☆ ᠱᠠ᠊·ᠬᠠᠳᠠᠪᠴᠢ
ᠵᠡᠭᠦᠳᠤᠨ ᠤ ᠡᠷᠢᠯ
-- ᠬᠤᠯᠠᠳᠠᠨ ᠡᠴᠢᠵᠤ ᠪᠣᠢ ᠮᠤᠷᠢ᠂ ᠰᠤᠶᠤᠯ ᠤᠨ ᠶᠢᠡᠨ ᠬᠣᠢ᠌ᠨᠠ ᠡᠴᠡ᠁
ᠮᠤᠷᠢ ᠲᠡᠶ ᠪᠠᠨ ᠪᠢ ᠬᠤᠳᠠᠨ ᠳ᠋ᠤ ᠣᠷᠤᠪᠠ
ᠮᠤᠷᠢ ᠮᠢᠨᠢ ᠪᠣᠰᠤᠳ ᠤᠨ ᠬᠠᠷᠠᠭᠠᠨ ᠡᠴᠡ ᠥᠷᠭᠡᠴᠢᠭᠡᠪᠠᠤ ᠭᠡᠵᠤ
ᠮᠤᠯᠤᠷ ᠡᠷᠳᠡᠨᠢ ᠪᠣᠯᠭᠠᠨ ᠬᠠᠷᠠᠮᠯᠠᠨ᠂ ᠰᠢᠯ ᠵᠢᠶᠠᠰᠠᠨ ᠳᠤ ᠭᠢᠵᠤ ᠬᠠᠨᠠᠨ ᠳᠠᠭᠠᠨ ᠳᠤᠱᠠᠪᠠ
ᠮᠤᠷᠢ ᠪᠠᠨ ᠪᠢ ᠵᠢᠷᠦᠭᠡᠨ ᠳᠡᠭᠡᠨ ᠴᠢᠳᠤᠷᠯᠠᠵᠤ ᠰᠠᠤᠠᠭᠢᠯ ᠳᠡᠭᠡᠨ ᠰᠣᠢ᠌ᠪᠠ
ᠭᠦᠯᠦᠭ᠌ ᠲᠡᠶ ᠪᠠᠨ ᠪᠢ ᠬᠤᠳᠠᠨ ᠳᠤ ᠢᠷᠠᠵᠤ ᠠᠮᠢᠳᠤᠷᠠᠪᠠ
ᠭᠦᠯᠦᠰᠤᠨ ᠤ ᠭᠢᠨ ᠦᠨᠦᠷ ᠰᠢᠩᠭᠡᠭ᠍ᠰᠡᠨ ᠳᠤᠬᠤᠮᠳᠤ ᠡᠮᠡᠭᠡᠯ ᠢ ᠨᠢ
ᠭᠦᠢ ᠵᠠᠯᠭᠠᠨ ᠣᠯᠠᠮᠵᠢᠯᠠᠬᠤ ᠴᠢᠠᠳᠠᠮᠤᠨᠢ ᠡᠷᠳᠡᠨᠢ ᠭᠡᠵᠤ
ᠬᠡᠢ᠌ᠮᠤᠷᠢ ᠪᠣᠯᠭᠠᠨ ᠬᠣᠢ᠌ᠮᠤᠷ ᠬᠠᠨᠠ ᠪᠠᠨ ᠳᠦᠰᠢᠭᠦᠯᠤᠨ ᠪᠣᠰᠬᠠᠪᠠ
ᠠᠷᠭᠤᠮᠠᠭ ᠲᠡᠶ ᠪᠠᠨ ᠪᠢ
ᠠᠭᠢ ᠦᠭᠡᠶ ᠭᠠᠵᠠᠷ ᠢᠷᠠᠵᠤ ᠨᠤᠳᠤᠭᠰᠢᠪᠠ
ᠠᠳᠤᠭᠤᠳ ᠳᠤᠷᠭᠢᠯᠳᠤᠭᠰᠠᠨ ᠠᠷᠤ ᠬᠠᠩᠭ᠋ᠠᠢ᠂ ᠭᠤᠪᠢ ᠰᠢᠯᠢ ᠨᠤᠳᠤᠭ ᠶᠢᠡᠨ
ᠠᠷᠤ ᠳᠠᠭᠠᠨ ᠣᠷᠭᠢᠵᠤ᠂ ᠠᠭᠢ ᠦᠭᠡᠶ ᠭᠠᠵᠠᠷ ᠢᠷᠠᠵᠤ ᠨᠤᠳᠤᠭᠰᠢᠪᠠ
ᠠᠭᠠᠷ ᠳᠤᠨᠢ ᠳᠤᠨᠤᠷᠠᠭᠰᠠᠨ ᠴᠡᠴᠡᠭ᠌ ᠤᠨ ᠳᠤᠭᠤᠰᠤ ᠨᠢ
ᠠᠯᠤᠰ ᠨᠤᠳᠤᠭ ᠤᠨ ᠭᠢᠨᠢ ᠠᠭᠢ ᠶᠢᠨ ᠦᠨᠦᠷ ᠢ ᠰᠠᠨᠠᠭᠳᠠᠭᠤᠯᠤᠭᠰᠠᠨ ᠪᠣᠯᠤᠯᠳᠠᠢ
ᠡᠡᠯᠮᠡᠭ᠌ ᠰᠠᠷᠠᠨ ᠳᠤᠭᠤᠷᠠᠢ ᠪᠠᠷ ᠶᠢᠡᠨ ᠭᠠᠵᠠᠷ ᠴᠠᠪᠴᠢᠯᠠᠨ
