☆ ᠰ·ᠰᠠᠴᠠᠠᠪᠠᠭᠠᠳᠤᠷ
ᠡᠴᠦᠰ ᠤᠨ ᠰᠠᠷᠠᠯ
ᠰᠦᠯᠳᠡ ᠨᠢ ᠪᠠᠭᠤᠷᠠᠭᠰᠠᠨ ᠮᠠᠠᠵᠤ ᠬᠠᠭᠠᠨ ᠤ ᠬᠤᠤᠷ ᠨᠢ ᠪᠣᠴᠠᠯᠵᠤ
ᠰᠦᠷᠦᠭ᠌ ᠶᠢᠡᠨ ᠠᠳᠤᠭᠤᠯᠤᠭᠰᠠᠨ ᠮᠤᠩᠭ᠋ᠤᠯ ᠣᠷᠤᠨ ᠢ ᠳᠠᠯᠭᠢᠳᠠᠯᠠ
ᠰᠦᠨᠤᠮᠠᠷ ᠪᠣᠯᠤᠭᠰᠠᠨ ᠳᠠᠢ᠌ᠴᠢᠩ ᠭᠦᠷᠤᠨ ᠶᠢᠡᠨ ᠲᠡᠳᠬᠦᠭᠦ ᠪᠠᠷ
ᠱᠤᠯᠤᠮ ᠱᠥᠭᠯᠡᠭ᠍ᠰᠡᠨ ᠵᠢᠰᠤᠷ ᠪᠣᠳᠤᠯᠭᠠ ᠰᠠᠳᠤᠵᠤ ᠶᠠᠪᠣᠭᠤᠯᠤᠯᠠ
ᠢᠷᠭᠡᠨ ᠢ ᠰᠢᠯᠵᠢᠭᠦᠯᠵᠤ ᠭᠢᠵᠠᠭᠠᠷ ᠶᠢᠡᠨ ᠪᠠᠭᠢᠵᠢᠭᠦᠯᠤᠨᠡ
ᠶᠡᠭᠡ ᠪᠠᠷ ᠭᠠᠵᠠᠷ ᠬᠠᠭᠠᠯᠪᠣᠷᠢᠯᠠᠵᠤ ᠭᠦᠮᠦᠷᠭᠡ ᠪᠠᠨ ᠳᠦᠭᠦᠷᠭᠡᠨᠡ
ᠭᠠᠵᠠᠷ ᠳᠤᠤᠷᠠ ᠨᠢ ᠡᠷᠳᠡᠨᠢ ᠪᠠᠷ ᠳᠦᠭᠦᠷᠡᠩ ᠮᠤᠩᠭ᠋ᠤᠯ ᠣᠷᠤᠨ
ᠭᠠᠯᠳᠤ ᠠᠭᠤᠯᠠ ᠦᠶᠡᠷ ᠣᠰᠤᠳᠤᠯ ᠦᠭᠡᠶ ᠠᠮᠤᠭᠤᠯᠠᠩ ᠣᠷᠤᠨ
ᠭᠠᠩᠭ᠋ᠠᠩ ᠪᠠᠢ᠌ᠭᠠᠯᠢ ᠨᠢ ᠣᠩᠭ᠋ᠤᠨ ᠶᠢᠡᠷ ᠶᠢᠡᠨ ᠥᠵᠡᠰᠭᠦᠯᠡᠩᠳᠤ ᠣᠷᠤᠨ
ᠭᠠᠯᠪᠠ ᠳᠡᠯᠡᠭᠡᠢ ᠳᠤ ᠳ᠋ᠸᠪᠠᠵᠠᠨ ᠠᠳᠠᠯᠢ ᠵᠢᠷᠭᠠᠯᠳᠤ ᠣᠷᠤᠨ
ᠪᠣᠭᠤᠷᠤᠯ ᠬᠠᠩᠭ᠋ᠠᠢ ᠶᠢᠨ ᠪᠣᠶᠠᠨ ᠭᠡᠰᠢᠭ᠌ ᠪᠠᠢ᠌ᠬᠤ ᠯᠠ ᠭᠡᠨᠡ
ᠪᠣᠭᠤ ᠰᠤᠭᠤ ᠠᠩ ᠭᠦᠷᠦᠭᠡ ᠶᠢ ᠨᠢ ᠠᠯᠠᠵᠤ ᠠᠪᠠᠯᠠᠵᠠᠭᠠ
ᠪᠣᠷᠬᠠᠨ ᠱᠠᠰᠢᠨ ᠳᠤ ᠮᠤᠩᠬᠠᠷᠠᠭᠰᠠᠨ ᠮᠤᠩᠭ᠋ᠤᠯᠴᠤᠳ ᠨᠤᠮᠤᠢ
ᠫᠣᠤ ᠵᠡᠪᠰᠡᠭ᠌ ᠦᠭᠡᠶ ᠮᠠᠯᠴᠢᠳ ᠭᠠᠷ ᠬᠤᠭᠤᠰᠤᠨ ᠳᠠᠢ᠌ᠪᠣᠩ
ᠪᠣᠭᠤᠮᠳᠠ ᠶᠢᠨ ᠳᠤᠳᠤᠷᠠ ᠡᠴᠡ ᠪᠣᠮ ᠲᠦᠮᠡᠨ ᠭᠢᠳᠠᠤᠨ ᠢ ᠣᠷᠢᠶᠠᠯᠠᠯᠠ
