☆ ᠳ᠋·ᠨᠠᠮᠵᠠᠪ
ᠳᠡᠮᠡᠭᠡᠨ ᠰᠡᠭᠦᠯ
ᠳᠡᠮᠡᠭᠡᠨ ᠰᠡᠭᠦᠯ ᠢ ᠪᠢ ᠪᠠᠬᠠᠷᠤᠨᠠ᠃ ᠣᠴᠢᠷ ᠨᠢ᠂ ᠳᠡᠮᠡᠭᠡᠨ ᠭᠡᠪᠠᠯ ᠭᠤᠪᠢ ᠮᠢᠨᠢ ᠪᠣᠳᠤᠭᠳᠠᠭᠠᠤᠨ ᠰᠡᠭᠦᠯ ᠭᠡᠪᠠᠯ ᠳᠡᠮᠡᠭᠡᠨ ᠮᠢᠨᠢ ᠰᠠᠨᠠᠭᠳᠠᠭᠠᠤᠨ ᠪᠠᠢ᠌ᠳᠠᠭ ᠡᠴᠡ ᠪᠣᠳᠤᠯ ᠰᠡᠳᠭᠢᠯ ᠤᠨ ᠦᠷᠭᠡᠨ ᠭᠦᠳᠡᠭᠡ ᠳᠤ ᠮᠢᠨᠢ ᠳᠠᠷᠠ ᠣᠳᠤᠮ ᠳᠦᠷᠤᠯ ᠶᠢᠡᠷ ᠶᠢᠡᠨ ᠨᠤᠭᠤᠭᠠᠷᠠᠨ ᠦᠷᠭᠦᠯᠵᠢᠯᠡᠨᠡ᠃
ᠲ᠋ᠡᠮᠡᠭᠡᠨ ᠰᠡᠭᠦᠯ ᠪᠣᠯ ᠬᠠᠷᠭᠠᠨᠠ ᠶᠢᠨ ᠠᠢ᠌ᠮᠠᠭ᠂ ᠬᠤᠩᠬᠠᠳᠤ ᠶᠢᠨ ᠰᠠᠳᠤᠨ ᠪᠠᠢ᠌ᠯᠳᠠᠢ᠃ ᠶᠠᠷᠤ ᠶᠢᠨ ᠪᠠᠢ᠌ᠳᠠᠯ ᠳᠤ ᠳᠠᠷᠠ ᠬᠤᠷᠢ ᠡᠴᠡ ᠵᠠᠭᠤᠨ ᠰᠠᠠᠲ᠋ᠢᠮᠸᠲ᠋ᠷ ᠦᠨᠳᠦᠷ ᠣᠷᠭᠤᠨᠠ᠃ ᠴᠠᠢ᠌ᠪᠣᠷ ᠰᠢᠷᠭᠠᠯ ᠳᠤᠷᠭᠠᠨ ᠬᠠᠯᠢᠰᠤᠯᠢᠭ ᠳᠤᠷᠤᠰᠤ ᠲᠡᠶ ᠪᠦᠭᠡᠳ ᠣᠠᠵᠢᠭᠠᠷ ᠣᠳᠠ ᠰᠢᠭ ᠥᠵᠦᠭᠦᠷ ᠳᠠᠯᠠ ᠪᠠᠨ ᠰᠠᠯᠠᠭᠠ ᠨᠠᠮᠠᠭᠠ ᠲᠡᠶ ᠪᠠᠢ᠌ᠵᠤ᠂ ᠥᠵᠡᠭᠦ ᠳᠤ ᠥᠨᠡᠭᠡᠷ ᠭᠤᠶᠤ ᠬᠠᠷᠠᠭᠳᠠᠨᠠ᠃ ᠡᠰᠢ ᠶᠢᠨ ᠭᠢᠨᠢ ᠦᠨᠳᠦᠷ ᠨᠢ ᠪᠦᠭᠦ ᠪᠠᠶᠠ ᠶᠢᠨ ᠦᠨᠳᠦᠷ ᠤᠨ ᠭᠤᠷᠪᠠᠨ ᠤ ᠬᠤᠶᠠᠷ ᠢ ᠡᠵᠡᠯᠡᠳᠡᠭ᠌ ᠳᠤᠭᠳᠠᠮᠠᠯ ᠬᠠᠷᠢᠴᠠᠯ ᠲᠡᠶ ᠶᠤᠮ ᠰᠢᠭ ᠰᠡᠳᠦᠭ᠍ᠳᠡᠨᠡ᠃ ᠮᠦᠴᠢᠷ ᠤᠨ ᠭᠢᠨᠢ ᠭᠡᠯᠪᠠᠷᠢ ᠨᠢ ᠣᠳᠠ ᠪᠣᠷᠭᠠᠰᠤᠨ ᠤ ᠨᠠᠪᠴᠢ ᠶᠢ ᠵᠢᠵᠢᠭ᠍ᠷᠡᠭᠦᠯᠦᠭ᠍ᠰᠡᠨ ᠰᠢᠭ᠌ ᠪᠦᠭᠡᠳ ᠴᠡᠴᠡᠭ᠌ ᠲᠡᠶ ᠠᠳᠠᠯᠢ ᠪᠠᠳᠠᠷᠠᠭᠰᠠᠨ ᠰᠢᠷᠠ ᠨᠤᠭᠤᠭᠠᠨ ᠥᠩᠭᠡ ᠲᠡᠶ ᠪᠠᠢ᠌ᠳᠠᠭ ᠪᠢᠯᠠ᠃ ᠦᠨᠳᠦᠰᠦ ᠨᠢ ᠭᠠᠵᠠᠷ ᠤᠨ ᠭᠦᠷᠦᠰᠤᠨ ᠳᠤ ᠠᠷᠪᠠ ᠰᠢᠬᠠᠮ ᠰᠠᠠᠲ᠋ᠢᠮᠸᠲ᠋ᠷ ᠭᠦᠨ ᠣᠷᠤᠵᠤ᠂ ᠳᠤᠤᠷᠠ ᠪᠠᠨ ᠭᠡᠳᠤ ᠭᠡᠳᠤ ᠰᠠᠯᠠᠭᠠᠯᠠᠨ ᠳᠠᠷᠬᠠᠵᠤ ᠰᠠᠬᠠᠯ ᠦᠨᠳᠦᠰᠦ ᠪᠠᠷ ᠶᠢᠡᠨ ᠨᠥᠭᠦᠭᠡ ᠬᠠᠷᠭᠠᠨᠠ ᠶᠢᠨ ᠦᠨᠳᠦᠰᠦ ᠳᠠᠢ ᠠᠴᠢᠯᠳᠤᠨ ᠳᠤᠤᠷᠯᠠᠯᠳᠤᠵᠤ ᠪᠠᠢ᠌ᠳᠠᠭ᠃ ᠨᠠᠩ ᠰᠤᠨᠢᠷᠬᠠᠯᠳᠠᠢ ᠨᠢ ᠭᠡᠪᠠᠯ᠂ ᠳᠡᠭᠦᠨ ᠳᠤ ᠰᠦᠯᠵᠢᠶᠠ ᠦᠨᠳᠦᠰᠦ ᠭᠡᠵᠤ ᠪᠠᠢ᠌ᠳᠠᠭ᠃ ᠳᠠᠷᠤᠢ ᠠᠷᠪᠠ ᠡᠴᠡ ᠬᠤᠷᠢᠨ ᠰᠠᠠᠲ᠋ᠢᠮᠸᠲ᠋ᠷ ᠭᠦᠨ ᠭᠠᠵᠠᠷ ᠤᠨ ᠭᠦᠷᠦᠰᠤᠨ ᠳᠤᠤᠷᠠᠭᠢ ᠣᠷᠳᠤ ᠡᠴᠡ ᠦᠷᠭᠦᠯᠵᠢᠯᠡᠭ᠍ᠰᠡᠨ ᠭᠠᠷ ᠤᠨ ᠡᠷᠡᠭᠡᠢ ᠶᠢᠨ ᠴᠢᠨᠡᠭᠡᠨ ᠪᠦᠳᠦᠭᠦᠨ ᠥᠡᠳᠦᠰᠤ ᠵᠠᠯᠭᠠᠨ ᠣᠷᠭᠤᠳᠠᠭ ᠶᠤᠮ᠃ ᠡᠨᠡ ᠨᠢ ᠭᠦᠮᠤᠨ ᠤ ᠪᠠᠶᠠ ᠳ᠋ᠠᠭᠢ ᠯᠤᠭᠰᠢᠭᠤᠨ ᠰᠤᠳᠠᠯ᠂ ᠨᠠᠮᠵᠢᠭᠤᠨ ᠰᠤᠳᠠᠯ ᠪᠠ ᠳᠤᠰᠠᠭᠠᠷ ᠰᠤᠳᠠᠯ ᠤᠳ ᠤᠨ ᠭᠡᠢ ᠠᠭᠠᠷ᠂ ᠢᠳᠠᠰᠢ ᠣᠤᠭᠤᠰᠢ᠂ ᠪᠣᠰᠤᠳ ᠠᠰᠢᠭᠳᠠᠢ ᠭᠦᠷᠦᠯᠴᠡᠩᠭᠦᠢ ᠵᠣᠢ᠌ᠯ ᠡᠴᠡ ᠰᠢᠩᠭᠡᠭᠡᠭ᠍ᠰᠡᠨ ᠰᠢᠮᠠ ᠳᠡᠵᠢᠭᠡᠯ ᠤᠨ ᠳᠦᠷᠤᠯ ᠪᠦᠭᠦᠨ ᠢ ᠪᠠᠶᠠ ᠴᠤᠭᠴᠠ ᠶᠢᠨ ᠬᠠᠮᠤᠭ ᠡᠰ ᠲᠤ ᠭᠦᠷᠭᠡᠵᠤ ᠳᠠᠷᠬᠠᠭᠠᠳᠠᠭ ᠲᠡᠶ ᠠᠳᠠᠯᠢ ᠣᠠᠴᠠᠭᠠᠢ ᠣᠢ᠌ᠯᠠᠳᠤᠯ ᠲᠡᠶ ᠪᠣᠯᠬᠤ ᠨᠢ ᠪᠦᠷᠢᠨ ᠮᠡᠳᠡᠭ᠍ᠳᠡᠨᠡ᠃
ᠲ᠋ᠡᠮᠡᠭᠡᠨ ᠰᠡᠭᠦᠯ ᠳᠤᠷᠠᠳᠠᠢ ᠭᠠᠵᠠᠷ ᠲᠠᠭᠠᠨ ᠣᠷᠭᠤᠳᠠᠭ ᠪᠦᠭᠡᠳ ᠶᠠᠷᠤᠨᠢ ᠰᠢᠷᠤᠢ ᠭᠤᠯᠤᠬᠤ ᠦᠭᠡᠶ᠂ ᠣᠮᠳᠠ ᠭᠡᠵᠤ ᠣᠰᠤ ᠭᠦᠰᠡᠭᠦ ᠦᠭᠡᠶ᠃ ᠬᠠᠭᠤᠷᠠᠢ ᠬᠠᠭᠰᠠᠭᠤ ᠠᠰᠠᠭ ᠠᠳᠠᠷᠠᠭ ᠶᠢᠡᠷ ᠨᠤᠭᠤᠭᠠᠨ ᠭᠦᠳᠦᠷᠡᠪᠴᠢ ᠪᠣᠯᠵᠤ᠂ ᠰᠢᠷᠠ ᠨᠤᠭᠤᠭᠠᠨ ᠠᠯᠠᠭ ᠴᠡᠴᠡᠭ᠌ ᠶᠢᠡᠷ ᠵᠢᠠᠨ ᠪᠠᠢ᠌ᠭᠠᠯᠢ ᠶᠢ ᠴᠢᠮᠠᠵᠤ ᠠᠮᠢᠳᠤᠷᠠᠳᠠᠭ ᠣᠠᠴᠠ ᠴᠢᠳᠠᠪᠣᠷᠢ ᠲᠡᠶ᠃ ᠳᠠᠷᠠ ᠪᠦᠳᠦᠷᠢᠭ᠌ ᠪᠣᠷᠵᠢᠨ ᠶᠢᠡᠷ ᠣᠷᠭᠤᠵᠤ ᠴᠢᠳᠠᠨᠠ᠂ ᠠᠭᠤᠯᠠᠨ ᠪᠠᠯ ᠶᠢᠡᠷ ᠨᠤᠭᠤᠭᠠᠷᠠᠵᠤ ᠴᠢᠳᠠᠨᠠ᠂ ᠣᠰᠤᠨ ᠤ ᠭᠦᠪᠠᠭᠡ ᠪᠠᠷ ᠡᠯᠢᠭᠡᠳᠡᠵᠤ ᠴᠢᠳᠠᠨᠠ᠃ ᠨᠠᠩ ᠴᠤ ᠳᠡᠭᠦᠨ ᠤ ᠣᠷᠭᠤᠯᠳᠠ ᠨᠢ ᠭᠠᠵᠠᠷ ᠤᠨ ᠪᠠᠢ᠌ᠴᠠ ᠳᠠᠭᠠᠵᠤ ᠠᠳᠠᠯᠢ ᠦᠭᠡᠶ ᠪᠠᠢ᠌ᠳᠠᠭ᠃ ᠶᠠᠭᠠᠭᠢᠭᠠᠤᠨ ᠭᠡᠭᠦᠯᠡ ᠠᠭᠤᠯᠠ ᠶᠢᠨ ᠳᠠᠰᠢᠭᠤ ᠶᠢ ᠳᠠᠭᠠᠵᠤ ᠣᠷᠭᠤᠭᠰᠠᠨ ᠳᠡᠮᠡᠭᠡᠨ ᠰᠡᠭᠦᠯ ᠨᠢ ᠪᠣᠭᠵᠤᠭᠤᠷ ᠪᠣᠭᠤᠨᠢ ᠪᠣᠯᠳᠠᠭ᠂ ᠭᠤᠪᠢ ᠪᠠᠷ ᠪᠠᠭᠰᠢᠷᠠᠨ ᠣᠷᠭᠤᠭᠰᠠᠨ ᠳᠡᠮᠡᠭᠡᠨ ᠰᠡᠭᠦᠯ ᠨᠢ ᠪᠣᠳᠤᠯᠢᠭ ᠡᠰᠢ ᠲᠡᠶ ᠪᠦᠭᠡᠳ ᠦᠨᠳᠦᠷ ᠪᠣᠯᠳᠠᠭ᠂ ᠰᠢᠪᠠᠷᠯᠢᠭ ᠭᠠᠵᠡᠷ ᠲᠤ ᠣᠷᠭᠤᠭᠰᠠᠨ ᠳᠡᠮᠡᠭᠡᠨ ᠰᠡᠭᠦᠯ ᠨᠢ ᠡᠰᠢ ᠪᠠᠷ ᠨᠠᠷᠢᠨ ᠦᠨᠳᠦᠰᠦ ᠪᠠᠷ ᠭᠦᠢᠭᠡᠨ ᠮᠦᠷᠳᠡᠭᠡᠨ ᠪᠣᠭᠵᠤᠭᠤᠷ ᠵᠢᠵᠢᠭ᠌ ᠰᠢᠭ᠌ ᠪᠣᠯᠳᠠᠭ᠃ ᠡᠭᠦᠨ ᠤ ᠨᠢᠭᠤᠴᠠ ᠨᠢ ᠭᠡᠪᠠᠯ ᠳᠡᠮᠡᠭᠡᠨ ᠰᠡᠭᠦᠯ ᠤᠨ ᠰᠦᠯᠵᠢᠶᠠ ᠦᠨᠳᠦᠰᠦ ᠨᠢ ᠳᠦᠭᠡᠭᠡᠯ ᠣᠰᠤᠨ ᠤ ᠬᠤᠭᠤᠯᠠᠢ ᠰᠢᠭ ᠬᠤᠯᠠ ᠶᠢᠨ ᠳᠡᠷᠳᠡᠭᠡ ᠡᠴᠡ ᠣᠰᠤ ᠳᠠᠳᠠᠵᠤ ᠴᠢᠳᠠᠳᠠᠭ ᠪᠦᠭᠡᠳ ᠬᠠᠮᠳᠤ ᠳᠠᠭᠠᠨ ᠣᠰᠤ ᠳᠡᠵᠢᠭᠡᠯ ᠶᠢᠡᠨ ᠬᠤᠪᠢᠶᠠᠯᠴᠠᠵᠤ ᠡᠳ᠋ᠯᠡᠳᠡᠭ᠌ ᠲᠤ ᠪᠠᠢ᠌ᠨᠠ᠃ ᠳᠠᠷᠠᠴᠢᠯᠠᠨ ᠳᠡᠭᠦᠨ ᠤ ᠪᠠᠶᠠ ᠳᠡᠭᠡᠨ ᠣᠰᠤ ᠬᠠᠳᠠᠭᠠᠯᠠᠵᠤ ᠠᠮᠢᠵᠢᠷᠠᠯ ᠤᠨ ᠭᠦᠴᠤ ᠲᠡᠶ ᠪᠠᠢ᠌ᠳᠠᠭ ᠲᠤ ᠬᠤᠯᠪᠣᠭᠳᠠᠨᠠ᠃ ᠳᠠ ᠪᠣᠳᠤᠬᠤ ᠦᠭᠡᠶ ᠦᠦ︖ ᠳᠡᠭᠦᠨ ᠤ ᠳᠤᠭᠠ ᠳᠤᠮᠰᠢ ᠦᠭᠡᠶ ᠰᠦᠯᠵᠢᠯᠳᠤᠨ ᠵᠠᠯᠭᠠᠯᠳᠤᠭᠰᠠᠨ ᠦᠨᠳᠦᠰᠦ ᠲᠡᠶ ᠣᠷᠭᠤᠯᠳᠠ ᠶᠢᠨ ᠪᠠᠢ᠌ᠳᠠᠯ ᠨᠢ ᠣᠷᠭᠤᠮᠠᠯ ᠳᠤ ᠪᠠᠰᠠ ᠤᠢ᠌ᠷᠡ ᠳᠦᠷᠤᠯ᠂ ᠰᠠᠳᠤᠨ ᠰᠦᠯᠵᠢᠶᠠ᠂ ᠣᠭ ᠣᠭᠰᠠᠭᠠ ᠪᠠᠢ᠌ᠬᠤ ᠶᠤᠮ ᠪᠠᠢ᠌ᠨᠠ ᠭᠡᠳᠡᠭ᠌ ᠪᠣᠳᠤᠯ ᠳᠦᠷᠦᠭ᠍ᠳᠡᠭᠦᠯᠳᠡᠭ᠌ ᠪᠦᠭᠡᠳ ᠳᠠᠳᠠᠨ ᠤ ᠰᠠᠯᠤᠰᠢ ᠦᠭᠡᠶ ᠪᠦᠯᠭᠦᠮᠳᠡᠯ ᠨᠢᠭᠳᠠᠷᠠᠯ ᠤᠨ ᠭᠦᠴᠤ ᠨᠢ ᠠᠯᠢᠪᠠ ᠠᠮᠢᠳᠠᠨ ᠣᠷᠭᠤᠮᠠᠯ ᠤᠨ ᠲᠦᠰᠢᠯᠴᠠᠨ ᠣᠷᠤᠰᠢᠬᠤ ᠵᠢᠮᠠ ᠶᠤᠰᠤ ᠲᠡᠶ ᠠᠳᠠᠯᠢᠬᠠᠨ ᠪᠠᠢ᠌ᠨᠠ ᠭᠡᠰᠡᠨ ᠰᠡᠳᠭᠢᠭ᠍ᠳᠡᠯ ᠥᠭ᠍ᠳᠡᠭ᠌ ᠪᠠᠢ᠌ᠨᠠ᠃
ᠲ᠋ᠡᠮᠡᠭᠡᠨ ᠰᠡᠭᠦᠯ ᠪᠣᠯ ᠳᠡᠵᠢᠭᠡᠯ ᠰᠠᠢ᠌ᠳᠠᠢ ᠣᠷᠭᠤᠮᠠᠯ ᠪᠣᠯᠤᠨᠠ᠃ ᠳᠠᠷᠠ ᠭᠡᠳᠥᠢᠪᠠᠷ ᠪᠣᠳᠤᠯᠢᠭ ᠮᠤᠳᠤᠨ ᠡᠰᠢ ᠲᠡᠶ ᠬᠠᠳᠬᠤᠭᠠᠴᠢ ᠶᠡᠭᠡᠳᠡᠢ ᠬᠠᠷᠭᠠᠨᠠ ᠶᠢᠨ ᠳᠦᠷᠤᠯ ᠪᠣᠯᠪᠠᠴᠤ ᠡᠪᠠᠰᠤ ᠳᠡᠵᠢᠭᠡᠯ ᠤᠨ ᠣᠢ᠌ᠯᠠᠳᠤᠯ ᠲᠡᠶ ᠮᠠᠯ ᠤᠨ ᠪᠣᠷᠳᠤᠭᠠ ᠶᠤᠮ᠃ ᠳᠡᠭᠦᠨ ᠤ ᠨᠠᠷᠢᠨ ᠰᠠᠯᠠᠭᠠ᠂ ᠨᠠᠪᠴᠢ ᠮᠦᠴᠢᠷ᠂ ᠴᠡᠴᠡᠭ᠌ ᠳᠠᠯᠪᠢ ᠶᠢ ᠨᠢ ᠥᠵᠡᠭᠦ ᠳᠤ ᠳᠡᠭ᠍ᠷᠢ ᠮᠠᠳᠠᠨᠠ ᠭᠡᠰᠡᠨ ᠰᠢᠭ ᠭᠡᠳᠡᠢ᠌ᠯᠳᠦᠵᠤ ᠪᠠᠢ᠌ᠪᠠᠴᠤ ᠡᠪᠠᠰᠤᠨ ᠳᠡᠵᠢᠭᠡᠯᠳᠡᠨ ᠤ ᠥᠭᠡᠳᠡ ᠡᠴᠡ ᠬᠠᠷᠢᠨ ᠡᠯᠪᠠᠭ᠌ ᠪᠣᠶᠠᠨ ᠭᠡᠰᠢᠭ᠌ ᠶᠢᠡᠨ ᠳᠡᠭᠡᠳᠦᠯᠡᠵᠤ ᠪᠠᠢ᠌ᠳᠠᠭ᠃ ᠳᠠᠷᠠ ᠪᠣᠯ ᠮᠠᠨ ᠤ ᠮᠡᠳᠡᠳᠡᠭ᠌ ᠠᠴᠢᠶᠠ ᠳᠡᠩᠨᠡᠭᠡ ᠶᠢᠨ ᠭᠦᠡᠳᠤ ᠳᠤ ᠳᠠᠩᠳᠠᠳᠠᠭ ᠦᠭᠡᠶ᠂ ᠴᠦᠯ ᠳᠤ ᠴᠢᠳᠠᠮᠠᠭᠠᠢ 《ᠡᠯᠡᠰᠤᠨ ᠭᠤᠪᠢ ᠶᠢᠨ ᠣᠩᠭ᠋ᠤᠴᠠ》 ᠭᠡᠮᠡᠭ᠍ᠳᠡᠭ᠍ᠰᠡᠨ ᠳᠡᠮᠡᠭᠡᠨ ᠰᠦᠷᠦᠭ᠌ ᠤᠨ ᠮᠠᠨᠢ ᠳᠤᠷᠠᠳᠠᠢ ᠢᠳᠡᠭᠦ ᠡᠪᠠᠰᠤᠨ ᠤ ᠵᠣᠢ᠌ᠯ ᠮᠦᠷᠳᠡᠭᠡᠨ ᠰᠦᠷᠦᠭ᠌ ᠤᠨ ᠰᠦᠷᠦᠭ᠌ ᠤᠨ ᠳᠦᠷᠦᠭᠦᠨ ᠳᠤ ᠰᠡᠩᠭᠡᠯᠵᠡᠳᠡᠭ᠌ ᠢᠮᠠᠭᠠᠨ ᠬᠤᠨᠢ ᠶᠢᠨ ᠬᠠᠮᠤᠭ ᠤᠨ ᠳᠤᠷᠠᠳᠠᠢ ᠢᠳᠡᠭᠦ ᠠᠮᠳᠠᠯᠢᠭ ᠳᠡᠵᠢᠭᠡᠯ ᠪᠣᠯᠤᠨᠠ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠥᠭᠡᠷ ᠬᠤᠨᠢ ᠴᠤ ᠠᠳᠠᠭᠠ ᠦᠭᠭᠦ ᠦᠭᠡᠶ ᠵᠡᠷᠭᠡᠯᠡᠭᠡᠳ ᠢᠳᠡᠳᠡᠭ᠌ ᠨᠢ ᠦᠷᠭᠦᠯᠵᠢ ᠠᠵᠢᠭᠯᠠᠭᠳᠠᠬᠤ ᠡᠴᠡ ᠦᠵᠡᠪᠠᠯ ᠳᠠᠯᠠ ᠶᠢᠨ ᠴᠢᠮᠡᠭ᠌ ᠪᠣᠯᠤᠭᠰᠠᠨ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠳᠡᠯᠭᠡᠭᠦᠤ ᠳᠡᠭᠡᠨ ᠳᠤᠷᠠᠳᠠᠢ ᠢᠳᠡᠳᠡᠭ᠌ ᠪᠣᠳᠤᠯᠢᠭ ᠣᠷᠭᠤᠮᠠᠯ ᠤᠨ ᠳᠦᠷᠤᠯ ᠪᠣᠯᠤᠯᠳᠠᠢ᠃ ᠶᠠᠭᠤ ᠴᠤ ᠭᠡᠰᠡᠨ ᠮᠢᠨᠤ ᠴᠡᠭᠡᠵᠢᠯᠡᠵᠤ ᠪᠠᠢ᠌ᠬᠤ ᠪᠠᠷ ᠪᠣᠯ ᠮᠠᠯ ᠡᠷᠳᠡᠨᠢ ᠶᠠᠭᠤᠨ ᠤ ᠳᠦᠷᠦᠭᠦᠨ ᠳᠤ ᠳᠡᠮᠡᠭᠡᠨ ᠰᠡᠭᠦᠯ ᠤᠨ ᠴᠡᠴᠡᠭ᠌ ᠢ ᠳᠡᠭᠦᠵᠤ ᠡᠮᠭᠦᠯᠡᠵᠤ ᠶᠠᠪᠣᠬᠤ ᠨᠢ ᠬᠠᠷᠠᠭᠳᠠᠨᠠ᠃ ᠪᠣᠳᠤᠪᠠᠯ ᠴᠡᠴᠡᠭ᠌ ᠨᠢ ᠰᠢᠷᠠ ᠳᠤᠰᠤ᠂ ᠴᠢᠮᠦᠭᠡ ᠳᠦᠭᠦᠷᠭᠡᠭᠦ ᠳᠡᠵᠢᠭᠡᠯ ᠤᠨ ᠡᠮ ᠤᠨ ᠳᠡᠭᠡᠳᠤ ᠪᠣᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠶ ᠦᠨᠡᠨ ᠶᠤᠮ ᠪᠠᠢ᠌ᠨᠠ᠃ ᠵᠠ᠂ ᠳᠡᠭᠡᠭᠡᠳ ᠭᠡᠷᠡᠭ᠌ ᠪᠣᠯᠭᠠᠵᠤ ᠳᠡᠭᠡᠷᠡ ᠭᠠᠷᠭᠠᠯ ᠦᠭᠡᠶ᠂ ᠭᠡᠩᠭᠡᠷᠭᠡ ᠳᠠᠯᠡᠳᠴᠤ ᠭᠦᠭ᠍ᠰᠡᠯ ᠡᠷᠭᠦᠯ ᠦᠭᠡᠶ ᠬᠠᠰᠢᠷ ᠮᠠᠯᠴᠢᠳ ᠥᠵᠡᠭᠦ ᠳᠤ ᠄ 《ᠳᠡᠮᠡᠭᠡᠨ ᠰᠡᠭᠦᠯ ᠪᠣᠯ ᠭᠠᠰᠢᠭᠤᠨ ᠠᠮᠳᠠᠳᠠᠢ ᠱᠥᠯᠳᠦᠯᠢᠭ᠌ ᠣᠷᠭᠤᠮᠠᠯ ᠶᠤᠮ᠂ ᠳᠡᠭᠦᠨ ᠤ ᠳᠠᠪᠣᠰᠤᠯᠢᠭ ᠴᠢᠨᠠᠷ ᠢ ᠭᠡᠯᠡᠪᠠᠯ ᠳᠡᠮᠡᠭᠡᠨ ᠡᠴᠡ ᠠᠰᠠᠭᠤ︕ ᠶᠠᠭ ᠭᠦᠷᠦᠰᠦᠯᠢᠭ᠌ ᠭᠠᠵᠠᠷ ᠤᠨ ᠵᠠᠭ ᠭᠡᠵᠤ ᠮᠠᠳᠠ︕ ᠳᠡᠮᠡᠭᠡᠨ ᠰᠡᠭᠦᠯ ᠲᠡᠶ ᠭᠠᠵᠠᠷ ᠤᠨ ᠮᠠᠯ ᠬᠤᠵᠢᠷᠰᠢᠳᠠᠭ ᠦᠭᠡᠶ᠂ ᠡᠪᠦᠯ ᠳᠤ ᠬᠠᠷᠠ ᠮᠢᠬᠠ ᠪᠠᠨ ᠠᠯᠳᠠᠯ ᠦᠭᠡᠶ ᠴᠢᠮᠦᠭᠡ ᠲᠡᠶ ᠭᠠᠷᠳᠠᠭ》 ᠭᠡᠵᠤ ᠠᠭᠠᠭ ᠲᠡᠶ ᠴᠠᠢ ᠶᠢᠨ ᠵᠤᠭᠤᠭ᠂ ᠨᠠᠰᠤᠮᠠᠢ ᠰᠤᠯᠢᠯᠴᠠᠬᠤ ᠶᠢᠨ ᠶᠠᠷᠢᠶᠠ ᠪᠣᠯᠭᠠᠵᠤ ᠭᠦᠭᠡᠷᠦᠯᠳᠦᠭᠦ ᠨᠢ ᠣᠯᠠᠨ ᠬᠠᠷᠠᠭᠳᠠᠨᠠ᠃ ᠮᠢᠨᠤ ᠮᠡᠳᠡᠭ᠍ᠰᠡᠨ ᠶᠢᠡᠷ ᠪᠣᠯ ᠮᠠᠨ ᠤ ᠨᠤᠳᠤᠭ ᠲᠤ ᠳᠡᠮᠡᠭᠡᠨ ᠰᠡᠭᠦᠯ ᠶᠢᠡᠷ ᠡᠪᠦᠯ ᠬᠠᠪᠣᠷ ᠤᠨ ᠥᠭᠡᠷ ᠮᠠᠯ ᠤᠨ ᠳᠡᠵᠢᠭᠡᠯ ᠪᠣᠯᠭᠠᠳᠠᠭ ᠭᠠᠵᠠᠷ ᠤᠳ ᠢ ᠭᠡᠯᠡᠳᠡᠭ᠌ ᠪᠣᠯᠬᠤᠯᠠ ᠶᠡᠭᠡ ᠣᠷᠳᠤᠪᠣᠯᠠᠭ᠂ ᠮᠠᠯᠵᠠᠨ᠂ ᠪᠠᠭᠠ ᠣᠷᠳᠤᠪᠣᠯᠠᠭ᠂ ᠭᠦᠭᠡᠬᠤᠳᠳᠤᠭ᠂ ᠪᠣᠷᠤᠬᠤᠳᠳᠠᠭ᠂ ᠭᠦᠶᠦᠳᠡᠭ᠌᠂ ᠣᠯᠠᠭᠠᠠᠬᠤᠳᠳᠤᠭ᠂ ᠬᠠᠷᠠᠭᠤᠤᠯ ᠤᠨ ᠪᠣᠯᠠᠭ᠂ ᠣᠮᠤᠷᠤᠭᠤᠨ᠂ ᠵᠦᠷᠵᠢ ᠶᠢᠨ ᠣᠪᠣᠭᠠ ᠵᠡᠷᠭᠡ ᠡᠷᠭᠢ ᠡᠭᠡᠮᠡ ᠪᠠᠨ ᠳᠦᠰᠢᠯᠴᠡᠭ᠍ᠰᠡᠨ ᠡᠭᠡᠴᠢ ᠠᠬᠠ ᠳᠡᠭᠦᠤ ᠭᠠᠵᠠᠷ ᠤᠳ ᠢ ᠳᠤᠷᠠᠳᠬᠤ ᠵᠦᠪᠳᠠᠢ ᠪᠠᠢ᠌ᠨᠠ᠂ ᠶᠠᠷᠤᠨᠢ ᠡᠳᠡᠭᠡᠷ ᠪᠣᠯ ᠴᠤᠬᠤᠮ ᠬᠠᠭᠠᠰ ᠴᠥᠯᠦᠷᠭᠡᠭ᠌ ᠭᠠᠵᠠᠷ ᠲᠤ ᠪᠠᠭᠳᠠᠨᠠ᠃ ᠭᠠᠵᠠᠷ ᠤᠨ ᠭᠦᠷᠦᠰᠤ ᠬᠠᠭᠰᠠᠭᠤ᠂ ᠬᠠᠢ᠌ᠷ ᠴᠢᠯᠠᠭᠤᠯᠢᠭ ᠶᠡᠭᠡ᠂ ᠡᠯᠡᠰᠦᠷᠭᠡᠭ᠌ ᠰᠢᠭ᠌ ᠪᠦᠭᠡᠳ ᠬᠤᠷᠠ ᠴᠠᠰᠤᠨ ᠤ ᠴᠢᠭᠢᠭ᠍ᠯᠢᠭ᠌ ᠴᠢᠨᠠᠷ ᠢ ᠬᠠᠳᠠᠭᠠᠯᠠᠬᠤ ᠳᠠᠯᠠ ᠪᠠᠷ ᠣᠶᠠᠨ ᠪᠠᠢ᠌ᠳᠠᠭ᠃ ᠡ᠊ᠨᠳᠠ ᠣᠷᠭᠤᠳᠠᠭ ᠡᠪᠠᠰᠤ ᠣᠷᠭᠤᠮᠠᠯ ᠭᠡᠪᠠᠯ ᠳᠡᠮᠡᠭᠡᠨ ᠰᠡᠭᠦᠯ ᠢ ᠭᠠᠷᠭᠠᠪᠠᠯ ᠳᠠᠭᠠᠨᠠ᠂ ᠰᠥᠭᠡᠭ᠌᠂ ᠰᠢᠷᠠᠯᠵᠢ᠂ ᠬᠠᠮᠬᠤᠤᠯ᠂ ᠬᠠᠯᠠᠬᠠᠢ᠂ ᠳᠡᠰᠭᠡᠨᠡ ᠭᠡᠭᠦ ᠮᠠᠳᠤ ᠶᠢᠨ ᠣᠯᠠᠨ ᠡᠪᠠᠰᠤ ᠣᠷᠭᠤᠮᠠᠯ ᠬᠠᠮᠳᠤ ᠣᠷᠤᠰᠢᠵᠤ ᠪᠠᠢ᠌ᠳᠠᠭ᠃ ᠭᠡᠳᠡᠯᠡ ᠡ᠊ᠨᠳᠠ ᠭᠡᠨ ᠠᠯᠢᠨ ᠡᠴᠡ ᠴᠤ ᠠᠷᠪᠢᠨ ᠣᠷᠭᠤᠳᠠᠭ ᠨᠢ ᠭᠦᠩᠭᠡᠨ ᠴᠤᠪᠣᠭᠤᠯᠢᠭ ᠣᠩᠭ᠋ᠤᠷᠠᠯ ᠭᠡᠳᠡᠭ᠌ ᠡᠪᠠᠰᠤ ᠪᠣᠯᠤᠨᠠ᠃ ᠳᠠᠷᠠ ᠬᠠᠪᠣᠷ ᠵᠤᠨ ᠳᠤ ᠭᠦᠭᠡ ᠨᠤᠭᠤᠭᠠᠨ᠂ ᠨᠠᠮᠤᠷ ᠡᠪᠦᠯ ᠳᠤ ᠠᠯᠳᠠᠨ ᠰᠢᠷᠠ ᠥᠩᠭᠡ ᠲᠡᠶ ᠪᠠᠢ᠌ᠵᠤ᠂ ᠳᠠᠯᠠ ᠨᠤᠳᠤᠭ ᠤᠨ ᠰᠢᠮᠠ ᠰᠠᠢ᠌ᠳᠠᠢ ᠡᠪᠠᠰᠤᠨ ᠤ ᠳᠦᠷᠤᠯ ᠳᠤ ᠬᠠᠷᠢᠶᠠᠳᠤᠨᠠ᠃ ᠳᠡᠮᠡᠭᠡᠨ ᠰᠡᠭᠦᠯ ᠤᠨ ᠣᠷᠭᠤᠳᠠᠭ ᠭᠠᠵᠠᠷ ᠤᠨ ᠣᠯᠠᠩᠭᠢ ᠨᠢ ᠬᠠᠢ᠌ᠷ ᠴᠢᠯᠠᠭᠤ᠂ ᠵᠢᠷᠤᠭᠠ ᠡᠯᠡᠰᠤ᠂ ᠵᠥᠭᠡᠯᠡᠨ ᠰᠢᠷᠤᠢ ᠭᠤᠷᠪᠠ ᠬᠤᠯᠢᠯᠳᠤᠭᠰᠠᠨ ᠭᠦᠷᠦᠰᠦᠯᠢᠭ᠌ ᠪᠣᠰᠤ ᠰᠤᠯᠠᠬᠠᠨ ᠦᠨᠳᠦᠰᠦ ᠲᠡᠶ᠂ ᠴᠢᠭᠢᠭ᠍ᠯᠢᠭ᠌ ᠣᠯᠠᠷᠢᠯ ᠳᠤ ᠳᠦᠭᠡ ᠭᠢᠷᠢ ᠦᠨᠳᠦᠷ ᠭᠠᠩᠭ᠋ᠠᠩ ᠰᠠᠢ᠌ᠬᠠᠨ ᠨᠤᠭᠤᠭᠠᠨ ᠱᠤᠤᠷᠠᠢ ᠰᠢᠭ ᠭᠠᠩᠬᠤᠵᠤ ᠪᠠᠢ᠌ᠪᠠᠴᠤ ᠠᠯᠳᠠᠨ ᠨᠠᠮᠤᠷ ᠤᠨ ᠣᠯᠠᠷᠢᠯ ᠮᠤᠷᠢᠯᠠᠨ ᠰᠠᠭᠠᠳᠠᠵᠤ᠂ ᠠᠭᠠᠷ ᠰᠡᠷᠢᠭᠦᠳᠡᠵᠤ ᠭᠠᠵᠠᠷ ᠤᠨ ᠭᠦᠷᠦᠰᠤ ᠬᠠᠭᠤᠷᠠᠢ᠌ᠰᠢᠪᠠᠯ᠂ ᠣᠩᠭ᠋ᠤᠷᠠᠯ ᠡᠪᠠᠰᠤ ᠳᠦᠷᠤᠯᠭᠢ ᠶᠢᠨ ᠰᠤᠯᠠ ᠦᠨᠳᠦᠰᠦ ᠲᠡᠶ ᠪᠣᠯᠬᠤᠷ ᠪᠠᠬᠠᠨ ᠰᠠᠯᠭᠢ ᠭᠦᠳᠡᠯᠦᠮᠡᠭ᠍ᠴᠡ ᠬᠠᠮᠬᠤᠤᠯ ᠠᠳᠠᠯᠢ ᠬᠤᠪᠬᠤᠷᠠᠨ ᠭᠡᠢ᠌ᠰᠦᠭᠡᠳ ᠳᠡᠨᠦᠭᠦᠯ ᠡᠪᠠᠰᠤ ᠪᠣᠯᠴᠢᠬᠠᠳᠠᠭ᠃ ᠡᠨᠡ ᠦᠶᠡ ᠶᠢᠨ ᠣᠩᠭ᠋ᠤᠷᠠᠯ ᠨᠢ ᠬᠤᠳᠤᠭᠤᠷ ᠭᠠᠵᠠᠷ ᠣᠷᠭᠤᠭᠰᠠᠨ ᠳᠡᠮᠡᠭᠡᠨ ᠰᠡᠭᠦᠯ ᠤᠳ ᠤᠨ ᠣᠩᠭᠢ ᠳᠤ ᠬᠤᠷᠠᠵᠤ ᠨᠢᠭᠳᠠᠷᠠᠨ ᠪᠠᠷᠢᠯᠳᠤᠵᠤ᠂ ᠡᠪᠦᠯ ᠳᠤ ᠮᠠᠯ ᠠᠮᠢᠳᠠᠨ ᠢᠳᠡᠭᠦ ᠡᠪᠠᠰᠤᠨ ᠤ ᠬᠤᠷᠢᠶᠠᠯᠳᠠ ᠪᠣᠯᠵᠤ ᠰᠢᠷᠭᠠᠯᠳᠤᠨ ᠦᠷᠭᠦᠯᠵᠢᠯᠡᠨᠡ᠃ ᠢᠩᠭᠢᠭᠡᠳ ᠳᠡᠮᠡᠭᠡᠨ ᠰᠡᠭᠦᠯ ᠨᠢ ᠬᠠᠷᠭᠠᠨᠠ ᠶᠢᠨ ᠳᠦᠷᠤᠯ ᠲᠡᠶ ᠪᠠᠨ ᠠᠳᠠᠯᠢ ᠮᠠᠯ ᠤᠨ ᠳᠡᠵᠢᠭᠡᠯ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠶ᠂ ᠣᠩᠭ᠋ᠤᠷᠠᠯ ᠡᠪᠠᠰᠤ ᠶᠢ ᠨᠠᠮᠤᠷ ᠲᠤ ᠶᠡᠭᠡ ᠭᠡᠮᠵᠢᠶᠡ ᠪᠠᠷ ᠬᠤᠷᠢᠶᠠᠵᠤ᠂ ᠰᠢᠷᠠ ᠡᠪᠠᠰᠤᠨ ᠤ ᠠᠪᠣᠷᠭᠤ ᠭᠦᠮᠦᠷᠭᠡ ᠶᠢ ᠪᠠᠢ᠌ᠭᠤᠯᠵᠤ᠂ ᠭᠡᠰᠢᠭ᠌ ᠶᠡᠭᠡ ᠮᠠᠯ ᠤᠨ ᠭᠦᠷ ᠴᠠᠰᠤ ᠲᠡᠶ ᠭᠦᠢᠳᠡᠨ ᠡᠪᠦᠯ ᠢ ᠳᠤᠭᠤᠯᠬᠤ ᠳᠤ ᠳᠡᠵᠢᠭᠡᠯ ᠪᠣᠷᠳᠤᠭᠠ ᠬᠠᠳᠠᠭᠠᠯᠠᠵᠤ ᠳᠠᠯᠪᠢᠳᠠᠭ᠃ ᠳᠠᠷᠠ ᠬᠠᠳᠠᠭᠤ ᠭᠦᠳᠡᠭᠦᠤ ᠡᠪᠦᠯ ᠤᠨ ᠣᠯᠠᠷᠢᠯ ᠳᠤ ᠠᠳᠤᠭᠤ᠂ ᠢᠮᠠᠭᠠ᠂ ᠬᠤᠨᠢ ᠮᠠᠳᠤ ᠭᠦᠯ ᠳᠡᠭᠡᠨ ᠡᠷᠳᠡᠮ ᠲᠡᠶ ᠠᠮᠢᠳᠠᠤᠨ ᠭᠦᠷ ᠴᠠᠰᠤ ᠶᠢ ᠡᠪᠠᠷ ᠳᠤᠭᠤᠷᠠᠢ ᠪᠠᠷ ᠶᠢᠡᠨ ᠮᠠᠯᠳᠠᠨ ᠳᠡᠭᠡᠭᠡᠵᠤ᠂ ᠳᠡᠮᠡᠭᠡᠨ ᠰᠡᠭᠦᠯ ᠤᠨ ᠣᠩᠭᠢ ᠳᠤ ᠳᠠᠷᠤᠭᠳᠠᠭᠰᠠᠨ ᠰᠢᠷᠠ ᠣᠩᠭ᠋ᠤᠷᠠᠯ ᠢ ᠴᠢᠳᠠᠮᠠᠭᠠᠢ ᠪᠠᠷ ᠭᠠᠷᠭᠠᠵᠤ᠂ ᠡᠮᠭᠦ ᠡᠮᠭᠦ ᠪᠠᠷ ᠡᠮᠭᠦᠵᠤ᠂ ᠠᠮᠳᠠᠷᠬᠠᠨ ᠢᠳᠡᠭᠦ ᠳᠤ ᠥᠭᠡᠷ ᠳᠡᠮᠡᠭᠡ ᠮᠠᠳᠤ ᠶᠢᠨ ᠦᠪᠡᠷ ᠤᠨ ᠭᠦᠯ ᠶᠢᠡᠷ ᠮᠠᠯᠳᠠᠵᠤ ᠴᠢᠳᠠᠳᠠᠭ ᠦᠭᠡᠶ ᠮᠠᠯ ᠤᠳ ᠬᠠᠷᠢᠨ ᠠᠳᠤᠭᠤ᠂ ᠬᠤᠨᠢ᠂ ᠢᠮᠠᠭᠠ ᠵᠡᠷᠭᠡ ᠮᠠᠯᠳᠠᠬᠤ ᠡᠷᠳᠡᠮ ᠲᠡᠶ ᠮᠠᠯ ᠤᠳ ᠪᠠᠯᠴᠢᠭ᠍ᠰᠡᠨ ᠶᠢᠡᠷ ᠳᠠᠭᠠᠵᠤ᠂ ᠢᠯᠠ ᠭᠠᠷᠭᠠᠭᠰᠠᠨ ᠦᠯᠠᠳᠠᠯ ᠣᠩᠭ᠋ᠤᠷᠠᠯ ᠡᠪᠠᠰᠤ ᠶᠢ ᠪᠣᠯᠪᠠᠰᠤᠷᠠᠩᠭ᠋ᠤᠢ ᠪᠠᠷ ᠳᠡᠭᠦᠵᠤ ᠢᠳᠡᠭᠦ ᠶᠢᠨ ᠬᠠᠮᠳᠤ ᠳᠡᠮᠡᠭᠡᠨ ᠰᠡᠭᠦᠯ ᠤᠨ ᠭᠦᠷ ᠴᠠᠰᠤᠨ ᠡᠴᠡ ᠢᠯᠡᠭᠦᠳᠡᠵᠤ ᠭᠠᠷᠤᠭᠰᠠᠨ ᠵᠥᠭᠡᠯᠡᠨ ᠰᠡᠪᠰᠡᠭᠡᠷ ᠪᠦᠴᠢᠷ ᠰᠠᠯᠠᠭᠠ ᠶᠢ ᠬᠠᠳᠬᠤᠭᠠᠴᠢ ᠡᠴᠡ ᠠᠶᠤᠳᠠᠭ ᠦᠭᠡᠶ ᠭᠦᠷᠦᠰᠦᠯᠢᠭ᠌ ᠪᠦᠳᠦᠴᠡ ᠲᠡᠶ ᠠᠮᠠ ᠪᠠᠷ ᠶᠢᠡᠨ ᠳᠠᠰᠤᠴᠠ ᠳᠠᠰᠤᠴᠠ ᠪᠠᠷ ᠵᠠᠵᠢᠯᠠᠵᠤ ᠢᠳᠡᠳᠡᠭ᠌᠃ ᠬᠠᠪᠣᠷ ᠲᠤ ᠬᠠᠷᠢᠨ ᠡᠳᠡᠭᠡᠷ ᠳᠠᠪᠤᠨ ᠬᠤᠰᠢᠭᠤ ᠮᠠᠯ ᠬᠠᠷᠢᠯᠴᠠᠨ ᠲᠦᠰᠢᠯᠴᠠᠵᠤ ᠢᠳᠠᠰᠢ ᠡᠷᠢᠭᠦ ᠪᠠᠨ ᠣᠷᠭᠢᠵᠤ᠂ ᠴᠠᠰᠤᠨ ᠬᠠᠢ᠌ᠯᠵᠤ ᠢᠯᠠ ᠭᠠᠷᠤᠭᠰᠠᠨ ᠣᠩᠭ᠋ᠤᠷᠠᠯ ᠤᠨ ᠬᠠᠳᠠᠭᠠᠯᠠᠮᠵᠢ ᠶᠢ ᠰᠢᠨᠠ ᠨᠤᠭᠤᠭᠠᠨ ᠭᠠᠷᠴᠤ ᠭᠦᠢᠴᠡᠳᠡᠯᠡ ᠢᠳᠠᠵᠤ᠂ ᠬᠠᠢ᠌ᠯ ᠤᠨ ᠣᠰᠤ ᠪᠠᠷ ᠣᠮᠳᠠ ᠭᠢᠵᠤ᠂ ᠳᠡᠮᠡᠭᠡᠨ ᠰᠡᠭᠦᠯ ᠤᠨ ᠶᠢᠡᠨ ᠳᠤᠯᠠᠭᠠᠨ ᠨᠦᠮᠦᠷᠢ ᠳᠤ ᠬᠠᠪᠣᠷ ᠤᠨ ᠤᠶᠠᠩᠭᠠ ᠪᠠᠨ ᠴᠤᠭᠭᠠᠷ ᠶᠢᠡᠨ ᠨᠠᠢ᠌ᠷᠠᠨᠠ᠃ ᠪᠦᠷᠢᠨ ᠮᠠᠠᠳᠤ ᠲᠦᠯᠯᠡᠨᠠ᠂ ᠪᠦᠭᠦᠳᠡ ᠪᠠᠷ ᠶᠢᠡᠨ ᠡᠵᠡᠨ ᠶᠢᠡᠨ ᠪᠠᠶᠠᠰᠬᠠᠨᠠ᠃ ᠡᠵᠡᠨ ᠨᠢ ᠴᠠᠭᠠᠨ ᠰᠦ᠋ ᠪᠠᠷ ᠳᠡᠮᠡᠭᠡᠨ ᠰᠡᠭᠦᠯ ᠢ ᠡᠪᠦᠯ ᠤᠨ ᠡᠯᠪᠠᠭ᠌ ᠡᠪᠠᠰᠤ ᠭᠡᠵᠤ ᠢᠷᠦᠭᠡᠨᠡ᠃ ᠣᠷᠤᠨ ᠭᠠᠵᠠᠷ ᠤᠨ ᠮᠢᠨᠢ ᠴᠢᠮᠡᠭ᠌ ᠭᠡᠵᠤ ᠮᠠᠭᠳᠠᠨᠠ᠃ ᠴᠢᠯᠠᠰᠢ ᠦᠭᠡᠶ ᠦᠪ ᠵᠥᠭᠡᠷᠢ ᠶᠢᠨ ᠬᠤᠷᠢᠶᠠᠮᠵᠢ ᠭᠡᠵᠤ ᠵᠦᠩᠨᠠᠨᠠ᠃ ᠴᠠᠭᠯᠠᠰᠢ ᠦᠭᠡᠶ ᠠᠮᠢ ᠠᠬᠤᠢ ᠶᠢᠨ ᠪᠠᠯᠭᠡᠳᠡᠯ ᠭᠡᠵᠤ ᠬᠠᠢ᠌ᠷᠠᠯᠠᠨᠠ ︕ ᠡᠭᠦᠷᠢᠳᠡ ᠢᠷᠦᠭᠡᠨᠡ︕
ᠲ᠋ᠡᠮᠡᠭᠡᠨ ᠰᠡᠭᠦᠯ ᠭᠡᠭᠦ ᠡᠨᠡ ᠬᠠᠷᠭᠠᠨᠠ ᠶᠠᠭᠠᠭᠢᠭᠠᠤᠨ ᠡᠢ᠌ᠮᠦᠷᠭᠦ ᠨᠠᠷᠠ ᠠᠪᠣᠭᠰᠠᠨ ᠪᠣᠢ ᠭᠡᠪᠠᠯ ᠳᠤᠳᠤᠷᠬᠠᠢ ᠭᠡᠯᠡᠭ᠍ᠳᠡᠭᠦ ᠳᠤᠮᠤᠭ ᠥᠯᠢᠭᠡᠷ ᠲᠡᠶ ᠶᠤᠮ᠃ ᠳᠤᠪᠰᠢᠭᠤᠷ ᠳᠤᠪᠰᠢᠭᠤᠷᠳᠠᠭᠠᠤᠨ ᠬᠠᠢ᠌ᠯᠠᠪᠠᠯ ᠳᠤᠤᠯᠢᠰ ᠨᠢ ᠪᠠᠢ᠌ᠨᠠ᠃
ᠡᠷᠳᠡ ᠣᠷᠢᠳᠤ ᠴᠠᠭ ᠲᠤ ᠭᠡᠨᠡ᠃ ᠰᠢᠷᠠ ᠵᠠᠭ ᠡᠯᠢᠭᠡᠳᠡᠭ᠍ᠰᠡᠨ ᠰᠢᠷᠭᠠᠯ ᠡᠯᠡᠰᠤᠨ ᠲᠤᠬᠤᠢ᠌ᠯᠡᠩ ᠲᠡᠶ ᠪᠣᠳᠤ ᠠᠭᠤᠯᠠ ᠳᠤ ᠳᠠᠯᠳᠠᠩ ᠬᠠᠷᠠ ᠪᠣᠤᠷᠠ ᠳᠤᠯᠤᠭᠠᠢ᠌ᠯᠠᠭᠰᠠᠨ ᠳᠠᠪᠢᠨ ᠣᠯᠠᠭᠠᠨ ᠳᠡᠮᠡᠭᠡ ᠲᠡᠶ ᠳᠠᠷᠭᠤᠨ ᠪᠣᠷᠤ ᠡᠮᠡᠭᠡᠨ ᠣᠪᠣᠬᠠᠢ ᠭᠡᠷ ᠪᠠᠷᠢᠭᠠᠤᠨ ᠠᠵᠤ ᠳᠦᠷᠤᠨ ᠰᠠᠭᠤᠵᠤ ᠪᠠᠢ᠌ᠵᠠᠢ ᠭᠡᠨᠡ᠃ ᠡᠨᠡ ᠡᠮᠡᠭᠡᠨ ᠤ ᠡᠪᠦᠭᠡᠨ ᠶᠠᠭᠠᠭᠢᠯᠠ ᠭᠡᠭᠦᠯᠡ ᠬᠠᠭᠠᠨ ᠨᠤᠳᠤᠭ ᠲᠤ ᠬᠠᠯᠳᠠᠬᠤ ᠪᠠᠷ ᠢᠷᠡᠭ᠍ᠰᠡᠨ ᠳᠠᠢ᠌ᠰᠤᠨ ᠲᠡᠶ ᠪᠠᠢ᠌ᠯᠳᠤᠬᠤ ᠪᠠᠷ ᠶᠠᠪᠣᠭᠠᠤᠨ ᠨᠠᠰᠤ ᠪᠠᠷᠠᠯᠠ ᠭᠡᠨᠡ᠃ ᠬᠡᠦᠬᠡᠳ ᠨᠢ ᠶᠠᠭᠠᠭᠢᠯᠠ ᠭᠡᠭᠦᠯᠡ ᠶᠡᠭᠡ ᠭᠦᠪᠠᠭᠦᠨ ᠨᠢ ᠶᠢᠰᠤᠠ᠊ᠬᠤᠤᠠᠳᠠᠭ ᠭᠡᠭ᠍ᠴᠢ ᠬᠠᠭᠠᠨ ᠤ ᠰᠠᠩ ᠤᠨ ᠠᠳᠤᠭᠤᠨ ᠤ ᠮᠠᠨᠠᠭᠠᠨ ᠳᠤ ᠭᠠᠷᠤᠭᠠᠤᠨ ᠠᠷᠪᠠᠨ ᠵᠢᠯ ᠳᠡᠭᠡᠨ ᠪᠠᠰᠠ ᠬᠠᠷᠢᠵᠤ ᠢᠷᠡᠭᠡᠳ ᠦᠭᠡᠶ ᠭᠡᠨᠡ᠃ ᠭᠡᠦᠭᠡᠨ ᠨᠢ ᠬᠠᠷᠠᠨᠢᠳᠤᠨ ᠡᠮᠦᠨᠡ ᠠᠭᠤᠯᠠ ᠶᠢᠨ ᠬᠠᠳᠠᠭᠤᠴᠢ ᠪᠠᠶᠠᠨ ᠤ ᠭᠦᠪᠠᠭᠦᠨ ᠪᠠᠷᠠᠭᠴᠢ ᠳᠤ ᠮᠤᠷᠳᠠᠭᠠᠤᠨ ᠳᠠᠪᠤᠨ ᠵᠢᠯ ᠳᠡᠭᠡᠨ ᠴᠤ ᠨᠢᠭᠡ ᠣᠳᠠᠭᠠ ᠪᠣᠴᠠᠵᠤ ᠢᠷᠡᠭᠡᠳ ᠦᠭᠡᠶ ᠭᠡᠨᠡ᠃ ᠡᠪᠦᠭᠡᠨ ᠳᠡᠭᠡᠨ ᠭᠠᠰᠢᠭᠤᠳᠠᠭᠠᠤᠨ ᠬᠡᠦᠬᠡᠳ ᠲᠡᠭᠡᠨ ᠭᠤᠮᠤᠳᠠᠭᠠᠤᠨ ᠪᠣᠷᠤ ᠡᠮᠡᠭᠡᠨ᠂ ᠪᠣᠳᠤ ᠭᠡᠳᠡᠭ᠌ ᠠᠭᠤᠯᠠ ᠳᠤ ᠪᠣᠳᠠ ᠭᠤᠤᠯ ᠲᠡᠶ ᠮᠠᠯ ᠶᠢᠡᠨ ᠥᠰᠭᠡᠵᠤ ᠰᠠᠭᠤᠬᠤ ᠳᠠᠭᠠᠨ ᠳᠠᠪᠢᠯᠠᠩ ᠢ ᠮᠢᠨᠢ ᠳᠡᠭ᠍ᠷᠢ ᠮᠠᠳᠠᠨᠠ ᠭᠡᠳ ᠳᠡᠰᠭᠡᠨᠡ ᠵᠠᠭ ᠢ ᠠᠮᠳᠠᠯᠢᠭ ᠳᠡᠵᠢᠭᠡᠯ ᠪᠣᠯᠭᠠᠵᠤ ᠴᠦᠯ ᠳᠤ ᠴᠢᠳᠠᠮᠠᠭᠠᠢ ᠶᠠᠪᠣᠳᠠᠭ ᠳᠡᠮᠡᠭᠡᠨ ᠭᠡᠮᠡᠭ᠍ᠴᠢ ᠮᠠᠯ ᠢ ᠲᠦᠮᠡ ᠭᠦᠷᠭᠡᠨᠡ ᠪᠢ ᠭᠡᠵᠤ ᠰᠡᠳᠭᠢᠯ ᠬᠠᠯᠠᠭᠤᠨ ᠵᠤᠷᠢᠭ ᠶᠢᠡᠷ ᠴᠢᠩᠭᠠ ᠴᠢᠷᠮᠠᠢ᠌ᠵᠤ ᠭᠡᠳᠤ ᠭᠡᠳᠤᠨ ᠵᠢᠯ ᠤᠨ ᠨᠢᠭᠤᠷ ᠦᠵᠡᠯᠠ ᠭᠡᠨᠡ᠃ ᠭᠡᠳᠡᠯᠡ ᠳᠠᠷᠠ ᠨᠢᠭᠡ ᠵᠢᠯ ᠪᠣᠳᠤ ᠠᠭᠤᠯᠠ ᠳᠤ ᠶᠡᠭᠡ ᠭᠠᠩ ᠪᠣᠯᠵᠤ ᠠᠮᠢᠳᠠᠨ ᠳᠡᠰᠭᠦ ᠶᠢᠨ ᠠᠷᠭᠠ ᠦᠭᠡᠶ ᠪᠣᠯᠬᠤ ᠳᠤ ᠳᠡᠮᠡᠭᠡᠳ ᠨᠢ ᠣᠰᠤ ᠣᠮᠳᠠ᠂ ᠰᠡᠷᠢᠭᠦᠨ ᠭᠠᠵᠠᠷ ᠬᠠᠢ᠌ᠵᠤ ᠬᠠᠷᠢᠭᠤᠯᠭᠠ ᠬᠠᠰᠢᠯᠳᠠ ᠭᠦᠯᠢᠶᠡᠭᠦ ᠦᠭᠡᠶ ᠵᠢᠯᠢ᠌ᠭᠡᠳ ᠦᠭᠭᠦᠭ᠍ᠰᠡᠨ ᠶᠤᠮ ᠭᠡᠨᠡ᠃ ᠡᠭᠦᠨ ᠳᠤ ᠵᠤᠷᠢᠮᠠᠭ ᠪᠣᠷᠤ ᠡᠮᠡᠭᠡᠨ ᠪᠣᠳᠤᠭ ᠣᠯᠠᠭᠠᠨ ᠴᠠᠢ ᠪᠠᠨ ᠣᠤᠭᠤᠭᠠᠤᠨ ᠪᠠᠯ ᠳᠤ ᠡᠯᠳᠡᠭ᠍ᠰᠡᠨ ᠳᠠᠯᠬᠠ ᠪᠠᠨ ᠢᠳᠠᠵᠤ᠂ ᠪᠠᠰᠠ ᠭᠡᠳᠤᠨ ᠡᠳᠦᠷ ᠤᠨ ᠭᠦᠩᠭᠡᠨ ᠭᠦᠨᠡᠰᠤ ᠪᠠᠨ ᠪᠡᠯᠡᠳᠭᠡᠵᠤ᠂ ᠬᠠᠠᠵᠢᠨ ᠭᠦᠭᠡ ᠠᠳᠠ ᠪᠠᠨ ᠣᠨᠤᠵᠤ ᠭᠠᠵᠠᠷᠴᠢᠯᠠᠭᠰᠠᠨ ᠳᠡᠮᠡᠭᠡᠳ ᠤᠨ ᠶᠢᠡᠨ ᠠᠷᠤ ᠡᠴᠡ ᠪᠣᠤᠭᠢᠶᠠ ᠬᠤᠷᠳᠤ ᠪᠠᠷ ᠭᠦᠶᠦᠯᠭᠡᠭ᠍ᠰᠡᠨ ᠶᠤᠮ ᠭᠡᠨᠡ᠃ ᠭᠡᠪᠠᠴᠤ ᠪᠠᠢ᠌ᠭᠠᠯᠢ ᠶᠢᠨ ᠵᠠᠩ ᠭᠡᠨᠡᠳᠲᠡ ᠬᠤᠪᠢᠷᠠᠵᠤ ᠯᠤᠤᠰᠳᠤ ᠶᠢᠨ ᠠᠭᠤᠷ ᠰᠢᠷᠦᠭᠦᠨ ᠳᠡᠭ᠍ᠳᠡᠭ᠍ᠰᠡᠨ ᠡᠴᠡ ᠪᠣᠯᠪᠠᠤ︖ ᠪᠣᠤ ᠮᠠᠳᠠ᠂ ᠭᠠᠩᠳᠠᠵᠤ ᠪᠠᠢ᠌ᠭᠰᠠᠨ ᠳᠡᠯᠡᠭᠡᠢ ᠬᠤᠷᠠ ᠮᠦᠨᠳᠤᠷ ᠲᠤ ᠊ᠭ᠍ᠱᠡᠨ ᠵᠠᠭᠤᠷᠠ ᠳᠠᠪᠳᠠᠵᠤ᠂ ᠦᠶᠡᠷ ᠤᠨ ᠣᠰᠤᠨ ᠳᠤ ᠬᠠᠮᠤᠭ ᠠᠮᠢᠳᠠᠨ ᠭᠡᠯᠡ ᠦᠭᠡᠶ ᠵᠠᠯᠭᠢᠭᠳᠠᠬᠤ ᠵᠡᠳᠭᠡᠷ ᠲᠡᠶ ᠪᠣᠯᠵᠤ ᠢᠷᠠᠯᠠ᠃ ᠵᠠᠮ ᠳᠤ ᠭᠠᠷᠤᠭᠰᠠᠨ ᠪᠣᠷᠤ ᠡᠮᠡᠭᠡᠨ᠂ ᠵᠤᠷᠢᠮᠠᠭ ᠬᠠᠳᠠᠨ ᠵᠤᠷᠢᠭ ᠶᠢᠡᠷ ᠶᠢᠡᠨ ᠠᠶᠤᠮᠰᠢᠭ ᠪᠦᠭᠦᠨ ᠢ ᠰᠤᠷᠠᠵᠤ ᠴᠢᠳᠠᠯ ᠲᠡᠶ ᠭᠦᠭᠡ ᠠᠳᠠ ᠪᠠᠷ ᠶᠢᠡᠨ ᠵᠠᠮ ᠤᠨ ᠬᠤᠯᠠ ᠶᠢ ᠡᠪᠭᠡᠵᠤ᠂ ᠭᠦᠡᠳᠡᠢ ᠭᠤᠪᠢ ᠶᠢ ᠭᠠᠳᠤᠯᠠᠭᠠᠤᠨ ᠢᠷᠡᠭᠦᠯᠡ ᠡᠮᠦᠨᠡ ᠨᠢ ᠬᠠᠷᠠᠰᠠᠯᠳᠠᠢ ᠥᠵᠡᠭ᠍ᠳᠡᠯ ᠵᠢᠷᠦᠭᠡ ᠴᠡᠴᠡᠷᠡᠭᠦᠯᠤᠨ ᠢᠯᠡᠷᠭ᠍ᠰᠡᠨ ᠪᠠᠢ᠌ᠨᠠ᠃ ᠳᠤᠭᠰᠢᠨ ᠬᠤᠷᠠ ᠰᠢᠷᠦᠭᠦᠨ ᠮᠦᠨᠳᠤᠷ ᠨᠢᠭᠡ ᠬᠤᠳᠤᠭᠤᠷ ᠳᠦᠭᠦᠷᠡᠮᠡ ᠭᠠᠵᠠᠷ ᠲᠤ ᠶᠡᠭᠡᠪᠠᠷ ᠡᠭᠡᠷᠡᠭ᠍ᠳᠡᠨ ᠣᠷᠤᠭᠰᠠᠨ ᠪᠣᠯᠤᠯᠳᠠᠢ᠂ ᠨᠤᠤᠰᠤ ᠨᠢ ᠬᠠᠭᠵᠠᠷᠠᠵᠤ ᠣᠨᠠᠭᠠᠤᠨ ᠱᠠᠯᠳᠠᠩᠷᠠᠭᠰᠠᠨ ᠳᠡᠮᠡᠭᠡᠳ ᠨᠢ ᠣᠰᠤᠨ ᠴᠠᠠᠳᠠᠭ ᠲᠤ ᠥᠭᠦᠢᠭᠡᠳ ᠣᠰᠤ ᠣᠤᠭᠤᠭᠰᠠᠨ ᠪᠠᠢ᠌ᠷᠢ ᠪᠠᠢ᠌ᠷᠢᠨ ᠳᠠᠭᠠᠨ ᠣᠢ᠌ᠳᠤᠵᠤ ᠥᠭᠦᠭ᠍ᠰᠡᠨ ᠪᠠᠢ᠌ᠯᠠ᠃ ᠣᠮᠳᠠᠭᠠᠰᠴᠤ ᠬᠠᠭᠰᠠᠭᠰᠠᠨ ᠳᠡᠮᠡᠭᠡᠳ ᠤᠨ ᠶᠢᠡᠨ ᠬᠠᠷᠠᠰᠠᠯᠳᠠᠢ ᠥᠭᠦᠯ ᠳᠤ ᠭᠠᠰᠢᠭᠤᠳᠠᠭᠰᠠᠨ ᠪᠣᠷᠤ ᠡᠮᠡᠭᠡᠨ ᠄ 《ᠳᠠᠯᠳᠠᠩ ᠬᠠᠷᠠ ᠪᠣᠤᠷᠠ ᠮᠢᠨᠢ᠂ ᠳᠠᠪᠢᠨ ᠣᠯᠠᠭᠠᠨ ᠳᠡᠮᠡᠭᠡ ᠮᠢᠨᠢ᠂ ᠭᠦᠭᠡ ᠠᠳᠠᠨ ᠪᠢᠳᠠᠨ ᠬᠤᠶᠠᠷ ᠢ ᠭᠦᠳᠡᠭᠡ ᠶᠢᠨ ᠪᠣᠳᠠᠨ ᠳᠤ ᠬᠠᠶᠠᠵᠤ ᠣᠷᠭᠢᠭᠠᠤᠨ ᠭᠠᠩ ᠡᠴᠡ ᠵᠤᠯᠠᠭᠠᠤᠨ ᠭᠠᠵᠠᠷᠴᠢᠯᠠᠪᠠᠤ︖ ᠭᠠᠮᠰᠢᠭ ᠲᠤ ᠣᠴᠠᠷᠠᠭᠠᠤᠨ ᠳᠠᠯᠠᠢ᠌ᠴᠢᠬᠠᠪᠠᠤ︖ ᠰᠦᠨᠠᠰᠤ ᠶᠢ ᠳᠠᠨᠢ ᠬᠠᠮᠢᠭᠠ ᠡᠴᠡ ᠥᠵᠡᠭᠦ ᠪᠣᠢ︖ ᠰᠡᠭᠦᠳᠡᠷ ᠢ ᠳᠠᠨᠢ ᠭᠡᠵᠢᠶᠡ ᠳᠤᠯᠢᠯᠠᠬᠤ ᠪᠣᠢ︖ ᠳᠡᠭ᠍ᠷᠢ ᠦᠷᠤᠰᠢᠶᠠ᠂ ᠭᠠᠵᠠᠷ ᠢᠪᠠᠭᠡ︕ ᠬᠠᠷᠠ ᠡᠪᠦᠭᠡᠨ ᠤ ᠮᠢᠨᠢ ᠮᠠᠯ ᠤᠨ ᠪᠠᠯᠴᠢᠭᠡᠷ ᠲᠤ ᠬᠠᠮᠤᠭ ᠳᠡᠮᠡᠭᠡᠳ ᠤᠨ ᠮᠢᠨᠢ ᠰᠡᠭᠦᠯ ᠰᠢᠭ᠌ ᠡᠷᠳᠡᠢ᠌ᠭ᠍ᠰᠡᠨ ᠣᠷᠤᠭᠤᠮᠠᠯ ᠣᠷᠭᠤᠳᠤᠭᠠᠢ᠃ ᠶᠠᠭᠠᠭᠢᠭᠠᠤᠨ ᠭᠡᠭᠦᠯᠡ ᠴᠢᠮᠠ ᠶᠢ ᠣᠯᠵᠤ ᠥᠵᠡᠭ᠍ᠰᠡᠨ ᠭᠦᠮᠦᠰ ᠪᠣᠷᠤ ᠡᠮᠡᠭᠡᠨ ᠤ ᠳᠡᠮᠡᠭᠡᠨ ᠤ ᠰᠡᠭᠦᠯ ᠪᠢᠯᠠ ᠭᠡᠭᠦ ᠯᠠ ᠪᠣᠯᠳᠤᠭᠠᠢ︕ ᠪᠦᠭᠦ ᠶᠢ ᠨᠢ ᠳᠠᠭᠤᠷᠢᠶᠠᠭᠰᠠᠨ ᠪᠣᠠᠳᠤᠭᠤᠷ ᠪᠣᠠᠳᠤᠭᠤᠷ ᠵᠠᠭᠵᠠᠭᠠᠮᠠᠯ ᠳᠠᠰᠭᠢᠨᠠ ᠣᠷᠭᠤᠳᠤᠭᠠᠢ︕ ᠳᠡᠮᠡᠭᠡᠨ ᠰᠦᠷᠦᠭ᠌ ᠢᠳᠡᠭᠦ ᠳᠡᠭᠡᠨ ᠳᠠᠷᠭᠤᠨ ᠪᠣᠯᠳᠤᠭᠠᠢ ︕ ᠬᠤᠵᠢᠷᠰᠢᠳᠠᠭ ᠦᠭᠡᠶ ᠪᠣᠯᠳᠤᠭᠠᠢ ︕ ᠶᠠᠭᠤᠨ ᠳᠤ ᠭᠡᠭᠦᠯᠡ ᠪᠣᠷᠤ ᠡᠮᠡᠭᠡᠨ ᠶᠠᠷᠤᠨᠢ ᠳᠠᠷᠭᠤᠨ ᠭᠦᠮᠤᠨ ᠪᠢᠯᠠ᠂ ᠠᠮᠳᠠᠳᠠᠢ ᠴᠠᠢ ᠶᠡᠭᠡ ᠣᠤᠭᠤᠳᠠᠭ ᠭᠦᠮᠤᠨ ᠪᠢᠯᠠ ᠭᠡᠯᠳᠡᠭᠡᠳ ᠳᠤᠷᠠᠰᠬᠤ ᠪᠣᠯᠳᠤᠭᠠᠢ︕ ᠳᠡᠭ᠍ᠷᠢ ᠦᠷᠤᠰᠢᠶᠠ᠂ ᠭᠠᠵᠠᠷ ᠢᠪᠠᠭᠡ︕ ᠭᠦᠪᠠᠭᠦᠨ ᠤ ᠮᠢᠨᠢ ᠨᠠᠷᠠ ᠶᠢ ᠮᠥᠩᠭᠡᠯᠡᠭᠦ ᠶᠢᠨ ᠲᠦᠯᠦᠭᠡᠨ ᠳᠤ ᠳᠡᠮᠡᠭᠡᠨ ᠰᠡᠭᠦᠯ ᠶᠠᠷᠤᠨᠢ ᠭᠠᠵᠠᠷ ᠪᠦᠭᠦᠨ ᠳᠤ ᠣᠯᠠᠨ ᠣᠷᠭᠤᠳᠤᠭᠠᠢ︕ ᠭᠡᠦᠭᠡᠨ ᠤ ᠮᠢᠨᠢ ᠳᠤᠷᠠᠳᠠᠢ ᠫᠠᠢ᠌ᠳᠠᠢ ᠶᠢᠨ ᠴᠡᠴᠡᠭ᠌ ᠳᠡᠮᠡᠭᠡᠨ ᠰᠡᠭᠦᠯ ᠳᠤ ᠵᠡᠭᠦᠭ᠍ᠳᠡᠭᠦ ᠪᠣᠯᠳᠤᠭᠠᠢ︕ ᠳᠡᠭ᠍ᠷᠢ ᠦᠷᠤᠰᠢᠶᠠ᠂ ᠭᠠᠵᠠᠷ ᠢᠪᠠᠭᠡ︕ ᠬᠠᠷᠠ ᠰᠠᠨᠠᠭᠠᠳᠠᠨ ᠤ ᠳᠠᠷᠤᠯᠭᠠ ᠪᠣᠯᠵᠤ ᠬᠠᠳᠬᠤᠭᠠᠴᠢ ᠨᠢ ᠣᠯᠠᠨ ᠪᠣᠯᠳᠤᠭᠠᠢ︕ ᠬᠠᠯᠠᠭᠤᠨ ᠠᠮᠢ ᠶᠢ ᠣᠷᠳᠤ ᠪᠣᠯᠭᠠᠬᠤ ᠶᠢᠨ ᠪᠠᠯᠭᠡᠳᠡᠯ ᠦᠨᠳᠦᠰᠦ ᠨᠢ ᠰᠦᠯᠵᠢᠶᠠ ᠪᠣᠯᠳᠤᠭᠠᠢ︕ ᠴᠠᠭᠯᠠᠰᠢ ᠦᠭᠡᠶ ᠣᠯᠠᠨ ᠮᠠᠯ ᠤᠨ ᠳᠡᠵᠢᠭᠡᠯ ᠪᠣᠯᠵᠤ ᠡᠷᠭᠢᠮᠨᠡᠭ᠍ᠳᠡᠵᠤ ᠶᠠᠪᠣᠬᠤ ᠪᠣᠯᠳᠤᠭᠠᠢ ︕ ᠳᠡᠭ᠍ᠷᠢ ᠦᠷᠤᠰᠢᠶᠠ᠂ ᠭᠠᠵᠠᠷ ᠢᠪᠠᠭᠡ︕》 ᠭᠡᠵᠤ ᠪᠣᠷᠪᠢ ᠳᠡᠭᠠᠨ ᠭᠢᠵᠤ ᠶᠠᠪᠣᠭᠰᠠᠨ ᠠᠢ᠌ᠷᠠᠭ ᠶᠢᠡᠨ ᠭᠠᠷᠭᠠᠵᠤ ᠳᠡᠭ᠍ᠷᠢ ᠭᠠᠵᠠᠷ ᠲᠤ ᠰᠠᠴᠤᠯᠢ ᠡᠷᠭᠦᠭᠡᠳ ᠣᠭᠢᠯᠠᠭᠠᠤᠨ ᠪᠠᠢ᠌ᠬᠤᠯᠠ ᠡᠴᠢᠭᠡ ᠳᠡᠭ᠍ᠷᠢ ᠦᠷᠤᠰᠢᠶᠠᠵᠤ᠂ ᠡᠭᠡ ᠭᠠᠵᠠᠷ ᠢᠪᠠᠭᠡᠭᠡᠳ ᠠᠭᠠᠷ ᠲᠤ ᠮᠦᠨ ᠳᠤᠤᠷᠠ ᠪᠠᠨ ᠬᠤᠪᠢᠷᠠᠯᠳᠠ ᠭᠠᠷᠴᠤ ᠳᠤᠯᠠᠭᠠᠷᠠᠭᠠᠤᠨ᠂ ᠭᠦᠷ ᠮᠦᠨᠳᠤᠷ ᠬᠠᠢ᠌ᠯᠠᠭᠠᠤᠨ ᠭᠦᠯᠳᠡᠵᠤ ᠥᠭᠦᠭ᠍ᠰᠡᠨ ᠳᠡᠮᠡᠭᠡᠳ ᠨᠢ ᠠᠮᠢᠳᠤᠷᠠᠨ ᠪᠣᠰᠴᠤ ᠭᠦᠶᠦᠯᠳᠤᠨ ᠴᠤᠭᠯᠠᠷᠠᠭᠠᠤᠨ ᠭᠡᠷ ᠳᠠᠯᠠ ᠪᠠᠨ ᠬᠠᠷᠢᠪᠠ ᠭᠡᠨᠡ᠃ ᠮᠦᠨ ᠳᠡᠷᠡᠭᠡᠨ ᠵᠠᠭᠤᠷᠠ ᠳᠠᠯᠠ ᠭᠦᠳᠡᠭᠡ ᠪᠠᠷ ᠳᠦᠭᠦᠷᠡᠩ ᠳᠡᠮᠡᠭᠡᠨ ᠰᠡᠭᠦᠯ ᠭᠡᠳᠡᠭ᠌ ᠬᠠᠷᠠᠭᠠᠨᠠ ᠣᠷᠭᠤᠭᠠᠤᠨ ᠪᠣᠷᠤ ᠡᠮᠡᠭᠡᠨ ᠤ ᠵᠥᠩᠨᠡᠭ᠍ᠰᠡᠨ ᠶᠤᠰᠤᠭᠠᠷ ᠭᠠᠩᠬᠤᠭᠠᠤᠨ ᠪᠠᠢ᠌ᠪᠠ ᠭᠡᠨᠡ᠃ ᠢᠩᠭᠡᠭᠡᠳ ᠪᠣᠷᠤ ᠡᠮᠡᠭᠡᠨ ᠪᠣᠴᠠᠬᠤ ᠵᠠᠮ ᠳᠠᠭᠠᠨ ᠄ 《ᠦᠨᠡᠨ ᠭᠦᠳᠡᠯᠮᠦᠷᠢ ᠡᠵᠡᠨ ᠶᠢᠡᠨ ᠳᠡᠵᠢᠭᠡᠨᠡ᠂ ᠢᠷᠠᠭᠤ ᠭᠦᠰᠡᠯᠡᠩ ᠢᠳᠡᠭᠡᠯ ᠶᠢᠡᠷ ᠠᠮᠢᠯᠠᠨᠠ ︕ ᠪᠣᠶᠠᠨ ᠭᠡᠰᠢᠭ᠌ ᠶᠢᠡᠨ ᠳᠠᠭᠤᠳᠠᠭᠠᠤᠨ ᠪᠠᠢ᠌ᠶᠠ᠂ ᠭᠤᠮᠤᠳᠠᠭᠠᠵᠤ ᠪᠣᠯᠬᠤ ᠦᠭᠡᠶ︕》 ᠭᠡᠵᠤ ᠬᠠᠷᠭᠤᠯᠳᠤᠭᠰᠠᠨ ᠪᠦᠭᠦᠨ ᠳᠡᠭᠡᠨ ᠶᠠᠷᠢᠭᠠᠤᠨ ᠭᠦᠭᠡᠷᠦᠭᠡᠳ ᠶᠠᠪᠣᠭᠰᠠᠨ ᠭᠡᠳᠡᠭ᠌ ᠪᠢᠯᠠ᠃
ᠬᠨ︕ ᠳᠤᠮᠤᠭ ᠲᠡᠶ ᠳᠤᠤᠯᠢᠰ ᠲᠡᠶ ᠳᠡᠮᠡᠭᠡᠨ ᠰᠡᠭᠦᠯ᠂ ᠳᠡᠵᠢᠭᠡᠯ ᠲᠡᠶ ᠰᠢᠮᠠ ᠲᠡᠶ ᠮᠠᠯ ᠤᠨ ᠪᠣᠷᠳᠤᠭᠠ︕ ᠪᠣᠳᠤᠬᠤ ᠳᠤ ᠴᠠᠭᠠᠨᠠ ᠪᠠᠨ ᠵᠠᠩᠭ᠋ᠠᠷᠯᠢᠭ ᠪᠣᠮᠪᠠ ᠶᠢᠨ ᠣᠷᠤᠨ ᠤ ᠮᠢᠨᠢ ᠣᠷᠭᠤᠮᠠᠯ ᠠᠵᠠᠢ᠃
ᠲ᠋ᠡᠮᠡᠭᠡᠨ ᠰᠡᠭᠦᠯ᠂ ᠳᠡᠮᠡᠭᠡᠨ ᠰᠡᠭᠦᠯ ᠮᠢᠨᠢ︕ ᠳᠡᠭᠦᠨ ᠳᠤ ᠬᠠᠳᠠ ᠶᠢᠨ ᠳᠤᠰᠢᠯ ᠰᠢᠭ ᠠᠮᠳᠠᠯᠢᠭ ᠵᠢᠮᠢᠰ ᠪᠠᠢ᠌ᠭᠠ ᠦᠭᠡᠶ ᠴᠤ ᠪᠣᠳᠠ ᠰᠢᠭᠢᠷᠠ ᠮᠠᠯ ᠤᠨ ᠬᠠᠵᠠᠭᠠᠤᠨ ᠳᠠᠰᠤᠴᠢᠭᠠᠤᠨ ᠢᠳᠡᠭᠦ ᠪᠦᠴᠢᠷ ᠨᠠᠮᠠᠭᠠ ᠲᠡᠶ ᠪᠢᠯᠠ᠃ ᠬᠤᠳᠠ ᠳᠤ ᠰᠠᠭᠯᠠᠷᠠᠬᠤ ᠣᠠᠵᠢᠭᠠᠷ ᠣᠳᠠ ᠰᠢᠭ ᠭᠤᠸᠠ ᠳᠦᠷᠭᠦ ᠶᠢ ᠵᠠᠶᠠᠭᠠᠨ ᠳᠠᠭᠠᠨ ᠭᠦᠷᠳᠡᠭ᠍ᠰᠡᠨ ᠦᠭᠡᠶ ᠴᠤ ᠥᠵᠡᠭᠦ ᠳᠤ ᠡᠭᠡᠯ᠂ ᠬᠠᠷᠠᠬᠤ ᠳᠤ ᠪᠣᠷᠤᠭᠵᠢᠭᠤᠨ᠂ ᠴᠦᠯ ᠳᠤ ᠴᠢᠳᠠᠳᠠᠭ ᠣᠷᠭᠤᠮᠠᠯ ᠪᠢᠯᠠ᠃ ᠥᠨᠡᠭᠡᠷ ᠴᠤ ᠬᠠᠷᠭᠠᠨᠠ ᠶᠢᠨ ᠳᠤᠳᠤᠷᠠᠭᠢ 《ᠭᠦᠳᠡᠭᠡ ᠶᠢᠨ ᠪᠠᠭᠠᠳᠤᠷᠯᠢᠭ ᠪᠦᠰᠡᠭᠦᠢ》 ᠮᠦᠨ ᠪᠢᠯᠠ︕ ᠡᠪᠦᠯ ᠳᠤ ᠮᠠᠯ ᠤᠨ ᠦᠯ᠂ ᠬᠠᠪᠣᠷ ᠲᠤ ᠡᠪᠠᠰᠤᠨ ᠤ ᠣᠷᠤ ᠪᠢᠯᠠ᠃ ᠭᠦᠢᠳᠡᠨ ᠳᠤ ᠮᠠᠯ ᠤᠨ ᠨᠦᠮᠦᠷᠢ᠂ ᠰᠢᠭᠤᠷᠭᠠᠨ ᠳᠤ ᠳᠤᠯᠠᠭᠠᠨ ᠬᠠᠯᠬᠠᠪᠴᠢ ᠪᠢᠯᠠ᠃ ᠶᠤᠰᠤᠳᠠᠢ ᠭᠠᠵᠠᠷ ᠤᠨ ᠳᠤᠷᠭᠠᠨ ᠭᠦᠡᠵᠢᠯᠡ᠂ ᠭᠦᠪᠦᠩ ᠲᠡᠶ ᠳᠤᠯᠠᠭᠠᠨ ᠭᠦᠡᠵᠢᠯᠡ ᠭᠡᠵᠤ ᠮᠠᠳᠠ᠃ ᠳᠠᠷᠠ ᠪᠠᠢ᠌ᠭᠰᠠᠨ ᠭᠠᠵᠠᠷ ᠲᠤ ᠮᠠᠯ ᠳᠠᠷᠭᠤᠨ ᠭᠡᠵᠤ ᠪᠣᠳᠤ᠃ ᠳᠠᠷᠠᠴᠢᠯᠠᠨ ᠳᠡᠮᠡᠭᠡᠨ ᠰᠡᠭᠦᠯ ᠳᠤ ᠡᠮ ᠤᠨ ᠣᠢ᠌ᠯᠠᠳᠤᠯ ᠲᠡᠶ ᠭᠡᠵᠤ ᠡᠷᠳᠡᠨ ᠤ ᠮᠤᠩᠭ᠋ᠤᠯᠴᠤᠳ ᠢᠯᠡᠷᠡᠭᠦᠯᠵᠡᠢ ᠭᠡᠨᠡ᠃ ᠮᠠᠯ ᠤᠨ ᠭᠠᠯ ᠤᠨ ᠰᠢᠷᠬᠠ ᠶᠢ ᠳᠡᠮᠡᠭᠡᠨ ᠰᠡᠭᠦᠯ ᠤᠨ ᠦᠨᠳᠦᠰᠦᠨ ᠤ ᠦᠨᠡᠰᠤ ᠲᠡᠶ ᠨᠠᠢ᠌ᠷᠠᠭᠤᠯᠤᠭᠰᠠᠨ ᠵᠤᠷᠬᠠᠨ ᠤ ᠳᠤᠰᠤ ᠪᠠᠷ ᠰᠢᠪᠰᠢᠨ ᠡᠮᠨᠡᠪᠠᠯ ᠳᠦᠷᠭᠡᠨ ᠡᠳᠡᠭᠡᠨᠡ ᠭᠡᠯᠡ᠃ ᠭᠦᠮᠤᠨ ᠤ ᠳᠤᠯᠤᠭᠠᠢ ᠶᠢᠨ ᠬᠤᠵᠢᠭᠠᠷ ᠭᠡᠮ ᠢ ᠪᠣᠴᠠᠯᠭᠠᠵᠤ ᠰᠢᠷᠭᠢᠭᠡᠭᠡᠳ ᠣᠩᠭᠢ ᠶᠢ ᠨᠢ ᠠᠪᠣᠭᠠᠤᠨ ᠬᠠᠭᠤᠴᠢᠨ ᠰᠢᠷᠠ ᠳᠤᠰᠤ ᠲᠡᠶ ᠬᠤᠯᠢᠵᠤ ᠳᠦᠷᠭᠢᠭᠦ ᠵᠠᠰᠠᠯ ᠭᠢᠭᠦᠯᠡ ᠦᠷᠡ ᠳ᠋ᠦ᠋ᠩ ᠨᠢ ᠰᠠᠢ᠌ᠨ ᠪᠣᠯᠤᠨᠠ ᠭᠡᠯᠡ᠃
ᠲ᠋ᠡᠮᠡᠭᠡᠨ ᠰᠡᠭᠦᠯ ᠣᠳᠤ ᠣᠯᠤᠰ ᠤᠨ ᠬᠠᠮᠠᠭᠠᠯᠠᠯᠳᠠ ᠳᠤ ᠣᠷᠤᠭᠰᠠᠨ ᠣᠷᠭᠤᠮᠠᠯ ᠪᠣᠯᠵᠤ ᠪᠠᠢ᠌ᠨᠠ᠃ ᠳᠠᠯᠠ ᠶᠢᠨ ᠮᠠᠯᠴᠢᠳ ᠦᠪᠡᠷ ᠤᠨ ᠡᠵᠡᠩᠨᠡᠯᠳᠡ ᠶᠢᠨ ᠪᠠᠯᠴᠢᠭᠡᠷ ᠳᠠᠭᠢ ᠡᠪᠠᠰᠤ ᠣᠷᠭᠤᠮᠠᠯ᠂ ᠬᠠᠳᠠ ᠴᠢᠯᠠᠭᠤ᠂ ᠣᠰᠤ ᠬᠠᠷᠠᠵᠠ ᠪᠠᠨ ᠬᠠᠤᠯᠢ ᠶᠤᠰᠤᠭᠠᠷ ᠬᠠᠮᠠᠭᠠᠯᠠᠨ ᠠᠰᠢᠭᠯᠠᠵᠤ ᠪᠠᠢ᠌ᠨᠠ᠃ ᠣᠯᠤᠰ ᠤᠨ ᠣᠢ ᠰᠢᠭᠤᠢ ᠶᠢᠨ ᠴᠠᠭᠳᠠᠭᠠ ᠳᠡᠮᠡᠭᠡᠨ ᠰᠡᠭᠦᠯ ᠢ ᠣᠠᠳᠤᠤ ᠡᠪᠠᠰᠤ ᠣᠷᠭᠤᠮᠠᠯ᠂ ᠮᠤᠳᠤ ᠴᠢᠯᠠᠭᠤ᠂ ᠠᠩ ᠠᠮᠢᠳᠠᠨ ᠲᠡᠶ ᠠᠳᠠᠯᠢ ᠬᠠᠮᠠᠭᠠᠯᠠᠵᠤ᠂ ᠠᠮᠢ ᠨᠠᠰᠤ ᠶᠢ ᠨᠢ ᠪᠠᠳᠤᠯᠠᠵᠤ ᠪᠠᠢ᠌ᠨᠠ᠃ ᠳᠡᠮᠡᠭᠡᠨ ᠰᠡᠭᠦᠯ ᠬᠠᠮᠠᠭᠠᠯᠠᠯᠳᠠ ᠶᠢᠨ ᠡᠷᠭᠡ ᠪᠠᠨ ᠡᠳ᠋ᠯᠡᠭ᠍ᠰᠡᠨ ᠳᠡᠭᠡᠨ ᠣᠮᠤᠭᠰᠢᠭᠠᠤᠨ ᠨᠤᠭᠤᠭᠠᠷᠠᠨᠠ᠃ ᠳᠡᠭᠦᠨ ᠢ ᠣᠳᠤ ᠭᠦᠮᠦᠰ ᠭᠡᠳᠡᠮ ᠶᠢᠡᠷ ᠴᠠᠪᠴᠢᠵᠤ ᠬᠠᠰᠢᠶᠠ ᠬᠤᠷᠤᠭᠠ ᠶᠢᠨ ᠣᠷᠤᠢ ᠳᠠᠷᠤᠬᠤ ᠪᠠᠨ ᠣᠭᠤᠷᠠᠯᠠ᠃ ᠬᠠᠯᠬᠠᠪᠴᠢ ᠰᠠᠷᠠᠪᠴᠢ ᠶᠢᠨ ᠰᠢᠪᠠᠭᠡ ᠭᠢᠭᠦ ᠪᠠᠨ ᠣᠭᠤᠷᠤᠯᠠ᠃ ᠲᠦᠯᠡᠭᠡ ᠭᠢᠭᠦ ᠪᠠᠷ ᠠᠴᠢᠭᠠᠤᠨ ᠵᠥᠭᠡᠭᠡᠭᠦ ᠪᠠᠨ ᠪᠠᠢ᠌ᠯᠠ᠃ ᠳᠣᠢ᠌ᠮᠠᠷ ᠠᠯᠳᠠᠭᠠᠤᠨ ᠭᠡᠨᠡᠨ ᠠᠭᠠᠰᠢᠯᠠᠬᠤ ᠨᠢ ᠬᠤᠪᠣᠷᠳᠠᠯᠠ᠃ ᠰᠤᠨᠤᠰᠬᠤ ᠳᠤ ᠵᠠᠷᠢᠮ ᠨᠢᠭᠡᠴᠡ ᠳᠡᠮᠡᠭᠡᠨ ᠰᠡᠭᠦᠯ ᠢ ᠬᠠᠮᠢᠭᠠ ᠳᠠᠷᠢᠬᠤᠯᠠ ᠪᠦᠷ ᠣᠷᠭᠤᠵᠤ ᠴᠢᠳᠠᠨᠠ ᠭᠡᠳ ᠴᠡᠴᠡᠷᠯᠢᠭ᠌᠂ ᠬᠠᠰᠢᠶᠠ᠂ ᠳᠠᠴᠢᠷ ᠭᠠᠵᠠᠷ ᠲᠤ ᠰᠢᠯᠵᠢᠭᠦᠯᠤᠨ ᠳᠠᠷᠢᠬᠤ ᠲᠦᠯᠦᠪᠯᠡᠭᠡ ᠳᠤ ᠣᠷᠤᠭᠤᠯᠵᠤ ᠪᠠᠢ᠌ᠨᠠ᠃ ᠳᠡᠭᠡᠪᠠᠯ ᠳᠠᠷᠠ ᠨᠤᠭᠤᠭᠠᠨ ᠬᠠᠷᠭᠠᠢ᠂ ᠰᠠᠭᠯᠠᠭᠠᠷ ᠣᠳᠠ ᠲᠡᠶ ᠠᠳᠠᠯᠢ ᠨᠤᠭᠤᠭᠠᠷᠠᠭᠤᠯᠬᠤ ᠣᠷᠭᠤᠮᠠᠯ ᠤᠨ ᠳᠦᠷᠤᠯ ᠵᠣᠢ᠌ᠯ ᠳᠤ ᠬᠠᠷᠢᠶᠠᠳᠤᠬᠤ ᠣᠠᠴᠠ ᠡᠷᠭᠡ ᠶᠢ ᠣᠯᠬᠤ ᠪᠣᠯᠤᠯᠴᠠᠭᠠ ᠲᠡᠶ ᠶᠤᠮ ᠪᠠᠢ᠌ᠨᠠ᠃
ᠦᠯᠵᠡᠢ ᠣᠷᠤᠰᠢᠭ︕ ᠳᠠᠷᠠ ᠶᠠᠷᠤᠨᠢ ᠣᠴᠢᠷ ᠦᠭᠡᠶ ᠣᠷᠳᠤ ᠨᠠᠰᠤᠳᠤ ᠨᠤᠭᠤᠭᠠᠨ ᠠᠮᠢ ᠮᠦᠨ᠃ ᠣᠯᠠᠨ ᠣᠷᠭᠤᠭ︕
ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶᠢᠭ ᠄ ᠰᠢᠠᠵᠢᠶᠠᠩ ᠤᠨ ᠬᠤᠪᠣᠭᠰᠠᠢ᠌ᠷ
ᠵᠤᠬᠢᠶᠠᠭᠴᠢ᠄ ᠳ᠋·ᠨᠠᠮᠵᠠᠪ
ᠢᠷᠡᠯᠲᠡ᠄ ᠢᠷᠡᠭᠦᠯᠦᠭᠰᠡᠨ ᠡᠬᠡ ᠪᠢᠴᠢᠭ᠌
ᠬᠠᠷᠢᠶᠠ᠄
ᠨᠠᠢᠷᠠᠭᠤᠯᠤᠯᠳᠠᠷᠤᠮ᠄ 6164
ᠴᠠᠭ᠄ 2010 ᠤᠨ ᠤ 12 ᠰᠠᠷᠠ ᠶᠢᠨ 31
ᠨᠠᠢ᠌ᠷᠠᠭᠤᠯᠤᠭᠴᠢ᠄ ᠪᠦᠬᠡᠡᠷᠳᠡᠨᠢ