᠠᠤᠨ ᠲᠡᠶ᠃ ᠡᠭᠦᠨ ᠤ ᠵᠠᠷᠢᠮ ᠨᠢ ᠨᠠᠢᠮᠠᠨ ᠶᠡᠭᠡ ᠶᠠᠮᠤᠳᠠᠤᠨ ᠢ ᠬᠠᠪᠰᠤᠷᠤᠨ ᠠᠵᠢᠯ ᠠᠯᠪᠠ ᠭᠦᠢᠴᠡᠦᠡᠭᠡᠨᠡ᠃ ᠡᠳᠡᠭᠡᠷ ᠲᠤ ᠨᠠᠢᠮᠠᠨ ᠶᠡᠭᠡ ᠶᠠᠮᠤᠳᠠᠤᠨ ᠰᠢᠭ ᠳᠠᠷᠬᠠᠤᠨ ᠢ ᠬᠠᠮᠢᠶᠠᠷᠬᠤ ᠡᠷᠭᠡ ᠪᠠᠢ᠌ᠬᠤ ᠦᠭᠡᠶ᠂ ᠵᠥᠪᠭᠡᠨ ᠳᠠᠢ᠌ᠯᠭᠠ ᠭᠦᠢᠴᠡᠦᠡᠭᠡᠭᠦ ᠠᠯᠪᠠ ᠠᠵᠢᠯ ᠲᠡᠶ᠃ ᠡᠭᠦᠨ ᠳᠤ ᠭᠠᠯᠴᠢ ᠨᠢ ᠢᠳᠡᠭᠡ ᠰᠢᠭᠦᠰᠤ ᠪᠠᠯᠡᠦᠡᠭᠡᠭᠦ᠂ ᠭᠦᠵᠢ ᠵᠠᠯᠠᠭᠴᠢ ᠨᠢ ᠵᠤᠯᠠ ᠭᠦᠵᠢ ᠡᠷᠭᠦᠭᠦ᠂ ᠴᠠᠷᠭᠢᠳᠤ ᠨᠢ ᠴᠠᠷᠭᠢ ᠳᠡᠯᠡᠦᠡᠭᠦ ᠵᠡᠷᠭᠡ ᠠᠵᠢᠯ ᠲᠡᠶ᠃
ᠰᠦᠯᠳᠡ ᠶᠢᠨ ᠳᠠᠯᠠ ᠶᠢᠨ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠠᠯᠪᠠ ᠭᠦᠢᠴᠡᠦᠡᠭᠡᠭᠦ ᠨᠠᠢᠮᠠᠨ ᠶᠠᠮᠤᠳᠠᠤᠨ ᠨᠢ ᠵᠠᠢ᠌ᠰᠠᠩ᠂ ᠴᠢᠩᠰᠠᠩ᠂ ᠲᠦᠮᠡᠳᠤ᠂ ᠮᠢᠩᠭ᠋ᠠᠳᠤ᠂ ᠵᠠᠭᠤᠳᠤ᠂ ᠳᠤᠤᠯᠢ᠂ ᠴᠠᠷᠪᠢ᠂ ᠭᠦᠭᠦᠭᠡ ᠵᠡᠷᠭᠡ᠃ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠤᠨ ᠶᠠᠮᠤᠳᠤ ᠨᠢ ᠪᠣᠭᠳᠠ ᠶᠢᠨ ᠳᠠᠷᠬᠠᠤᠨ ᠡᠴᠠ ᠪᠠᠨ ᠣᠠᠴᠠᠭᠠᠢ ᠢᠯᠭᠠᠪᠣᠷᠢᠳᠠᠢ ᠨᠢ ᠴᠡᠷᠢᠭ᠌ ᠤᠨ ᠪᠠᠢ᠌ᠭᠤᠯᠤᠮᠵᠢ ᠶᠢᠨ ᠰᠢᠠᠵᠢ ᠲᠡᠶ᠃ ᠰᠦᠯᠳᠡ ᠶᠢᠨ ᠶᠠᠮᠤᠳᠠᠤᠨ ᠡᠴᠠ《ᠪᠠᠷᠠᠭᠤᠨ ᠶᠠᠮᠤᠳᠠᠤᠨ ᠪᠣᠯ ᠣᠷᠳᠤᠨ ᠡᠴᠠ ᠢᠷᠡᠭ᠍ᠰᠡᠨ ᠶᠤᠰᠤᠯᠠᠯ ᠤᠨ ᠶᠠᠮᠤᠳᠠᠤᠨ᠂ ᠮᠠᠨ ᠤ ᠰᠦᠯᠳᠡ ᠶᠢᠨ ᠭᠢᠨ ᠪᠣᠯ ᠵᠢᠬᠰᠠᠭᠠᠯ ᠡᠴᠠ ᠢᠷᠡᠭ᠍ᠰᠡᠨ ᠶᠤᠰᠤᠯᠠᠯ ᠤᠨ ᠶᠠᠮᠤᠳᠠᠤᠨ 》ᠭᠡᠵᠤ ᠭᠡᠯᠡᠭ᠍ᠰᠡᠨ ᠨᠢ ᠣᠨᠤᠪᠴᠢᠳᠠᠢ ᠪᠣᠯᠵᠠᠢ᠃
ᠵᠠᠢ᠌ᠰᠠᠩ ᠶᠠᠮᠤᠳᠤ ᠨᠢ ᠬᠠᠷᠠ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠳᠦᠷᠦᠭᠦᠤ ᠪᠦᠭᠡᠤᠨ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠤᠨ ᠶᠡᠷᠦᠩᠭᠡᠢ ᠵᠠᠭᠢᠷᠤᠭᠴᠢ ᠶᠢᠨ ᠣᠢ᠌ᠯᠠᠳᠤᠯ ᠲᠡᠶ ᠬᠠᠮᠤᠭ ᠴᠢᠬᠤᠯᠠ ᠶᠠᠮᠤᠳᠤ ᠪᠣᠯᠤᠨᠠ᠃ ᠵᠠᠢ᠌ᠰᠠᠩ ᠶᠠᠮᠤᠳᠠᠤᠨ ᠲᠤ ᠪᠢᠩᠳᠤ ᠵᠠᠢ᠌ᠰᠠᠩ᠂ ᠮᠢᠩᠭ᠋ᠠᠳᠤ ᠵᠠᠢ᠌ᠰᠠᠩ᠂ ᠵᠠᠢ᠌ᠰᠠᠩ ᠭᠡᠵᠤ ᠪᠣᠢ᠃ ᠴᠢᠩᠰᠠᠩ ᠶᠠᠮᠤᠳᠤ ᠨᠢ ᠰᠦᠯᠳᠡ ᠳᠤᠭᠰᠢᠭᠤᠯᠬᠤ ᠳᠠᠢ᠌ᠯᠭᠠ ᠶᠢᠨ ᠳᠤᠭᠰᠢᠭᠤᠯᠭᠠ ᠶᠢ ᠭᠦᠢᠴᠡᠦᠡᠭᠡᠭ᠍ᠴᠢ ᠪᠦᠭᠡᠤᠨ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠶᠢᠨ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠪᠣᠯᠤᠨᠠ᠃ ᠲᠦᠮᠡᠳᠤ ᠶᠠᠮᠤᠳᠤ ᠨᠢ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠳᠤ ᠰᠦᠯᠳᠡ ᠶᠢ ᠮᠢᠯᠢᠶᠠᠳᠠᠭ ᠪᠦᠭᠡᠤᠨ ᠵᠦᠯᠳᠤ ᠶᠢ ᠰᠦᠯᠳᠡ ᠳᠠᠭᠢᠭᠴᠢᠤᠨ ᠲᠤ ᠥᠭ᠍ᠳᠡᠭ᠌ ᠭᠦᠮᠤᠨ᠃ ᠮᠢᠩᠭ᠋ᠠᠳᠤ ᠶᠠᠮᠤᠳᠤ ᠨᠢ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠶᠢ ᠪᠠᠯᠡᠦᠡᠭᠡᠨ ᠳᠤᠭᠢᠷᠠᠭᠤᠯᠤᠭᠴᠢ ᠪᠦᠭᠡᠤᠨ ᠡᠯᠴᠢ ᠰᠦᠯᠳᠡ ᠶᠢ ᠵᠠᠯᠠᠵᠤ ᠶᠠᠪᠣᠬᠤ ᠳᠤ ᠳᠠᠭᠠᠭᠤᠯᠵᠤ ᠶᠠᠪᠣᠳᠠᠭ᠃ ᠵᠠᠢ᠌ᠰᠠᠩ᠂ ᠴᠢᠩᠰᠠᠩ ᠢ ᠳᠦᠯᠦᠭᠡᠯᠡᠨ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠤᠨ ᠶᠢᠡᠨ ᠡᠯᠳᠡᠪ ᠭᠡᠷᠡᠭ᠌ ᠣᠴᠢᠷ ᠢ ᠭᠠᠷᠳᠠᠨ ᠭᠦᠢᠴᠡᠦᠡᠭᠡᠳᠡᠭ᠌ ᠶᠠᠮᠤᠳᠤ᠃ ᠮᠢᠩᠭ᠋ᠠᠳᠤ ᠶᠠᠮᠤᠳᠤ ᠨᠢ ᠪᠠᠰᠠ ᠳᠠᠪᠬᠤᠷ ᠴᠤᠯᠠ ᠱᠠᠩᠨᠠᠭᠤᠯᠵᠤ ᠭᠦᠭᠦᠭᠡ ᠮᠢᠩᠭ᠋ᠠᠳᠤ᠂ ᠴᠠᠷᠪᠢ ᠮᠢᠩᠭ᠋ᠠᠳᠤ ᠭᠡᠳᠡᠭ᠌ ᠪᠣᠢ᠃ ᠵᠠᠭᠤᠳᠤ ᠶᠠᠮᠤᠳᠤ ᠨᠢ ᠰᠦᠯᠳᠡ ᠶᠢ ᠳᠤᠭᠰᠢᠭᠤᠯᠬᠤ ᠳᠤ ᠰᠦᠯᠳᠡ ᠶᠢ ᠰᠢᠭᠦᠷᠡᠭᠦᠯᠭᠦ ᠶᠠᠮᠤᠳᠠᠤᠨ ᠪᠣᠯᠤᠨᠠ᠃ ᠳᠤᠤᠯᠢ ᠶᠠᠮᠤᠳᠤ ᠨᠢ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠢ ᠵᠢᠯᠤᠭᠤᠳᠤᠭᠴᠢ᠃ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠳᠤᠤᠯᠢ ᠶᠠᠮᠤᠳᠤ ᠶᠢᠨ ᠳᠤᠭᠢᠶᠠ ᠪᠠᠷ ᠶᠠᠪᠣᠭᠳᠠᠨᠠ᠃ ᠭᠦᠭᠦᠭᠡᠴᠢᠨ ᠶᠠᠮᠤᠳᠤ ᠨᠢ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠳᠤ ᠰᠦᠯᠳᠡ ᠶᠢᠨ ᠥᠴᠢᠭ᠌ ᠪᠠ ᠰᠦᠯᠳᠡ ᠳᠤᠭᠰᠢᠭᠤᠯᠬᠤ ᠥᠴᠢᠭ᠌ ᠢ ᠳᠠᠭᠤᠳᠠᠳᠠᠭ᠃ ᠰᠦᠯᠳᠡ ᠶᠢᠨ ᠴᠠᠷᠪᠢ ᠶᠠᠮᠤᠳᠤ ᠨᠢ ᠳᠠᠢ᠌ᠯᠭᠠ ᠶᠢᠨ ᠡᠮᠭᠢ ᠳᠠᠷᠠᠭᠠ ᠶᠢ ᠬᠠᠮᠢᠶᠠᠷᠤᠭᠴᠢ ᠃ ᠡᠳᠡᠭᠡᠷ ᠨᠢ ᠮᠦᠨ ᠯᠠ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠶᠢᠨ ᠨᠠᠢᠮᠠᠨ ᠶᠠᠮᠤᠳᠤ ᠶᠢ ᠳᠤᠮᠢᠯᠠᠬᠤ ᠳᠠᠭᠠᠨ ᠬᠠᠢ᠌ᠷᠠᠯᠠᠭᠰᠠᠨ ᠶᠠᠮᠤᠳᠤ ᠶᠢᠨ ᠴᠤᠯᠠ᠃
ᠡᠭᠦᠨ ᠡᠴᠠ ᠭᠠᠳᠠᠨᠠ᠂ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠲᠤ ᠰᠢᠭᠦᠷᠴᠢ᠂ ᠬᠤᠰᠢᠭᠤᠴᠢ ᠪᠠᠭᠠᠳᠤᠷ᠂ ᠳᠠᠷᠬᠠᠨ ᠪᠠᠭᠠᠳᠤᠷ᠂ ᠭᠠᠪᠰᠢᠭᠤᠷᠴᠢ ᠭᠡᠭᠦ ᠴᠤᠯᠠ ᠲᠡᠶ ᠶᠠᠮᠤ ᠨᠡᠷ ᠪᠠᠢ᠌ᠳᠠᠭ᠃
ᠡᠵᠡᠨ ᠤ ᠪᠠ ᠰᠦᠯᠳᠡ ᠶᠢᠨ ᠬᠤᠶᠠᠷ ᠳᠠᠯᠠ ᠳᠤᠰ ᠪᠦᠷᠢ ᠳᠡᠭᠡᠨ ᠵᠢᠷᠭᠤᠭᠠᠨ ᠬᠠᠷᠢᠶᠠ ᠲᠡᠶ᠂ ᠬᠠᠷᠢᠶᠠ ᠪᠣᠯᠭᠠᠨ ᠭᠤᠷᠪᠠᠨ ᠭᠡᠰᠢᠭ᠌ ᠬᠤᠪᠢᠶᠠᠭᠳᠠᠳᠠᠭ᠃ ᠡᠢ᠌ᠨᠭᠦ ᠵᠢᠷᠭᠤᠭᠠᠨ ᠬᠠᠷᠢᠶᠠ᠂ ᠠᠷᠪᠠᠨ ᠨᠠᠢᠮᠠᠨ ᠭᠡᠰᠢᠭ᠌ ᠬᠤᠪᠢᠶᠠᠭᠳᠠᠳᠠᠭ᠃《ᠭᠡᠰᠢᠭ᠌》 ᠭᠡᠵᠤ ᠳᠠᠷᠬᠠᠤᠨ ᠤᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠪᠠᠢ᠌ᠭᠤᠯᠤᠯ ᠤᠨ ᠬᠠᠮᠤᠭ ᠦᠨᠳᠦᠰᠦᠨ ᠨᠢᠭᠡᠴᠡ᠃ ᠭᠡᠰᠢᠭ᠌ ᠤᠨ ᠪᠦᠷᠢᠯᠳᠦᠭᠦᠨ ᠨᠢ ᠭᠤᠤᠯᠳᠠᠭᠤ ᠠᠯᠢ ᠨᠢᠭᠡᠨ ᠰᠢᠳᠦᠭᠡᠨ ᠢ ᠰᠠᠭᠢᠨ ᠳᠠᠢ᠌ᠬᠤ ᠠᠵᠢᠯ ᠠᠯᠪᠠ ᠶᠢᠨ ᠬᠤᠪᠢᠶᠠᠷᠢᠯᠠᠯ ᠶᠢᠡᠷ ᠬᠤᠪᠢᠶᠠᠭᠳᠠᠵᠠᠢ᠃
ᠡᠵᠡᠨ ᠤ ᠳᠠᠷᠬᠠᠤᠨ ᠤᠨ ᠳᠠᠯᠠ ᠶᠢᠨ ᠭᠤᠷᠪᠠᠨ ᠬᠠᠷᠢᠶᠠ ᠨᠢ ᠳᠠᠢ᠌ᠰᠢ᠂ ᠣᠰᠤᠪᠠᠨ ᠂ ᠵᠤᠮᠠᠨᠠᠷ ᠪᠣᠯᠤᠨᠠ᠃ ᠳᠠᠢ᠌ᠰᠢ ᠶᠢᠨ ᠬᠠᠷᠢᠶᠠᠨ ᠳᠤ ᠳᠠᠢ᠌ᠰᠢ᠂ ᠳᠠᠢ᠌ᠪᠣᠤ᠂ ᠮᠠᠩᠯᠠᠢ ᠭᠤᠷᠪᠠᠨ ᠭᠡᠰᠢᠭ᠌ ᠲᠡᠶ᠃ ᠳᠠᠢ᠌ᠰᠢ ᠶᠢᠨ ᠭᠡᠰᠢᠭ᠌ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠳᠦᠷᠦᠭᠦᠤ ᠪᠣᠯᠳᠠᠭ ᠃ ᠳᠠᠢ᠌ᠪᠣᠤ ᠭᠡᠰᠢᠭ᠌ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠢ ᠪᠠᠯᠡᠦᠡᠭᠡᠨ ᠳᠤᠭᠢᠷᠠᠭᠤᠯᠤᠭᠴᠢ ᠃ ᠮᠠᠩᠯᠠᠢ ᠶᠢᠨ ᠭᠡᠰᠢᠭ᠌ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠶᠡᠷᠦᠩᠭᠡᠢ ᠬᠠᠮᠢᠶᠠᠷᠤᠭᠴᠢ ᠪᠦᠭᠡᠤᠨ ᠡᠭᠢᠯᠡᠭᠦᠯᠦᠭ᠍ᠴᠢ᠃ ᠮᠠᠩᠯᠠᠢ ᠭᠡᠳᠡᠭ᠌ ᠨᠢ ᠮᠠᠩᠯᠠᠢ᠌ᠯᠠᠬᠤ ᠭᠡᠰᠡᠨ ᠣᠤᠠᠬᠠ ᠲᠡᠶ᠃ ᠣᠰᠤᠪᠠᠨ ᠬᠠᠷᠢᠶᠠᠨ ᠳᠤ ᠣᠰᠤᠪᠠᠨ᠂ ᠣᠷᠤᠳ᠂ ᠬᠤᠷᠴᠢᠨᠠᠷ ᠭᠤᠷᠪᠠᠨ ᠭᠡᠰᠢᠭ᠌ ᠲᠡᠶ᠃ ᠣᠰᠤᠪᠠᠨ ᠭᠡᠰᠢᠭ᠌ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠣᠰᠤ ᠳᠦᠯᠡᠭᠡ ᠶᠢ ᠪᠠᠯᠡᠦᠡᠭᠡᠳᠡᠭ᠌᠃ ᠣᠷᠤᠳ ( ᠣᠷᠠᠤᠨ) ᠭᠡᠰᠢᠭ᠌ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠭᠡᠷᠡᠭ᠍ᠰᠡᠭᠦ ᠰᠠᠪᠠ ᠰᠠᠭᠠᠯᠢ ᠪᠠᠭᠠᠵᠢ ᠶᠢ ᠪᠠᠯᠡᠦᠡᠭᠡᠳᠡᠭ᠌᠃ ᠣᠰᠤᠪᠠᠨ ᠭᠡᠰᠢᠭ᠌ ᠲᠤ ᠢᠳᠡᠭᠡ ᠰᠢᠭᠦᠰᠤ ᠪᠠᠯᠡᠦᠡᠭᠡᠳᠡᠭ᠌ ᠭᠠᠯᠴᠢ ᠨᠡᠷ ᠪᠠᠭᠳᠠᠵᠤ ᠪᠣᠢ᠃ ᠬᠤᠷᠴᠢᠨᠠᠷ ᠭᠡᠰᠢᠭ᠌ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠬᠤᠷ ᠰᠠᠭᠠᠳᠠᠭ ᠢ ᠬᠠᠳᠠᠭᠠᠯᠠᠵᠤ᠂ ᠬᠤᠷ ᠰᠠᠭᠠᠳᠠᠭ ᠤᠨ ᠴᠠᠭᠠᠨ ᠣᠷᠳᠤ ᠶᠢ ᠰᠠᠭᠢᠨ ᠳᠠᠢ᠌ᠭᠴᠢ ᠪᠣᠯᠤᠨᠠ ᠃ ᠵᠤᠮᠠᠨᠠᠷ ᠬᠠᠷᠢᠶᠠᠨ ᠳᠤ ᠵᠤᠮᠠᠨᠠᠷ᠂ ᠬᠠᠳᠤᠨ ᠭᠡᠰᠢᠭ᠌ ᠂ ᠳᠤᠤᠯᠢ ᠭᠤᠷᠪᠠᠨ ᠭᠡᠰᠢᠭ᠌ ᠲᠡᠶ᠃ ᠵᠤᠮᠠᠨᠠᠷ ᠬᠠᠷᠢᠶᠠ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠢᠳᠡᠭᠡ ᠰᠢᠭᠦᠰᠤ ᠂ ᠡᠰᠦᠭ᠌ ᠰᠠᠷᠬᠤᠤᠨ ᠢ ᠪᠠᠯᠡᠦᠡᠭᠡᠭ᠍ᠴᠢ ᠪᠦᠭᠡᠤᠨ ᠡᠰᠦᠭ᠌ ᠤᠨ ᠰᠠᠴᠤᠯᠭᠠ ᠶᠢᠨ ᠶᠤᠰᠤᠯᠠᠯ ᠢ ᠭᠦᠢᠴᠡᠦᠡᠭᠡᠭ᠍ᠴᠢ ᠪᠣᠯᠤᠨᠠ᠃ 《ᠵᠤᠮᠠ》 ᠭᠡᠵᠤ ᠢᠳᠡᠭᠡ ᠰᠢᠭᠦᠰᠤ ᠶᠢ ᠭᠡᠯᠡᠨᠡ᠃ ᠬᠠᠳᠤᠨ ᠤ ᠭᠡᠰᠢᠭ᠌ ᠨᠢ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤᠨ ᠤ ᠬᠠᠳᠤᠳ ᠢ ᠬᠠᠷᠠᠵᠤ ᠳᠠᠢ᠌ᠭᠰᠠᠨ ᠡᠴᠠ ᠬᠠᠳᠤᠨ ᠭᠡᠰᠢᠭ᠌ ᠪᠣᠯᠵᠠᠢ᠃ ᠣᠳᠤ ᠪᠣᠯ ᠬᠤᠯᠠᠨ ᠬᠠᠳᠤᠨ ᠤ ᠴᠤᠮᠴᠤᠭ ᠣᠷᠳᠤᠨ ᠤ ᠳᠠᠢ᠌ᠯᠭᠠ ᠶᠢ ᠡᠷᠭᠢᠯᠡᠵᠤ ᠰᠠᠭᠢᠵᠤ ᠬᠠᠮᠠᠭᠠᠯᠠᠭᠴᠢ ᠨᠡᠷ ᠢ ᠬᠠᠳᠤᠨ ᠭᠡᠰᠢᠭ᠌ ᠭᠡᠵᠡᠢ᠃ ᠳᠤᠤᠯᠢ ᠶᠢᠨ ᠭᠡᠰᠢᠭ᠌ ᠨᠢ ᠳᠠᠢ᠌ᠯᠭᠠ ᠶᠢᠨ ᠳᠡᠭᠡᠵᠢ ᠶᠢ ᠵᠠᠰᠠᠵᠤ ᠳᠠᠪᠢᠭᠯᠠᠨ ᠪᠠᠰᠠ ᠡᠪᠳᠡᠵᠤ ᠬᠤᠪᠢᠶᠠᠬᠤ ᠠᠵᠢᠯ ᠠᠯᠪᠠ ᠲᠡᠶ᠃
ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠤᠨ ᠳᠠᠯᠠ ᠶᠢᠨ ᠭᠤᠷᠪᠠᠨ ᠬᠠᠷᠢᠶᠠ ᠨᠢ ᠳᠤᠭᠴᠢᠨ᠂ ᠰᠢᠯᠢᠪᠴᠢᠨ᠂ ᠳᠤᠤᠯᠢ ᠪᠣᠯᠤᠨᠠ᠃ ᠳᠤᠭᠴᠢᠨ ᠬᠠᠷᠢᠶᠠᠨ ᠳᠤ ᠳᠤᠭᠴᠢᠨ᠂ ᠶᠡᠭᠡ ᠵᠢᠯᠤᠭᠤᠴᠢᠨ᠂ ᠪᠠᠭᠠ ᠵᠢᠯᠤᠭᠤᠴᠢᠨ ᠭᠤᠷᠪᠠᠨ ᠭᠡᠰᠢᠭ᠌ ᠲᠡᠶ᠃ ᠳᠤᠭᠴᠢᠨ ᠭᠡᠰᠢᠭ᠌ ᠨᠢ ᠪᠠᠯᠭᠡ ᠶᠢᠨ ᠵᠢᠬᠰᠠᠭᠠᠯ ᠳᠤ ᠳᠤᠭ ᠭᠢᠭᠢᠷᠢ ᠪᠠᠷᠢᠵᠤ ᠶᠠᠪᠣᠭᠴᠢᠤᠨ ᠪᠠᠢ᠌ᠵᠤ᠂ ᠰᠡᠭᠦᠯᠡᠷ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠭᠦᠢᠴᠡᠦᠡᠭᠡᠭ᠍ᠴᠢ ᠪᠣᠯᠤᠭᠠᠤᠨ ᠴᠢᠩᠭᠢᠰ ᠬᠠᠭᠠᠨ ᠤ ᠬᠠᠷᠠ ᠰᠦᠯᠳᠡ ᠶᠢ ᠰᠠᠭᠢᠭᠴᠢ ᠪᠣᠯᠵᠠᠢ᠃ ᠶᠡᠭᠡ᠂ ᠪᠠᠭᠠ ᠵᠢᠯᠤᠭᠤᠴᠢᠨ ᠭᠡᠰᠢᠭ᠌ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠵᠢᠯᠤᠭᠤ ᠶᠢᠨ ᠴᠠᠭᠠᠨ ᠣᠷᠳᠤ ᠶᠢ ᠰᠠᠭᠢᠨ ᠳᠠᠢ᠌ᠵᠤ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠮᠤᠷᠢᠨ ᠤ ᠡᠮᠡᠭᠡᠯ ᠬᠠᠵᠠᠭᠠᠷ ᠢ ᠬᠠᠳᠠᠭᠠᠯᠠᠨ᠂ ᠨᠠᠢᠮᠠᠨ ᠰᠢᠷᠭᠠ ᠶᠢᠨ ᠣᠷᠤ ᠶᠢ ᠠᠳᠤᠭᠤᠯᠵᠤ ᠳᠠᠭᠢᠳᠠᠭ᠃ ᠰᠢᠯᠢᠪᠴᠢᠨ ᠬᠠᠷᠢᠶᠠᠨ ᠳᠤ ᠰᠢᠯᠢᠪᠴᠢᠨ᠂ ᠳᠠᠪᠣᠭᠤᠳ᠂ ᠠᠷᠤ ᠳᠤᠭᠴᠢᠨ ᠭᠤᠷᠪᠠᠨ ᠭᠡᠰᠢᠭ᠌ ᠲᠡᠶ᠃ ᠰᠢᠯᠪᠢᠴᠢᠨ ᠭᠡᠰᠢᠭ᠌ ᠨᠢ ᠣᠤᠯ ᠨᠢ ᠪᠠᠯᠭᠡ ᠶᠢᠨ ᠵᠢᠬᠰᠠᠭᠠᠯ ᠳᠤ ᠰᠦᠯᠳᠡ ᠶᠢᠨ ᠰᠢᠯᠪᠢ ᠶᠢ ᠪᠠᠯᠡᠦᠡᠭᠡᠵᠤ ᠰᠦᠯᠳᠡ ᠶᠢ ᠠᠪᠴᠤ ᠶᠠᠪᠣᠳᠠᠭ ᠭᠦᠮᠦᠰ ᠪᠠᠢ᠌ᠵᠤ᠂ ᠰᠡᠭᠦᠯᠡᠷ ᠴᠢᠩᠭᠢᠰ ᠬᠠᠭᠠᠨ ᠤ ᠬᠠᠷᠠ ᠰᠦᠯᠳᠡ ᠶᠢᠨ ᠰᠢᠯᠪᠢ ᠶᠢ ᠪᠠᠯᠡᠦᠡᠭᠡᠳᠡᠭ᠌ ᠠᠯᠪᠠ ᠲᠡᠶ ᠪᠣᠯᠵᠠᠢ᠃ ᠳᠠᠪᠣᠭᠤᠳ ᠭᠡᠰᠢᠭ᠌ ᠨᠢ ᠭᠠᠵᠠᠷᠴᠢ᠂ ᠥᠵᠡᠭ᠍ᠴᠢ᠂ ᠬᠤᠰᠢᠭᠤᠴᠢ ᠰᠢᠭᠦᠷᠡᠭ᠍ᠴᠢ᠂ ᠭᠠᠪᠰᠢᠭᠤᠷᠴᠢᠨ ᠵᠡᠷᠭᠡ ᠳᠠᠪᠤᠨ ᠵᠣᠢ᠌ᠯ ᠤᠨ ᠠᠵᠢᠯ ᠠᠯᠪᠠ ᠲᠡᠶ ᠭᠦᠮᠦᠰ ᠶᠢᠡᠷ ᠪᠦᠷᠢᠯᠳᠦᠵᠡᠢ᠃ ᠡᠳᠡᠭᠡᠷ ᠨᠢ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠳᠤ ᠳᠤᠰ ᠳᠤᠰ ᠤᠨ ᠠᠵᠢᠯ ᠠᠯᠪᠠ ᠲᠡᠶ ᠪᠠᠢ᠌ᠵᠤ᠂ ᠴᠤᠭ ᠭᠡᠢ᠌ᠮᠤᠷᠢ ᠶᠢᠨ ᠵᠢᠬᠰᠠᠭᠠᠯ ᠳᠤ ᠶᠠᠪᠣᠵᠤ ᠪᠠᠢ᠌ᠭᠰᠠᠤᠨ ᠪᠣᠯᠤᠨᠠ᠃ ᠠᠷᠤ ᠳᠤᠭᠴᠢᠨ ᠭᠡᠰᠢᠭ᠌ ᠨᠢ ᠣᠤᠯ ᠨᠢ ᠪᠠᠯᠭᠡ ᠶᠢᠨ ᠵᠢᠬᠰᠠᠭᠠᠯ ᠳᠤ ᠳᠤᠭ ᠭᠢᠭᠢᠷᠢ ᠶᠢᠨ ᠠᠷᠤ ᠳᠤ ᠪᠠᠯᠡᠦᠡᠭᠡᠯ ᠳᠤᠭᠴᠢᠨ ᠶᠢᠡᠷ ᠶᠠᠪᠣᠵᠤ ᠪᠠᠢ᠌ᠵᠠᠢ᠃ ᠮᠦᠨ ᠪᠠᠯᠭᠡ ᠶᠢᠨ ᠵᠢᠬᠰᠠᠭᠠᠯ ᠳᠤ ᠶᠠᠪᠣᠵᠤ ᠪᠠᠢ᠌ᠭᠰᠠᠤᠨ ᠪᠣᠯᠤᠨᠠ᠃ ᠰᠡᠭᠦᠯᠡᠷ ᠴᠢᠩᠭᠢᠰ ᠬᠠᠭᠠᠨ ᠤ ᠬᠠᠷᠠ ᠰᠦᠯᠳᠡ ᠶᠢ ᠰᠠᠭᠢᠨ ᠳᠠᠢ᠌ᠬᠤ ᠠᠯᠪᠠ ᠲᠡᠶ ᠪᠣᠯᠵᠠᠢ᠃ ᠳᠤᠤᠯᠢ ᠶᠢᠨ ᠬᠠᠷᠢᠶᠠᠨ ᠳᠤ ᠳᠤᠤᠯᠢ᠂ ᠶᠡᠭᠡ ᠪᠦᠷᠢᠶᠡᠴᠢᠨ᠂ ᠪᠠᠭᠠ ᠪᠦᠷᠢᠶᠡᠴᠢᠨ ᠭᠤᠷᠪᠠᠨ ᠭᠡᠰᠢᠭ᠌ ᠲᠡᠶ᠃ ᠳᠤᠤᠯᠢ ᠭᠡᠰᠢᠭ᠌ ᠨᠢ ᠠᠯᠳᠠᠨ ᠣᠷᠢᠶᠠ ᠠᠷᠪᠠᠨ ᠬᠤᠶᠠᠷ ᠳᠤᠤᠯᠢ ᠡᠴᠠ ᠪᠦᠷᠢᠯᠳᠦᠵᠡᠢ ᠃ ᠣᠤᠯ ᠨᠢ ᠪᠠᠯᠭᠡ ᠶᠢᠨ ᠵᠢᠬᠰᠠᠭᠠᠯ ᠤᠨ ᠥᠷᠯᠦᠭ᠌ ᠪᠠ ᠬᠤᠶᠠᠭ ᠤᠳ ᠤᠨ ᠢᠯᠳᠤ ᠵᠢᠳᠠ ᠂ ᠨᠤᠮᠤ ᠰᠤᠮᠤ ᠵᠡᠷᠭᠡ ᠠᠯᠢᠪᠠ ᠭᠡᠷᠡᠭ᠍ᠰᠡᠯ ᠢ ᠳᠦᠭᠡᠭᠡᠨ ᠣᠯᠭᠤᠵᠤ ᠵᠢᠭᠠᠨ ᠳᠤᠭᠢᠭᠴᠢ ᠪᠠᠢ᠌ᠵᠠᠢ᠃ ᠰᠡᠭᠦᠯᠡᠷ ᠳᠠᠢ᠌ᠯᠭᠠ ᠶᠤᠰᠤᠯᠠᠯ ᠤᠨ ᠶᠠᠮᠤᠳᠤ ᠪᠣᠯᠤᠭᠠᠤᠨ ᠬᠠᠷᠠ ᠰᠦᠯᠳᠡ ᠶᠢ ᠰᠠᠭᠢᠨ ᠳᠠᠢ᠌ᠭᠴᠢ ᠪᠣᠯᠵᠠᠢ᠃ ᠶᠡᠭᠡ ᠂ ᠪᠠᠭᠠ ᠪᠦᠷᠢᠶᠡᠴᠢᠨ ᠭᠡᠰᠢᠭ᠌ ᠣᠤᠯ ᠨᠢ ᠪᠠᠯᠭᠡ ᠶᠢᠨ ᠵᠢᠬᠰᠠᠭᠠᠯ ᠳᠤ ᠬᠠᠰᠭᠢᠷᠤᠭᠠ ᠶᠡᠭᠡᠳᠤ ᠬᠠᠳᠠᠨ ᠣᠯᠠᠭᠠᠨ ᠪᠦᠷᠢᠶᠡ ᠶᠢ ᠥᠯᠢᠶᠡᠭ᠍ᠴᠢ ᠪᠠ ᠠᠪᠴᠤ ᠶᠠᠪᠣᠭᠴᠢ ᠪᠠᠢ᠌ᠵᠤ᠂ ᠰᠡᠭᠦᠯᠡᠷ ᠬᠠᠳᠠᠨ ᠣᠯᠠᠭᠠᠨ ᠪᠦᠷᠢᠶᠡ ᠶᠢ ᠬᠠᠳᠠᠭᠠᠯᠠᠨ ᠳᠠᠢ᠌ᠭᠴᠢ ᠪᠣᠯᠵᠠᠢ᠃ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠳᠤ ᠮᠦᠨ ᠡᠳᠡ ᠪᠦᠷᠢᠶᠡ ᠶᠢ ᠭᠠᠷᠭᠠᠵᠤ ᠥᠯᠢᠶᠡᠳᠡᠭ᠌᠃