ᠪᠣᠷᠤᠭᠠᠨ ᠴᠢᠤᠠᠬᠤᠯᠠᠨ ᠰᠢᠷᠤᠢ ᠭᠡᠢ᠌ᠰᠭᠦ ᠰᠢᠭ᠌ ᠭᠦᠮᠦᠰ ᠢᠷᠡᠵᠡᠭᠡᠯᠡ
ᠬᠤᠮᠤᠷᠭᠠ ᠶᠢᠨ ᠳᠠᠯᠠᠪᠠᠢ ᠡᠴᠡ ᠬᠤᠯᠠ ᠶᠢᠨ ᠱᠦᠷᠭᠡᠢ ᠠᠮᠠ ᠭᠦᠷᠳᠡᠯᠡ
ᠥᠨᠡᠭᠡᠨ ᠳᠠᠪᠠᠭᠠᠨ ᠡᠴᠡ ᠦᠷᠦᠭᠡᠰᠤᠨ ᠴᠢᠯᠠᠭᠤᠨ ᠠᠮᠠ ᠭᠦᠷᠳᠡᠯᠡ
ᠦᠷᠭᠡᠨ ᠠᠭᠤᠳᠠᠮ ᠨᠤᠳᠤᠭ ᠲᠡᠶ ᠴᠠᠬᠠᠷ ᠨᠢ᠋ᠮᠠᠨ ᠬᠤᠰᠢᠭᠤᠨ ᠳ᠋ᠤ
ᠡᠷᠦᠭᠡ ᠭᠡᠷ ᠤᠨ ᠭᠢᠨᠢ ᠡᠭᠦᠳᠡ ᠦᠨᠢᠶᠡ ᠳᠤᠭᠤᠯ ᠤᠨ ᠭᠢᠨᠢ ᠪᠠᠯᠴᠢᠭᠡᠷ ᠢ
ᠦᠢ᠌ ᠲᠦᠮᠡᠨ ᠠᠠᠵᠢᠰᠤ ᠦᠪᠴᠢ ᠳᠤ ᠨᠢ ᠬᠠᠭᠠᠯᠪᠣᠷᠢᠯᠠᠵᠤ ᠬᠠᠶᠠᠯᠠ
ᠠᠭᠤᠯᠠ ᠣᠰᠤ ᠶᠢ ᠨᠢ ᠣᠬᠤᠵᠤ᠂ ᠠᠭᠤᠷᠬᠠᠢ ᠮᠠᠯᠳᠠᠵᠤ ᠡᠭᠢᠯᠡᠯᠡ
ᠮᠠᠯ ᠳᠠᠷᠢᠶᠠᠯᠠᠩ ᠭᠠᠵᠠᠷ ᠪᠣᠯᠢᠶᠠᠯᠳᠤᠨ ᠵᠦᠷᠢᠴᠠᠯ ᠮᠦᠷᠭᠦᠯᠳᠦᠭᠡᠨ ᠪᠣᠯᠤᠯᠠ
ᠮᠠᠯᠴᠢᠨ ᠠᠷᠠᠤᠨ ᠶᠤᠰᠤ ᠡᠷᠢᠵᠤ ᠵᠠᠷᠭᠤ ᠵᠠᠭᠠᠯᠳᠤᠭᠠᠨ ᠪᠣᠯᠤᠯᠠ
《ᠳᠡᠨᠡᠭ᠌ ᠮᠤᠩᠭ᠋ᠤᠯᠴᠤᠳ ᠴᠥᠭᠡᠨ ᠠᠳᠠᠯᠠ ᠳᠠᠳᠤᠢ ᠶᠡᠭᠡ ᠭᠠᠵᠠᠷ ᠳᠠᠢ
ᠳᠡᠭᠡᠭᠡᠳ ᠪᠠᠰᠠ ᠴᠢᠳᠠᠯ ᠶᠢᠡᠨ ᠮᠡᠳᠡᠭᠦ ᠦᠭᠡᠶ ᠬᠠᠷᠠᠮᠨᠠᠬᠤ ᠳᠤᠷᠠᠳᠠᠢ︕》
ᠳᠡᠭᠡᠳᠤ ᠳᠡᠭ᠍ᠷᠢ ᠶᠢᠨ ᠵᠠᠷᠯᠢᠭ ᠢ ᠳᠠᠭᠠᠬᠤ ᠭᠡᠷᠡᠭ᠍ᠳᠡᠢ ᠭᠡᠨᠡ
ᠳᠡᠭᠡᠳᠦᠰ ᠤᠨ ᠴᠢᠨᠢ ᠨᠤᠳᠤᠭ ᠪᠣᠯᠤᠭᠰᠠᠨ ᠴᠤ ᠵᠠᠢ᠌ᠯᠠᠬᠤ ᠭᠡᠷᠡᠭ᠍ᠳᠡᠢ ᠭᠡᠨᠡ
ᠳᠡᠭᠡᠷᠡᠩᠭᠦᠢ ᠵᠠᠠᠳᠠᠯᠴᠢᠨ ᠴᠡᠷᠢᠭ᠌ ᠤᠨ ᠡᠷᠭᠡᠳᠡᠨ ᠵᠡᠪᠰᠡᠭ᠌ ᠶᠢᠡᠷ ᠠᠶᠤᠯᠭᠠᠨᠠ
ᠳᠡᠭᠡᠷᠡᠮ ᠳᠤᠨᠤᠭᠤᠯ ᠴᠠᠭᠠᠴᠢᠳ ᠪᠦᠯᠦᠭᠯᠡᠨ ᠮᠤᠩᠭ᠋ᠤᠯ ᠢ ᠭᠢᠳᠤᠨᠠ
