☆ ᠱᠠ᠊·ᠬᠠᠳᠠᠪᠴᠢ
ᠭᠤᠪᠢ ᠴᠢᠯᠠᠭᠤ
ᠠᠭᠤᠳᠠᠮ ᠭᠤᠪᠢ ᠶᠢᠨ ᠲᠦᠪ ᠳᠤᠮᠳᠠ
ᠡᠯᠢᠭᠡᠨ ᠭᠦᠷᠡᠩ ᠥᠭᠡᠷ ᠴᠢᠯᠠᠭᠤ ᠨᠢᠭᠡ ᠪᠠᠢ᠌ᠨᠠᠮ
ᠪᠠᠭᠠ ᠶᠢᠨ ᠦᠶᠡ ᠳᠤ ᠪᠢ
ᠪᠠᠢ᠌ᠯᠳᠤᠨ ᠳᠤᠯᠤᠯᠳᠤᠨ ᠨᠠᠭᠠᠳᠴᠤ
《ᠪᠠᠷᠳᠠᠭᠠ ᠬᠠᠢ᠌ᠨ》 ᠶᠠᠪᠣᠬᠤ ᠳᠤ
ᠪᠠᠢ᠌ᠨ ᠳᠠᠭᠢᠨ ᠳᠡᠷᠭᠡᠳᠡ ᠨᠢ ᠣᠴᠢᠳᠠᠭ ᠪᠠᠢ᠌ᠯᠠ
ᠬᠠᠳᠠ ᠲᠡᠶ ᠠᠭᠤᠯᠠ ᠮᠡᠨ ᠡᠴᠡ ᠬᠤᠯᠠ ᠶᠢᠨ ᠬᠤᠯᠠ ᠪᠠᠢ᠌ᠭᠠ ᠶᠤᠮ
ᠬᠠᠮᠢᠭᠠ ᠡᠴᠡ ᠭᠠᠷᠴᠤ ᠢᠷᠡᠭ᠍ᠰᠡᠨ ᠴᠢᠯᠠᠭᠤ ᠪᠢᠯᠠ ᠭᠡᠵᠤ
ᠬᠠᠴᠢᠨ ᠶᠡᠭᠡ ᠭᠠᠢ᠌ᠬᠠᠰᠢ ᠲᠦᠷᠦᠵᠤ
ᠡᠭᠦᠨ ᠤ ᠣᠴᠢᠷ ᠢ ᠰᠤᠨᠢᠭᠤᠴᠠᠵᠤ
ᠡᠴᠢᠭᠡ ᠡᠴᠡ ᠪᠢ ᠨᠢᠭᠡᠨ ᠡᠳᠦᠷ ᠠᠰᠠᠭᠤᠬᠤᠯᠠᠷ
ᠡᠰᠡᠷᠸᠡ ᠳᠡᠭ᠍ᠷᠢ ᠡᠴᠡ ᠣᠨᠠᠭᠰᠠᠨ 《ᠰᠤᠯᠢᠷ》 ᠭᠡᠵᠤ
ᠡᠮᠡᠭᠡᠯ ᠤᠨ ᠭᠦᠯᠢᠮ ᠶᠢᠡᠨ ᠶᠠᠩᠵᠤᠯᠠᠬᠤ ᠶᠢᠨ ᠳᠠᠯᠢᠮ ᠨᠠᠳᠠᠳᠤ ᠢᠩᠭᠢᠵᠤ ᠶᠠᠷᠢᠯᠠ︕
ᠢᠠᠳᠠᠷᠯᠠᠨ ᠴᠡᠩᠭᠡᠷᠯᠡᠭᠦ ᠭᠤᠪᠢ ᠶᠢᠨ ᠳᠤᠮᠳᠠ
ᠶᠡᠷᠦᠮᠳᠡᠭ᠌ ᠨᠢᠭᠡᠨ ᠳᠤᠮᠤᠬᠠᠨ ᠴᠢᠯᠠᠭᠤ ᠪᠠᠢ᠌ᠭᠠ ᠶᠤᠮ
ᠶᠡᠭᠡᠴᠦᠦᠯ ᠳᠡᠭᠦᠨ ᠢ 《ᠭᠤᠪᠢ ᠴᠢᠯᠠᠭᠤ》 ᠭᠡᠵᠤ ᠨᠡᠷᠡᠯᠡᠳᠡᠭ᠌ ᠪᠠᠢ᠌ᠯᠠ
ᠥᠨᠡᠭᠡᠷ ᠬᠠᠴᠢᠨ ᠪᠠᠢ᠌ᠭᠠ ᠶᠤᠮ
