ᠭᠡᠨᠡᠳᠲᠡ ᠭᠡᠨᠡᠳᠲᠡ ᠴᠢᠨᠤ ᠴᠠᠭᠢᠮ ᠮᠡᠳᠡᠭᠡ

ᠭᠡᠮ ᠦᠭᠡᠶ ᠵᠢᠷᠦᠭᠡ ᠶᠢ ᠳᠤᠭᠳᠤᠯᠤᠭᠤᠯᠵᠤ ᠢᠷᠠᠨ᠎ᠡ᠃

ᠭᠡᠶ‍ᠦᠷᠡᠭ᠍ᠰᠡᠨ ᠰᠡᠳᠭᠢᠯ ᠢ ᠭᠡᠵᠢᠭᠡᠳᠡᠵᠤ ᠢᠷᠠᠨ᠎ᠡ᠂

ᠭᠡᠨᠡᠨ ᠬᠠᠢ᠌ᠷ᠎ᠠ ᠶᠢ ᠭᠡᠳᠡᠭᠡᠯᠡᠵᠤ ᠢᠷᠠᠨ᠎ᠡ᠃

ᠭᠡᠨᠡᠳᠲᠡ ᠭᠡᠨᠡᠳᠲᠡ ᠢᠷᠡᠭ᠍ᠰᠡᠨ ᠴᠠᠭᠢᠮ ᠮᠡᠳᠡᠭᠡ ᠶᠢ ᠴᠢᠨᠢ

ᠭᠡᠷ ᠤᠨ ᠶᠢᠡᠨ ᠭᠠᠳᠠᠨ᠎ᠠ ᠰᠡᠮᠡᠭᠡᠷ ᠣᠩᠰᠢᠨ᠎ᠠ᠃

ᠭᠡᠷᠭᠡᠢ ᠡᠴᠠ ᠪᠠᠨ ᠳᠠᠯᠳᠠᠭᠤᠷ ᠨᠢᠭᠤᠵᠤ ᠣᠩᠰᠢᠨ᠎ᠠ᠃

ᠭᠡᠮ ᠭᠢᠭ᠍ᠰᠡᠨ ᠰᠢᠭ᠌ ᠠᠶᠤᠵᠤ ᠣᠩᠰᠢᠨ᠎ᠠ᠃

ᠴᠡᠯᠮᠡᠭ᠌ ᠠᠮᠢᠳᠤᠷᠠᠯ ᠤᠨ ᠴᠡᠭᠡᠷ ᠳᠤᠳᠤᠷ᠎ᠠ ᠪᠠᠨ

ᠴᠠᠪᠠᠷ ᠨᠥᠭᠦᠷᠯᠡᠯ ᠤᠨ ᠭᠢᠯᠢ ᠳᠡᠭᠡᠷ᠎ᠡ ᠪᠠᠨ

ᠴᠢᠨᠤ ᠴᠠᠭᠢᠮ ᠮᠡᠳᠡᠭᠡ ᠶᠢ ᠴᠢᠨᠢ ᠯᠠ

ᠭᠡᠨᠡᠳᠲᠡ ᠭᠡᠨᠡᠳᠲᠡ ᠪᠠᠷ ᠢᠷᠡᠭᠦ ᠶᠢ ᠭᠦᠯᠢᠶᠡᠨ᠎ᠡ︕

ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ‍ᠢᠭ ᠄ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠣᠢ᠌ᠳᠤ ᠬᠤᠰᠢᠭᠤᠨ ᠤ ᠮᠤᠳᠤᠳᠤ ᠭᠤᠤᠯ ᠰᠤᠷᠭᠠᠭᠤᠯᠢ