ᠠᠭᠳᠠ ᠭᠦᠯᠦᠭ᠌ ᠮᠤᠷᠢ ᠮᠢᠨᠢ ᠭᠡᠨᠡᠳᠲᠡ ᠨᠢᠭᠡ ᠡᠳᠦᠷ ᠣᠶᠠᠷᠠᠳᠠᠯᠠ ᠥᠤᠷᠰᠠᠪᠠ ᠁
ᠠᠭᠠᠳᠠᠷ ᠪᠣᠷᠤᠭᠠᠨ ᠴᠢᠤᠠᠬᠤᠯᠠᠭᠰᠠᠨ ᠥᠤᠷ ᠰᠦᠨᠢ ᠶᠢᠨ ᠵᠠᠭᠠᠭ ᠲᠤ
ᠠᠨᠢᠷ ᠠᠪᠤᠨ ᠰᠠᠯᠭᠢ ᠰᠦᠷᠴᠤ ᠵᠤᠭᠰᠤᠭᠰᠠᠨ ᠶᠢᠡᠨ
ᠠᠯᠳᠠᠭᠤᠯᠵᠤ ᠭᠦᠯᠦᠭ᠌ ᠮᠤᠷᠢ ᠮᠢᠨᠢ ᠭᠠᠵᠠᠷᠯᠠᠵᠤ ᠡᠴᠢᠪᠡ
ᠡᠢ᠌ᠯᠤᠨ ᠶᠠᠪᠣᠭᠰᠠᠨ ᠮᠤᠷᠢᠨ ᠤ ᠪᠠᠨ ᠬᠣᠢ᠌ᠨᠠ ᠡᠴᠡ ᠪᠢ
ᠡᠭᠡᠷ ᠳᠠᠳᠠᠨ ᠮᠡᠭ᠍ᠰᠢᠨ ᠪᠠᠢ᠌ᠵᠤ ᠰᠠᠷᠢᠪᠠ ᠁
ᠴᠢᠬᠤᠯᠳᠠᠬᠤ ᠳᠠᠭᠠᠨ ᠪᠢ ᠬᠠᠨᠠ ᠵᠥᠭ᠌ ᠶᠢᠡᠨ ᠬᠠᠷᠠᠪᠠ
ᠴᠢᠤᠠᠬᠤᠭᠰᠠᠨ ᠠᠳᠠᠯᠢ ᠮᠤᠷᠢ ᠮᠢᠨᠢ ᠵᠦᠰᠤᠮ ᠲᠡᠶ ᠪᠠᠨ ᠢᠯᠡᠭᠡᠨ
ᠭᠡᠶᠦᠷᠡᠯ ᠬᠤᠭᠤᠰᠳᠠᠯ ᠤᠨ ᠳᠤᠮᠳᠠ ᠵᠢᠷᠦᠭᠡ ᠮᠢᠨᠢ ᠭᠡᠴᠡᠭᠦᠤ ᠳᠦᠭ᠍ᠰᠢᠵᠤ ᠭᠠᠷᠪᠠ
ᠭᠡᠷ ᠥᠷᠭᠦᠭᠡ ᠮᠢᠨᠢ ᠬᠠᠴᠢᠨ ᠢᠪᠴᠤᠷᠠᠵᠤ ᠢᠷᠠᠯᠠ ᠁
ᠠᠯᠳᠠᠭᠤᠯ ᠠᠭᠳᠠ ᠪᠠᠨ ᠪᠢ ᠵᠡᠭᠦᠳᠡᠨ ᠡᠴᠡ ᠪᠠᠨ ᠡᠷᠢᠨᠡ ᠭᠡᠵᠤ
ᠠᠭᠢᠭᠠᠤᠨ ᠴᠠᠭᠠᠰᠢ ᠬᠠᠠᠳᠤᠨ ᠣᠠᠳᠠᠵᠤ ᠣᠷᠭᠢᠪᠠ
ᠡᠷᠢᠯ ᠤᠨ ᠶᠡᠭᠡ -- ᠠᠶᠠᠨ ᠢᠩᠭᠢᠵᠤ ᠡᠭᠢᠯᠡᠪᠡ
ᠡᠭᠢᠯᠡᠪᠠᠰᠤ ᠡᠭᠢᠯᠡᠳᠦᠭᠡᠢ︕
ᠬᠤᠷᠤᠢ︕ ᠬᠤᠷᠤᠢ︕ ᠬᠤᠷᠤᠢ︕
2006 ᠣᠨ 6 ᠰᠠᠷᠠ ᠪᠠᠭᠡᠵᠢᠩ ᠳᠤ
ᠵᠤᠬᠢᠶᠠᠭᠴᠢ᠄ ᠱᠠ᠊·ᠬᠠᠳᠠᠪᠴᠢ
ᠢᠷᠡᠯᠲᠡ᠄ ᠱᠠ᠊·ᠬᠠᠳᠠᠪᠴᠢ
ᠬᠠᠷᠢᠶᠠ᠄
ᠰᠢᠯᠦᠭᠳᠠᠷᠤᠮ᠄ 4029
ᠴᠠᠭ᠄ 2008 ᠤᠨ ᠤ 10 ᠰᠠᠷᠠ ᠶᠢᠨ 16
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