ᠡᠭᠦᠨ ᠳᠤ᠂ ᠡᠵᠡᠨ ᠤ ᠪᠠ ᠰᠦᠯᠳᠡ ᠶᠢᠨ ᠬᠤᠶᠠᠷ ᠳᠠᠯᠠ ᠶᠢᠨ ᠭᠡᠰᠢᠭ᠌ ᠤᠨ ᠭᠢᠨ ᠵᠢᠯ ᠪᠣᠯᠭᠠᠨ ᠳᠤ ᠦᠪᠡᠷ ᠦᠪᠡᠷ ᠤᠨ ᠭᠡᠰᠢᠭ᠌ ᠤᠨ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠡᠳᠦᠷ ᠲᠡᠶ᠃ ᠳᠠᠳᠠ ᠨᠡᠷ ᠦᠪᠡᠷ ᠤᠨ ᠭᠡᠰᠢᠭ᠌ ᠤᠨ ᠳᠠᠢ᠌ᠯᠭᠠ ᠶᠢᠨ ᠡᠳᠦᠷ ᠲᠤ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠳᠤ ᠬᠠᠮᠳᠤᠪᠠᠷ ᠴᠤᠭᠯᠠᠷᠠᠵᠠᠭᠠᠨ ᠦᠪᠡᠷ ᠦᠪᠡᠷ ᠤᠨ ᠬᠠᠳᠠᠭ᠂ ᠠᠷᠠᠵᠠ᠂ ᠢᠳᠡᠭᠡ ᠰᠢᠭᠦᠰᠤ ᠶᠢᠨ ᠳᠡᠭᠡᠵᠢ ᠪᠠᠨ ᠪᠣᠭᠳᠠ ᠡᠵᠡᠨ ᠭᠡᠭᠡᠭᠡᠨ ᠪᠠ ᠰᠦᠯᠳᠡ ᠶᠢᠨ ᠭᠡᠭᠡᠭᠡᠨ ᠳᠡᠭᠡᠨ ᠡᠷᠭᠦᠵᠤ ᠳᠠᠢ᠌ᠯᠭᠠ ᠭᠢᠳᠡᠭ᠌ ᠪᠠᠢ᠌ᠨᠠ᠃ ᠡᠵᠡᠨ ᠤ ᠳᠠᠷᠬᠠᠤᠨ ᠤᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠳᠤ᠄ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠳᠤ ᠳᠠᠢ᠌ᠰᠢ ᠶᠢᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠬᠤᠶᠠᠷ ᠲᠤ ᠪᠠᠭᠠ ᠡᠵᠡᠨ ᠤ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠊ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠳᠤᠯᠤᠭᠠᠨ ᠳᠤ ᠮᠠᠩᠯᠠᠢ ᠶᠢᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠠᠢᠮᠠᠨ ᠳᠤ ᠬᠤᠷᠴᠢᠨᠠᠷ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠊ᠤᠨ ᠵᠷᠭᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠳᠤ ᠳᠠᠢ᠌ᠪᠣᠤ ᠶᠢᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠳᠠᠪᠤᠨ ᠳᠤ ᠣᠰᠤᠪᠠᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠳᠤᠯᠤᠭᠠᠨ ᠳᠤ ᠳᠠᠢ᠌ᠵᠢᠨᠠᠷ ᠤᠨ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠭᠤᠷᠪᠠᠨ ᠳᠤ ᠬᠠᠳᠠᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠠᠢᠮᠠᠨ ᠳᠤ ᠪᠠᠭᠠ ᠡᠵᠡᠨ ᠤ ᠡᠪᠦᠯᠵᠢᠶᠡᠨ ᠤ ᠮᠥᠷᠭᠦᠯ ᠭᠡᠵᠤ ᠪᠣᠢ᠃ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠤᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠳᠤ᠄ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠳᠦᠷᠪᠡᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ ᠳᠤᠭᠴᠢᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠳᠤᠯᠤᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠳᠦᠷᠪᠡᠨ ᠳᠤ ᠳᠤᠤᠯ ᠤᠨ ᠭᠡᠰᠢᠭ᠌ ᠂ ᠪᠦᠷᠢᠶᠡᠴᠢᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ ᠮᠠᠩᠯᠠᠢ ᠶᠢᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠂ ᠪᠢᠯᠢᠭ᠌ ᠤᠨ ᠣᠯᠠᠷᠢᠯ ᠤᠨ ᠠᠷᠪᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠠᠢᠮᠠᠨ ᠳᠤ ᠪᠠᠭᠠ ᠵᠢᠯᠤᠭᠤᠴᠢᠨ ᠭᠡᠰᠢᠭ᠌ ᠤᠨ ᠮᠥᠷᠭᠦᠯ ᠭᠡᠵᠤ ᠪᠠᠢ᠌ᠳᠠᠭ᠃