ᠥᠷᠭᠡᠨ ᠭᠤᠪᠢ ᠳᠤ ᠬᠤᠷᠠ ᠣᠰᠤ ᠬᠤᠮᠰᠠᠬᠠᠨ ᠶᠤᠮ
ᠦᠨᠳᠦᠰᠦ ᠭᠦᠨ ᠣᠷᠭᠤᠮᠠᠯ ᠭᠦᠷᠳᠡᠯᠡ ᠬᠠᠳᠠᠵᠤ ᠰᠢᠷᠠᠯᠠᠨ ᠪᠠᠢ᠌ᠬᠤ ᠳᠤ
ᠡᠯᠢᠭᠡᠨ ᠭᠦᠷᠡᠩ ᠳᠠᠷᠠ ᠴᠢᠯᠠᠭᠤᠨ ᠳᠤᠤᠷᠠ ᠴᠢᠠᠳᠠᠨ ᠨᠣᠢ᠌ᠳᠠᠨ ᠴᠢᠭ᠌ ᠶᠢᠡᠷ ᠪᠠᠢ᠌ᠵᠤ
ᠡᠷᠭᠢᠨ ᠤ ᠭᠢᠨᠢ ᠡᠪᠠᠰᠤ ᠨᠤᠭᠤᠭᠠ ᠭᠦᠷᠳᠡᠯᠡ
ᠡᠭ᠍ᠴᠡ ᠬᠠᠳᠠᠨ ᠡᠴᠡ ᠳᠡᠭᠦᠵᠢᠯᠡᠭ᠍ᠳᠡᠭ᠍ᠰᠡᠨ ᠵᠡᠷᠯᠢᠭ᠌ ᠣᠷᠭᠤᠮᠠᠯ ᠰᠢᠭ᠌
ᠦᠨᠳᠦᠰᠦᠨ ᠳᠡᠭᠡᠨ ᠳᠤᠭᠳᠠᠨ ᠭᠦᠭᠡᠷᠡᠵᠤ ᠪᠠᠢ᠌ᠳᠠᠭ ᠪᠠᠢ᠌ᠯᠠ
ᠡᠭᠦᠨ ᠤ ᠨᠢᠭᠤᠴᠠ ᠶᠢ ᠭᠠᠢ᠌ᠬᠠᠵᠤ
ᠡᠴᠢᠭᠡ ᠡᠴᠡ ᠪᠢ ᠨᠡᠭᠡᠨ ᠠᠰᠠᠭᠤᠬᠤᠯᠠᠷ
ᠠᠰᠤᠷᠢ ᠳᠡᠭ᠍ᠷᠢ ᠡᠴᠡ ᠮᠠᠨ ᠳᠤ ᠬᠠᠢ᠌ᠷᠠᠯᠠᠭᠰᠠᠨ
ᠠᠮᠢ ᠵᠠᠯᠭᠠᠨ ᠰᠢᠳᠦᠭᠦ 《ᠳᠠᠷᠬᠠᠨ ᠴᠢᠯᠠᠭᠤ》 ᠭᠡᠵᠤ
ᠠᠭᠠᠷᠤ ᠼᠠᠠᠳᠠᠨ ᠡᠮᠡᠭᠡᠯ ᠳᠡᠭᠡᠨ ᠳᠦᠷᠦᠭᠡ ᠳᠠᠭᠠᠷᠠᠭᠤᠯᠬᠤ ᠶᠢᠨ ᠳᠠᠭᠠᠤ ᠨᠠᠳᠠᠳᠤ ᠢᠩᠭᠢᠵᠤ ᠬᠠᠷᠢᠭᠤᠯᠠᠯᠠ
ᠭᠦᠳᠡᠩ ᠳᠠᠳᠠᠭᠰᠠᠨ ᠭᠦᠡᠳᠡᠢ ᠶᠢᠨ ᠭᠤᠪᠢ ᠳᠤ
ᠭᠦᠷᠡᠩ ᠪᠣᠷᠤ ᠥᠭᠡᠷ ᠴᠢᠯᠠᠭᠤ ᠨᠢᠭᠡ ᠪᠠᠢ᠌ᠨᠠᠮ
ᠭᠦᠮᠦᠰ ᠳᠡᠭᠦᠨ ᠢ ᠪᠠᠰᠠ 《ᠳᠤᠮᠤᠭ ᠴᠢᠯᠠᠭᠤ》 ᠭᠡᠵᠤ ᠨᠡᠷᠡᠯᠡᠳᠡᠭ᠌ ᠪᠠᠢ᠌ᠯᠠ
ᠣᠨᠠᠭᠠᠨ ᠨᠠᠰᠤ ᠶᠢ ᠮᠢᠨᠢ ᠳᠤᠷᠠ ᠭᠦᠰᠡᠯ ᠳᠤ ᠭᠦᠳᠦᠯᠦᠭ᠍ᠰᠡᠨ
