☆ ᠪᠠ᠊·ᠨᠡᠭᠦᠳᠡᠯᠴᠢ
ᠨᠢᠳᠤᠨᠤᠨ ᠬᠠᠪᠣᠷ
ᠨᠢᠳᠤᠨᠤᠨ ᠬᠠᠪᠣᠷ ᠭᠡᠵᠤ
ᠨᠤᠬᠠᠢ᠌ᠷᠠᠭᠰᠠᠨ ᠬᠠᠪᠣᠷ ᠪᠠᠢ᠌ᠭᠰᠠᠨ ᠶᠤᠮ
ᠨᠢᠳᠤ ᠨᠡᠭᠡᠭᠡᠭᠦ ᠶᠢᠨ ᠠᠷᠭᠠ ᠦᠭᠡᠶ
ᠨᠢᠭᠦᠯ ᠲᠡᠶ ᠰᠠᠯᠭᠢᠨ ᠭᠠᠷᠤᠭᠰᠠᠨ ᠶᠤᠮ
ᠰᠤᠮᠤᠨ ᠤ ᠠᠷᠤ ᠶᠢᠨ ᠮᠤᠳᠤᠳ
ᠰᠤᠬᠤᠷᠤᠭᠰᠠᠨ ᠶᠤᠮᠰᠢᠭ ᠬᠠᠷᠠᠯᠠᠵᠤ
ᠰᠤᠷᠠᠭ ᠬᠤᠯᠪᠣᠭᠠᠨ ᠤ ᠰᠤᠪᠣᠷᠭᠠ
ᠰᠤᠭᠳᠤᠭᠰᠠᠨ ᠶᠤᠮᠰᠢᠭ ᠨᠠᠢ᠌ᠭᠤᠵᠤ
ᠰᠠᠭᠤᠭᠠᠯᠢ ᠠᠢ᠌ᠯ ᠤᠨ ᠡᠭᠦᠳᠡ ᠴᠤᠩᠬᠤ
ᠰᠤᠯᠢᠶᠠᠷᠠᠭᠰᠠᠨ ᠶᠤᠮᠰᠢᠭ ᠳᠠᠴᠢᠭᠢᠨᠠᠵᠤ
ᠰᠤᠷᠭᠠᠭᠤᠯᠢ ᠶᠢᠨ ᠠᠷᠤ ᠭᠡᠷᠡᠮ ᠴᠤ
ᠰᠠᠭᠤᠷᠢ ᠪᠠᠷ ᠶᠢᠡᠨ ᠭᠦᠷᠪᠠᠵᠤ ᠣᠨᠠᠭᠰᠠᠨ ᠶᠤᠮ
ᠮᠤᠬᠤᠷ ᠰᠤᠳᠤᠮ ᠤᠨ ᠮᠠᠯᠠᠭᠠᠢ ᠶᠢ
ᠮᠤᠯᠳᠤ ᠥᠯᠢᠶᠡᠭ᠍ᠰᠡᠨ ᠶᠢᠡᠷ ᠳᠤᠭᠳᠠᠬᠤ ᠦᠭᠡᠶ
ᠮᠤᠰᠢᠭᠠᠢ ᠨᠠᠮᠵᠢᠯ ᠤᠨ ᠡᠭᠡᠨᠡᠷ ᠢ ᠴᠤ
ᠮᠠᠨ ᠤ ᠳᠤ ᠢᠷᠠᠳᠠᠯᠠ ᠳᠦᠭᠡᠷᠢᠭᠦᠯᠦᠭ᠍ᠰᠡᠨ
ᠮᠤᠵᠢ ᠠᠯᠤᠰᠤᠯᠠᠵᠤ ᠢᠷᠡᠭ᠍ᠰᠡᠨ
ᠮᠠᠭᠤ ᠢᠷᠸᠠ ᠶᠢᠨ ᠰᠠᠯᠭᠢᠨ
ᠮᠠᠭᠤ ᠲᠡᠶ ᠰᠠᠢ᠌ᠨ ᠲᠡᠶ ᠨᠢ ᠥᠯᠢᠶᠡᠭ᠍ᠰᠡᠨ
ᠮᠤᠯᠭᠤᠤ ᠭᠦᠳᠡᠭᠢ ᠰᠠᠯᠭᠢᠨ
ᠡᠷᠭᠢᠨ ᠣᠰᠤᠨ ᠤ ᠳᠤᠶᠠᠭᠠ ᠶᠢ
ᠳᠡᠯᠭᠡᠭᠦᠷ ᠭᠡᠰᠦᠭᠦ ᠶᠢ ᠨᠢ ᠵᠤᠭᠰᠤᠳᠠᠯᠠ
ᠡᠷᠡᠭ᠍ᠴᠢᠨ ᠳᠠᠭᠢᠶᠠ ᠶᠢ ᠭᠦᠷᠳᠡᠯᠡ
ᠥᠤᠷ ᠮᠡᠳᠡᠭᠡᠯᠡᠭᠦ ᠶᠢ ᠨᠢ ᠪᠣᠯᠢᠳᠠᠯᠠ
ᠣᠯᠤᠰ ᠲᠦᠮᠡᠨ ᠤ ᠨᠢᠳᠤ ᠶᠢ
ᠣᠠᠳᠠᠵᠤ ᠪᠠᠢ᠌ᠬᠤ ᠰᠢᠭ ᠠᠨᠢᠭᠤᠯᠵᠤ
ᠣᠯᠠᠭᠠᠨ ᠴᠠᠭᠠᠨ ᠨᠢᠭᠤᠷ ᠢ
ᠣᠳᠤᠵᠤ ᠪᠠᠢ᠌ᠬᠤ ᠰᠢᠭ ᠬᠠᠷᠠᠯᠠᠭᠤᠯᠵᠤ
ᠬᠠᠷᠢᠶᠠᠴᠢ ᠰᠢᠪᠠᠭᠤ ᠶᠢ ᠪᠠᠢ᠌ᠳᠠᠯᠠ
ᠬᠠᠷᠢᠵᠤ ᠢᠷᠡᠭᠦ ᠶᠢ ᠨᠢ ᠣᠳᠠᠭᠠᠵᠤ
ᠬᠠᠢ᠌ᠷᠯᠠᠭᠰᠠᠨ ᠬᠤᠶᠠᠷ ᠢ ᠭᠦᠷᠳᠡᠯᠡ
ᠬᠠᠪᠢ ᠪᠠᠷ ᠳᠤᠭᠤᠷᠢᠬᠤ ᠶᠢ ᠨᠢ ᠰᠠᠭᠠᠳᠠᠭᠠᠵᠤ
ᠬᠠᠮᠠᠷ ᠰᠢᠷᠤᠪ ᠤᠨ ᠢᠮᠠᠭᠠᠨ ᠳᠤ
ᠬᠠᠭᠠᠰ ᠵᠢᠩ ᠰᠢᠷᠤᠢ ᠨᠠᠮᠠᠳᠠᠯᠠ
ᠬᠠᠳᠠᠨ ᠬᠤᠰᠢᠭᠤ ᠶᠢᠨ ᠰᠦᠷᠤᠩ ᠤᠨ
ᠬᠠᠷᠢᠶᠠᠬᠤ ᠰᠠᠳᠤᠪ ᠢ ᠰᠤᠯᠢᠳᠠᠯᠠ
ᠭᠠᠵᠠᠷ ᠳᠡᠭ᠍ᠷᠢ ᠶᠢ ᠨᠡᠢ᠌ᠯᠡᠭᠦᠯᠦᠭ᠍ᠰᠡᠨ
ᠭᠠᠢ ᠲᠡᠶ ᠢᠷᠡᠭ᠍ᠰᠡᠨ ᠰᠠᠯᠭᠢᠨ
ᠭᠠᠷᠴᠤ ᠣᠷᠤᠬᠤ ᠶᠢ ᠬᠠᠷᠰᠢᠯᠠᠭᠰᠠᠨ
ᠭᠠᠯᠵᠠᠭᠤ ᠭᠦᠴᠦᠳᠡᠢ ᠰᠠᠯᠭᠢᠨ
ᠳᠡᠷᠢᠭᠦᠯᠡᠭ᠍ᠴᠢ ᠴᠡᠴᠡᠭ᠌ ᠢ ᠪᠠᠢ᠌ᠳᠤᠭᠠᠢ
ᠳᠡᠷᠢᠭᠦᠨ ᠢ ᠭᠦᠷᠳᠡᠯᠡ ᠰᠠᠵᠢᠯᠠᠭᠤᠯᠤᠭᠰᠠᠨ
ᠳᠠᠷᠠ ᠬᠠᠪᠣᠷ ᠤᠨ ᠰᠠᠯᠭᠢᠨ ᠭᠡᠵᠤ
ᠳᠡᠨᠡᠭ᠌ ᠲᠡᠶ ᠰᠠᠯᠭᠢᠨ ᠪᠠᠢ᠌ᠭᠰᠠᠨ ᠶᠤᠮ᠃
ᠵᠤᠬᠢᠶᠠᠭᠴᠢ᠄ ᠪᠠ᠊·ᠨᠡᠭᠦᠳᠡᠯᠴᠢ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2629
ᠴᠠᠭ᠄ 2009 ᠤᠨ ᠤ 01 ᠰᠠᠷᠠ ᠶᠢᠨ 14
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