ᠳᠡᠦᠭᠡᠨ ᠣᠷᠳᠤ ᠣᠳᠠᠭᠠᠨ ᠰᠢᠯᠭᠠᠯᠳᠠ ᠳᠤᠮᠳᠠ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢ ᠥᠷᠭᠦᠯᠵᠢᠯᠡᠭᠦᠯᠵᠤ ᠪᠠᠢ᠌ᠭᠰᠠᠨ ᠵᠠᠷᠢᠮ ᠶᠠᠮᠤᠳᠠᠤᠨ ᠤᠨ ᠣᠳᠤᠮ ᠣᠭᠰᠠᠭᠠ ᠬᠣᠢ᠌ᠴᠢᠰ ᠨᠡᠭᠦᠵᠤ ᠪᠠᠭᠤᠭᠰᠠᠨ ᠪᠣᠶᠤ ᠥᠢᠮᠡᠭᠡᠨ ᠰᠠᠮᠠᠭᠤᠨ ᠡᠴᠠ ᠵᠠᠢ᠌ᠯᠠᠵᠤ ᠪᠣᠰᠤᠳ ᠣᠷᠤᠨ ᠳᠤ ᠣᠴᠢᠭᠰᠠᠨ ᠵᠢᠴᠢ ᠵᠠᠯᠭᠠᠮᠵᠢᠯᠠᠬᠤ ᠭᠦᠪᠠᠭᠦᠨ ᠦᠭᠡᠶ ᠡᠴᠠ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠳᠤ ᠣᠢ᠌ᠯᠠᠴᠢᠯᠠᠵᠤ ᠪᠠᠢ᠌ᠬᠤ ᠦᠭᠡᠶ ᠪᠣᠯᠵᠤ᠂ ᠡᠵᠡᠨ ᠤ ᠳᠠᠷᠬᠠᠤᠨ ᠤᠨ ᠨᠠᠢᠮᠠᠨ ᠶᠠᠮᠤᠳᠠᠤᠨ ᠡᠴᠠ ᠳᠤᠤᠯᠢ᠂ ᠭᠦᠭᠦᠭᠡ᠂ ᠬᠤᠠᠵᠢᠨ ᠭᠤᠷᠪᠠᠨ ᠶᠠᠮᠤᠳᠠᠨ ᠳᠤᠳᠠᠭᠳᠠᠭᠰᠠᠨ ᠪᠠᠢ᠌ᠨᠠ᠃ ᠰᠦᠯᠳᠡ ᠶᠢᠨ ᠳᠠᠷᠬᠠᠤᠨ ᠤᠨ ᠨᠠᠢᠮᠠᠨ ᠶᠠᠮᠤᠳᠠᠤᠨ ᠡᠴᠠ ᠲᠦᠮᠡᠳᠤ᠂ ᠮᠢᠩᠭ᠋ᠠᠳᠤ᠂ ᠭᠦᠭᠦᠭᠡ ᠭᠤᠷᠪᠠᠨ ᠶᠠᠮᠤᠳᠠᠨ ᠳᠤᠳᠠᠭᠳᠠᠭᠰᠠᠨ ᠪᠠᠢ᠌ᠳᠠᠭ᠃ ᠡᠢ᠌ᠡᠭᠦ ᠬᠠᠮᠢᠶᠠ ᠪᠦᠭᠦᠢ ᠪᠠᠢ᠌ᠭᠤᠯᠤᠯᠭᠠ ᠨᠢᠭᠡᠴᠡ᠂ ᠬᠤᠪᠢ ᠭᠦᠮᠦᠰ ᠲᠡᠶ ᠬᠠᠷᠢᠯᠴᠠᠵᠤ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠵᠦᠪᠯᠠᠯ ᠤᠨ ᠳᠠᠢ᠌ᠯᠭᠠ ᠰᠤᠶᠤᠯ ᠤᠨ ᠠᠯᠪᠠᠨ ᠭᠡᠷ ᠡᠴᠠ ᠳᠤᠳᠠᠭᠳᠠᠵᠤ ᠪᠠᠢ᠌ᠭᠠ ᠶᠠᠮᠤᠳᠠᠤᠨ ᠤᠨ ᠣᠳᠤᠮ ᠣᠭᠰᠠᠭᠠ ᠶᠢ ᠡᠷᠢᠵᠤ ᠳᠤᠳᠤᠯᠠᠨ᠂ ᠴᠢᠩᠭᠢᠰ ᠬᠠᠭᠠᠨ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠳᠤ ᠥᠢᠯᠡᠴᠢᠯᠡᠭᠦᠯᠤᠨ᠂ ᠮᠥᠩᠭᠡ ᠰᠤᠶᠤᠯ ᠤᠨ ᠭᠤᠯᠤᠮᠳᠠ ᠪᠠᠨ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ ᠭᠢᠭᠦ ᠪᠠᠷ ᠴᠢᠷᠮᠠᠢ᠌ᠨ ᠠᠵᠢᠯᠯᠠᠵᠤ ᠪᠠᠢ᠌ᠨᠠ᠃
ᠳᠠᠷᠬᠠᠤᠨ ᠤᠨ ᠳᠡᠦᠭᠡᠨ ᠡᠭᠦᠷᠭᠡ
ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠪᠠ ᠰᠦᠯᠳᠡ ᠰᠢᠳᠦᠭᠡᠨ ᠢ ᠰᠠᠭᠢᠨ ᠬᠠᠮᠠᠭᠠᠯᠠᠬᠤ ᠪᠠ ᠳᠠᠭᠢᠯᠭᠠ ᠳᠠᠢ᠌ᠯᠭᠠ ᠥᠢᠯᠡᠦᠡᠭᠦ ᠪᠣᠯ ᠰᠢᠷᠠ ᠳᠠᠷᠬᠠᠤᠨ ᠭᠦᠮᠦᠰ ᠤᠨ ᠠᠷᠢᠭᠤᠨ ᠳᠠᠷᠬᠠᠨ ᠡᠭᠦᠷᠭᠡ ᠪᠣᠯᠤᠨᠠ᠃ ᠭᠡᠳᠤᠨ ᠵᠠᠭᠤᠨ ᠤ ᠨᠡᠢ᠌ᠭᠡᠮ ᠪᠠᠢ᠌ᠭᠠᠯᠢ ᠶᠢᠨ ᠬᠠᠳᠠᠭᠤ ᠪᠠᠷᠭᠡᠰᠢᠶᠡᠯᠳᠤ ᠣᠷᠴᠢᠨ ᠳᠤᠭᠤᠷᠢᠨ ᠳᠤ ᠰᠢᠷᠠ ᠳᠠᠷᠬᠠᠴᠤᠳ ᠡᠵᠡᠨ ᠤ ᠣᠩᠭ᠋ᠤᠨ ᠰᠢᠳᠦᠭᠡᠨ ᠢ ᠠᠮᠢ ᠨᠠᠰᠤ ᠪᠠᠷ ᠶᠢᠡᠨ ᠰᠠᠭᠢᠨ ᠬᠠᠮᠠᠭᠠᠯᠠᠵᠤ᠂ ᠡᠵᠡᠨ ᠰᠢᠳᠦᠭᠡᠨ ᠶᠢᠡᠨ ᠬᠠᠮᠠᠭᠠᠯᠠᠨ ᠵᠡᠭᠦᠡᠰᠢ ᠪᠠᠷᠠᠭᠤᠠᠰᠢ ᠨᠡᠭᠦᠳᠡᠯᠯᠡᠭ᠍ᠰᠡᠨ ᠪᠠ ᠡᠭᠡᠯᠵᠢᠯᠡᠭᠦ ᠳᠦᠷᠪᠡᠨ ᠣᠯᠠᠷᠢᠯ᠂ ᠡᠳᠦᠷ ᠰᠦᠨᠢ ᠶᠢᠨ ᠬᠤᠷᠢᠨ ᠳᠦᠷᠪᠡᠨ ᠴᠠᠭ ᠲᠤ ᠣᠰᠤᠯᠳᠠᠯ ᠦᠭᠡᠶ ᠰᠠᠭᠢᠨ ᠮᠠᠨᠠᠵᠤ᠂ ᠳᠠᠰᠤᠯᠳᠠᠯ ᠦᠭᠡᠶ ᠳᠠᠭᠢᠨ ᠰᠢᠳᠤᠵᠤ᠂ ᠰᠢᠳᠦᠯᠭᠡ ᠳᠠᠭᠢᠯᠭᠠ ᠶᠢᠨ ᠮᠥᠩᠭᠡ ᠵᠤᠯᠠ ᠶᠢ ᠦᠨᠦ ᠪᠣᠯᠳᠠᠯᠠ ᠥᠷᠭᠦᠯᠵᠢᠯᠡᠭᠦᠯᠵᠤ ᠂ ᠮᠤᠩᠭ᠋ᠤᠯ ᠭᠦᠷᠤᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢᠨ ᠶᠤᠰᠤᠨ ᠢ ᠪᠦᠷᠢᠨ ᠪᠦᠳᠤᠨ ᠬᠠᠳᠠᠭᠠᠯᠠᠨ ᠣᠯᠠᠮᠵᠢᠯᠠᠬᠤ ᠳᠤ ᠪᠠᠯᠠᠷᠠᠰᠢ ᠦᠭᠡᠶ ᠭᠠᠪᠢᠶᠠ ᠵᠢᠦᠡᠭᠦᠯ ᠥᠵᠡᠭᠦᠯᠪᠡ ᠃
