ᠬᠠᠨᠠᠭᠠᠷ ᠳᠡᠯᠡᠭᠡᠢ ᠶᠢᠨ ᠬᠣᠢ᠌ᠬᠤᠷ ᠵᠤᠳ ᠡᠴᠡ

ᠬᠠᠯᠠᠰᠢᠷᠠᠵᠤ ᠠᠶᠤᠭ᠎ᠠ ᠥᠭᠡᠢ ᠮᠢᠨᠤ ᠬᠠᠨ ᠠᠭᠤᠯᠠ

ᠬᠠᠯᠳᠠᠷ᠎ᠠ ᠢᠷᠡᠭ᠍ᠰᠡᠨ ᠳᠦᠷᠢᠮᠡᠭᠡᠢ ᠳᠠᠢ᠌ᠰᠤᠨ ᠡᠴᠡ

ᠬᠠᠯᠢᠷᠠᠵᠤ ᠤᠬᠤᠷᠢᠭ᠎ᠠ ᠥᠭᠡᠢ ᠮᠢᠨᠤ ᠬᠠᠨ ᠠᠭᠤᠯᠠ

ᠬᠠᠮᠤᠭ ᠳᠡᠯᠡᠭᠡᠢ ᠶᠢᠨ ᠬᠠᠯᠠ ᠵᠤᠪᠠᠯᠠᠩ ᠳ᠋ᠤ

ᠬᠠᠢ᠌ᠷ᠎ᠠ ᠪᠦᠳᠤᠨ ᠰᠡᠭᠦᠢᠭ᠍ᠰᠡᠨ ᠮᠢᠨᠤ ᠬᠠᠨ ᠠᠭᠤᠯᠠ

ᠬᠠᠯᠠᠭᠤᠨ ᠭᠦᠢᠳᠡᠨ ᠭᠠᠮᠰᠢᠭ ᠰᠢᠭᠤᠷᠭ᠎ᠠ ᠳ᠋ᠤ

ᠬᠠᠬᠠᠵᠤ ᠪᠦᠭ᠍ᠰᠢᠭᠡ ᠥᠭᠡᠢ ᠮᠢᠨᠤ ᠬᠠᠨ ᠠᠭᠤᠯᠠ

ᠬᠠᠰᠭᠢᠷᠴᠤ ᠥᠩᠭᠡᠷᠡᠭᠦ ᠮᠠᠰᠢᠨ ᠤ ᠤᠲᠤᠭᠠᠨ ᠳ᠋ᠤ

ᠬᠠᠳᠠᠨ ᠪᠠᠶ᠎ᠠ ᠨᠢ ᠰᠢᠷᠬᠠᠯᠠᠬᠤ ᠮᠢᠨᠤ ᠬᠠᠨ ᠠᠭᠤᠯᠠ

ᠬᠠᠰᠢᠶᠠᠨ ᠳᠠᠭᠠᠨ ᠪᠠᠭ᠍ᠳᠡᠷᠡᠭᠦ ᠬᠤᠰᠢᠭᠤᠳᠤ ᠪᠠᠨ ᠰᠠᠨᠠᠵᠤ

ᠬᠠᠢ᠌ᠷ᠎ᠠ ᠳᠤ ᠭᠠᠩᠰᠠᠷᠠᠬᠤ ᠮᠢᠨᠤ ᠬᠠᠨ ᠠᠭᠤᠯᠠ

ᠬᠠᠩᠭ᠋ᠠᠢ ᠳᠠᠭᠠᠨ ᠥᠭᠡᠢ ᠬᠠᠯᠢᠭᠤᠨ ᠶᠢᠠᠨ ᠪᠣᠳᠤᠵᠤ

ᠬᠠᠷᠠᠩᠰᠠᠨ ᠤᠶᠠᠷᠠᠬᠤ ᠮᠢᠨᠤ ᠬᠠᠨ ᠠᠭᠤᠯᠠ

ᠬᠠᠪᠣᠷ ᠲᠤ ᠡᠷᠭᠢᠭᠦ ᠥᠭᠡᠢ ᠭᠠᠯᠠᠭᠤ ᠪᠠᠨ ᠮᠥᠷᠦᠭᠡᠳᠴᠤ

ᠬᠠᠳᠠ ᠴᠢᠯᠠᠭᠤ ᠨᠢ ᠬᠠᠢ᠌ᠯᠠᠬᠤ ᠮᠢᠨᠤ ᠬᠠᠨ ᠠᠭᠤᠯᠠ

2009-5-14