ᠮᠠᠢᠭ ᠭᠦᠯ ᠲᠡᠶ ᠮᠠᠢ᠌ᠵᠢᠭᠢ ᠭᠤᠳᠤᠯ ᠲᠡᠶ ᠮᠤᠩᠭ᠋ᠤᠯᠴᠤᠳ ᠳᠤᠳᠠᠭᠠᠯᠠ
ᠮᠠᠯ ᠶᠢᠡᠨ ᠳᠡᠭᠦᠵᠤ᠂ ᠲ᠋ᠡᠷᠭᠡ ᠪᠠᠨ ᠭᠡᠯᠢᠵᠤ ᠵᠡᠭᠦᠡᠰᠢ ᠵᠥᠭᠯᠡᠯᠡ
ᠠᠷᠪᠠᠨ ᠬᠠᠷᠠ ᠨᠢᠭᠦᠯ ᠶᠢᠡᠷ ᠠᠵᠢᠯ ᠶᠢᠡᠨ ᠪᠣᠯᠭᠠᠭᠰᠠᠨ ᠳᠡᠷᠰᠭᠦᠤᠨ ᠡᠴᠠ
ᠠᠢ᠌ᠯ ᠭᠦᠮᠤᠨ ᠠᠳᠤᠭᠤ ᠮᠠᠯ ᠶᠢᠡᠨ ᠬᠤᠯᠠᠬᠠᠨ ᠵᠠᠢ᠌ᠯᠠᠭᠤᠯᠤᠶᠠ ᠭᠡᠵᠤ
ᠠᠩᠭ᠋ᠠᠯ ᠴᠠᠩᠭ᠋ᠠᠯ ᠨᠠᠭᠤᠷ ᠲᠠᠭᠠᠨ ᠠᠷᠠᠢ ᠭᠡᠵᠤ ᠭᠦᠯ ᠳᠤᠭᠳᠠᠳᠠᠯᠠ
ᠠᠭᠤᠳᠠᠮ ᠴᠠᠬᠠᠷ ᠨᠤᠳᠤᠭ ᠤᠨ ᠭᠤᠤᠯ ᠦᠷᠤᠴᠠᠨ ᠳᠤ ᠰᠢᠬᠠᠭᠳᠠᠯᠠ
ᠬᠤᠷᠢᠨ ᠵᠢᠯ ᠪᠣᠯᠤᠭᠰᠠᠨ ᠦᠭᠡᠶ ᠬᠣᠢ᠌ᠨᠠ ᠡᠴᠠ ᠠᠶᠤᠯ ᠨᠦᠮᠦᠷᠴᠦ
ᠬᠤᠵᠢᠭᠢᠷ ᠵᠢᠶᠠᠩ ᠤᠨ ᠳᠦᠷᠤ ᠳᠤ ᠪᠠᠢ᠌ᠳᠠᠯ ᠣᠯᠠᠮ ᠮᠠᠭᠤᠳᠠᠯᠠ
ᠬᠤᠯᠪᠣᠭᠠ ᠭᠤᠷᠪᠠᠨ ᠴᠠᠭᠠᠨ ᠨᠠᠭᠤᠷ᠂ ᠬᠤᠯᠠᠨ ᠳᠠᠭᠢ ᠶᠢᠨ ᠵᠡᠭᠡᠷᠡ
ᠬᠤᠯᠠ ᠶᠢᠨ ᠳᠠᠢ᠌ᠭᠠ ᠨᠠᠭᠤᠷ ᠬᠤᠩᠬᠠᠢ ᠡᠯᠡᠰᠤ ᠪᠠᠨ ᠠᠯᠳᠠᠯᠠ
ᠳᠦᠷᠦᠭ᠍ᠰᠡᠨ ᠨᠤᠳᠤᠭ ᠶᠢᠡᠨ ᠬᠠᠶᠠᠭᠠᠤᠨ ᠮᠠᠯᠴᠢᠳ ᠵᠡᠭᠦᠡᠰᠢ ᠵᠠᠢ᠌ᠯᠠᠯᠠ
ᠳᠦᠷᠢᠮᠡᠭᠡᠢ ᠢᠷᠭᠡᠳ ᠰᠠᠮᠠᠭᠤᠷᠠᠵᠤ᠂ ᠣᠯᠠᠮ ᠣᠯᠠᠮ ᠳᠠᠪᠰᠢᠭᠤᠷᠠᠯᠠ
ᠳᠦᠷᠤ ᠶᠢᠨ ᠲᠦᠯᠦᠭᠡ ᠣᠭᠤᠳᠤᠨᠠ ᠪᠣᠭᠤᠮᠢᠯᠠᠵᠤ ᠥᠭᠦᠪᠡ ᠭᠡᠳᠡᠭ᠍ᠴᠢᠯᠡᠨ
ᠳᠦᠪᠠᠭ᠌ ᠦᠭᠡᠶ ᠳᠡᠭ᠍ᠷᠢ ᠶᠢᠨ ᠨᠤᠬᠠᠢ ᠨᠤᠳᠤᠭ ᠶᠢᠡᠨ ᠰᠠᠭᠢᠵᠠᠢ
ᠦᠨᠦᠴᠢᠨ ᠰᠦᠮᠡ ᠦᠨᠳᠦᠷ ᠣᠪᠣᠭᠠ ᠨᠢ ᠣᠢ᠌ᠤᠠᠬᠠᠷᠳᠠᠢ ᠦᠯᠠᠳᠠᠨᠡ
ᠦᠩ ᠰᠢᠮᠡᠯᠢᠭ᠌ ᠨᠤᠳᠤᠭ ᠤᠨ ᠦᠷᠤᠴᠠ ᠶᠢ ᠣᠯᠠᠭᠠᠨ ᠶᠢᠡᠷ ᠡᠷᠭᠢᠭᠦᠯᠵᠡᠢ
ᠪᠣᠶᠠᠠᠳᠤ ᠨᠤᠳᠤᠭ ᠤᠨ ᠡᠭᠢ ᠪᠠᠶᠠᠯᠢᠭ ᠢ ᠨᠥᠮᠵᠦᠭ᠌ ᠦᠭᠡᠶ ᠳᠤᠨᠤᠨᠠ
ᠪᠣᠭᠤ ᠰᠤᠭᠤ ᠠᠷᠭᠠᠯᠢ ᠶᠠᠩᠭᠢᠷ ᠢ ᠭᠦᠢᠰᠤ ᠳᠠᠮᠳᠠᠷᠢᠨ ᠠᠯᠠᠨᠠ
ᠶᠠᠭᠤᠮᠠ ᠪᠦᠭᠦᠨ ᠳᠤ ᠬᠠᠷᠠᠳᠠᠢ ᠡᠳᠡᠭᠡᠷ ᠬᠤᠶᠠᠷ ᠭᠦᠯᠳᠡᠨ ᠢ
ᠶᠠᠷᠢ ᠶᠢᠰᠤᠨ ᠳᠡᠭ᠍ᠷᠢ ᠶᠢᠨ ᠭᠦᠭᠡ ᠨᠤᠬᠠᠢ ᠰᠢᠪᠠᠭᠡᠯᠡᠨ ᠳᠠᠭᠠᠷᠢᠵᠤ ᠪᠢᠯᠠ
ᠶᠠᠷᠤᠨᠢ ᠣᠷᠤᠰᠢᠨ ᠠᠮᠢᠳᠤᠷᠠᠬᠤ ᠶᠢᠨ ᠲᠦᠯᠦᠭᠡ ᠣᠷᠤᠨ ᠵᠠᠢ ᠪᠣᠯᠢᠶᠠᠯᠳᠤᠨ
ᠶᠠᠰᠤ ᠬᠠᠳᠠᠭᠤ ᠳᠠᠯᠳᠤ ᠳᠤᠯᠪᠣᠳᠤ ᠭᠦᠭᠡ ᠰᠠᠷᠠᠯ ᠬᠤᠯᠪᠣᠭᠠᠯᠠᠵᠠᠢ
ᠡᠯᠵᠢᠭᠡ ᠯᠠᠭᠤᠰᠠ ᠭᠠᠬᠠᠢ ᠳᠠᠭᠢᠶᠠ ᠭᠡᠳ ᠰᠤᠨᠢᠨ ᠠᠮᠢᠳᠠᠨ ᠢᠯᠠᠷᠠᠯᠠ
ᠡᠮᠡᠰ ᠭᠡᠦᠭᠡᠨ ᠨᠢ ᠰᠢᠪᠠᠭᠤᠨ ᠭᠦᠯᠳᠡᠢ ᠪᠠᠬᠠ ᠰᠢᠭ ᠦᠷᠠᠵᠢᠨᠡ
ᠡᠷᠡ ᠡᠮᠡ ᠦᠭᠡᠶ ᠢᠯᠵᠠᠷᠠᠭᠰᠠᠨ ᠨᠤᠭᠤᠭᠠᠨ ᠤ ᠦᠨᠦᠷ ᠳᠠᠢ
ᠡᠵᠡᠷᠭᠡᠭ᠌ ᠡᠳᠡᠭᠡᠷ ᠠᠮᠢᠳᠠᠨ ᠶᠢᠡᠷ ᠰᠠᠷᠠᠯ ᠬᠤᠭᠤᠯᠠᠯᠠᠬᠤ ᠪᠣᠯᠪᠠ
ᠭᠠᠢ᠌ᠬᠠᠯ ᠰᠠᠷᠠᠯ ᠤᠨ ᠰᠦᠷᠦᠭ᠌ ᠭᠠᠮᠰᠢᠭ ᠠᠶᠤᠯ ᠪᠣᠯᠤᠯᠠ
ᠭᠠᠵᠠᠷ ᠤᠨ ᠡᠵᠡᠳ ᠠᠳᠠᠷ ᠬᠠᠭᠠᠯᠪᠣᠷᠢᠯᠠᠭᠴᠢᠳ ᠭᠦᠴᠤᠨ ᠮᠡᠭᠦᠰᠳᠡᠯᠡ
ᠭᠠᠮᠢᠩ ᠴᠡᠷᠢᠭ᠌ ᠨᠢ ᠳᠤᠰᠠᠯᠠᠷᠠ ᠢᠷᠠᠵᠤ ᠭᠠᠯ ᠨᠡᠭᠡᠭᠡᠯᠡ
ᠭᠠᠢ ᠪᠣᠯᠤᠭᠰᠠᠨ ᠰᠠᠷᠠᠯ ᠢ ᠣᠰᠠᠳᠬᠠᠵᠤ ᠴᠢᠳᠠᠭᠰᠠᠨ ᠥᠭᠡᠢ
ᠭᠤᠴᠢ ᠳᠦᠴᠢᠨ ᠵᠢᠯ ᠰᠠᠷᠠᠯ ᠤᠳ ᠣᠯᠠᠢ᠌ᠷᠠᠨ ᠳᠠᠮᠠᠴᠠᠯ ᠭᠢᠯᠠ
ᠭᠤᠷᠪᠠᠨ ᠳᠦᠷᠤ ᠶᠢᠨ ᠨᠢᠭᠤᠷ ᠢ ᠡᠴᠦᠰ ᠤᠨ ᠰᠠᠷᠠᠯ ᠦᠵᠡᠯᠠ
ᠭᠤᠤᠯ ᠨᠢ ᠵᠡᠪᠰᠡᠭ᠌ ᠤᠨ ᠬᠤᠷᠴᠠ ᠭᠦᠮᠤᠨ ᠤ ᠠᠷᠭᠠ ᠭᠡᠴᠡᠭᠦᠤ
ᠭᠤᠯᠤᠮᠳᠠ ᠪᠠᠷ ᠶᠢᠡᠨ ᠰᠠᠷᠠᠯ ᠡᠨᠡ ᠨᠤᠳᠤᠭ ᠡᠴᠡ ᠠᠷᠢᠯᠤᠯᠠ
ᠬᠤᠭᠤᠰᠤᠨ ᠳᠠᠷᠢᠶᠠᠨ ᠱᠠᠩ ᠡᠴᠡ ᠭᠦᠨᠡᠰᠤ ᠣᠯᠬᠤ ᠭᠦᠴᠢᠷ
ᠭᠦᠭ᠍ᠰᠢᠨ ᠵᠥᠨᠦᠭ᠌ ᠰᠠᠷᠠᠯ ᠤᠨ ᠭᠦᠯ ᠨᠢ ᠶᠠᠷᠤ ᠨᠢ ᠳᠤᠭᠤᠯᠠᠩ
ᠭᠦᠭᠡ ᠳᠡᠭ᠍ᠷᠢ ᠢ ᠰᠢᠷᠳᠠᠨ ᠰᠠᠷᠠᠯ ᠭᠤᠨᠢᠭᠳᠠᠢ᠌ᠬᠠᠨ ᠣᠯᠢᠨᠠ
ᠬᠤᠶᠠᠷ ᠭᠦᠯᠳᠡᠨ ᠢ ᠵᠠᠨᠤᠵᠤ ᠬᠤᠷᠤᠰᠤᠯᠳᠠᠢ᠌ᠬᠠᠨ ᠱᠤᠭᠰᠢᠨᠠ
ᠦᠨᠳᠦᠷ ᠣᠪᠣᠭᠠᠨ ᠤ ᠪᠠᠨ ᠣᠷᠭᠢᠯ ᠳᠤ ᠵᠤᠷᠰᠢᠯ ᠶᠤᠰᠤᠭᠠᠷ ᠭᠠᠷᠤᠯᠠ
ᠥᠮᠦᠭ᠌ ᠳᠦᠰᠢᠭ᠌ ᠣᠪᠣᠭᠠ ᠶᠢ ᠨᠢ ᠰᠢᠨᠡᠭᠡᠨ ᠨᠡᠭᠦᠯᠭᠡᠭ᠍ᠰᠡᠨ ᠪᠠᠢ᠌ᠯᠠ
ᠦᠴᠢᠨᠡᠭᠡᠨ ᠵᠢᠯ ᠤᠨ ᠳᠠᠷᠠᠭᠠ ᠮᠠᠯᠴᠢᠳ ᠬᠤᠯᠠ ᠡᠴᠡ ᠢᠷᠡᠭᠡᠳ
ᠦᠨᠡᠨ ᠰᠥᠵᠢᠭ᠍ᠳᠤ 《ᠪᠦᠳᠦᠭᠡᠯ》 ᠵᠢᠡᠨ ᠨᠤᠳᠤᠭ ᠲᠠᠭᠠᠨ ᠠᠪᠠᠴᠢᠵᠠᠢ
ᠦᠷᠦᠭᠡᠰᠤᠨ ᠨᠢᠳᠤ ᠨᠢ ᠰᠤᠬᠤᠷ ᠴᠤ ᠥᠨᠦᠷᠯᠡᠭᠦ ᠴᠢᠳᠠᠪᠣᠷᠢ ᠪᠠᠷ ᠵᠢᠠᠨ
ᠣᠯᠠᠨ ᠣᠳᠠᠭᠠᠨ ᠤ ᠳᠡᠮᠡᠴᠡᠭᠡᠨ ᠳᠤ ᠪᠠᠷᠰ ᠪᠣᠯᠤᠭᠰᠠᠨ ᠰᠠᠷᠠᠯ
ᠦᠷᠡᠭ᠍ᠳᠡᠵᠤ ᠰᠣᠢ᠌ᠤᠠᠴᠤ ᠶᠠᠪᠣᠭᠰᠠᠨ ᠢᠵᠢᠯᠢ ᠣᠯᠠᠨ ᠶᠢᠡᠨ ᠥᠭᠡᠢ᠌ᠯᠡᠭᠦ ᠳ᠋ᠤ
ᠦᠢ᠌ ᠣᠯᠠᠨ ᠳᠠᠢ᠌ᠰᠤᠩᠨᠠᠭᠴᠢ ᠡᠴᠡ ᠦᠰᠢᠶᠡ ᠪᠠᠨ ᠴᠠᠳᠳᠠᠯᠠ ᠠᠪᠣᠭᠰᠠᠨ
ᠥᠯᠢᠭᠡᠷ ᠳᠡᠦᠭᠡᠳᠤ ᠨᠤᠳᠤᠭ ᠡᠴᠡ ᠪᠠᠨ ᠭᠡᠨᠡᠳᠲᠡ ᠬᠤᠯᠠᠳᠠᠬᠤ ᠶᠢ ᠰᠠᠨᠠᠯᠠ
ᠦᠳᠦ ᠪᠠᠳᠠᠭᠠᠨᠠ ᠰᠢᠭ ᠰᠢᠪᠠᠭᠠᠷᠠᠯᠳᠤᠭᠰᠠᠨ ᠬᠤᠶᠠᠷ ᠭᠦᠯᠳᠡᠨ
ᠥᠭᠦᠭᠡᠷ ᠤᠨ ᠣᠯᠠᠨ ᠪᠣᠯᠠᠰᠢ ᠦᠨᠡᠰᠤ ᠬᠤᠭ ᠳᠤᠰᠬᠤᠨ ᠨᠤᠭᠤᠳ
ᠣᠳᠤᠭᠠ ᠳᠤᠭᠤᠰᠤ ᠳᠡᠭ᠍ᠷᠢ ᠳᠤ ᠳᠤᠯᠵᠤ ᠣᠷᠴᠢᠨ ᠳᠤᠭᠤᠷᠢᠨ ᠪᠣᠭᠢᠷᠳᠠᠵᠠᠢ
ᠠᠶᠠᠨ ᠤ ᠭᠦᠮᠤᠨ ᠤ ᠮᠦᠷ ᠢ ᠦᠨᠦᠷᠯᠠᠨ ᠭᠦᠭ᠍ᠰᠢᠨ ᠰᠠᠷᠠᠯ ᠱᠤᠭᠰᠢᠯᠠ
ᠠᠯᠵᠢᠶᠠᠯ ᠶᠠᠳᠠᠷᠠᠯ ᠭᠡᠳᠦᠷᠡᠵᠤ ᠳᠠᠮᠢᠷ ᠳᠡᠩᠭᠡᠭᠡ ᠪᠠᠨ ᠪᠠᠷᠠᠪᠠᠢ
ᠠᠢ᠌ᠯ ᠤᠨ ᠪᠠᠷᠠ ᠥᠵᠡᠭᠡᠳ ᠪᠣᠳᠠᠨ ᠤ ᠨᠦᠮᠦᠷᠢ ᠳᠤ ᠭᠡᠪᠳᠡᠭᠦ ᠳ᠋ᠤ
ᠠᠷᠭᠠᠯ ᠤᠨ ᠣᠳᠤᠭᠠ ᠦᠨᠦᠷᠳᠤᠨ ᠡᠡᠱᠢᠭᠦᠢ ᠰᠠᠢ᠌ᠬᠠᠨ ᠰᠠᠨᠠᠭᠳᠠᠪᠠ
ᠠᠭᠠᠭᠢᠮᠠ ᠵᠠᠯᠠᠭᠤ ᠨᠠᠰᠤᠨ ᠳᠠᠭᠠᠨ ᠠᠩᠬᠠᠨ ᠤ ᠳᠤᠷᠠᠯᠠᠯ ᠢ ᠮᠠᠳᠠᠷᠠᠵᠤ
ᠠᠪᠠᠢ ᠭᠤᠸᠠ ᠥᠯᠦᠭ᠍ᠴᠢᠨ ᠶᠢᠡᠨ ᠠᠶᠠᠰᠠᠨ ᠨᠠᠯᠠᠵᠤ ᠵᠤᠭᠰᠤᠬᠤ ᠳ᠋ᠤ
ᠣᠷᠤᠭᠠᠨ ᠤ ᠬᠤᠭᠤᠴᠠᠭᠠᠨ ᠤ ᠰᠠᠷᠠᠯ ᠤᠳ ᠣᠠᠴᠠ ᠭᠦᠭ᠍ᠵᠢᠯᠳᠡᠢ ᠪᠠᠢ᠌ᠯᠠ
ᠣᠯᠠᠨ ᠪᠣᠯᠠᠭ ᠣᠷᠤᠭᠤ ᠣᠷᠤᠳᠠᠯᠠ ᠣᠰᠤᠯ ᠬᠠᠷᠭᠤᠵᠤ ᠪᠦᠭᠬᠦᠯᠳᠡ ᠳᠤ ᠣᠴᠠᠷᠠᠪᠠ
ᠰᠦᠷᠦᠭ᠌ ᠤᠨ ᠳᠡᠷᠢᠭᠦᠨ ᠥᠯᠦᠭ᠍ᠴᠢᠨ ᠰᠠᠷᠠᠯ ᠰᠤᠮᠤᠨ ᠳᠤ ᠣᠨᠠᠯᠠ
ᠰᠦᠰᠦᠳᠠᠢ ᠰᠠᠷᠠᠯ ᠤᠳ ᠴᠢᠰᠤ ᠥᠵᠡᠭᠡᠳ ᠭᠠᠯᠵᠠᠭᠤᠷᠠᠯᠠ
ᠰᠤᠮᠤᠨ ᠮᠦᠨᠳᠤᠷ ᠭᠠᠯᠳᠤ ᠵᠡᠪᠰᠡᠭ᠌ ᠤᠨ ᠭᠠᠯᠯᠠᠯᠳᠠ ᠡᠴᠡ ᠠᠶᠤᠬᠤ ᠦᠭᠡᠶ ᠪᠠᠷ
ᠰᠦᠷᠦᠭ᠌ ᠰᠠᠷᠠᠯ ᠭᠠᠮᠢᠩ ᠴᠡᠷᠢᠭ᠌ ᠢ ᠰᠢᠪᠳᠤ ᠳᠠᠭᠠᠷᠢᠨ ᠣᠷᠤᠯᠠ