ᠳᠠᠷᠬᠠᠤᠠᠴᠤᠳ ᠭᠡᠳᠤᠨ ᠵᠠᠭᠤᠨ ᠵᠢᠯ ᠤᠨ ᠳᠤᠷᠰᠢ ᠦᠪᠡᠷ ᠤᠨ ᠳᠠᠷᠬᠠᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠭᠦᠢᠴᠡᠦᠡᠭᠡᠵᠤ᠂ ᠣᠳᠠᠭᠠ ᠪᠦᠷᠢ ᠶᠢᠨ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢ ᠣᠰᠤᠯᠳᠠᠯ ᠦᠭᠡᠶ ᠰᠠᠢ᠌ᠨ ᠭᠢᠭᠦ ᠪᠠᠷ ᠪᠠᠷᠠᠬᠤ ᠦᠭᠡᠶ᠂ ᠦᠪᠡᠷ ᠤᠨ ᠦᠷᠡ ᠠᠴᠢᠨᠠᠷ ᠲᠠᠭᠠᠨ ᠠᠵᠢᠯ ᠠᠯᠪᠠ᠂ ᠥᠴᠢᠭ᠌ ᠢᠷᠦᠭᠡᠯ᠂ ᠳᠠᠢ᠌ᠯᠭᠠ ᠶᠢᠨ ᠶᠤᠰᠤ ᠵᠢᠷᠤᠮ᠂ ᠶᠠᠪᠣᠴᠠ ᠶᠢ ᠣᠯᠠᠮᠵᠢᠯᠠᠨ ᠵᠢᠭᠠᠨ ᠰᠤᠷᠭᠠᠵᠤ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠳᠠᠢ᠌ᠯᠭᠠ ᠪᠦᠷᠢᠨ ᠪᠦᠳᠤᠨ ᠣᠯᠠᠮᠵᠢᠯᠠᠬᠤ ᠶᠢ ᠪᠠᠳᠤᠯᠠᠭᠰᠠᠨ ᠪᠠᠢ᠌ᠨᠠ᠃ ᠣᠳᠠᠭᠠ ᠪᠦᠷᠢ ᠶᠢᠨ ᠳᠠᠢ᠌ᠯᠭᠠ ᠳᠤ ᠳᠤᠭᠳᠠᠭᠰᠠᠨ ᠵᠢᠷᠤᠮ ᠶᠢᠡᠷ ᠡᠰᠦᠭ᠌᠂ ᠰᠠᠷᠬᠤᠤᠨ ᠤᠨ ᠴᠢᠨᠠᠷ᠂ ᠳᠤᠭᠠ ᠶᠢ ᠪᠠᠳᠤᠯᠠᠵᠤ᠂ ᠢᠳᠡᠭᠡ ᠰᠢᠭᠦᠰᠤ ᠶᠢ ᠬᠠᠮᠤᠭ ᠰᠠᠢ᠌ᠨ ᠶᠢᠡᠷ ᠳᠦᠭᠦᠭᠡᠷᠳᠡᠭ᠌ ᠪᠠᠢ᠌ᠨᠠ᠃《ᠠᠯᠳᠠᠨ ᠪᠢᠴᠢᠭ᠌》 ᠤᠨ《ᠡᠵᠡᠨ ᠤ ᠭᠡᠷᠡᠭ᠌ ᠤᠨ ᠬᠠᠤᠯᠢ》 ᠳᠤ 《ᠬᠤᠷᠤᠵᠠ ᠶᠢᠨ ᠠᠮᠳᠠ ᠮᠡᠭᠦᠰ ᠪᠣᠯᠪᠠᠰᠤ ᠨᠢᠭᠡᠨ ᠮᠤᠷᠢ᠂ ᠨᠢᠭᠡᠨ ᠭᠡᠮ ᠳᠤᠳᠠᠪᠠᠰᠤ ᠳᠦᠷᠪᠡᠨ ᠮᠤᠷᠢ᠂ ᠣᠷᠤ ᠦᠭᠡᠶ ᠳᠤᠳᠠᠪᠠᠰᠤ ᠨᠠᠢᠮᠠᠨ ᠮᠤᠷᠢ ᠳᠤᠷᠭᠠ᠃ ᠠᠷᠢᠭᠢ ᠨᠢᠭᠡᠨ ᠳᠠᠷᠠᠰᠤ ᠳᠤᠳᠠᠪᠠᠰᠤ ᠨᠢᠭᠡᠨ ᠮᠤᠷᠢ᠂ ᠨᠢᠭᠡᠨ ᠭᠡᠮ ᠳᠤᠳᠠᠪᠠᠰᠤ ᠨᠢᠭᠡᠨ ᠮᠤᠷᠢ᠂ ᠣᠷᠤ ᠦᠭᠡᠶ ᠳᠤᠳᠠᠪᠠᠰᠤ ᠨᠠᠢᠮᠠᠨ ᠮᠤᠷᠢ᠂ ᠠᠢ᠌ᠷᠠᠭ ᠳᠤᠳᠠᠪᠠᠰᠤ ᠬᠠᠤᠯᠢ ᠠᠷᠢᠭᠢᠨ ᠯᠤᠭᠠ ᠠᠳᠠᠯᠢ ᠪᠣᠢ》ᠭᠡᠵᠡᠢ᠃ ᠳᠠᠢ᠌ᠯᠭᠠ ᠶᠢᠨ ᠠᠯᠢᠪᠠ ᠥᠴᠢᠭ᠌ ᠢᠷᠦᠭᠡᠯ ᠢ ᠰᠤᠳᠤᠷ ᠪᠢᠴᠢᠭ᠌ ᠤᠨ ᠶᠤᠰᠤᠭᠠᠷ ᠰᠠᠢ᠌ᠳᠤᠷ ᠴᠡᠭᠡᠵᠢᠯᠡᠨ ᠳᠤᠭᠳᠠᠭᠠᠯ ᠶᠢᠡᠷ ᠣᠩᠰᠢᠨ ᠳᠠᠭᠤᠳᠠᠵᠤ᠂ ᠬᠠᠰᠢ ᠶᠠᠰᠢ ᠪᠣᠯᠪᠠᠯ ᠪᠠᠰᠠ ᠶᠠᠯᠠᠯᠠᠳᠠᠭ ᠪᠠᠢ᠌ᠵᠠᠢ᠃
ᠴᠢᠩᠭᠢᠰ ᠬᠠᠭᠠᠨ ᠤ ᠨᠠᠢᠮᠠᠨ ᠴᠠᠭᠠᠨ ᠣᠷᠳᠤ ᠪᠣᠯᠤᠨ ᠰᠦᠯᠳᠡ ᠶᠢᠨ ᠳᠠᠢ᠌ᠯᠭᠠ ᠵᠢᠯ ᠳᠤ ᠭᠡᠳᠤᠨ ᠠᠷᠪᠠ ᠣᠳᠠᠭᠠ ᠶᠠᠪᠣᠭᠳᠠᠳᠠᠭ᠃ ᠳᠡᠭᠦᠡᠴᠢᠯᠡᠨ ᠳᠤᠭᠳᠠᠭᠠᠯ ᠶᠤᠰᠤᠭᠠᠷ ᠴᠤᠮᠴᠤᠭ ᠣᠷᠳᠤ ᠪᠣᠯᠤᠨ ᠰᠢᠳᠦᠭᠡᠨ ᠢ ᠥᠷᠭᠦᠯᠵᠢ ᠰᠢᠨᠡᠦᠡᠭᠡᠳᠡᠭ᠌ ᠪᠠᠢ᠌ᠨᠠ᠃ ᠨᠢᠭᠡ ᠵᠢᠯ ᠤᠨ ᠳᠠᠢ᠌ᠯᠭᠠ ᠳᠤ ᠭᠡᠷᠡᠭ᠍ᠰᠡᠭᠦ ᠳᠠᠪᠢᠯᠭᠠ᠂ ᠳᠤᠨᠤᠭ ᠳᠦᠭᠦᠭᠡᠷᠦᠮᠵᠢ ᠶᠢ ᠰᠠᠯᠪᠢᠨ ᠵᠠᠰᠠᠬᠤ᠂ ᠰᠢᠨᠡᠦᠡᠭᠡᠭᠦ ᠵᠡᠷᠭᠡ ᠳᠤ ᠪᠠᠭᠠ ᠪᠣᠰᠤ ᠵᠠᠷᠤᠳᠠᠯ ᠭᠡᠷᠡᠭᠯᠡᠨᠡ᠃ ᠡᠵᠡᠨ ᠪᠣᠭᠳᠠ ᠶᠢᠨ ᠣᠩᠭ᠋ᠤᠨ ᠰᠢᠳᠦᠭᠡᠨ ᠤ ᠳᠠᠢ᠌ᠯᠭᠠ ᠳᠠᠭᠢᠯᠭᠠ ᠶᠢ ᠣᠰᠤᠯᠳᠠᠯ ᠦᠭᠡᠶ ᠭᠦᠢᠴᠡᠦᠡᠭᠡᠭᠦ ᠶᠢᠨ ᠳᠦᠯᠦᠭᠡ ᠳᠠᠪᠤᠨ ᠵᠠᠭᠤᠨ ᠡᠷᠦᠭᠡ ᠰᠢᠷᠠ ᠳᠠᠷᠬᠠᠤᠨ ᠵᠢᠯ ᠪᠦᠷᠢ ᠳᠠᠪᠤᠨ ᠵᠠᠭᠤᠨ ᠯᠠᠩ ᠮᠦᠩᠭᠦ ᠳᠤᠳᠠᠭᠤᠯᠤᠯ ᠦᠭᠡᠶ ᠳᠤᠰᠢᠶᠠᠬᠤ ᠶᠢᠨ ᠬᠠᠮᠳᠤ ᠪᠠᠰᠠ ᠣᠯᠠᠭᠠᠠᠴᠠᠪ᠂ ᠰᠢᠯᠢ ᠶᠢᠨ ᠭᠤᠤᠯ᠂ ᠱᠠᠪᠢ ᠳᠠᠪᠣ᠂ ᠵᠤᠤ ᠣᠳᠠ᠂ ᠵᠤᠰᠤᠳᠤ᠂ ᠵᠢᠷᠢᠮ᠂ ᠬᠠᠯᠬᠠ᠂ ᠭᠦᠯᠤᠨ ᠪᠣᠢ᠌ᠷ᠂ ᠪᠣᠷᠢᠶᠠᠤᠨ᠂ ᠳᠦᠷᠪᠡᠨ ᠳᠠᠯᠠᠢ ᠶᠢᠨ ᠬᠠᠨ᠂ ᠠᠯᠠᠱᠠᠨ ᠥᠭᠡᠯᠡᠳ᠂ ᠣᠷᠳᠤᠰ ᠤᠨ ᠳᠤᠯᠤᠭᠠᠨ ᠬᠤᠰᠢᠭᠤ ᠵᠡᠷᠭᠡ ᠭᠠᠵᠠᠷ ᠤᠳ ᠶᠢᠡᠷ ᠳᠤᠭᠤᠷᠢᠨ ᠪᠠᠳᠢᠷ ᠪᠠᠷᠢᠵᠤ᠂ ᠳᠠᠭᠢᠯᠭᠠ ᠶᠢᠨ ᠡᠳ᠋ ᠠᠭᠤᠷᠠᠰᠤ ᠬᠤᠷᠠᠮᠳᠤᠭᠤᠯᠵᠤ ᠪᠠᠢ᠌ᠵᠠᠢ᠃
ᠨᠠᠮ ᠵᠠᠰᠠᠭ ᠤᠨ ᠬᠠᠯᠠᠮᠵᠢ
ᠳᠦᠪ ᠵᠠᠰᠠᠭ ᠤᠨ ᠣᠷᠳᠤᠨ ᠪᠣᠯᠤᠨ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠥᠪᠠᠷᠳᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠤ ᠳᠤᠳᠤᠨᠤ ᠬᠠᠯᠠᠮᠵᠢᠯᠠᠯ ᠳᠤᠤᠷᠠ᠂ 1954 ᠣᠨ ᠤ 4 ᠰᠠᠷᠠ ᠳᠤ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠣᠷᠳᠤ ᠪᠠᠢ᠌ᠭᠤᠯᠬᠤ ᠰᠠᠭᠤᠷᠢ ᠳᠠᠯᠪᠢᠭᠳᠠᠨ᠂ 1956 ᠣᠨ ᠳᠤ ᠣᠩᠭ᠋ᠤᠨ ᠣᠷᠳᠤ ᠶᠢᠨ ᠪᠠᠷᠢᠯᠭᠠ ᠳᠡᠭᠦᠰᠴᠤ ᠂ ᠮᠦᠨ ᠭᠡᠳᠤᠨ ᠣᠳᠠᠭᠠᠨ ᠤ ᠵᠠᠰᠠᠨ ᠥᠷᠭᠡᠦᠡᠭᠡᠭᠦ ᠪᠠᠷ ᠳᠠᠮᠵᠢᠨ᠂ ᠮᠠᠰᠢ ᠶᠡᠭᠡ ᠬᠤᠪᠢᠷᠠᠯᠳᠠ ᠲᠡᠶ ᠪᠣᠯᠪᠠ᠃ 1985 ᠣᠨ ᠡᠴᠠ ᠨᠠᠰᠢ᠂ ᠵᠢᠶᠠᠩ ᠽᠧ ᠮᠢᠨ᠂ ᠬᠤ ᠶᠢᠨ ᠳᠤᠤ᠂ ᠡᠤ ᠪᠠᠩ ᠭᠦᠸᠧ᠂ ᠸᠧᠨ ᠵᠢᠶᠠ ᠪᠣᠤ᠂ ᠵᠢᠶᠠ ᠴᠢᠩ ᠯᠢᠨ᠂ ᠯᠢ ᠴᠠᠩ ᠴᠦᠨ᠂ ᠰᠢ ᠶᠢᠨ ᠫᠢᠩ᠂ ᠯᠢ ᠺᠧ ᠴᠢᠶᠠᠩ᠂ ᠵᠸᠤ ᠶᠦᠩ ᠺᠠᠩ᠂ ᠯᠢ ᠫᠸᠩ ᠂ ᠴᠢᠶᠤᠤ ᠱᠢ᠂ ᠤᠯᠡᠭᠠᠨᠭᠦᠤ ᠵᠡᠷᠭᠡ ᠨᠠᠶᠠᠭᠠᠤᠨ ᠨᠠᠮ ᠲᠦᠷᠦ ᠶᠢᠨ ᠣᠳᠤᠷᠢᠤᠠᠬᠤ ᠭᠦᠮᠦᠰ ᠂ ᠣᠷᠢᠤᠨ ᠬᠤᠵᠢᠤᠨ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠳᠤ ᠭᠦᠷᠦᠯᠴᠡᠨ ᠢᠷᠠᠵᠤ ᠂ ᠠᠵᠢᠯ ᠤᠨ ᠪᠠᠢ᠌ᠴᠠᠭᠠᠯᠳᠠ ᠭᠢᠭ᠍ᠰᠡᠨ ᠪᠠ ᠳᠠᠷᠬᠠᠤᠨ ᠠᠷᠠᠤᠨ ᠢ ᠳᠤᠬᠤᠨᠢᠭᠤᠯᠤᠭᠰᠠᠨ ᠪᠠᠢ᠌ᠨᠠ᠃ ᠪᠠᠰᠠ ᠳᠦᠪ ᠤᠨ ᠳᠦᠯᠦᠭᠡᠯᠡᠭ᠍ᠴᠢᠤᠨ ᠤᠨ ᠪᠦᠯᠭᠦᠮ ᠳᠦᠷᠪᠡ ᠣᠳᠠᠭᠠ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠤ ᠰᠢᠳᠦᠭᠡᠨ ᠰᠠᠭᠢᠭᠴᠢᠤᠨ ᠢ ᠳᠤᠰᠬᠠᠢ᠌ᠯᠠᠨ ᠳᠤᠬᠤᠨᠢᠭᠤᠯᠤᠭᠠᠤᠨ᠂ ᠨᠠᠮ ᠤᠨ ᠭᠢᠵᠠᠭᠠᠯᠠᠰᠢ ᠦᠭᠡᠶ ᠳᠤᠳᠤᠨᠤ ᠬᠠᠯᠠᠮᠵᠢᠯᠠᠯ ᠢ ᠭᠦᠷᠭᠡᠨ ᠠᠪᠴᠢᠷᠠᠵᠤ᠂ ᠮᠠᠰᠢ ᠶᠡᠭᠡ ᠵᠤᠷᠢᠭᠵᠢᠭᠤᠯᠤᠯ ᠪᠣᠯᠤᠭᠰᠠᠨ ᠪᠢᠯᠠ᠃ ᠡᠭᠦᠨ ᠤ ᠬᠠᠮᠳᠤ᠂ ᠦᠪᠣᠷ ᠮᠤᠩᠭ᠋ᠤᠯ ᠤᠨ ᠥᠪᠠᠷᠳᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠵᠢᠴᠢ ᠣᠷᠳᠤᠰ ᠬᠤᠳᠠ ᠶᠢᠨ ᠭᠡᠳᠤᠨ ᠦᠶᠡ ᠶᠢᠨ ᠨᠠᠮ ᠵᠠᠰᠠᠭ ᠤᠨ ᠣᠳᠤᠷᠢᠳᠤᠯᠭᠠ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠤ ᠴᠤᠭᠴᠠᠯᠠᠯᠳᠠ ᠪᠠ ᠭᠦᠭ᠍ᠵᠢᠯᠳᠡ ᠶᠢ ᠳᠣᠢ᠌ᠯ ᠶᠢᠡᠷ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠤ ᠭᠦᠴᠦᠳᠡᠢ ᠳᠡᠮᠵᠢᠯᠭᠡ ᠥᠵᠡᠭᠦᠯᠵᠤ᠂ ᠨᠠᠮ ᠵᠠᠰᠠᠭ ᠤᠨ ᠬᠠᠢ᠌ᠷᠠ ᠬᠠᠯᠠᠮᠵᠢ ᠶᠢ ᠭᠦᠢᠴᠡᠳ ᠭᠦᠷᠳᠡᠭᠡᠵᠡᠢ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ᠄ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩᠭ᠋ᠤᠨ ᠤ ᠳᠠᠭᠢᠯᠭᠠ ᠰᠤᠶᠤᠯ ᠤᠨ ᠠᠯᠪᠠᠨ ᠭᠡᠷ
ᠵᠤᠬᠢᠶᠠᠭᠴᠢ᠄ ᠰᠡᠴᠡᠨᠪᠢᠯᠢᠭ᠌
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠮᠤᠩᠭᠤᠯ ᠲᠡᠦᠬᠡᠳᠠᠷᠤᠮ᠄ 7507
ᠴᠠᠭ᠄ 2011 ᠤᠨ ᠤ 06 ᠰᠠᠷᠠ ᠶᠢᠨ 02
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