ᠣᠴᠢᠷᠳᠠᠢ ᠳᠠᠷᠠ ᠴᠢᠯᠠᠭᠤᠨ ᠤ ᠣᠯᠠᠨ ᠳᠤᠮᠤᠭ ᠡᠴᠡ ᠰᠤᠨᠤᠰᠬᠤ ᠶᠢ ᠭᠦᠰᠡᠵᠤ
ᠣᠬᠤᠴᠢᠯᠠᠵᠤ ᠪᠢ ᠡᠴᠢᠭᠡ ᠡᠴᠡ ᠠᠰᠠᠭᠤᠬᠤᠯᠠᠷ
ᠣᠴᠠᠭᠠᠷᠯᠠᠭᠰᠠᠨ ᠬᠠᠷᠠᠴᠠ ᠪᠠᠷ ᠨᠠᠳᠠ ᠶᠢ ᠰᠢᠷᠪᠢᠵᠤ
ᠣᠤᠯ ᠨᠢ ᠪᠢ ᠡᠮᠡᠭᠡᠯ ᠢ ᠴᠢᠨᠢ ᠳᠦᠭᠦᠭᠡᠷᠭᠡᠵᠤ ᠪᠣᠢ
ᠦᠨᠳᠦᠷ ᠪᠣᠯᠵᠤ ᠡᠷᠢᠯ ᠳᠤ ᠮᠤᠷᠳᠠᠵᠤ ᠠᠯᠤᠰ ᠢ ᠬᠠᠢ᠌ᠪᠠᠯ ᠴᠢ
ᠦᠪᠠᠰᠤᠪᠠᠨ ᠮᠡᠳᠡᠭᠦ ᠨᠢᠭᠡᠨ ᠡᠳᠦᠷ ᠪᠣᠢ ᠭᠡᠵᠤ
ᠡᠷᠳᠡᠨᠢ ᠶᠢᠨ ᠡᠮᠡᠭᠡᠯ ᠳᠤ ᠮᠢᠨᠢ ᠭᠠᠠᠵᠤᠭᠠ ᠳᠠᠷᠤᠰᠢᠭᠤᠯᠬᠤ ᠶᠢᠨ ᠳᠠᠭᠠᠤ ᠨᠠᠳᠠᠳᠤ ᠢᠩᠭᠢᠵᠤ ᠵᠠᠭᠢᠯᠠ
ᠪᠠᠭᠡᠵᠢᠩ ᠬᠤᠳᠠ ᠶᠢᠨ 《ᠶᠡᠭᠡ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠡᠶᠡᠨ》 ᠵᠤᠭᠠᠴᠠᠯ ᠤᠨ ᠥᠢᠯᠡᠴᠢᠭᠡᠨ ᠤ ᠺᠤᠮᠫᠠᠨᠢ
2004 5 ᠰᠠᠷᠠ
ᠵᠤᠬᠢᠶᠠᠭᠴᠢ᠄ ᠱᠠ᠊·ᠬᠠᠳᠠᠪᠴᠢ
ᠢᠷᠡᠯᠲᠡ᠄ ᠱᠠ᠊·ᠬᠠᠳᠠᠪᠴᠢ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4934
ᠴᠠᠭ᠄ 2008 ᠤᠨ ᠤ 08 ᠰᠠᠷᠠ ᠶᠢᠨ 21
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