☆ ᠱᠠ᠊·ᠬᠠᠳᠠᠪᠴᠢ
ᠤᠮᠠᠷᠠ ᠳᠡᠭ᠍ᠷᠢ ᠶᠢᠨ ᠪᠦᠷᠭᠦᠤᠨ
ᠡᠯᠢᠭᠡᠨ ᠭᠦᠷᠡᠩ ᠬᠠᠳᠠᠨ ᠳᠡᠭᠡᠷᠡ
ᠡᠪᠦᠭᠡᠨ ᠪᠦᠷᠭᠦᠤᠨ ᠦᠳᠦ ᠪᠠᠨ ᠵᠠᠰᠠᠵᠤ ᠰᠠᠭᠤᠨᠠ
ᠡᠭᠦᠯᠡᠰ ᠤᠨ ᠰᠠᠯᠭᠢᠨ ᠬᠤᠤᠭᠢᠨ ᠱᠤᠤᠭᠢᠪᠠᠴᠤ
ᠥᠩᠭᠡᠢ᠌ᠭ᠍ᠰᠡᠨ ᠬᠠᠳᠠᠨ ᠳᠠᠭᠠᠨ ᠦᠨᠳᠦᠰᠦ ᠲᠡᠶ ᠶᠤᠮᠰᠢᠭ ᠭᠦᠳᠡᠯᠭᠦ ᠦᠭᠡᠶ ᠰᠠᠭᠤᠨᠠ
ᠭᠡᠨᠡᠳᠲᠡ ᠳᠡᠭᠡᠭᠡᠤᠨ ᠴᠣᠢ᠌ᠯᠠᠨ ᠪᠣᠰᠬᠤ ᠳ᠋ᠤᠨᠢ
ᠭᠡᠮ ᠦᠭᠡᠶ᠂ ᠨᠢᠭᠡ ᠦᠳᠦ ᠨᠢ ᠭᠠᠵᠠᠷ ᠥᠭᠡᠳᠡ ᠣᠨᠠᠪᠠ
ᠬᠠᠢ᠌ᠷᠠᠨ ᠳ᠋ᠡ︕ ᠭᠡᠵᠤ ᠬᠠᠵᠠᠭᠤ ᠡᠴᠡ ᠨᠢ ᠬᠠᠷᠠᠮᠰᠠᠬᠤ ᠶᠢᠨ ᠵᠠᠢ ᠳᠤ
ᠬᠠᠳᠠᠨ ᠤ ᠬᠠᠪᠴᠢᠯ ᠳ᠋ᠤ ᠰᠤᠮᠤᠳᠠᠨ ᠣᠷᠤᠪᠠ
ᠥᠰᠦᠭ᠍ᠰᠡᠨ ᠳᠦᠷᠦᠭ᠍ᠰᠡᠨ ᠠᠭᠤᠯᠠᠨ ᠤ ᠭᠢᠨᠢ
ᠦᠯ ᠪᠣᠭᠤᠷᠤᠯ ᠬᠠᠳᠠ ᠴᠢᠯᠠᠭᠤ ᠨᠢ
ᠥᠷᠦᠭᠡᠰᠤᠨ ᠦᠳᠦ ᠶᠢ ᠨᠢ
ᠥᠡᠳᠡᠭᠡ ᠶᠢ ᠨᠢ ᠰᠢᠭ᠌ ᠭᠦᠩᠭᠡᠭᠡᠨ ᠳᠤᠰᠪᠠ
ᠦᠯᠦ ᠣᠢ᠌ᠰᠬᠤ ᠡᠵᠡᠨ ᠬᠠᠢ᠌ᠷᠠ ᠪᠠᠷ ᠡᠪᠦᠭᠡᠨ ᠪᠦᠷᠭᠦᠤᠨ
ᠦᠨᠳᠦᠷ ᠮᠠᠠᠳᠠᠯ ᠳᠤ ᠠᠭᠤᠯᠠᠨ ᠳᠤᠯᠤᠭᠠᠢ ᠪᠠᠨ ᠬᠠᠷᠠᠨ ᠳᠡᠭᠦᠯᠢᠨᠡ
ᠰᠡᠭᠦᠳᠡᠷ ᠢ ᠨᠢ ᠭᠦᠷᠳᠡᠯᠡ ᠰᠢᠩᠭᠡᠭᠡᠳᠡᠭ᠌ ᠬᠠᠳᠠᠨ ᠠᠭᠤᠯᠠᠨ ᠤ ᠪᠠᠨ
ᠰᠡᠭᠦᠯᠴᠢ ᠶᠢᠨ ᠪᠦᠷᠦᠢ ᠶᠢ ᠡᠪᠦᠭᠡᠨ ᠰᠢᠪᠠᠭᠤ ᠢᠩᠭᠢᠵᠤ ᠣᠭᠳᠤᠨᠠ
ᠬᠠᠷᠢᠨ ᠳᠡᠭᠡᠭᠡᠤᠨ᠂ ᠬᠠᠨ ᠳᠡᠭ᠍ᠷᠢ ᠳᠡᠭᠡᠨ ᠳᠡᠭᠦᠯᠢᠨ ᠭᠠᠷᠴᠤ
ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠦᠳᠦ ᠪᠠᠨ ᠰᠠᠴᠤᠵᠤ ᠳᠡᠭ᠍ᠷᠢ ᠳᠡᠭᠡᠨ ᠥᠭᠦᠭᠦ ᠭᠡᠵᠤ
ᠭᠢᠯᠪᠢᠭᠡᠨ ᠰᠢᠭ᠌ ᠱᠤᠤᠭᠢᠵᠤ᠂ ᠬᠠᠯᠢᠵᠤ ᠶᠠᠪᠣᠬᠤ ᠳᠠᠭᠠᠨ
ᠭᠡᠨᠡᠨ ᠳᠡᠭ᠍ᠷᠢ ᠳᠡᠭᠡᠨ ᠰᠢᠩᠭᠡᠨ ᠣᠳᠤᠭᠰᠠᠨ ᠢ
ᠭᠡᠷᠰᠡᠤ ᠦᠭᠡᠶ ᠭᠡᠨ ᠴᠤ ᠮᠡᠳᠡᠭᠦ ᠦᠭᠡᠶ᠂ ᠭᠡᠨ ᠴᠤ ᠮᠡᠳᠡᠭᠦ ᠦᠭᠡᠶ
ᠭᠡᠭᠡᠮᠰᠦᠭ᠌ ᠡᠷᠭᠢᠮᠰᠦᠭ᠌ ᠭᠠᠵᠠᠷ ᠣᠰᠤᠨ ᠯᠠ ᠮᠠᠳᠠᠨᠠ
ᠭᠡᠭᠡᠮᠰᠦᠭ᠌ ᠡᠷᠭᠢᠮᠰᠦᠭ᠌ ᠭᠠᠵᠠᠷ ᠭᠠᠵᠠᠷ ᠣᠰᠤᠨ ᠯᠠ ᠮᠠᠳᠠᠨᠠ ᠡ︕
ᠵᠤᠬᠢᠶᠠᠭᠴᠢ᠄ ᠱᠠ᠊·ᠬᠠᠳᠠᠪᠴᠢ
ᠢᠷᠡᠯᠲᠡ᠄ ᠱᠠ᠊·ᠬᠠᠳᠠᠪᠴᠢ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4574
ᠴᠠᠭ᠄ 2008 ᠤᠨ ᠤ 07 ᠰᠠᠷᠠ ᠶᠢᠨ 18
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