ᠳᠤᠭᠠ ᠭᠡᠮᠵᠢᠶᠡ ᠪᠠᠷ ᠬᠤᠶᠠᠷ ᠭᠦᠯᠳᠡᠨ ᠨᠢ ᠳᠠᠪᠣ ᠳᠠᠭᠢᠨ ᠣᠯᠠᠨ ᠪᠠᠢ᠌ᠯᠠ
ᠳᠤᠩ ᠴᠤ ᠰᠢ᠌ᠳᠮᠡᠭ᠌ ᠶᠢᠡᠷ ᠳᠡᠭ᠍ᠷᠢ ᠶᠢᠨ ᠨᠤᠬᠠᠤᠨ ᠨᠢᠳᠠᠷ ᠶᠢᠡᠨ ᠬᠠᠮᠠᠭᠠᠯᠠᠪᠠ
ᠳᠤᠯᠤᠭᠠᠨ ᠭᠠᠮᠢᠩ ᠤᠨ ᠪᠠᠭᠠᠯᠵᠤᠤᠷ ᠢ ᠳᠠᠰᠤᠳᠠᠵᠤ ᠠᠮᠵᠢᠳᠠᠯᠠ
ᠳᠤᠯᠤᠭᠠᠢ ᠨᠢᠰ ᠭᠡᠳ ᠳᠤᠳᠤᠷ ᠬᠠᠷᠠᠯᠠᠭᠠᠤᠨ ᠪᠢ ᠣᠨᠠᠴᠢᠬᠠᠯᠠ
《ᠮᠠᠯ ᠤᠨ ᠬᠣᠢ᠌ᠨᠠ ᠡᠴᠠ ᠮᠤᠩᠭ᠋ᠤᠯ ᠶᠢᠡᠨ ᠳᠠᠭᠠᠬᠤ ᠦᠭᠡᠶ ᠮᠠᠭᠤ ᠴᠢᠨᠤᠳ ᠤᠨ
ᠮᠢᠬᠠ ᠶᠢ ᠨᠢ ᠢᠳᠠᠵᠤ᠂ ᠶᠠᠰᠤ ᠶᠢ ᠨᠢ ᠪᠠᠯᠪᠠᠴᠢᠵᠤ ᠦᠰᠢᠶᠡ ᠪᠠᠨ ᠡᠡᠪᠦᠨᠡ》 ᠭᠡᠵᠤ
ᠬᠤᠶᠠᠷ ᠭᠦᠯᠳᠡᠨ ᠡᠴᠠ ᠭᠤᠷᠪᠠᠬᠠᠨ ᠥᠯᠡᠳᠡᠭᠡᠳ ᠶᠠᠩᠰᠢᠭᠰᠠᠭᠠᠷ ᠨᠠᠰᠢᠯᠠᠨᠠ
ᠬᠤᠪᠳᠤᠭ ᠰᠠᠷᠠᠯ ᠡᠴᠠ ᠪᠢ ᠥᠯᠡᠳᠡᠭᠡᠳ ᠬᠣᠢ᠌ᠳᠤ ᠭᠦᠯ ᠮᠢᠨᠢ ᠬᠤᠭᠤᠷᠠᠵᠠᠢ
ᠡᠷᠭᠢᠨ ᠳᠤᠭᠤᠷᠢᠨ ᠳᠤ ᠡᠷᠡᠯᠭᠡᠭ᠌ ᠬᠠᠨᠢᠳ ᠮᠢᠨᠢ ᠦᠷᠡᠭ᠍ᠳᠡᠭ᠍ᠰᠡᠨ ᠪᠠᠢ᠌ᠪᠠ
ᠡᠵᠡᠷᠭᠡᠭ᠌ ᠳᠡᠭᠡᠷᠡᠮ ᠤᠳ ᠴᠤ ᠣᠠᠳᠤᠢ ᠰᠤᠠᠳᠤᠢ ᠳᠠᠷᠠ ᠪᠣᠯᠤᠭᠰᠠᠨ ᠪᠠᠢ᠌ᠯᠠ
ᠡᠨᠡᠦᠭᠡᠨ ᠮᠦᠴᠡ ᠳᠤ ᠪᠢ ᠦᠰᠦᠷᠴᠤ ᠭᠤᠷᠪᠠᠨ ᠳᠠᠢ᠌ᠰᠤᠨ ᠢ ᠰᠡᠭᠯᠡᠯᠡ
ᠡᠭᠦᠨ ᠡᠴᠠ ᠬᠣᠢ᠌ᠰᠢ ᠴᠤ ᠥᠭᠦᠵᠤ ᠰᠡᠭᠡᠭᠦ ᠳᠠᠮᠠᠴᠠᠯ ᠭᠢᠯᠠ
ᠵᠡᠭᠦᠳᠤ ᠦᠨᠡᠨ ᠬᠤᠶᠠᠷ ᠤᠨ ᠳᠤᠮᠳᠠ ᠭᠦᠭ᠍ᠰᠢᠨ ᠰᠠᠷᠠᠯ ᠵᠡᠭᠦᠷᠮᠡᠭᠯᠡᠨᠡ
ᠵᠡᠭᠦᠡᠰᠢ ᠪᠣᠴᠠᠬᠤ ᠠᠶᠠᠨ ᠤ ᠭᠢᠨᠢ ᠡᠴᠦᠰ ᠤᠨ ᠪᠠᠭᠤᠳᠠᠯ ᠡ᠊ᠨᠳᠡ ᠪᠠᠢ᠌ᠯᠠ
ᠠᠯᠳᠠᠨ ᠨᠠᠷᠠ ᠮᠠᠠᠳᠤᠭᠠᠤᠨ ᠳᠠᠷᠠᠭᠠ ᠦᠷᠯᠦᠭᠡ ᠨᠢ ᠪᠣᠯᠬᠤ ᠳ᠋ᠤ
ᠠᠮᠢᠳᠠᠨ ᠭᠦᠮᠤᠨ ᠤ ᠬᠠᠷᠠᠭᠠᠨ ᠳᠤ ᠭᠦᠭ᠍ᠰᠢᠨ ᠰᠠᠷᠠᠯ ᠢᠯᠠᠷᠠᠪᠠᠢ
ᠠᠯᠤᠰ ᠤᠨ ᠳᠠᠷᠢᠶᠠᠨ ᠳᠤ ᠠᠪᠣ ᠲᠡᠶ ᠳᠠᠷᠵᠠ ᠣᠯᠵᠤ ᠰᠤᠨᠤᠰᠤᠭᠠᠤᠨ
ᠠᠢ᠌ᠬᠤᠪᠳᠤᠷ ᠮᠤᠨᠠ ᠳᠠᠯᠠᠢ᠌ᠭᠰᠠᠭᠠᠷ ᠠᠢ᠌ᠯ ᠤᠨ ᠣᠯᠠᠨ ᠢ ᠳᠠᠭᠤᠳᠠᠪᠠ
ᠠᠷᠪᠠ ᠬᠤᠷᠢᠨ ᠭᠦᠮᠤᠨ ᠭᠦᠷᠵᠡ ᠪᠣᠯᠤᠤ ᠪᠠᠷ ᠴᠤᠭᠢᠭᠰᠠᠭᠠᠷ
ᠠᠷᠠᠭᠠ ᠰᠢᠳᠤ ᠦᠭᠡᠶ ᠰᠠᠷᠠᠯ ᠢ ᠠᠮᠠᠷᠬᠠᠨ ᠠᠯᠠᠵᠤ ᠣᠷᠭᠢᠵᠠᠢ
《ᠬᠤᠨᠢ ᠪᠠᠨ ᠥᠰᠭᠡᠭᠦ ᠶᠢᠨ ᠲᠦᠯᠦᠭᠡ ᠬᠤᠤᠷᠳᠤ ᠴᠢᠨ᠋ᠸᠠ ᠲᠡᠶ ᠳᠡᠮᠡᠴᠡᠭᠦ ᠳ᠋ᠡᠭᠡᠨ
ᠬᠠᠭᠤᠴᠢᠨ ᠤ ᠥᠯᠢᠭᠡᠷ ᠤᠨ ᠡᠤ ᠰᠦᠩ ᠰᠢᠭ᠌ ᠬᠤᠭᠤᠰᠤᠨ ᠨᠢᠳᠤᠷᠭᠠ ᠪᠠᠷ ᠠᠯᠠᠪᠠᠢ》
ᠬᠤᠨᠢᠴᠢᠨ ᠰᠦᠷᠦᠭ᠌ ᠤᠨ ᠨᠤᠶᠠᠨ ᠳᠠᠭᠠᠨ ᠳᠠᠷᠵᠠ ᠭᠠᠪᠢᠶᠠ ᠮᠡᠳᠡᠭᠦᠯᠦᠭᠡᠳ
ᠬᠤᠯᠠ ᠤᠢ᠌ᠷᠡ ᠳᠤ ᠮᠠᠠᠳᠤᠭᠰᠠᠨ ᠰᠦᠷᠳᠠᠢ 《ᠪᠠᠭᠠᠳᠤᠷ》 ᠪᠣᠯᠪᠠᠢ᠃
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠯᠤᠭᠤᠨ ᠭᠦᠭᠡ
ᠵᠤᠬᠢᠶᠠᠭᠴᠢ᠄ ᠰ·ᠰᠠᠴᠠᠠᠪᠠᠭᠠᠳᠤᠷ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 2645
ᠴᠠᠭ᠄ 2011 ᠤᠨ ᠤ 01 ᠰᠠᠷᠠ ᠶᠢᠨ 08
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